Azərbaycan Avroviziya Mahnı Müsabiqəsində

2007-ci ildə Azərbaycan, İctimai Televiziyanın Avropa Yayım İttifaqının üzvü olmasından sonra 2008-ci ildə birinci dəfə qitə miqyasılı müsabiqəyə qatıldı. Serbiyanın paytaxtı Belqrad şəhərində baş tutan 53-cü Avroviziya Mahnı Müsabiqəsində Azərbaycanı Elnur Hüseynov və Samir Cavadzadə "Day After Day" mahnısı ilə təmsil etdi və 132 xalla 8-ci yeri tutdu. 2011-ci ildə isə Azərbaycan tarixi ərzində birinci dəfə müsabiqənin qalibi oldu. Almaniyanın Düsseldorf şəhərinin ev sahibliyi etdiyi müsabiqədə Eldar Qasımov və Nigar Camal "Running Scared" mahnısı ilə avropanın bütün dövlətlərini arxada qoydu və yarışmanı "Odlar Yurdu"-na gətirdi. Ertəsi il müsabiqəyə paytaxtın Kristal Zalı ev sahibliyi etdi. İsveçli ifaçı Lorinin qələbə qazandığı yarışmada Azərbaycan təmsilçisi Səbinə Babayeva "When the Music Dies" mahnısı ilə 4-cü yeri tutdu.

Azərbaycan
Yayım hüququ:	İctimai Televiziya
Seçim tədbiri:	Milli seçim turları Land of Fire 2008–2010 Milli Seçim Turu 2011–2013 Böyük Səhnə 2014 Daxili seçim 2015–2021
Məlumat
İştiraк sayı:	12 dəfə
Debüt müsabiqə:	2008
Ən yaxşı nəticə:	1-ci yer: 2011
Ən pis nəticə:	22-ci yer: 2014
Xarici keçidlər
Eurovision.tv-dəki Azərbaycan səhifəsi

Azərbaycan sonuncu dəfə müsabiqədə 2013-cü ildə uğurla çıxış etdi. Malmö şəhərində baş tutan müsabiqədə Fərid Məmmədov "Hold Me" mahnısı ilə ikinci yeri tutdu. 2014-cü ildən isə Azərbaycan yarışmalarda mütamadi olaraq uğursuz çıxış edir. 2014-cü ildə Dilarə Kazımova 22-ci, 2015-ci ildə Elnur Hüseynov 12-ci, 2016-cı ilsə isə Səmra Rəhimli 17-ci yeri tutdu.

2017-ci ildə Kiyev şəhərində keçirilən müsabiqədə Azərbaycanı Diana Hacıyeva "Skeletons" mahnısı ilə təmsil etmiş və nəticədə 14-cü yeri qazanmışdır. İlk dəfə 2018-ci ildə Azərbaycan Aysel Məmmədovanın təmsilində yarımfinal mərhələsində məğlub olmuşdur. 2019-cu ildə isə Çingiz Mustafayev ifa etdiyi "Truth" mahnısı ilə 8-ci yerdə qərarlaşmışdır.

Nəticələri

	İl	Ev sahibi	İfaçı(lar)	Mahnı	Final		Yarım-final
					Yer	Xal	Yer	Xal
	2008	Belqrad, Serbiya	Elnur Hüseynov və Samir Cavadzadə	"Day After Day" ("Gündən-günə")	8	132	6	96
	2009	Moskva, Rusiya	Aysel Teymurzadə və Araş	"Always" ("Həmişə")	3	207	2	180
	2010	Oslo, Norveç	Səfurə Əlizadə	"Drip Drop" ("Damla-damla")	5	145	2	113
	2011	Düsseldorf, Almaniya	Eldar Qasımov və Nigar Camal	"Running Scared" ("Qorxub Qaçır")	1	221	2	122
	2012	Bakı, Azərbaycan	Səbinə Babayeva	"When the Music Dies" ("Musiqi Öləndə")	4	150	Ev sahibi yarım-finalda iştirak etmir
	2013	Malmö, İsveç	Fərid Məmmədov	"Hold Me" ("Məni Tut")	2	234	1	139
	2014	Kopenhagen, Danimarka	Dilarə Kazımova	"Start a Fire" ("Bir Atəş Başlat")	22	33	9	57
	2015	Vyana, Avstriya	Elnur Hüseynov	"Hour Of The Wolf" ("Canavarın Saatı")	12	49	10	53
	2016	Stokholm, İsveç	Səmra Rəhimli	"Miracle" ("Möcüzə")	17	117	6	185
	2017	Kiyev, Ukrayna	Diana Hacıyeva	"Skeletons" ("Skeletlər")	14	120	8	150
	2018	Lissabon, Portuqaliya	Aysel Məmmədova	"X My Heart" ("X Mənim Ürəyim")	Təmsilçimiz finala adlaya bilməyib		11	94
	2019	Tel-Əviv, İsrail	Çingiz Mustafayev	"Truth" ("Həqiqət")	8	302	5	224
	2020	Rotterdam, Niderland	Samirə Əfəndiyeva	"Cleopatra" ("Kleopatra")	2020 Avroviziya Mahnı Müsabiqəsi Koronavirus (COVID-19) səbəbilə ləğv edilmişdir
	2021	Rotterdam, Niderland	Samirə Əfəndiyeva	"Mata Hari"	20	65	8	138
	2022	İtaliya

Tarixi

Azərbaycan teleməkanında birinci dəfə Avroviziya Mahnı Müsabiqəsi 2006-cı ildə canlı yayımlandı. İctimai Televiziya və Radio Yayımları Şirkətinin efir fəaliyyətinin hələ bir ili tamam olmamış, onlar bu müsabiqənin yayım hüququna sahib çıxdı.

2008 Belqrad

Əsas məqalə: Azərbaycan 2008 Avroviziya Mahnı Müsabiqəsində

 

Elnur Hüseynov ifa zamanı

2008-ci il 2 fevralda Heydər Əliyev adına İdman Arenasında İctimai Televiziya tərəfindən milli seçim turu baş tutdu. Seçim turuna, müsabiqənin 2003-cü ildə qalibi olan Sərtab Ərənər, 2004-cü ilin qalibi Ruslana, 2007-ci ilin qalibi Mariya Şerifoviç və digər məşhur ifaçılar, mütəxəssis qismində dəvət olundu. Azərbaycanı 53-cü Avroviziya Mahnı Müsabiqəsində təmsil etmək üçün "Unformal" qrupu ilə yanaşı, Elnur Hüseynov və Aynur İsgəndərli mübarizə apardı. Avropanın bir sıra dövlətlərində canlı yayımlanan seçim turunda "Eurovision TV"-nin baş direktoru Byorn Eriçsen çıxış etdi və indiyə qədər belə gözəl milli seçim turunu izləmədiyini vurğuladı. Gecənin sonunda isə milli seçim turunun qalibi elan olundu. Tarixdə birinci dəfə Azərbaycanı Avroviziya Mahnı Müsabiqəsində təmsil etmək hüququnu Elnur Hüseynov qazandı. Amma daha sonradan Elnur Hüseynovun Azərbaycanı müsabiqədə solo yox, Samir Cavadzadə ilə birgə duet formasında təmsil edəcəyi bildirildi. Elnur və Samir dueti Belqrad şəhərində Gövhər Həsənzadə və Zəhra Bədəlbəylinin bəstəsi olduğu "Day After Day" mahnısını ifa etdi. Duet səhnəyə mayın 20-si, I yarım-final çərçivəsində 7 nömrə altında çıxdı. Səsvermədə Elnur və Samir dueti 96 xal topladı. Bu nəticə ilə onlar, 19 ifaçı sırasında 6-cı yeri tutdu və finala vəsiqə qazandı. Mayın 24-də baş tutan finalda 25 ifaçı sırasında səhnəyə 20-ci çıxan Elnur və Samir dueti səsvermədə 132 xal topladı. Bu minval ilə Azərbaycan təmsilçiləri birinci dəfə qatıldığı müsabiqəni 8-ci pillədə başa vurdu.

---

2009 Moskva

 

Aysel və Araş

Əsas məqalə: Azərbaycan 2009 Avroviziya Mahnı Müsabiqəsində

Rusiya müğənnisi Dima Bilanın "2008-Avroviziya" Mahnı Müsabiqəsində qələbə qazanması ilə 2009-cu ildə müsabiqə Moskva şəhərində baş tutdu. Həmin il yanvarın 17-də Azərbaycanı müsabiqədə təmsil edəcək ifaçının adı məlum oldu. Bu hüquq, bir vaxtlar Azərbaycanın məşhur yarışması "Yeni Ulduz 4"-də çıxış edən 19 yaşlı Aysel Teymurzadə verildi. Fevralın 6-da isə onun müsabiqədə ifa edəcək mahnı məlum oldu. Aysel müsabiqədə əslən Cənubi Azərbaycandan olan İsveçli bəstəkar və müğənni Araşın bəstəsi olan "Always" mahnısını ifa etdi. Araş müsahibəsində, mahnının məhz Aysel üçün yazdığını vurğuladı. Mahnının ictimaiyyətə təqdim olunmasından bir həftə sonra yeddi nəfərdən ibarət münsiflər heyəti yarışmaya Aysel Teymurzadənin solo yox, Araş ilə birgə duet formasında qatılmasını qərara aldı. Müsabiqə zamanı Rusiyanın estrada müğənnisi Filipp Kirkorov Aysel və Araşın yarışmanın favoritlərindən olduğu bildirdi. Mayın 12-si məşq zamanı Rusiyanın baş naziri Vladimir Putin Aysel və Araş ilə şəxsən görüşüb və onlara uğurlar arzulayıb. Duet səhnəyə mayın 14-də, II yarım-finalda çıxdı. 12 nömrə altında çıxış edən Aysel və Araş dueti finala asanlığla vəsiqə qazandı. Onlar, 180 xal topladı və yalnızca Norveçli Aleksandr Rıbakdan geri qaldı.

Mayın 16-sı isə final şousu baş tutdu. Finaldan əvvəl Aysel müsahibəsində, Azərbaycan dövlətinin və hər bir Azərbaycanlının dəstəyini daim hiss etdiyini bildirdi. Səhnəyə çıxan 25 ifaçı sırasında Aysel və Araş 11 nömrə altında ifalarını təqdim etdi. Gecənin sonunda baş tutan səsvermədə Aysel və Araş 207 xal topladı. Bu minval ilə onlar, ancaq Norveçli Aleksandr Rıbakdan və İslandiyalı Yohannadan geri qaldı və üçüncü pillənin sahibi oldu. Səsvermə sırasında Ermənistanın Azərbaycana bir xal verməsi, gecənin gözlənilməz məqamı oldu. Finalda bir gün sonra, mayın 17-si Azərbaycan Prezidenti İlham Əliyev Aysel və Araş ilə telefon ilə danışdı. Vətənə dönən zaman isə Aysel Teymurzadəni və Araşı Azərbaycanın Birinci xanımı Mehriban Əliyeva qəbul etdi. Qəbul zamanı o, Aysel və Araşın qitə miqyası müsabiqədə Azərbaycanı layiqinci təmsil etdiyini bildirdi.

---

2010 Oslo

 

Səfurə Əlizadə

Əsas məqalə: Azərbaycan 2010 Avroviziya Mahnı Müsabiqəsində

Norveçin 2009-cu ildə Avroviziyada Mahnı Müsabiqəsində qələbə qazanması ilə 2010-cu ildə müsabiqəyə Oslo şəhəri ev sahibliyi etdi. Martın 2-də Buta Sarayında milli seçim turunun final şousu baş tutdu. Azərbaycanı qitə miqyaslı müsabiqədə təmsil etmək üçün "Milk & Kisses" qrupu ilə yanaşı, Məryəm Şabanova və Səfurə Əlizadə mübarizə apardı. Milli seçim turunda hər üç ifaçı "Drip Drop", "Soulless" və "Under My Skin" mahnıları ifa etdi. 7 nəfərdən ibarət münsiflər heyəti gecənin sonuncu Azərbaycanı mötəbər müsabiqədə təmsil etmək hüququnu Səfurə Əlizadəyə həvalə etdi. O, yarışmada İsveçli bəstəkarlar Stefan Örn və Sandra Byurmanın bəstəsi "Drip Drop" mahnısını ifa etdi. Səfurə Əlizadə 55-ci Avroviziya Mahnı Müsabiqəsinin 27 mayda baş tutan II yarım-finalında 7 nömrə altında səhnəyə çıxdı. Səsvermə sırasında Səfurə Əlizadənin performansı 113 xalla qiymətləndirildi. Bu nəticə ilə o, ancaq Türkiyə təmsilçisi "MaNga" qrupundan geri qaldı və finala vəsiqə qazandı. Mayın 29-u keçirilən final şousunda Səfurə Əlizadə səhnəyə 1 nömrə altında çıxdı. Almaniya ifaçısı Lena Meyer-Landrutun qələbə qazandığı gecədə Səfurə Əlizadə 145 xalla 5-ci yeri tutdu.

---

2011 Düsseldorf

Əsas məqalə: Azərbaycan 2011 Avroviziya Mahnı Müsabiqəsində

 

Azərbaycana Avroviziya Mahnı Müsabiqəsinin tarixində yeganə qələbəni qazandıran Eldar Qasımov və Nigar Camal

 

Eldar Qasımov və Nigar Camal

2011-ci ildə Azərbaycan sayca dördüncü dəfə Avroviziya Mahnı Müsabiqəsinə qatıldı. 2010-cu ilin noyabr ayında İctimai Televiziyada milli seçim turlarına start verildi. 77 ifaçısının mübarizə apardığı seçim turu, fevralın 11-də Milli Dram Teatrında başa çatdı. Final şousunda Aynişan Quliyeva, Eldar Qasımov, İlhamə Qasımova, İlqarə Kazımova və Nigar Camal mübarizə apardı. Gecənin sonunda 7 nəfərdən ibarət münsiflər heyəti, Düsseldorf şəhərinin ev sahibliyində baş tutan 56-cı Avroviziya Mahnı Müsabiqəsində Azərbaycanı təmsil etmək hüququnu Eldar Qasımov və Nigar Camala verdi.

Martın 13-də Eldar və Nigarın müsabiqədə ifa edəcəyi mahnını məlum oldu. 7 nəfərdən ibarət münfislər heyətinin qərarı ilə onlar, qitə miqyaslı müsabiqədə İsveçli bəstəkarlar Stefan Örn və Sandra Byurmanın bəstəsi olan "Running Scared" mahnısını ifa etdi. Həmdə Eldar və Nigar müsabiqədə öz adları ilə deyil, səhnə təxəllüsü (Ell və Nikki) ilə çıxış etdi.

---

2012 Bakı

Əsas məqalə: Azərbaycan 2012 Avroviziya Mahnı Müsabiqəsində

 

Səbinə Babayeva

2012-ci ildə müsabiqəyə ev sahibliyi edən Azərbaycan eyni zamanda Avroviziyada 5-ci dəfə iştirak etdi. 12 fevral tarixində İctimai televiziyanın təşkil etdiyi seçim turunun nəticəsi olaraq ölkəni Avroviziya 2012-də Səbinə Babayevanın təmsil edəcəyi açıqlandı. Daha sonra 17 mart tarixində ölkəni təmsil edəcək mahnı olan musiqi və sözləri İsveç bəstəkarları Anders Bagge, Sandra Byurman, Stefan Örn və Yohan Kronlunda aid "When the Music Dies" təqdim olundu. Mahnıya Azərbaycanın milli musiqi aləti olan Balaban əlavə edilmişdi. Azərbaycan ev sahibi ölkə olduğundan 2012-ci ildə avtomatik finalçı olaraq birbaşa final mərhələsində iştirak etdi. 26 may tarixində Bakıda keçirilən finalda "When the Music Dies" 13-cü səhnə aldı. Səhnədə Səbinə Babayevanı ölkənin tanınmış Muğam ustadı olan Alim Qasımov müşaiət etdi. Nəticə olaraq "When the Music Dies" finalda iştirak edən 26 mahnı arasında 4-cü yerə layiq görüldü.

---

2013 Malmö

Əsas məqalə: Azərbaycan 2013 Avroviziya Mahnı Müsabiqəsində

 

Fərid Məmmədov

2013-cü ildə Azərbaycan Avroviziya Mahnı Müsabiqəsində 6-cı dəfə iştirak etdi. 14 mart tarixində İctimai Televiziyanın təşkil etdiyi seçim turunun nəticəsi olaraq Malmöda ölkəni musiqisi və sözləri Yunan bəstəkarı Dimitris Kantopulos və İsveç bəstəkarları Con Ballard və Ralf Çarliyə aid olan "Hold Me" mahnısı ilə gənc müğənni Fərid Məmmədovun təmsil edəcəyi məlum oldu. Müsabiqənin 2-ci yarımfinalında mübarizə aparan mahnı 139 xal toplayaraq 1-ci yerə layiq görülmüşdü. 18 may tarixində keçirilən finalda "Hold Me" 20-ci səhnə aldı. Nəticə olaraq finalda iştirak edən 26 mahnı arasında 2-ci yeri qazandı.

---

2014 Kopenhagen

Əsas məqalə: Azərbaycan 2014 Avroviziya Mahnı Müsabiqəsində

 

Dilarə Kazımova

2014-cü ildə Azərbaycan Avroviziya Mahnı Müsabiqəsində 7-ci dəfə iştirak etdi. 2 mart tarixində İctimai televiziyanın təşkil etdiyi seçim turunun nəticəsi olaraq ölkəni Kopenhagendə Dilarə Kazımovanın təmsil edəcəyi açıqlandı. Daha sonra 16 mart tarixində ölkəni təmsil edəcək mahnı olan musiqi və sözləri İsveç bəstəkarları Stefan Örn, Yohan Kronlund və Alessandra Qünthardta aid "Start a Fire" təqdim olundu. Mahnıya Azərbaycanın milli musiqi aləti olan Balaban əlavə edilmişdi. 1-ci yarımfinalda çıxış edən Azərbaycan 57 xal toplayaraq 9-cu yeri tutdu və finala adladı. 10 may tarixində finalda "Start a Fire" 3-cü səhnə aldı. Nəticə olaraq finalda iştirak edən 26 mahnı arasında 22-ci yeri qazandı.

---

2015 Vyana

Əsas məqalə: Azərbaycan 2015 Avroviziya Mahnı Müsabiqəsində

 

Elnur Hüseynov

2015-ci ildə Azərbaycan Avroviziya Mahnı Müsabiqəsində 8-ci dəfə qatıldı. 15 mart tarixində İctimai Televiziya Vyanada ölkəni musiqisi və sözləri yenə də İsveç bəstəkarları Sandra Byurman, Nikolas Rebşer, Niklas Rif və Lina Hanssona məxsus "Hour Of The Wolf" mahnısı ilə Elnur Hüseynovun təmsil edəcəyini elan etdi. Elnur Hüseynov 2015-ci ilə qədər artıq 1 dəfə Azərbaycanı Avroviziya Mahnı Müsabiqəsində təmsil etmişdi. O 2008-ci ildə Samir Cavadzadə ilə birgə Belqradda keçirilən müsabiqədə Azərbaycanı "Day After Day" mahnısı ilə təmsil edərək ölkəyə 8-ci yeri qazandırmışdı. 2015-ci ildə isə müğənni ölkəni solo ifa ilə təmsil etdi. Müsabiqənin 2-ci yarımfinalında mübarizə aparan mahnı 53 xal toplayaraq 10-cu yerdə qərarlaşaraq finala vəsiqə qazandı. 23 may tarixində keçirilən finalda "Hour Of The Wolf" 24-cü səhnə aldı. Nəticə olaraq finalda iştirak edən 27 mahnı arasında 12-ci yerə layiq görüldü.

---

2016 Stokholm

Əsas məqalə: Azərbaycan 2016 Avroviziya Mahnı Müsabiqəsində

 

Səmra Rəhimli

2016-cı ildə Azərbaycan sayca 9-cu dəfə Avroviziya Mahnı Müsabiqəsinə qatıldı. İsveçin paytaxtı Stokholm şəhərində baş tutan müsabiqədə Azərbaycanı təmsil etmək hüququ, martın 10-da keçirilən münsiflər heyətinin iclasında Səmra Rəhimliyə həvalə edildi. 21 yaşlı ifaçı Səmra Rəhimlinin ciddi uğurları sırasında 2016-cı ildə, Azərbaycan Televiziyasında yayımlanan "Səs Azərbaycan" yarışmasında dördüncü yeri tutması idi. Səmra Rəhimli müsabiqədə Əmir Əli, Yakob Erikson və Henrik Vikstromunun bəstəsi olan "Miracle" mahnısı ifa etdi. 61-ci Avroviziya Mahnı Müsabiqəsinin mayın 10-da keçirilən I yarım-finalında Səmra Rəhimli səhnəyə 14 nömrə altında çıxdı. Nəticədə Səmra Rəhimli 185 xalla 6-cı yeri tutdu və inamlı finala vəsiqə qazandı. Mayın 14-də baş tutan final şousu isə Səmra Rəhimli üçün uğursuz alındı. 4 nömrə altında öz performansını təqdim edən Səmra Rəhimli 117 səslə 17-ci pillədə qərarlaşdı.

---

2017 Kiyev

Əsas məqalə: Azərbaycan 2017 Avroviziya Mahnı Müsabiqəsində

 

Diana Hacıyeva

2016-cı il dekabrın 5-də, Kiyev şəhərində keçirilən 2017 Avroviziya Mahnı Müsabiqəsində Azərbaycanı təmsil edən ifaçının adı məlum olmuşdur. İctimai Televiyada baş tutan münsiflər heyətinin iclasında, bu hüquq 27 yaşlı caz ifaçısı Diana Hacıyevaya verilmişdir. Martın 11-i isə onun, müsabiqədə ifa edəcəyi "Skeletons" mahnısı "Eurovision TV"-də təqdim olunmuşdur. Mahnının bəstəkarları İsa Məlikov və isveçli Sandra Byurmandır. Müsabiqənin 9 mayda baş tutmuş I yarımfinalda Diana Hacıyeva öz mahnısını canlı ifa etmiş və 8-ci yerdə qərarlaşaraq, müsabiqənin final mərhələsinə adlaya bilmişdir. Finalda isə 12-ci nömrə altında öz çıxışını təqdim edən Diana Hacıyeva 120 səslə 14-cü yerdə qərarlaşmışdır.

---

2018 Lissabon

Əsas məqalə: Azərbaycan 2018 Avroviziya Mahnı Müsabiqəsində

8 noyabr 2017-ci il tarixində İctimai TV rəsmi olaraq caz ifaçısı Aysel Məmmədovanın ölkəni Portuqaliyanın paytaxtı Lissabonda keçirilən Avroviziya 2018-də təmsil edəcəyini açıqlamışdır. İfaçının Lissabon səhnəsində ifa edəcəyi mahnı "X My Heart" 2018-ci ilin mart ayının 4-də təqdim olunmuşdur. Pop üslubunda olan mahnı yunan bəstəkar Dimitris Kantopulos ilə isveçli bəstəkar Sandra Byurmanın əməkdaşlığı nəticəsində ərsəyə gəlmişdir. Müsabiqənin 8 mayda baş tutan birinci yarımfinalda Aysel Məmmədova səhnə almış və nəticədə 19 ölkə təmsilçisinin mübarizə apardığı yarışmada 11-ci yerdə qərarlaşaraq, müsabiqənin final mərhələsinə adlaya bilməmişdir. Bu Azərbaycanın müsabiqə tarixindəki ən uğursuz nəticəsi olmuşdur.

---

2019 Tel-Əviv

Əsas məqalə: Azərbaycan 2019 Avroviziya Mahnı Müsabiqəsində

 

Çingiz Mustafayev

8 mart 2019-cu il tarixində İctimai TV Çingiz Mustafayevin "Truth" mahnısı ilə Azərbaycanı İsrailin Tel-Əvivdə keçirilən Avroviziya 2019-da təmsil edəcəyini açıqlamışdır. Pop üslubunda olan mahnı Mahnı Boris Milanov, Trey Kempbell, Bo J, Pablo Dinero, Hostess və Çingizin əməkdaşlığı nəticəsində ərsəyə gəlmişdir. Bəstəkarlardan Boris Milanov Bolqarıstanın 2016, 2017, 2018 və eyni zamanda Avstriyanın Avroviziya 2018 mahnılarını bəstələmişdir. Müsabiqənin 16 mayda baş tutan ikinci yarımfinalında Çingiz Mustafayev öz mahnısını canlı ifa etmiş və 5-ci yerdə qərarlaşaraq, müsabiqənin final mərhələsinə adlaya bilmişdir. Finalda isə 20-ci nömrə altında öz çıxışını yenidən təqdim edən Çingiz cəmi 302 xal toplayaraq 8-ci yerdə qərarlaşmışdır. Bu Azərbaycanın müsabiqədə 2013-cü ildən bəri ən yaxşı nəticəsi olmuşdur.

Ev sahibliyi

 

Leyla Quliyeva, Eldar Qasımov və Nərgiz Birk-Petersen

İl	Şəhər	Ev sahibi	Aparıcılar
2012	Bakı	Bakı Kristal Zalı	Leyla Quliyeva, Eldar Qasımov və Nərgiz Birk-Petersen

"Marsel Bezençon" mükafatı

Müsabiqə	Mükafat	Mahnı	Müğənni
2012	Mətbuat mükafatı	"When the Music Dies"	Səbinə Babayeva
2013	Bədii mükafat	"Hold Me"	Fərid Məmmədov

Səsvermə nəticələri

Ölkə	08	09	10	11	12	13	14	15	16*	17	19	21	Cəmi
Albaniya	0	4	0	8	4	7	0	0	0	0+2	8+3	0+2	38
Almaniya	1	0	0	0	0	4	0	0	0	0	0	0	5
Andorra	7	0	—	—	—	—	—	—	—	—	—	_	7
Avstraliya	—	—	—	—	—	—	—	0	0	0	2+1	0	3
Avstriya	—	—	—	8	0	12	0	0	0	0	4+1	0	25
Belarus	8	10	6	6	7	10	3	0	8+2	0	5+6	_	71
Belçika	7	3	5	3	0	5	0	0	0	0+4	0	0	27
Birləşmiş Krallıq	0	3	0	0	2	0	0	0	0	0	7+3	0	15
Bolqarıstan	3	8	12	0	10	12	—	—	1+0	0+5	—	4+0	55
Bosniya və Herseqovina	0	3	7	8	7	—	—	—	8+1	—	—	_	34
Çexiya	10	10	—	—	—	—	—	12	6+0	10+0	5+7	0	60
Ermənistan	0	1	0	0	—	0	0	0	0	0	0	_	1
Estoniya	0	7	0	8	0	0	0	0	0	0	5+1	0	21
Danimarka	0	8	2	0	0	0	0	0	0	0	4+5	0	19
Finlandiya	0	2	0	5	0	0	0	0	0	0	2+0	0	9
Fransa	0	0	0	6	0	8	0	0	0	0	6+0	0	20
Gürcüstan	7	—	8	8	10	12	7	10	7+0	12+10	10+7	3+5	116
İslandiya	0	0	4	8	0	7	0	0	1+0	0	4+0	0	24
İrlandiya	0	0	3	0	1	2	0	0	0	0+1	7+0	2+0	16
İspaniya	0	0	7	0	0	7	0	0	0+2	0	7+1	0	24
İsrail	3	6	7	4	8	12	0	0	2+0	0	7+3	2+2	56
İsveç	0	8	0	3	0	0	0	0	0+10	0	5+3	0	29
İsveçrə	0	0	2	1	0	6	0	0	0	0	0	2+0	11
İtaliya	—	—	—	0	0	0	0	0	0	0+12	7+1	0	20
Kipr	0	8	8	8	8	8	—	0	0+2	0+1	6+0	0	49
Latviya	4	4	2	2	0	3	0	0	3+0	0	6+4	0	28
Litva	7	5	0	8	10	12	0	2	0	0	10+5	0	59
Macarıstan	12	10	—	7	0	12	0	0	0+7	0+4	5+2	_	59
Şimali Makedoniya	8	3	3	0	2	0	0	0	0+1	0	4+1	0+3	25
Malta	0	1	12	12	10	12	0	8	6+0	0	8+2	0	71
Moldova	8	10	7	10	10	8	0	3	8+0	10+5	6+10	6+1	102
Monteneqro	0	6	—	—	5	12	0	8	7+0	5+0	0+3	_	46
Niderland	2	10	0	6	0	2	0	0	0+1	0	0+4	2+0	27
Norveç	0	10	7	0	0	0	0	0	0	0	5+3	0+1	26
Polşa	7	6	8	8	—	—	0	0	0	0+1	2+2	0	34
Portuqaliya	0	0	0	8	0	—	0	0	—	0+12	8+0	0	28
Rumıniya	2	4	0	10	0	10	0	3	—	0	10+6	0+4	49
Rusiya	10	7	8	12	10	12	10	3	6+10	—	12+12	8+4	124
San-Marino	0	—	0	10	4	2	12	0	0	1+5	4+4	0	44
Serbiya	0	4	0	0	3	5	—	0	0	0	3+0	0+4	19
Slovakiya	—	4	0	7	6	—	—	—	—	—	—	_	17
Sloveniya	1	1	0	0	0	3	0	0	0	4+0	10+0	0	19
Türkiyə	12	12	12	12	12	—	—	—	—	—	—	_	60
Ukrayna	10	10	12	10	10	10	1	—	10+7	0+6	—	3+6	95
Xorvatiya	0	10	0	10	0	7	—	—	0	0	0	0+2	29
Yunanıstan	3	8	1	5	5	12	0	0	0+1	0+10	8+0	0+2	45
Cəmi	132	207	145	221	150	234	33	49	117	120	302	65

• 2016-cı ildən etibarən yeni səsvermə metoduna keçən müsabiqədə münsif və SMS səsverməsi ayrılıqda hesablanmağa başlamışdır.

Şərhçilər və səsləri elan edənlər

Müsabiqə	Yayım hüququ	Şərhçi	Səsləri elan edən
2008	İctimai Televiziya	Hüsniyyə Məhərrəmova və İsa Məlikov	Leyla Quliyeva
2009		Leyla Quliyeva və İsa Məlikov	Hüsniyyə Məhərrəmova
2010		Hüsniyyə Məhərrəmova	Tamilla Şirinova
2011		Leyla Quliyeva	Səfurə Əlizadə
2012		Könül Arifqızı və Saleh Bağırov
2013		Könül Arifqızı	Tamilla Şirinova
2014	İctimai Televiziya		Səbinə Babayeva
2015*		Kamran Quliyev	Tural Əsədov
2016		Azər Süleymanlı
2017
2018
2019	İctimai Televiziya	Murad Arif	Faiq Ağayev
2021	İctimai Televiziya	Murad Arif	Eldar Qasımov Nigar Camal

* Müsabiqənin 19 mayda baş tutan I yarım-finalı, Binəqədi rayonunda baş verən faciə (15 mərtəbəli binanın yanması) ilə əlaqəli olaraq canlı yayımlanmadı.

İstinadlar

1. "Azərbaycan birinci dəfə olaraq "2008-Avroviziya" Mahnı Müsabiqəsinə qatılacağdır. Azərbaycanı bu möhtəşəm mahnı yarışmasında təmsil edəcək şəxsin aı fevralın 2-də məlum olacaqdır.  (azərb.)". www.azertag.az (Azərbaycan Dövlət İnformasiya Agentliyi). 2017-03-10 tarixində . İstifadə tarixi: 24 yanvar 2008.
2. "Müğənni Elnur Hüseynov "2008-Avroviziya" Mahnı Müsabiqəsinin milli seçim turunun qalibi olmuşdur.  (azərb.)". www.azertag.az (Azərbaycan Dövlət İnformasiya Agentliyi). 2017-03-10 tarixində . İstifadə tarixi: 2 fevral 2008.
3. ""Avroviziya" Mahnı Müsabiqəsinin milli seçim turunun final mərhələsi Türkiyənin "TRT" telekanalı və Avropanın bir sıra telekanalları ilə canlı yayımlanacaq.  (azərb.)". www.azertag.az (Azərbaycan Dövlət İnformasiya Agentliyi). 2017-03-10 tarixində . İstifadə tarixi: 19 yanvar 2008.
4. "Azərbaycan müğənniləri Elnur Hüseynov və Samir Cavazadə "2008-Avroviziya" Mahnı Müsabiqəsində finala çıxmışlar.  (azərb.)". www.azertag.az (Azərbaycan Dövlət İnformasiya Agentliyi). 10 March 2017 tarixində . İstifadə tarixi: 21 may 2008.
5. "Elnur Hüseynov və Samir Cavazadə dueti "2008-Avroviziya" Mahnı Müsabiqəsində 8-ci yeri tutmuşlar.  (azərb.)". www.azertag.az (Azərbaycan Dövlət İnformasiya Agentliyi). 10 March 2017 tarixində . İstifadə tarixi: 26 may 2008.
6. "Azərbaycanı "2009-Avroviziya" Mahnı Müsabiqəsində təmsil edəcək ifaçının adı açıqlanmışdır.  (azərb.)". www.azertag.az (Azərbaycan Dövlət İnformasiya Agentliyi). 2017-03-10 tarixində . İstifadə tarixi: 17 yanvar 2009.
7. ""2009-Avroviziya" Mahnı Müsabiqəsində Azərbaycan təmsilçisinin ifa edəcəyi mahnı artıq məlumdur.  (azərb.)". www.azertag.az (Azərbaycan Dövlət İnformasiya Agentliyi). 2017-03-10 tarixində . İstifadə tarixi: 6 fevral 2009.
8. "Araş: "Mahnını məhz Aysel üçün yazmışam".  (azərb.)". www.azertag.az (Azərbaycan Dövlət İnformasiya Agentliyi). 2017-03-10 tarixində . İstifadə tarixi: 6 fevral 2009.
9. "Azərbaycan "2009-Avroviziya" Mahnı Müsabiqəsində Aysel və Araş dueti ilə təmsil olunacaqdır.  (azərb.)". www.azertag.az (Azərbaycan Dövlət İnformasiya Agentliyi). 2017-03-10 tarixində . İstifadə tarixi: 13 fevral 2009.
10. "Filipp Kirkorov: Azərbaycan təmsilçiləri "2009-Avroviziya"-un favoriti hesab olunur.  (azərb.)". www.azertag.az (Azərbaycan Dövlət İnformasiya Agentliyi). 10 March 2017 tarixində . İstifadə tarixi: 8 may 2009.
11. "Rusiyanın baş naziri Vladimir Putin Azərbaycan təmsilçiləri Aysel və Araşın məşqini izləmişdir.  (azərb.)". www.azertag.az (Azərbaycan Dövlət İnformasiya Agentliyi). 10 March 2017 tarixində . İstifadə tarixi: 12 may 2009.
12. "Azərbaycan dueti Aysel və Araş "Eurovision-2009"-un finalında.  (azərb.)". www.azertag.az (Azərbaycan Dövlət İnformasiya Agentliyi). 10 March 2017 tarixində . İstifadə tarixi: 15 may 2009.
13. "Aysel Teymurzadə: Biz Azərbaycan dövlətinin və hər bir Azərbaycanlının dəstəyini daim hiss edirik.  (azərb.)". www.azertag.az (Azərbaycan Dövlət İnformasiya Agentliyi). 10 March 2017 tarixində . İstifadə tarixi: 16 may 2009.
14. "Azərbaycan dueti Aysel Teymurzadə və Araş "Eurovision-2009"-da üçüncü yeri tutmuşdur.  (azərb.)". www.azertag.az (Azərbaycan Dövlət İnformasiya Agentliyi). 10 March 2017 tarixində . İstifadə tarixi: 17 may 2009.
15. "Azərbaycan Prezidenti İlham Əliyev "Eurovision-2009" Mahnı Müsabiqəsində böyük qələbə qazanmış Aysel və Araşı təbrik etmişdir.  (azərb.)". www.azertag.az (Azərbaycan Dövlət İnformasiya Agentliyi). 10 mart 2017 tarixində . İstifadə tarixi: 17 may 2009.
16. "Heydər Əliyev Fondunun Prezidenti Mehriban xanım Əliyeva "Eurovision-2009" Mahnı Müsabiqəsində Azərbaycanı təmsil etmiş Aysel Teymurzadə və Araş ilə görüşmüşdür.  (azərb.)". www.azertag.az (Azərbaycan Dövlət İnformasiya Agentliyi). 10 mart 2017 tarixində . İstifadə tarixi: 20 may 2009.
17. . www.azertag.az (Azərbaycan Dövlət İnformasiya Agentliyi). 2017-03-14 tarixində orijinalından arxivləşdirilib. İstifadə tarixi: 9 fevral 2011.
18. ""Eurovision-2011" Mahnı Müsabiqəsində Azərbaycanı Eldar Qasımov və Nigar Camal təmsil edəcəkdir.  (azərb.)". www.azertag.az (Azərbaycan Dövlət İnformasiya Agentliyi). 10 mart 2017 tarixində . İstifadə tarixi: 12 fevral 2011.
19. "Azərbaycan təmsilçilərinin "Eurovision-2011" Mahnı Müsabiqəsində ifa edəcəkləri mahnının adı martın 13-də məlum olacaqdır.  (azərb.)". www.azertag.az (Azərbaycan Dövlət İnformasiya Agentliyi). 10 mart 2017 tarixində . İstifadə tarixi: 11 fevral 2011.
20. "Azərbaycanı Stokholm şəhərində baş tutacaq "2016-Avroviziya" Mahnı Müsabiqəsində "Miracle" adlı mahnı ilə Səmra Rəhimli təmsil edəcək.  (azərb.)". www.azertag.az (Azərbaycan Dövlət İnformasiya Agentliyi). 10 mart 2017 tarixində . İstifadə tarixi: 10 mart 2016.
21. "Azərbaycanın "2016-Avroviziya" Mahnı Müsabiqəsində təmsilçisi Səmra Rəhimli bu axşam 14-cü nömrə altında çıxış edəcək.  (azərb.)". www.azertag.az (Azərbaycan Dövlət İnformasiya Agentliyi). 10 mart 2017 tarixində . İstifadə tarixi: 10 may 2016.
22. "Azərbaycanın "2016-Avroviziya" Mahnı Müsabiqəsində təmsilçisi Səmra Rəhimli finala vəsiqə qazanıb.  (azərb.)". www.azertag.az (Azərbaycan Dövlət İnformasiya Agentliyi). 10 mart 2017 tarixində . İstifadə tarixi: 11 may 2016.
23. "Səmra Rəhimli "2016-Avroviziya" Mahnı Müsabiqəsində dördüncü nömrə altında çıxış edəcək.  (azərb.)". www.azertag.az (Azərbaycan Dövlət İnformasiya Agentliyi). 10 mart 2017 tarixində . İstifadə tarixi: 14 may 2016.
24. "Ukrayna təmsilçisi Camala "2016-Avroviziya" Mahnı Müsabiqəsinin qalibi oldu.  (azərb.)". www.azertag.az (Azərbaycan Dövlət İnformasiya Agentliyi). 10 mart 2017 tarixində . İstifadə tarixi: 15 may 2016.

Həmçinin bax

• Azərbaycan Avroviziya Uşaq Mahnı Müsabiqəsində

Xarici keçidlər

• Eurovision TV-də Azərbaycanın rəsmi səhifəsi