Hacımurad Hacıyev

Hacımurad Hacıyev (12 oktyabr 2000) — Azərbaycanı təmsil edən sərbəst güləşçi.

Hacımurad Hacıyev
Şəxsi məlumatlar
Tam adı	Hacımurad Hacıyev
Vətəndaşlığı	Rusiya → Azərbaycan
Doğum tarixi	12 oktyabr 2000(2000-10-12) (23 yaş)
Boyu	180 sm. (5 ft 6 in)
İdman növü	Güləş
Karyera illəri	2016—
Medallar Azərbaycan üçün Avropa Oyunları Bürünc 2019 Belarus 74 Kq.

Karyerası

Hacımurad Hacıyev birinci uğuruna 2016-cı ilin iyulunda İsveçdə yeniyetmələr arasında Avropa Çempionatını bürünc medalla başa vurmaqla imza atdı. Bir il sonra, 2017-ci ildə Hacımurad Hacıyev Bosniya və Herseqovinanın Sarayevo şəhərində yeniyetmələr arasında Avropa Çempionatının gümüş, Yunanıstanın Afina şəhərində yeniyetmələr arasında Dünya Çempionatının isə bürünc medalına sahib oldu.

2018-ci ildə Hacımurad Hacıyev Roma şəhərində gənclər arasında Avropa Çempionatını gümüş medalla başa vurdu, Trnava şəhərində gənclər arasında Dünya Çempionayının isə qalibi oldu. Həmin il Hacımurad Hacıyev həm də Budapeşt şəhərində Dünya Çempionatlarında debüt elədi və turniri 20-ci pillədə başa vurdu. Hacımurad Hacıyev 2019-cu il ərzində apreldə Rumıniyada Avropa Çempionatını beşinci pillədə başa vurdu, iyunda Belarusda Avropa Oyunlarının və avqustda Estoniyada gənclər arasında Dünya Çempionatının bürünc medallarına sahib oldu. Sentyabrda Hacımurad Hacıyev həm də Qazaxıstanda Dünya Çempionatını yeddinci pillədə başa vurdu.

Hacımurad Hacıyev 2020-ci ilin yanvarında İstanbul şəhərində Yaşar Doğunun xatirəsinə həsr olunan beynəlxalq turnirin bürünc medalına sahib oldu. 2021-ci ildə Hacımurad Hacıyev yanvarda Fransada Fransa Qran-Prisini bürünc medalla başa vurdu, martda isə Macarıstanda Avropa Olimpiya Təsnifat Turnirinin gümüş medalına sahib olaraq olimpiya lisenziyası əldə elədi. Olimpiadadan əvvəl Polşada Poland Open beynəlxalq turnirini bürünc medalla başa vuran Hacımurad Hacıyev iyunda məşq zamanı zədələndi. İyulun 20-də Azərbaycan Güləş Federasiyası zədələnən Hacımurad Hacıyevin əvəzinə olimpiada da Turan Bayramovun çıxış eləməsi üçün Beynəlxalq Olimpiya Komitəsinə müraciət elədi. Həmin gün Beynəlxalq Olimpiya Komitəsində müraciətə baxıldı və Turan Bayramovun olimpiada da çıxış eləməsinə icazə verildi. Bununla da olimpiya lisenziyasına Hacımurad Hacıyev sahib olsa da olimpiada da mübarizə apara bilmədi.

Zədədən sonra Hacımurad Hacıyev 2022-ci il ərzində İtaliyada Dr. Matteo Pellisonenin xatirəsinə həsr olunan beynəlxalq turniri bürünc medalla, İspaniyada U23 Dünya Çempionatını gümüş medalla başa vurdu. 2023-cü ilin fevralında isə Hacımurad Hacıyev Xorvatiyada Zagreb Open beynəlxalq turnirinin bürünc medalına sahib oldu.

Nəticələri

Sıra	İl	Yarış	Ev sahibi	Nəticə
Azərbaycan
1	2016	Yeniyetmələrin Avropa Çempionatı	İsveç	3.
2	2017	Yeniyetmələrin Avropa Çempionatı	Bos. və Herseqovina	2.
3		Yeniyetmələrin Dünya Çempionatı	Yunanıstan	3.
4	2018	Gənclərin Avropa Çempionatı	İtaliya	2.
5		Gənclərin Dünya Çempionatı	Slovakiya	1.
6		Dünya Çempionatı	Macarıstan	20.
7	2019	Avropa Çempionatı	Rumıniya	5.
8		Avropa Oyunları	Belarus	3.
9		Gənclərin Dünya Çempionatı	Estoniya	3.
10		Dünya Çempionatı	Qazaxıstan	7.
11	2020	Yaşar Doğu Turniri	Türkiyə	3.
12		Avropa Çempionatı	İtaliya	10.
13	2021	Fransa Qran-Prisi	Fransa	3.
14		Avropa Olimpiya Təsnifat Turniri	Macarıstan	2.
15		Poland Open	Polşa	3.
16	2022	M. Pellison Turniri	İtaliya	3.
17		U23 Dünya Çempionatı	İspaniya	2.
18	2023	Zagreb Open	Xorvatiya	3.

İstinadlar

1. International Wrestling Database. "KHADZIMURAD GADZHIEV". www.iat.uni-leipzig.de (ingilis). 2022-08-04. 2022-08-08 tarixində . İstifadə tarixi: 02.08.2022.
2. Azerisport.com idman portalı. "Азербайджан обратился в МОК. Нужно заменить травмированного борца". www.azerisport.com ( (rus.)). 11.02.2022. 2022-08-30 tarixində . İstifadə tarixi: 11.02.2022.
3. Azerisport.com idman portalı. "МОК позволил Азербайджану заменить травмированного борца в Токио". www.azerisport.com ( (rus.)). 11.02.2022. 2020-08-20 tarixində . İstifadə tarixi: 11.02.2022.