Turan Rövşən oğlu Bayramov 11 yanvar 2001 Gəncə Azərbaycanı təmsil edən sərbəst güləşçi Turan BayramovTuran Bayramov V i

Turan Rövşən oğlu Bayramov (11 yanvar 2001, Gəncə) — Azərbaycanı təmsil edən sərbəst güləşçi.

Turan Bayramov

Turan Bayramov V İslam Həmrəyliyi Oyunlarında

Şəxsi məlumatlar

Tam adı

Turan Rövşən oğlu Bayramov

Vətəndaşlığı

Azərbaycan

Doğum tarixi

11 yanvar 2001(23 yaş)

Doğum yeri

Gəncə, Azərbaycan

Boyu

166 sm. (5 ft 7 in)

İdman növü

Güləş

Karyera illəri

2011—

Məşqçisi

Medallar


Avropa Çempionatı
Gümüş		70 Kq.
Bürünc		74 Kq.
Bürünc		74 Kq.

Karyerası

Turan Bayramov 2016-cı ildə Tbilisi şəhərində (Gürcüstan) yeniyetmələr arasında Dünya Çempionatını 11-ci pillədə başa vurdu. Daha sonra Turan Bayramov 2017-ci ildə Sarayevo şəhərində (Bosniya və Herseqovina) yeniyetmələr arasında Avropa Çempionatının bürünc, Afina şəhərində (Yunanıstan) yeniyetmələr arasında Dünya Çempionatının isə gümüş medalına sahib oldu.

Turan Bayramov 2018-ci ilin mayında KYRM-da baş tutan gənclər arasında Avropa Çempionatının, iyulunda isə Xorvatiyada baş tutan gənclər arasında Dünya Çempionatının qalibi oldu.

Turan Bayramov 2018-ci ildə Buenos-Ayres şəhərində (Argentina) baş tutan Yeniyetmələrin III Yay Olimpiya Oyunlarında mübarizə apardı. Birinci görüşdə onun rəqibi Yeni Zelandiya güləşçisi Vesterli Ainsley oldu. Həmin görüşdə Turan Bayramov rəqibinə 10:0 hesabı ilə qalib gəldi. Növbəti görüşdə isə onun rəqibi Pakistan güləşçisi İnayat Ullah oldu. Həm İnayat Ullah, həm də Turan Bayramov birinci görüşlərində qalib gəlmişdi. Bu görüşdə qalib gələn güləşçi, turnirin final görüşünə vəsiqə qazanacağdı. Görüşün əvvəlindən üstün tərəf olan Turan Bayramov, rəqibinə 8:0 hesabı ilə qalib gəldi və Buenos-Ayres Olimpiadasının final görüşünə vəsiqə qazandı. Həlledici görüşdə onun rəqibi İran güləşçisi Məhəmməd Kərimi oldu. Gərgin idman mübarizəsi şəraitində baş tutan görüşdə Turan Bayramov rəqibinə 6:1 hesabı ilə qalib gəldi. Bununla da Turan Bayramov Yeniyetmələrin III Yay Olimpiya Oyunlarının qızıl medalına sahib oldu.

2019-cu ildə isə Turan Bayramov şəhərində (Serbiya) U23 Avropa Çempionatını 11-ci pillədə, şəhərində (İspaniya) gənclər arasında Avropa Çempionatını qızıl medalla, Tallin şəhərində (Estoniya) gənclər arasında Dünya Çempionatını bürünc medalla, Budapeşt şəhərində (Macarıstan) U23 Dünya Çempionatını isə qızıl medalla başa vurdu.

Turan Bayramov 2020-ci ilin yanvarında İstanbul şəhərində Yaşar Doğunun xatirəsinə həsr olunan beynəlxalq turnirdə mübarizə apardı və turniri bürünc medalla başa vurdu.COVID-19 pandemiyasına görə bir müddət beynəlxalq turnirlər baş tutmadı.

Turan Bayramov 2021-ci ildə əvvəl Parisdə Fransa Qran-Prisinin, sonra Kiyevdə beynəlxalq turnirin bürünc medallarına sahib oldu. Apreldə isə Turan Bayramov Polşanın Varşava şəhərində baş tutan Avropa Çempionatının final görüşündə məğlub olaraq turnirin gümüş medalına sahib oldu. İyunda Almaniyanın Dortmund şəhərində gənclər arasında Dünya Çempionatının qalibi olan Turan Bayramov iyulda olimpiada da mübarizə aparmalı oldu. İyulun 20-də Azərbaycan Güləş Federasiyası zədələnən Hacımurad Hacıyevin əvəzinə olimpiada da Turan Bayramovun çıxış eləməsi üçün Beynəlxalq Olimpiya Komitəsinə müraciət elədi. Həmin gün Beynəlxalq Olimpiya Komitəsində müraciətə baxıldı və Turan Bayramovun olimpiada da çıxış eləməsinə icazə verildi. Turan Bayramov olimpiadanın 1/8 final mərhələsində Ukrayna nümayəndəsi Vasil Mixailov ilə üz-üzə gəldi. Gərgin idman mübarizəsi şəraitində baş tutan görüşdə Turan Bayramov rəqibi üzərində 4:2 hesabı ilə qələbə qazandı və turnirin 1/4 final mərhələsinə adladı. Bu mərhələdə onun rəqibi Rio-de-Janeyro Olimpiadasının bürünc medalçısı İtaliya nümayəndəsi Fran Çamizo oldu. Həmin görüşdə Turan Bayramov rəqibinə 1:4 hesabı ilə məğlub oldu. Rəqibi final görüşünə vəsiqə qazanmadığına görə Turan Bayramov təsəlliverici qrupda mübarizə apara bilmədi və olimpiadanı 8-ci pillədə başa vurdu.

Olimpiadadan sonra Turan Bayramov Rusiyada gənclər arasında Dünya Çempionatının bürünc medalına sahib oldu. Həmin ilin sentyabrında da Turan Bayramov Norveçin Oslo şəhərində baş tutan Dünya Çempionatını isə beşinci pillədə başa vurdu. İlin son turnirində isə o, Serbiyada U23 Dünya Çempionatında yeddinci pillədə qərarlaşdı.

2022-ci ildə Turan Bayramov Bolqarıstanda D. Kolov - N. Petrov beynəlxalq turnirinin və İtaliyada M. Pellison beynəlxalq turnirinin gümüş medallarına sahib oldu. Apreldə Budapeşt şəhərində (Macarıstan) baş tutan Avropa Çempionatının bürünc medalına sahib olan Turan Bayramov avqustda Konya şəhərində İslam Həmrəyliyi Oyunlarının çempionu oldu. Həmin ilin sentyabrında isə Turan Bayramov Serbiyanın Belqrad şəhərində Dünya Çempionatını 11-ci pillədə başa vurdu.

2023-cü ildə Turan Bayramov Rumıniyanın Buxarest şəhərində U23 Avropa Çempionatında bütün rəqibləri üzərində qələbə qazanaraq turnirin qalibi oldu.

Nəticələri

Sıra	İl	Yarış	Ev sahibi	Nəticə
1	2016	Yeniyetmələrin Dünya Çempionatı	Gürcüstan	11.
2	2017	Yeniyetmələrin Avropa Çempionatı	Bos. və Herseqovina	3.
3	2017	Yeniyetmələrin Dünya Çempionatı	Yunanıstan	2.
4	2018	Yeniyetmələrin Avropa Çempionatı	KYRM	1.
5		Yeniyetmələrin Avropa Çempionatı	Xorvatiya	1.
6		Yeniyetmələrin Olimpiya Oyunları	Argentina	1.
7	2019	U23 Avropa Çempionatı	Serbiya	11.
8		Gənclərin Avropa Çempionatı	İspaniya	1.
9		Gənclərin Dünya Çempionatı	Estoniya	3.
10		U23 Dünya Çempionatı	Macarıstan	1.
11	2020	Yaşar Doğu Turniri	Türkiyə	3.
12	2021	Fransa Qran-Prisi	Fransa	3.
13		Kiyev Turniri	Ukrayna	3.
14		Avropa Çempionatı	Polşa	2.
15		Gənclərin Avropa Çempionatı	Almaniya	1.
16		Olimpiya Oyunları	Yaponiya	8.
17		Gənclərin Dünya Çempionatı	Rusiya	3.
18		Dünya Çempionatı	Norveç	5.
19		U23 Dünya Çempionatı	Serbiya	7.
20	2022	D. Kolov - N. Petrov Turniri	Bolqarıstan	2.
21		Avropa Çempionatı	Macarıstan	3.
22		M. Pellison Turniri	İtaliya	2.
23		İslam Həmrəyliyi Oyunları	Türkiyə	1.
23		Dünya Çempionatı	Serbiya	11.
24	2023	U23 Avropa Çempionatı	Rumıniya	1.

İstinadlar

https://www.olympedia.org/athletes/2502544.
Olympedia.org. "Turan BAYRAMOV". www.olympedia.org (ingilis). 2022-08-30. 2022-08-26 tarixində . İstifadə tarixi: 30.08.2022.
International Wrestling Database. "TURAN BAYRAMOV". www.iat.uni-leipzig.de (ingilis). 2022-08-04. 2022-04-28 tarixində . İstifadə tarixi: 02.08.2022.
Azerisport.com idman portalı. "Шахана Назарова и Туран Байрамов завоевали лицензии на Юношескую Олимпиаду". www.azerisport.com ( (rus.)). 01.11.2022. 2022-10-30 tarixində . İstifadə tarixi: 01.11.2022.
Olimpiya dünyası qəzeti. (PDF). www.olimpnews.az ( (az.)). 01.11.2022. Archived from the original on 2022-10-30. İstifadə tarixi: 01.11.2022.
Azerisport.com idman portalı. "Туран Байрамов завоевал золото Юношеской Олимпиады". www.azerisport.com ( (rus.)). 01.11.2022. 2022-10-30 tarixində . İstifadə tarixi: 01.11.2022.
Azerisport.com idman portalı. "Азербайджан обратился в МОК. Нужно заменить травмированного борца". www.azerisport.com ( (rus.)). 11.02.2022. 2022-08-30 tarixində . İstifadə tarixi: 11.02.2022.
Azerisport.com idman portalı. "МОК позволил Азербайджану заменить травмированного борца в Токио". www.azerisport.com ( (rus.)). 11.02.2022. 2020-08-20 tarixində . İstifadə tarixi: 11.02.2022.
Azerisport.com idman portalı. "Токио-2020. Туран Байрамов узнал своего соперника на старте Олимпиады-2020". www.azerisport.com ( (rus.)). 11.02.2022. 2020-08-05 tarixində . İstifadə tarixi: 11.02.2022.
Azerisport.com idman portalı. "Токио-2020. Поражение Франко Чамизо оставило Турана Байрамова без шансов на медаль Олимпиады". www.azerisport.com ( (rus.)). 11.02.2022. 2020-08-05 tarixində . İstifadə tarixi: 11.02.2022.

[_f741a3bd4e15e4af-1] ttps://www.olympedia.org/athletes/2502544.

[:PR-2] Olympedia.org. "Turan BAYRAMOV". www.olympedia.org (ingilis). 2022-08-30. 2022-08-26 tarixində . İstifadə tarixi: 30.08.2022.

[:PRO-3] International Wrestling Database. "TURAN BAYRAMOV". www.iat.uni-leipzig.de (ingilis). 2022-08-04. 2022-04-28 tarixində . İstifadə tarixi: 02.08.2022.

[:G01-4] Azerisport.com idman portalı. "Шахана Назарова и Туран Байрамов завоевали лицензии на Юношескую Олимпиаду". www.azerisport.com ( (rus.)). 01.11.2022. 2022-10-30 tarixində . İstifadə tarixi: 01.11.2022.

[:SƏH-5] Olimpiya dünyası qəzeti. (PDF). www.olimpnews.az ( (az.)). 01.11.2022. Archived from the original on 2022-10-30. İstifadə tarixi: 01.11.2022.

[:G03-6] Azerisport.com idman portalı. "Туран Байрамов завоевал золото Юношеской Олимпиады". www.azerisport.com ( (rus.)). 01.11.2022. 2022-10-30 tarixində . İstifadə tarixi: 01.11.2022.

[:WRE01-7] Azerisport.com idman portalı. "Азербайджан обратился в МОК. Нужно заменить травмированного борца". www.azerisport.com ( (rus.)). 11.02.2022. 2022-08-30 tarixində . İstifadə tarixi: 11.02.2022.

[:WRE02-8] Azerisport.com idman portalı. "МОК позволил Азербайджану заменить травмированного борца в Токио". www.azerisport.com ( (rus.)). 11.02.2022. 2020-08-20 tarixində . İstifadə tarixi: 11.02.2022.

[:WRE06-9] Azerisport.com idman portalı. "Токио-2020. Туран Байрамов узнал своего соперника на старте Олимпиады-2020". www.azerisport.com ( (rus.)). 11.02.2022. 2020-08-05 tarixində . İstifadə tarixi: 11.02.2022.

[:WRE07-10] Azerisport.com idman portalı. "Токио-2020. Поражение Франко Чамизо оставило Турана Байрамова без шансов на медаль Олимпиады". www.azerisport.com ( (rus.)). 11.02.2022. 2020-08-05 tarixində . İstifadə tarixi: 11.02.2022.