Qurbanəli Ömər

Qurbanəli Ömər — (tam adı:Yusibov Qurbanəli Vidadi оğlu; d. 31 may, 1987;Mingəçevir şəhəri, Azərbaycan SSR) — şair, jurnalist, Azərbaycan Jurnalistlər Birliyinin üzvü.

Qurbanəli Ömər
Yusibov Qurbanəli Vidadi оğlu
Doğum tarixi	31 may 1987 (34 yaş)
Doğum yeri	Mingəçevir, Azərbaycan SSR
Vətəndaşlığı	Azərbaycan
Milliyyəti	azərbaycanlı
Təhsili	Sumqayıt Dövlət Universiteti
Fəaliyyəti	"Sosial Xəbər" İnformasiya Agentliyinin baş direktoru, "Gənclərin Söz Birliyi" İB - nin sədri
İlk əsəri	“Həsrətin odu” şeirlər kitabı (2010)

Həyatı

Qurbanəli Ömər 31 may 1987-ci ildə Mingəçevir şəhərində ziyalı ailəsində anadan olub.

2004-cü ildə Mingəçevir şəhər 13 saylı orta məktəbi bitirib, Sumqayıt Dövlət Universitetinin tarix fakültəsinə daxil olub.

2008-2009- cu illərdə Milli Orduda hərbi xidmətdə olub.

2009-2012- ci illərdə pedaqoji fəaliyyətlə məşğul olub.

2012-ci ildə Sumqayıt Dövlət Universitetinin magistratura pilləsini bitirib.

2006-cı ildən müxtəlif qəzet və jurnallarla əməkdaşlıq edir.

İndiyədək dövrü mətbuatda yüzlərlə tənqidi, sosial eləcə də bədii- fəlsəfi yönümlü məqalələri çap olunub.

2010-cu ildə “Həsrətin odu” şeirlər kitabı ictimaiyyətə təqdim olunub.

Azərbaycan Jurnalistlər Birliyinin üzvüdür.

2010-cu ildən "Sosial Xəbər" İnformasiya Agentliyinin baş direktoru, "Sosialxeber.info" saytının baş redaktoru, "Gənclərin Söz birliyi" İB - nin sədridir.

2012-2013-cü illərdə QHT Əməkdaşlıq Alyansının mətbuat və sosial şəbəkələr katibi olub.

Sosial şəbəkələr üzrə mütəxəsisdir. İndiyədək bir çox QHT- lərin mətbuat və piar işinin təşkilində yaxından iştirak edib.

2013-cü ildə gənc yazarların əsərlərindən ibarət "Ömür" antologiyasının çapını reallaşdırıb.

Yazdığı şeirlərə Azərbaycanda və Türkiyədə mahnılar bəstələnib, tanınmış müğənnilər tərəfindən oxunulub.

Mənbə

• sosialxeber.info
• xalqxeber.info^{[ölü keçid]}