Albert Səlimov
Albert Səlimov (d. 5 aprel 1986, Kaspiysk, Rusiya) — Ləzgi əsilli Azərbaycanlı boksçu. Albert Səlimov 2006 və 2010-cu ildə baş tutan Avropa Çempionatında qızıl medal qazanıb. O, həmçinin Dünya Çempionatında 2007-ci ildə qızıl, 2009-cu ildə bürünc, 2015-ci ildə isə gümüş medal qazanıb. Albert Səlimov I Avropa Oyunlarındada qızıl medal qazanıb.
Albert Səlimov | |
---|---|
Şəxsi məlumatlar | |
Tam adı | Albert Şövkət oğlu Səlimov |
Vətəndaşlığı | Azərbaycan |
Doğum tarixi | |
Doğum yeri | Kaspiysk, Rusiya |
Boyu | 170 sm. |
Çəkisi | 60 kq. |
İdman növü | Boks |
27 iyul 2016 tarixində yenilənib. |
Albert Səlimov 29 iyun 2015-ci ildə 2015 Avropa Oyunlarında qazanılmış yüksək nailiyyətlərə və Azərbaycan idmanının inkişafında böyük xidmətlərinə görə Azərbaycan Respublikasının Prezidenti İlham Əliyevin sərəncamı ilə "Şöhrət" ordeni ilə təltif edilib.
Albert Səlimov Rusiyanı Pekində XXIX Yay Olimpiya Oyunlarında təmsil edib.
Albert Səlimov 2013-2015-ci illərdə "Baku Fires" Peşəkar Boks Klubunun heyətində Ümumdünya Boks Seriyasında 12 görüş keçirib və 11 qələbə qazanıb.
Həyatı
Albert Səlimov 5 aprel 1986-cı ildə Rusiyanın Kaspiysk şəhərində anadan olub. Albert Səlimovun şəxsi məşqçisi Nuripaşa Talıbovdur.
Karyerası
Albert Səlimov rinqdə birinci uğurunu Rusiya yığmasının heyətində 2006-cı ildə, Bolqarıstanın Plovdiv şəhərində qazandı. O, 57 kq. çəki dərəcəsində Avropa Çempionatının qızıl medalını qazandı. Bir ildən sonra isə Albert Səlimov Amerika Birləşmiş Ştatlarının Çikaqo şəhərində Dünya Çempionatında qızıl medal qazanaraq Rusiyanı Pekində Olimpiya Oyunlarında təmsil etmək hüququ qazandı.
Pekin Olimpiadası
Albert Səlimov Pekin Olimpiadasında elədə uğurlu çıxış etmədi. O, elə birinci mərhələdəcə Ukraynalı Vasil Lomaçenkoya 7-14 hesabı ilə məğlub olaraq mübarizəni dayandırdı.
Pekin Olimpiadasından sonra Albert Səlimov 2009-cu ildə İtaliyanın Milan şəhərində Dünya Çempionatında bürünc medal qazandı. 2010-cu ildə isə Rusiya yığmasının heyətində son uğurunu qazandı. O, elə doğma Rusiyada baş tutan Avropa Çempionatında 1-ci yeri tutaraq qızıl medal qazandı.
Bu uğurdan sonra Albert Səlimovun karyerasında eniş müşahidə olundu və o, Azərbaycan vətəndaşlığı alaraq bu ölkənin yığmasının şərəfini qorudu.
Azərbaycanda o, bir müddət "Baku Fires"ın heyətində Ümumdünya Boks Seriyasında çıxış etdi. Daha sonra isə Albert Səlimov Azərbaycan yığmasına dəvət olundu və ona Azərbaycanı I Avropa Oyunlarında layiqincə təmsil etmək kimi çətin bir vəzifə verildi.
2015 Avropa Oyunları
Albert Səlimov "Avropiada"da mübarizə 1/8 final mərhələsində qoşuldu. Onun birinci rəqibi erməni əsilli Gürcüstanlı Otar Eranosyan idi. Həmin görüşdə Albert Səlimov rəqibinə 3-0 hesabı ilə qalib gəldi. Daha sonra isə Albert Səlimovun rəqibi Bolqarıstanlı Elian Dimitrov oldu. Həmin görüşdən də rinqi qalib tərk edən Azərbaycan boksçusu oldu. Yarım-finalda Albert Səlimovun rəqibi güclü İrlandiya boksçusu Sean Mak Komd oldu. Güclü rəqibinə Albert Səlimov təcrübəsi və azarkeş dəstəyi sayəsində qalib gəldi və finala adladı. Onun finalda rəqibi Fransalı Sofiane Oumiha oldu. Gərgin idman mübarizəsi şəraətində baş tutan görüşdən Albert Səlimov 3-0 hesablı qələbə ilə ayrıldı və I Avropa Oyunlarının qızıl medalını qazandı. Ona medalı Azərbaycan Respublikasının Prezidenti İlham Əliyev təqdim etdi və onun şərəfini Azərbaycanın dövlət himni səsləndirildi.
Albert Səlimov I Avropa Oyunlarından sonra qüvvəsini Qətərin paytaxtı Doha şəhərində baş tutan Dünya Çempionatında sınadı. O, finala gedən yolda İrlandiyalı Sean Mak Komba, Fransalı Sofiane Oumiha və Braziliyalı Robson Konseiçaoya qalib gəldi. Finalda isə onun rəqibi iki dəfə Dünya Çempionu və London Olimpiadasının bürünc medalçısı olan Kubalı Lazaro Alvarez idi. Albert Səlimov Kubalı rəqibi ilə döyüşdə rinqə çıxsada görüşün gedişində o ciddi zədə aldı və görüşü davam etdirə bilmədi. Belə olan halda isə Albert Səlimov Dünya Çempionatının gümüş medalçısı elan edildi.
Rio-de-Janeyro Olimpiadası
Albert Səlimov 2015-ci ildə Ümumdünya Boks Seriyasındakı uğurlu çıxışa görə 2016 Yay Olimpiya Oyunlarına lisenziya qazandı.
Mənbələr
Xarici keçidlər
- Albert Səlimovun AIBA profili
İstinadlar
- I Avropa Oyunları qaliblərinin və Azərbaycanda idmanın inkişafında xidmətləri olan şəxslərin təltif edilməsi haqqında Azərbaycan Respublikası Prezidentinin Sərəncamı.
- "Azərbaycan Yay Olimpiya Oyunlarına ilk lisenziyanı qazandı". www.m.lent.az. İstifadə tarixi: 12 aprel 2015.[ölü keçid]