Anton Botev 25 may 1986 Omsk Azərbaycanı təmsil edən yunan roma güləşçisi Anton Botevşəxsi məlumatlarTam adı Anton Botev

Anton Botev (25 may 1986, Omsk) — Azərbaycanı təmsil edən yunan-roma güləşçisi.

Anton Botev
Şəxsi məlumatlar
Tam adı	Anton Botev
Vətəndaşlığı	Rusiya → Azərbaycan
Doğum tarixi	25 may 1986(1986-05-25) (38 yaş)
Doğum yeri	Omsk, Omsk vilayəti, RSFSR, SSRİ
Boyu	192 sm. (5 ft 6 in)
İdman növü	Güləş
Karyera illəri	1994—2008

Karyerası

Anton Botev 2003-cü ildə Rusiyada baş tutan yeniyetmələr arasında Avropa Çempionatının qalibi oldu. Daha sonra isə Anton Botev 2005-ci ildə Polşada və 2006-cı ildə Macarıstanda gənclər arasında Avropa Çempionatının final görüşlərində məğlub olaraq turniri gümüş medallarla başa vurdu. Rusiya yığmasının heyətində "bir nömrə" olmağı bacarmayan Anton Botev 2007-ci ildə Azərbaycan Güləş Federasiyası tərəfindən Azərbaycan yığmasının heyətinə cəlb edildi.

2007-ci ildə Dünya Çempionatını 16-cı pillədə başa vuran Anton Botev 2008-ci ildə Avropa Çempionatında da uğursuz çıxış elədi və 17-ci pillədə qərarlaşdı. Həmin ilin mayında İtaliyada Dünya Olimpiya Təsnifat Turnirinin bürünc medalına sahib olmaqla Anton Botev olimpiya lisenziyasına sahib oldu. Olimpiadadan əvvəl iyunda Qızıl Qran-Pri beynəlxalq turnirini beşinci pillədə başa vuran Anton Botev olimpiada da uğursuz çıxış elədi.

Anton Botev olimpiadanın təsnifat mərhələsində 2000-ci il Sidney Olimpiadasının finalçısı Özbəkistan nümayəndəsi David Saldadze ilə üz-üzə gəldi. Gərgin idman mübarizəsi şəraitində baş tutan görüşün birinci hissəsində 2:1 hesabı ilə Botev, növbəti hissəsində isə 2:1 hesabı ilə Saldadze qalib gəldi. Belə olan halda görüşün taleyi üçüncü hissədə həll olundu. Bu hissədə Anton Botev rəqibi üzərində 2:0 hesabı ilə qələbə qazandı və olimpiadanın 1/8 final mərhələsinə adladı. Bu mərhələdə onun rəqibi İsveç nümayəndəsi Yalmar Sjöberq oldu. Həmin görüşdə Anton Botev rəqibinə 0:2 hesabı ilə məğlub oldu. Rəqibi final görüşünə vəsiqə qazanmadığına görə Anton Botev təsəlliverici qrupda da mübarizə aparmadı və olimpiadanı 10-cu pillədə başa vurdu.

Anton Botev 2008-ci ildə idmanla vidalaşdı.

Nəticələri

Sıra	İl	Yarış	Ev sahibi	Nəticə
Rusiya
1	2003	Yeniyetmələrin Avropa Çempionatı	Rusiya	1.
2	2005	Gənclərin Avropa Çempionatı	Polşa	2.
3	2006	Gənclərin Avropa Çempionatı	Macarıstan	2.
Azərbaycan
4	2007	Dünya Çempionatı	Azərbaycan	16.
5	2008	Avropa Çempionatı	Finlandiya	17.
6		Dünya Olimpiya Təsnifat Turniri	İtaliya	3.
7		Qızıl Qran-Pri	Azərbaycan	5.
8		Olimpiya Oyunları	Çin	8.

İstinadlar

Olympedia.org. "Anton BOTEV". www.olympedia.org (ingilis). 2022-08-30. 2022-06-10 tarixində . İstifadə tarixi: 30.08.2022.
International Wrestling Database. "ANTON BOTEV". www.iat.uni-leipzig.de (ingilis). 2022-08-04. İstifadə tarixi: 02.08.2022.
Olympedia.org. "2008 Summer Olympics / Wrestling / Super-Heavyweight (120 Kilograms) / Greco-Roman / Men". www.olympedia.org (ingilis). 2022-08-30. 2022-05-11 tarixində . İstifadə tarixi: 30.08.2022.

[:PR-1] Olympedia.org. "Anton BOTEV". www.olympedia.org (ingilis). 2022-08-30. 2022-06-10 tarixində . İstifadə tarixi: 30.08.2022.

[:PRO-2] International Wrestling Database. "ANTON BOTEV". www.iat.uni-leipzig.de (ingilis). 2022-08-04. İstifadə tarixi: 02.08.2022.

[:RES-3] Olympedia.org. "2008 Summer Olympics / Wrestling / Super-Heavyweight (120 Kilograms) / Greco-Roman / Men". www.olympedia.org (ingilis). 2022-08-30. 2022-05-11 tarixində . İstifadə tarixi: 30.08.2022.