Murad Arif

Murad Arif oğlu Şükür (27 sentyabr 1981(1981-09-27), Sumqayıt) — müğənni, bəstəkar, musiqi prodüseri, şoumen və jurnalist. Çox sevilən nəğmələrin müəllifi olaraq, Azərbaycan mətbuatında "Hitmeyker" kimi təqdim olunur. Youtube-da yayımlanan "Popumuz Var!" layihəsinin müəllif və aparıcısıdır. Beynəlxalq "The Voice Kids" layihəsində ustad seçilmişdir.

Murad Arif
azərb. Murad Arif oğlu Şükür‎
Ümumi məlumatlar
Doğum adı	Murad Şükür
Doğum tarixi	27 sentyabr 1981 (39 yaş)
Doğum yeri	Sumqayıt, Azərbaycan SSR
Vətəndaşlığı	Azərbaycan
Musiqiçi məlumatları
Fəaliyyəti	bəstəkar, jurnalist, müğənni, prodüser^[d]
Fəaliyyət illəri	2002 – h. h.
Janrlar	Pop, folk-pop, orient-pop, dans-pop, hip-hop, caz
Səs tembri	Tenor
Instagram hesabı

Həyatı

Murad 1981-ci ildə, sentyabrın 27-si Sumqayıt şəhərində, incəsənət xadimi Arif Şükürov (1936-2019) və bioloq Sənubər Şükürovanın (d. 1949) ailəsində anadan olub. Ata tərəfdən əsli Füzuli, ana tərəfdən isə Şuşalıdır. Ailədə özündən başqa 2 bacısı var. Məşhur tele-aparıcı Könül Arifqızının qardaşıdır. Murad Sumqayıt şəhərində, 15 №-li, 28 №-li məktəblərdə və İstedad liseyində təhsil alıb. Beynəxalq İqtisadi Münasibətlər fakultəsinin məzunudur. 2011-ci ildə ailə həyatı qurub, 2012-ci ildə oğlu Mikayıl, 2015-ci ildə qızı Ayla doğulub.

Televiziya karyerası

Ali təhsil aldıqdan sonra, iqtisadiyyat sahəsini davam etdirmədi. 2002-ci ildə Radio Space 104 FM-də efir operatoru kimi çalışdı. Bundan sonra 104 FM ilə başlayaraq Lider Jazz FM, İctimai radio, Day.Az Radiolarında DJ kimi fəaliyyət göstərib. Murad Arif həmkarı Leyla Quliyeva ilə Eurovision 2006-da mahnı müsabiqəsinin Azərbaycanda ilk şərhçisi oldu. İlk apardığı televiziya verilişi isə, 2006-cı ildə, İTV efirində yayımlanan, həmkarı Hüsniyyə Məhərrəmova ilə apardığı "Qaraj" verilişi idi. 2007-ci ildə Murad Dadaşovun "Maşın Şou" layihəsində, avtomobil qazanaraq qalib olmuşdur. Bundan başqa o Lider TV-də "Yeni Səhər", "Solo" və ATV kanalında "Gün keçir" verilişlərinin aparıcısı olub.2008-ci ildə, İsveçrənin Montrö şəhərində "Montreux Jazz Festival"-da silsilə proqramlar hazırlayıb. 2010-cu ildə Futbol üzrə Dünya Çempionatının açılış mərasiminin şərhçisi olub. Həmçinin "5 Звезд" Beynəlxalq musiqi müsabiqəsini şərh etmişdir. "Böyük səhnə" müsabiqəsində münsif olaraq, Eurovision 2014 milli seçimində Dilarə Kazımovanın qələbəsində təşəbbüs göstərib. 2018-ci ildə Lider TV-dən ayrılaraq, müəllif layihəsi olan "Popumuz Var!" verilişini təqdim edir. İlk öncə YouTube üzərindən paylaşılan verilişin izləyici sayısı yüksək və yetəricə uğurlu proekt hesab olduğuna görə çıxan hər yeni bölümü YouTube ilə yanaşı İctimai TV- də eyniadlı proqramda da təqdim edir.

Musiqi fəaliyyəti

Uzun müddət Ayaz Qasımov, Xəyyam Nisanov, Yaşar Cəlilov və Elton Hüseynəliyevin musiqi prodüseri olmuşdur. 2008-ci ildə Murad Arif mahnı müəllifi olaraq öz tamaşaçılarını təəcübləndirir. 2008-ci ildə çalışdığı müğənni Ayaz Qasımova "Almalarınla" mahnısını təqdim edir. Mahnı efirlərə çıxan kimi ölkənin əsas hitlərindən birinə çevrildi. Bu uğurdan sonra, Azərbaycanın ən məşhur müğənniləri Murad Arif ilə əməkdaşlığa can atır. O, Natəvan Həbibi, Aygün Kazımova, Röya Ayxan, Tünzalə Ağayeva, Sevda Ələkbərzadə, Faiq Ağayev və digər məşhur ifaçılara uğurlu nəğmələr təqdim edir. 2009-cu ildə Mədəniyyət nazirliyinin sifarişi ilə keçirilən "Bakı Gecələri" müsabiqəsində Murad Arifin yazdığı "Sevdiyini söylə" mahnısı qalib olur. Mahnını Natavan Həbibi və İntizar səsləndirdi. 2011-ci ildə müğənni Natəvan Həbibi, sözləri və musiqisi Murad Arifə məxsus olan "Təyyarələr" mahnısını Dənizli şəhərində keçirilən, «Turkcevizyon Muzik Festivali 2011» türk dilli xalqların festivalında təqdim etmişdir. Onun mahnılarına, rəsmi icazə ilə, məşhur türk ulduzları Nil Karaibrahimgil, Ziynət Sali, DJ Suat Ateshdagli, müraciət edib, həmin nəğmələri albomlarına daxil ediblər. Bundan başqa qeyri rəsmi şəkildə Murad Arif mahnıları, dəfələrlə Qazaxıstan, Özbəkistan, Rusiya ifaçıları tərəfindən mənimsənilib. 2014-cü ildə öz mahnılarını ifa edərək, solo karyeraya başlayır. Onun debüt nəğmələri "Həyat Yoldaşımsan", "İnşallah", "Saçların" ölkənin musiqi gündəminə rəng qataraq, diqqəti cəlb edir. 2018-ci ildə işıq üzü görmüş "Oppalara" mahnısı isə, Youtube-da 1 il ərzində 21 milyon baxış toplayaraq rekord vurdu. 2018-ci ildə Murad Arif Heydər Əliyev Mərkəzi qarşısında böyük bir solo proqramla çıxış edir. 2019-cu ildə həmin məkanda daha bir solo-konsert verir. 2019-ci il, dekabrın 5-də Murad Arif ölkənin ən böyük, Elektra Hall klubunda "Tufan" adlı solo-konsertini verir. 2020-ci ildə "The Voice Kids" beynəlxalq televiziya müsabiqəsinə Ustad seçilir.

Diskoqrafiya

Yazdığı mahnılar

Tarix	Müğənni	Mahnı
2008	Ayaz Qasımov	Almalarınla
2008	Xəyyam Nisanov	İstanbul
2008	Elnarə Xəlilova	Ay qız oyan
2009	Natavan Həbibi və İntizar	Sevdiyini söylə
2009	Aygün Kazımova	Şou № 1
2009	Xəyyam Nisanov	İstidir
2009	Ayaz Qasımov	Şokolad
2009	Aygün Rəhimova	Məni dəli kimi sevən adam
2009	Faiq Ağayev	Bal kimi
2010	Tünzalə Ağayeva və Xəyyam Nisanov	Ürəyimsən
2010	Xəyyam Nisanov	Boom
2010	Natavan Həbibi	Təyyarələr
2011	Natavan Həbibi	Stop
2011	Zamiq Hüseynov	O mənə inanır
2011	Nadir Qafarzadə	Rakkada-çıkkada
2012	Natavan Həbibi	Damlalar
2012	Rəşad İlyasov	Adrenalin
2012	Roza Zərgərli	Atəş
2012	Xəyyam Nisanov	Bakı-Moskva
2012	Nil Karaibrahimgil	Ay kız uyan
2012	Faiq Ağayev	Riyaziyyat
2012	Ziynət Sali	İstanbul
2013	Natavan Həbibi	Sən məni başa düşmürsən niyə
2013	Fəqan Səfərov	Xəstə
2013	Ayaz Qasımov	Mən səni öldürdüm
2014	Zamiq Hüseynov	Yeganə
2014	Nura Suri	Brilliantlar
2014	İlhamə Qasımova	Seni seviyorum
2014	Röya Ayxan	Ona nə varki
2014	Murad Arif	Həyat yoldaşımsan
2014	Zülfiyyə Xanbabayeva və Abbas Bağırov	Xoşbəxt olun
2015	Röya Ayxan və Xəyyam Nisanov	Sənə ehtiyacım var
2015	Roza Zərgərli	Şirin çay
2016	Fuad Dadaşov	Şəkillər
2016	Enbe Orkestrası, Ziynət Sali, Xəyyam Nisanov	İstanbul
2016	Abbas Bağırov	Safiyə
2016	Murad Arif	Sevgililər
2016	Murad Arif	Dondurma
2016	Manana Caparidze və Murad Arif	Yaşasın Sevənlər
2017	Aygün Məmmədli	İkimiz
2017	Natavan Həbibi	Sənə
2017	Murad Arif	Saçların
2017	Murad Arif	Partlat!
2018	Murad Arif və Dilarə Kazımova	Yalnız səni gözlədim
2018	Murad Arif	Qızım
2018	Murad Arif və Ramil Nabran	Oppalara
2019	Murad Arif və Günel Zeynalova	Tufan
2020	Murad Arif	Oğlum

Sinqllar

• Həyat yoldaşımsan (2014)
• İnşallah (2014)
• Tavla (2016)
• Sevgililər (2016)
• Dondurma (2016)
• Sevdiyini söylə (2016)
• Ürəyimsən (2016)
• Yaşasın Sevənlər (2016)
• Fərqliyəm (2016)
• Saçların (2017)
• Bu şəhər ikimizə dar (2017)
• Partlat! (2017)
• Yalnız səni gözlədim (2018)
• Qızım (2018)
• Oppalara (2018)
• Tufan (2019)
• Mənə sən lazımsan (2019)
• Bossa Nova (2019)
• Oğlum (2020)

Albomlar

• Solo

İstinadlar

1. http://azxeber.com/az/murad-arif-rya-ve-xeyyami-bir-araya-getirdi-fotolar/maqazin/
2. http://olke.az/news/detail/murad-arif-bele-ariqladi-balam-ucun-bunu-etdim-20659/
3. https://baku.ws/show-business/56284
4. https://www.interpress.az/maqazin/page/7/91449-murad-arif-18-verili-ad-efird-olmayacaq-vdeo.html#.XjPP7mgzaUk^{[ölü keçid]}
5. https://news.milli.az/showbiz/796073.html
6. https://qafqazinfo.az/news/detail/ses-usaqlarin-munsifleri-belli-oldu-267326
7. http://qafqazinfo.az/news/detail/bmurad-arif-ata-oldu-font-colorredfotobfont-20511
8. https://big.az/336190-murad_arif_qizi_ve_oglu_ile_-_foto.html
9. http://events.moko.az/en/persons/100018/Natevan-Hebibi^{[ölü keçid]}
10. https://www.youtube.com/watch?v=9Y_3bj-8TDA
11. https://oxu.az/culture/347481

Xarici keçidlər

• Instagram hesabı
• Facebook səhifəsi
• Twitter hesabı
• Youtube kanalı