Hacı Əliyev
Hacı Azər oğlu Əliyev (d. 21 aprel 1991; Naxçıvan, Azərbaycan SSR) — Azərbaycanlı sərbəst güləşçi. 2010-cu ildən Azərbaycan yığmasında çıxış edir. Hacı Əliyev 2014-cü ildə Daşkənddə, 2015-ci ildə Las-Veqasda, 2017-ci ildə isə Parisdə baş tutan Dünya Çempionatının qalibi olub. 2014-cü ilin Avropa çempionu olan Hacı Əliyev 2015-ci ildə I Avropa Oyunlarının və 2016-cı ildə XXXI Yay Olimpiya Oyunlarının bürünc medalçısı olub.
Hacı Əliyev | |
---|---|
| |
Şəxsi məlumatlar | |
Tam adı | Hacı Azər oğlu Əliyev |
Vətəndaşlığı | Azərbaycan |
Doğum tarixi | |
Doğum yeri | Naxçıvan, Azərbaycan SSR |
Karyera illəri | 1999–indiyə kimi |
Boyu | 170 sm. |
Çəkisi | 67 kq. |
İdman növü | Güləş |
İdman dərəcəsi | |
Hacı Əliyev 2015-ci ildə "Tərəqqi" medalı, 2016-cı ildə isə "Azərbaycan Respublikası Prezidentinin" Fəxri diplomu ilə təltif edilib. O, həmdə 2014, 2015 və 2016-cı illərdə Gənclər və İdman Nazirliyinin təsis etdiyi "İlin ən yaxşıları" mükafatına layiq görülüb
Həyatı
Hacı Əliyev 21 aprel 1991-ci ildə Naxçıvan şəhərində anadan olub. Hacı Əliyev 1999-cu ildə Elman Əzimzadənin rəhbərliyi altında güləşlə məşğul olmağa başladı. 1997-2008-ci illərdə Naxçıvan şəhərində yerləşən 12 nömrəli tam orta məktəbdə təhsil alan Hacı Əliyev 2008-2012-ci illərdə Azərbaycan Dövlət Bədən Tərbiyəsi və İdman Akademiyasında (ADBTDİ) ali təhsil alıb. Hacı Əliyev azərbaycan və rus dillərində danışır.
Hacı Əliyevin böyük qardaşı Yaşar Əliyev də sərbəst güləşlə məşğul olur. Yaşar Əliyev 2013-cü ildə Avropa Çempionatında bürünc medal qazanıb.
Hacı Əliyev 2014-cü ildə ailə həyatı qurub. 2015-ci ildə isə onun Aişə adında qız övladı dünyaya gəlib.
Karyerası
Erkən karyerası
Hacı Əliyev karyerasında birinci yarışına 2008-ci ilin may ayında Türkiyənin Antalya şəhərində baş tutan yeniyetmələr arasında "Qələbə Kuboku" turnirinə qatıldı. Həmin yarışlarda 54 kiloqram çəki dərəcəsində mübarizə aparan Hacı Əliyev turnirin bürünc medalını qazandı.
Bu uğurdan sonra Hacı Əliyev növbəti nailiyyətini Latviyanın Dauqavpils şəhərində keçirilən yeniyetmələr arasında Avropa Çempionatında qazandı. 54 kiloqram çəki dərəcəsində yarışan 17 yaşlı Hacı Əliyev finala gədər bütün rəqiblərini inamla məğlub etsədə, həlledici görüşdə Gürcüstanlı Vladimir Xinçeqaşviliyə uduzdu və Avropa Çempionatının gümüş medalına layiq görüldü. 25 iyulda Azərbaycan Güləş Federasiyasının Prezidenti Fazil Məmmədov Hacı Əliyevdə daxil olmağla, yeniyetmələr arasında Avropa Çempionatında medal qazanan güləşçiləri qəbul etdi. Hacı Əliyev 2008-ci ildə son yarışına Türkiyənin İstanbul şəhərində qatıldı. "Prezident turniri"-ndə mübarizə aparan Hacı Əliyev medalçılar sırasına düşə bilmədi.
2009-cu ildə Hacı Əliyev birinci uğurunu fevral ayında baş tutan gənclər arasında Azərbaycan Çempionatında qazandı. 60 kiloqram çəki dərəcəsində qüvvəsini sınayan Hacı Əliyev finalda Ağahüseyn Muradova məğlub oldu və yarışın gümüş medalına sahib oldu. Mart ayında isə Hacı Əliyev Latviyanın paytaxtı Riqa şəhərində keçirilən beynəlxalq turnirə qatıldı və yarışı 5-ci yerdə başa vurdu.
Hacı Əliyev 2009-cu ildə növbəti nailiyyətlərini daxili yarışlarda imza atdı. O, oktyabr ayında Azərbaycanın Milli Qəhrəmanı Əliyar Əliyevin xatirəsinə həsr olunan gənclər arasında turnirdə bütün rəqibləri üzərində qələbə qazandı və yarışın çempionu oldu. Dekabr ayında isə Hacı Əliyev böyüklər arasında birinci uğuruna imza atdı. O, Azərbaycan Kubokunda bütün rəqiblərini məğlub etdi və turnirin qalibi oldu.
2010—2012
2009-cu ildə Azərbaycan Kubokuna sahib olan 18 yaşlı Hacı Əliyev Azərbaycan yığmasına dəvət olundu. O, 2010-cu ildə birinci yarışına Rusiya Federasiyasının Krasnoyarsk şəhərində keçirilən iki qat Olimpiya çempionu İvan Yarıginin xatirəsinə həsr olunan Qran-Pri turnirinə qatıldı. Həmin yarışlarda Hacı Əliyev medalçılar sırasına düşə bilmədi. Fevral ayında Ukraynanın paytaxtı Kiyev şəhərində baş tutan beynəlxalq turnirdə də qüvvəsini sınayan Hacı Əliyev yenə medalçılar sırasında düşə bilmədi.
2010 Avropa Çempionatı
Aprel ayında isə Hacı Əliyev karyerasında birinci dəfə Avropa Çempionatında qüvvəsini sınadı. Bakı şəhərində baş tutan Avropa Çempionatında 60 kiloqram çəki dərəcəsində mübarizə aparan Hacı Əliyev birinci görüşdə, 1/8 final mərhələsində Almaniya güləşçisi Tim Şlyeyxer ilə qarşılaşdı. Həmin görüşün birinci hissəsində o, məğlub olsada (0:1), ikinci və üçüncü hissələrdə müvafiq olaraq 3:0 və 3:1 hesablı qələbə qazandı və növbəti mərhələyə vəsiqə qazandı. Bu mərhələdə Moldova pəhləvanı Andrey Perpelita ilə üz-üzə gələn Hacı Əliyev gərgin görüşün sonunda rəqibinə məğlub oldu (4:5, 1:0, 0:5) və Avropa Çempionatını 8-ci yerdə başa vurdu.
Avropa Çempionatından sonra Hacı Əliyev daha bir ciddi yarışda mübarizə apardı. O, Azərbaycanın məhrum Prezidenti Heydər Əliyevin xatirəsinə həsr olunan III Qızıl Qran-Pri beynəlxalq turnirində birinci görüşdəcə məğlub oldu və yarışı 17-ci pillədə başa vurdu.
Əsas yarışlarda uğursuz çıxış edən Hacı Əliyev 2010-cu ilin sonlarında iki turnirin qalibi oldu. Noyabr ayında o, Bakı şəhərində keçirilən "Hünər meydanı" turnirində, dekabr ayında isə Gəncə şəhərində İsax Cəfərovun xatirəsinə həsr olunan turnirdə bütün rəqiblərini məğlub etdi və yarışların qızıl medallarını qazandı.
2011-ci il 20 yaşlı Hacı Əliyev üçün digər illərlə müqayisədə uğurlu alındı. Hacı Əliyevin ilin əvvəlində, fevral ayında Bolqarıstanın Burqas şəhərində baş tutan "Dan Kolov və Nikola Petrov" Memorialında 8-ci yeri tutdu. Aprel ayında isə Hacı Əliyev yeniyetmə və gənclər arasında keçirilən Azərbaycan Güləş Federasiyasının (AGF) Kuboku uğrunda beynəlxalq yarışın finalında Toğrul Əsgərova uduzdu və turnirin gümüş medalına layiq görüldü.
May ayında Hacı Əliyev Dağıstanın Mahaçqala şəhərində keçirilən Əli Əliyevin xatirəsinə həsr olunan beynəlxalq turnirdə qüvvəsini sınadı. Həmin yarışlarda Hacı Əliyev medalçılar sırasına düşə bilmədi. İyun ayında isə Hacı Əliyev karyerasında daha bir ciddi uğura imza atdı. O, Serbiyanın Zrenyanin şəhərində baş tutan yeniyetmələr arasında Avropa Çempionatında finala gədər Macarıstan güləşçisi Jozef Molnarı (3:0, 7:0) və Gürcüstan pəhləvanı Tenqiz Çoçişvilini (1:0, 1:0) məğlub etsədə, həlledici qarşılaşmada Türkiyəli Ömər Uzana gərgin görüşün sonunda uduzdu (0:1, 2:0 və 0:1) və Avropa Çempionatının gümüş medalına sahib oldu.
Oktyabr ayında Hacı Əliyev ilin sonuncu yarışına qatıldı. O, Çeçenistanln paytaxtı Qroznı şəhərində keçirilən və Prezident Ramzan Kadırov xatirəsinə həsr olunan beynəlxalq "Ramzan Kadırov Kuboku" turnirində mübarizə apardı. Hacı Əliyev bu yarışlarda iki qat Avropa çempionu, Rusiya güləşçisi Opan Satı və digər Rusiya pəhləvanı Albert Kairçanovu məğlub etdi və finala adladı. Həlledici görüşdə isə Hacı Əliyev Rusiyalı Əhməd Çakayevə uduzdu və "Ramzan Kadırov Kuboku" turnirinin gümüş medalına sahib oldu.
2013—2016
2013 Avropa Çempionatı
Kazan Universiadası
2013 Dünya Çempionatı
2014 Avropa Çempionatı
I Avropa Oyunları
2015 Dünya Çempionatı
2016 Avropa Çempionatı
Rio-de-Janeyro Olimpiadası
Hacı Əliyev 2016-cı ildə əsas yarışına Braziliyanın Rio-de-Janeyro şəhərində keçirilən XXXI Yay Olimpiya Oyunları çərçivəsində qatıldı. 57 kiloqram çəki dərəcəsində mübarizə aparan Hacı Əliyev birinci görüşdə Cənubi Koreya güləşçisi Yun Jun-Sik ilə qarşılaşdı. Həmin görüşdə Əliyev 12:2 hesabı ilə vaxtından əvvəl qələbə qazandı. 1/4 final mərhələsində isə Hacı Əliyev Gürcüstan pəhləvanı, Dünya və Avropa çempionu, London Olimpiadasının gümüş medalçısı Vladimir Xinçeqaşvili ilə üz-üzə gəldi. Gərgin idman mübarizəsində Əliyev 3:5 hesabı ilə rəqibinə uduzdu. Amma Xinçeqaşvili finala vəsiqə qazandıqından Hacı Əliyev təsəlliverici qrupda mübarizə apardı. Əliyev birinci görüşdə Qazaxıstan nümayəndəsi Nurislam Sanayev ilə qarşılaşdı. Bərabər səviyyədə baş tutan görüşdən Hacı Əliyev qələbə ilə ayrıldı, 10:8 və həlledici görüşə vəsiqə qazandı. Bu görüşdə Əliyev Bolqarıstan güləşçisi Vladimir Dubovla üz-üzə gəldi. Hacı Əliyev görüş boyu Dubovdan üstün təsir bağışlayaraq 5:4 hesabı ilə görüşün qalibi oldu və Rio-de-Janeyro Olimpiadasının bürünc medalını qazandı.
2017—2020-ci illər
Fevralın 8-də IV İslam Həmrəyliyi Oyunlarının idmançı səfirlərinin adları açıqlandı. 13 səfir sırasında iki dəfə Dünya çempionu olan Hacı Əliyevdə yer aldı. Fevralın 15-i isə İranın Kermanşah şəhərində baş tutacaq Dünya Kuboku üçün sərbəst güləş üzrə Azərbaycan yığmasının heyəti müəyyən oldu. Yığmanın baş məşqçisi Firdovsi Umudov 65 kiloqram çəki dərəcəsində Hacı Əliyevə və Məhəmməd Müslümova etimad göstərdi. Azərbaycan yığması turnirin "A" qrupunda mübarizə aparadı və birinci görüşdə Rusiya güləşçiləri ilə qarşılaşdı. Həmin qarşılaşmada Hacı Əliyev Rusiyalı Avropa çempionu Alan Qoqayevi 2:1 hesabı ilə məğlub etdi. Ümumi görüş 4:4 hesabı ilə başa çatsa da, əlavə göstəricilərə görə Azərbaycan yığması qələbə qazandı. Növbəti qarşılaşmada Gürcüstan yığması ilə üz-üzə gələn Azərbaycan güləşçiləri 5:3 hesablı qələbə qazandı. Görüşdə İveriko Julakidze ilə qarşılaşan Hacı Əliyev 12:0 hesablı asan qələbə qazandı. Sonuncu, üçüncü turda Hacı Əliyev Birləşmiş Ştatların nümayəndəsi Frank Molinaro üzərində 4:1 hesabı ilə qələbə qazansa da, Azərbaycan yığması rəqiblərinə məğlub oldu və bürünc medal uğrunda görüşə vəsiqə qazandı.
IV İslam Həmrəyliyi Oyunları
Hacı Əliyev
Uğurları
Sıra | İl | Yarış | Şəhər | Nəticə |
---|---|---|---|---|
2008 | "Qələbə Kuboku" turniri | Antalya | ||
Yeniyetmələrin Avropa Çempionatı | Dauqavpils | |||
2009 | Gənclərin Azərbaycan Çempionatı | Bakı | ||
Gənclərin "Əliyar Əliyev" Memorialı | Bakı | |||
Azərbaycan Kuboku | Bakı | |||
2010 | Avropa Çempionatı | Bakı | ||
"Qızıl Qran-Pri" turniri | Bakı | |||
"Hünər meydanı" turniri | Bakı | |||
"İsax Cəfərov" Memorialı | Gəncə | |||
2011 | "Dan Kolov və Nikola Petrov" Memorialı | Burqas | ||
AGF Kuboku | Bakı | |||
Yeniyetmələrin Avropa Çempionatı | Zrenyanin | |||
"Ramzan Kadırov Kuboku | Qroznı | |||
2012 | "Kiyev" turniri | Kiyev | ||
2012 | Dünya Kuboku | Bakı | ||
2012 | "Almaniya Qran-Prisi" turniri | Dortmund |
Dövlət təltifləri
- "Tərəqqi" medalı (29 iyun 2015) — I Avropa Oyunlarında qazandığı bürünc medala görə.
- "Azərbaycan Respublikası Prezidentinin" Fəxri diplomu (1 sentyabr 2016) — XXXI Yay Olimpiya Oyunlarında qazandığı bürünc medala görə.
Fərdi mükafatları
- Gənclər və İdman Nazirliyinin versiyasına görə 2014-cü il "İlin ən yaxşıları" mükafatı.
- Gənclər və İdman Nazirliyinin versiyasına görə 2015-ci il "İlin ən yaxşıları" mükafatı.
- Gənclər və İdman Nazirliyinin versiyasına görə 2016-cı il "İlin ən yaxşıları" mükafatı.
Görüşlərinin siyahısı
Sıra | Tarix | Rəqib | Hesab | Yarış | Şəhər | Qeyd |
---|---|---|---|---|---|---|
14-04-2010 | Tim Şleyxer | 6:2 | 2010 Avropa Çempionatı | Bakı, Azərbaycan | 1/8 final mərhələsi | |
14-04-2010 | Andrey Perpelita | 5:10 | 2010 Avropa Çempionatı | Bakı, Azərbaycan | 1/4 final mərhələsi | |
20-03-2013 | Jozsef Molnar | 9:0 | 2013 Avropa Çempionatı | Tbilisi, Gürcüstan | 1/8 final mərhələsi | |
20-03-2013 | Vladimir Xinçeqaşvili | 7:6 | 2013 Avropa Çempionatı | Tbilisi, Gürcüstan | 1/4 final mərhələsi | |
17-09-2013 | Məsud İsmayılpur | 7:9 | 2013 Dünya Çempionatı | Budapeşt, Macarıstan | 1/16 final mərhələsi | |
09-09-2014 | Vasil Şuptar | 14:2 | 2014 Dünya Çempionatı | Daşkənd, Özbəkistan | 1/16 final mərhələsi | |
09-09-2014 | Krzisztof Bienkovski | 10:0 | 2014 Dünya Çempionatı | Daşkənd, Özbəkistan | 1/8 final mərhələsi | |
09-09-2014 | Andrey Perpelita | 11:0 | 2014 Dünya Çempionatı | Daşkənd, Özbəkistan | 1/4 final mərhələsi | |
09-09-2014 | Yovlis Bonne | 4:2 | 2014 Dünya Çempionatı | Daşkənd, Özbəkistan | 1/2 final mərhələsi | |
09-09-2014 | Məsud İsmayılpur | 12:7 | 2014 Dünya Çempionatı | Daşkənd, Özbəkistan | qızıl medal qazandı | |
11-09-2015 | Andrey Perpelita | 11:2 | 2015 Dünya Çempionatı | Las-Veqas, Birləşmiş Ştatlar | 1/8 final mərhələsi | |
11-09-2015 | Masakazu Kamoy | 6:2 | 2015 Dünya Çempionatı | Las-Veqas, Birləşmiş Ştatlar | 1/4 final mərhələsi | |
11-09-2015 | Vladimir Dubov | 6:2 | 2015 Dünya Çempionatı | Las-Veqas, Birləşmiş Ştatlar | 1/2 final mərhələsi | |
11-09-2015 | Batboldin Nomin | 10:0 | 2015 Dünya Çempionatı | Las-Veqas, Birləşmiş Ştatlar | qızıl medal qazandı |
Həmçinin bax
Mənbələr
Xarici keçidlər
- Vikianbarda Hacı Əliyev ilə əlaqəli mediafayllar var
- Hacı Əliyevin FILA-nın rəsmi saytında profili
- Hacı Əliyevin Azərbaycan Güləş Federasiyasının saytında profili[ölü keçid]
- Hacı Əliyevin rəsmi İnstaqram hesabı
İstinadlar
- ↑ "Hacı Əliyevin FİLA-nın rəsmi saytında profili. (alm.)". www.iat.uni-leipzig.de. İstifadə tarixi: 2 mart 2017.
- "I Avropa Oyunları qaliblərinin və Azərbaycanda idmanın inkişafında xidmətləri olan şəxslərin təltif edilməsi haqqında Azərbaycan Respublikası Prezidentinin 29 iyun 2015-ci il tarixli Sərəncamı. (azərb.)". www.president.az (Azərbaycan Respublikası Prezidenti). İstifadə tarixi: 29 iyun 2015.
- "XXXI Yay Olimpiya Oyunları qaliblərinin və Azərbaycanda idmanın inkişafında xidmətləri olan şəxslərin təltif edilməsi haqqında Azərbaycan Respublikası Prezidentinin 1 sentyabr 2016-cı il tarixli Sərəncamı. (azərb.)". www.president.az (Azərbaycan Respublikası Prezidenti). İstifadə tarixi: 1 sentyabr 2016.
- ↑ "Azərbaycan güləşçiləri Türkiyənin Antalya şəhərində keçirilən beynəlxalq turnirdə uğurlu çıxış edib". www.azertag.az (Azərbaycan Dövlət İnformasiya Agentliyi). İstifadə tarixi: 6 may 2008.
- "Azərbaycanın yeniyetmə idmançıları Avropa Çempionatında qüvvələrini sınayacaqlar". www.azertag.az (Azərbaycan Dövlət İnformasiya Agentliyi). İstifadə tarixi: 9 iyun 2008.
- ↑ "Azərbaycanın yeniyetmə güləşçiləri Avropa Çempionatında daha dörd medal qazabıb". www.azertag.az (Azərbaycan Dövlət İnformasiya Agentliyi). İstifadə tarixi: 26 iyun 2008.
- "Azərbaycan Güləş Federasiyasında gənc idmançılarla görüş keçirilib". www.azertag.az (Azərbaycan Dövlət İnformasiya Agentliyi). İstifadə tarixi: 25 iyul 2008.
- "Azərbaycan pəhləvanları Türkiyənin İstanbul şəhərində keçirilən Prezident turnirində iştirak edəcəkdir". www.azertag.az (Azərbaycan Dövlət İnformasiya Agentliyi). İstifadə tarixi: 23 oktyabr 2008.
- ↑ "Sərbəst güləş üzrə Azərbaycan Çempionatının birinci qalibləri məlum olub". www.azertag.az (Azərbaycan Dövlət İnformasiya Agentliyi). İstifadə tarixi: 20 fevral 2009.
- "Azərbaycan güləşçiləri Latviyanın Riqa şəhərində keçirilən beynəlxalq turnirdə iştirak edəcəklər". www.azertag.az (Azərbaycan Dövlət İnformasiya Agentliyi). İstifadə tarixi: 14 mart 2009.
- "Azərbaycan güləşçiləri Latviyanın Riqa şəhərində keçirilən beynəlxalq turnirdə 2 medal qazanıb". www.azertag.az (Azərbaycan Dövlət İnformasiya Agentliyi). İstifadə tarixi: 23 mart 2009.
- ↑ "Azərbaycanın Milli Qəhrəmanı Əliyar Əliyevin xatirəsinə həsr olunan turnirdə sərbəst güləşçilər arasında qaliblər müəyyən olub". www.azertag.az (Azərbaycan Dövlət İnformasiya Agentliyi). İstifadə tarixi: 11 oktyabr 2009.
- ↑ "Güləş üzrə Azərbaycan Kubokunda 7 çəki dərəcəsi üzrə qaliblər məlum olub". www.azertag.az (Azərbaycan Dövlət İnformasiya Agentliyi). İstifadə tarixi: 19 dekabr 2009.
- "Azərbaycanın güləşçiləri İvan Yarıginin xatirəsinə həsr olunan Qran-Pri turnirində iştirak edəcəkdir". www.azertag.az (Azərbaycan Dövlət İnformasiya Agentliyi). İstifadə tarixi: 26 yanvar 2010.
- "Azərbaycanın sərbəst və qadın güləşçiləri Ukrayanın Kiyev şəhərində beynəlxalq turnirdə iştirak edəcəkdir". www.azertag.az (Azərbaycan Dövlət İnformasiya Agentliyi). İstifadə tarixi: 1 fevral 2010.
- "Bu gün Bakı şəhərində keçirilən güləş üzrə Avropa Çempionatında 60 kq., 74 kq. və 96 kq. çəki dərəcələrində sərbəst güləşçilər yarışacaqlar". www.azertag.az (Azərbaycan Dövlət İnformasiya Agentliyi). İstifadə tarixi: 14 aprel 2010.
- ↑ "Sərbəst güləş üzrə 60 kiloqram çəki dərəcəsində 2010-cu il Avropa Çempionatının nəticələri" (PDF). www.fila.com. İstifadə tarixi: 14 aprel 2010.[ölü keçid]
- "Güləş üzrə "Qızıl Qran-Pri" beynəlxalq turnirinin final mərhələsində iştirak edəcək Azərbaycan yığmasının heyəti açıqlanıb". www.azertag.az (Azərbaycan Dövlət İnformasiya Agentliyi). İstifadə tarixi: 15 iyul 2010.
- ""Hünər meydanı" turnirində yunan-roma və sərbəst güləşçilərinin yarışlarına yekun vurulub". www.azertag.az (Azərbaycan Dövlət İnformasiya Agentliyi). İstifadə tarixi: 13 noyabr 2010.
- "İsax Cəfərovun xatirəsinə həsr olunan sərbəst güləş üzrə turnir keçirilib". www.azertag.az (Azərbaycan Dövlət İnformasiya Agentliyi). İstifadə tarixi: 13 dekabr 2010.
- "Sərbəst güləşçilər Bolqarıstanın [[Burqas|Burqas şəhəri]]ndə keçirilən beynəlxalq turnirdə iştirak edəcəklər". www.azertag.az (Azərbaycan Dövlət İnformasiya Agentliyi). İstifadə tarixi: 22 fevral 2011.
- "Azərbaycan Güləş Federasiyasının Kuboku beynəlxalq turniri başa çatıb". www.azertag.az (Azərbaycan Dövlət İnformasiya Agentliyi). İstifadə tarixi: 25 aprel 2011.
- "Sərbəst güləşçilərimiz Dağıstanın Mahaçqala şəhərində keçirilən Əli Əliyevin xatirəsi həsr olunan turnirə yollanır". www.azertag.az (Azərbaycan Dövlət İnformasiya Agentliyi). İstifadə tarixi: 18 may 2011.
- ↑ "Yeniyetmələr arasında Avropa Çempionatının birinci günündə Azərbaycanın sərbəst güləşçiləri bir dəst medal qazanıb". www.azertag.az (Azərbaycan Dövlət İnformasiya Agentliyi). İstifadə tarixi: 22 iyun 2011.
- "Azərbaycanın yeniyetmə güləşçiləri Serbiyanın Zrenyanin şəhərində Avropa Çempionatında mübarizə aparacaq". www.azertag.az (Azərbaycan Dövlət İnformasiya Agentliyi). İstifadə tarixi: 20 iyun 2011.
- ↑ "Sərbəst güləşçilər Çeçenistan Prezidenti Ramzan Kadırovun xatirəsi həsr olunan beynəlxalq turnirdə yarışacaq". www.azertag.az (Azərbaycan Dövlət İnformasiya Agentliyi). İstifadə tarixi: 8 oktyabr 2011.
- ""Rio-2016"-nın rəsmi saytında 57 kiloqram çəki dərəcəsində kişilərin sərbəst üsulu ilə güləş yarışlarının, 1/8 final mərhələsinin görüşünün nəticəsi / (Hacı Əliyev-Yun Juk-Sik)". www.rio2016.com. İstifadə tarixi: 19 avqust 2016.
- ""Rio-2016"-nın rəsmi saytında 57 kiloqram çəki dərəcəsində kişilərin sərbəst üsulu ilə güləş yarışlarının, 1/4 final mərhələsinin görüşünün nəticəsi / (Vladimir Xinçeqaşvili-Hacı Əliyev)". www.rio2016.com. İstifadə tarixi: 19 avqust 2016.
- ""Rio-2016"-nın rəsmi saytında 57 kiloqram çəki dərəcəsində kişilərin sərbəst üsulu ilə güləş yarışlarının, təsəlliverici qrupunun 1-ci görüşünün nəticəsi / (Nurislam Sanayev-Hacı Əliyev)". www.rio2016.com. İstifadə tarixi: 19 avqust 2016.
- ""Rio-2016"-nın rəsmi saytında 57 kiloqram çəki dərəcəsində kişilərin sərbəst üsulu ilə güləş yarışlarının, bürünc medal uğrunda görüşünün nəticəsi / (Vladimir Dubov-Hacı Əliyev)". www.rio2016.com. İstifadə tarixi: 19 avqust 2016.
- ↑ ""Bakı-2017" IV İslam Həmrəyliyi Oyunlarının idmançı və ulduz səfirləri müəyyənləşib. (azərb.)". www.azertag.az (Azərbaycan Dövlət İnformasiya Agentliyi). İstifadə tarixi: 8 fevral 2017.
- "Sərbəst güləş üzrə Dünya Kuboku üçün Azərbaycan yığmasının heyəti açıqlanıb. (azərb.)". www.azertag.az (Azərbaycan Dövlət İnformasiya Agentliyi). İstifadə tarixi: 15 fevral 2017.
- "I Avropa Oyunları qaliblərinin və Azərbaycanda idmanın inkişafında xidmətləri olan şəxslərin təltif edilməsi haqqında Azərbaycan Respublikası Prezidentinin 29 iyun 2015-ci il tarixli Sərəncamı. (azərb.)". www.president.az (Azərbaycan Respublikası Prezidenti). İstifadə tarixi: 29 iyun 2015.
- "XXXI Yay Olimpiya Oyunları qaliblərinin və Azərbaycanda idmanın inkişafında xidmətləri olan şəxslərin təltif edilməsi haqqında Azərbaycan Respublikası Prezidentinin 1 sentyabr 2016-cı il tarixli Sərəncamı. (azərb.)". www.president.az (Azərbaycan Respublikası Prezidenti). İstifadə tarixi: 1 sentyabr 2016.
Azərbaycan portalı Azərbaycan idmanı portalı Olimpiya Oyunları portalı |