Azərbaycan 2008 Yay Olimpiya Oyunlarında

Azərbaycan — 2008-ci ildə Çinin paytaxtı Pekin şəhərində baş tutan XXIX Yay Olimpiya Oyunlarında. 8–24 avqust tarixləri arasında Çinin ev sahibliyində baş tutan XXIX Yay Olimpiya Oyunlarında Azərbaycan yığması, 44 idmançı ilə 10 idman növü üzrə təmsil olundu.

Azərbaycan Olimpiya Oyunlarında
Azərbaycan bayrağı BOK kodu  AZE MOK Azərbaycan Milli Olimpiya Komitəsi Sayt www.noc-aze.org
2008 Yay Olimpiya Oyunları Pekin
İştirakçılar	44 idmançı (idman növü:10)
Bayraqdar	Fərid Mansurov Şahin İmranov
Medallar	Qızıl 1	Gümüş 2	Bürünc 4	Ümumi 7
Olimpiya tarixi (yekun)
Yay Olimpiya Oyunları
1992 • 1996 • 2000 • 2004 • 2008 • 2012 • 2016 • 2020
Qış Olimpiya Oyunları
1998 • 2002 • 2006 • 2010 • 2014 • 2018

Azərbaycan yığması, XXIX Yay Olimpiya Oyunlarında 6 medal (1 qızıl, 1 gümüş və 4 bürünc) qazandı. Azərbaycana medalları, cüdo yarışlarında çıxış edən Elnur Məmmədli (qızıl) və Mövlud Mirəliyev (bürünc), yunan-roma güləşçisi Rövşən Bayramov (gümüş), sərbəst güləşçilər Mariya Stadnik (bürünc) və Xetaq Qazyumov (bürünc), habelə boks yarışlarında mübarizə aparan Şahin İmranov (bürünc) qazandırdı.

Yunan-roma güləşçisi Vitali Rəhimov, gümüş medal qazansada, yarış zamanı qadağan olunan turinabol preparatını qəbul etdiyi üçün, 2016-cı ildə Beynəlxalq Olimpiya Komitəsi (BOK) tərəfindən gümüş medaldan məhrum edildi.

XXIX Yay Olimpiya Oyunlarında 1 qızıl, 1 gümüş və 4 bürünc medal qazanan Azərbaycan yığması, 204 dövlət sırasında medalların sayına görə 35-ci yeri, medalların əyarına görə isə 40-cı yeri tutdu. Azərbaycan həmçinin, avropa dövlətləri sırasında 21-ci (sayına görə 19-cu), islam dövlətləri sırasında 2-ci (sayına görə də 2-ci), sabiq Sovet İttifaqı dövlətləri sırasında isə 6-cı (sayına görə də 6-cı) pillələrdə qərarlaşdı.

Azərbaycan Olimpiya Oyunlarında, ən çox idmançı ilə 2004-cü ildə Afinada baş tutan yarışlarda təmsil olundu. Həmin yarışlarda, yığmanın heyətinə 37 idmançı daxil edildi. 2008-ci ildə Pekində baş tutan yarışlarda isə, yığmanın heyətinə 44 idmançı daxil edildi. Həmin 44 idmançıdan, 35-i birinci dəfə Olimpiya Oyunlarına qatılırdı, 19-u isə digər dövlətlərdən milliləşdirilən legionlerlər idi. Azərbaycan, həmdə Olimpiya Oyunları tarixində birinci dəfə atçılıq idman növü üzrə təmsil olundu.

Azərbaycan yığmasının heyətində, ən gənc idmançı üzgüçü Oksana Hətəmxanova (18 yaş 43 gün), ən yaşlı idmançı isə atıcı Zemfira Meftahətdinova (45 yaş 79 gün) idi. 8 avqust tarixində, Pekin Milli Stadionunda baş tutan XXIX Yay Olimpiya Oyunlarının açılış mərasimi zamanı, Azərbaycanın üçrəngli bayrağını 2004 Afina Olimpiadasının çempionu, yunan-roma güləşçi Fərid Mansurov apardı. Həmin açılış mərasimini həmdə, Azərbaycan Prezidenti İlham Əliyev və Azərbaycanın birinci xanımı Mehriban Əliyeva birbaşa stadiondan izlədi.

Azərbaycan Prezidenti İlham Əliyevin 30 iyul 2008-ci il tarixli 2955 nömrəli sərəncamına əsasən XXIX Yay Olimpiya Oyunlarında qızıl medal qazanan idmançıya 400 000 (məşqçisinə 200 000 ), gümüş medal qazanan idmançıya 200 000 (məşqçisinə 100 000 ), bürünc medal qazanan idmançıya 100 000 (məşqçisinə isə 50 000 ) məbləği pul verildi.

Ümumi məlumat

Medalçıların siyahısı

Azərbaycan yığması, XXIX Yay Olimpiya Oyunlarında 6 medal (1 qızıl, 1 gümüş və 4 bürünc) qazandı. Azərbaycana, yeganə qızıl medalı qazandıran cüdoçu Elnur Məmmədli, bu idman növü üzrə qızıl medal qazanan birinci Azərbaycanlı oldu, (1992 Barselona Olimpiadasının qalibi Nazim Hüseynov, istisna olmağla). Mariya Stadnik isə, güləş idman növü üzrə medal qazanan birinci Azərbaycanlı qadın oldu. Azərbaycana medal qazandıranlardan, 20 yaşlı güləşçi Mariya Stadnik ən gənc, 34 yaşlı cüdoçu Mövlud Mirəliyev isə ən yaşlı idmançı oldu.

Medal	Medalçı	İdman növü	Yarış növü	Tarix
	Elnur Məmmədli	Cüdo	Kişilər, 73 kq.	11 avqust
	Rövşən Bayramov	Güləş	Kişilər, yunan-roma, 55 kq.	12 avqust
	Mövlud Mirəliyev	Cüdo	Kişilər, 100 kq.	14 avqust
	Mariya Stadnik	Güləş	Qadınlar, sərbəst, 48 kq.	16 avqust
	Xetaq Qazyumov	Güləş	Kişilər, sərbəst, 96 kq.	21 avqust
	Şahin İmranov	Boks	Kişilər, 57 kq.	22 avqust

 

Rövşən Bayramov, Şahin İmranov, Fərid Mansurov, Vitali Rəhimov, Elnur Məmmədli, İradə Aşumova, Mehriban Əliyeva, Zemfira Meftahətdinova, Mövlud Mirəliyev, Namiq Abdullayev, Fuad Aslanov, Xetaq Qazyumov, Nazim Hüseynov, Ağası Məmmədov və Mariya Stadnik.
Heydər Əliyev Fondunun Prezidenti Mehriban Əliyeva, Azərbaycan olimpiyaçıları ilə birgə. (2 sentyabr 2008)

Azərbaycan nümayəndə heyətinin yolasalma mərasimi

2008-ci il 30 iyul tarixində A. R. Prezident Sarayında, XXIX Yay Olimpiya Oyunlarına yollanacağ Azərbaycan nümayəndə heyətinin yolasalma mərasimi baş tutdu. Mərasimə, Azərbaycan Prezidenti İlham Əliyev, Heydər Əliyev Fondunun Prezidenti Mehriban Əliyeva, Gənclər və İdman naziri Azad Rəhimov və Azərbaycan idman ictimaiyyətinin nümayəndələri qatıldı. Mərasimi, Gənclər və İdman naziri Azad Rəhimov açdı.

Pekin Olimpiadasının medalına görə pul mükafatı

ABC

Prezident İlham Əliyevin nümayəndə heyəti ilə görüşü

XXIX Yay Olimpiya Oyunlarından sonra, 29 avqust tarixində Azərbacan Prezidenti İlham Əliyev, XXIX Yay Olimpiya Oyunlarında qazandığı uğura görə Azərbaycan Milli Olimpiya Komandasının üzvlərinin təltif edilməsi haqqında sərəncam imzadı. Sərəncama əsasən idmançılardan, Elnur Məmmədli "Şöhrət" ordeni ilə, Vitali Rəhimov, Rövşən Bayramov, Mövlud Mirəliyev, Mariya Stadnik, Xetaq Qazyumov və Şahin İmranov, habelə məşqçilərdən Elçin Cəfərov, Eldar Əbilov, Hicran Şərifov, Məhəmmədxan Aratsilov, Orest Sqobelsqi, Vaqif Feyzullayev və Yaşar Allahverdiyev "Tərəqqi" medalı ilə təltif edildi. Nəriman Abdullayev, Ağayar Axundzadə, Nazim Əlicanov və Hacıağa Hacıəhmədov isə Azərbaycan Prezidentinin fəxri diplomuna layiq görüldü.

Vitali Rəhimovun gümüş medaldan məhrum edilməsi

2016-cı ilin 17 noyabr tarixində, Beynəlxalq Olimpiya Komitəsi (BOK) 16 idmançının qanında qadağan olunan preparatlar tapıldığı üçün, həmin idmançıların nəticələrini ləğv etdi. Həmin idmançılardan biri, yunan-roma güləş idman növü üzrə 60 kiloqram çəki dərəcəsində gümüş medal qazana Vitali Rəhimov idi. Vitali Rəhimov, XXIX Yay Olimpiya Oyunları zamanı, qadağan olunan turinabol preparatından istifadə etdiyi üçün, BOK onun, nətcəsini ləğv etdi və onu, gümüş medaldan məhrum etdi. Vitali Rəhimov, Olimpiya medalından məhrum olunan birinci Azərbaycan idmançı kimi tarixə düşdü.

BOK-un açığladığı qərara əsasən, gümüş medala, bürünc medalın sahibi Qazaxıstan idmançısı Nurbaxıt Tenqizbayev layiq görüldü. Nurbaxıt Tenqizbayevin qazandığı bürünc medala isə, onun, üçüncü yer uğrunda görüşdə məğlub etdiyi Çin nümayəndəsi Şenq Jinq layiq görüldü.

Nəticələri

  Ağır atletika

Əsas məqalə: Ağır atletika 2008 Yay Olimpiya Oyunlarında

2008 Pekin Olimpiadasında ağır atletika idman növü üzrə yarışlar, 9–19 avqust tarixləri arasında Pekin Aviasiya Universitetinin İdman Sarayında baş tutdu. Azərbaycanı, bu idman növü üzrə 5 ağır atlet təmsil etdi. Onlar, 2002 və 2005-ci illərin Dünya çempionu Nizami Paşayev, habelə Sərdar Həsənov, Əfqan Bayramov, Turan Mirzəyev və İntiqam Zairov idi.

Kişilər

ABC

İdmançı	Yarış	Birdən qaldırma				Təkanla qaldırma				Cəmi	Yer
		1	2	3	Yer	1	2	3	Yer
Sərdar Həsənov	-62 kq.	128	128	128	12	152	152	152	—
Əfqan Bayramov	−69 kq.	137	142	145	10	175	187	187	7	320	6
Turan Mirzəyev		142	146	149	8	181	183	187	5	327	4
İntiqam Zairov	-85 kq.	160	166	166	8	195	199	199	9	361	9
Nizami Paşayev	-94 kq.	180	180	181	2	215	215	215	5	396	5

  Atçılıq

Əsas məqalə: Atçılıq 2008 Yay Olimpiya Oyunlarında

• Q=Növbəti mərhələyə vəsiqə qazandı
• DSQ=Kənarlaşdırldı

2008 Pekin Olimpiadasında atçılıq idman növü üzrə yarışlar, 9–21 avqust tarixləri arasında Honq Konq İdman Universitetində baş tutdu. Azərbaycanı, bu idman növü üzrə 20 yaşlı Camal Rəhimov təmsil etdi. O, 1991–1992-ci illərdə Azərbaycanın baş naziri vəzifəsini tutan Həsən Həsənovun nəvəsidir.

Olimpiya Oyunları tarixində Azərbaycanı təmsil edən birinci çapar olan Camal Rəhimovun, 2008 Pekin Olimpiadasından əvvəl atı zədələndi və ona, 2 000 000 avroya "Ionesco De Brecca" ləqəbli yeni at alındı.

Kişilər

Camal Rəhimov, Pekin Olimpiadasında 15 avqust tarixində mübarizəyə qoşuldu. O, təsnifat mərhələsinin 1-ci raundunda, "Ionesco De Brecca" ləqəbli at ilə cəmi, 1 cərimə xalı ilə çıxış etdi və 77 çapar sırasında 14-cü yeri tutdu. 17 avqust tarixində isə, həmin mərhələnin 2-ci raundu baş tutdu. Həmin raundda, Camal Rəhimovun atı büdrədi və nəticədə o, atından düşüb, yarışlardan uzaqlaşdırıldı.

İdmançı	Yarış	At	Təsnifat mərhələsi						Final
			1-ci raund		2-ci raund		3-cü raund		A raundu		B raundu		Cəmi	Yer
			Cərimə	Yer	Cərimə	Yer	Cərimə	Yer	Cərimə	Yer	Cərimə	Yer
Camal Rəhimov	Fərdi	Ionesco De Brecca	1	14 Q	DSQ				mübarizəni dayandırdı

  Atıcılıq

Əsas məqalə: Atıcılıq 2008 Yay Olimpiya Oyunlarında

• Q=Növbəti mərhələyə vəsiqə qazandı

2008 Pekin Olimpiadasında atıcılıq idman növü üzrə yarışlar, 9–17 avqust tarixləri arasında Pekin Atıcılıq meydanında baş tutdu. Azərbaycanı, bu idman növü üzrə 2000 Sidney Olimpiadasının çempionu Zemfira Meftahətdinova təmsil etdi.

Qadınlar

Zemfira Meftahətdinova, Pekin Olimpiadasında 14 avqust tarixində mübarizəyə qoşuldu. O, təsnifat mərhələsində 63 xal topladı və 19 atıcı sırasında 15-ci yeri tutdu. Bu nəticə ilə Zemfira Meftahətdinova, yarışlarda mübarizəni dayandırdı.

İdmançı	Yarış	Təsnifat mərhələsi		Final
		Nəticə	Yer	Nəticə	Yer
Zemfira Meftahətdinova	Stend	63	15	mübarizəni dayandırdı

  Bədii gimnastika

Əsas məqalə: Bədii gimnastika 2008 Yay Olimpiya Oyunlarında

• Q=Növbəti mərhələyə vəsiqə qazandı

XXIX Yay Olimpiya Oyunlarında bədii gimnastika idman növü üzrə yarışlar, 21–22 avqust tarixləri arasında Pekin Texnologiya Universitetinin İdman Sarayında baş tutdu. Azərbaycanı, bu idman növü üzrə 8 bədii gimnast təmsil etdi. Fərdi yarışlarda, 2007-ci ilin Avropa çempionu Aliyə Qarayeva və 2007-ci il Dünya Çempionatının bürünc medalçısı Dinarə Gimatova, qrup yarışlarda isə, Alina Trepina, Anastasiya Prasolova, Anna Bitiyeva, Dina Qorina, Valeriya Yeqay və Vəfa Hüseynovadan ibarət yığma təmsil etdi. Məşqçilər həmdə, XXIX Yay Olimpiya Oyunlarına Anna Qurbanova, Leyla Şamilova və Zeynəb Cavadlını ehtiyat idmançı qismində apardı.

Qadınlar

Azərbaycan bədii gimnastları, Pekin Olimpiadasında mübarizəyə 21 avqust tarixində qoşuldu. Həmin gün, fərdi və qrup yarışları üzrə təsnifat mərhələsinin birinci günü baş tutdu. İp ilə hərəkətlərdə Aliyə Qarayeva 17.875 xalla 3-cü yeri, Dinarə Gimatova isə 16.275 xalla 15-ci yeri tutdu. Halqa ilə hərəkətlərdə isə, Qarayeva 16.850 xalla 9-cu pilləni, Gimatova isə 16.775 xalla 12-ci pilləni tutdu. Günün sonunda həmdə, Alina Trepina, Anastasiya Prasolova, Anna Bitiyeva, Dina Qorina, Valeriya Yeqay və Vəfa Hüseynovadan ibarət Azərbaycan yığması 5 lent ilə hərəkətlərdə 15.575 xal topladı və 8-ci yeri tutdu.

22 avqust tarixində, fərdi və qrup yarışları üzrə təsnifat mərhələsi başa çatdı. 2007-ci ilin Avropa çempionu Aliyə Qarayeva, gürz ilə hərəkətlərdə 17.625 xalla 5-ci yeri, lent ilə hərəkətlərdə isə 16.850 xalla 7-ci yeri tutdu və dörd hərəkətin cəmində, 69.200 xalla 24 idmançı sırasında 7-ci yeri tutaraq Pekin Olimpiadasının finalına vəsiqə qazandı. Dinarə Gimatova isə, gürz ilə hərəkətlərdə 16.600 xalla 9-cu pilləni, lent ilə hərəkətlərdə isə 16.875 xalla 5-ci pilləni tutdu və dörd hərəkətin cəmində, 66.525 xalla 24 idmançı sırasında 11-ci pillədə qərarlaşdı. Qrup yarışlarında isə, Azərbaycan yığması 3 halqa/2 gürz ilə hərəkətlərdə 15.875 xal topladı və 7-ci yeri tutdu. İki hərəkətin cəmində isə, Alina Trepina, Anastasiya Prasolova, Anna Bitiyeva, Dina Qorina, Valeriya Yeqay və Vəfa Hüseynovadan ibarət Azərbaycan yığması 69.200 xal topladı və 7-ci pilləni tutaraq Pekin Olimpiadasının finalına vəsiqə qazandı.

23 avqust tarixində, fərdi yarışların final mərhələsi baş tutdu. 2007-ci ilin Avropa çempionu Aliyə Qarayeva, ip ilə hərəkətlərdə 17.750 xalla 6-cı yeri, halqa ilə hərəkətlərdə isə 18.075 xalla 4-cü yeri tutdu. Gürz ilə hərəkətlərdə 17.225 xalla 6-cı pilləni, lent ilə hərəkətlərdə isə 16.625 xalla 8-ci pilləni tutan Aliyə Qarayeva, nəticədə Pekin Olimpiadasını 67.675 xalla 10 bədii gimnast sırasnda 6-cı yeri tutdu. 20 yaşlı Aliyə Qarayeva üçün bu uğurlu nəticə hesab olunurdu.

24 avqust tarixində isə, qrup yarışlarının final mərhələsi baş tutdu. Alina Trepina, Anastasiya Prasolova, Anna Bitiyeva, Dina Qorina, Valeriya Yeqay və Vəfa Hüseynovadan ibarət Azərbaycan yığması, 5 lent ilə hərəkətlərdə 16.075 xal, 3 halqa/2 gürz ilə hərəkətlərdə isə 15.500 xal topladı və nəticədə, Pekin Olimpiadasını 8 yığma sırasında 7-ci pillədə başa vurdu. Azərbaycan yığması, yalnızca Ukrayna yığmasını arxada qoymağı bacardı.

İdmançı	Yarış	Təsnifat mərhələsi		Final
		Nəticə	Yer	Nəticə	Yer
Aliyə Qarayeva	Fərdi	69.200	7 Q	69.675	6
Dinarə Gimatova		66.525	11	mübarizəni dayandırdı
Alina Trepina Anastasiya Prasolova Anna Bitiyeva Dina Qorina Valeriya Yeqay Vəfa Hüseynova	Qrup	31.450	8 Q	31.575	7

  Boks

Əsas məqalə: Boks 2008 Yay Olimpiya Oyunlarında

• Qəl.=Qalib gəldi
• Məğ.=Məğlub oldu

XXIX Yay Olimpiya Oyunlarında boks idman növü üzrə yarışlar, 9–24 avqust tarixləri arasında Pekin Proletari İdman Sarayında baş tutdu. Azərbaycanı, bu idman növü üzrə 2 boksçu, 2007-ci il Dünya Çempionatının bürünc medalçısı Samir Məmmədov və 2002, 2006-cı illərin Avropa Çempionatının finalçısı Şahin İmranov təmsil etdi.

Kişilər

51 kiloqram çəki dərəcəsində çıxış edən Samir Məmmədov, 1/16 final mərhələsinin görüşündə Mərakeş idmançısı Abdelillah Nhaila ilə üz-üzə gəldi. Həmin görüşdə o, rəqibi üzərində asan qələbə qazandı, 19:4. Növbəti, 1/8 final final mərhələsində isə Samir Məmmədov, 2003-cü ilin Dünya çempionu, Tailand nümayəndəsi Somjit Jonqjohor ilə qarşılaşdı. Bu səfər o, rəqibinə 2:10 hesabı ilə məğlub oldu və Pekin Olimpiadasında mübarizəni dayandırdı. Həmin çəki dərəcəsində isə yarışların çempionu, məhz elə Tailand nümayəndəsi Somjit Jonqjohor oldu.

57 kiloqram çəki dərəcəsində mübarizə aparan Şahin İmranov isə, 1/16 final mərhələsinin görüşündə, 2003-cü ilin Dünya çempionu, milliyyətcə azərbaycanlı olan Qazaxıstan nümayəndəsi Qalib Cəfərov ilə qarşılaşdı. Həmin görüşdə o, 9:5 hesablı qələbə qazandı. Növbəti, 1/8 final mərhələsində Şahin İmranov, Gürcüstan idmançısı Nikoloz İzoriya ilə üz-üzə gəldi və onun, üzərində asan qələbə qazandı, 18:9. Olimpiya medalına gedən yolda isə o, Kuba nümayəndəsi İdel Torriente ilə qarşı-qarşıya gəldi. Gərgin davam edən görüşün sonunda Şahin İmranov, 16:14 hesablı qələbə qazandı və Pekin Olimpiadasının yarım-final mərhələsinə vəsiqə qazandı. Amma, Şahin İmranovun, İdel Torriente ilə görüşdə zədə alması ona, finala gedən yolda Fransa idmançısı Xedafi Djelxir ilə qarşılaşmasına mane oldu və Şahin İmranov, XXIX Yay Olimpiya Oyunlarının bürünc medalına sahib oldu.

İdmançı	Yarış	1/16 final	1/8 final	1/4 final	1/2 final	Final	Yer
Samir Məmmədov	51 kq.	Nhaila Qəl. 19:4	Jonqjohor Məğ. 2:10	mübarizəni dayandırdı			—
Şahin İmranov	57 kq.	Cəfərov Qəl. 9:5	İzoriya Qəl. 18:9	Torriente Qəl. 16:14	Djelxir Məğ. -:+	yoxdur

  Cüdo

Əsas məqalə: Cüdo 2008 Yay Olimpiya Oyunlarında

• Qəl.=Qalib gəldi
• Məğ.=Məğlub oldu

ABC

Kişilər

ABC

İdmançı	Yarış	1/16 final	1/8 final	1/4 final	1/2 final	Təsəlliverici qrup			Final / BM	Yer
						1-ci oyun	2-ci oyun	3-cü oyun
Ramil Qasımov	-66 kq.	Qadanov Məğ. 0101:0120	mübarizəni dayandırdı							—
Elnur Məmmədli	-73 kq.	van Tiçelt Qəl. 1000:0000	Semyonov Qəl. 1001:0001	Çol-Su Qəl. 0200:0000	Maloumat Qəl. 1000:0000	yoxdur			Ki-Çun Qəl. 1000:0000
Mehman Əzizov	-81 kq.	Bişof Məğ. 0011:0020	yoxdur			Stevens Məğ. 0001:0200	yoxdur			—
Elxan Məmmədov	-90 kq.	Azzoun Qəl. 0011:0000	Azzoun Qəl. 0110:0010	Azzoun Məğ. 0000:1000	yoxdur		Azzoun Məğ. 0010:0011	yoxdur		—
Mövlud Mirəliyev	-100 kq.	Azzoun Qəl. 1000:0001	Jorjoliani Qəl. 1010:0000	Brata Qəl. 0110:0000	Tüvşinbayar Məğ. 0000:0010	yoxdur			Matiyaszek Qəl. 0110:0001

Qadınlar

ABC

İdmançı	Yarış	1/8 final	1/4 final	1/2 final	Təsəlliverici qrup			Final / BM	Yer
					1-ci oyun	2-ci oyun	3-cü oyun
Kifayət Qasımova	-66 kq.	Sato Məğ. 0100:1001	mübarizəni dayandırdı						—

  Güləş

Əsas məqalə: Güləş 2008 Yay Olimpiya Oyunlarında

• Qəl.=Qalib gəldi
• Məğ.=Məğlub oldu

2008 Pekin Olimpiadasında güləş idman növü üzrə yarışlar 12–21 avqust tarixləri arasında Çin Kəndtəsərrüfatı Universitetinin İdman Sarayında baş tutdu. Azərbaycanı bu idman növü üzrə 16 güləşçi təmsil etdi.

Yunan-roma güləşi

Kişilər

XXIX Yay Olimpiya Oyunlarında yunan-roma güləşçiləri 12–14 avqust tarixləri arasında mübarizə apardı. 12 avqustda, 2007 və 2008-cu illərin Avropa çempionu Rövşən Bayramov və 2005-ci ilin Avropa çempionu Vitali Rəhimov çıxış etdi.

55 kiloqram çəki dərəcəsində mübarizə aparan Rövşən Bayramov, 1/8 final mərhələsində Misir güləşçisi Mustafa Məhəmməd ilə üz-üzə gəldi. Həmin görüşdə o, Mustafa Məhəmmədi 4:0 və 8:0 hesabları ilə məğlub etdi və növbəti mərhələyə vəsiqə qazandı. 1/4 final mərhələsində Rövşən Bayramov, Kuba nümayəndəsi Yagniyer Hernandez ilə qarşılaşdı. Gərgin görüşün birinci hissəsində o, 5:0 hesabı ilə qələbə qazansada, növbəti hissədə 1:2 hesabı ilə məğlub oldu. Həlledici, üçüncü hissədə Rövşən Bayramov, 4:0 hesablı qələbə qazandı və XXIX Yay Olimpiya Oyunlarının yarım-final mərhələsinə vəsiqə qazandı. Finala gedən yolda o, 2006-cı ilin Avropa çempionu, erməni Roman Amoyan ilə üz-üzə gəldi. Prinsipial görüşdə Rövşən Bayramov, rəqibi 7:2 və 4:1 hesabları ilə darmadağın etdi və yarışların həlledici, final görüşündə mübarizə aparmağ hüququ qazandı. Rusiya güləşçisi Nazir Mankiyevə qarşı baş tutan final görüşünün birinci hissəsində, Rövşən Bayramov 3:4 hesabı ilə məğlub oldu. Sonuncu hissə 2:2 hesabı ilə başa çatsada, nəticədə Nazir Mankiyev qələbə qazandı. Rövşən Bayramov isə XXIX Yay Olimpiya Oyunlarının gümüş medalına layiq görüldü.

Həmin gün həmdə, 60 kiloqram çəki dərəcəsində çıxış edən Vitali Rəhimovda mübarizə apardı. O, 1/16 final mərhələsində Çin güləşçisi Şenq Jianq ilə üz-üzə gəldi və rəqibini 3:0, 2:1 hesabları ilə məğlub etdi. Vitali Rəhimov, 1/4 final mərhələsində Rumıniya nümayəndəsi Eusebiu Diaconu ilə üz-üzə gəldi. Gərgin görüşdə o, Eusebiu Diaconunu 1:1, 0:3 və 4:2 hesabları ilə məğlub etdi və növbəti mərhələyə vəsiqə qazandı. Yarım-final mərhələsinə gedən yolda Vitali Rəhimov, Atlanta və Sidney Olimpiadalarının qalibi, 3 qat Dünya və 6 qat Avropa çempionu, erməni əsilli Bolqarıstan güləşçisi Armen Nazaryan ilə qarşılaşdı. Görüşü tribunadan, Azərbaycan Prezidenti İlham Əliyev, xanımı Mehriban Əliyeva və Ermənistan Prezidenti Serj Sargisyanın izləməsi, görüşü prinsipial edən amillərdən biri idi. Görüşün birinci hissəsində Armen Nazaryan, 2:0 hesablı qələbə qazandı. Amma, növbəti hissədə Vitali Rəhimov toparlandı və rəqibini 3:0 hesabı ilə məğlub etdi. Həlledici, üçüncü hissədə də Vitali Rəhimov inamla mübarizə apardı və Armen Nazaryanı 7:0 hesabı ilə məğlub etdi. Referinin final fitindən sonra Ermənistan Prezidenti Serj Sargisyan, özündən bir cərgə yuxarında əyləşən Azərbaycan Prezidenti İlham Əliyevin əlini sıxdı. Finala gedən yolda isə Vitali Rəhimov, 2003-cü ilin Dünya çempionu, Qazaxıstan nümayəndəsi Nurbaxıt Tenqizbayev ilə üz-üzə gəldi. Həmin görüşdə o, 1:1 və 7:0 hesablı qələbə qazandı və Pekin Olimpiadasının həlledici, final görüşündə mübarizə aparmağ hüququ qazandı. Onun, final görüşündə rəqibi, Rusiya güləşçisi İslambəy Albiyev oldu. Amma, bu görüşdə Vitali Rəhimov, uğurlu seriyanın davamını gətirə bilmədi. O, İslambəy Albiyevə 0:2 və 0:4 hesabları ilə məğlub oldu və XXIX Yay Olimpiya Oyunlarının gümüş medalına sahib oldu.

Amma, XXIX Yay Olimpiya Oyunlarından 8 il sonra, 2016-cı ildə Vitali Rəhimov, yarış zamanı qadağan olunan turinabol preparatını qəbul etdiyi üçün, Beynəlxalq Olimpiya Komitəsi (BOK) tərəfindən gümüş medaldan məhrum edildi. 

Pekin Olimpiadasının güləş yarışlarının II günündə, 2004 Afina Olimpiadasının və 2007-ci ilin Dünya Çempionatının qalibi Fərid Mansurov, habelə İlqar Abdulov mübarizə apardı. Amma, onlardan heç biri yarışların medalını qazana bilmədi.

66 kiloqram çəki dərəcəsində mübarizə aparan Fərid Mansurov, 1/8 final mərhələsində Ukrayna güləşçisi Armen Vardanyana 0:3 və 0:3 hesabları ilə məğlub oldu və Pekin Olimpiadasını 19-cu yerdə başa vurdu.

74 kiloqram çəki dərəcəsində çıxış edən İlqar Abdulov isə 1/16 final mərhələsində Türkiyə güləşçisi Şərəf Tüfəngi 2:1 və 1:1 hesabları ilə məğlub etsədə, 1/8 final mərhələsində, Sidney Olimpiadasının qalibi, 2 qat Dünya və 2 qat Avropa çempionu, Rusiya nümayəndəsi Varteres Samurqaşevə tuşe ilə məğlub oldu və Pekin Olimpiadasını 12-ci yerdə bitirdi.

Yunan-roma güləşçilərinin yarışı, avqustun 14-də başa çatdı. Həmin gün, Şalva Qadabadze və Anton Botev çıxış etdi.

84 kiloqram çəki dərəcəsində mübarizə aparan Şalva Qadabadze, 1/8 final mərhələsində Tunis güləşçisi Haykel Açourini 5:0 və 5:0 hesabları ilə məğlub etsədə, 1/4 final mərhələsində Macarıstan nümayəndəsi Zoltan Fodora gərgin görüşün sonunda, 1:1, 0:3 və 1:1 hesabları ilə məğlub oldu və mübarizəsi təsəlliverici qrupda davam etdi. Amma, qrupun birinci görüşündəcə Şalva Qadabadze, Çin güləşçisi Ma Sanyiyə gərgin görüşün sonunda 3:3 və 2:3 hesabı ilə məğlub oldu və Pekin Olimpiadasını 8-ci pillədə başa vurdu.

120 kiloqram çəki dərəcəsində çıxış edən Anton Botev isə 1/16 final mərhələsində, Sidney Olimpiadasının gümüş medalçısı, Özbəkistan güləşçisi David Saldadzeni 2:1, 1:2 və 2:0 hesabları ilə məğlub etsədə, 1/8 final mərhələsində, İsveç nümayəndəsi Jalmar Sjöberqə 0:2 və 0:3 ilə məğlub oldu və Pekin Olimpiadasını 10-ci pillədə bitirdi.

İdmançı	Yarış	1/16 final	1/8 final	1/4 final	1/2 final	Təsəlliverici qrup		Final	Yer
						1-ci oyun	2-ci oyun
Rövşən Bayramov	55 kq.	yoxdur	Məhəmməd Qəl. 4:0, 8:0	Hernandez Qəl. 5:0, 1:2, 4:0	Amoyan Qəl. 7:2, 4:1	yoxdur		Mankiyev Məğ. 3:4, 2:2
Vitali Rəhimov	60 kq.	Jianq Qəl. 3:0, 2:1	Diaconu Qəl. 1:1, 0:3, 4:2	Nazaryan Qəl. 0:2, 3:0, 7:0	Tenqizbayev Qəl. 1:1, 7:0	yoxdur		Albiyev Məğ. 0:2, 0:4
Fərid Mansurov	66 kq.	yoxdur	Vardanyan Məğ. 0:3, 0:3	mübarizəni dayandırdı					19.
İlqar Abdulov	74 kq.	Tüfəng Qəl. 2:1, 1:1	Jianq Məğ. 0:4	mübarizəni dayandırdı					12.
Şalva Qadabadze	84 kq.	yoxdur	Açouri Qəl. 5:0, 5:0	Fodor Məğ. 1:1, 0:3, 1:1	yoxdur	Sanyi Məğ. 3:3, 2:3	yoxdur		8.
Anton Botev	120 kq.	Saldadze Qəl. 2:1, 1:2, 0:2	Sjöberq Məğ. 0:2, 0:3	mübarizəni dayandırdı					10.

Sərbəst güləş

Kişilər

ABC

İdmançı	Yarış	1/16 final	1/8 final	1/4 final	1/2 final	Təsəlliverici qrup		Final / BM	Yer
						1-ci oyun	2-ci oyun
Namiq Sevdimov	55 kq.	yoxdur	Kyonq-İl Qəl. 1:1, 3:1, 2:1	Hyo-Sub Qəl. 1:2, 1:0, 2:0	Kexudo Məğ. 5:3, 2:3, 3:4	yoxdur		Velikov Məğ. 2:0, 1:3, 0:1	5.
Zəlimxan Hüseynov	60 kq.	Batirov Məğ. 0:1, 0:1	yoxdur			Kintana Qəl. 0:1, 1:1, 4:3	Ramazanov Qəl. 1:0, 3:1	Məhəmmədi Məğ. 0:2, 1:3	5.
Emin Əzizov	66 kq.	Sarrasin Qəl. 1:0, 2:0	Spiridonov Məğ. 0:2, 0:1	mübarizəni dayandırdı					12.
Çamsulvara Çamsulvarayev	74 kq.	yoxdur	Heydərov Məğ. 4:0, 0:2, 0:1	mübarizəni dayandırdı					15.
Novruz Təmrəzov	84 kq.	Qanzoriq Qəl. 3:0, 0:1, 3:0	Yazdani Qəl. 6:0	Ketoyev Məğ. 4:0, 0:2, 0:2	mübarizəni dayandırdı				7.
Xetaq Qazyumov	96 kq.	Qucman Qəl. 3:0, 3:0	Aka-Akesse Qəl. 4:0, 4:0	Qurbanov Qəl. 4:0, 6:0	Muradov Məğ. 1:0, 0:2, 0:1	yoxdur		Tibilov Qəl. 5:0, 2:0
Əli İsayev	120 kq.	yoxdur	Taymazov Məğ. 0:2, 3:4	yoxdur			Rodrigez Məğ. 0:1, 0:4	yoxdur	14.

Qadınlar

ABC

İdmançı	1/8 final	1/4 final	1/2 final	Təsəlliverici qrup		Final	Yer
				1-ci oyun	2-ci oyun
Mariya Stadnik	Huyn Məğ. 3:4, 0:2	yoxdur		Hyunq-Joo Qəl. 1:0, 3:2	Amanjol Qəl. 2:1, 8:0	yoxdur
Yelena Komarova	Qolts Məğ. 0:4, 0:1	mübarizəni dayandırdı					16.
Olesya Zamula	İço Məğ. 0:2, 0:3	yoxdur		Miller Məğ. 0:2, 0:3	yoxdur		16.

Qılıncoynatma

Əsas məqalə: Qılıncoynatma 2008 Yay Olimpiya Oyunlarında

• Qəl.=Qalib gəldi
• Məğ.=Məğlub oldu

ABC

Qadınlar

ABC

İdmançı	Yarış	1/32 final	1/16 final	1/8 final	1/4 final	1/2 final	Final / BM	Yer
Səbinə Mikina	Sablya	yarışmadı						—

  Taekvondo

Əsas məqalə: Taekvondo 2008 Yay Olimpiya Oyunlarında

• Qəl.=Qalib gəldi
• Məğ.=Məğlub oldu

ABC

Kişilər

ABC

İdmançı	Yarış	1/8 final	1/4 final	1/2 final	Final / BM	Yer
Rəşad Əhmədov	-80 kq.	Sərxan Qəl. 5:0	Miçaud Qəl. 0:0	Sayi Məğ. 1:4	Lopez Məğ. 2:3	5.

  Üzgüçülük

Əsas məqalə: Üzgüçülük 2008 Yay Olimpiya Oyunlarında

• Q=Növbəti mərhələyə vəsiqə qazandı

Kişilər

ABC

İdmançı		Təsnifat mərhələsi		Yarım-final		Final
		Nəticə	Yer	Nəticə	Yer	Nəticə	Yer
Tural Abbasov	50 m., sərbəst	26.31	4	mübarizəni dayandırdı

Qadınlar

ABC

İdmançı	Yarış	Təsnifat mərhələsi		Yarım-final		Final
		Nəticə	Yer	Nəticə	Yer	Nəticə	Yer
Oksana Hətəmxanova	100 m., brass	1:20.22	6	mübarizəni dayandırdı

  Yüngül atletika

Əsas məqalə: Yüngül atletika 2008 Yay Olimpiya Oyunlarında

• Q=Növbəti mərhələyə vəsiqə qazandı

Kişilər

ABC

İdmançı	Yarış	Təsnifat mərhələsi		Dörddə bir final		Yarım-final		Final
		Nəticə	Yer	Nəticə	Yer	Nəticə	Yer	Nəticə	Yer
Ruslan Abbasov	100 m.	10.58	5	mübarizəni dayandırdı
Ramil Quliyev	200 m.	20.78	2 Q	20.66	5	mübarizəni dayandırdı

Həmçinin bax

• Azərbaycan Olimpiya Oyunlarında
• Azərbaycan 2008 Yay Paralimpiya Oyunlarında

Mənbələr

İstinadlar

1. "Camal Rəhimovun XXIX Yay Olimpiya Oyunlarının rəsmi saytında profili.  (ing.)". www.results.beijing2008.cn (XXIX Yay Olimpiya Oyunlarının rəsmi saytı). 2017-07-18 tarixində (#archive_missing_url). (#cite_web_url); (#accessdate_missing_url)
2. "Azərbaycanlı çapar Camal Rəhimov, birinci dəfə olaraq Olimpiya Oyunlarına lisenziya qazanıb.  (azərb.)". www.azertag.az (Azərbaycan Dövlət İnformasiya Agentliyi). 2017-07-18 tarixində . İstifadə tarixi: 28 iyul 2008.
3. "XXIX Yay Olimpiya Oyunlarında, atçılıq idman növünün təsnifat mərhələsinin 1-ci raundunun nəticələri.  (ing.)". www.results.beijing2008.cn (XXIX Yay Olimpiya Oyunlarının rəsmi saytı). 2017-07-18 tarixində (#archive_missing_url). (#cite_web_url); (#accessdate_missing_url)
4. "Azərbaycanlı çapar Camal Rəhimov, Olimpiya Oyunlarında çıxışına uğurla başlayıb.  (azərb.)". www.azertag.az (Azərbaycan Dövlət İnformasiya Agentliyi). 2017-07-18 tarixində . İstifadə tarixi: 15 avqust 2008.
5. "XXIX Yay Olimpiya Oyunlarında, atçılıq idman növünün təsnifat mərhələsinin 2-ci raundunun nəticələri.  (ing.)". www.results.beijing2008.cn (XXIX Yay Olimpiya Oyunlarının rəsmi saytı). 2017-07-18 tarixində (#archive_missing_url). (#cite_web_url); (#accessdate_missing_url)
6. "Zemfira Meftahətdinovanın XXIX Yay Olimpiya Oyunlarının rəsmi saytında profili.  (ing.)". www.results.beijing2008.cn (XXIX Yay Olimpiya Oyunlarının rəsmi saytı). 2017-07-18 tarixində (#archive_missing_url). (#cite_web_url); (#accessdate_missing_url)
7. "XXIX Yay Olimpiya Oyunlarında, atıcılıq idman növü üzrə stend yarışlarının təsnifat mərhələsinin nəticələri.  (ing.)". www.results.beijing2008.cn (XXIX Yay Olimpiya Oyunlarının rəsmi saytı). 2017-07-18 tarixində (#archive_missing_url). (#cite_web_url); (#accessdate_missing_url)
8. "Aliyə Qarayevanın XXIX Yay Olimpiya Oyunlarının rəsmi saytında profili.  (ing.)". www.results.beijing2008.cn (XXIX Yay Olimpiya Oyunlarının rəsmi saytı). 2017-07-18 tarixində (#archive_missing_url). (#cite_web_url); (#accessdate_missing_url)
9. "Dinarə Gimatovanın XXIX Yay Olimpiya Oyunlarının rəsmi saytında profili.  (ing.)". www.results.beijing2008.cn (XXIX Yay Olimpiya Oyunlarının rəsmi saytı). 2017-07-18 tarixində (#archive_missing_url). (#cite_web_url); (#accessdate_missing_url)
10. "Alina Trepinanın XXIX Yay Olimpiya Oyunlarının rəsmi saytında profili.  (ing.)". www.results.beijing2008.cn (XXIX Yay Olimpiya Oyunlarının rəsmi saytı). 2017-07-18 tarixində (#archive_missing_url). (#cite_web_url); (#accessdate_missing_url)
11. "Anastasiya Prasolovanın XXIX Yay Olimpiya Oyunlarının rəsmi saytında profili.  (ing.)". www.results.beijing2008.cn (XXIX Yay Olimpiya Oyunlarının rəsmi saytı). 2017-07-18 tarixində (#archive_missing_url). (#cite_web_url); (#accessdate_missing_url)
12. "Anna Bitiyevanın XXIX Yay Olimpiya Oyunlarının rəsmi saytında profili.  (ing.)". www.results.beijing2008.cn (XXIX Yay Olimpiya Oyunlarının rəsmi saytı). 2017-07-18 tarixində (#archive_missing_url). (#cite_web_url); (#accessdate_missing_url)
13. "Dina Qorinanın XXIX Yay Olimpiya Oyunlarının rəsmi saytında profili.  (ing.)". www.results.beijing2008.cn (XXIX Yay Olimpiya Oyunlarının rəsmi saytı). 2017-07-18 tarixində (#archive_missing_url). (#cite_web_url); (#accessdate_missing_url)
14. "Valeriya Yeqayın XXIX Yay Olimpiya Oyunlarının rəsmi saytında profili.  (ing.)". www.results.beijing2008.cn (XXIX Yay Olimpiya Oyunlarının rəsmi saytı). 2017-07-18 tarixində (#archive_missing_url). (#cite_web_url); (#accessdate_missing_url)
15. "Vəfa Hüseynovanın XXIX Yay Olimpiya Oyunlarının rəsmi saytında profili.  (ing.)". www.results.beijing2008.cn (XXIX Yay Olimpiya Oyunlarının rəsmi saytı). 2017-07-18 tarixində (#archive_missing_url). (#cite_web_url); (#accessdate_missing_url)
16. "Anna Qurbanovanın XXIX Yay Olimpiya Oyunlarının rəsmi saytında profili.  (ing.)". www.results.beijing2008.cn (XXIX Yay Olimpiya Oyunlarının rəsmi saytı). 2017-07-18 tarixində (#archive_missing_url). (#cite_web_url); (#accessdate_missing_url)
17. "Leyla Şamilovanın XXIX Yay Olimpiya Oyunlarının rəsmi saytında profili.  (ing.)". www.results.beijing2008.cn (XXIX Yay Olimpiya Oyunlarının rəsmi saytı). 2017-07-18 tarixində (#archive_missing_url). (#cite_web_url); (#accessdate_missing_url)
18. "Zeynəb Cavadlının XXIX Yay Olimpiya Oyunlarının rəsmi saytında profili.  (ing.)". www.results.beijing2008.cn (XXIX Yay Olimpiya Oyunlarının rəsmi saytı). 2017-07-18 tarixində (#archive_missing_url). (#cite_web_url); (#accessdate_missing_url)
19. "XXIX Yay Olimpiya Oyunlarında, bədii gimnastika idman növü üzrə ip ilə hərəkətlərin təsnifat mərhələsinin nəticələri.  (ing.)". www.results.beijing2008.cn (XXIX Yay Olimpiya Oyunlarının rəsmi saytı). 2017-07-18 tarixində (#archive_missing_url). (#cite_web_url); (#accessdate_missing_url)
20. "XXIX Yay Olimpiya Oyunlarında, bədii gimnastika idman növü üzrə halqa ilə hərəkətlərin təsnifat mərhələsinin nəticələri.  (ing.)". www.results.beijing2008.cn (XXIX Yay Olimpiya Oyunlarının rəsmi saytı). 2017-07-18 tarixində (#archive_missing_url). (#cite_web_url); (#accessdate_missing_url)
21. "XXIX Yay Olimpiya Oyunlarında, bədii gimnastika idman növü üzrə gürz ilə hərəkətlərin təsnifat mərhələsinin nəticələri.  (ing.)". www.results.beijing2008.cn (XXIX Yay Olimpiya Oyunlarının rəsmi saytı). 2017-07-18 tarixində (#archive_missing_url). (#cite_web_url); (#accessdate_missing_url)
22. "XXIX Yay Olimpiya Oyunlarında, bədii gimnastika idman növü üzrə lent ilə hərəkətlərin təsnifat mərhələsinin nəticələri.  (ing.)". www.results.beijing2008.cn (XXIX Yay Olimpiya Oyunlarının rəsmi saytı). 2017-07-18 tarixində (#archive_missing_url). (#cite_web_url); (#accessdate_missing_url)
23. "XXIX Yay Olimpiya Oyunlarında, bədii gimnastika idman növü üzrə ip ilə hərəkətlərin finalının nəticələri.  (ing.)". www.results.beijing2008.cn (XXIX Yay Olimpiya Oyunlarının rəsmi saytı). 2017-07-18 tarixində (#archive_missing_url). (#cite_web_url); (#accessdate_missing_url)
24. "XXIX Yay Olimpiya Oyunlarında, bədii gimnastika idman növü üzrə halqa ilə hərəkətlərin finalının nəticələri.  (ing.)". www.results.beijing2008.cn (XXIX Yay Olimpiya Oyunlarının rəsmi saytı). 2017-07-18 tarixində (#archive_missing_url). (#cite_web_url); (#accessdate_missing_url)
25. "XXIX Yay Olimpiya Oyunlarında, bədii gimnastika idman növü üzrə gürz ilə hərəkətlərin finalının nəticələri.  (ing.)". www.results.beijing2008.cn (XXIX Yay Olimpiya Oyunlarının rəsmi saytı). 2017-07-18 tarixində (#archive_missing_url). (#cite_web_url); (#accessdate_missing_url)
26. "XXIX Yay Olimpiya Oyunlarında, bədii gimnastika idman növü üzrə lent ilə hərəkətlərin finalının nəticələri.  (ing.)". www.results.beijing2008.cn (XXIX Yay Olimpiya Oyunlarının rəsmi saytı). 2017-07-18 tarixində (#archive_missing_url). (#cite_web_url); (#accessdate_missing_url)

Xarici keçidlər

Azərbaycan portalı    Azərbaycan idmanı portalı    Olimpiya Oyunları portalı