Arəş (müğənni)

Arəş Ləbaf (23 aprel 1977(1977-04-23), Tehran) — Iran əsilli İsveç müğənnisi, bəstəkar, prodüser.

Arəş
fars. لالا لباف fars. lala Labaf
Arəş (2009-cu ildə Moskvada)
Ümumi məlumatlar
Doğum tarixi	23 aprel 1977(1977-04-23) (44 yaş)
Doğum yeri	Tehran, Mərkəz bəxşi^[d], Tehran şəhristanı, Tehran ostanı, İran
Vətəndaşlığı	İran  İsveç
Musiqiçi məlumatları
Fəaliyyəti	müğənni, bəstəkar, prodüser
Fəaliyyət illəri	2005–hal-hazırda
Janrlar	Pop, Hip hop, R&B
arash.com arash.com
Vikianbarda əlaqəli mediafayllar

Həyatı

Arəş Ləbafzadə 1977-ci ildə İranın paytaxtı Tehran şəhərində anadan olub. Babası Ərdəbildən olan azərbaycanlı idi. Avroviziya Mahnı Müsabiqəsində çıxış edən ilk iranlı olduğu bildirilir.

10 yaşına qədər Tehranda yaşayıb. Sonra ailəsi ilə birlikdə İsveçin Uppsala şəhərinə köçüb. Burada Arəş dostları ilə birlikdə yaşıdları üçün mahnılar oxumağa başlayır. Soyadını da elə o zaman dəyişib Ləbaf (isv. Labaf) edir. 5 il sonra isə Malmöyə köçür.

Arəşin əvvəllər BBC və Əl-Cəzirə telekanallarına verdiyi müsahibələrdə anasının əfqan, atasının fars mənşəli olduğunu bildirdiyinə dair iddialar da mövcuddur. Bu fikirlər GAMOH tərəfindən səsləndirilir.

35 yaşlı Arəş hazırda Dubay və Malmödə yaşayır. Bəstəkar, prodüser və müğənni kimi ixtisaslaşıb. Dayvinq, basketbolla maraqlanır, şlyapa kolleksiyası toplayır. 2004-cü il sentyabrın 22-də farscadan tərcümədə "Get-get" mənasını verən "Boro-boro" adlı ilk sinqlını çıxarıb. Sinql qısa müddət ərzində İsveçdə birinci yeri tutub. İsveç və hund filmlərinə sauntreklər yazir. 2005-ci ildə "Boro-boro" mahnısının hind versiyasını ("Bure-bure") Bollivudda çəkildiyi "Bluffmaster"(blef ustası) filmində ifa edib.

2005-ci ildə Arəşın öz adını daşıyan "Arash" albomu dünyanın məşhur musiqi kanalı MTV-də ən çox izlənən musiqilər sırasına daxil olub. Müğənninin elektronik musiqini, roku, hip-hopu və balladanı özündə cəmləşdirən "Dünya" (World) layihəsi ona bir az da çox uğur gətirib. Fransanın Kann şəhərində keçirilən festivalın qalibi olan Arəş həmin il Fransada düzənlənən "İnternational Music Market" müsabiqəsində də İsveçin ən yaxşı debütant musiqiçisi seçilib. 2005-ci ildə Moskva merinin ad gününə həsr olunmuş gecədə çıxış edir. 2006-cı ildə Rusiyada iki "Zolotoy qrammofon" mükafatını alan Arəş bu ölkədə ən məşhur xarici müğənnilərdən biri hesab edilir. İsveç, Avstriya, Almaniya, Polşa, Rusiya, Ukrayna, Türkiyə, Çexiya, İsrail, Tacikistan, Gürcüstan, Serbiya, Xorvatiya, Yunanıstan və Bolqarıstanda onun mahnıları "top" siyahılarında yer alır. Ümumilikdə 35 ölkənin musiqi kanallarında Arəşin mahnıları yayımlanır. 2006-da Arəş, DJ Alligator və Şahkar Bineşpacuh 2006 FİFA Dünya Kubokunda çıxış edən İran milli futbol komandasına "Iran, Iran" mahnısını həsr etdilər. DJ Alligator Arəşin 2006-da ifa edilən bir sıra mahnılarını da bəstələmişdir.

Arəş 2009 Avroviziya Mahnı Müsabiqəsində Aysel Teymurzadə və özünün ifa etdiyi "Always" mahnısının müəllifidir. Müsabiqədə Azərbaycan təmsilçiləri Norveç və İslandiyadan sonra 3-cü yeri tutmuşlar.

2011-ci ildə İran rejissoru Bahman Ghobadimin çəkdiyi "Rhino Season" (Kərgədan mövsümü) filmində Hollivud ulduzu Monika Belluççi ilə baş rolda çəkilmişdir.

2011-ci ilin mayında Arəş uzun müddət sevgilisi olan Behnaz Ənsari ilə ailə qurmuşdur. Toy mərasimi Dubayda keçmişdir. 2012-ci ildə cütlüyün əkiz uşaqları - oğlu Dorian və qızı Donya (Dünya?) dünyaya gəlir.

Yaradıcılıq

Ən böyük konsertləri Almatı (Qazaxıstan) və Şetsin (Polşa) şəhərlərinin açıq stadionlarında baş tutub. Qapalı konsert salonlarından isə Moskvanın "Olimpiyski" idman kompleksində iki dəfə şou-proqramla çıxış edib. Bütün dünyada albomu böyük tirajla satılır.

Albomları

• "Arash" (2005)
• "Crossfade (The Remix Album)" (2006)
• "Donya" (2008)
• "Superman" (2014)

Sinql

• "Vostoçniye skazki" (Blestyaşşiye ilə duet)
• "Temptation" (Rebecca ilə duet)
• "Yalla"
• "Tike-tike kərdi", "Ey yar begu"
• "Bombay Dreams"
• "Mən o to"
• "Bəskon"
• "Music Is My Language"
• "Salamati"
• "Behnaz"
• "Çori çori" (Aneela ilə duet)
• "Boro boro" (2004)
• "Arəş" (2005)
• "She Makes Me Go" (feat. Sean Paul)
• "One Day" (feat. Helena)
• "Sex Love Rock n Roll (SLR)" (feat. T-Pain)
• "OMG" (feat. Snoop Dogg)
• "Se Fue" (feat. Mohombi)
• "Esmet Chi Chie"
• "Dooset Daram" (feat. Helena)
• "Goalie Goalie" (feat. Nyusha & Pitbull & Blanco)

Filmoqrafiya

Filmlərə çəkilmiş və ya mahnılar (sauntrek) yazmışdır:

• "Bombay Dreams", (2004), (Rebecca və Aneela ilə), Bollywood
• "Bluffmaster"/ "Bure-bure", (2005), Bollywood
• Dasa Bala (2010) "Dasa Bala" (Timbuktu, Yag ve Aylar Lie ilə)
• "Rhino Season" (Kərgədan mövsümü),(2012), (Monika Belluççi, Yılmaz Erdoğan, Caner Cindoruk, Beren Saat, Belçim Bilgin ilə), Hollywood

Əvvəlki: Elnur & Samir

Azərbaycan Avroviziya Mahnı Müsabiqəsində (Aysel ilə) 2009

Sonrakı: Safura Əlizadə

İstinadlar

1. IMDb — 1990.
   <a href="https://wikidata.org/wiki/Track:P345"></a><a href="https://wikidata.org/wiki/Track:Q37312"></a>
2. Almaniya Milli Kitabxanası, Berlin Dövlət Kitabxanası, Bavariya Dövlət Kitabxanası və b. Record #135507251 // Ümumi tənzimləmə nəzarəti (GND) — 2012—2016.
   <a href="https://wikidata.org/wiki/Track:Q27302"></a><a href="https://wikidata.org/wiki/Track:Q304037"></a><a href="https://wikidata.org/wiki/Track:Q256507"></a><a href="https://wikidata.org/wiki/Track:Q170109"></a><a href="https://wikidata.org/wiki/Track:Q36578"></a>
3. Arəşlə müsahibə
4. . 2013-06-17 tarixində orijinalından arxivləşdirilib. İstifadə tarixi: 2009-02-09.
5. AySel&Arash bioqrafiya+müsahibə (rusca)
6. . 2012-01-07 tarixində orijinalından arxivləşdirilib. İstifadə tarixi: 2009-05-20.
7. Arash.se News
8. آرش خواننده ايرانی از سوئد
9. Arəşin Azərbaycan musiqisini ələ saldığı məlum oldu^{[ölü keçid]}
10. "APA – Arash presents $400-thousand necklace to his bride Behnaz at their wedding – PHOTOSESSION". Apa.az. İstifadə tarixi: 2012-01-14.
11. "Arash married on May 28 in Dubai". Chuiko.com. 2011-03-16. İstifadə tarixi: 2012-01-14.

Xarici keçidlər

• www.arash.se
• www.arash.com
• www.arash.ru 2018-08-25 at the Wayback Machine
• www.boro-boro.de
• www.arashlabaf.com 2007-12-31 at the Wayback Machine
• www.arashlabaf.de 2008-01-19 at the Wayback Machine
• www.arashfans.info 2008-01-24 at the Wayback Machine
• www.warnermusic.de
• Arəş kimdir?^{[ölü keçid]}