Cənubi Florida Universiteti

Cənubi Florida Universiteti (ing. University of South Florida) — Amerika Birləşmiş Ştatlarının Florida ştatında yerləşən dövlət universitetidir. Universitetin əsas kampusu Floridanın Tampa şəhərinin şimalında, digər kampuslar isə Floridanın Sarasota, Sankt-Peterburq və Leykland kimi başqa şəhərlərində yerləşir. Universitet Carneige Dərnəyinin apardığı sorğu nəticəsində ən çox araşdırma aparılan universitet kateqoriyasında yer alır.

Cənubi Florida Universiteti
ing. University of South Florida
28°03′16″ şm. e. 82°24′49″ q. u.
Şüar	ing. Truth and Wisdom (azərb. Həqiqət və hikmət‎)
Əsası qoyulub	1956
Tip	Dövlət universiteti
Rektor	Dr.Judy Genşaft
Tələbə sayı	47.646
Ölkə	ABŞ
Universitet şəhərciyi	Tampa
Universitet şəhərciyi 2	Sankt-Peterburq
Vikianbarda əlaqəli mediafayllar

1956-cı ildə qurulan Cənubi Florida Universiteti Florida Universiteti və Mərkəzi Florida Universitetindən sonra Florida əyalətində üçüncü ən böyük universitet olaraq göstərilir. Eyni zamanda, universitetə 2007-ci ilin payızında 45.24 tələbə qeydiyyat olmuşdu.. Tələbə sayı baxımından da Amerikanın doqquzuncu ən böyük universiteti xüsusiyyətini daşıyır. Cənubi Florida Universiteti, Carnegie Dərnəyinə görə İctimai İnteqrasiya universiteti xüsusiyyətini daşıyan bir universitetdır. Həmçinin, universitetin biomolekulların təyin edilməsi məqsədi ilə qurmağa çalışdığı texniki mərkəz üçün ayırdığı 8 milyon ABŞ dolları pul, Florida Texnologiya, Araşdırma, Kurs quruluşu tərəfindən bu tərz bir iş üçün ayrılan ən geniş büdcə olaraq göstərilmişdir. Princeton Review adlı Amerikan təhsil qurumu universiteti Amerikanın ən yaxşı 366 universiteti arasında göstərmişdir. Amerikanın ən geniş miqyaslı Parkinson, Altshaymer və Huntington xəstəlikləri araşdırma mərkəzləri də Cənubi Florida Universitetində yerləşir. Cənubi Florida Universitetində beş strateji öncəliyi, tələbə uğuru, araşdırma və yenilik, ictimai inteqrasiya, qlobal təhsil və inteqrasiya fənlərarası araşdırmalardır.

Tarixi

CFU 1956-cı ildə yaranıb. Amma, universitet yaranan zaman, rəsmi olaraq bu adı istifadə etmədi və dərslər 1960-cı ilə qədər başlamadı. Universitet üçün təklif olunan adlar arasında "Sitrus Əyalət Universiteti", "Günəş İşığı Əyalət Universiteti ", "Qərbi Hemisfer Universiteti" və "Temple Terrace Florida Universiteti" kimi adlar var. Köhnə Birləşmiş Ştatlar Florida təmsilçisi Sem Gibbons, universitetin qurulması ilə şəxsən özü maraqlanmışdı və universitetin gerçək qurucusu olaraq tanınır. Universitet, İkinci dünya müharibəsində hava sahəsi olaraq istifadə edilən Henderson Hava Sahəsi'nin mövcud olduğu yerdə inşa edimişdir. CFU, Floridanın orta qərb qismində qurulmasına baxmayaraq, adında cənub sözü keçir. Bu da bəzən qarışıqlığa gətirib çıxarır.

Universitetin 1957-1970ci illər arasında rektorluq etmiş Con Allenin rəhbərliyi altında ilk genişlənməsi reallaşıb. Bu zaman çərçivəsində universitet sürətlə böyüdü və 1964-cü ildə ilk bakalavr programlarını açdı. Con Allen, 1970-ci ildə vəzifəsindən ayrıldı və təqaüdə çıxdı. Allenın başçılığındakı CFU üçün da Cənubun Harvardı deyilirdi. Con Allen, universitetlərdəki idman komandalarına qarşı mövqedə idi çünki, ona görə bir universitet akademik uğuru ilə önə çıxmalı idi. Bugün əsas kampusda olan idarəçi binasının adı Con Allen və həyat yoldaşı Qreys Allenın adını daşıyır.

Cənubi Florida Universiteti reklamlarda daha çox bir araşdırma universiteti olaraq nəzərə çarpır və bu istiqamətdə çox yaxşı tanınan universitetdir. Universitet 1980-ci illərdə Con Lott Brown rəhbərliyi altında olarkən, ABŞ-dakı ən böyük araşdırma qurumlarından biri idi. Rektor Brown, Cim Strangeini Dil-ədəbiyyat fakültəsinin dekanı, Andor Szentivanyini də tibb fakültəsi dekanı olaraq seçdi. Həmçinin, basketbol komandasının idarə edilməsi üçün universitet tarixinin ən məşhur məşqçilərindən biri olan Li Rouzu komandaya gətirdi.

Universitet kampusunda yerləşən iki xəstəxana – H. Li Moffitt Xərçəng Mərkəsi və USF Psixiatriya Mərkəzi və araşdırma xəstəxanası onun dövründə qurulmuşdu. Brownun gördüyü son önəmli iş immunolojist Robert A.Good ilə birlikdə qurduğu Uşaq xəstəxanasının yaradılmasıdır.

CFU-nun futbolçulardan ibarət yığma komandası ilk futbol oyununu 1997-ci ildə oynayıb, komandanın heyəti də 1999-cu ildə qurulub.

Universitet 50-ci ildönümünü 2006-cı ildə qeyd etmişdir. Bunların bir qismi bəzi özəl hadisələr, tələbə birliklərinin gördüyü işlər, Desmond Tutu, Fernando Çavez, Judi Şepart və Ann Koulter kimi bəzi önəmli qonaqların gəlməsini əhatə edirdi. Kampus fəal birlikləri, Dane Cook, Brus Bruse və Moniqu kimi bəzi komediyaçıları da gətirməyə nail olmuşdu. Eyni birlik Winter Wonderland, Yacht Party və Movies on the Lawn kimi bəzi ənənələri də başlatmışdı.

Rektorlar

Rektorlar
Şəxs	İl	Şəxs	İl
Con AllenRektor	1957-1970	Françiz T. BorkovskiRektor	1988-1993
Harris Dean Rektor	1970-1971	Robert BryanMüvəqqəti rektor	1993-1994
Ceçil MackeyRektor	1971-1976	Betty CastorRektor	1994-1999
W. Ris Smiz Jr.Müvəqqəti rektor	1976-1977	Tomas TaygProrektor	Payız 1999
Karl RiggsMüvəqqəti rektor	1977-1978	Riçard PekMüvəqqəti rektor	1999-2000
Con Lott BrounRektor	1978-1988	Kady GenşaftRektor	2000-Hal hazırda

Tələbələr

2007-ci ildə, 34,447 bakalavr tələbəsi (75%), 8,338 magistr tələbəsi (19%), 1,980 dərəcəsi olmayan dinləyici (4%) və 479 tibb tələbəsi (1%) Cənubi Florida Universitetində təhsil alırdılar. 2008ci ilin payız aylarında isə təhsil müəsissəsinə 38,562 yeni tələbə qeydiyyat olarkən, bir təhsil ilindəki tələbə sayındakı artım nəzərə çarpırdı: hətta bu say bəhs olunan ildə Florida universitetləri arasında müqayisədə rekord olaraq göstərilirdi.

2007-ci ildə

Bu zaman kəsiyində 1-ci kurs tələbələrinin 3797-si universitetə ilk dəfə gələn tələbələr olmuşdur. Universitetə qəbul edilən bu tələbələrin qiymət ortalamaları təxminən 3.71, SAT imtahan ortalaması 1148 idi. Tələbələrin 88%-i Florida Parlaq İstiqbalı təqaüdü alır. Bu tələbələrin 32%-i isə 18 yaş və daha kiçikdir. 1-ci kurslara aid olan 3,574 tələbə Floridadan 430 müxtəlif məktəbdən, 57 qəsəbədən gəlir. Eyni tələbələr üçün etibarlı olan bir başqa gerçək də, Floridadan olmayan diğər tələbələr Amerikadan 37 fərqli əyalətdən gəlməsi idi.

Tələbə profili

2007-ci ilin payız ayları etibarı ilə universitetdəki tələbələrin 65%-ni (29,578) ağ dərili tələbələr, 12%-ni (5,277) Afro-Amerikan tələbələr, 12%-ni (5,331) İspan əsilli tələbələr, 6% Asiya qrupu əsilli tələbələr (2,582), 1% Amerikan yerli əsilli tələbələr (201) təşkil edirdi. Tələbələrin toplam sayının 5%-i də etnik vəziyyətini bəyan etməyən tələbələr tərəfindən təşkil olunurdu.

Reytinqi

U.S. News & World Report adlı müəssisə, universiteti Amerikada 3-cü sıra universitetlər qrupunda göstərmişdir. Collegeprowler.com adlı internet saytı universitetə B - qiymət vermiş və Arizona Əyalət Universiteti, Loyola və Mississippi Əyalət Universiteti kimi universitetlərə bərabər göstərilmişdir. Princeton Review həmçinin, universiteti ən yaxşı cənub universitetləri arasında göstərmişdir.

CFU Fiziyoterapiya ve Reabilitasiya elmləri universiteti də 200 universitet arasından Amerika reytinqində 69-cu olaraq qərarlaşıb. Floridadan bu tərzdə, bu qədər yüksək bir səviyəyə çıxan üç universitetdən biridir. (Digər universitetlər Mayami Universiteti və Florida Universitetidir.)

CFU tibb bacısı hazırlayan fakültəsidə 2003-cü ildə 115-ci o, 2007-ci ildə isə bir qədər irəliəyərək 72-ci sıraya yüksəlmişdir.

U.S. News & World Reportun etmiş olduğu Amerikanın Ən yaxşı Araşdırma Universitetləri araşdırmasında bu universitetdən dörd fakültə yer alıb və bunlar təhsil fakültəsi, Tibb bacısı hazırlayan fakültə, sənaye psixologiya və təşkilati psixologiya fakültələri olub; təhsil fakültəsi ABŞ-da 45-ci yerdə, sözü gedən psixoloji fakültələri də ABŞ-da 10-cu yerdə qərarlaşıb.

Princeton Review, Cənubi Florida Universiteti ölkədəki ən təşəbbüskar universitetlər arasında 9-cu sırada göstərmişdir.

Universitetin quruluşu

Cənubi Florida Universitetinə 18 fakültə, təhsil mərkəzi və institut aiddir. 7 fakültə bakalavr təhsili verir.

Fakültələr (*bakalavr təhsili olduğunu göstərir): Dil-ədəbiyyat fakültəsi Dekan:Con Skvoretz Biznesin idarə olunması fakültəsi Dekan: Robert Forsze Təhsil fakültəsi Dekan: Collen S. Kennedi, PhD Mühəndislik fakültəsi Dekan müavini: Dr. Rafael Perez Həyat elmləri fakültəsi Başçı: Stepen K. Klasko, MD, MBA Honors fakültəsi Dekan: Dr. Stuart Silverman Dəniz Elmləri fakültəsi Dekan: Peter Betzer, PhD Tibb fakültəsi Dekan: Stefen Klasko, MD Tibb bacısı fakültəsi Dekan: Patrisiya Borns, PhD, FAAN Cəmiyyət sağlığı fakültəsi Dekan: Donna Petersen, ScD İncəsənət fakültəsi Dekan: Ron Cons (* bakalavr təhsili olduğunu göstərir)

Fakültələr: Mühasibatçılıq fakültəsi Müdir: Robert M. Keiz Memarlıq fakültəsi və Şəhər dizaynı Dekan: Çarlis C. Hayt Sənətkarlıq və sənət tarixi fakültəsi Müdir: Vallas Vilson Kitabxanaçılıq və informatika elmlər fakültəsi Müdir: Dr. Con Gazegi Musiqi fakültəsi Müdir: Weyd Wist Fizioterapiya və reabilitasiya elmləri fakültəsi Köməkçi dekan: Villiyam S. Quillen, PT, PhD, SCS, FACSM Teatr və Rəqs fakültəsi Müdir: Mars Povers İnstitut: Konfiçyüs İnstitutu Müdir: Dr.Dajin Penq The Louis de la Parte İnstitutu (FMHI) Əvəzləyici dekan: Bob Fredman, PhD

Kampus həyatı

Cənubi Florida Universitetinin Tampa kampusu tələbələri sinif və şəxsi həyatlarında, həm də şəxsi uğurları üçün bir çox xidmətlər və lazımi resurslar ilə təmin edir. Tələbə İşlər şöbəsini adı altında, Cənubi Florida Universitetində tələbələr üçün on-kampus (mənzil), müxtəlif yeməklər, istirahət zonaları, səhiyyə xidmətləri, və daha çox xidmətlər fəaliyyət göstərir

Digər kampuslar

Cənubi Florida Universitetinin üç kampusu vardır. Bunlar Sankt-Peterburqda, Sarasotada və Lakelanddadır. Həmçinin, Tampa şəhər mərkəzində də, CFU-nun bir mərkəzi ofisi yerləşir. 1974-1997-ci illəri arasında Fort Myersde bir dördüncü kampus olsa da bu kampus sonra Florida Gulf Coast Universitetinə daxil olmuştur.

Sankt-Peterburq Kampusu

  Əsas məqalə: Cənubi Florida Universiteti Sankt-Peterburq

Bu kampus 1965-ci ildə Sankt-Peterburq şəhərinin mərkəzində tikilib. İlk adı Bayboro kampusu olmuşdur. 2006-cı ildə Cənubi Florida Universiteti bu müəssisəni özünə qatıb. CFU adı altında altında təhsilə 2006-2007-ci tədris ilində başlayıb.

Sarasota-Manatee Kampusu

  Əsas məqalə: Cənubi Florida Universiteti Sarasota-Manatee

Sarasota Kampusu 1975-ci ildə tikilmiş və o gündən bəri New College of Florida ilə kampus CFU arasında bölüşdürülmüşdür..28 avqust 2006-cı ilə qədər bu iki universitet yeni kampus açılana qədər bu kampusu ortaq istifadə edib.

Lakeland Kampusu

  Əsas məqalə: Florida Politexnik Universiteti

Kampus 1988-ci ildə tikilmişdir. 2000-ci ilin sonrası tələbələrə 20-dən çox müxtəlif fakültədə təhsil almağa imkan yaradılıb. Təhsil verdiyi fakülələr Dil-ədəbiyyat fakültəsi, İdarəetmə fakültəsi, Mühəndislik fakültəsi və Kompüter elmləri fakültələridir. Kampusda həmçinin, bir çox fərdi dərs, seçilmiş dərs, internetlə əlaqədar bəzi kurslar, sertifikat programları və Tampa kampusu ilə ortaq bəzi programlar vardır.

Kolleclər

 

Biznes kolleci binası.

Cənubi Florida Universitetinin Tampa kampusuna bu kolleclər daxildir:

 

Təbiət və Ətraf mühit elmləri binası.

• İncəsənət və Elmlər Kolleci
• Biznes kolleci
• Təhsil kolleci
• Mühəndislik kolleci
• Qlobal elmlər kolleci
• Araşdırmalar kolleci
• Fərqlənmə kolleci
• Dəniz elmləri kolleci
• Tibb kolleci
• Dayəlik kolleci
• Əczaçılıq kolleci
• Səhiyyə kolleci
• İncəsənət kolleci
• İnnovasiya elmləri kolleci

Akademik profil

2007-ci ildən etibarən, universitetdə 89 bakalavr programı, 91 magistr programı, 36 doktorantura programı və bir professionallıq dərəcəsi programı (tibb sahəsində) fəaliyyət göstərir.

Universitetdə 2006-2007-ci akademik ilində 6743 bakalavr tələbəsi, 2095 magistr, 18 ixtisaslaşdırılmış, 219 doktorantura tələbəsi, 116 tibb elmlər doktoru məzun olmuşdur. Bu da cəm olaraq 9202 məzun edir.

2006-cı ildə universitetə yeni başlayan tələbələrin 80%-i universitetdə qalıb təhsilinə davam etmişdir.Həmin ildə statistikaya əsasən, 19 tələbəyə bir müəllim düşmüşdür. Eyni ildə həmçinin, 6 ildə məzun olmaq faizi 49% təşkil etmişdir.

Müəllim profili

CFU-dakı təhsil işçilərinin 87%-i dərəcələrinin başqa universitetlərdə almışdır. Bu rəqəmin 62%-ni professorlar təşkil edir. Dərs deyən müəllim sayı 1,937-dir. 1,303 nəfər müəllim yalnız araşdırma ilə məşğul olan əlavə təhsil işçilərindən formalaşıb. Həmçinin, 183 nəfər doktorantura dərəcəsin aldıqdan sonra işə başlayan təhsil işçiləri fəaliyyət göstərir. Eyni zamanda,universitetdə 1,763 nəfər məzun və 1,419 bakalavr tələbəsi valantyor olaraq çalışır.(Rəqəmlər 2006-2007 akademik ili üzrə qeyd olunub.)

Kitabxanalar

Universitetə aid biri əsaslı olmaqla, 6 ayrı kitabxana fəaliyyət göstərir: Tampadakı mərkəz kitabxana; Sankt-Peterburqdakı Poynter kitabxanası; Sarasotadaki Jane Bancroft Cook kitabxanası; Lakeland kampusundakı yeni açılan kitabxana və özəl kitabxanalardır. Özəl kitabxanalar Shimberg Sağlamlıq kitabxanası və Florida Ruhi Sağlamlıq İnstitutu kitabxanalarıdır.

İdman

 

CFU Sun Dome, Kampusundakı idman müsabiqələrinin və bəzi fəaliyyətlərin həyata keçirildiyi yer.

Universitet, Böyük Şərq Konfransına 2005-ci ildə qoşuldu. Cənubi Florida Buğaları əsasən, beyzbol, voleybol, basketbol, futbol, Amerikan futbolu, tennis, atletizm və qolf kimi idman növləri üzrə mübarizə aparır.

Komandalar

Universitetdə 17 idman növü üzrə həm kişilər həm də qadınlardan ibarət komandalar mövcuddur:

Kişilər	Qadınlar
Beyzbol Basketbol Futbol Qolf Amerikan futbolu Tenis	Baketbol Qolf Avarçəkmə Amerikan futbolu Voleybol Tenis

Beyzbol

Beyzbol komandasının məşqçisi Lelo Pradodur. Kubada doğulan məşqçi Tampada böyümüş və karyerasına burada başlamışdır. Karyerasında Universitetlər liqası bölüm II beyzbol çempionluğu da yer almaqdadır. 2006-cı ildə Tampaya geri dönmüş, CFU beyzbol komandasının beşinci məşqçisi olaraq qeyd olunmuşdur. İki ilin sonunda iki dəfə arxa-arxaya Böyük Şərq Konfransı çempionatına vəsiqə qazanmış və bir çox oyunda qələbə qazanmışdır. Prado, universitetinin məşqçisi olaraq kifayət qədər uğurlu bir karyera sərgiləməklə yanaşı birlikdə 30-dan çox oyunu qələbə ilə başa vurmuşdur.

Basketbol

Universitetin basketbol komandası 1971-ci ildə qurulub. İlk oyunları 74-73 Stetson Universitetinə qarşı qalibiyyətlə başa çatdı. İlk sezonda turniri 8 qalibiyyət 17 məğlubiyət ilə başa çatdı. Kişilərdən ibarət basketbol komandasının məşqçisi Stan Heazdır və bu posta 3 aprel 2007-ci ildə gəlmişdir. Bu tarix komandanın yeni bir dövrə başladığı tarix olaraq da hesab olunur. Heaz, 7 il boyunca universitet basketbolu səviyyəsində məşqçilik etmiş və 3 dəfə də NCAA turnirlərində iştirak etmişdir. Universitet komandasındakı ilk sezonunda Heathin iki oyunçusu Böyük Şərq Konfransında mükafatlar almışdır. Bu oyunçular, universitetin sonuncu kursunda təhsil alan Kentrell Gransberry və birinci kursda təhsil alan Dominique Jonesdur. Bu oyunçular, Dominique Jones All Rookie adlı bəzi oyunçuların seçilərək formalaşdırdığı komandaya da dəvət olunmuşdur. 43 yaşındakı məşqçi Heaz, Cənubi Florida Universitetinə Arkansas Universitetində 5 sezon baş məşqçilik edəndən sonra gəldi. Onun məşqçilik etdiyi dövrdə Arkansas Universiteti basketbol komandası arxa-arxaya iki dəfə NCAA turnirlərində uğurlu nəticələr əldə etmişdir. Arkansas Universiteti son iki sezonunda 20 qalibiyyət qazanaraq çempionata getməyə vəsiqə qazanmış və NCAA-da qərarlaşmışdır.

Qadın basketbol komandasının məşqçisi isə Joze Fernandesdir. Fernandes, Tampaya 2000-ci ilin aprel ayında köməkçi məşqçi olaraq gəldi və 14 dekabr 2000-ci ildə də baş məşqçi oldu. Onun məşqçilik etdiyi dövrdə qadın basketbol komandası 5 dəfə axra-arxaya sezon sonrası turnirlərə vəsiqə qazanaraq yüksəlmiş və sonra Böyük Şərq Konfransına vəsiqəni təmin etmişdir. Yenə, onun məşqçilik etdiyi dövürdə komanda ilk dəfə 2005-2006 sezonunda NCAA-da iştirak etmişdir. Son 4 ildə qadın basketbol komandası bir çox qalibiyyət qazanmış və 3 dəfə çempion olmuşdur.

Amerikan futbolu

Universitet komandası, Amerikan futbolu oynamağa 1-AA liqasında 1997-ci ildə oynamaya başladı və sonra 1-A liqasına 2001-ci ildə çıxa bildi. Sonra, 2003-cü ildə Amerikan Konfransına çıxdı və nəhayət, 2005-ci ildən bu yana oynadığı Böyük Şərq Konfransına çıxdılar.

Bunadan əlavə olaraq futbol komandasının uğurlar qazanıb, tezliklə böyük dərəcə alması uninversitetdəki hərkəs tərəfindən dəstəkləndi. Nəhayət, komanda üçün universitet kampusunda 18 milyon dollar dəyərində bir idman mərkəzi açıldı. Amerikan futbolu komandası Tampadakı oyunlarını Raymond James Stadionunda və Tampa Bay Buccaneersin meydanında oynayır.

10 ildir ki, futbol komandasında Jim Leavitt məşqçilik edir. 24 sentyabr 2005-ci ildə komanda, Louisville Universitetini məğlub edərək, həm Böyük Şərq Konfransında ilk qalibiyyətini qazanmış həm də 9-cu pilləyə qədər yüksəlmişdir. Bundan başqa CFU buğaları, West Virginia Universiteti, Auburn Universitetikimi reytinq cədvəlində yüksək pillələrdə olan bir çox universitet komandasını da məğlub edərək sıralamalarda adını yüksək yerlərə daşımışdır.

16 sentyabr 2007-ci il tarixində "Auburn"u məğlub edən buğalar, ilk dəfə ölkə çərçivəsində sıralamlarda özlərinə yer tapmışdır. Bəzi mənbələrə görə 23-cü sıraya qədər, bəzi qaynaqlara görə isə, 24-cü sıraya qədər yüksəlmişdir. Komandanın bu uğuru, komandaya 1-A liqasına çıxaraq ən tez şəkildə sıralamada yer tapan komanda olma xüsusiyyətini qazandırmaqla bərabər ABŞ çərçivəsində də bir rekorddur.

2008-ci ildə Cənubi Florida "buğa"ları 10-cu sıraya qədər yüksəlmişdilər.

Qolf

Kişilərdən ibarət qolf komandasının məşqçisi Cim Fi-dir. 1985-ci ildə CFU universitetindən məzun olan olan Fi, 1996-cı ildə CFU Qolf Stadionunda müdir olmuşdur. 2006-cı ildə universitetin qolf meydançasının idarə heyəti özəl bir şirkətə satılmış və hal-hazırda Fi və oyunçularının məsuliyyəti və qolf meydançasının inkişaf etdirilməsi məsələləri bu özəl şirkətə aiddir.

Qadınlardan ibarət qolf komandasının məşqçisi Marki Korneqay olmuşdur. 2001-ci ildə Missisipi Universitetindən məzun olan Korneqay, yanvar ayında 2007-ci ildə Cənubi Florida Universitetinin qadınlardan ibarət qolf komandasının başına gətirildi. O, Buradan əvvəl Cənubi Karolina Universitetində köməkçi məşqçilik edirdi. Həmçinin, 2006-2007 illərdə İlin Köməkçi Məşqçisi mükafatına namizəd kimi göstərildi.

Futbol

Komandanın məşqçiliyini, 2005-ci ildə cənub bölgəsində ilin məşqçisi seçilmiş olan Bay Şorelu Georgi Kiefer edir. Kiefer, Komandanın başına 21 yanvar 2002-ci ildə gələrək universitet komandasının 40 illik tarixində altıncı məşqçi olmuşdur. Kieferin rəhbərliyi altında olan komanda 29 dəfə Amerika çərçivəsində sıralamda yer tutan komandalar ilə qarşı qarşıya gəlmiş, 14 qalibiyyət, 11 heç-heçə və 4 məğlubiyyət almışdır. Cənuibi Florida Universitetinin kişilərdən ibarət futbol komandası St. Cons komandasını 2008-ci ildə, Böyük Şərq Konfransı oyunları daxilində məğlub etmişdir. Bu qələbədən sonra NCAA universitetlər arası çempionatda son 8 komanda ilə birgə qalmış amma sonra Wake Forest Universitetinə qarşı oynadığı oyunda məğlub olmuşlar.

Qayıqsürmə

Universitetin ölkə çərçivəsində tanınan bir qayıqçılıq programı var və komandanın məşqçiliyini 1988 Yay Olimpiya Oyunlarında, Seulda qızıl medal qazanan idmançı Allison Colli edir.

Universitet və tələbə mediyası

1961-ci ildə "Tampa Times" adlı yerli qəzetin kampusa uyğun gələn versiyası dərc olunmağa başlanıldı. Amma günümüzdə yalnız günortadan sonraları çıxan bir qəzet növüdür. Bu qəzet dərc olunandan sonra, "The Oracle" adlı tələbə qəzeti 6 sentyabr 1961-сi il tarixində dərc olunmuşdur.Sözü gedən qəzet əvvəllər həftədə bir dəfə dərc olunsa da sonralar həftədə 4 dəfə dərc olunmuşdur.

Diğər tərəfdən, universitetin WBUL (AM) adında bir radio stansiyası vardır və mərkəzi Marshall Tələbə Mərkəzində yerləşir. WUSF (FM) adında bir başqa stansiya da kampusun daxilində yerləşir. Bu stansiya FM yayın edir və klassik və caz musiqi yayınlayır.

Universitetin televiziya kanalı WUSF-TV-nin mərkəzi universitetdə yerləşir. Bu kanala yerli şirkətlər və bəzi özəl müəssisələr adından töhfə verir. Kanal təxminən 50 ildir Tampa bölgəsində yayımlanır. Tam zamanlı iş görən işçilərin yəni sıra, xüsusiylə informasiya fakültəsindən və digər fakültələrdən də bəzi tələbələr yarım iş saatı olaraq kanalda çalışırlar. Hətta bəzi tələbələr keçdikləri dərslərin bir hissəsi olaraq da kanalda çalışırlar.

Sənət

 

Martin Lüter, CFU.

CFU Müasir Sənətlər muzeyi müasir sənətin bəzi nümunələrini universitet kampusunda nümayiş etdirir. Bu muzeydə yer alan əsərlər tələbələr və təhsil nümayəndələri tərəfindən hazərlanır və 3 ildə bir münsiflər heyəti tərəfindən bir çox namizəd arasından seçilir. Universitetdə həmçinin, Graphicstudio adlı məşhur rəssamların əsərlərını özündə birləşdirən studiya da vardır.

Bu sənətkarlar arasında Roy Liçtensteyin, Robert Rausçenberq, Ceyms Rosenquist və Allan McCollum kimi məşhurlar da vardır. Həmçinin, universitetin "Art House" adlı bir proqramı da mövcuddur. Bu proqramda sənət universiteti tələbələri, əsərlərə hər kəsin baxa biləcəyi bir sərgiyə qoyurlar və əlbəttə ki, bu sərgiyə çıxan əsərlər də münsiflər heyəti tərəfindən seçilir. Sərgi hər il davamlı olaraq nümayiş etdirilir.

Musiqi

Cənubi Florida Universitetinin musiqi məktəbi, universitetin qurulduğu 1956-cı ildən indiyə kimi fəaliyyətini davam etdirməkdədir. 2006-cı ildə universitetin musiqi məktəbi "Robert Helps Festival" və "Bəstə Yarışması"nı həyata keçirmişdir. Festival pianino və bəstə professoru olan Robert Helpsin adını daşıyır və hər il fevral ayının ikinci həftəsində keçirilir. Beynəlxalq səviyyədə keçirilən bu bəstə yarışması gənc musiqiçilər arasında keçirilir və yarışmada qalib olan gənc musiqiçiyə 10.000 ABŞ dolları məbləğində pul mükafatı verilir. Festivalın daxilində tələbələr və təhsil nümayəndələri tərəfindən sərgilənən performaslar, təqdimatlar yer almaqdadır. Bununla yanaşı Sevgililər günü də festivalın keçirildiyi həftədə olduğundan, ayrıca bir Sevgililər günü konserti təşkil olunur. Üçüncü Robert Helps festivalında Augusta Read Thomas, David del Tredici, Wes York, Vivian Perlis və Carol Rodland kimi bəzi musiqiçilər tərəfindən performanslar nümayiş etdirilir.

Yerləşdirmə

Kampusda yaşamaq tələbi son illərdə artsa da, uninversitetdə tələbələrin sadəcə 13%-i (təxminən 4,300 tələbə) universitetin kampus daxilindəki yataqxanalarında qalır. Bir çox tələbə kampusdan əlavə yaşamanın daha rahat və ucuz olacağını düşünüb, kampusa yaxın olan özəl yataqxanalarda və evlərdə yaşamağı üstün tuturlar. Bu tələbələrin yaratdığı tələbə sayı, universitet tələbələrinin böyük bir qismini təşkil edir.

Əvvəlki illərdə universitetdə qurulan bəzi villa tipində evlər, yunan hərflərini daşıyan tələbə klubları, yataqxanaları universitetdən kənarda yerləşən bəzi özəl və böyük tələbə yataqxanaları, tələbələrə yerləşmə baxımından bir çox imkan təklif edir. Kampus daxilindəki yataqxanaların çoxu 1960-1965-ci illər arasında tikilmiş və hər binaya bir Yunan hərfi ilə ad verilmiştir. Daha sonraları bəzi özəl təşkilatlar bu yerləşmə ilə bağlı xəbərdar olub, investisiya qoymuşlar və universitetin yerləşdiyi Tampa bölgəsinə bir çox yerləşmə imkanı yaradan tələbə yataqxanası tikmişlər.

Universitetdə yerləşən bəzi yataqxanaların adları "Beta Hall", "Betty Castor Hall",, "Kosove Apartments"dir. Adında Yunan hərfi olan yataqxanaların yerləşdiyi yerə "Andros Complex" deyilir və həmçinin, binaların adları delta və mu hərfləri arasındakı Yunan əlifbası hərflərindən götürülmüşdür.

Tikintisi daha gec başlayan "Cypress Suites", "Maple Hall", "Holly Apartments" və "Magnolia Apartments" 1990-cı illərdin sonlarında qurulmuşdur. Son olaraq tikilən "Cypress Complex"in tikintisi 2004-cü ilin yayında başa çatmışdır.

Bundan əlavə, 2009-cu ilin payızında yeni tikilən "Magnolia Hall"ın tikintisinin tamamlanması gözlənilir. Bu binanın da tamamlanması ilə universitet rəhbərliyi, universitetdə ilk ili olan tələbələrin univesitetdə qalmasını məcburi edəcək və yeni tələbələrin universitet həyatına uyğunlaşması daha asan olacaq. Bu halda,Hillsborough, Pasco və Pinellas kimi universitetə yaxın yerlerdə yaşayan tələbələrin daxil edilməməsi gözlənilir.

Yunan hərfli tələbə birlikləri

Dünyanın bir çox yerində adı iki ya da üç Yunan hərfindən ibarət olan sosial tələbə birlikləri vardır. Bu sosial birliklərə sadəcə bakalavr tələbəsi olan və bəzi şərtləri yerinə yetirmiş tələbələr qəbul edilir. Hər birliyin bir məqsədi vardır və hər birlik eyni adı daşıyan başqa universitetlərdəki birliklərlə informasiya əlaqəsi halındadırlar. Amerikadakı bir çox universitet tutumuna görə bu birlikləri təmin edir. Original adı "Fraternity ve Sorrority" olan bu birliklərə üzv olmaq, tələbələr üçün çox vacibdir.

Cənubi Florida Universiteti tələbə sayı çox olan bir universitet olduğun görə daxilində bu klublardan bir çoxunu birləşdirir.

Tələbələrin üzv ola biləcəyi Yunan klubları

Yalnız kişi tələbələrin üzv ola bildiyi klublara fraternity deyilir. Söz latınca bir kəlimə olub qardaşlıq mənasını ifadə edir. Bu birliklərə sadəcə kişilər üzv olsa da, hər birliyin qızların formalaşdırdığı başqa bir klubla ortaq çalışır.

Kişilər üçün olan tələbə klubları		Qadınlar üçün olan tələbə klubları
Alpha Epsilon Pi Alpha Phi Alpha Alpha Sigma Phi Chi Phi Chi Phi Sigma Delta Chi Delta Epsilon Psi Iota Phi Thete Kappa Alpha Psi Kappa Sigma Lambda Theta Phi Lambda Upsilon Lambda Phi Beta Sigma	Phi Delta Theta Pi Delta Psi Pi Kappa Alpha Pi Kappa Phi Sigma Beta Rho Sigma Chi Sigma Lambda Beta Sigma Nu Sigma Phi Epsilon Theta Chi Zeta Beta Tau	Alpha Delta Pi Alpha Kappa Alpha Alpha Kappa Delta Phi Alpha Omicron Pi Gamma Phi Beta Chi Omega Chi Upsilon Sigma Delta Delta Delta Delta Gamma Delta Phi Omega Delta Sigma Theta	Delta Tau Lambda Kappa Delta Lambda Theta Alpha Mu Sigma Upsilon Omega Phi Beta Sigma Delta Tau Sigma Gamma Rho Sigma Lambda Gamma Zeta Phi Beta Zeta Tau Alpha

Tanınmış məzunları

Cənubi Florida Universitetində həm Amerika, həm də dünya səviyyəsində məşhur olan bir sıra şəxslər təhsil almışdır

•  

  Ed Beyrd

•  

  Erik M. Bost

•  

  Linkoln Diaz-Balart

•  

  Leo Qallaqher

•  

  Halk Hoqan

•  

  Loren Hutton

•  

  Pam Ioriyo

•  

  Nikola Conson

•  

  Riçard Kerlikovski

•  

  Toni LaRussa

•  

  Lobo

•  

  Aasif Mandvi

•  

  Əli Rasizadə

•  

  Adam M. Robinson Jr.

•  

  Frank Şannon

•  

  Kissi Simons

•  

  Toni Zappon

Həmçinin bax

• Cənubi Florida Universiteti Sarasota-Manatee
• Cənubi Florida Universiteti Sankt-Peterburq

Mənbə

• İngiliscə Vikipedia University of South Florida məqaləsindən 18 Avqust 2014 tarixli tərcümə
• Universitetin rəsmi internet saytı(İngilizcə) 2011-10-11 at the Wayback Machine
• Universitetin idman növləri ilə bağlı rəsmi internet saytı

İstinadlar

1. "USF System Facts 2012/13" (PDF). usf.edu. University of South Florida. İstifadə tarixi: 18 June 2013.
2. Directory of Open Access Journals — 2003.
   <a href="https://wikidata.org/wiki/Track:Q1227538"></a><a href="https://wikidata.org/wiki/Track:P5115"></a>
3. . usf.edu. University of South Florida. 5 June 2010 tarixində Tampa Campus Services orijinalından (#bad_url) arxivləşdirilib. İstifadə tarixi: 20 June 2013.
4. . usf.edu. University of South Florida. 23 December 2008 tarixində Tampa Campus Services orijinalından (#bad_url) arxivləşdirilib. İstifadə tarixi: 20 June 2013.
5. . 2008-12-23 tarixində orijinalından arxivləşdirilib. İstifadə tarixi: 2012-09-03.
6. məktəbin rəsmi saytı araşdırma ilə bağlı səhifəsi
7. . 2010-07-04 tarixində orijinalından arxivləşdirilib. İstifadə tarixi: 2012-09-03.
8. . 2007-11-03 tarixində orijinalından arxivləşdirilib. İstifadə tarixi: 2014-08-18.
9. . 2010-05-30 tarixində orijinalından arxivləşdirilib. İstifadə tarixi: 2014-08-18.
10. "Largest Colleges in FL". collegestats.org. CollegeStats. İstifadə tarixi: 20 June 2013.
11. Müəsissənin rəsmi saytında onun ABŞ-daki vəziyyəti ilə bağlı rəsmi açıqlama
12. . 2007-10-30 tarixində orijinalından arxivləşdirilib. İstifadə tarixi: 2014-08-18.
13. Müəsissənnin rəsmi saytı akademik profil səhifəsi
14. Okulun Carneige Dərnəyinə rəsmi müraciəti
15. Müəsissənin tibbi elmlər üzrə rəsmi saytı
16. Müəsissənin rəsmi saytında Princeton Reviewin etdiyi reytinq ilə bağlı xəbər
17. (PDF). 2008-09-11 tarixində orijinalından (PDF) arxivləşdirilib. İstifadə tarixi: 2014-08-18.
18. "USF History". usf.edu. University of South Florida. İstifadə tarixi: 20 June 2013.
19. . 2008-12-22 tarixində orijinalından arxivləşdirilib. İstifadə tarixi: 2014-08-18.
20. . usf.edu. University of South Florida. 7 October 2015 tarixində orijinalından arxivləşdirilib. İstifadə tarixi: 20 June 2013.
21. . 2008-12-23 tarixində orijinalından arxivləşdirilib. İstifadə tarixi: 2014-08-18.
22. . usf.edu. University of South Florida. 7 October 2015 tarixində orijinalından arxivləşdirilib. İstifadə tarixi: 20 June 2013.
23. . 2012-02-27 tarixində orijinalından arxivləşdirilib. İstifadə tarixi: 2014-08-18.
24. . usf.edu. Honorary Committee Biographies. 27 February 2012 tarixində orijinalından arxivləşdirilib. İstifadə tarixi: 20 June 2013.
25. . 2013-11-01 tarixində orijinalından arxivləşdirilib. İstifadə tarixi: 2014-08-18.
26. Universitetin yeni tələbələr üçün hazıladığı rəsmi reklam
27. . usf.edu. University of South Florida. 4 March 2016 tarixində orijinalından arxivləşdirilib. İstifadə tarixi: 27 June 2013.
28. . 2009-06-15 tarixində orijinalından arxivləşdirilib. İstifadə tarixi: 2014-08-18.
29. Universitetin yeni tələbələr üçün hazırladığı broşura
30. Universitetin yeni tələbələr üçün hazırladığı broşura 2.səhifə
31. USNews.com: America's Best Colleges 2008: University of South Florida: At a glance
32. "Points of Pride". usf.edu. University of South Florida. İstifadə tarixi: 18 June 2013.
33. . 2008-09-28 tarixində orijinalından arxivləşdirilib. İstifadə tarixi: 2014-08-19.
34. Princeton Review
35. CFU Sağlıq Universiteti Reytinqləri
36. . 2020-04-13 tarixində orijinalından arxivləşdirilib. İstifadə tarixi: 2014-08-19.
37. Universitetin rəsmi saytı sıralamalar
38. CFU VEBSAYTI sıralamalar
39. . 2007-10-13 tarixində orijinalından arxivləşdirilib. İstifadə tarixi: 2014-08-19.
40. . 2008-12-23 tarixində orijinalından arxivləşdirilib. İstifadə tarixi: 2014-08-19.
41. . 2010-06-08 tarixində orijinalından arxivləşdirilib. İstifadə tarixi: 2014-08-19.
42. . 2015-04-28 tarixində orijinalından arxivləşdirilib. İstifadə tarixi: 2014-08-19.
43. . 2007-11-02 tarixində orijinalından arxivləşdirilib. İstifadə tarixi: 2014-08-19.
44. USF Sağlık Sektoru rəhbərliyi
45. USF Honors College
46. Dekanın xoş gəldiniz mesajı
47. Akademik heyət
48. . 2010-07-15 tarixində orijinalından arxivləşdirilib. İstifadə tarixi: 2014-08-19.
49. University of South Florida vizual sənətlər fakültəsi -Akademik heyət
50. . 2016-03-05 tarixində orijinalından arxivləşdirilib. İstifadə tarixi: 2014-08-19.
51. USF Kitabxanaçılıq fakültəsi akademik heyət
52. . 2013-01-08 tarixində orijinalından arxivləşdirilib. İstifadə tarixi: 2014-08-19.
53. . 2020-04-13 tarixində orijinalından arxivləşdirilib. İstifadə tarixi: 2014-08-19.
54. USF teart və rəqs fakültəsi Akademik heyət
55. [1]
56. İnstitutu Dekanın mesajı
57. . sa.usf.edu. USF Student Affairs. 19 July 2013 tarixində orijinalından arxivləşdirilib. İstifadə tarixi: 23 July 2013.
58. . 2007-11-03 tarixində orijinalından arxivləşdirilib. İstifadə tarixi: 2014-08-18.
59. (PDF). 2009-02-05 tarixində orijinalından (PDF) arxivləşdirilib. İstifadə tarixi: 2014-08-22.
60. . 2010-07-04 tarixində orijinalından arxivləşdirilib. İstifadə tarixi: 2012-09-03.
61. . 2009-02-22 tarixində orijinalından arxivləşdirilib. İstifadə tarixi: 2014-08-22.
62. . 2012-02-10 tarixində orijinalından arxivləşdirilib. İstifadə tarixi: 2014-08-22.
63. . 2008-12-23 tarixində orijinalından arxivləşdirilib. İstifadə tarixi: 2014-08-22.
64. . 2007-10-13 tarixində orijinalından arxivləşdirilib. İstifadə tarixi: 2014-08-19.
65. "Academics Overview". usf.edu. University of South Florida. İstifadə tarixi: 20 June 2013.
66. . usf.edu. USF Office of the Registrar. 19 July 2013 tarixində orijinalından arxivləşdirilib. İstifadə tarixi: 27 June 2013.
67. "Libraries". usf.edu. University of South Florida. İstifadə tarixi: 28 June 2013.
68. "Special Collections at the USF Library". lib.usf.edu. USF Libraries. İstifadə tarixi: 1 July 2013.
69. Libraries Listing CFU kitabxanaları siyahısı və ümumi məlumat^{[ölü keçid]}
70. "Other USF Libraries". lib.usf.edu. USF Libraries. İstifadə tarixi: 28 June 2013.
71. "Athletic Facilities". gousfbulls.comhttp://en.wikipedia.org/w/index.php?title=University_of_South_Florida&action=edit&section=29#. USF Athletics. İstifadə tarixi: 1 August 2013.
72. Lelo Prado southflorida.com internet saytı(İngiliscə)^{[ölü keçid]}
73. . 2016-03-05 tarixində orijinalından arxivləşdirilib. İstifadə tarixi: 2014-08-27.
74. tbo.com Xəbərlər^{[ölü keçid]}
75. "USF Spirit Squads". gousfbulls.com. USF Athletics. İstifadə tarixi: 1 August 2013.
76. . 2008-06-01 tarixində orijinalından arxivləşdirilib. İstifadə tarixi: 2014-08-27.
77. Rivals.com Universitet Basketbolu Xəbərləri
78. . 2016-03-05 tarixində orijinalından arxivləşdirilib. İstifadə tarixi: 2014-08-27.
79. Louk, Jim. "Goodbye from an old friend". gousfbulls.com. USF Athletics. İstifadə tarixi: 1 August 2013.
80. . 2008-12-23 tarixində orijinalından arxivləşdirilib. İstifadə tarixi: 2014-08-27.
81. Cənubi Florida tarixi məlumatlar
82. . raymondjamesstadium.com. Tampa Sports Authority. 30 July 2013 tarixində orijinalından arxivləşdirilib. İstifadə tarixi: 1 August 2013.
83. 2005ci ildə USF Bulls 2009-10-29 at the Wayback Machine Tampa Bay News
84. . 2007-10-17 tarixində orijinalından arxivləşdirilib. İstifadə tarixi: 2014-08-27.
85. Qolf meydançası haqqında
86. Jim Fee Bioqrafiyası
87. . 2016-03-05 tarixində orijinalından arxivləşdirilib. İstifadə tarixi: 2014-08-28.
88. CFU kişilərdən ibarət futbol komandası 2008-ci ili statistikası(PDF Format şəkilində)
89. CFU 2008-ci ili Statistikası
90. Olimpiyatlar ilə bağlı məlumat
91. . 2008-07-04 tarixində orijinalından arxivləşdirilib. İstifadə tarixi: 2014-08-29.
92. "About The Oracle". usforacle.com. USF Oracle. İstifadə tarixi: 30 July 2013.
93. [2]^{[ölü keçid]}
94. . 2008-12-23 tarixində orijinalından arxivləşdirilib. İstifadə tarixi: 2014-08-28.
95. . wusf.org. WUSF. 10 July 2013 tarixində orijinalından arxivləşdirilib. İstifadə tarixi: 30 July 2013.
96. . 2009-10-17 tarixində orijinalından arxivləşdirilib. İstifadə tarixi: 2014-08-28.
97. . 2009-10-17 tarixində orijinalından arxivləşdirilib. İstifadə tarixi: 2014-08-28.
98. http://ira.usf.edu/gs/gs_about.html Graphicstudio
99. Robert Helps
100. 3. Robert Helps Musiqi Festivalı
101. Collegeboard.com
102. "Housing Options". housing.usf.edu. USF Housing and Residential Education. İstifadə tarixi: 26 July 2013.
103. Süit tipi Yataqxanalar
104. Tələbə Təşkilatları
105. Klasik Növ yataqxanalar
106. . 2012-02-08 tarixində orijinalından arxivləşdirilib. İstifadə tarixi: 2014-08-28.
107. Castor hall
108. Kosove Apartments
109. "First-Year Students". housing.usf.edu. USF Housing and Residential Education. İstifadə tarixi: 26 July 2013.
110. "Living Learning Communities". housing.usf.edu. USF Housing and Residential Education. İstifadə tarixi: 30 July 2013.
111. Maple Hall, Holly Apartments və Magnolia Apartments yataqxanaları haqqında. CFU universitetinin rəsmi saytı
112. Tikintinin başlaması haqqında məlumat. CFU universitetinin rəsmi saytı
113. . 2010-06-15 tarixində orijinalından arxivləşdirilib. İstifadə tarixi: 2014-08-28.
114. . 2009-03-02 tarixində orijinalından arxivləşdirilib. İstifadə tarixi: 2014-08-28.
115. "Greek Village". Housing Options. USF Housing & Residential Education. İstifadə tarixi: 22 July 2013.
116. [3]

Xarici keçidlər

• Rəsmi vebsaytı
• CFU İdman Rəsmî sayt 2
• CFU rəqəmsal kolleksiya universitet ilə bağlı bir çox mənbə
• CFU kitabxanalarının Youtube videoları