Səməd Tağızadə
Səməd Əmiraslan oğlu Tağıyev (Tağızadə) (1907, Nuxa, Yelizavetpol quberniyası – 17 noyabr 1978, Kirovabad) — Azərbaycan teatr aktyoru, Azərbaycan SSR əməkdar artisti (1943).
| Səməd Tağızadə | |
|---|---|
| Digər adı | Səməd Tağıyev |
| Doğum tarixi | |
| Doğum yeri | Nuxa, Nuxa qəzası, Yelizavetpol quberniyası, Rusiya İmperiyası |
| Vəfat tarixi | |
| Vəfat yeri | Kirovabad, Azərbaycan SSR, SSRİ |
| Vətəndaşlığı | Rusiya İmperiyası→ AXC→ SSRİ |
| Fəaliyyəti | teatr aktyoru |
| Mükafatları | |
Həyatı
Səməd Tağıyev (Tağızadə) 1907-ci ildə Nuxada (hazırkı Şəki) anadan olmuşdur. Aktyorluq fəaliyyəti 1920-ci illərin sonunda bu şəhərdə başlamışdır. Aktyorun fəaliyyəti, əsasən, 1933–1955-ci illərdə Gəncə Dövlət Dram Teatrı ilə bağlıdır. Gəncədə işləyə-işləyə Şəki Dövlət Dram Teatrının da eyniadlı əsərlərin tamaşalarında Otello, Aydın, Oqtay Eloğlu, Vaqif rollarını ifa etmişdir. Dəvətlə Şəmkir, Qazax və Ağdaş teatrlarında da rollar oynamışdır.
1955-ci ildə səsi tutulan aktyor səhnəyə çıxmasa da, teatrda truppa müdiri işləyib. 17 noyabr 1978-ci ildə Kirovabadda (hazırkı Gəncə) vəfat etmişdir.
Təltif və mükafatları
- "Azərbaycan SSR əməkdar artisti" fəxri adı — 17 iyun 1943
İfa etdiyi əsas rollar
- Gəncə Dövlət Dram Teatrında
| Rol | Tamaşa | Müəllif |
|---|---|---|
| Teymur ağa | Lənkəran xanının vəziri | Mirzə Fətəli Axundov |
| Fəxrəddin | Müsibəti-Fəxrəddin | Nəcəf bəy Vəzirov |
| İsgəndər | Ölülər | Cəlil Məmmədquluzadə |
| Əlimərdan | Eşq və intiqam | Süleyman Sani Axundov |
| Balaş | Sevil | Cəfər Cabbarlı |
| Aydın | Aydın | Cəfər Cabbarlı |
| Yaşar | Yaşar | Cəfər Cabbarlı |
| Elxan | Od gəlini | Cəfər Cabbarlı |
| Eyvaz | 1905-ci ildə | Cəfər Cabbarlı |
| Bəhram | Solğun çiçəklər | Cəfər Cabbarlı |
| Oqtay Eloğlu | Oqtay Eloğlu | Cəfər Cabbarlı |
| Vaqif | Vaqif | Səməd Vurğun |
| Fərhad | Fərhad və Şirin | Səməd Vurğun |
| Xanlar | Xanlar | Səməd Vurğun |
| Sərvər | Arşın mal alan | Üzeyir Hacıbəyov |
| Babək | Babək | Əbil Yusifov |
| Tərlan | Bahar | Məmmədhüseyn Təhmasib |
| Qatır Məmməd | Qatır Məmməd | Zeynal Xəlil |
| Fərhad | Şərqin səhəri | Ənvər Məmmədxanlı |
| Karlos | Madrid | Mirzə İbrahimov |
| Otello | Otello | Uilyam Şekspir |
| Don Karlos | Daş qonaq | Aleksandr Puşkin |
| Aleko | Qaraçılar | Aleksandr Puşkin |
| Neznamov | Günahsız müqəssirlər | Aleksandr Ostrovski |
| Ferdinand | Məkr və məhəbbot | Fridrix Şiller |
| Karl Moor | Qaçaqlar | Fridrix Şiller |
| Yuri | İki qardaş | Mixail Lermontov |
| Doktor Firuz bəy | Cancur Səməd | Jan-Batist Molyer |
| Şeyx Hadi | Şeyx Sənan | Hüseyn Cavid |
| İldırım Atayev | Atayevlər ailəsi | İlyas Əfəndiyev |
| Şirvan şahı | Nizami | Mehdi Hüseyn |
| Mehdi | Qaçaq Nəbi | Süleyman Rüstəm |
| Teadoro | Nə yardan doyur, nə əldən qoyur | Lope de Veqa |
| Koşkin | Lyubov Yarovaya | Konstantin Trenyov |
| Vasnetsov | Vətən oğlu | Konstantin Simonov |
İstinadlar
- ↑ Rəhimli, 2017. səh. 183–184
Ədəbiyyat
- Rəhimli, İ. (2017). Azərbaycan Teatr Ensiklopediyası (3 cilddə). 3-cü cild. Bakı: Azərnəşr. 416 səh. ISBN 5-86874-179-X.