Azərbaycan 2016 Yay Olimpiya Oyunlarında
Azərbaycan — 2016-cı ildə Braziliyanın Rio-de-Janeyro şəhərində baş tutan XXXI Yay Olimpiya Oyunlarında. 5–21 avqust tarixləri arasında Braziliyada baş tutan XXXI Yay Olimpiya Oyunlarında Azərbaycan 56 idmançı ilə 17 idman növündə təmsil olundu.
Azərbaycan Olimpiya Oyunlarında | ||||||||||||
---|---|---|---|---|---|---|---|---|---|---|---|---|
| ||||||||||||
2016 Yay Olimpiya Oyunları Rio de Janeyro | ||||||||||||
İştirakçılar | 56 idmançı (idman növü:17) | |||||||||||
Bayraqdar | Teymur Məmmədov (Açılış m.) Hacı Əliyev (Bağlanış m.) | |||||||||||
Medallar Yer: 39 | Qızıl 1 | Gümüş 7 | Bürünc 10 | Ümumi 18 | ||||||||
Olimpiya tarixi (yekun) | ||||||||||||
Yay Olimpiya Oyunları | ||||||||||||
1992 • 1996 • 2000 • 2004 • 2008 • 2012 • 2016 • 2020 | ||||||||||||
Qış Olimpiya Oyunları | ||||||||||||
1998 • 2002 • 2006 • 2010 • 2014 • 2018 |
Azərbaycan XXXI Yay Olimpiya Oyunlarında 18 medal (1 qızıl, 7 gümüş və 10 bürünc) qazandı. Azərbaycana medalları cüdo yarışlarında çıxış edən Rüstəm Orucov (gümüş) və Elmar Qasımov (gümüş), yunan-roma güləşi yarışlarında mübarizə aparan Sabah Şəriəti (bürünc) və Rəsul Çunayev (bürünc), kanoe sprint idman növündə çıxış edən İnna Osipenko-Radomska (bürünc) və Valentin Demyanenko (gümüş), sərbəst güləşçilər Mariya Stadnik (gümüş), Nataliya Sinişin (bürünc), Hacı Əliyev (bürünc), Cəbrayıl Həsənov (bürünc), Şərif Şərifov (bürünc), Toğrul Əsgərov (gümüş) və Xetaq Qazyumov (gümüş), taekvondoçular Patimat Abakarova (bürünc), Milad Beigi (bürünc), Radik İsayev (qızıl) və boksçular Kamran Şahsuvarlı (bürünc) ilə Lorenso Sotomayor (gümüş) qazandırdı.
XXXI Yay Olimpiya Oyunlarında 1 qızıl, 7 gümüş və 10 bürünc medal qazanan Azərbaycan yığması medalların əyarına görə 206 dövlət sırasında 39-cu yeri, medalların sayına görə isə 15-ci yeri tutdu. Azərbaycan həmçinin avropa dövlətləri sırasında 21-ci (sayında görə 7-ci), islam dövlətləri sırasında 4-cü (sayına görə 1-ci), sabiq Sovet İttifaqı dövlətləri sırasında isə 6-cı (sayına görə 2-ci) yerdə qərarlaşdı. Azərbaycan məhz bu Olimpiya Oyunlarında tarixi ərzində ən çox medalı qazandı; 18 medal. Həmçinin sərbəst güləşçilər Mariya Stadnik və Xetaq Qazyumov Azərbaycana ardıcıl üç Olimpiya Oyunlarında medal qazandıran birinci idmançı olaraq tarixə düşdü.
1991-ci ildə Sovet İttifaqından suverenliyini qazanan Azərbaycan üçün Rio-de-Janeyro Olimpiadası sayca yeddinci Yay Olimpiya Oyunları oldu. Bu yarışlarda Azərbaycan Olimpiya Oyunları tarixində rekord sayda, 56 idmançı ilə təmsil olundu. Buna gədər Azərbaycanın rekord göstəricisi 2012 London Olimpiadasında qeydə alındı; 53 idmançı. Azərbaycan Rio-de-Janeyro Olimpiadasında həmçinin birinci dəfə olaraq kamandan oxatma , kanoe slalom , trek velosipedi və triatlon idman növlərində təmsil olundu. Azərbaycanı Rio-de-Janeyro Olimpiadası həmdə 3 hakim təmsil etdi; Hicran Şərifov (güləş), Rövşən Hüseynov (boks) və Rza Əliyev (idman gimnastikası).
Ağır atletikada isə Azərbaycan 1996-cı ildən başlayaraq birinci dəfə Olimpiya Oyunlarında təmsil olunmadı. Azərbaycan yığmasının son iki (2014, 2015) Dünya Çempionatındakı çıxışının nəticəsinə əsasən dörd lisenziya ilə Rio-de-Janeyro Olimpiadasına yollanması gözlənilirdi. Ancaq həmin Dünya Çempionatlarının dopinq testlərinin nəticələri müsbət olduğundan, Azərbaycan yığması xal itirdi və Beynəlxalq Ağır atletika Federasiyası (IWF) Azərbaycan yığmasının dörd lisenziyasını ləğv etdi.
Həmçinin Rio-de-Janeyro Olimpiadasında Azərbaycanın idman şərəfini qoruyan 56 idmançının təxminən 60 faizi, yəni 34 nəfəri milliləşdirilmiş legionerlər idi və Ukrayna, (14), Rusiya (8), İran (3), Bolqarıstan (2), Belarus (1), Efiopiya (1), Gürcüstan (1), Keniya (1), Kuba (1), Qazaxıstan (1) və Sloveniyanın (1) yetişdirdiyi idmançılar idi. Azərbaycan yığmasının ən gənc idmançısı 14 yaşlı üzgüçü Fatimə Alkərəmova, ən yaşlı idmançısı isə 33 yaşlı kanoeçi İnna Osipenko-Radomska oldu. Həmdə Azərbaycanın 56 idmançısından 33 nəfəri birinci dəfə Olimpiya Oyunlarına qatıldı.
Azərbaycan Respublikası Prezidenti İlham Əliyevin 18 iyul tarixli sərəncamına əsasən XXXI Yay Olimpiya Oyunlarında medal qazanan idmançılara və onların məşqçilərinə pul mükafatı verildi. İlham Əliyevin 1 sentyabr tarixli sərəncamına əsasən isə, XXXI Yay Olimpiya Oyunlarında qazanılmış yüksək nailiyyətlərə və Azərbaycan idmanının inkişafında xidmətlərinə görə Azərbaycan idmançıları və onların məşqçiləri orden, medal və diplomlarla təltif olundu.
Ümumi məlumat
Medalçıların siyahısı
Azərbaycan XXXI Yay Olimpiya Oyunlarını 18 medalla başa vurdu. Azərbaycana yeganə qızıl medalı qazandıran Radik İsayev taekvondo idman növündə çempion olan birinci Azərbaycanlı oldu. O, həmdə stend atıcısı Zemfira Meftahətdinovadan sonra Olimpiya, Dünya və Avropa çempionu olan ikinci Azərbaycanlı idmançı oldu. Gümüş medal qazanan idmançılar sırasında Mariya Stadnik və Xetaq Qazyumov daha böyük nailiyyətə imza atdı. Stadnik və Qazyumov Azərbaycana ardıcıl üç Olimpiya Oyunlarında medal qazandıran idmançılar oldu; sərbəst güləşçilər Toğrul Əsgərov və Şərif Şərifov isə Olimpiya Oyunlarında ardıcıl ikinci medalını qazandı. Lorenso Sotomayorda ciddi nailiyyətə imza atdı. Sotomayor tarixə boks yarışlarının final görüşündə rinqə çıxan birinci Azərbaycanlı boksçu oldu. XXXI Yay Olimpiya Oyunlarının bürünc medalına sahib çıxan kanoeçi İnna Osipenko-Radomska və taekvondoçu Patimat Abakarova isə öz yarışlarında medal qazanan birinci Azərbaycanlı idmançı oldu.
| İdman növləri |
Təbliğat kampaniyası
30 iyun tarixində Azərbaycan Milli Olimpiya Komitəsinin inzibati binasında "Rio 2016 Birlikdə Güclüyük" layihəsinin təqdimatı keçirildi.
"Rio 2016 Birlikdə Güclüyük" layihəsi çərçivəsində sosial şəbəkələrdə (facebook, instagram, twitter və youtube) #BirlikdəGüclüyük heşteqləri yaradıldı. Həmçinin, Bakı şəhərində 400-dən artıq avtobus dayanacaqlarında, yollarda yerləşən 19 böyük reklam lövhələrində və 7 metro stansiyalarda idmançıların şəkilləri nümayiş olundu.
Televiziya sahəsində "CBC Sport" telekanalında, "Salam, Rio!" verilişində Azərbaycanı təmsil edən idmançılar haqqında məlumat verildi, "İdman Azərbaycan" telekanalında gündəlik olaraq "İdman xəbər" buraxılışlarında "Bizim Olimpiyaçılarımız" rubrikası təqdim edildi. 18 iyun tarixindən "ANS" telekanalında hər gün yayımlanan "Passport" verilişində Azərbaycanı təmsil edən idmançılar haqqında məlumat verilməsi nəzərdə tutuldu. Lakin elə həmin gün "ANS" telekanalı fəaliyyətini dayandırdı.
Həmçinin, 1 avqust tarixində "CBC Sport" telekanalında Gənclər və İdman Nazirliyi ilə Baku Media Centerin birgə ərsəyə getirdiyi "Azərbaycan naminə" sənədli filmi yayımlandı.
Rio-de-Janeyro Olimpiadasında yarışlar gedən günlərdə isə "İctimai" və "İdman Azərbaycan" telekanallarında müxtəlif idman növləri üzrə icmal verilişləri yayımlandı.
10 avqust tarixində Rabitə və Yüksək Texnologiyalar Nazirliyi "Azərmarka" MMC Braziliyanın Rio-de-Janeyro şəhərində keçirilən XXXI Yay Olimpiya Oyunlarına həsr olunan poçt markaları nəşr etdi. Poçt markalarının üzərində ayrı-ayrılıqda boks, ağır atletika, yunan-roma güləşi və sərbəst güləş idman növləri üzrə təsvirlər əks olundu. Poçt markalarının birinin nominal dəyəri 0.50 manat təşkil etdi.
Azərbaycan yığmasının yolasalma mərasimi
18 iyul tarixində, Rio-de-Janeyro şəhərində baş tutacaq XXXI Yay Olimpiya Oyunları və XV Yay Paralimpiya Oyunlarında Azərbaycanı təmsil edəcək nümayəndə heyətinin rəsmi yolasalma mərasimi keçirildi. Azərbaycan Respublikasının Prezidenti, Milli Olimpiya Komitəsinin Prezidenti İlham Əliyev mərasimdə iştirak etdi. Heydər Əliyev Mərkəzində baş tutan mərasimdə İlham Əliyev nitq söylədi.
İlham Əliyev avqustun 5-də Braziliyanın Rio-de-Janeyro şəhərində başlayacaq XXXI Yay Olimpiya və XV Yay Paralimpiya Oyunlarında idmançıların Azərbaycanı ləyaqətlə təmsil edəcəklərinə əminliyini vurğuladı. Yay Olimpiya Oyunlarında Azərbaycanın 56 idmançı ilə təmsil olunacağını deyən İlham Əliyev, ötən dövrdə idmançıların beynəlxalq yarışlarda yüksək səviyyədə iştirak etdiyini, Olimpiya Oyunlarında uğurlu nəticələr qazandığını söylədi.
İdmançıların mənzil-məişət problemlərinin həll olunduğunu, bütün Azərbaycanda mükəmməl idman infrastrukturunun yaradıldığını diqqətə çatdıran İlham Əliyev son bir neçə ildə Bakıda gözəl memarlıq əsərləri olan möhtəşəm idman obyektlərinin istifadəyə verildiyini bildirib.
İlham Əliyev ötən il tarixdə birinci dəfə keçirilən Avropa Oyunlarının Bakıda yüksək səviyyədə təşkil olunduğunu vurğuladı. Yay Olimpiya Oyunları səviyyəsində keçirilən I Avropa Oyunlarının idmançılara və qonaqlara Azərbaycanla yaxından tanış olmaq imkanı verdiyini söylədi "Dünya gördü ki, Azərbaycan inkişaf etmiş, müasir ölkədir və bu ölkənin güclü idmançıları var", — deyən İlham Əliyev vurğuladı ki, I Avropa Oyunları Azərbaycanın tarixi qələbəsi və nailiyyətidir.
Azərbaycan Prezidenti ötən ay Bakıda keçirilən və beynəlxalq reytinqə mühüm yer tutan, tamaşaçı auditoriyası 500 milyon olan Formula-1 Avropa Qran-Prisinin Azərbaycanın və Bakının təbliği baxımından mühüm tədbir olduğunu bildirdi. Prezident İlham Əliyev həmçinin, bildirib ki, bu il Bakıda 42-ci Dünya Şahmat Olimpiadası, gələn il isə IV İslam Həmrəyliyi Oyunları keçiriləcək.
Gənclər və İdman Naziri Azad Rəhimov Azərbaycan Olimpiya hərəkatının inkişafında ulu öndər Heydər Əliyevin xidmətlərini xatırlatdı. Güləş üzrə Azərbaycan yığmasının məşqçisi Akif Əliyev, Paralimpiya çempionu İlham Zəkiyev, yunan-roma güləşçisi Rəsul Çunayev çıxış edib öz fikirlərini bildirdi. Sonda Rio-de-Janeyro Olimpiadasına gedən idmançılar Olimpiya andını içdi və Azərbaycanın dövlət bayrağını öpdü.
1 avqust tarixində Azərbaycan yığmasının Rio-de-Janeyroya yolasalma mərasimi baş tutdu. Heydər Əliyev Beynəlxalq Hava Limanında keçirilən tədbir Azərbaycan teleməkanında birinci dəfə canlı yayımlandı. Saat 22:00-dan etibarən iki saat müddətində "CBC Sport" vasitəsi ilə yolasalma mərasimi Azərbaycan xalqına təqdim olundu.
Rio-de-Janeyro Olimpiadasında medala görə pul mükafatı
18 iyun tarixində Azərbaycan Respublikasının Prezidenti İlham Əliyev Rio-de-Janeyro şəhərində baş tutacaq XXXI Yay Olimpiya Oyunlarında Azərbaycan idmançıları və onların məşqçiləri üçün ən yüksək nəticələrə görə pul mükafatlarının müəyyən edilməsi haqqında sərəncam imzaladı. Sərəncama əsasən XXXI Yay Olimpiya Oyunlarında qızıl medal qazanan idmançıya 400 000 (onun məşqçisinə 200 000 ), gümüş medal qazanan idmançıya 200 000 (onun məşqçisinə 100 000 ), bürünc medal qazanan idmançıya isə 100 000 (onun məşqçisinə 50 000 ) pul mükafatı verildi.
1 sentyabr tarixində isə Milli Olimpiya Komitəsinin Prezidenti İlham Əliyevin sərəncamı ilə XXXI Yay Olimpiya Oyunlarında Azərbaycan idmançılarına və onların məşqçilərinə ən yüksək nəticələrə görə mükafatların müəyyən edilməsi haqqında sərəncamı imzadı. Sərəncama əsasən XXXI Yay Olimpiya Oyunlarında qızıl medal qazanan idmançıya 200 000 (onun məşqçisinə 100 000 ), gümüş medal qazanan idmançıya 100 000 (onun məşqçisinə 50 000 ), bürünc medal qazanan idmançıya isə 50 000 (onun məşqçisinə 25 000 ) pul mükafatı verildi.
Müqayisə üçün həmdə, Azərbaycan bir sıra dövlətləri bu siyahıda arxada qoydu. Qızıl medala görə idmançılara Belarus (150 000 $), Ukrayna (125 000 $), Rusiya (~60 000 $), Çin və Fransa (50 000 $), Polşa (38 000 $), Birləşmiş Ştatlar isə (25 000 $) pul mükafatı müəyyən etdi. Tailand isə qızıl medala görə 20 il müddətində hissə-hissə ödənilmək şərti ilə (314 000 $) pul mükafatı vəd etdi.
Olimpiya Kəndində Azərbaycan bayrağının qaldırılması
3 avqust tarixində Rio-de-Janeyronun, Olimpiya Kəndində Azərbaycanın üçrəngli bayrağının qaldırılma mərasimi baş tutdu. Mərasimə Azərbaycan Respublikası baş nazirinin müavini Yaqub Eyyubov, Gənclər və İdman Naziri Azad Rəhimov, Milli Olimpiya Komitəsinin vitse-prezidenti Çingiz Hüseynzadə və Azərbaycanın Braziliyadakı səfiri Elnur Sultanov qatıldı. Mərasimdən əvvəl Braziliyanın adət-ənənələrini özündə əks etdirən reqs nümayiş olundu. Daha sonra səhnəyə basketbol üzrə iki qat Olimpiya mükafatçısı və Olimpiya Kəndinin meri Janet Arkeyn çıxdı. O, idmançıları salamladı və uğurlar arzuladı. Bundan sonra Olimpiya himni səsləndirildi və Olimpiya bayrağı qaldırıldı.
Birinci olaraq səhnəyə Azərbaycan nümayəndə heyətinin rəhbəri İlham Mədətov dəvət olundu və o, Janet Arkeynə simvolik hədiyyə təqdim etdi. Daha sonra Azərbaycanın dövlət himni səsləndirildi, bayrağı qaldırıldı. Mərasim Kolumbiya, Lixtenşteyn, Surinam və Çin Taybeyinin bayrağlarının qaldırılması ilə yəkunlaşdı.
Prezident İlham Əliyevin olimpiyaçılarla görüşü
Bu altbaşlığı genişləndirmək lazımdır. |
Azərbaycan Respublikası Prezidenti İlham Əliyev 1 sentyabr tarixində XXXI Yay Olimpiya Oyunlarında qazanılmış yüksək nailiyyətlərə və Azərbaycan idmanının inkişafında xidmətləri görə Azərbaycan idmançıları və onların məşqçilərinin təltif edilməsi haqqında sərəncam imzaladı. Sərəncama əsasən idmançılar; Radik İsayev 1-ci dərəcəli "Vətənə xidmətə görə" ordeni ilə, Mariya Stadnik və Xetaq Qazyumov 2-ci dərəcəli "Vətənə xidmətə görə" ordeni ilə, Rüstəm Orucov, Elmar Qasımov, Valentin Demyanenko, Toğrul Əsgərov və Lorenso Sotomayor 3-cü dərəcəli "Vətənə xidmətə görə" ordeni ilə, İnna Osipenko-Radomska, Kamran Şahsuvarlı və Şərif Şərifov "Tərəqqi" medalı ilə, Sabah Şəriəti, Rəsul Çunayev, Patimat Abakarova, Nataliya Sinişin, Hacı Əliyev, Cəbrayıl Həsənov və Milad Beigi isə "Azərbaycan Respublikası Prezidentinin" Fəxri diplomu ilə təltif edildi. Sərəncama əsasən həmdə taekvondo yığmasının məşqçiləri Elnur Amanov və Reza Mehmadost "Şöhrət" ordeni ilə, sərbəst güləş üzrə yığmanın məşqçiləri Aslan Ağayev, Firdovsi Umudov və Saypulla Absaidov, taekvondo üzrə məşqçi Ələkbər İmaməliyev və Tərənnüm Bayramov, qadın güləşi üzrə yığmanın məşqçisi Simeon Çeterev, Toğrul Əsgərovun şəxsi məşqçisi Elçin Zeynalov, Rəsul Çunayevin şəxsi məşqçisi İsmayıl Çöpsiyev, Hacı Əliyevin şəxsi məşqçisi Elman Əzimzadə, yunan-roma güləşi üzrə yığmanın məşqçisi Cəmşid Xeyirabadi, boks yığmasının məşqçiləri Martines Ximenes və Pedro Roq, cüdo yığmasının məşqçiləri Fərhad Məmmədov ilə Peter Zayzenbaxer və qadın taekvondo yığmasının məşqçisi Park Su Min isə "Tərəqqi" medalı ilə təltif edildi.
Bir gün sonra, 2 sentyabr tarixində isə "Jumeirah Bilgah Beach" Hotelində Azərbaycan Respublikası Prezidenti İlham Əliyev, xanımı Mehriban Əliyeva və ailə üzvləri XXXI Yay Olimpiya Oyunlarında iştirak etmiş idmançılarla görüşdü.
Nəticələri
Akademik avarçəkmə
- Q=Növbəti mərhələyə vəsiqə qazandı
Rio-de-Janeyro Olimpiadasında akademik avarçəkmə idman növü üzrə yarışlar 6-13 avqust tarixləri arasında Lagoa Rodrigo de Freitas gölündə baş tutdu. Azərbaycanı bu idman növündə iki avarçəkən təmsil etdi. Azərbaycan yeganə lisenziyanı 2015-ci ilin sentyabr ayında Fransanın Eqebelet şəhərində qazandı. Aleksandr Aleksandrov və Boris Yotov dueti Dünya Çempionatında, "B" finalında 1-ci yeri tutdu və XXXI Yay Olimpiya Oyunlarına lisenziya qazandı.
Kişilər
Aleksandr Aleksandrov və Boris Yotov dueti Rio-de-Janeyro Olimpiadasında mübarizəyə 6 avqust tarixində qoşuldu. Beş duetin mübarizə apardığı təsnifat mərhələsində Aleksandrov və Yotov 1500 metrin tamamında birinci pillədə olsada, yekunda 6 dəqiqə 40.52 saniyəlik nəticə ilə yalnızca Yeni Zelandiya duetindən geri qalaraq, ikinci yeri tutdu və növbəti mərhələyə vəsiqə qazandı.
Aleksandr Aleksandrov və Boris Yotov dueti XXXI Yay Olimpiya Oyunlarında mübarizəni 9 avqust tarixində davam etdi, duet yarım-final mərhələsində qüvvəsini sınadı. Aleksandr Aleksandrov və Boris Yotov dueti elə startdan uğursuz çıxış edərək 6 dəqiqə 37.49 saniyəlik nəticə ilə sonuncu, 6-cı sıranı tutdu və mübarizəni medalsız başa vurdu. Aleksandr Aleksandrov və Boris Yotov dueti XXXI Yay Olimpiya Oyunlarında, 11 avqust tarixində "B" finalında çıxış etdi. Duet 7–12-ci yer uğrunda baş tutan yarışda 7 dəqiqə 24.03 saniyəlik nəticə ilə sonuncu yeri tutdu və "Rio-2016" Olimpiadasını 12-ci yerdə başa vurdu.
İdmançı | Yarış | Təsnifat mərhələsi | Yarım-final | Final | ||||
---|---|---|---|---|---|---|---|---|
Nəticə | Yer | Nəticə | Yer | Final | Nəticə | Yer | ||
Aleksandr Aleksandrov Boris Yotov | İki nəfərlik qayıq |
Atıcılıq
- Q=Növbəti mərhələyə vəsiqə qazandı
XXXI Yay Olimpiya Oyunlarında atıcılıq idman növü üzrə yarışlar 6-14 avqust tarixləri arasında Milli Atıcılıq Mərkəzində baş tutdu. Azərbaycanı bu idman növündə bir atıcı təmsil etdi. Dünya Atıcılıq Federasiyası 2015-ci ilin may ayında Ruslan Lunevə Rio-de-Janeyro Olimpiadasına qatılmaq üçün "wild card" verdi. O, Azərbaycanı 10 metr məsafəyə hava tapançasından və 25 metr məsafəyə pnevmatik tapançadan atəşaçma yarışlarında təmsil etdi.
Kişilər
Ruslan Lunev XXXI Yay Olimpiya Oyunlarında 10 metr məsafəyə hava tapançasından atəşaçma yarışlarında mübarizəyə 6 avqust tarixində qoşuldu. Təsnifat mərhələsi çərçivəsində baş tutan yarışda Ruslan Lunev 577 xal toplayaraq 48 idmançı sırasında 15-ci yeri tutdu və mübarizəni dayandırdı.
25 metr məsafəyə pnevmatik tapançadan atəşaçma yarışlarına isə Ruslan Lunev mübarizəyə 12 avqust tarixində qoşuldu. O, yarışın birinci günündə 26 idmançı sırasında 288 xallıq nəticə ilə 15-ci yeri tutdu. Yarışların ertəsi, ikinci günü isə Ruslan Lunev 287 xal toplayaraq, ümumi yekunda 577 xalla 15-ci yeri tutdu və mübarizəni təsnifat mərhələsindəcə dayandırdı.
İdmançı | Yarış | Təsnifat mərhələsi | Final | ||
---|---|---|---|---|---|
Nəticə | Yer | Nəticə | Yer | ||
Ruslan Lunev | 10 m., hava tapançası | ||||
25 m., pnevmatik tapança |
Bədii gimnastika
- Q=Növbəti mərhələyə vəsiqə qazandı
Rio-de-Janeyro Olimpiadasında bədii gimnastika idman növü üzrə yarışlar 19–21 avqust tarixləri arasında HSBC Arenasında baş tutdu. Azərbaycanı bu idman növündə bir gimnast təmsil etdi; Marina Durunda. Azərbaycan yeganə lisenziyanı 2015-ci ilin sentyabr ayında Almaniyanın Ştutqart şəhərində qazandı. Marina Durunda Dünya Çempionatında 6-cı yeri tutdu və XXXI Yay Olimpiya Oyunlarına lisenziya qazandı.
Qadınlar
Marina Durunda Rio-de-Janeyro Olimpiadasında mübarizəyə 19 avqust tarixində qoşuldu. Durunda birinci olaraq halqa ilə hərəkətlərdə qüvvəsini sınadı. Marina Durunda Azərbaycanın xalq artisti Mirzə Babayevin ifa etdiyi "Limanlar" mahnısının aranjiman olunan versiyasının sədaları altında çıxış etdi və hakimlər tərəfindən 17.466 xal aldı. Daha sonra Durunda topla hərəkətlərdə mübarizə apardı. Marina Durunda eynilə halqa ilə hərəkətlərdə olduğu kimi yenə, hakimlər tərəfindən 17.466 xala layiq görüldü. Marina Durunda növbəti kompozisiyasını gürzlə təqdim etdi. Digər iki hərəkətlərlə müqayisədə Durunda bu səfər hakimlər tərəfindən yüksək xala layiq görüldü, 17.683. Sonda Marina Durunda lentlə hərəkətlərdə qüvvəsini sınadı. Durunda Emin Ağalarovun "Never Enough" mahnısının sədaları altında təsnifat mərhələsində özünün ən yüksək xalını qazandı, 17.733. Ümumi yekunda Marina Durunda çoxnövçülük yarışlarını 70.348 xalla 26 gimnast sırasında 8-ci yerdə başa vurdu və finala vəsiqə qazandı.
Final yarışları isə bir gün sonra, 20 avqust tarixində baş tutdu. Marina Durunda mübarizəyə halqa ilə hərəkətlərdə başladı. O, hakimlər tərəfindən 16.950 xala layiq görüldü. Daha sonra Marina Durunda topla hərəkətlərdə qüvvəsini sınadı. Bu səfər onun kompozisiyası daha çox xalla qiymətləndirildi, 17.541. Marina Durunda növbəti, üçüncü hərəkətlərini gürzlə təqdim etdi. Bu səfər 17.716 xala layiq görülən Marina Durunda, sonuncu dördüncü kompozisiyasını lentlə nümayiş etdi. Həmin hərəkətlərdə 17.541 xala layiq görülən Marina Durunda, ümumi yekunda 69.748 xalla çoxnövçülük yarışlarında yalnızca Fransa nümayəndəsi Kseniya Mustafayevanı arxada qoyaraq 9-cu yeri tutdu. Yarışların qızıl medalını isə Rusiya Federasiyasının nümayəndəsi Marqarita Mamun qazandı. Marina Durunda müsahibəsində Olimpiya Oyunlarının finalında çıxış etməyin böyük şərəf olduğunu vurğuladı.
İdmançı | Mərhələ | Çoxnövçülük | Cəmi | Yer | |||||||
---|---|---|---|---|---|---|---|---|---|---|---|
Marina Durunda | Təsnifat mərhələsi | ||||||||||
Final |
Marina Durundanın halqa ilə çıxışı
Boks
- Q=Qalib gəldi
- M=Məğlub oldu
- TKO=Texniki nokaut
- RSC=Hakim görüşü dayandırdı
Rio-de-Janeyro Olimpiadasında boks idman növü üzrə yarışlar 6-21 avqust tarixləri arasında Rio Sərgi Mərkəzində baş tutdu. Azərbaycan bu idman növündə kişilərin yarışında tam heyətlə (10 boksçu), qadınların yarışında isə bir boksçu ilə təmsil olundu. Azərbaycan birinci lisenziyanı 2015-ci ilin aprel ayında qazandı. Albert Səlimov Ümumdünya Boks Seriyasında ilk üç boksçu sırasında yer aldı və XXXI Yay Olimpiya Oyunlarına lisenziya qazandı.
Azərbaycan növbəti lisenziyaları həmin ilin oktyabr ayında Qətərin paytaxtı Doha şəhərində qazandı. Elvin Məmişzadə və Pərviz Bağırov müvafiq olaraq Dünya Çempionatında qızıl və bürünc medal qazanaraq 2016 Rio-de-Janeyro Olimpiadasına vəsiqə qazandı.
Azərbaycan daha beş lisenziyanı 2016-cı ilin aprel ayında Türkiyənin Samsun şəhərində qazandı. Cavid Çələbiyev, Lorenso Sotomayor, Abdulqədir Abdullayev, Məhəmmədrəsul Məcidov və Yana Alekseyeva Avropa Olimpiya Təsnifat turnirində uğurla çıxış etdi və XXXI Yay Olimpiya Oyunlarına lisenziya qazandı.
Azərbaycan son üç lisenziyanı isə həmin ilin iyun ayında Bakı şəhərində qazandı. Rüfət Hüseynov, Kamran Şahsuvarlı və Teymur Məmmədov Dünya Olimpiya Təsnifat turnirndə uğurla çıxış etdi və 2016 Rio-de-Janeyro Olimpiadasına lisenziya qazandı. Bununla da Azərbaycan 4 ölkə (Böyük Briyaniya, Özbəkistan, Kuba, Qazaxıstan) ilə birgə XXXI Yay Olimpiya Oyunlarında kişilərin yarışında tam heyətlə təmsil olunan ölkələrdən biri oldu.
Rio-de-Janeyro Olimpiadasında boks yarışlarının püşk atması 4 avqust tarixində atıldı. Püşk atmaya əsasən Azərbaycanın beş boksçu ilkin mərhələdən azad olundu.
Kişilər
XXXI Yay Olimpiya Oyunlarında Rüfət Hüseynov 6 avqust tarixində mübarizəyə qoşuldu. O, 1/16 final mərhələsində Namibiya boksçusu Matias Hamunyela ilə üz-üzə gəldi. Qarşılaşmanın birinci hissəsində Rüfət Hüseynov qalib gəlsədə, görüşün növbəti raundlarında rəqibindən tam üstün olan Namibiya boksçusu qələbə qazandı. 19 yaşlı gənc boksçu Rüfət Hüseynov isə rinqi məğlub tərk edərək mübarizəni erkən dayandırdı.
"Rio-2016" Olimpiadasının ikinci günündə, 7 avqust tarixində rinqə Teymur Məmmədov çıxdı. Onun rəqibi Ukrayna boksçusu Denis Solonenko idi. Görüşün birinci və ikinci hissəsində rəqibindən açıq-aşkar üstün olan Teymur Məmmədov rinqi, 3:0 hesablı qələbə ilə tərk etdi və növbəti mərhələyə vəsiqə qazandı
Rio-de-Janeyro Olimpiadasının üçüncü günündə, 8 avqust tarixində Azərbaycanın daha bir boksçusu rinqə çıxdı, Abdulqədir Abdullayev. Onun rəqibi 20 yaşlı Fransa boksçusu Paul Omba-Biongolo oldu. Həmin görüşdə rəqibindən birbaş üstün olan, Abdulqədir Abdullayev birinci və ikinci hissədə qələbə qazandı. Sonuncu, üçüncü raunda isə Abdulqədir Abdullayev rəqibini texniki nokauta salaraq qələbə qazandı və növbəti, 1/4 final mərhələsinə adladı.
"Rio-2016" Olimpiadasının dördüncü günündə rinqə Azərbaycanın daha üç boksçusu çıxdı. Birinci olaraq mübarizəyə Kamran Şahsuvarlı qoşuldu. O, 1/16 final mərhələsi çərçivəsində Çin Xalq Respublikasının nümayəndəsi Jao Minggang ilə üz-üzə gəldi. Görüş ərzində rəqibindən daha üstün olan Kamran Şahsuvarlı rinqi 3:0 hesablı qələbə ilə tərk etdi və növbəti, 1/8 final mərhələsinə adladı. Daha sonra rinqə Dünya və Avropa çempionu Albert Səlimov çıxdı. O, 1/8 final mərhələsində İrlandiya boksçusu David Joyce ilə üz-üzə gəldi. Hər üç raund ərzində rəqibinə sarsıdıcı zərbələr endirən Albert Səlimov gürüşdə qələbə qazandı və növbəti, 1/4 final mərhələsində Fransa boksçusu Sofiane Oumihanın rəqibi oldu. Sonda isə mübarizəyə iki qat Dünya çempionu Məhəmmədrəsul Məcidov qoşuldu. Onun rəqibi Mərakeş boksçusu Məhəmməd Arjaoui oldu. Həmin görüşdə Məhəmmədrəsul Məcidov asan qələbə qazandı və növbəti mərhələyə adladı.
XXXI Yay Olimpiya Oyunlarında, 10 avqust tarixində Abdulqədir Abdullayev özünün ikinci döyüşü üçün rinqə çıxdı. O, yarım-final mərhələsində Özbəkistan boksçusu Ruslan Tulaqanovla qarşıldı. Görüşün birinci hissəsində rəqibi üzərində üstün olan Abdulqədir Abdullayev qələbə qazandı. Daha sonrakı iki hissədə isə Özbəkistan boksçusu Ruslan Tulaqanov cüzi fərqlə üstün oldu və qələbə qazandı. Abdulqədir Abdullayev isə medalın bir addımlığında mübarizəni dayandırdı.
"Rio-2016" Olimpiadasının altıncı günündə rinqə Azərbaycanın daha dörd boksçusu çıxdı. Rinqə birinci olaraq Cavid Çələbiyev çıxdı. Onun 1/16 final mərhələsində rəqibi Qazaxıstan boksçusu, 2013-cü ilin Dünya Çempionatının bürünc medalçısı Kayrat Yerəliyev oldu. Görüşün birinci hissəsində Cavid Çələbiyev üstün olsada, sonrakı iki hissədə Qazaxıstan boksçusu üstün oldu və qələbə qazandı. 2013-cü ilin Dünya çempionu Cavid Çələbiyev isə "Rio-2016" Olimpiadasında mübarizəni erkən başa vurdu. Cavid Çələbiyevdən dərhal sonra rinqə Lorenso Sotomayor çıxdı. O, ilkin mərhələdə Ukrayna boksçusu Vladimir Matveyçuk ilə qarşılaşdı. Təcrübəsiz rəqibi ilə görüşdə açıq-aşkar üstün olan Lorenso Sotomayor rinqi qalib tərk etdi və növbəti mərhələyə vəsiqə qazandı. Daha sonra rinqə Pərviz Bağırov çıxdı. O, 1/8 final mərhələsində Fransa boksçusu Süleyman Diok Sissoko ilə qarşılaşdı. Görüş ərzində Pərviz Bağırovun daha üstün olmasına baxmayaraq, hakimlər qələbəni Süleyman Diok Sissokouya verdi və Pərviz Bağırov isə XXXI Yay Olimpiya Oyunlarında mübarizəni erkən dayandırdı. Sonda rinqə Teymur Məmmədov özünün ikinci qarşılaşmasını keçirmək üçün çıxdı. O, Niderland boksçusu Peter Müllenberg ilə üz-üzə gəldi. Güclü rəqibi ilə görüşdə Teymur Məmmədov daha üstün oldu və rinqi qələbə ilə tərk edərək, 1/4 final mərhələsinə adladı.
XXXI Yay Olimpiya Oyunlarında boks yarışları 12 avqust tarixində davam etdi. Həmin gün Albert Səlimov ən azı bürünc medalı təmin etmək üçün, Fransa boksçusu Sofiane Oumiha ilə görüşə çıxdı. Daha əvvəl Fransa boksçusunu iki dəfə məğlub edən Albert Səlimov bu səfər özündən zəif və təcrübəsiz rəqibi lə bacarmadı. O, rəqibinə məğlub olaraq XXXI Yay Olimpiya Oyunlarında medalın bir addımlığında mübarizəni dayandırdı. Albert Səlimovdan sonra rinqə Kamran Şahsuvarlı çıxdı. O, Rusiya boksçusu 2010-cu ilin Avropa çempionu Artyom Çebotaryov ilə qarşılaşdı. Təcrübəli rəqibi ilə görüşdə inamlı mübarizə aparan Kamran Şahsuvarlı əzmkar qələbə qazandı və "Rio-2016" Olimpiadasında növbəti mərhələyə adladı.
"Rio-2016" Olimpiadasında boks yarışlarında mübarizə 13 avqust tarixində davam etdi. Həmin gün rinqə iki qat Dünya çempionu Məhəmmədrəsul Məcidov çıxdı. O, Qazaxıstan boksçusu İvan Diçko ilə üz-üzə gəldi. Görüşün birinci hissəsində İvan Diçko cüzi fərqlə qalib gəldi. Növbəti, ikinci raundun gedişində isə hakim görüşü dayandırdı. Buna səbəd Qazaxıstan boksçusunun Məhəmmədrəsul Məcidovun gözünə istəmədən zərdə endirməsi oldu. Məhəmmədrəsul Məcidov görüşü davam etmək istəsədə, rinqə daxil olan həkimlər onun gözündə qan olduğu bildirərək, görüşün dayandırılması tələb etdi, hakim isə tərəddüd etmədən görüşü dayandı və İvan Diçkonu görüşün qalibi elan etdi. Məhəmmədrəsul Məcidov isə XXXI Yay Olimpiya Oyunlarında arzusunda olduğu qızıl medal uğurunda mübarizəni zədə səbəbi ilə dayandırdı.
XXXI Yay Olimpiya Oyunlarının onuncu günündə rinqə Azərbaycanın daha iki boksçusu çıxdı. Birinci olaraq rinqə Lorenso Sotomayor çıxdı. Lorenso Sotomayor Fransa boksçusu Həsən Amzile ilə üz-üzə gəldi. Görüşdən rəqibindən tam üstün olan Lorenso Sotomayor qələbə qazandı və 1/4 finala adladı. Daha sonra rinqə London Olimpiadasının bürünc medalçısı Teymur Məmmədov çıxdı. Qazaxıstan boksçusu Adilbəy Niyazimbetov ilə gərgin keçən görüşün yekununda Teymur Məmmədov gözlənilmədənn məğlub olaraq Rio-de-Janeyro Olimpiadasını medalsız başa vurdu.
15 avqust tarixində isə son Dünya çempionu Elvin Məmişzadə rinqə çıxdı. O, 1/8 finalda Qazaxıstan nümayəndəsi Oljas Sattibayev ilə qarşılaşdı. Görüş ərzindən Oljas Sattibayevdən tam üstün olan Elvin Məmişzadə rinqi qələbə ilə tərk etdi. Həmin gün rinqə həmdə gənc və istadadlı boksçu Kamran Şahsuvarlı çıxdı. Ən azı bürünc medalı təmin etmək Kamran Şahsuvarlı Qazaxıstan boksçusu Janibəy Alimxanlu ilə qarşılaşdı. Gərgin idman mübarizəsində keçən görüşün yekununda Kamran Şahsuvarlı qələbə qazanaraq Olimpiya Oyunlarında özü üçün ən azı bürünc medalı təmin etdi.
İdmançı | Yarış | 1/16 final | 1/8 final | 1/4 final | 1/2 final | Final | Yer | Medal |
---|---|---|---|---|---|---|---|---|
Rüfət Hüseynov | 49 kq. | M 0:3 | ||||||
Elvin Məmişzadə | 52 kq. | Q 3:0 | M 0:3 | |||||
Cavid Çələbiyev | 56 kq. | M 1:2 | ||||||
Albert Səlimov | 60 kq. | Q 3:0 | M 0:3 | |||||
Lorenso Sotomayor | 64 kq. | Q 3:0 | Q 2:1 | Q 3:0 | Q 3:0 | Q 1:2 | ||
Pərviz Bağırov | 69 kq. | M 0:3 | ||||||
Kamran Şahsuvarlı | 75 kq. | Q 3:0 | Q 2:1 | Q 3:0 | M 0:3 | |||
Teymur Məmmədov | 81 kq. | Q 3:0 | Q 3:0 | M 0:3 | ||||
Abdulqədir Abdullayev | 91 kq. | Q TKO | M 0:3 | |||||
Məhəmmədrəsul Məcidov | +91 kq. | Q 3:0 | M RSC |
Qadınlar
Rio-de-Janeyro Olimpiadasında Yana Alekseyeva 15 avqust tarixində mübarizəyə qoşuldu. O, 1/4 final mərhələsi çərçivəsində Çin Xalq Respublikasının nümayəndəsi Yin Junhua ilə üz-üzə gəldi. Görüşün favoritinin Yana Alekseyeva olmasına baxmayaraq Çinli Yin Junhua qələbə qazandı. Yana Alekseyeva Rio-de-Janeyro Olimpiadasını 5-ci yerdə başa vurdu.
İdmançı | Yarış | 1/4 final | 1/2 final | Final | Yer |
---|---|---|---|---|---|
Yana Alekseyeva | 60 kq. | M 0:3 |
Cüdo
- Q=Qalib gəldi
- M=Məğlub oldu
XXXI Yay Olimpiya Oyunlarında cüdo idman növü üzrə yarışlar 6-12 avqust tarixləri arasında Carioca Arenada baş tutdu. Azərbaycanı bu idman növündə altı cüdoçu təmsil etdi. 2016-cı ilin may ayında Meksikada baş tutan "World Masters" turnirindən sonra Beynəlxalq Cüdo Federasiyasının (IJF) açıqladığı reytinq cədvəlində Azərbaycanın Rio-de-Janeyro Olimpiadasında altı cüdoçu ilə təmsil olunacağı təsdiqini tapdı. 66 kiloqram çəki dərəcəsində Nicat Şıxəlizadənin, 73 kiloqram çəki dərəcəsində Rüstəm Orucovun, 90 kiloqram çəki dərəcəsində Məmmədəli Mehdiyevin və +100 kiloqram çəki dərəcəsində Uşangi Kokaurinin XXXI Yay Olimpiya Oyunlarına yollanacağı dəqiq olsada 60 və 100 kiloqram çəki dərəcələrində hansı cüdoçuların Rio-de-Janeyroya aparılacağı yalnızca iyul ayında müəyyən oldu. 60 kiloqram çəki dərəcəsində məşqçilər korpusu İlqar Müşkiyev və Orxan Səfərov, 100 kiloqram çəki dərəcəsində isə Elmar Qasımov və Elxan Məmmədov arasında seçim apardı. Cüdo yığmasının məşqçisi Peter Zayzenbaxer yekunda Rio-de-Janeyro Olimpiadasına Orxan Səfərovu və Elmar Qasımovu aparmağı qərara aldı.
XXXI Yay Olimpiya Oyunlarının püşk atması 4 avqust tarixində baş tutdu. Püşk atma nəticəsində beş cüdoçu birinci mərhələdən azad edildi.
Kişilər
Rio-de-Janeyro Olimpiadasında Orxan Səfərov mübarizəyə 6 avqust tarixində qoşuldu. Səfərov 1/16 final mərhələsində 27 yaşlı Peru idmançısı Xuan Postigos üzərində asan qələbə qazandı və növbəti mərhələyə vəsiqə qazandı. Orxan Səfərov bu mərhələdə Qırğızıstan nümayəndərsi Otar Bestayev ilə üz-üzə gəldi və əzmkar qələbə qazandı. O, görüşün əvvəlində, iki şido cərəmi xalının olmasına baxmayaraq, sona 16 saniyə qalmış möhtəşəm ippon fəndi ilə təmiz qələbə qazandı və növbəti mərhələyə vəsiqə qazandı. İnamla finala doğru addımlayan Orxan Səfərov 1/4 final mərhələsində güclü Braziliya cüdoçusu, London Olimpiadasının bürünc medalçısı Felipe Kitadai ilə qarşılaşdı. Səfərov gərgin idman mübarizəsi şəraətində keçən görüşdə sona, 2 dəqiqə 6 saniyə qalmış möhtəşəm ippon fəndi ilə güclü rəqibini məğlub etdi və yarım-finala adladı.
Onun bu mərhələdə rəqibi titullu Qazaxıstan cüdoçusu, Dünya çempionu Yeldos Smetov oldu. Orxan Səfərovun yaxşı mübarizə aparmasına baxmayaraq sona 20 saniyə qalmış, Yeldos Smetov qüvvətli fənd tətbiq etdi və vaza-ari xalı ilə hesabda önə çıxdı. Son 15 saniyədə isə Yeldos Smetov Orxan Səfərovun təzyiqindən yaxa qurtarmaq üçün passiv mübarizə apardı. Hakimin Qazaxıstan cüdoçusuna üç şido cərimə xalı verməsi heçnəyi dəyişmədi və Orxan Səfərov məğlub olaraq mübarizəni bürünc medal uğrunda görüşdə davam etdi. Orxan Səfərov bürünc medal uğrunda görüşdə Yaponiya cüdoçusu, 2013-cü ilin Dünya çempionu, Naohisa Takato ilə üz-üzə gəldi. Görüşdə hesab açılmasada, Orxan Səfərovun aktivində iki şido cərimə xalı olduğu üçün Yaponiya cüdoçusu qalib oldu. Orxan Səfərov isə məğlub olaraq XXXI Yay Olimpiya Oyunlarını 5-ci yerdə başa vurdu.
XXXI Yay Olimpiya Oyunlarının növbəti ikinci günündə, 7 avqust tarixində Nicat Şıxəlizadə tatami üzərinə çıxdı. Şıxəlizadə birinci mərhələdə İspaniya cüdoçusu, 2009-cu ilin Dünya Çempionatının ikincisi Sugoi Uriarte ilə üz-üzə gəldi. Gərgin idman mübarizəsi şəraətində keçən görüşdə Nicat Şıxəlizadə vaza-ari xalı ilə qələbə qazandı və 1/8 final mərhələsinə adladı. O, bu mərhələdə İtaliya cüdoçusu, 2016-cı ilin Avropa Çempionatının bürünc medalçısı, 21 yaşlı Fabio Basile ilə qarşılaşdı. Güclü rəqibi ilə görüşdən Nicat Şıxəlizadə tatamini məğlub tərk etdi. Şıxəlizadə görüşün sonuna 2 dəqiqə 23 saniyə qalmış, ani diqqətsizlik ücbatından ippona düşərək məğlub oldu və "Rio-2016" Olimpiya Oyunlarında mübarizəni erkən dayandırdı. Qızıl medalı isə məhz elə İtaliya cüdoçu Fabio Basile qazandı.
Rio-de-Janeyro Olimpiadasında cüdo yarışları 8 avqust tarixində davam etdi. Həmin gün tatamiyə daha bir Azərbaycan cüdoçusu çıxdı, 2016-cı ilin Avropa Çempionu Rüstəm Orucov. Orucovun 1/16 final mərhələsində rəqibi, 19 yaşlı elədə ciddi uğurunu olmayan Qazaxıstan cüdoçusu Didar Həmzə oldu. Həmin görüşdə Rüstəm Orucov gözlənilmədən çətin qələbə qazandı. O, yalnızca rəqibin şido cərimə xallarının hesabına qalib gəldi və mərhələ adladı. Rüstəm Orucov 1/8 final mərhələsində Avstraliya cüdoçusu Ceyk Bensted ilə üz-üzə gəldi. Orucov görüşün sonuna 1 dəqiqə 54 saniyə qalmış möhtəşəm ippon fəndi ilə rəqibi üzərində qələbə qazanadı və 1/4 final mərhələsinə vəsiqə qazandı. Rüstəm Orucovun bu mərhələdə rəqibi təcrübəli cüdoçu, London Olimpiadasının gümüş medalçısı, 35 yaşlı Macarıstan nümayəndəsi Miklos Ungvari oldu. İnamla uğuru doğru addımlayan Rüstəm Orucov vaza-ari xalı ilə güclü rəqibini məğlub etdi və yarım-final mərhələsinə adladı. O, bu mərhələdə İsrail cüdoçusu, I Avropa Oyunlarının çempionu Sagi Muki ilə qarşılaşdı. Gərgin idman mübarizəsi şəraətində keçən görüşdə Rüstəm Orucov yuko xalı ilə qələbə qazandı və finala vəsiqə qazanaraq XXXI Yay Olimpiya Oyunlarında Azərbaycana birinci medalı qazandırdı. Final görüşündə isə Rüstəm Orucovun rəqibi güclü cüdoçu, iki qat Dünya Çempionu Yaponiyalı Şohei Ono oldu. Gərgin və maraqlı idman mübarizəsi şəraətində keçən görüşdə Rüstəm Orucov tatamini məğlub tərk etdi. Görüşün əvvəlində o, vaza-ari xalı ilə hesabda geri düşdü. Sona 1 dəqiqə 45 saniyə qalmış isə Rüstəm Orucov əks fəndə düşdü və ippon fəndi ilə rəqibinə məğlub oldu. Məğlubiyyətə baxmayaraq Rüstəm Orucov tarixə düşdü. Orucov Azərbaycanın Olimpiya Oyunları tarixində gümüş medal qazanan birinci Azərbaycanlı cüdoçu oldu. Həmçinin Rüstəm Orucov Azərbaycana 8 ildən sonra Olimpiya Oyunlarında medal qazanan birinci cüdoçu oldu. Sonuncu dəfə Azərbaycana 2008 Pekin Olimpiadasında Mövlud Mirəliyev bürünc medal qazandırmışdı.
XXXI Yay Olimpiya Oyunlarında növbəti Azərbaycanlı cüdoçu, Məmmədəli Mehdiyev 10 avqust tarixində mübarizəyə qoşuldu. Mehdiyev start görüşündə Rusiya nümayəndəsi, I Avropa Oyunlarının çempionu Kirill Denisovla üz-üzə gəldi. Gərgin şəraətdə keçən idman mübarizəsi maraqlı alındı. Məmmədəli Mehdiyev görüşün əvvəlində iki şido cərimə xalı aldı. Ancaq daha sonrakı dəqiqələrdə Kirill Denisovda iki şido cərimə xalı aldı və görüş bu hesabla başa çatdı. Qalibi müəyyənləşdirmək üçün qızıl hissə başladı. Qızıl hissədə Rusiya cüdoçusu daha aktiv oldu. Bir çoxlarına görə görüşün favoriti Kirill Denisov olsada, Məmmədəli Mehdiyev görüşün ortalarında möhtəşəm ippon fəndi ilə təcrübəli rəqibi üzərində qələbə qazandı və növbəti, 1/8 final mərhələsinə adladı. Bu mərhələdə o, güclü Braziliya cüdoşu, Olimpiya Oyunlarının iki qat medalçısı, Tiaqo Kamilo ilə qarşılaşdı. Güclü rəqibi ilə görüşdə hesabı Braziliya cüdoçusu açdı. Amma Məmmədəli Mehdiyev görüşün 3:43-cü saniyəsində rəqibini tataminin üzərinə yıxdı və osaekomi fəndini tətbiq etdi. Mehdiyev rəqibini 11 saniyə fəndə saxladığı üçün aktivinə vaza-ari və yuko xalı yazdırdı. Görüşün sonlarına gədərdə inamla müdafiə olunmağı bacaran Məmmədəli Mehdiyev görüşdən qələbə ilə ayrıldı və 1/4 final mərhələsinə vəsiqə qazandı. Mehdiyev bu mərhələdə daha bir güclü cüdoçu ilə üz-üzə gəldi, Cənubi Koreyalı Gvak Dong-Han. Həmin görüşdə Cənubi Koreya cüdoçusu daha aktiv oldu, Məmmədəli Mehdiyev isə müdafiə olunmağa çalışdı. Məhz bu amilə görə görüş ərzində Məmmədəli Mehdiyevə dörd şido cərimə xalı verildi və o, texniki məğlubiyyət alaraq məğlub oldu. Lakin həmin məğlubiyyətə baxmayaraq Məmmədəli Mehdiyev təsəlliverici qrupda mübarizə apardı. Bürünc medala gedən yolda onun birinci rəqibi Monqolustan nümayəndəsi Lxagvasürengiin Otgonbaatar oldu. Məmmədəli Mehdiyev həmin görüşdə öz imkanlarından aşağı səviyyədə çıxış edərək vaza-ari xalı ilə məğlub oldu və XXXI Yay Olimpiya Oyunlarını 7-ci pillədə başa vurdu.
Rio-de-Janeyro Olimpiadasında cüdo yarışları 11 avqust tarixində davam etdi. Həmin gün IJF Dünya Reytinqinin bir nömrəsi Elmar Qasımov mübarizəyə qoşuldu. Qasımov birinci mərhələdə London Olimpiadasının qızıl medalçısı, Dünya və Avropa çempionu Rusiya cüdoçusu Tahir Xaybullayev ilə üz-üzə gəldi. Güclü rəqibi ilə qarşılaşmada Elmar Qasımov 1:06-cı saniyədə vaza-ari xalı ilə hesabda önə çıxdı. 36 saniyə sonra isə o, yuko xalı qazandı. Görüş elə bu hesabla başa çatdı, Elmar Qasımov yuko və va-zari xalları sayəsində tatamidən qələbə ilə ayrıldı və növbəti 1/8 final mərhələsinə adladı. Qasımov bu mərhələdə Əlcəzair nümayəndəsi, Lyes Bouyacoub ilə qarşılaşdı. Həmin görüşdə Elmar Qasımov yuko xalı ilə hesabda önə çıxsada, görüşü sonlarında Əlcəzair cüdoçusu hesabı bərabərləşdirdi. Lakin Lyes Bouyacoubun aktivində iki şido cərimə xalı olduğu üçün qalib Elmar Qasımov oldu. Elmar Qasımovun yarım-finala gedən yolda rəqibi, 2009-cu ilin Dünya Çempionatının bürünc medalçısı Misir cüdoçusu Ramadan Darviş oldu. Misirli rəqibi ilə görüşdə Qasımov 54-cü saniyədəcə möhtəşəm ippon fəndi ilə qələbə çaldı və yarım-final mərhələsinə vəsiqə qazandı. Yarım-final mərhələsində Elmar Qasımov elədə ciddi uğuru olmayan Ukrayna cüdoçusu Artyom Bloşenko ilə üz-üzə gəldi. Görüş ərzində tam üstün olan Elmar Qasımov Artyom Bloşenkonu 2:38-ci saniyədə ippona salaraq qələbə qazandı və Rüstəm Orucovda sonra finala adlayan ikinci cüdoçu oldu.
Finalda isə Qasımov özünün əzəli rəqibi, Dünya və Avropa çempionu, Çex Respublikasının nümayəndəsi Lukas Krpalek ilə üz-üzə gəldi. Görüş ərzində Lukas Krpalekin hücumlarından müdafiə olunmağ üçün Elmar Qasımov passiv mübarizə apardı. Məhz bu amilə görədə o, görüşün gedişində yorularaq, qarşılaşmanın sonuna 24 saniyə qalmış ippon fəndinə düşərək məğlub oldu və XXXI Yay Olimpiya Oyunlarının gümüş medalını qazandı. Elmar Qasımovun qazandığı gümüş medal Azərbaycanın Olimpiya Oyunları tarixində qazandığı 30-cu medal oldu. Elmar Qasımovun mükafatlandırılma mərasiminə Azərbaycan Cüdo Federasiyasının Prezidenti Rövnəq Abdullayev qatıldı.
Rio-de-Janeyro Olimpiadasında cüdo yarışlarına 12 avqust tarixində yekun vuruldu. Həmin gün mübarizəyə +100 kiloqram çəki dərəcəsində çıxış edən Uşangi Kokauri qoşuldu. Kokauri 1/16 final mərhələsində Latviya cüdoçusu Arturs Nikiforenko ilə qarşılaşdı. Görüş ərzində rəqibində açıq-aşkar üstün olan Uşangi Kokauri, görüşün əvvəlində yuko xalı qazandı. Qarşılaşmanın sonuna 17 saniyə qalmış isə o, osaekomi fəndini tətbiq edərək vaza-ari və ippon xalı qazanaraq qələbə qazandı. Uşangi Kokauri növbəti mərhələdə Yaponiya cüdoçusu Hisayoşi Harasava ilə üz-üzə gəldi. Gərgin idman mübarizəsi şəraətində keçən görüşdə Uşangi Kokauri güclü rəqibinə ippon fəndi ilə məğlub olaraq XXXI Yay Olimpiya Oyunlarında mübarizəni dayandırdı.
Ümumi yekunda Azərbaycan cüdoçuları üçün Rio-de-Janeyro Olimpiadası uğurlu oldu. "Rio-2016" Olimpiadasına altı cüdoçu ilə qatılan Azərbaycan, 2008 Pekin Olimpiadasından sonra birinci dəfə medal qazandı. Azərbaycan XXXI Yay Olimpiya Oyunlarını iki gümüş medalla başa vurdu. Həmin nəticə ilə Azərbaycan cüdo yarışlarının medal sıralanmasında 137 ölkə sırasında 12-ci yeri tutdu.
İdmançı | Yarış | 1/16 final | 1/8 final | 1/4 final | 1/2 final | Təsəlliverici qrup | Final | Yer | Medal | |
---|---|---|---|---|---|---|---|---|---|---|
1-ci oyun | 2-ci oyun | |||||||||
Orxan Səfərov | -60 kq. | Q 011:000 | Q 110:001 | Q 100:000 | M 000:010 | M 000:000 | ||||
Nicat Şıxəlizadə | -66 kq. | Q 001:000 | M 000:010 | |||||||
Rüstəm Orucov | −73 kq. | Q 000:000 | Q 100:000 | Q 010:000 | Q 001:000 | M 000:110 | ||||
Məmmədəli Mehdiyev | -90 kq. | Q 100:000 | Q 011:001 | M 000:100* | M 000:001 | |||||
Elmar Qasımov | −100 kq. | Q 011:000 | Q 010:010 | Q 100:000 | Q 100:000 | M 100:000 | ||||
Uşangi Kokauri | +100 kq. | Q 111:000 | M 000:100 |
* — Məmmədəli Mehdiyev görüş ərzində dörd şido cərimə xalı ilə cərimələndi və texniki məğlubiyyət alaraq məğlub oldu.
Güləş
- Q=Qalib gəldi
- M=Məğlub oldu
Rio-de-Janeyro Olimpiadasında güləş idman növü üzrə yarışlar 14–21 avqust tarixləri arasında Carioca Arenada baş tutdu. Azərbaycanı bu idman növündə 14 güləşçi təmsil etdi. Azərbaycan birinci lisenziyaları 2015-ci ilin sentyabr ayında qazandı. Amerika Birləşmiş Ştatlarının Las-Veqas şəhərində baş tutan Dünya Çempionatında yunan-roma güləşçilərindən (59 kq.) Rövşən Bayramov, (75 kq.) Elvin Mürsəliyev, (85 kq.) Saman Təhmasibi və (130 kq.) çəki dərəcəsində Sabah Şəriəti XXXI Yay Olimpiya Oyunlarına vəsiqə qazandı. Sərbəst güləşçilərdən isə (65 kq.) Toğrul Əsgərov, (85 kq.) Məhəmmədhacı Xatiyev, (125 kq.) Camaləddin Məhəmmədov, (48 kq.) Mariya Stadnik, (53 kq.) Anjela Doroqan və (58 kq.) çəki dərəcəsində Yuliya Ratkeviç 2016 Rio-de-Janeyro Olimpiadasına lisenziya qazandı.
Dünya Çempionatından sonra isə Azərbaycan növbəti lisenziyaları təsnifat turnirlərində qazandı. 2016-cı ilin əvvəlində Serbiyanın Zrenyanin şəhərində baş tutan "Avropa Olimpiya təsnifat" turnirində Cəbrayıl Həsənov erməni güləşçi üzərində qələbə qazanaraq Rio-de-Janeyro Olimpiadasına vəsiqəni təmin etdi. Həmin ilin aprel ayında 57 kiloqram çəki dərəcəsində Mircəlal Həsənzadə Monqolustanın paytaxtı Ulan-Bator şəhərində keçirilən "1-ci Dünya Olimpiya təsnifat" turnirində, may ayında isə 66 kiloqran çəki dərəcəsində Rəsul Çunayev Türkiyənin İstanbul şəhərində baş tutan "2-ci Dünya Olimpiya təsnifat" turnirində Rio-de-Janeyro Olimpiadasına lisenziya qazandı.
XXXI Yay Olimpiya Oyunlarına 14 güləşçi ilə qatılan Azərbaycan yığması hazırlıq prosessini Göygöl şəhərində keçdi. Sərbəst güləş üzrə yığmanın məşqçiləri Firdovsi Umudov və Saypulla Absaidov yarışlarda Mircəlal Həsənzadənin əvəzinə Hacı Əliyevi, Məhəmmədhacı Xatiyevin əvəzinə isə Şərif Şərifovu aparmağı qərara aldı. Qadın güləşi üzrə yığmanın baş məşqçisi Simeon Çeterev isə "dörd illiyin zirvə yarışına" Anjela Doroqannın əvəzinə üç qat Avropa çempionu Nataliya Sinişini apardı.
Yunan-Roma güləşi
Kişilər
XXXI Yay Olimpiya Oyunlarında yunan-roma güləşi üzrə yarışlar 14–16 avqust tarixləri arasında baş tutdu. 14 avqust tarixində 2008 Pekin və 2012 London Olimpiadasının gümüş medalçısı Rövşən Bayramov və I Avropa Oyunlarının çempionu Elvin Mürsəliyev mübarizəyə qoşuldu.
59 kiloqram çəki dərəcəsində yarışan Rövşən Bayramov birinci görüşdə, 1/8 final mərhələsində Venesuela nümayəndəsi Raiber Rodrigez ilə qarşılaşdı. Həmin görüşdə Bayramov rəqibi üzərində 9:0 hesablı təmiz qələbə qazandı və 1/4 final mərhələsinə adladı. Bu mərhələdə Rövşən Bayramov Birləşmiş Ştatların güləşçisi Jesse Tielke ilə üz-üzə gəldi. Dünya və Avropa çempionu Bayramov bu səfərdə rəqibi üzərində asan qələbə qazandı, 9:0 və yarım-finala vəsiqə qazandı. Bu görüşdə o, son Olimpiya çempionu İranlı Həmid Soryanı məğlub edən Yaponiya nümayəndəsi Şinobu Ota ilə qarşılaşdı. Qarşılaşmanın birinci hissəsində parter vəziyyətində olan Rövşən Bayramov, parterdən qurtularaq Otadan iki xal aldı və hesabda önə çıxdı. Amma Şinobu Ota dərhal Bayramovu çətin vəziyyətə saldı və tuşe ilə qələbə qazandı. Rövşən Bayramov isə özünün sonuncu Olimpiya Oyunlarında da qızıl medal qazana bilmədi. Yarım-finalda məğlub olan Rövşən Bayramov bürünc medal uğrunda mübarizə apardı. Bayramov həmin qarşılaşmada Norveç güləşçisi Stig-Andre Berge üz-üzə gəldi. Bərabər idman mübarizəsində Rövşən Bayramov Berge ilə 1:1 hesabı ilə bərabərə qaldı; son xalı Norveç güləşçisi qazandığı üçün isə bürünc medalı Stig-Andre Berge qazandı. Rövşən Bayramov isə Rio-de-Janeyro Olimpiadasını 5-ci yedə başa vurdu.
Həmin gün 75 kiloqram çəki dərəcəsində yarışan Elvin Mürsəliyev isə uğursuz çıxışı ilə yadda qaldı. Mürsəliyev birinci görüşdə Misir nümayəndəsi Mahmud Fevzi ilə qarşılaşdı. Birinci hissədə 0:1 hesabı ilə geridə olan Elvin Mürsəliyev ikinci hissədə iki xal qazandı və görüşün qalibi oldu. Növbəti 1/8 final mərhələsində Mürsəliyev Qazaxıstan güləşçisi Dosjan Kartikov ilə üz-üzə gəldi. Gərgin görüşdən 5:1 hesablı ilə qələbə ilə ayrılan Elvin Mürsəliyev 1/4 final mərhələsinə adladı. Bu mərhələdə o, Macarıstan pəhləvanı, Dünya və Avropa çempionu Peter Bacsi ilə qarşılaşdı. Güclü rəqibi ilə görüşdə Mürsəliyev 0:5 hesabı ilə uduzdu. Daha sonra Peter Bacsinin yarım-final mərhələsində uduzması ilə Elvin Mürsəliyev bürünc medal qazanmaq şanslarını itirdi və XXXI Yay Olimpiya Oyunlarını 7-ci yerdə başa vurdu.
15 avqust tarixində daha iki Azərbaycan pəhləvanı mübarizəyə qoşuldu; 85 kiloqram çəki dərəcəsində Dünya Çempionatının 5 qat medalçısı Saman Təhmasibi və 130 kiloqram çəki dərəcəsində I Avropa Oyunlarının gümüş medalçısı Sabah Şəriəti.
Saman Təhmasibi Rio-de-Janeyro Olimpiadasında ən uğursuz çıxış edən Azərbaycan güləşçisi oldu. Təhmasibi birinci görüşdə I Avropa Oyunlarının çempionu, Rusiyalı Davit Çakvetadze ilə qarşılaşdı. 1/16 final mərhələsinin görüşündə Saman Təhmasibi rəqibinə 0:3 hesabı ilə uduzdu. Amma Davit Çakvetadze yarışların finalına adladığı üçün Təhmasibi təsəlli verici qrupda mübarizə apardı. Lakin o, elə birinci görüşdəcə İranlı Həbibulla Əxlaqiya 2:3 hesabı ilə məğlub oldu və XXXI Yay Olimpiya Oyunlarını 13-cü pillədə başa vurdu.
Saman Təhmasibidən fərqli olaraq 130 kiloqram çəki dərəcəsində yarışan Sabah Şəriəti yarışların bürünc medalını qazandı. Şəriəti birinci görüşdə Amerika Birləşmiş Ştatlarının güləşçisi Robbi Smit ilə qarşılaşdı və 8:2 hesablı qələbə qazanaraq 1/4 final mərhələsinə vəsiqə qazandı. Bu mərhələdə Sabah Şəriəti Türkiyə pəhləvanı, 2012 London Olimpiadasının bürünc medalçısı, 2 qat Dünya və 6 qat Avropa çempionu Rıza Kayaalp ilə üz-üzə gəldi. Güclü rəqibi ilə görüşdə Şəriəti Rızakayaalpa tuşe ilə uduzdu. Amma Kayaalp finala gədər irəllilədiyi üçün Sabah Şəriəti təsəlliverici qrupda yarışdı. O, birinci görüşdə Venesuela güləşçisi Ervin Karaballo qarşılaşdı və asan qələbə qazandı, 8:0. Həlledici qarşılaşmada Sabah Şəriəti Almaniya pəhləvanı Eduard Poop ilə üz-üzə gəldi. Gərgin görüşdə Şəriəti möhtəşəm fənd ilə rəqibinin kürəklərini yerə vurdu və XXXI Yay Olimpiya Oyunlarının bürünc medalını qazandı.
Yunan-roma güləşi üzrə yarışların son günü 2015-ci ilin Dünya çempionu Rəsul Çunayev mübarizə apardı. Çunayev Rio-de-Janeyro Olimpiadasının birinci görüşündə Kuba güləşçisi Miguel Martinez ilə qarşılaşdı. Gərgin qarşılaşmada Rəsul Çunayev 4:2 hesabı ilə qələbə qazandı. Növbəti 1/8 final mərhələsində o, Rusiyalı Olimpiya çempionu İslambəy Albiyev ilə üz-üzə gəldi. Həmin görüşdə də Çunayev çətin qələbə qazandı, 3:2 və 1/4 final mərhələsinə adladı. Bu mərhələdə Rəsul Çunayev Əlcəzair nümayəndəsi Tarek Benaissa ilə qarşılaşdı. Digər görüşləri ilə nisbətdə Çunayev bu səfər asan qələbə qazandı, 10:2 və yarım-finala vəsiqə qazandı. Bu mərhələdə o, erməni Miqran Arutyunyana uduzdu və bürünc medal uğrunda mübarizə apardı. Həlledici görüşdə Rəsul Çunayev Cənubi Koreya güləşçisi Ryu Han-Su üzərində 8:0 hesablı qələbə qazandı və Rio-de-Janeyro Olimpiadasının bürünc medalına sahib çıxdı.
Ümumi yekunda Azərbaycanın yunan-roma üsulu ilə güləşən pəhləvanları XXXI Yay Olimpiya Oyunlarını 2 bürünc medalla başa vurdu. 2004 Afina Olimpiadasının çempionu, Azərbaycan yığmasının sabiq məşqçisi Fərid Mansurov müsahibəsində qazanılan 2 medalı uğurlu nəticə adlandırdı. O, Rövşən Bayramovun yarışlarda medal qazanmamasını pis hazırlıq ilə əlaqələndirdi. Mansurov həmdə Rəsul Çunayevin yarım-finalda erməni güləşçiyə məğlubiyyətini onun çəkisini aşağı salması ilə bağladı.
İdmançı | Yarış | 1/16 final | 1/8 final | 1/4 final | 1/2 final | Təsəlliverici qrup | Final / BM | Yer | |
---|---|---|---|---|---|---|---|---|---|
1-ci oyun | 2-ci oyun | ||||||||
Rövşən Bayramov | -59 kq. | Qəl. 8:0 | Qəl. 9:0 | Məğ. 2:4 | Məğ. 1:1 | ||||
Rəsul Çunayev | -66 kq. | Qəl. 4:2 | Qəl. 3:2 | Qəl. 10:2 | Məğ. 1:4 | Qəl. 8:0 | |||
Elvin Mürsəliyev | -75 kq. | Qəl. 2:1 | Qəl. 5:1 | Məğ. 0:5 | |||||
Saman Təhmasibi | -85 kq. | Məğ. 0:3 | Məğ. 0:3 | ||||||
Sabah Şəriəti | -130 kq. | Qəl. 8:2 | Məğ. 0:5 | Qəl. 8:0 | Qəl. 2:0 |
Sərbəst güləşi
Kişilər
Rio-de-Janeyro Olimpiadasında sərbəst güləş üzrə yarışlar 19–21 avqust tarixləri arasında baş tutdu. 19 avqust tarixində 2014 və 2015-ci illərin Dünya çempionu Hacı Əliyev və 2010, 2011-ci illərin Avropa çempionu Cəbrayıl Həsənov mübarizəyə qoşuldu.
57 kiloqram çəki dərəcəsində yarışan Hacı Əliyev birinci görüşdə Cənubi Koreya güləşçisi Yun Jun-Sik ilə qarşılaşdı. Həmin görüşdə Əliyev 12:2 hesabı ilə vaxtından əvvəl qələbə qazandı. 1/4 final mərhələsində isə Hacı Əliyev Gürcüstan pəhləvanı, Dünya və Avropa çempionu, London Olimpiadasının gümüş medalçısı Vladimir Xinçeqaşvili ilə üz-üzə gəldi. Gərgin idman mübarizəsində Əliyev 3:5 hesabı ilə rəqibinə uduzdu. Amma Xinçeqaşvili finala vəsiqə qazandıqından Hacı Əliyev təsəlliverici qrupda mübarizə apardı. Əliyev birinci görüşdə Qazaxıstan nümayəndəsi Nurislam Sanayev ilə qarşılaşdı. Bərabər səviyyədə baş tutan görüşdən Hacı Əliyev qələbə ilə ayrıldı, 10:8 və həlledici görüşə vəsiqə qazandı. Bu görüşdə Əliyev Bolqarıstan güləşçisi Vladimir Dubovla üz-üzə gəldi. Hacı Əliyev görüş boyu Dubovdan üstün təsir bağışlayaraq 5:4 hesabı ilə görüşün qalibi oldu və Rio-de-Janeyro Olimpiadasının bürünc medalını qazandı.
19 avqust tarixdə mübarizə aparan digər güləşçi, Cəbrayıl Həsənovda vətənə medalla döndü. 74 kiloqram çəki dərəcəsində yarışan Həsənov mübarizəyə 1/8 final mərhələsində Kolumbiyalı Karlos İzquierdo ilə görüşdə başladı. Həmin qarşılaşmada o, 10:0 hesabı ilə vaxtından əvvəl qələbə qazandı. Növbəti görüşdə Cəbrayıl Həsənov Gürcüstan güləşçisi Yakob Makaraşvilini 11:0 hesabı ilə məğlub etdi və yarım-finala adladı. Bu mərhələdə Həsənov Rusiya pəhləvanı Aniuar Qeduyev ilə qarşılaşdı. Gərgin görüşün gedişində Cəbrayıl Həsənov 4:0 hesabı ilə öndə olsada, Qeduyev möhtəşəm fənd tətbiq etdi və görüşdə 4:5 hesablı qələbə ilə ayrıldı. Görüşdən sonra Həsənov müsahibəsində məğlubiyyətini rəqibinin güclü olması və referilərin Qeduyevə üç dəfə istirahət verməsi ilə əlaqələndirdi. Bürünc medal uğrunda görüşdə isə Cəbrayıl Həsənov Özbəkistan pəhləvanı Bekzod Abdurahmonovu 9:7 hesabı ilə məğlub etdi və XXXI Yay Olimpiya Oyunlarının bürünc medalını qazandı.
20 avqust tarixində daha iki Azərbaycan pəhləvanı mübarizə apardı; Dünya Çempionatının gümüş medalçısı Camaləddin Məhəmmədov və London Olimpiadasının çempionu Şərif Şərifov.
125 kiloqram çəki dərəcəsində yarışan Camaləddin Məhəmmədov birinci görüşdə Birləşmiş Ştatların nümayəndəsi, Dünya Çempionatının iki qat bürünc medalçısı Tervel Dlaqnev ilə üz-üzə gəldi. Gərgin idman mübarizəsi ilə yekunlaşan görüşdə Camaləddin Məhəmmədov rəqibinə 5:6 hesabı ilə uduzdu. Həmin qarşılaşmada Məhəmmədovun zədəli olması, onun XXXI Yay Olimpiya Oyunlarında mübarizəni erkən dayandırması ilə başa çatdı.
Camaləddin Məhəmmədovdan fərqli olaraq isə Şərif Şərifov yarışların medalını qazanmağı bacardı. Son Olimpiya çempionu Şərif Şərifov mübarizəyə 1/8 final mərhələsindən başladı. Şərifov bu mərhələdə Çin Xalq Respublikasının nümayəndəsi Bi Şenqfenq ilə qarşılaşdı və 10:0 hesabı ilə qələbə qazandı. Növbəti mərhələdə Şərif Şərifov Polşa güləşçisi Zbiqniyev Baranovski ilə üz-üzə gəldi. Həmin görüşdə o, 7:0 hesabı ilə qələbə qazandı və yarım-finala adladı. Yarım-finalda isə Şərif Şərifov "Avar tankı" ləqəbli iki qat Dünya çempionu, Rusiya pəhləvanı Abdulrəşid Sadulayev ilə qarşılaşdı və 1:8 hesabı ilə məğlub olaraq mübarizəni bürünc medal uğrunda davam etdi. Həlledici görüşdəson Olimpiya çempionu Şərif Şərifov Venesuelalı Pedro Keballos üzərində 5:1 hesablı qələbə qazandı və XXXI Yay Olimpiya Oyunlarının bürünc medalını qazandı.
XXXI Yay Olimpiya Oyunlarının sonuncu günü isə London Olimpiadasının çempionu Toğrul Əsgərov və Olimpiya Oyunlarının iki qat bürünc medalçısı Xetaq Qazyumov mübarizə apardı.
65 kiloqram çəki dərəcəsində yarışan Toğrul Əsgərov mübarizəyə 1/8 final mərhələsində Ukrayna pəhləvanı Andrey Kviatkovskiy ilə görüşdə başladı. Kviatkovskiy ilə müqavisədə rəqibindən daha təcrübəli olan Toğrul Əsgərov 12:2 hesabı ilə qələbə qazandı. 1/4 final mərhələsində Əsgərovun rəqibi Birləşmiş Ştatların nümayəndəsi Frank Molinaro oldu. 27 yaşlı Molinaro ilə görüşdə yenə güclü tərəf Toğrul Əsgərov oldu, 10:0. Finala gedən yolda Əsgərov əzəli rəqibi, İtaliyalı Frank Çamizo ilə üz-üzə gəldi. Gərgin keçən qarşılaşmanın yekununda Toğrul Əsgərov Çamizo üzərində 7:4 hesabı qələbə qazandı və yarışların finalına adladı. Finalda Rusiyalı Soslan Ramonov ilə qarşılaşan Toğrul Əsgərov rəqibinə 0:10 hesabı ilə vaxtından əvvəl məğlub oldu və XXXI Yay Olimpiya Oyunlarının gümüş medalına sahib oldu. Finaldan sonra Əsgərov məğlubiyyətini görüşün əvvəlində aldığı zədə ilə əlaqələndirdi; Görüşün gedişində Toğrul Əsgərov ilə Soslan Ramonvun başları toqquşdu.
97 kiloqram çəki dərəcəsində yarışan Xetaq Qazyumovda yarışları gümüş medalla başa vurdu. Qazyumov XXXI Yay Olimpiya Oyunlarında mübarizəyə 1/16 final mərhələsində Polşalı Radoslav Baranla görüşdə başladı. Həmin qarşılaşmada Xetaq Qazyumov rəqibini 3:0 hesabı ilə məğlub etdi. Növbəti mərhələdə o, iki qat Dünya çempionu İran pəhləvanı Reza Yazdani ilə üz-üzə gəldi. Gərgin idman mübarizəsində davam edən görüşdən Qazyumov 2:1 hesablı qələbə ilə ayrıldı. 1/4 final mərhələsində Xetaq Qazyumov Özbəkistanlı Məhəmməd İbrahimov üzərində 12:3 hesablı qələbə qazandı və yarım-finala adladı. Finala gedən yolda Xetaq Qazyumov Ukrayna pəhləvanı Valeri Andreysevi vaxtından əvvəl 11:0 hesabı ilə məğlub etdi və Olimpiya Oyunlarının finalına vəsiqə qazandı. Qazyumov həlledici görüşdə Birləşmiş Ştatların nümayəndəsi Keli Snayderə 1:2 hesabı ilə uduzdu və XXXI Yay Olimpiya Oyunlarının gümüş medalına sahib oldu. Yarışlardan sonra müsahibəsində Xetaq Qazyumov taktiki səhv buraxdığını, nəticədə Keli Snayderə ayaqlarını tutmasına imkan verməsini, görüşün gedişini müəyyən etdiyi bildirdi.
Ümumi yekunda Azərbaycanın sərbəst güləşçiləri XXXI Yay Olimpiya Oyunlarını iki gümüş və üç bürünc medalla başa vurdu. Yarışların gümüş medalını qazanan Toğrul Əsgərov, qızıl və gümüş medal qazanan Namiq Abdullayevin uğurunu təkrarladı. Əsgərov həmdə Şərif Şərifov ilə birgə Olimpiya çempionluğundan sonra, medal qazanan ikinci Olimpiya çempionları oldu. Buna gədər bu uğura ancaq stend atıcısı Zemfira Meftahətdinova nail olmuşdu. Sərbəst güləş üzrə Azərbaycan yığmasının baş məşqçisi Saypulla Absaidov altı güləşçidən, beşinin vətənə medalla dönməsini böyük uğur adlandırdı. Yığmanın böyük məşqçisi Firdovsi Umudov isə Rio-de-Janeyro Olimpiadasında qazandığları uğurları, həmin ilin aprel ayında Ermənistan-Azərbaycan sərhədindən baş verən "Aprel döyüşləri"-ndə şəhid olan Azərbaycan hərbçilərinə həsr etdiyi bildirdi.
İdmançı | Yarış | 1/16 final | 1/8 final | 1/4 final | 1/2 final | Medal uğrunda mübarizə | Yer | |
---|---|---|---|---|---|---|---|---|
1-ci oyun | Final / BM | |||||||
Hacı Əliyev | -57 kq. | Qəl. 12:2 | Məğ. 3:5 | Qəl. 10:8 | Qəl. 5:4 | |||
Toğrul Əsgərov | -65 kq. | Qəl. 12:2 | Qəl. 10:0 | Qəl. 7:4 | Məğ. 0:11 | |||
Cəbrayıl Həsənov | -74 kq. | Qəl. 10:0 | Qəl. 11:0 | Məğ. 4:5 | Qəl. 9:7 | |||
Şərif Şərifov | -86 kq. | Qəl. 10:0 | Qəl. 7:0 | Məğ. 1:8 | Qəl. 5:1 | |||
Xetaq Qazyumov | -97 kq. | Qəl. 3:0 | Qəl. 2:1 | Qəl. 12:3 | Qəl. 11:0 | Məğ. 1:2 | ||
Camaləddin Məhəmmədov | -125 kq. | Məğ 5:6 |
Qadınlar
Rio-de-Janeyro Olimpiadasında qadın güləşi üzrə yarışlar 17 və 18 avqust tarixlərində keçirildi. 17 avqust tarixində Olimpiya Oyunlarının gümüş və bürünc medalçısı Mariya Stadnik mübarizə apardı. Stadnik öz çəki dərəcəsində Yaponiya güləşçisi Eri Tosaka ilə birgə əsas favoritlərdən hesab olunurdu. Mariya Stadnik həmdə yarışlardan əvvəl Ümumdünya Güləş Birliyinin reytinq siyahısında birinci sırada yer aldı.
Mariya Stadnik birinci görüşünə 1/8 final mərhələsi çərçivəsində Argentina nümayəndəsi Patrisia Bermudez ilə qarşılaşmada çıxdı. Görüşün artıq 9-cu saniyəsində Stadnik rəqibin ayağından tutaraq 30 saniyə ərzində Patrisia Bermudezi beş dəfə çəvirərək 10:0 hesablı təmiz qələbə qazandı və 1/4 final mərhələsinə adladı. Bu mərhələdə Mariya Stadnik özünün əzəli rəqiblərindən biri, Polşa güləşçisi İvona Matkovska ilə üz-üzə gəldi. 4 il əvvəl London Olimpiadasında İvona Matkovskadan güclü olan Mariya Stadnik bu səfər də rəqibi üzərində inamlı qələbə qazandı, 10:0 və yarım-finala adladı. Finala gedən yolda Mariya Stadnik 21 yaşlı Bolqarıstan güləşçisi, Avropa çempionatının bürünc medalçısı Elitsa Yankova ilə qarşılaşdı. Görüşün gedişində rəqibi üzərində 4:0 hesabı ilə üstün olan Mariya Stadnik, ikinci hissədə Elitsa Yankovanın kürəklərini yerə sıxaraq, görüşdən qələbə ilə ayrıldı və XXXI Yay Olimpiya Oyunlarının finalında mübarizə aparmaq hüququ qazandı. Finala vəsiqə qazanmaq ilə ən azı medalı təmin edən Mariya Stadnik Azərbaycan idmanın tarixinə, ardıcıl üç Olimpiya Oyunlarında medal qazanan birinci idmançı kimi düşdü.
Finalda Mariya Stadnik ötən, 2015-ci ilin Dünya Çempionatının finalında məğlub olduğu Yaponiya güləşçisi Eri Tosaka ilə qarşılaşdı. Buna gədər Azərbaycana Olimpiya Oyunlarında bürünc və gümüş medal qazandıran Mariya Stadnik həmin gün finala qələbə əzmi ilə çıxdı. Görüşə daha yaxşı başlayan Mariya Stadnik artıq 66-cı saniyədə Eri Tosakanı xalçadan kənara çıxardı və bir xal qazandı. Daha sonra o, ikinci hissədə, rəqib passiv güləşdiyi üçün daha bir xal qazandı və üstünlüyünü möhkəmləndirdi, 2:0. Qarşılaşmanın sonuna 80 saniyə qalmış Mariya Stadnik passiv güləşdiyi üçün, 30 saniyə ərzində fənd tətbiq etməli, Eri Tosaka isə müdafiə olunmalı idi. 30 saniyənin tamımında bir xalı müdafiə olunmağı bacaran Eri Tosaka qazandı və hesab arasında fərq minimuma endi, 2:1. Görüşün sonuna 26 saniyə qalmış Mariya Stadnikin yorulduğu üz cizgilərindən tam aydın görünürdü. Artıq son saniyələrdə Mariya Stadnik müdafiə olunmağ əvəzinə, üstünlüyünü artırmaq üçün hücuma keçdi. Belə hücum zamanı isə sona 3 saniyə qalmış Mariya Stadnik əks fəndə düşdü və 2:3 hesabı ilə məğlub olaraq layiq olduğu Olimpiya qızılını əldən verdi.
Mükafatlandırılma mərasimində, Mariya Stadnik fəxri kürsünün ikinci pilləsinə qalxan zaman göz yaşlarına hakim ola bilmədi. 3 saniyə qalmış layiq olduğu Olimpiya çempionuğunu itirən Mariya Stadnika Beynəlxalq Olimpiya Komitəsinin (BOK) Prezidenti Tomas Bax və Dünya Güləş Birliyinin (UWW) Prezidenti Nenad Laloviç təsəlli verdi.
Həmin gün 58 kiloqram çəki dərəcəsində yarışan London Olimpiadasının bürünc medalçısı Yuliya Ratkeviç isə medalın bir addımlığında uduzdu. Ratkeviç birinci görüşdə ötən, 2015-ci ilin Dünya çempionu Ukrayna güləşçisi Oksana Herhel ilə qarşılaşdı və gərgin görüşdən 7:5 hesablı qələbə ilə ayrıldı. 1/4 final mərhələsində Yuliya Ratkeviç Kolumbiya güləşçisi, 2008 və 2012-ci il Olimpiya Oyunlarının bürünc medalçısı Jakeline Renteria ilə üz-üzə gəldi. Görüş boyu Renteriadan üstün olan Ratkeviç 7:3 hesabı ilə qələbə qazandı və yarım-finala adladı. Yarım-finalda Yuliya Ratkeviç əfsanəvi Yaponiya güləşçisi, 3 qat Olimpiya və 10 qat Dünya çempionu Kaori İçoya 0:10 hesabı ilə məğlub oldu və bürünc medal uğrunda yarışdı. Həlledici görüşdə onun rəqibi Tunis nümayəndəsi Mərvə Əmri oldu. Həmin qarşılaşmda 3:0 hesabı ilə Ratkeviç öndə olsada, gözlənilmədən Əmri görüşdə geri dönüş etdi və 6:3 hesabı ilə qarşılaşmamım qalibi oldu. Yuliya Ratkeviç isə XXXI Yay Olimpiya Oyunlarını 5-ci pillədə başa vurdu.
Qadın güləşi yarışlarının son günü isə 2016-cı ilin Avropa çempionu Nataliya Sinişin mübarizə apardı. Sinişinin qızıl medala şanslara artıq rəqibi məlum olan zaman azaldı. O, Yaponiya güləşçisi 13 qat Dünya və 3 qat Olimpiya çempionu Saori Yoşida ilə üz-üzə gəldi. Nataliya Sinişin həmin görüşdə dünya güləşinin canlı əfsanəsinə 0:4 hesabı ilə uduzdu. Yoşida isə finala vəsiqə qazandığından Sinişin təsəlliverici qrupda yarışdı. Nataliya Sinişin birinci görüşdə Seneqallı İsabelle Sambou ilə qarşılaşdı və asan qələbə qazandı, 4:0. Həlledici qarşılaşmada isə Sinişinin rəqibi Venesuela güləşçisi Betzabet Argüello oldu. Gərgin idman mübarizəsinin yekununda Nataliya Sinişin 2:1 hesabı ilə qələbə qazandı və XXXI Yay Olimpiya Oyunlarının bürünc medalla başa vurdu.
Ümumi yekunda Bolqarıstanlı Simeon Şterevin rəhbərliyi altında qadın güləşi üzrə Azərbaycan yığması XXXI Yay Olimpiya Oyunlarını 1 gümüş və 1 bürünc medalla bitirdi. Olimpiya Oyunlarına 3 güləşçi ilə qatılan Azərbaycan yığmasında ancaq Yuliya Ratkeviç medalçıların sırasında düşə bilmədi.
İdmançı | Yarış | 1/8 final | 1/4 final | 1/2 final | Təsəlliverici qrup | Final | Yer | |
---|---|---|---|---|---|---|---|---|
1-ci oyun | 2-ci oyun | |||||||
Mariya Stadnik | -48 kq. | Qəl. 10:0 | Qəl. 10:0 | Qəl. 6:0 | Məğ. 2:3 | |||
Nataliya Sinişin | -53 kq. | Məğ. 0:4 | Qəl. 4:0 | Qəl. 2:1 | ||||
Yuliya Ratkeviç | -58 kq. | Qəl. 7:5 | Qəl. 7:3 | Məğ. 0:10 | Məğ. 3:6 |
İdman Gimnastikası
- Q=Növbəti mərhələyə vəsiqə qazandı
2016 Rio-de-Janeyro Olimpiadasında idman gimnastikası idman növü üzrə yarışlar 6-16 avqust tarixləri arasında HSBC Arenasında baş tutdu. Azərbaycanı bu idman növündə iki gimnast təmsil etdi. Azərbaycan birinci lisenziyanı 2015-ci ilin noyabr ayında Şotlandiyanın Qlazqo şəhərində qazandı. Oleq Stepko Dünya Çempionatında bürünc medal qazanaraq XXXI Yay Olimpiya Oyunlarına lisenziya qazandı.
Azərbaycan növbəti lisenziyanı 2016-cı ilin aprel ayında qazandı. Braziliyanın Rio-de-Janeyro şəhərində keçirilən Olimpiya Test turnirində Petro Paxnyuk uğurla çıxış etdi və XXXI Yay Olimpiya Oyunlarına lisenziya qazandı.
Kişilər
Oleq Stepko və Petro Paxnyuk Rio-de-Janeyro Olimpiadasında mübarizəyə 6 avqust tarixində qoşuldu. Oleq Stepko çoxnövçülük yarışlarının təsnifat mərhələsinə çərçivəsində paralel qollarda 15.300, turnikdə 13.600, gimnastika atında 14.975, sərbəst hərəkətlərdə 13.900, halqada 13.033 və dayaqla tullanmada 14.400 xal topladı. Ümumi yekunda Oleq Stepko 86.208 xalla çoxnövçülük yarışlarında 20-ci yeri tutdu və XXXI Yay Olimpiya Oyunlarının finalına adladı. Petro Paxnyuk isə çoxnövçülük yarışlarını 84.215 xalla başa vurdu və 34-cü yeri tutaraq mübarizəni dayandırdı.
Dörd gün sonra, 10 avqust tarixində Oleq Stepko final yarışlarında mübarizə apardı. O, gözlənilmədən uğursuz çıxış ilə yadda qaldı. Oleq Stepko altı hərəkətin yekununda Rio-de-Janeyro Olimpiadasını 79.081 xalla 22 gimnast sırasında sonuncu yeri başa vurdu.
Çoxnövçülük yarışları | |||||||||||||||
---|---|---|---|---|---|---|---|---|---|---|---|---|---|---|---|
İdmançı | Mərhələ | Cəmi | Yer | ||||||||||||
Oleq Stepko | Təsnifat | ||||||||||||||
Final | |||||||||||||||
Petro Paxnyuk | Təsnifat | ||||||||||||||
Final |
Kamandan oxatma
- Q=Qalib gəldi
- M=Məğlub oldu
XXXI Yay Olimpiya Oyunlarında kamandan oxatma idman növü üzrə yarışlar 6-12 avqust tarixləri arasında Sambadrome meydanında baş tutdu. Azərbaycanı bu idman növündə bir oxatan təmsil etdi. Azərbaycan yeganə lisenziyanı 2016-cı ilin may ayında Böyük Britaniyanın Nottingem şəhərində qazandı. Olqa Senyuk Avropa Çempionatında uğurla çıxış etdi və XXXI Yay Olimpiya Oyunlarına lisenziya qazandı. Həmçinin, Olqa Senyuk Azərbaycanı Olimpiya Oyunlarında kamandan oxatma idman növündə təmsil edən birinci idmançı kimi tarixə düşdü.
Qadınlar
Olqa Senyuk Rio-de-Janeyro Olimpiadasına mübarizəyə 5 avqust tarixində qoşuldu. O, həmin gün reytinq atışlarını yerinə yetirdi. Olqa Senyuk 623 xalla 64 idmançı sırasında 37-ci yeri tutdu. Dörd gün sonra, 9 avqust tarixində isə Olqa Senyuk, 1/32 final mərhələsində Çin Xalq Respublikasının nümayəndəsi, 24 yaşlı Cao Hui ilə üz-üzə gəldi. Gərgin idman mübarizəsi şəraətində keçən görüşdə Olqa Senyuk inamla mübarizəsi aparsada, təcrübəli rəqibinə 1:7 hesabı ilə məğlub olaraq Rio-de-Janeyro Olimpiadasında mübarizəni erkən dayandırdı.
İdmançı | Yarış | Reytinq | 1/32 final | 1/16 final | 1/8 final | 1/4 final | 1/2 final | Bürünc medal uğrunda oyun | Final | |
---|---|---|---|---|---|---|---|---|---|---|
Xal | Yer | |||||||||
Olqa Senyuk | Fərdi | 623 | 37 | M 1:7 |
Kanoe Slalom
- Q=Növbəti mərhələyə vəsiqə qazandı
Rio-de-Janeyro Olimpiadasında kanoe slalom idman növü üzrə yarışlar 7-11 avqust tarixləri arasında Olimpiya Ağ su gölündə baş tudu. Azərbaycanı bu idman növündə bir kanoeçi təmsil etdi. Azərbaycan yeganə lisenziyanı 2015-ci ilin sentyabr ayında qazandı. Londonda baş tutan Dünya Çempionatında Yure Meqliç 14-cü yeri tutdu və Rio-de-Janeyro Olimpiadasına lisenziya qazandı. Yure Meqliç həmçinin, Azərbaycanı Olimpiya Oyunlarında kanoe slalom idman növündə təmsil edən birinci idmançı oldu.
Kişilər
Yure Meqliç Rio-de-Janeyro Olimpiadasına mübarizəyə 7 avqust tarixində qoşuldu. O, təsnifat mərhələsində birinci gedişi 95.12 saniyə ilə 14-cü sırada tamamladı. İkinci gediş isə Yure Meqliç 90.70 saniyəlik nəticə ilə 8-ci yeri tutdu. Ümumi yekunda 24 kanoeçi sırasında 11-ci yeri tutan Yure Meqliç yarım-final mərhələsinə adladı. Üç gün sonra, 11 avqust tarixidə baş tutan yarım-final mərhələsində isə Yure Meqliç 13:42.00 saniyəlik nəticə ilə 15 kanoeçi sırasında yalnızca İsveç nümayəndəsini arxada qoyaraq 14-cü yeri tutdu və mübarizəni dayandırdı.
İdmançı | Yarış | Təsnifat mərhələsi | Yer | Yarım-final | Final | |||||
---|---|---|---|---|---|---|---|---|---|---|
1-ci gediş | Yer | 2-ci gediş | Yer | Nəticə | Yer | Nəticə | Yer | |||
Yure Meqliç | Bir nəfərlik qayıq |
Kanoe Sprint
- Q=Növbəti mərhələyə vəsiqə qazandı
XXXI Yay Olimpiya Oyunlarında kanoe sprint idman növü üzrə yarışlar 15-20 avqust tarixləri arasında Lagoa Rodrigo de Freitas çayında baş tutdu. Azərbaycanı bu idman növündə iki kanoeçi təmsil etdi. Azərbaycan "Rio-2016" Olimpiya Oyunları üşün lisenziyaları 2015-ci ilin avqust ayında qazandı. İtaliyanın Milan şəhərində keçirilən Dünya Çempionatında Valentin Demyanenko bir, İnna Osipenko-Radomska isə iki lisenziya qazandı.
Kişilər
XXXI Yay Olimpiya Oyunlarında bir nəfərlik kanoedə 200 metrəyə məsafədə Valentin Demyanenko mübarizəyə 17 avqust tarixində qoşuldu. O, həmin gün təsnifat mərhələsində qüvvəsini sınadı. Valentin Demyanenko 6 kanoeçinin mübarizə apardığı dördüncü qrupda 39.749 saniyəlik nəticə ilə birinci yeri tutdu və yarım-finala adladı. Bu mərhələdə də o, uğurun davamını gətirdi. Valentin Demyanenko 7 kanoeçinin yarışdığı qrupda 40.298 saniyəlik nəticə ilə yalnızca Gürcüstan nümayəndəsi Zaza Nadiradzedən geri qaldı və finala vəsiqə qazandı. Bir gün sonra, 8 avqust tarixində baş tutan finalda isə Valentin Demyanenko məsafəni 39.493 saniyəyə qət etdi və yalnızca Ukrayna təmsilçisi Yuri Çebandan geri qalaraq XXXI Yay Olimpiya Oyunlarının gümüş medalına sahib çıxdı.
İdmançı | Yarış | Təsnifat mərhələsi | Yarım-final | Final | Medal | |||
---|---|---|---|---|---|---|---|---|
Nəticə | Yer | Nəticə | Yer | Nəticə | Yer | |||
Valentin Demyanenko | Bir nəfərlik kanoe, 200 m. |
Qadınlar
Rio-de-Janeyro Olimpiadasında İnna Osipenko-Radomska 200 metrə məsafəyə bir nəfərlik qayıqda mübarizəyə 15 avqust tarixində qoşuldu. O, təsnifat mərhələsində 40.702 saniyəlik nəticə ilə 7 kanoeçi sırasında 1-ci yeri tutdu və yarım-final mərhələsinə adladı. Həmin gün İnna Osipenko-Radomska yarım-finalda mübarizə apardı. O, bu səfər 39.803 saniyəlik nəticə ilə yenə 1-ci yeri tutdu və XXXI Yay Olimpiya Oyunlarının finalına vəsiqə qazandı. Bir gün sonra, 16 avqust tarixində İnna Osipenko-Radomska qüvvəsini finalda sınadı. 8 kanoeçinin mübarizə apardığı yürüşdə İnna Osipenko-Radomska 40.401 saniyəlik nəticə ilə, yalnızca 2012 London Olimpiadasının çempionu, olimpiya rekordsuçu Yeni Zelandiyalı Lisa Karrington və Polşa nümayəndəsi Marta Valzikieviçdən geri qalaraq Rio-de-Janeyro Olimpiadasının bürünc medalını qazandı. İnna Osipenko-Radomska karyerasında beşinci olimpiya medalını qazansada, bu medal Azərbaycan bayrağı altında birinci medalı oldu. O, həmçinin, Olimpiya Oyunlarında medal qazanan birinci Azərbaycanlı kanoeçi olaraq tarixə düşdü.
Bir gün sonra, 17 avqust tarixində isə İnna Osipenko-Radomska 500 metrə məsafəyə bir nəfərlik qayıqda qüvvəsini sınadı. O, mübarizəyə təsnifat mərhələsindən qoşuldu. 6 kanoeçinin yarışdığı mərhələdə İnna Osipenko-Radomska 1.51.750 saniyəlik nəticə ilə 1-ci yeri tutdu və yarım-finala adladı. Bu mərhələdə İnna Osipenko-Radomska 1.57.627 saniyəlik nəticə ilə yalnızca Almaniya kanoeçisində geri qaldı və 2-ci yeri tutaraq finala adladı. Finalda İnna Osipenko-Radomska uğursuz çıxış etdi. O, 1.56.573 saniyəlik nəticə ilə sonuncu, 8-ci yeri tutdu.
İdmançı | Yarış | Təsnifat mərhələsi | Yarım-final | Final | Medal | |||
---|---|---|---|---|---|---|---|---|
Nəticə | Yer | Nəticə | Yer | Nəticə | Yer | |||
İnna Osipenko-Radomska | ||||||||
Bir nəfərlik qayıq, 500 m. |
Qılıncoynatma
- Q=Qalib gəldi
- M=Məğlub oldu
Rio de Janeyro Olimpiadasında qılıncoynatma idman növü üzrə yarışlar 6-14 avqust tarixləri arasında Carioca Arenasında baş tutdu. Azərbaycanı bu idman növündə bir qılıncoynadan təmsil etdi. Azərbaycan yeganə lisenziyanı 2016-cı ilin aprel ayında qazandı. Çex Respublikasının paytaxtı Praqa şəhərində keçirilən Avropa Olimpiya Təsnifat turnirində sablya yarışlarında çıxış edən Səbinə Mikina 1-ci yeri tutdu və XXXI Yay Olimpiya Oyunlarına lisenziya qazandı.
Qılıncoynatma yarışlarının püşk atması 4 avqust tarixində baş tutdu. Püşk atmaya əsasən Səbinə Mikina Tunis idmançısı Azza Besbeslə üz-üzə gələcək.
Qadınlar
XXXI Yay Olimpiya Oyunlarında Azərbaycanlı sablyaçı Səbinə Mikina 8 avqust tarixində mübarizəyə qoşuldu. O, 1/16 final mərhələsinə Tunis idmançısı, 7 qat Afrika çempionu Azza Besbes ilə üz-üzə gəldi. Səbinə Mikinanın birinci hissənin əvvəlində 3:1 hesabı ilə öndə olmasına baxmayaraq o, bu üstünlüyünə qoruya bilmədi və 3:4 hesabı ilə geriyə düşdü. Gərgin keçən birinci hissədə Səbinə Mikina 7:8 hesabı ilə məğlub oldu. İkinci hissənin əvvəlində o, hesabda 8:14 geri düşdü. Daha sonra Səbinə Mikina ardıcıl dörd xal qazansada, yekunda 12:15 hesabı ilə məğlub olaraq, XXXI Yay Olimpiya Oyunlarında mübarizəni erkən başa vurdu.
İdmançı | Yarış | 1/16 final | 1/8 final | 1/4 final | 1/2 final | Bürünc medal uğrunda oyun | Final |
---|---|---|---|---|---|---|---|
Səbinə Mikina | Fərdi, Sablya | M 12:15 |
Şosse velosipedi
XXXI Yay Olimpiya Oyunlarında şosse velosipedi idman növü üzrə yarışlar 6-10 avqust tarixləri arasında Kopakabana çimərliyində baş tutdu. Azərbaycanı bu idman növündə iki velosipedçi təmsil etdi. Azərbaycan birinci lisenziyanı 2016-cı ilin yanvar ayında qazandı. Maksim Averin Olimpiya Oyunlarından əvvəl, iki ildə bir sıra yarışlarda topladığı 158 lisenziya xalı ilə Rio-de-Janeyro Olimpiadasına vəsiqə qazandı. Maksim Averin həmçinin Olimpiya Oyunlarına vəsiqə qazanan birinci Azərbaycanlı kişi velosipedçi oldu.
Azərbaycan növbəti lisenziyanı həmin ilin may ayında qazandı. Qadın velosipedçi Yelena Pavluxina Olimpiya Oyunlarından əvvəl, iki il ərzində müxtəlif beynəlxalq yarışlarda topladığı 149 lisenziya xalı ilə XXXI Yay Olimpiya Oyunlarında vəsiqə qazandı.
Kişilər
XXXI Yay Olimpiya Oyunlarında Maksim Averin mübarizəyə 6 avqust tarixində qoşuldu. Olimpiadanın birinci günündə, 144 velosipedçinin yarışdığı mərhələdə Maksim Averin finişə çata bilməyərək mübarizəni medalsız başa vurdu.
İdmançı | Yarış | Nəticə | Yer |
---|---|---|---|
Maksim Averin | Fərdi |
Qadınlar
Rio de Janeyro Olimpiadasında Yelena Pavluxina 7 avqust tarixində mübarizə apardı. O, 136.9 kilometr məsafəni 3 saat 58 dəqiqə 5 saniyəyə tamamladı. Bu nəticə ilə Yelena Pavluxina 68 velosipedçi sırasında 35-ci yeri tutdu və mübarizəni medalsız baş vurdu.
İdmançı | Yarış | Nəticə | Yer |
---|---|---|---|
Yelena Pavluxina | Fərdi |
Taekvondo
- Q=Qalib gəldi
- M=Məğlub oldu
Rio-de-Janeyro Olimpiadasında taekvondo idman növü üzrə yarışlar 17-20 avqust tarixləri arasında Carioca Arenasında baş tutdu. Azərbaycan bu idman növü üzrə tarixində birinci dəfə tam heyətlə, dörd taekvondoçu ilə təmsil olundu. Azərbaycan birinci lisenziyanı 2015-ci ilin dekabr ayında qazandı. Dünya Taekvondo Federasiyasının dekabr ayı üçün nəzərdə tutulan reytinq cədvəlində (+80) kq. çəki dərəcəsində Radik İsayev ilk 6 idmançı sırasında yer aldı və XXXI Yay Olimpiya Oyunlarına lisenziya qazandı.
Azərbaycan növbəti lisenziyaları 2016-cı ilin fevral ayında qazandı. Türkiyənin İstanbul şəhərində keçirilən Avropa Olimpiya Təsnifat turnirində kişilərin yarışında (-80 kq.) Milad Beigi, qadınların yarışında isə (-49 kq.) Patimat Abakarova və (-67 kq.) çəki dərəcəsində Fəridə Əzizova 1-ci yeri tutdu və Rio-de-Janeyro Olimpiadasına lisenziya qazandı.
Kişilər
XXXI Yay Olimpiya Oyunlarında (-80 kq.) çəki dərəcəsində çıxış edən Milad Beigi 19 avqust tarixində mübarizəyə qoşuldu. O, birinci görüşdə Mali taekvondoçusu İsmayıl Koulibali ilə üz-üzə gəldi. Həmin görüşdə Milad Beigi 13:6 hesablı qələbə qazandı və 1/4 final mərhələsinə adladı. Bu mərhələdə Milad Beigi güclü İran nümayəndəsi, 2015-ci ilin Dünya çempionu Mehdi Xodabaxşi ilə qarşılaşdı. Gərgin keçən görüşün yekununda Milad Beigi 17:5 hesablı qələbə qazanaraq yarım-finala vəsiqə qazandı. Yarım-finalda Milad Beigi Avropa çempionu, 2012 London Olimpiadasının bürünc medalçısı Böyük Britaniya taekvondoçusu Lutalo Məhəmməd ilə üz-üzə gəldi. Gərgin idman mübarizəsi şəraətində keçən görüşdə Milad Beigi rəqibinə 7:12 hesabı ilə uduzsada bürünc medal uğrunda mübarizə aparma şansı qazandı. Bürünc medal uğrunda baş tutan görüşdə Milad Beigi Polşa taekvondoçusu Pazinski ilə qarşılaşdı. Görüş ərzində rəqibinə tam üstün olan Milad Beigi 12:0 hesablı təmiz qələbə qazanaraq XXXI Yay Olimpiya Oyunlarının bürünc medalına sahib çıxdı.
Taekvondo yarışlarının son günündə mübarizəyə (+80 kq.) çəki dərəcəsində çıxış edən Dünya və Avropa çempionu Radik İsayev qoşuldu. Radik İsayev birinci görüşünə 1/8 final mərhələsi çərçivəsinə Qazaxıstan taekvondoçusu Ruslan Japarova qarşı çıxdı. Həmin qarşılaşmada Ruslan Japarovdan tam üstün olan Radik İsayev 11:2 hesabı ilə qələbə qazandı və növbəti mərhələyə adladı. Radik İsayev 1/4 final mərhələsində güclü rəqiblə Cənubi Koreya nümayəndəsi, 2008 Pekin Olimpiadasının çempionu Ça Dong-Min ilə üz-üzə gəldi. Gərgin idman mübarizəsində keçən görüşün yekununda Radik İsayev 12:8 hesablı əzmkar qələbə qazandı yarım-final vəsiqə qazandı. Finala gedən yolda Radik İsayev Böyük Britaniya təmsilçisi Mahama Ço ilə qarşılaşdı. İnamla Olimpiya çempionluğuna doğru addımlayan Radik İsayev Mahama Ço üzərində də qələbə qazandı, 4:1 və finala adladı. Final görüşündə Niger taekvondoçusu Abdoul İssoufou ilə qarşılaşan Radik İsayev 6:2 hesabı ilə inamlı qələbə qazanaraq XXXI Yay Olimpiya Oyunlarının qızıl medalını qazandı. Radik İsayevin şərəfinə Carioca Arenasında Azərbaycan Respublikasının Himni səsləndirildi, bayrağı qadırıldı. Həmin qızıl medal Azərbaycanın Rio-de-Janeyroda qazandığı birinci və yeganə qızıl medal oldu. Radik İsayev həmdə Olimpiya Oyunlarının qızıl medalını qazanan birinci Azərbaycan taekvondoçusu oldu.
İdmançı | Yarış | 1/8 final | 1/4 final | 1/2 final | Təsəlliverici qrup | Final | Yer | Medal | |
---|---|---|---|---|---|---|---|---|---|
1-ci oyun | 2-ci oyun | ||||||||
Milad Beigi | −80 kq. | Q 13:6 | Q 17:5 | M 7:12 | Q 12:0 | ||||
Radik İsayev | +80 kq. | Q 11:2 | Q 12:8 | Q 4:1 | Q 6:2 |
Qadınlar
Rio-de-Janeyro Olimpiadasında qadınların yarışında Patimat Abakarova 17 avqust tarixində mübarizə aparadı. Patimat Abakarova 1/8 final mərhələsində 2016-cı ilin Avropa çempionu Serbiya taekvondoçusu Tiyana Boqdanoviç ilə üz-üzə gəldi. Güclü rəqibi ilə qarşılaşmada Patimat Abakarova 2:3 hesabı ilə məğlub oldu. Bu məğlubiyyətə baxmayaraq Patimat Abakərova medal qazana bildi. Tiyana Boqdanoviç finala vəsiqə qazandığı üçün, Patimat Abakarova mübarizəni təsəlliverici qrupda davam etdi. Bürünc medala gedən yolda Patimat Abakarova 2008 Pekin və 2012 London Olimpiadasının qızıl medalçısı, Çin Xalq Respublikasının nümayəndəsi Vu Jingyu ilə qarşılaşdı. Görüşün favoriti Çin taekvondoçusu hesab olunsada Patimat Abakarova 4:3 hesablı əzmkar qələbə qazandı və həlledici görüşdə mübarizə apardı. Bürünc medal uğrunda görüşdə Patimat Abakarovanın rəqibi Fransa nümayəndəsi Yasmine Əziz oldu. Görüş ərzində rəqibindən tam üstün olan Patimat Abakarova 7:2 hesablı qələbə qazanaraq XXXI Yay Olimpiya Oyunlarının bürünc medalını qazandı. Patimat Abakarova həmdə Azərbaycana Olimpiya Oyunlarında medal qazandıran birinci taekvondoçu kimi tarixə düşdü.
19 avqust tarixində isə Fəridə Əzizova mübarizəyə qoşuldu. O, 1/8 final mərhələsində 2012 London Olimpiadasının bürünc medalçısı, Amerika Birləşmiş Ştatlarının nümayəndəsi Paige McFerson ilə qarşılaşdı. Gərgin keçən görüşdə, hesabda geri olmasına baxmayaraq Fəridə Əzizova 6:5 hesabı ilə əzmkar qələbə qazandı. Növbəti görüşdə Fəridə Əzizova 17 yaşlı gənc Özbəkistan taekvondoçusu Nigora Tursunkulova ilə üz-üzə gəldi. Görüş ərzində rəqibindən tam üstün olan Fəridə Əzizova 5:1 hesablı qələbə qazandı və yarım-finala adladı. Finala gedən yolda Fəridə Əzizova Cənubi Koreya nümayəndəsi, 2015-ci ilin Dünya çempionu Oh Hye-Ri ilə qarşılaşdı. Gərgin idman mübarizəsi şəraətində keçən görüşün yekununda hakimlərin qərəzli qərarları ilə Fəridə Əzizova rəqibinə 5:6 hesabı ilə uduzdu. Həmin məğlubiyyətə baxmayaraq Fəridə Əzizovanın medal qazanmağ şansı oldu. O, bürünc medal uğrunda görüşdə Niger taekvondoçusu Rut Qbagbi ilə qarşılaşdı. Amma həmin görüşdən də Fəridə Əzizova məğlub ayrıldı (1:7) və XXXI Yay Olimpiya Oyunlarını 5-ci yerdə başa vurdu.
İdmançı | Yarış | 1/8 final | 1/4 final | 1/2 final | Təsəlliverici qrup | Final | Yer | Medal | |
---|---|---|---|---|---|---|---|---|---|
1-ci oyun | 2-ci oyun | ||||||||
Patimat Abakarova | −49 kq. | M 2:3 | Q 4:3 | Q 7:2 | |||||
Fəridə Əzizova | -67 kq. | Q 6:5 | Q 5:1 | M 5:6 | M 1:7 |
Trek velosipedi
- Q=Qalib gəldi
- M=Məğlub oldu
XXXI Yay Olimpiya Oyunlarında trek velosipedi idman növü üzrə yarışlar 11-16 avqust tarixləri arasında Rio Olimpiya Velodromunda baş tutdu. Azərbaycanı bu idman növündə bir velosipedçi təmsil etdi. Azərbaycan yeganə lisenziyanı 2016-cı ilin mart ayında qazandı. Böyük Britaniyanın paytaxtı London şəhərində keçirilən Dünya Çempionatında Olqa İsmayılova sprint və keirin növündə 2016 Rio-de-Janeyro Olimpiadasına lisenziya qazandı. Həmçinin, Olqa İsmayılova Azərbaycanı Olimpiya Oyunlarının trek velosipedi idman növündə təmsil edən birinci velosipedçi kimi tarixə düşdü.
Qadınlar
Rio-de-Janeyro Olimpiadasında Olqa İsmayılova keirin növündə 13 avqust tarixində mübarizəyə qoşuldu. O, 1-ci mərhələdə, 7 velosipedçi sırasında 11.696 saniyəlik nəticə ilə 4-cü yeri tutdu və mübarizəni təsəlliverici qrupda davam etdi. Təsəlliverici qrupda da Olqa İsmayılova uğursuz çıxış etdi. O, 11.442 saniyəlik nəticə ilə 4 velosipedçi arasında sonuncu, 4-cü yeri tutdu və XXXI Yay Olimpiya Oyunlarını medalsız başa vurdu.
Sprint növündə isə Olqa İsmayılova bir gün sonra, 14 avqust tarixində mübarizə apardı. O, qüvvəsini təsnifat mərhələsində sınadı. Növbəti mərhələyə vəsiqə qazanmaq üçün ilk 18 velosipedçi arasına daxil olmaq tələb olundu. Olqa İsmayılova isə təsnifat mərhələsində 11.152 saniyəlik nəticə ilə 27 velosipedçi sırasında məhz elə 18-ci yeri tutdu və növbəti mərhələyə adladı. Bu mərhələdə Olqa İsmayılova təsnifat mərhələsində 10.721 saniyəlik nəticə ilə Dünya rekordunu yeniləyən Böyük Britaniya idmançısı, Dünya çempionu Becki James ilə üz-üzə gəldi. Təcrübəsiz rəqibi ilə qarşılaşmada Becki James finiş həddini birinci keçdi, Olqa İsmayılova isə məğlub olaraq mübarizəni təsəlliverici qrupda davam etdi. Təsəlliverici qrupda o, 2004 Afina və 2012 London Olimpiadasının çempionu Avstraliyalı Anna Meares və bir vaxtlar konkisürmə idman növündə 2010 Vankuver Olimpiadasında bürünc medal qazana Niderland nümayəndəsi Laurine van Riessen ilə yarışdı. Olqa İsmayılova 11.784 saniyəlik nəticə ilə Niderland velosipedçisini arxada qoysada, Avstraliya nümayəndəsinə məğlub oldu və Rio-de-Janeyro Olimpiadasında mübarizəni dayandırdı.
İdmançı | Yarış | Təsnifat mərhələsi | 1/16 final | 1/8 final | Təsəlliverici qrup | 1/4 final | 1/2 final | Final | ||||
---|---|---|---|---|---|---|---|---|---|---|---|---|
Nəticə | Yer | 1-ci oyun | 2-ci oyun | |||||||||
Olqa İsmayılova | Sprint | M 11.532–11.367 | van Riessen (Q 11.784–11.788) | |||||||||
Keirin | Nəticə | Yer | Nəticə | Yer | ||||||||
Triatlon
Rio-de-Janeyro Olimpiadasında triatlon idman növü üzrə yarışlar 18 və 20 avqust tarixləri arasında Kopakabana çimərliyində baş tutdu. Azərbaycanı bu idman növündə bir triatlonçu təmsil etdi. Azərbaycan yeganə lisenziyanı 2016-cı ilin may ayında qazandı. Beynəlxalq Triatlon İttifaqının may ayı üçün nəzərdə tutalan reytinq cədvəlində Rostislav Pevtsov ilk 39 idmançı sırasında yer aldı və XXXI Yay Olimpiya Oyunlarına lisenziya qazandı. Bu lisenziya sayəsində Azərbaycan müstəqillik tarixində birinci dəfə Olimpiya Oyunlarında triatlon idman növü üzrə təmsil olundu.
Kişilər
XXXI Yay Olimpiya Oyunlarında Rostislav Pevtsov 18 avqust tarixində mübarizəyə qoşuldu. Ümumi yekunda Rostislav Pevtsov 1 saat 52 dəqiqə 6 saniyəlik nəticə ilə 52 triatlonçu sırasında 39-cu yeri tutdu.
İdmançı | Yarış | Nəticə | Yer |
---|---|---|---|
Rostislav Pevtsov | Fərdi | 1.52.06 | 39 |
Üzgüçülük
- Q=Növbəti mərhələyə vəsiqə qazandı
XXXI Yay Olimpiya Oyunlarında üzgüçülük idman növü üzrə yarışlar 6–13 avqust tarixləri arasında Olimpiya Su idmanı Stadionunda baş tutdu. Azərbaycanı bu idman növündə iki üzgüçü təmsil etdi; Boris Kirillov və Fatimə Alkərəmova 2016 Rio-de-Janeyro Olimpiadasına, 2016-cı ilin iyul ayında Beynəlxalq Üzgüçülük Federasiyasının (FINA) təqdim etdiyi "wild card" vasitəsi qatıldı. 100 metr məsafəyə sərbəst üsulla yarışan Fatimə Alkərəmova Azərbaycanı Olimpiya Oyunlarında təmsil edən ən gənc idmançı kimi tarixə düşdü.
Əslində Azərbaycanı XXXI Yay Olimpiya Oyunlarında Maksim Şemberev təmsil etməli idi. Şemberev Almaniyanın paytaxtı Berlin şəhərində keçirilən "Swim Meeting" beynəlxalq turnirində 1500 metr məsafəyə kompleks stilində və 400 metr məsafəyə sərbəst stildə "B" kateqoriyalı Olimpiya normativini yerinə yetirdi və Rio de Janeyro Olimpiadasına lisenziya qazandı. Ancaq onun 2015-ci ildə zədə ücbatından Kazan şəhərində baş tutan Dünya Çempionatına qatılmaması Olimpiya Oyunlarına yollanmasına icazə vermədi. Qaydalara əsasən Dünya Çempionatına qatılan üzgüçü yalnız "A" kateqoriyalı Olimpiya normativini yerinə yetirdiyi halda Olimpiya Oyunlarına lisenziya qazanır.
Kişilər
XXXI Yay Olimpiya Oyunlarında Boris Kirillov 10 avqust tarixində mübarizə apardı. Boris Kirilov 200 metr məsafəyə brass üsulu ilə üzgüçülük yarışlarında təsnifat mərhələsinin, 1-ci qrupunda çıxış etdi. O, 3 üzgüçünün mübarizə aparadığı qrupda 2 dəqiqə 05.01 saniyəlik nəticə ilə sonuncu, 3-cü yeri tutdu və mübarizəni erkən dayandırdı.
İdmançı | Yarış | Təsnifat mərhələsi | Yarım-final | Final | Yer | |||
---|---|---|---|---|---|---|---|---|
Nəticə | Yer | Nəticə | Yer | Nəticə | Yer | |||
Boris Kirillov | 200 m., brass |
Qadınlar
Rio-de-Janeyro Olimpiadasının ən gənc üzgüçülərindən biri olan Fatimə Alkərəmova mübarizəyə 10 avqust tarixində qoşuldu. O, 100 metr məsafəyə sərbəst üsulla üzgüçülük yarışlarında təsnifat mərhələsində, 1-ci qrupda çıxış etdi. Fatimə Alkərəmova 8 üzgüçü sırasında 59.43 saniyəlik nəticə ilə 3-cü yeri tutdu. O, yalnızca Uruqvay və Anqola üzgüçülərindən geri qaldı. Ümumi yekunda isə Fatimə Alkərəmova 46 üzgüçü sırasında 41-ci yeri tutaraq mübarizəni erkən dayandırdı.
İdmançı | Yarış | Təsnifat mərhələsi | Yarım-final | Final | Yer | |||
---|---|---|---|---|---|---|---|---|
Nəticə | Yer | Nəticə | Yer | Nəticə | Yer | |||
Fatimə Alkərəmova | 100 m., sərbəst |
Yüngül atletika
- Q=Növbəti mərhələyə vəsiqə qazandı
Rio-de-Janeyro Olimpiadasında yüngül atletika idman növü üzrə yarışlar 12–22 avqust tarixləri arasında Joao Avelanj Stadionunda baş tutdu. Azərbaycanı bu idman növündə dörd atlet təmsil etdi. Azərbaycan birinci lisenziyanı 2015-ci ilin iyun ayında Moldovanın paytaxtı Kişinyov şəhərində keçirilən beynəlxalq turnirdə qazandı. Çəkic atma yarışlarında çıxış edən Anna Skidan 2-ci yeri tutdu və XXXI Yay Olimpiya Oyunlarına lisenziya qazandı.
Azərbaycan növbəti lisenziyanı həmin ilin iyul ayında İsveçin Eskilstuna şəhərində keçirilən yarışda qazandı. Üçtəkanla tullanma yarışlarında çıxış edən Nazim Babayev yeniyetmələr arasında Avropa Çempionatında 1-ci yeri tutdu və Rio-de-Janeyro Olimpiadasına lisenziya qazandı.
Rio-de-Janeyro Olimpiadası üçün Azərbaycana növbəti lisenziyaları, 5000 metr məsafəyə qaçış yarışlarında mübarizə aparan Hayle İbrahimov və marafon yarışlarında çıxış edən Evans Kiplaqat qazandırdı. Hayle İbrahimov və Evans Kiplaqat müxtəlif beynəlxalq turnirlərdə Olimpiya normativini yerinə yetirdi və Rio-de-Janeyro Olimpiadasına qatılmağ hüququ əldə etdi. Kiplaqat həmçinin marafon yarışlarında Azərbaycanı Olimpiya Oyunlarında təmsil edən birinci atlet kimi tarixə düşdü.
Kişilər
Rio-de-Janeyro Olimpiadasında üçtəkanla tullanma yarışlarında çıxış edən Nazim Babayev 15 avqust tarixində mübarizəyə, təsnifat mərhələsinin "A" qrupunda qoşuldu. Nazim Babayev birinci cəhdini uğursuz yerinə yetirdi. O, qaydanı pozduğu üçün nəticəsi qeydə alınmadı. Növbəti cəhdində Nazim Babayev 16.38 metr uzunluğa tullandı. Sonuncu, üçüncü cəhdini isə o, uğursuz yerinə yetirdi, 15.60. Ümumi yekunda Nazim Babayev 16.38 nəticə ilə 48 atlet sırasında 25-ci yeri tutdu və mübarizəni təsnifat mərhələsindəcə dayandırdı.
18 avqust tarixində isə mübarizəyə 5000 metr məsafəyə qaçış yarışlarında çıxış edən Hayle İbrahimov qoşuldu. O, qüvvəsini təsnifat mərhələsinin 1-ci qrupunda sınadı. Hayle İbrahimov finiş həddini 13 dəqiqə 27.11 saniyəyə keçdi və 25 atlet sırasında 7-ci yeri tutdu. Ümumi yekunda isə Hayle İbrahimov 50 atlet arasında 19-cu yeri tutdu və Rio-de-Janeyro Olimpiadasında mübarizəni erkən dayandırdı.
Rio-de-Janeyro Olimpiadasının son günü, 21 avqust tarixində marafon yarışlarında çıxış edən Evans Kiplaqat mübarizə apardı. O, 2 saat 15 dəqiqə 31 saniyəlik nəticə ilə 155 atlet sırasında 28-ci yeri tutdu.
İdmançı | Yarış | Təsnifat mərhələsi | Final | ||
---|---|---|---|---|---|
Nəticə | Yer | Nəticə | Yer | ||
Hayle İbrahimov | 5000 m. | ||||
Evans Kiplaqat | Marafon | ||||
Nazim Babayev | Üçtəkanla tullanma |
Qadınlar
Çəkic atma yarışlarında çıxış edən Anna Skidan Rio-de-Janeyro Olimpiadasında mübarizəyə 12 avqust tarixində, təsnifat mərhələsinin "B" qrupunda qoşuldu. O, birinci cəhdində 67.05 nəticə göstərdi. Daha sonra Anna Skidan, ikinci cəhdində nəticəsi yaxşılaşdırdı, 68.98. Sonuncu, üçüncü cəhdində isə o, 70.09 nəticə göstərdi və "B" qrupunda 16 atlet sırasında 7-ci yeri tutdu. Ümumi yekunda isə Anna Skidan 32 idmançı arasında 13-cü yeri tutdu. Növbəti mərhələyə ilk 12 yeri tutan atlet vəsiqə qazandığı üçün Anna Skidan XXXI Yay Olimpiya Oyunlarında mübarizə təsnifat mərhələsindəcə dayandırdı.
İdmançı | Yarış | Təsnifat mərhələsi | Final | ||
---|---|---|---|---|---|
Nəticə | Yer | Nəticə | Yer | ||
Anna Skidan | Çəkic atma |
Həmçinin bax
Mənbələr
Ədəbiyyat
- Azərbaycan idmançılarının Olimpiya Oyunlarındakı iştirakı (2016), Azərbaycan Respublikası Prezidentinin İşlər İdarəsinin Prezident Kitabxanası, Bakı
İstinadlar
- "Rio-de-Janeyro Olimpiadasında Azərbaycan yığmasının bayraqdarı Teymur Məmmədov olacaq". www.azertag.az. İstifadə tarixi: 30 iyun 2016.
- "Azərbaycan "Rio-2016" Olimpiadasında 56 idmançı ilə təmsil olunacaq". www.report.az. İstifadə tarixi: 18 iyul 2016.
- . www.trend.az. 2016-07-27 tarixində orijinalından arxivləşdirilib. İstifadə tarixi: 25 iyul 2016.
- "Azərbaycanın Rio-de-Janeyro Olimpiadası üçün 2 lisenziyası ləğv olundu". www.anspress.com. İstifadə tarixi: 23 iyun 2016.
- "14 yaşlı üzgüçü Fatimə Alkərəmova Azərbaycanın Olimpiya yığmasının heyətində ən gənc idmançı oldu". www.azertag.az. İstifadə tarixi: 21 iyul 2016.
- ↑ "Braziliyanın Rio-de-Janeyro şəhərində keçirilən XXXI Yay Olimpiya Oyunlarında Azərbaycan Respublikasının idmançıları və onların məşqçiləri üçün ən yüksək nəticələrə görə mükafatların müəyyən edilməsi haqqında Azərbaycan Respublikası Prezidentinin Sərəncamı". www.president.az. İstifadə tarixi: 18 iyul 2016.
- ""Rio 2016 Birlikdə Güclüyük" layihəsinin təqdimatı keçirildi". www.noc-aze.org. İstifadə tarixi: 30 iyun 2016.
- . www.olimpnews.az. 2016-08-06 tarixində orijinalından arxivləşdirilib. İstifadə tarixi: 1 avqust 2016.
- . www.cbcsport.tv. 2016-10-03 tarixində orijinalından arxivləşdirilib. İstifadə tarixi: 2 avqust 2016.
- "Azərbaycanda XXXI Yay Olimpiya Oyunlarına həsr olunan poçt markaları dövriyyəyə buraxılıb". www.azertag.az. İstifadə tarixi: 9 avqust 2016.
- "Azərbaycan Respublikasının Prezidenti İlham Əliyev Rio-de-Janeyro şəhərində keçiriləcək XXXI Yay Olimpiya Oyunları və XV Yay Paralimpiya Oyunlarında iştirak edəcək Azərbaycan nümayəndə heyətinin yolasalma mərasimində iştirak edib". www.president.az. İstifadə tarixi: 18 iyul 2016.
- "Azərbaycan Respublikasının Prezidenti İlham Əliyev Rio-de-Janeyro şəhərində keçiriləcək XXXI Yay Olimpiya Oyunlarında iştirak edəcək Azərbaycan nümayəndə heyətinin yolasalma mərasimində iştirak edib". www.azertag.az. İstifadə tarixi: 18 iyul 2016.
- . www.trend.az. 2016-07-19 tarixində orijinalından arxivləşdirilib. İstifadə tarixi: 18 iyul 2016.
- "Azərbaycan Respublikasının Prezidenti İlham Əliyev XXXI Yay Olimpiya Oyunlarında iştirak edəcək Azərbaycan nümayəndə heyətinin yolasalma mərasimində iştirak edib". www.aztv.az. İstifadə tarixi: 18 iyul 2016.[ölü keçid]
- "Azərbaycan Respublikasının Prezidenti İlham Əliyev Rio-de-Janeyro şəhərində keçiriləcək XXXI Yay Olimpiya Oyunlarında iştirak edəcək Azərbaycan nümayəndə heyətinin yolasalma mərasimində iştirak edib". www.arxiv.az. İstifadə tarixi: 18 iyul 2016.[ölü keçid]
- "Prezident İlham Əliyevin sərəncamı ilə Olimpiya Oyunlarında Azərbaycan idmançıları üçün ən yüksək nəticələrə görə pul mükafatları müəyyən edildi". www.news.milli.az. İstifadə tarixi: 18 iyul 2016.
- "Braziliyanın Rio-de-Janeyro şəhərində keçirilən XXXI Yay Olimpiya Oyunlarında Azərbaycan Respublikasının idmançıları və onların məşqçiləri üçün ən yüksək nəticələrə görə mükafatların müəyyən edilməsi haqqında Azərbaycan Respublikası Milli Olimpiya Komitəsinin Prezidentinin Sərəncamı". www.president.az. İstifadə tarixi: 1 sentyabr 2016.
- "Yaqub Eyyubov və Azad Rəhimov Azərbaycan bayrağının Rio-de-Janeyronun Olimpiya Kəndində qaldırılma mərasiminə qatıldı". www.qafqazinfo.az. İstifadə tarixi: 3 avqust 2016.
- "Rio-de-Janeyrodanun Olimpiya Kəndində Azərbaycan bayrağının qaldırılma mərasimi baş tutub". www.azertag.az. İstifadə tarixi: 3 avqust 2016.
- "Rio-de-Janeyronun Olimpiya Kəndində Azərbaycan bayrağı qaldırıldı". www.qol.az. İstifadə tarixi: 3 avqust 2016.
- "Braziliyanın Rio-de-Janeyro şəhərində keçirilən XXXI Yay Olimpiya Oyunlarında Azərbaycan Respublikasının idmançıları və onların məşqçiləri üçün ən yüksək nəticələrə görə mükafatların müəyyən edilməsi haqqında Azərbaycan Respublikası Milli Olimpiya Komitəsi Prezidentinin Sərəncamı". www.president.az. İstifadə tarixi: 1 sentyabr 2016.
- "Braziliyanın Rio-de-Janeyro şəhərində keçirilən XXXI Yay Olimpiya Oyunlarında Azərbaycan Respublikasının idmançıları və onların məşqçiləri üçün ən yüksək nəticələrə görə mükafatların müəyyən edilməsi haqqında Azərbaycan Respublikası Milli Olimpiya Komitəsi Prezidentinin Sərəncamı". www.president.az. İstifadə tarixi: 1 sentyabr 2016.
- "Azərbaycanın akademik avarçəkənləri "Rio-2016" Yay Olimpiya Oyunlarına vəsiqə qazanıb". www.azertag.az. İstifadə tarixi: 6 sentyabr 2015.
- "Aleksandr Aleksandrov və Boris Yotov dueti Rio-de-Janeyro Yay Olimpiya Oyunlarına lisenziya qazanıb". www.news.lent.az. İstifadə tarixi: 6 sentyabr 2015.
- "Aleksandr Aleksandrov və Boris Yotov dueti Rio-de-Janeyro Yay Olimpiya Oyunlarına lisenziya qazanıb". www.lent.az. İstifadə tarixi: 6 sentyabr 2015.[ölü keçid]
- ""Rio-2016"-nın rəsmi saytında iki nəfərlik qayıqda kişilərin akademik avarçəkmə yarışlarının, təsnifat mərhələsinin nəticələri". www.rio2016.com. İstifadə tarixi: 6 avqust 2016.
- "Azərbaycan avarçəkənləri, Aleksandr Aleksandrov və Boris Yotov "Rio-2016" Olimpiadasının yarım-final mərhələsinə yüksəldi". www.azertag.az. İstifadə tarixi: 6 avqust 2016.
- ""Rio-2016": Aleksandr Aleksandrov və Boris Yotov dueti Olimpiya Oyunlarının yarım-finalına vəsiqə qazandı". www.azerisport.az. İstifadə tarixi: 6 avqust 2016.
- ""Rio-2016" Olimpiadası: Aleksandr Aleksandrov və Boris Yotov dueti yarım-final mərhələsinə yüksəldi". www.news.lent.az. İstifadə tarixi: 6 avqust 2016.
- ""Rio-2016"-nın rəsmi saytında iki nəfərlik qayıqda kişilərin akademik avarçəkmə yarışlarının, yarım-final mərhələsinin nəticələri". www.rio2016.com. İstifadə tarixi: 9 avqust 2016.
- "Алеkсандр Алеkсандров и Борис Йотов не вышли в финал (az) Aleksandr Aleksandrov və Boris Yotov finala çıxmadı". www.azerisport.com. İstifadə tarixi: 9 avqust 2016.
- "Азербайджансkие гребцы выбыли из борьбы за медали (az) Azərbaycan avarçəkənləri medal uğrunda mübarizəni dayandırdı". www.haqqin.az. İstifadə tarixi: 9 avqust 2016.
- "Azərbaycan avarçəkənləri, Aleksandr Aleksandrov və Boris Yotov "Rio-2016" Olimpiadasında sonuncu oldu". www.qol.az. İstifadə tarixi: 9 avqust 2016.
- ""Rio-2016"-nın rəsmi saytında iki nəfərlik qayıqda kişilərin akademik avarçəkmə yarışlarının, "B" finalının nəticələri". www.rio2016.com. İstifadə tarixi: 11 avqust 2016.
- "Güllə atıcısı Ruslan Lunev "Rio-2016" Olimpiya Oyunlarına lisenziya qazandı". www.azertag.az. İstifadə tarixi: 28 may 2016.
- "Azərbaycanın güllə atıcısı Ruslan Lunev Rio-de-Janeyro Olimpiadasına lisenziya qazandı". www.report.az. İstifadə tarixi: 28 may 2016.
- "Ruslan Lunev Azərbaycan üçün "Rio-2016" Olimpiya Oyunlarına lisenziya qazandı". www.arxiv.az. İstifadə tarixi: 28 may 2016.[ölü keçid]
- ↑ "Азербайджансkие спортсмены завоевали еще две лицензии на Олимпиаду "Рио-2016" (az) Azərbaycan idmançıları "Rio-2016" Olimpiadasına daha iki lisenziya qazanıb". www.cbc.az. İstifadə tarixi: 28 may 2016.[ölü keçid]
- ""Rio-2016"-nın rəsmi saytında kişilərin atıcılıq idman növü üzrə 10 metr məsafəyə atəşaçma yarışlarının, təsnifat mərhələsinin nəticələri". www.rio2016.com. İstifadə tarixi: 6 avqust 2016.
- ""Rio-2016": Azərbaycan idmançısı Ruslan Lunev Yay Olimpiya Oyunlarında mübarizəni dayandırdı". www.azertag.az. İstifadə tarixi: 6 avqust 2016.
- "Руслан Лунев стал 15-м в Олимпиаде "Рио-2016" (az), Ruslan Lunev "Rio-2016" Olimpiadasında 15-ci oldu". www.azerisport.cm. İstifadə tarixi: 6 avqust 2016.
- ""Rio-2016"-nın rəsmi saytında kişilərin atıcılıq idman növü üzrə 25 metr məsafəyə pnevmatik tapançadan atəşaçma yarışlarının, təsnifat mərhələsinin nəticələri". www.rio2016.com. İstifadə tarixi: 12 avqust 2016.
- ""Rio-2016": Azərbaycan idmançısı Ruslan Lunev təsnifat mərhələsinin birinci günündə 15-ci yeri tutdu". www.azertag.az. İstifadə tarixi: 12 avqust 2016.
- ""Rio-2016": Azərbaycanın güllə atıcısı Ruslan Lunev təsnifat mərhələsinin yekununda 15-ci yeri tutdu". www.m.apasport.az. İstifadə tarixi: 13 avqust 2016.[ölü keçid]
- "Azərbaycan gimnastı Marina Durunda Yay Olimpiya Oyunlarına vəsiqə qazanıb". www.azertag.az. İstifadə tarixi: 12 sentyabr 2015.
- "Marina Durunda Olimpiya Oyunlarına lisenziya qazandı". www.arxiv.az. İstifadə tarixi: 12 sentyabr 2015.[ölü keçid]
- ""Rio-2016"-nın rəsmi saytında halqa ilə hərəkətlərdə, qadınların bədii gimnastika yarışlarının, təsnifat mərhələsinin nəticələri". www.rio2016.com. İstifadə tarixi: 19 avqust 2016.
- ""Rio-2016"-nın rəsmi saytında topla hərəkətlərdə, qadınların bədii gimnastika yarışlarının, təsnifat mərhələsinin nəticələri". www.rio2016.com. İstifadə tarixi: 19 avqust 2016.
- ""Rio-2016"-nın rəsmi saytında gürzlə hərəkətlərdə, qadınların bədii gimnastika yarışlarının, təsnifat mərhələsinin nəticələri". www.rio2016.com. İstifadə tarixi: 19 avqust 2016.
- ""Rio-2016"-nın rəsmi saytında lentlə hərəkətlərdə, qadınların bədii gimnastika yarışlarının, təsnifat mərhələsinin nəticələri". www.rio2016.com. İstifadə tarixi: 19 avqust 2016.
- "Rio-de-Janeyro Olimpiadasında Azərbaycan gimnastı Marina Durunda finala vəsiqə qazandı". www.azertag.az. İstifadə tarixi: 20 avqust 2016.
- ""Rio-2016"-nın rəsmi saytında halqa ilə hərəkətlərdə, qadınların bədii gimnastika yarışlarının, finalının nəticələri". www.rio2016.com. İstifadə tarixi: 20 avqust 2016.
- ""Rio-2016"-nın rəsmi saytında topla hərəkətlərdə, qadınların bədii gimnastika yarışlarının, finalının nəticələri". www.rio2016.com. İstifadə tarixi: 20 avqust 2016.
- ""Rio-2016"-nın rəsmi saytında gürzlə hərəkətlərdə, qadınların bədii gimnastika yarışlarının, finalının nəticələri". www.rio2016.com. İstifadə tarixi: 20 avqust 2016.
- ""Rio-2016"-nın rəsmi saytında lentlə hərəkətlərdə, qadınların bədii gimnastika yarışlarının, finalının nəticələri". www.rio2016.com. İstifadə tarixi: 20 avqust 2016.
- "Azərbaycan gimnastı Marina Durunda Rio-de-Janeyro Yay Olimpiya Oyunlarında doqquzuncu yerlə kifayətlənib". www.azertag.az. İstifadə tarixi: 21 avqust 2016.
- . www.az.trend.az. 2016-08-28 tarixində orijinalından arxivləşdirilib. İstifadə tarixi: 24 avqust 2016.