Qəşəm Nəcəfzadə
Qəşəm Nəcəfzadə (Nəcəfov Qəşəm Mirzə oğlu; d. 1 aprel 1959, Əliqulular, İmişli rayonu, Azərbaycan SSR, SSRİ) — Azərbaycan şairi və publisisti. Azərbaycan Yazıçılar Birliyinin üzvü (1986), Azərbaycanın əməkdar mədəniyyət işçisi (2018).
Qəşəm Nəcəfzadə | |
---|---|
Nəcəfov Qəşəm Mirzə oğlu | |
| |
Doğum adı | Qəşəm |
Təxəllüsü | Nəcəfzadə |
Doğum tarixi | |
Doğum yeri | Əliqulular, İmişli rayonu, Azərbaycan SSR, SSRİ |
Vətəndaşlığı | SSRİ→ Azərbaycan |
Milliyyəti | azərbaycanlı |
Həyat yoldaşı | Nəcəfova Tabəs |
Uşaqları | Kəramət Böyükçöl Sevinc Nəcəfzadə Tural Nəcəfzadə |
Atası | Mirzə Hüseynqulu oğlu |
Anası | Tamara Sərdar qızı |
Təhsili | Kirovabad Dövlət Pedaqoji İnstitutu |
İxtisası | filoloq |
Fəaliyyəti | yazıçı, şair |
Əsərlərinin dili | Azərbaycanca |
Janr | şeir |
Mükafatları | |
qeshemnecefzade.net | |
Vikianbarda əlaqəli mediafayllar |
Həyatı
Qəşəm Nəcəfzadə 1959-cu il aprel ayının 1-də Azərbaycan SSR-in İmişli rayonunun Əliqulular kəndində anadan olub. 1976-cı ildə İmişli rayon Əliqulular kənd orta məktəbini, 1981-ci ildə Kirovabad Dövlət Pedaqoji İnstitutunun Ədəbiyyat fakültəsini bitirib.
Uzun illər orta məktəb və universitetlərdə ali kateqoriyalı ədəbiyyat müəllimi işləyib. Hazırda Təfəkkür Universitetində baş müəllimdir.
Azərbaycan Yazıçılar Birliyinin "Azərbaycan" jurnalında poeziya söbəsinin müdiri, uşaq ədəbiyyatı seksiyasının rəhbəri, Azərbaycan Respublikası Milli Radio və Televiziya Şurasının ekspert şurasının və Azərbaycan Yazıçılar Birliyinin üzvüdür.
2007-ci ildə Avropada keçirilən 38-ci Beynəlxalq Poeziya Festivalının iştirakçısı olub.
Mükafatları
2007-ci ildə şeirləri beynəlxalq "Rəsul Rza" mükafatına layiq görülüb.
- Şair uşaq şeirlərinə görə Azərbaycan Yazıçılar Birliyinin "Tofiq Mahmud adına mükafat"ına layiq görülüb.
- 27 may 2018-ci ildə Azərbaycanın əməkdar mədəniyyət işçisi fəxri adına layiq görülmüşdür.
- 9 iyul 2019-cu ildə Ukrayna Qarapapaq Türkləri Milli Şurasının "Xüsusi xidmətlərə görə" ordeni ilə təltif edilmişdir.
Yaradıcılığı
Qəşəm Nəcəfzadənin şeirləri Azərbaycanda və xarici ölkə mətbuat orqanlarında mintəzəm çap olunur. Əsərləri türk, rus, gürcü, ingilis, polyak, özbək, alman və başqa dillərə tərcümə edilib.
Şairin indiyə kimi 19 şeir, 1 hekayə və 2 elmi-publisistik kitabı işıq üzü görüb. Şairin Hollandiyada ingilis və holland, Tehranda fars və Azərbaycan (ərəb qrafikası ilə), Türkiyədə türk və Kolumbiyada ispan dillərində kitabları nəşr olunub.
Tənqidcilər onun yaradıcılığını realist üsluba aid edirlər. Şairin son illər yaradıcılığında epik, modern və metofizik şeirlər də üstünlük təşkil edir.
Əsərləri
- Sevginin sonunu deməyin mənə. Bakı: Yazıçı, 1986.
- Yatmış dəniz şəkli. Bakı: Gənclik, 1990.
- Bir gəlin dalğa ilə yan-yana. Bakı: Göytürk, 1994.
- Gülümsəyən ağac. Bakı: Göytürk, 1995.
- Şeirimin bəxti. Bakı: Göytürk, 1995.
- Sevmək istəyirəm təzədən. Bakı: Göytürk, 1996.
- Sarı sim. Bakı: Göytürk, 1997.
- Sən yadıma düşəndə. Bakı: Qanun, 1997.
- Özümə doğru. Bakı: Azərnəşr, 1998.
- Ömür kitabıma düzəliş. Bakı: Azərnəşr, 2001.
- Və sairə. Bakı: Nurlar, 2004.
- Hüseynbala Mirələmovun ədəbi həqiqətləri. Bakı: Şəms, 2005.
- The Evening Stories (Axşam hekayələri) İngilis dilində. Bakı: Şəms, 2007.
- Prebraşenie (Çevrilmə). Rus dilində. Bakı: Araz, 2007.
- EENWORDING (Birləşmə). Holland dilində. Amsterdam: 2007.
- SKETCHES OF PRISON (Həbsxana etüdləri). İngilis dilində. Amsterdam, 2007.
- Qadının ölümü. Bakı: Vektor, 2008.
- Savaş, ayakkabı, ölüm. Ankara: Bengü, 2008.
- Ölülər bizə gülür. Tehran, 2008.
- Oğlum qapını aç, qapıda bir külək ölür. Şirvannəşr, 2009.
- Barmaqların öpüşü. Fars dilində. Tehran: 2009.
- Şeirin içindəki adam. Esselər, məqalələr. Bakı: Yazıçı, 2010.
- Adı Qəşəm. şeirlər. Bakı, Vektor, 2014.
- “Vecerinie liyudi” (Axşam adamları) Moskva -2014
- “Bir dəli şeytan deyir”- Tehran -2015
İstinadlar
- Zərəngiz Mansurova (06.04.2016). "Bakı Dövlət Universitetində şair Qəşəm Nəcəfzadə ilə görüş" (azərb.). AzərTAc. İstifadə tarixi: 22 aprel 2016.
- President.Az (27.05.2018). "Azərbaycan Respublikasının mədəniyyət xadimlərinə fəxri adların verilməsi haqqında Azərbaycan Respublikası Prezidentinin Sərəncamı" (azərb.). President.az. İstifadə tarixi: 2018-05-27.
- Şair Qəşəm Nəcəfzadə “Xüsusi Xidmətlərə görə” Ordeni ilə təltif edildi
- "Qəşəm Nəcəfzadə". azerbaijans.com (azərb.). Azerbaijans.com. 2011. İstifadə tarixi: 22 aprel 2016.
- "Dörd şairin Qəşəm Nəcəfzadə haqqında düşündükləri" (azərb.). 525-ci qəzet. 30 yanvar 2010. İstifadə tarixi: 22 aprel 2016.
Xarici keçidlər
- "Qəşəm Nəcəfzadə. Şeirlər, Poemalar, Hekayələr". azadliq.org (azərb.). Azadlıq Radiosu. 05.03.2011. İstifadə tarixi: 22 aprel 2016.
- "Qəşəm Nəcəfzadə: Yazarın məqalələri". lent.az (azərb.). lent.az. 2016. İstifadə tarixi: 22 aprel 2016.