Teymur Məmmədov (boksçu)

Vikipediyada bu ad-soyadlı digər şəxslər haqqında da məqalələr var; bax: Teymur Məmmədov.

Teymur Məmmədov və ya tam adı ilə Teymur Füzuli oğlu Məmmədov (d. 11 yanvar 1993, Tomsk, Rusiya) — Azərbaycanlı peşəkar boksçu; 2012-ci ildə Londonda baş tutan XXX Yay Olimpiya Oyunlarının bürünc medalçısı; 2011-ci il Ankarada keçirilən Dünya Çempionatının gümüş, 2013-cü il Almatıda keçirilən Dünya Çempionatının bürünc medalçısı; 2011-ci il Ankara baş tutan Avropa çempionatının qızıl, 2013-cü il Minskdə baş tutan çempionatın isə gümüş medalçısı.

Teymur Məmmədov
Teymur Məmmədov Rio-de-Janeyro olimpiadasında.
Şəxsi məlumatlar
Tam adı	Teymur Füzuli oğlu Məmmədov
Vətəndaşlığı	Azərbaycan
Doğum tarixi	11 yanvar 1993 (28 yaş)
Doğum yeri	Tomsk, Rusiya
Boyu	196 sm.
Çəkisi	81 kq.
İdman növü	Boks
Medallar Olimpiya Oyunları Bürünc 2012 London -91 kq. Dünya Çempionatı Gümüş 2011 Bakı -91 kq. Bürünc 2013 Almatı -91 kq. Avropa Oyunları Qızıl 2015 Bakı -81 kq. Avropa Çempionatı Qızıl 2011 Ankara -91 kq. Gümüş 2013 Minsk -91 kq. Dövlət təltifləri
25 oktyabr 2016 tarixində yenilənib.

Teymur Məmmədov 4 dəfə (2010, 2011, 2013, 2015) Azərbaycan çempionu, 1 dəfə isə (2015) Böyük İpək Yolu beynəlxalq turnirinin çempionu olub.

Teymur Məmmədov XXX London Olimpiadasında qazanılmış uğura görə "Tərəqqi" medalına, I Avropa Oyunlarında qazanılmış yüksək nailiyyətə görə isə "Şöhrət" ordeninə layiq görülüb.

Həyatı

Teymur Füzuli oğlu Məmmədov 1993-cü il yanvar 11-də Rusiyanın Tomsk şəhərində anadan olub. Anası qazaxıstanlıdır, lakin Rusiyada doğulub. Atası isə azərbaycanlıdır. Sovet İttifaqı dağıldığdan sonra Teymur ailəsi ilə birlikdə Bakıya köçüb. Teymur 13 yaşından boksla məşğul olmağa başlayıb. Rabitə klubunun üzvüdür. Şəxsi məşqçisi İlham Əlimzanovdur. Hobbisi film izləmək və futbol oynamaqdır.

2013-cü il avqustun 3-ü ailə həyatı qurub. 10 iyun 2015-ci il təvəllüdlü Tamerlan, 10 yanvar 2017-ci il təvəllüdlü Abbas adlı övladı var. Boksçunun kumiri Ədalət Məmmədovdur. O, Ədalət Məmmədov haqqında bu cür deyib:

Mən Ədalət Məmmədovu görməmişəm, amma onun haqqında çox şey eşitmişəm. Onun döyüşlərinə baxmışam. Bir sözlə onu deyə bilərəm ki, Azərbaycan idman tarixində belə idmançı olmayıb və olmayacaq da. O, 140 kq-da peşəkarlar arasında döyüşürdü və nəhəng idi.

Karyerası

Erkən karyerası

Teymur Məmmədov rinqdə ilk qələbəsini, 2008-ci ildə gənclər arasında ulu öndər Heydər Əliyevin xatirəsinə həsr olunan "VI-cı Heydər Əliyev Kuboku" beynəlxalq turnirində qazandı. Bakı İdman Sarayında baş tutan yarışda, 75 kiloqram çəki dərəcəsində çıxış edən 15 yaşlı Teymur, bütün rəqiblərinə qalib gəldi və fəxri kürsünün ən yüksək pilləsinə qalxdı.

Teymur Məmmədov növbəti uğurunu elə analoji yarışda qazandı. O, 2009-cu ildə "VII-ci Heydər Əliyev Kuboku" beynəlxalq turnirində yenə bütün rəqiblərinə qalib gəldi və qızıl medal qazandı. Boksçu finalda Özbəkistan boksçusu Mirzəbəy Həsənova 15:3 hesabı ilə qalib gəldi və ardıcıl olaraq ikinci dəfə eyni yarışda qələbə qazandı.

Elə həmin ildə Teymur Məmmədov növbəti zəfərini qazandı. O, Azərbaycan boksunun banilərindən hesab olunan Abbas Ağalarov xatirəsinə həsr edilən yeniyetmələrin turnirində qızıl medal qazandı. Teymur Məmmədov finalda həmin il, "VII-ci Heydər Əliyev Kuboku" beynəlxalq turnirinin finalında üz-üzə gəldiyi Mirzəbəy Həsənovu 9:0 hesabı ilə məğlub etdi və yarışın qalibi oldu.

Teymur Məmmədov 2010-cu ildə o dövr üçün özünün ən böyük uğurunu qazandı. O, Bakı İdman Sarayında, dekabr ayında baş tutan Azərbaycan Çempionatında qızıl medal qazandı. 17 yaşlı Teymur Məmmədov finalda Dimitri Əbülfətova 10:2 hesabı ilə qalib gəldi və ölkənin ən güclü boksçusu oldu.

Uğurlarını sıralayan gənc boksçu, Teymur Məmmədov həmin il dünyanın bir çox ölkəsinin qatıldığı beynəlxalq "Böyük İpək Yolu" turnirində gümüş medal qazandı. O, yalnızca finalda, gərgin idman mübarizəsi şəraətində keçən görüşdə Türkiyə boksçusu Burak Akşına məğlub oldu. Həmin görüş 4:4 hesabı ilə başa çatsada əlavə göstəricilərə görə hakimlər Burak Akşını qalib elan etdi.

Həmin il Teymur Məmmədov önəmli bir yarışa daha qatıldı. O, 2010-cu ildə Sinqapurda baş tutacaq Yeniyetmələrin I Yay Olimpiya Oyunlarına lisenziya xarakteri daşıyan yeniyetmələr arasında Dünya Çempionatında iştirak etdi. Doğma rinqdə Teymur Məmmədov ilk olaraq Braziliya boksçusu Tiaqo Lima ilə rinqə çıxdı. Həmin görüşdə Teymur Məmmədov asan qələbə qazandı. Belə ki, görüşün gedişində Tiaqo Lima zədənləndi və hakimlər görüşü dayandırdı. Növbəti, 1/8 final mərhələsində o, Çin Xalq Respublikasının nümayəndəsi Janq Aolin ilə üz-üzə gəldi. Həmin görüşdə Teymur Məmmədov rinqi 9:2 hesablı qələbə ilə tərk etdi. 1/4 final mərhələsində onun rəqibi, həmin il "Böyük İpək Yolu" turnirinin finalında məğlub olduğu Türkiyə boksçusu Burak Aкşın oldu. Teymur Məmmədov həmin məğlubiyyətin əvəzini ondan çıxmağ istəsədə bu baş tutmadı. Yenə Türkiyə boksçusu Burak Akşın üstün tərəf oldu, 1:5.

2012-2014

Avropa Çempionatı

Dünya Çempionatı

London Olimpiadası

  Əsas məqalə: Azərbaycan 2012 Yay Olimpiya Oyunlarında

---

2015-2018

  Əsas məqalələr: 2013 Boks üzrə Avropa Çempionatı, 2013 Boks üzrə Dünya Çempionatı, Azərbaycan 2015 Avropa Oyunlarında, və Azərbaycan 2016 Yay Olimpiya Oyunlarında

 

Teymur Məmmədov (göy geyimdə) və Valentino Manfredoniya I Avropa Oyunlarının final mərhələsində.

Teymur Məmmədov 2015-ci ilin iyun ayında Bakıda baş tutan I Avropa Oyunlarına qatıldı. Boksçu ilk mübarizəsinə 18 iyun tarixində Kristal zalında başladı. Məmmədovun ilk rəqibi, 1/16 finalda Böyük Britaniya təmsilçisi Coşua Buatsi oldu. İlk raunddan üstünlüyü ələ alan Teymur, sona kimi təşəbbüsü əldən vermədi. Bununla da, rəqibinə 3:0 təmiz qələbə ilə qalib gələn boksçu, növbəti mərhələyə adladı. 1/8 finalda Teymur Məmmədov polşa nümayəndəsi Cordan Kulinski ilə üz-üzə gəldi. Bu mərhələdə də rəqibini 3-0 təmiz qələbə ilə məğlub edərək, 1/4 finala yüksəldi. 1/4 finalda Niderland idmançısı Peter Müllenbergi məğlub etdi. O, Peter Müllenberg haqqında fikirlərini bu cür izah etmişdi: “Mənim rəqibim çox güclü idi. 2013-cü ildə bu boksçu Minskdə Avropa çempionatında gümüş medal qazanıb. Onu qabaqcadan tanıyırdım. Mübarizə çox ağır keçdi. Allaha şükür ki, hər üç raund təmiz qələbə qazandım. Ən azı bürünc medalı özümə təmin etdim”.

3 rəqibinin heç birinə şans verməyən idmançı, yarımfinala vəsiqə qazandı. Yarımfinalda rəqibi Rusiya idmançısı Pavel Silyagin oldu. Teymur döyüşdən əvvəl bu cür demişdi: “Mən Paveli yarışlarda görmüşəm. Onun taktikasını bilirəm. Qabaqcadan heç nə deyə bilmərəm, ancaq mən qızıl medala iddialıyam və bunun üçün mübarizə aparacam”. O, Pavel Silyagin önündə uğurlu seriyasını davam etdirdi. Hər üç raundu xeyrinə bitirərək (29-28; 29-28; 29-28) rusiya nümayəndəsini təmiz qələbə ilə məğlub etdi və finala vəsiqə qazanan ilk boksçu oldu. Teymur Məmmədovun yarımfinal görüşünü Azərbaycan Respublikası prezidenti İlham Əliyevin qızları Leyla və Arzu Əliyevalar, Azərbaycan Boks Federasiyasının prezidenti Kəmaləddin Heydərov canlı izləyirdi.

 

Azərbaycan Respublikasının prezidenti İlham Əliyev, I Avropa Oyunlarının qalibi Teymur Məmmədova qızıl medalı təqdim edərkən.

4 görüşdən sonra gərgin final qarşılaşması baş tutdu. Teymurun final rəqibi italiya təmsilçisi Valentino Manfredoniya idi. Döyüşdən əvvəl boksçunun ifadələri: "Hansı raundda qələbə qazandığımı bilmirdim, ancaq udmaq istəyirdim. Mən qızıl medala layiqəm. Finaldakı rəqibimi tanımıram, çünki onunla görüşməmişəm. Ancaq onun döyüş taktikasını görmüşəm". 25 iyun tarixində başlayan qarşılaşmanın hər üç raundunda (9-10; 18-20; 27-30) üstünlük əldə edən boksçu, final rəqibini təmiz qələbə ilə məğlub edərək I Avropa Oyunlarının çempionu oldu. Teymur Məmmədovun qazandığı medal, Azərbaycan yığmasının 15-ci qızıl medalı idi. Məmmədovun italiyalı Valentino Manfredoniya ilə həlledici görüşünü Azərbaycan Respublikasının prezidenti İlham Əliyev, Azərbaycan Respublikasının birinci xanımı, I Avropa Oyunlarının təşkilat komitəsinin sədri Mehriban Əliyeva və onların ailə üzvləri izləyirdi. Mükafatlandırma mərasimində boksçuya qızıl medalı Azərbaycan Respublikasının prezidenti İlham Əliyev təqdim etdi. Beynəlxalq Həvəskar Boks Assosiasiyasının (AİBA) prezidenti Çinq Kuo Vu da mərasimdə iştirak etdi. Mərasimin sonunda Azərbaycan Respublikasının üçrəngli bayrağı ucaldıldı və himni səsləndirildi.

Teymur Məmmədov, 29 iyun 2015-ci il tarixində prezident İlham Əliyevin sərəncamına əsasən I Avropa Oyunlarında qazanılmış yüksək nailiyyətinə və Azərbaycan idmanının inkişafında böyük xidmətlərinə görə "Şöhrət ordeni" ilə təltif edildi. 28 iyun 2015-ci il tarixində baş tutan I Avropa Oyunlarının bağlanış mərasiminin bayraqdarı Teymur Məmmədov olmuşdur.

 

İlham Əliyev və Teymur Məmmədov XXXI Yay Olimpiya Oyunlarında iştirak edəcək Azərbaycan nümayəndə heyətinin yolasalma mərasimində.

Teymur Məmmədov I Avropa Oyunlarından sonra 81 kq-da Dünya Olimpiya Təsnifat Turnirində iştirak etdi. 2016-cı il iyunun 19-dan "Sərhədçi" Olimpiya İdman Mərkəzində 1/16 finaldan mübarizəyə qoşulan Məmmədov, çinli Quojun Şini təmiz qələbə ilə 3-0 məğlub etdi. Təsnifat turnirində uğur qazanmaq boksçu üçün Rio Olimpiadasına lisenziya qazanmaq baxımından çox vacib idi. Bunun üçün o, ilk beşliyi düşməyi bacarmalı idi. Çinli idmançını məğlub etdikdən sonra boksçu, 1/8 finalda gürcüstan təmsilçisi Laqo Kizirianı 2-1 hesabı ilə məğlub etdi. Teymur Məmmədov Rio lisenziyasının bir addımlığında idi. O, növbəti dəfə Olimpiada da iştirak etmək üçün 1/4 finalda mərakeşli Həsən Saadanı mübarizədən kənarlaşdırmalı idi. Rəqib döyüşə çıxmaqdan imtina etdiyi üçün Məmmədov qalib elan olundu və yarımfinala adladı. Yarımfinalda rusiyalı Pyotr Xamukovla üz-üzə gəlməli olsa da, rəqib rinqə çıxmadı. Boksçuların duelinin keçirilməməsinə səbəb Xamukovun tibbi baxışdan keçə bilməməsi idi. Son 2 görüşü döyüşmədən keçirən Teymur Məmmədov finalda almaniyalı Serge Miçellə düşsə də, bu görüşdə də döyüşmədi. Rəqib matçdan imtina etdiyindən Teymur qızıl medala sahib oldu.

Olimpiadaya lisenziya qazanan boksçu, Braziliyanın Rio-de-Janeyro şəhərində keçirilən XXXI Yay Olimpiya Oyunlarında iştirak edən Azərbaycan nümayəndə heyətinin 2016-cı il iyulun 18-də rəsmi yolasalma mərasimindən sonra Braziliyaya yola düşdü. Bu boksçunun qatıldığı ikinci Olimpiya Oyunları idi. Açılış günündə Azərbaycan yığmasının bayraqdarı Məmmədov oldu. 7 avqust, yəni Rio Olimpiadasının ikinci günü Teymur Məmmədovun döyüş günü idi. Rinqə çıxan boksçunun ilk rəqibi Ukrayna boksçusu Denis Solonenko oldu. Görüşün iki raundunda rəqibindən üstün olan Məmmədov, 2-1 hesablı qələbə ilə rinqi tərk etdi və növbəti mərhələyə vəsiqə qazandı. Olimpiadanın altıncı günündə, avqustun 11-i Teymur Məmmədov ikinci qarşılaşmasını keçirməli idi. O, I Avropa Oyunlarının 1/4 finalında qalib gəldiyi Niderland idmançısı Peter Müllenberglə üz-üzə gəldi. Peter Müllenbergdən hər üç raundda üstün olan boksçu, rəqibini 3:0 təmiz qələbə ilə məğlub edərək 1/4 finala adladı. 1/4 final Məmmədov üçün gərgin keçdi. Qazaxıstanlı Adilbəy Niyazimbetovla qarşılaşan boksçu, 1-ci raunddan üstünlüyü ələ alsa da, gözlənilmədən məğlub oldu. Nəticədə, boksçu "Rio-2016" Olimpiadasını medalsız başa vurdu.

 

Azərbaycan Taekvondo və Boks Federasiyalarının prezidenti Kəmaləddin Heydərov, İslam Həmrəyliyi Oyunlarının qalibi Teymur Məmmədova qızıl medalı təqdim edərkən.

Teymur Məmmədov, 2017-ci ildə əsas yarışına Bakı şəhərində baş tutan IV İslam Həmrəyliyi Oyunları çərçivəsində qatıldı. O, Bakı Kristal Zalında mübarizəyə başladı. 91 kq çəki dərəcəsində mübarizə aparan boksçu, 1/16 və 1/8 finallarda rəqibi tapılmadığı üçün 1/4 final mərhələsinə vəsiqə qazandı. 1/4 final mərhələsində onun rəqibi özbəkistanlı boksçu Sərdarbəy Beqaliyev idi. Qarşılaşma Məmmədovun təmiz qələbəsi ilə yekunlaşdı, 5:0. Beləliklə, Teymur yarımfinala vəsiqə qazandı. Yarımfinalda isə o, iordaniyalı İhab Almatbuliyə 3:2 hesabı ilə qalib gələn Suriya təmsilçisi Eldin Qoussun ilə üz-üzə gəldi. İlk raunddan rəqibini nokdauna salan Məmmədov, rəqibinə 4-1 hesabı ilə qalib gəldi. Nəticədə, boksçu finala yüksəldi. O, yarımfinal haqqındakı düşüncələrini bu cür açıqlamışdı: "Rəqibim çox güclü idi. Ancaq, şükür Allaha, qalib gəldim. Növbəti rəqibim türkiyəli boksçudu. Onunla illər öncə qarşılaşmışam. Bütün gücümü ortaya qoyacağam və bayrağımızı ucaltmağa çalışacağam".

Boksçunun final rəqibi Burak Akşın idi. O, Burak Akşına hər ikisi 2010-cu ildə baş tutmuş Böyük İpək yolu turnirinin finalında və Yeniyətmələrin Dünya Çempionatının 1/4 finalında məğlub olmuşdu. Gərgin keçən qarşılaşmanın ilk raundunda Burak Akşın üstün tərəf oldu. Digər raudlarda isə üstünlüyü ələ alan Məmmədov, rəqibini 3-2 hesabı ilə məğlub edərək İslam Həmrəyliyi Oyunlarının qalibi adına yüksəldi. Onun qazandığı qızıl medal, Azərbaycan yığmasının ümumilikdə 55-ci medalı idi. Mükafatlandırma mərasimində Teymur Məmmədova qızıl medalı Dünya Taekvondo Federasiyanın vitse-prezidenti Kəmaləddin Heydərov təqdim etdi. Onun şərəfinə Bakı Kristal Zalında Azərbaycanın üçrəngli bayrağı qaldırılıb, dövlət himni səsləndirildi.

Dövlət təltifləri

•   "Tərəqqi" medalı — XXX London Olimpiadasında qazandığı bürünc medala görə.
•   "Şöhrət" ordeni — I Avropa Oyunlarında qazandığı qızıl medala görə.

Görüşləri

Teymur Məmmədovun döyüşlərinin siyahısı
Sıra	Şəhər	Yarış	Rəqib	Hesab
1	Bakı	2009 Gənclərin Heydər Əliyev Kuboku (1/2 final)	Telman Eyvazov	RSC
2	Bakı	2009 Gənclərin Heydər Əliyev Kuboku (Final)	Mirzəbəy Həsənov	15-03
3	Bakı	2009 Yeniyetmələrin Abbas Ağalarov turniri (1/2 final)	Salamat Yensepov	AB
4	Bakı	2009 Yeniyetmələrin Abbas Ağalarov turniri (Final)	Mirzəbəy Həsənov	9-0
5	Bakı	2010 Azərbaycan Çempionatı (1/2 final)	Kamran Mehdiyev	14-06
6	Bakı	2010 Azərbaycan Çempionatı (Final)	Dimitri Əbülfətov	10-02
7	Bakı	2010 Böyük İpək Yolu turniri (1/2 final)	Artur Musayev	AB
8	Bakı	2010 Böyük İpək Yolu turniri (Final)	Burak Akşın	4-4
9	Bakı	2010 Yeniyetmələrin Dünya Çempionatı (1/16 final)	Tiaqo Lima	RSCI
10	Bakı	2010 Yeniyetmələrin Dünya Çempionatı (1/8 final)	Janq Aolin	9-2
11	Bakı	2010 Yeniyetmələrin Dünya Çempionatı (1/4 final)	Burak Akşın	1-5
12	Bakı	2011 Böyük İpək Yolu turniri (1/4 final)	Con-Mikel M'Bumba	RSC
13	Bakı	2011 Böyük İpək Yolu turniri (1/2 final)	Reza Moradxani	8-3
14	Bakı	2011 Böyük İpək Yolu turniri (Final)	Artur Beterbiyev	WO
15	Bakı	2011 Azərbaycan Çempionatı (final)	Abdulqədir Abdullayev	7-2
16	Ankara	2011 Avropa Çempionatı (1/16 final)	Cozef Darmos	20-20
17	Ankara	2011 Avropa Çempionatı (1/8 final)	Stefan Vugdeliya	23-14
18	Ankara	2011 Avropa Çempionatı (1/4 final)	Abdulhəmid Nurməhəmmədov	23-21
19	Ankara	2011 Avropa Çempionatı (1/2 final)	Yohann Vitt	18-12
20	Ankara	2011 Avropa Çempionatı (Final)	Tervel Pulev	AB
21	Bakı	2011 Dünya Çempionatı (1/16 final)	Anderson Emmanuel	23-07
22	Bakı	2011 Dünya Çempionatı (1/8 final)	Cozef Darmos	24-09
23	Bakı	2011 Dünya Çempionatı (1/4 final)	Xose Larduet	24-20
24	Bakı	2011 Dünya Çempionatı (1/2 final)	Vanq Xuanxuan	RET
25	Bakı	2011 Dünya Çempionatı (Final)	Aleksandr Usik	15-25
26	London	2012 Yay Olimpiya Oyunları (1/8 final)	Jai Opetaia	12-11
27	London	2012 Yay Olimpiya Oyunları (1/4 final)	Sergey Karneyeu	19-19
28	London	2012 Yay Olimpiya Oyunları (1/2 final)	Klemente Russo	13-15
29	Bakı	2013 Azərbaycan Çempionatı (1/2 final)	Sərvər Nəcəfov	WO
30	Bakı	2013 Azərbaycan Çempionatıı (Final)	Abdulqədir Abdullayev	19-15
31	Herson	2013 Nikolay Manger turniri (1/4 final)	Rüstəm Tulaqanov	08-14
32	Minsk	2013 Avropa Çempionatı (1/8 final)	Marko Çaliç	3-0
33	Minsk	2013 Avropa Çempionatı (1/4 final)	Tommi Mak Karti	3-0
34	Minsk	2013 Avropa Çempionatı (1/2 final)	Denis Poyatsika	3-0
36	Minsk	2013 Avropa Çempionatı (Final)	Aleksey Yeqorov	TKO
37	Almatı	2013 Dünya Çempionatı (1/16 final)	Efetobor Apoçi	3-0
38	Almatı	2013 Dünya Çempionatı (1/8 final)	Manpreet Sing	3-0
39	Almatı	2013 Dünya Çempionatı (1/4 final)	Erislandi Savon	2-1
40	Almatı	2013 Dünya Çempionatı (1/2 final)	Klemente Russo	0-3
41	Bakı	2015 Azərbaycan Çempionatı (1/4 final)	Ədalət Mollayev	TKO
42	Bakı	2015 Azərbaycan Çempionatı (1/2 final)	Heydər Heydərov	3-0
43	Bakı	2015 Azərbaycan Çempionatı (Final)	Rahil Məmmədli	3-0
44	Bakı	2015 Böyük İpək Yolu turniri (1/4 final)	Kristian Dimitrov	3-0
45	Bakı	2015 Böyük İpək Yolu turniri (1/2 final)	Yevgeni Kobzov	3-0
46	Bakı	2015 Böyük İpək Yolu turniri (Final)	Şeyda Keser	3-0
47	Bakı	2015 Avropa Oyunları (1/16 final)	Joşua Buatsi	3-0
48	Bakı	2015 Avropa Oyunları (1/8 final)	Yordan Kulinski	3-0
49	Bakı	2015 Avropa Oyunları (1/4 final)	Peter Müllenberg	3-0
50	Bakı	2015 Avropa Oyunları (1/2 final)	Pavel Silyagin	3-0
51	Bakı	2015 Avropa Oyunları (final)	Valentino Manfredoniya	3-0
52	Doha	2015 Dünya Çempionatı (1/8 final)	Pavel Silyagin	0-3
53	Samsun	Avropa Olimpiya Təsnifat turniri (1/8 final)	Georgi Kuşitaşvili	2-1
54	Samsun	Avropa Olimpiya Təsnifat turniri (1/4 final)	Mehmet Ünal	1-2
55	Bakı	Dünya Olimpiya Təsnifat turniri (1/16 final)	Şi Guojun	3-0
56	Bakı	Dünya Olimpiya Təsnifat turniri (1/8 final)	Yaqo Kiziria	2-1
57	Bakı	Dünya Olimpiya Təsnifat turniri (1/4 final)	Həsən Saada	WO
58	Bakı	Dünya Olimpiya Təsnifat turniri (1/2 final)	Peter Xamukov	WO
59	Bakı	Dünya Olimpiya Təsnifat turniri (Final)	Serge Miçel	WO
60	Rio-de-Janeyro	2016 Yay Olimpiya Oyunları (1/16 final)	Denis Solonenko	3:0
61	Rio-de-Janeyro	2016 Yay Olimpiya Oyunları (1/8 final)	Peter Müllenberg	3:0

Qeydlər

1. Medalın təltif tarixi 31 avqust 2012-ci ildir.
2. Ordenin təltif tarixi 29 iyun 2015-ci ildir.

İstinadlar

1. "TEYMUR MAMMADOV – 81KG" (ingilis). aiba.org. 23 iyul 2018 tarixində . İstifadə tarixi: 23 iyul 2018.
2. Fuad Mədətov (10 oktyabr 2012). "Dünya çempionu: "O, nəhəng idi" – FOTO - VİDEO" (azərb.). aznews.az. 22 iyul 2018 tarixində . İstifadə tarixi: 23 iyul 2018.
3. Sport Department (25 iyun 2015). "​Teymur Məmmədov: "Qələbəni yeni doğulacaq oğluma həsr edirəm"" (azərb.). report.az. 23 iyul 2018 tarixində . (#invisible_char)
4. "Ulu öndər Heydər Əliyevin xatirəsinə həsr olunmuş beynəlxalq boks turnirinin qalibləri məlumdur". www.azertag.az. İstifadə tarixi: 10 may 2008.
5. ""Heydər Əliyev Kuboku 2009" VII-ci Beynəlxalq Boks Turniri". www.mys.gov.az. İstifadə tarixi: 7 may 2008.^{[ölü keçid]}
6. "Daha bir boksçumuz mərhələ adladı" (azərb.). olaylar.az. 18 iyun 2015. 23 iyul 2018 tarixində . İstifadə tarixi: 23 iyul 2018.
7. S.Allahverdiyeva, A.Yadigarov (22 iyun 2015). "Teymur Məmmədov: "Mən qızıl medala iddialıyam və bunun üçün mübarizə aparacam"" (azərb.). azertag.az. 23 iyul 2018 tarixində . İstifadə tarixi: 23 iyul 2018.
8. "Teymur Məmmədov: "Onun taktikasını bilirəm, qabaqcadan heç nə deyə bilmərəm"" (azərb.). dsport.az. 22 iyun 2018. 23 iyul 2018 tarixində . İstifadə tarixi: 23 iyul 2018.
9. "Bakı-2015: Teymur Məmmədov finalda" (azərb.). oxu.az. 24 iyun 2015. 23 iyul 2018 tarixində . İstifadə tarixi: 23 iyul 2018.
10. "Bakı 2015: Boksçumuz finala çıxdı" (azərb.). teleqraf.com. 24 iyun 2015. 23 iyul 2018 tarixində . İstifadə tarixi: 23 iyul 2018.
11. "Azərbaycana 15-ci qızıl medal sevincini boksçu Teymur Məmmədov yaşatdı" (azərb.). azerbaijan-news.az. 25 iyun 2015. 23 iyul 2018 tarixində . İstifadə tarixi: 23 iyul 2018.
12. News Department (24 iyun 2015). "​Teymur Məmmədov: "Mən qızıl medala layiqəm"" (azərb.). report.az. 25 iyul 2018 tarixində . İstifadə tarixi: 25 iyul 2018. (#invisible_char)
13. "Баку-2015: Теймур Мамедов завоевал для сборной по боксу первую золотую медаль" (rus). m.apa.az. 25 iyun 2015. 24 iyul 2018 tarixində . İstifadə tarixi: 24 iyul 2018.
14. (rus). m.vesti.az. 25 iyun 2015. 2018-07-23 tarixində orijinalından arxivləşdirilib. İstifadə tarixi: 24 iyul 2018.
15. Вугар Иманов (26 iyun 2015). "Имя моему первенцу даст дедушка – победитель Евроигр Теймур Мамедов" (rus). trend.az. 24 iyul 2015 tarixində . İstifadə tarixi: 24 iyul 2018.
16. E. Cəfərova (25 iyun 2015). "Teymur Məmmədov qızıl medal qazandı – FOTO" (azərb.). aznews.info. 24 iyul 2018 tarixində . İstifadə tarixi: 24 iyul 2015.
17. President.az (29 iyun 2015). "I Avropa Oyunları qaliblərinin və Azərbaycanda idmanın inkişafında xidmətləri olan şəxslərin təltif edilməsi haqqında Azərbaycan Respublikası Prezidentinin Sərəncamı" (azərb.). president.az. 22 iyul 2018 tarixində . İstifadə tarixi: 22 iyul 2018.
18. AZƏRTAC-ın Bakı Olimpiya Stadionundan reportajı (28 iyun 2015). "Birinci Avropa Oyunlarının təntənəli bağlanış mərasimi" (azərb.). azertag.az. 25 iyul 2018 tarixində . İstifadə tarixi: 25 iyul 2018.
19. "Bakıda boks üzrə dünya Olimpiya təsnifat turniri keçiriləcək" (azərb.). azertag.az. 1 iyun 2016. 26 iyul 2018 tarixində . İstifadə tarixi: 26 iyul 2018.
20. Elşad Qəzvini (19 iyun 2016). "Boksçumuz Teymur Məmmədov dünya təsnifat turnirində ilk qələbəsini qazanıb" (azərb.). azertag.az. 25 iyul 2018 tarixində . İstifadə tarixi: 25 iyul 2018.
21. "Kamran Şahsuvarlı uduzdu, Teymur Məmmədov yarımfinalda" (azərb.). apasport.az. 23 iyun 2016. 25 iyul 2018 tarixində . İstifadə tarixi: 25 iyul 2018.
22. (azərb.). assanews.com. 24 iyun 2016. 2018-07-26 tarixində orijinalından arxivləşdirilib. İstifadə tarixi: 2020-09-17. (#parameter_ignored_suggest)
23. Elşad Qəzvini (24 iyun 2016). "Boks üzrə dünya Olimpiya təsnifat turniri: Teymur Məmmədov finalda" (azərb.). azertag.az. 25 iyul 2018 tarixində . İstifadə tarixi: 25 iyul 2018.
24. "Kamran Şahsuvarlı da Rioya lisenziya qazandı, iki boksçumuz mübarizəsiz çempion oldu" (azərb.). apasport.az. 25 iyun 2016. 26 iyul 2018 tarixində . İstifadə tarixi: 26 iyul 2018.
25. "Teymur Məmmədov Azərbaycana 54-cü lisenziyanı qazandırdı" (azərb.). az.trend.az. 23 iyun 2016. 26 iyul 2018 tarixində . İstifadə tarixi: 26 iyul 2018.
26. "Boksçumuz Teymur Məmmədov Azərbaycanın aktivinə 54-cü lisenziyanı qazandırıb" (azərb.). azertag.az. 23 iyun 2016. 26 iyul 2018 tarixində . İstifadə tarixi: 26 iyul 2018.
27. President.az (18 iyul 2016). "İlham Əliyev XXXI Yay Olimpiya Oyunlarında iştirak edəcək Azərbaycan nümayəndə heyətinin yolasalma mərasimində iştirak edib" (azərb.). president.az. 25 iyul 2016 tarixində . İstifadə tarixi: 25 iyul 2018.
28. "Rio-de-Janeyro Olimpiadasında Azərbaycan yığmasının bayraqdarı Teymur Məmmədov olacaq" (azərb.). azertag.az. 30 iyun 2016. 26 iyul 2018 tarixində . İstifadə tarixi: 26 iyul 2018.
29. "75 - 81KG (LIGHT-HEAVYWEIGHT) MEN" (ingilis). olympic.org. 26 iyul 2018 tarixində . İstifadə tarixi: 26 iyul 2018.
30. ""Rio-2016": Teymur Məmmədov növbəti mərhələdə" (azərb.). azertag.az. 8 avqust 2016. 26 iyul 2018 tarixində . İstifadə tarixi: 26 iyul 2018.
31. "Rio-2016: Teymur Məmmədov 1/8 finalda!" (azərb.). m.lent.az. 8 avqust 2016. 26 iyul 2018 tarixində . İstifadə tarixi: 26 iyul 2018.
32. "Bayraqdarımız Rio-2016-nın 1/4 finalında" (azərb.). m.lent.az. 12 avqust 2016. 26 iyul 2018 tarixində . İstifadə tarixi: 26 iyul 2018.
33. ""Rio-2016": Azərbaycan boksçusu Teymur Məmmədov dörddəbir final mərhələsinə yüksəlib" (azərb.). azertag.az. 12 avqust 2016. 26 iyul 2018 tarixində . İstifadə tarixi: 26 iyul 2018.
34. "Bayraqdarımız uduzdu, Sotomayor növbəti mərhələdə" (azərb.). qafqazinfo.az. 15 avqust 2016. 26 iyul 2018 tarixində . İstifadə tarixi: 26 iyul 2018.
35. "Bakı- 2017: Teymur Məmmədov İslamiadada ilk qələbəsini qazandı" (azərb.). az.trend.az. 14 may 2017. 29 iyul 2018 tarixində . İstifadə tarixi: 29 iyul 2018.
36. ""İslamiadada hər bir boksçudan uğur gözləyirik"" (azərb.). abf.az. 3 may 2017. 29 iyul 2018 tarixində . İstifadə tarixi: 29 iyul 2018.
37. "Teymur Məmmədov İslamiadada ilk qələbəsini qazanıb" (azərb.). rekord.az. 15 may 2017. 29 iyul 2018 tarixində . İstifadə tarixi: 29 iyul 2018.
38. "Teymur Məmmədov İslamiadada ilk qələbəsini qazandı" (azərb.). qafqazinfo.az. 14 may 2017. 29 iyul 2018 tarixində . İstifadə tarixi: 29 iyul 2018.
39. "Teymur Məmmədov yarımfinal döyüşünü qələbə ilə bitirib" (azərb.). abf.az. 17 may 2017. 30 iyul 2018 tarixində . İstifadə tarixi: 30 iyul 2018.
40. "Bakı-2017: Teymur Məmmədov da FİNALDA" (azərb.). az.trend.az. 17 may 2017. 30 iyul 2018 tarixində . İstifadə tarixi: 30 iyul 2018.
41. "Bu boksçumuz da həlledici döyüşə vəsiqə qazanıb" (azərb.). m.sputnik.az. 17 may 2017. 30 iyul 2018 tarixində . İstifadə tarixi: 30 iyul 2018.
42. "Bakı-2017 IV İslam Həmrəyliyi Oyunlarında boks yarışları davam edir" (azərb.). metbuat.az. 18 may 2017. 29 iyul 2018 tarixində . İstifadə tarixi: 29 iyul 2018.
43. President.az (31 avqust 2012). "Azərbaycan Milli Olimpiya komandası üzvlərinin təltif edilməsi haqqında Azərbaycan Respublikası Prezidentinin Sərəncamı" (azərb.). president.az. 22 iyul 2018 tarixində . İstifadə tarixi: 23 iyul 2018.

Həmçinin bax

• Azərbaycan 2012 Yay Olimpiya Oyunlarında
• Azərbaycan 2016 Yay Olimpiya Oyunlarında
• Azərbaycan 2015 Avropa Oyunlarında

Xarici keçidlər