Khan Academy

Khan Academy — 2008-ci ildə Salman Xan tərəfindən yaradılan sinif daxilində və xaricində öyrənmək istəyənlərin özlərinə ən uyğun şəkildə öyrənə bilmələri üçün çalışma tapşırıqları, öyrədici videolar, interaktiv çalışmalar vasitəsilə şəxsiləşdirilmiş öyrənmə təcrübəsi vəd edən amerikan qeyri-kommersiya təşkilatı. Riyaziyyat, fizika, proqramlaşdırma, tarix, incəsənət, iqtisadiyyat və daha bir çox bunlar kimi mövzulara toxunur. Boşluqları və güclü cəhətləri aydınlaşdırıb uyğun olaraq tapşırıq vermə alqoritmamızdan istifadə edərək riyaziyyat üzrə ibtidai sinifdən universitet səviyyəsinə qədər bütün şagirdlərə bələdçilik edir. Sayt həmçinin daha mütəxəssisləşdirilmiş məzmun vəd etmək üçün NASA, Modern Sənət Muzeyi, Kaliforniya Elmlər Akademiyası və MIT kimi qurumlarla əməkdaşlıq edir.

Khan Academy
URL	Khan Academy
Kommersiya	Xeyr
Tipi	Qeyri-kommersiya təşkilatı
Qeydiyyat	İcbari
Dilləri	Azərbaycanca, ingiliscə, rusca, gürcücə, türkcə, portuqalca, qazaxca, bolqarca, ispanca
İstifadəçi sayı	2 500 000
Proqramlaşdırma dili	Java
Sahibi	Salman Xan
Açılma tarixi	2008
Hazırkı statusu	Aktiv
Gəlir	44.823.044 $ (2016)
Şüar	Hər kəs üçün, hər yerdə ödənişsiz
Alexa reytinqi	▼ 359 (2020)
Vikianbarda əlaqəli mediafayllar

Veb-sayt və onun məzmunu əsasən ingilis dilində verilir, bununla yanaşı, eyni zamanda, azərbaycan, benqal, bolqar, çin, çex, danimarka, ərəb, holland, fransız, gürcü, alman, ivrit, hindi, indoneziya, italyan, yapon, koreya, norveç, polyak, portuqal, serb, ispan, isveç, tamil, teluqu, türk, urdu və özbək dillərində də fəaliyyət göstərir.

Tarixçə

Qurumun qurucusu Salman Xan, ABŞ-ın Nyu-Orlean şəhərində bir benqallı ata və bir hind anasının övladı olaraq doğulub böyüdü. Massaçusets Texnologiya İnstitutunda üç fərqli sahə üzrə təhsil aldıqdan sonra dörd il ərzində Harvardda biznes idarəetməsi fakültəsi üzrə magistratura pilləsini qazandı.

2004-cü ilin sonlarına yaxın əmisi oğlu Nadiaya riyaziyyat tədris edərkən, bənzər kurs istəkləri tələbi ilə Youtube videolarını hazırlamağa başlayan Salman Xan, hazırladığı dərsləri yüksək qiymətləndirənlərin sıx marağına görə 2009-cu ildə işini tərk etmiş və 2010-cu ildən bəri "Khan Academy" adlı qeyri-kommersiya təşkilatı yaratmış və dərslər hazırlamağa başlamışdır. Məlumatın ehtiyacı olan hər kəs üçün sərbəst olacağına inanan Xan, maliyyə sektorunda uğurlu bir karyeradan imtina edərək, ən dəyərli bir şey olduğuna inandığı biliklərini paylaşmağı seçir. Khan Academy, qazanc üçün deyil, ianə ilə dəstəklənən və təhsil sahəsindəki sosial sahibkarlığın nümunəsidir. Bill & Melinda Qeys vəqfi, Ann və John Doerr, Lemann Vəqfi və Google kimi böyük təşkilatlardan ianələr alaraq, texnologiyaya əsaslanan və insanlara yönümlü təhsil anlayışının yayılmasına və dünyada təhsildə bərabər imkanlara töhfə verməyi hədəfləyir. 2010-cu ildə Google, dərsləri artırmaq və bütün əsas ifadələri fərqli ortaq dillərə tərcümə etmək üçün, 10^100 Layihəsi çərçivəsində Khan Academy təşkilatına 2 milyon dollar verdiyini açıqladı. 2020-ci ildə saytın azərbaycanca versiyası açılmışdır.

İstinadlar

1. Bansal, Varsha (24 sentyabr 2018). "Khan academy gets its math right, adds content in local languages". The Economic Times.
2. "Khan Academy". Skoll. İstifadə tarixi: 15 aprel 2020.
3. "Interesting Khan Academy Statistics and Facts". expandedramblings.com. İstifadə tarixi: 15 aprel 2020.
4. . Owlers. 2020-08-06 tarixində orijinalından arxivləşdirilib. İstifadə tarixi: 15 aprel 2020.
5. "Khan Academy Inc - Nonprofit Explorer". ProPublica (ingilis). İstifadə tarixi: 15 aprel 2020.
6. Sampson, Demetrios G.; Ifenthaler, Dirk; Spector, J. Michael; Isaias, Pedro (2014). Digital Systems for Open Access to Formal and Informal Learning (ingilis). Kaliforniya, ABŞ: Springer. səh. 19. ISBN 978-3-319-02264-2. İstifadə tarixi: 15 aprel 2020.
7. "Haqqımızda". Khan Academy (azərb.). İstifadə tarixi: 15 aprel 2020.
8. Noer, Michael. "One Man, One Computer, 10 Million Students: How Khan Academy Is Reinventing Education". Forbes (ingilis). İstifadə tarixi: 15 aprel 2020.
9. Dreifus, Claudia (27 yanvar 2014). "It All Started With a 12-Year-Old Cousin". The New York Times. İstifadə tarixi: 15 aprel 2020.
10. Bertodano, Helena de (28 sentyabr 2012). "Khan Academy: The man who wants to teach the world". Telegraph. İstifadə tarixi: 15 aprel 2020.
11. Temple, James (14 dekabr 2009). "Salman Khan, math master of the Internet". SFGate. İstifadə tarixi: 15 aprel 2020.
12. "'A Bit Of A Montessori 2.0': Khan Academy Opens A Lab School". NPR.org (ingilis). İstifadə tarixi: 15 aprel 2020.

Həmçinin bax

• Khan Academy veb-səhifəsi
• Khan Academy azərbaycanca versiyası