Azərbaycan 2008 Yay Paralimpiya Oyunlarında
Azərbaycan — 2008-ci ildə Çinin paytaxtı Pekin şəhərində baş tutan XIII Yay Paralimpiya Oyunlarında. 6-17 sentyabr tarixləri arasında Çinin ev sahibliyində baş tutan XIII Yay Paralimpiya Oyunlarında Azərbaycan yığması, 18 idmançı ilə 4 idman növü üzrə təmsil olundu.
Azərbaycan {{{idman oyunlarında}}} | |||||||||
---|---|---|---|---|---|---|---|---|---|
BOK Kodu | AZE | ||||||||
MOK | Azərbaycan Milli Paralimpiya Komitəsi | ||||||||
Pekin, Çin 6 sentyabr – 17 sentyabr | |||||||||
İdmançı sayı | 18 idmançı (4 idman növü üzrə) | ||||||||
Bayraqdar | İlham Zəkiyev (Açılış mərasimi) | ||||||||
Medallar Yer: 38 |
| ||||||||
Yay Paralimpiya Oyunları | |||||||||
Azərbaycan yığması, XIII Yay Paralimpiya Oyunlarında 10 medal (2 qızıl, 3 gümüş və 5 bürünc) qazandı. Azərbaycana medalları cüdo yarışlarında çıxış edən İlham Zəkiyev (qızıl), Tofiq Məmmədov (gümüş), Kərim Sərdarov (gümüş) və Ramin İbrahimov (bürünc), yüngül atletlər Oloxan Musayev (qızıl), Zeynəddin Bilalov (gümüş), Vladimir Zayets (bürünc), Oleq Panyutin (bürünc), Rza Osmanov (bürünc) və Vüqar Mehdiyev (bürünc) qazandırdı.
XIII Yay Paralimpiya Oyunlarında 2 qızıl, 3 gümüş və 5 bürünc medal qazanan Azərbaycan yığması, 146 dövlət sırasında medalların əyarına görə 38-ci yeri, sayına görə isə 32-ci yeri tutdu.
Azərbaycan yığmasının ən gənc idmançısı, 19 yaşlı yüngül atlet Elçin Muradov, ən yaşlı idmançısı isə, 47 yaşlı atıcı Yelena Taranova idi.
Ümumi məlumat
Medalçıların siyahısı
| İdman növləri |
Peкin Paralimpiadasında medala görə pul müкafatı
28 avqust tarixində Azərbaycan Prezidenti İlham Əliyev, Çinin paytaxtı Pekin şəhərində baş tutacaq XIII Yay Paralimpiya Oyunlarında medal qazanan, Azərbaycan idmançıları və məşqçiləri üçün pul mükafatının müəyyən edilməsi haqqında Sərəncam imzaladı. Sərəncama əsasən, Pekin Paralimpiadasında qızıl medal qazanan idmançıya 200 000 (onun məşqçisinə 100 000), gümüş medal qazanan idmançıya 100 000 (onun məşqçisinə 50 000), bürünc medal qazanan idmançıya 50 000 (onun məşqçisinə isə 25 000) pul mükafatı müəyyən edildi.
Nəticələri
Atıcılıq
- Q = Növbəti mərhələyə vəsiqə qazandı
Pekin Paralimpiadasında atıcılıq idman növü üzrə yarışlar 7-12 sentyabr tarixləri arasında ---- baş tutdu. Azərbaycanı bu idman növü üzrə, Sidney Paralimpiadasında gümüş, Afina Paralimpiadasında isə bürünc medal qazanan Yelena Taranova təmsil etdi. Bu idman növü üzrə yığmanın məşqçisi, Vitali Sotnikov idi.
Qadınlar
Sentyabrın 8-də Yelena Taranova, Pekin Paralimpiadasında mübarizəyə qoşuldu. P2 tipində 10 metr məsafəyə SH1 hava tapançasından atəşaçma yarışının təsnifat mərhələsində o, 364 xallıq nəticə göstərdi və 17 idmançı sırasında 8-ci yeri tutaraq həlledici, final mərhələsinə vəsiqə qazandı. Finalda isə Yelena Taranova, 460.1 xal topladı və Pekin Paralimpiadasını 6-cı pillədə başa vurdu.
Digər yarışlarda da, o, medal qazana bilmədi. 47 yaşlı Yelena Taranova, P3 tipində 25 metr məsafəyə SH1 tapançasından atəşaçma yarışının təsnifat mərhələsində 527 xalla 25-ci yeri, P3 tipində 50 metr məsafəyə SH1 tapançasından atəşaçma yarışının təsnifat mərhələsində isə 517 xalla 16-cı yeri tutdu və XIII Yay Paralimpiya Oyunlarını medalsız bitirdi.
İdmançı | Yarış | Təsnifat mərhələsi | Final | ||
---|---|---|---|---|---|
Nəticə | Yer | Nəticə | Yer | ||
Yelena Taranova | P2 10 m., hava tapançası SH1 | ||||
P3 25 m., tapançası SH1 | |||||
P3 50 m., tapançası SH1 |
Cüdo
- Qəl. = Qalib gəldi
- Məğ. = Məğlub oldu
XIII Yay Paralimpiya Oyunlarında cüdo idman növü üzrə yarışlar 7-9 sentyabr tarixləri arasında ---- baş tutdu. Azərbaycanı bu idman növü üzrə, yeddi cüdoçu təmsil etdi. Onlar, 2004-cü ildə baş tutan Paralimpiya Oyunlarında çempion olan İlham Zəkiyev, Dünya çempionu Ramin İbrahimov, Avropa Çempionatının qızıl medalçısı Tofiq Məmmədov və bürünc medalçısı Kərim Sərdarov, habelə İlkin Alışov, Ramin Əliyev və Natiq Novruzzadə idi. Bu idman növü üzrə yığmanın baş məşqçisi, Əhməddin Rəcəbli, məşqçiləri isə İbrahim İbrahimov və Tərlan Rəcəbov idi.
Kişilər
Sentyabrın 7-də, XIII Yay Paralimpiya Oyunlarında Ramin İbrahimov və İlkin Alışov çıxış etdi.
-60 kiloqram çəki dərəcəsində mübarizə aparan 2007-ci ilin Dünya çempionu Ramin İbrahimov, 1/8 final mərhələsində Ukrayna cüdoçusu İqor Zasyadкoviç ilə üz-üzə gəldi. Həmin görüşdə o, ippon fəndi ilə qələbə qazandı və növbəti mərhələyə vəsiqə qazandı. Növbəti, 1/4 final mərhələsində Ramin İbrahimov, Rusiya nümayəndəsi Səid Şahmanov ilə qarşılaşdı və onu da, ippon fəndi ilə məğlub etdi. Bununla da Ramin İbrahimov, yarım-final mərhələsinə adladı. Həlledici, final mərhələsinə gedən yolda o, Əlcəzair cüdoçusu Mövlud Noura ilə üz-üzə gəldi. Amma, bu səfər Ramin İbrahimov, qələbələr seriyasının davamını gətirə bilmədi və rəqibinə 000:100 hesabı ilə məğlub olaraq, bürünc medal uğrunda görüşə vəsiqə qazandı. Həmin görüşdə o, Birləşmiş Krallıq nümayəndəsi Ben Quilter ilə qarşılaşdı. Həlledici görüşdə Ramin İbrahimov, rəqibini ippon fəndi ilə məğlub etdi və XIII Yay Paralimpiya Oyunlarının bürünc medalına sahib oldu.
-66 kiloqram çəki dərəcəsində mübarizə aparan İlkin Alışov isə, 1/8 final mərhələsində Braziliya nümayəndəsi Eduardo Amaral ilə qarşılaşdı. Həmin görüşdə o, şido cərimə xalı hesabına qələbə qazandı və növbəti mərhələyə vəsiqə qazandı. Növbəti, 1/4 final mərhələsidə İlkin Alışov, Əlcəzair cüdoçusu Sidali Lamri ilə üz-üzə gəldi və ona, yuko fəndi ilə məğlub oldu. Həmin məğlubiyyətə baxmayaraq İlkin Alışov, təsəlliverici qrupda çıxış etdi. Amma, həmin qrupun birinci görüşündə o, Ukrayna nümayəndəsi Sergey Karpeniuк ilə qarşılaşdı və ona, 000:010 hesabı ilə məğlub olaraq XIII Yay Paralimpiya Oyunlarını 7-ci pillədə başa vurdu.
Sentyabrın 8-də, XIII Yay Paralimpiya Oyunlarında Ramin Əliyev və Natiq Novruzzadə mübarizə apardı.
-73 kiloqram çəki dərəcəsində çıxış edən Ramin Əliyev, 1/8 final mərhələsində Yaponiya cüdoçusu Takayuki Kimura ilə üz-üzə gəldi. Həmin görüşdə o, ippon fəndi hesabına qələbə qazandı və növbəti mərhələyə vəsiqə qazandı. Növbəti, 1/4 final mərhələsidə Ramin Əliyev, Çin nümayəndəsi Xu Jilin ilə qarşılaşdı və ona, ippon fəndi ilə məğlub oldu. Həmin məğlubiyyətə baxmayaraq Ramin Əliyev, təsəlliverici qrupda çıxış etdi. Amma, həmin qrupun birinci görüşündə o, Almaniya cüdoçusu Mattias Krieqer ilə üz-üzə gəldi və ona, 000:011 hesabı ilə məğlub olaraq XIII Yay Paralimpiya Oyunlarını 7-ci yerdə bitirdi.
-81 kiloqram çəki dərəcəsində mübarizə aparan Natiq Novruzzadə isə, 1/8 final mərhələsində İspaniya nümayəndəsi Salvador Qonzalez ilə qarşılaşdı. Həmin görüşdə o, ippon fəndi hesabına qələbə qazandı və növbəti mərhələyə vəsiqə qazandı. Növbəti, 1/4 final mərhələsidə Natiq Novruzzadə, Argentina cüdoçusu Yorge Lensina ilə üz-üzə gəldi və ona, ippon fəndi ilə məğlub oldu. Həmin məğlubiyyətə baxmayaraq Natiq Novruzzadə, təsəlliverici qrupda çıxış etdi. Amma, həmin qrupun birinci görüşündə o, Yaponiya nümayəndəsi Kenji Oqa ilə qarşılaşdı və ona, 000:100 hesabı ilə məğlub olaraq XIII Yay Paralimpiya Oyunlarını 7-ci pillədə başa vurdu.
Cüdo yarışlarının son günündə, sentyabrın 9-da, 2004 Afina Paralimpiadasının qalibi İlham Zəkiyev, Avropa Çempionatının qızıl medalçısı Tofiq Məmmədov və bürünc medalçısı Kərim Sərdarov mübarizə apardı. Hər üç cüdoçu, Paralimpiya Oyunlarının medalına sahib oldu.
-90 kiloqram çəki dərəcəsində çıxış edən Tofiq Məmmədov, 1/8 final mərhələsində Litva cüdoçusu Yonas Stosкusu 021:000 hesabı ilə, 1/4 final mərhələsində isə Almaniya nümayəndəsi Sebastian Yunкu 000:000 hesabı ilə məğlub etdi və yarım-final mərhələsinə adladı. Finala gedən yolda o, Fransa cüdoçusu Olivier Suqnon de Sevriкourt ilə üz-üzə gəldi. Həmin görüşdə Tofiq Məmmədov, ippon fəndi ilə qələbə qazandı və həlledici, final görüşünə vəsiqə qazandı. Qızıl medal uğrunda görüşdə o, Rusiya nümayəndəsi Oleq Kretsul ilə qarşılaşdı. Amma, bu səfər Tofiq Məmmədov qələbə seriyasının davamını gətirə bilmədi və rəqibi 000:010 hesabı ilə məğlub olaraq XIII Yay Paralimpiya Oyunlarının gümüş medalına sahib oldu.
-100 kiloqram çəki dərəcəsində çıxış edən Kərim Sərdarov, 1/4 final mərhələsində Yaponiya nümayəndəsi Haruka Hiroseni 100:000 hesabı ilə məğlub etdi və yarım-final mərhələsinə adladı. Finala gedən yolda o, Kuba----- cüdoçusu Olivier Suqnon de Sevriкourt ilə üz-üzə gəldi. Həmin görüşdə Tofiq Məmmədov, ippon fəndi ilə qələbə qazandı və həlledici, final görüşünə vəsiqə qazandı. Qızıl medal uğrunda görüşdə o, Rusiya nümayəndəsi Oleq Kretsul ilə qarşılaşdı. Amma, bu səfər Tofiq Məmmədov qələbə seriyasının davamını gətirə bilmədi və rəqibi 000:010 hesabı ilə məğlub olaraq XIII Yay Paralimpiya Oyunlarının gümüş medalına sahib oldu.
+100 kiloqram çəki dərəcəsində çıxış edən İlham Zəkiyev, 1/4 final mərhələsində Fransa nümayəndəsi Julien Taurinesi 100:000 hesabı ilə məğlub etdi və yarım-final mərhələsinə adladı. Finala gedən yolda o, Cənubi Koreya cüdoçusu Park Junq-Min ilə üz-üzə gəldi. Həmin görüşdə İlham Zəkiyev, ippon fəndi ilə qələbə qazandı və həlledici, final görüşünə vəsiqə qazandı. Qızıl medal uğrunda görüşdə o, Çin nümayəndəsi Vanq Sonq ilə qarşılaşdı. Həmin görüşdə də, rəqibi üzərində ippon fəndi ilə qələbə qazanan İlham Zəkiyev, XIII Yay Paralimpiya Oyunlarının qızıl medalına sahib oldu.
İdmançı | Yarış | 1/8 final | 1/4 final | 1/2 final | Medal uğrunda mübarizə | Yer | |
---|---|---|---|---|---|---|---|
1-ci oyun | Final / BM | ||||||
Ramin İbrahimov | -60 kq. | Qəl. 100:000 | Qəl. 100:000 | Məğ. 000:100 | Qəl. 100:000 | ||
İlkin Alışov | -66 kq. | Qəl. 000:000 | Məğ. 000:001 | Məğ. 000:010 | |||
Ramin Əliyev | -73 kq. | Qəl. 100:000 | Məğ. 000:100 | Məğ. 000:110 | |||
Natiq Novruzzadə | -81 kq. | Qəl. 100:000 | Məğ. 000:100 | Məğ. 000:100 | |||
Tofiq Məmmədov | -90 kq. | Qəl. 021:000 | Qəl. 000:000 | Qəl. 110:000 | Məğ. 000:010 | ||
Kərim Sərdarov | -100 kq. | Qəl. 100:000 | Qəl. 100:000 | Məğ. 000:110 | |||
İlham Zəkiyev | +100 kq. | Qəl. 100:000 | Qəl. 100:000 | Qəl. 100:000 |
Pauerliftinq
XIII Yay Paralimpiya Oyunlarında pauerliftinq idman növü üzrə yarışlar 9-16 sentyabr tarixləri arasında ---- baş tutdu. Azərbaycanı bu idman növü üzrə, Elşən Hüseynov, Mehman Ramazanzadə və Məhərrəm Əliyev təmsil etdi. Bu idman növü üzrə yığmanın məşqçisi, Vaqif Müsəddiq idi.
Kişilər
İdmançı | Yarış | 1-ci c. | 2-ci c. | 3-cü c. | Yer |
---|---|---|---|---|---|
Elşən Hüseynov | -90 kq. | ||||
Mehman Ramazanzadə | -100 kq. | ||||
Məhərrəm Əliyev | +100 kq. |
Yüngül atletiкa
- Q = Növbəti mərhələyə vəsiqə qazandı
XIII Yay Paralimpiya Oyunlarında yüngül atletika idman növü üzrə yarışlar 8-17 sentyabr tarixləri arasında Pekin Milli Stadionunda baş tutdu. Azərbaycanı bu idman növü üzrə, yeddi yüngül atlet təmsil etdi. Onlar, 2004-cü ildə baş tutan Paralimpiya Oyunlarında qızıl medal qazanan Oleq Panyutin və gümüş medal qazanan Zeynəddin Bilalov, Dünya çempionu Oloxan Musayev, habelə Elçin Muradov, Vüqar Mehdiyev, Rza Osmanov və Vladimir Zayets idi. Bu idman növü üzrə yığmanın baş məşqçisi, Sergey Təhməzov, məşqçiləri isə Hacıbaba Zeynallı və Məhərrəm Soltanzadə idi.
Kişilər
Sentyabrın 8-də, T12 tipində üçtəkanla tullanma yarışlarında çıxış edən Vladimir Zayets mübarizə apardı. 2006-cı ildə baş tutan Dünya Çempionatının gümüş medalına sahib olan Vladimir Zayets, 15.00 metr nəticəyə imza atdı və XIII Yay Paralimpiya Oyunlarının bürünc medalını qazandı.
Həmin gün həmdə, T12 növündə 100 metr nəsafəyə qaçış yarışlarında mübarizə aparan Elçin Muradov qüvvəsini sınadı. Təsnifat mərhələsində o, 11.35 saniyə nəticə göstərdi və 9-cu pilləni tutaraq növbəti, yarım-final mərhələsinə vəsiqə qazandı. Ertəsi gün baş tutan mərhələdə Elçin Muradov, 11.22 saniyə nəticəyə imza ataraq 8-ci yeri tutdu və həlledici, final qaçışına adladı. Amma, final mərhələsində o, medal qazana bilmədi. Sentyabrın 10-da baş tutan qaçışda 11.19 saniyə nəticə göstərən Elçin Muradov, 8 sprinte sırasında 6-cı pilləni tutdu.
11 Rza
12 Rza
12 Zeynəddin
13 Vüqar
13 Rza
13 Oleq Vladimir
14 Elçin
15 Oloxan
15 Vüqar
16 Vüqar
İdmançı | Yarış | Təsnifat mərhələsi | Yarım-final | Final | |||
---|---|---|---|---|---|---|---|
Nəticə | Yer | Nəticə | Yer | Nəticə | Yer | ||
Elçin Muradov | 100 m., T12 | ||||||
200 m., T12 | |||||||
Rza Osmanov | 400 m., T12 | ||||||
Vüqar Mehdiyev | 100 m., T13 | ||||||
200 m., T13 | |||||||
Oleq Panyutin | Uzunluğa tullanma, T12 | ||||||
Vladimir Zayets | |||||||
Üçtəkanla tullanma, T12 | |||||||
Zeynəddin Bilalov | Üçtəkanla tullanma, T11 | ||||||
Oloxan Musayev | Nüvə itələmə, F55/F56 |
Həmçinin bax
Mənbələr
İstinadlar
- ↑ "Паралимпиада Пекин-2008: Стрелок из Азербайджана Елена Таранова заняла на Паралимпиаде 6-е место. (rus.)". www.news.day.az. 2017-08-30 tarixində . İstifadə tarixi: 8 sentyabr 2008.
- ↑ "Паралимпиада Пекин-2008: Стрелок из Азербайджана Елена Таранова заняла на Паралимпиаде 25-е место. (rus.)". www.news.day.az. 2017-08-30 tarixində . İstifadə tarixi: 10 sentyabr 2008.
- ↑ "Паралимпиада Пекин-2008: Стрелок из Азербайджана Елена Таранова вновь не смогла завоевать медаль на Паралимпиаде. (rus.)". www.news.day.az. 2017-08-30 tarixində . İstifadə tarixi: 12 sentyabr 2008.
- ↑ "Паралимпиада Пекин-2008: На Паралимпийских Играх в Пекине сборная Азербайджана завоевала первую медаль. (rus.)". www.news.day.az. 2017-08-30 tarixində . İstifadə tarixi: 7 sentyabr 2008.
- ↑ "Паралимпиада Пекин-2008: Дзюдоисты из Азербайджана Рамин Алиев и Натик Новруззаде заняли Паралимпийских Играх 7-е места. (rus.)". www.news.day.az. 2017-08-30 tarixində . İstifadə tarixi: 8 sentyabr 2008.
- ↑ "Паралимпиада Пекин-2008: Дзюдоисты из Азербайджана Ильхам Закиев стал 2-х кратным Паралимпийским чемпионом. (rus.)". www.news.day.az. 2017-08-30 tarixində . İstifadə tarixi: 9 sentyabr 2008.
Xarici кeçidlər
- Vikianbarda Azərbaycan 2008 Yay Paralimpiya Oyunlarında ilə əlaqəli mediafayllar var
- Azərbaycan Milli Paralimpiya Komitəsinin rəsmi saytı (azərb.) (ing.)