Frenk Lempardın İngiltərə milli komandasında çıxışı

Frenk Lempardın İngiltərə milli komandasında debütü 1997-ci ildə U-21 yaşlı İngiltərə milli komandasında Yunanıstan millisinə qarşı olmuşdur. O, U-21-in tərkibində 1997-ci ilin noyabr ayından 2001-ci ilin iyun ayınadək 19 matçda meydana çıxdı və 9 qola imza atdı. Daha sonra isə 1998-ci ilin fevral ayında 1 matçda İngiltərə B komandasının tərkibində Çili yığmasına qarşı oyun keçirdi və matç ev sahiblərinin 2-1 hesablı qələbəsi ilə başa çatdı.

Frenk Lempard Yaponiya yığması ilə yoldaşlıq matçında penaltidən fərqlənir.

Lempard İngiltərə milli futbol komandasının tərkibində ilk matçına 1999-cu ildə yoldaşlıq oyunu çərçivəsində Belçika yığmasına qarşı keçirilən matçda çıxdı və millinin tərkibində ilk qolunu 2003-cü ildə Xorvatiya millisinə qarşı vurdu. Bu matçın yekununda İngiltərə yığması 3-1 hesablı qələbəyə sevinmişdir. Lempard İngiltərə milli futbol komandasının tərkibində 2013-cü ildə Ukrayna millisinə qarşı oynadığı görüşdə millinin heyətində 100 oyunluq səddi keçmiş səkkizinci futbolçu adını qazandı.

Avro 2004

O, UEFA Avro 2000 və 2002 FİFA Dünya Kuboku turnirlərində milli komandanın tərkibinə salınmamışdır və UEFA Avro 2004-də iştirak edə bilmək üçün imkan gözləyirdi. Lempardın çıxış etdiyi İngiltərə yığması turnirin 1/4 final mərhələsinə kimi gəldi və o, bura qədər artıq 3 dəfə fərqlənə bilmişdir. O, qrup oyunlarında Fransa və Xorvatiya milli komandalarının qapısından topu keçirmiş və 1/4 final mərhələsinin görüşü çərçivəsində Portuqaliya yığmasına qarşı oynanılan matçın 112-ci dəqiqəsində turnirdə özünün üçüncü qoluna imza atmaqla matçda hesabı 2-2 etmiş lakin penaltilər seriyasında İngiltərə millisi məğlub olmuşdur. Turnirin sonunda isə o UEFA-nın tərtib etdiyi ilk onbirlikdə yer almışdır.

Avro 2004 sonrası

Pol Skolz yığmada çıxışını başa vurduğunu elan etdikdən sonra Lempard komandanın daimi oyunçularından biri oldu. Nəticədə 2004 və 2005-ci illərdə o, azərkeşlər tərəfindən İngiltərədə ilin futbolçusu seçilmişdir. 2006-cı il FİFA Dünya Kuboku təsnifat mərhələsində Lempard 5 qol ilə millinin bombardiri oldu.

2006 Dünya Kuboku

Turnirdə ilk rəqibləri olan Paraqvay üzərində 1-0 hesablı qələbə qazanmış İngiltərə yığmasının tərkibindən Frenk Lempard matçın adamı seçildi. Turnirin bütün matçlarında forma geyməsinə rəğmən Lempard turniri qolsuz başa vurdu və 1/4 final mərhələsinin görüşü çərçivəsində Portuqaliya yığmasına qarşı keçirilən penaltilər seriyasında İngiltərə millisi məğlub oldu.

2007–09

2007-ci ildə Almaniya millisinə qarşı keçirilən yoldaşlıq matçında o, qol vursada yekunda İngiltərə yığması 2-1 hesabı ilə məğlub oldu. 2007-ci ilin oktyabrın 13-də Avro 2008-in təsnifat mərhələsi çərçivəsində Estoniya millisinə qarşı matçın ikinci hissəsində oyuna daxil olarkən ingilis azərkeşlər onu fitə basmışdı. Lempard İngiltərə millisinin 500-cü qoluna Uembli stadionunda keçirilən matçda imza atdı. 2009-cu ilin sentyabrında Lempard Xorvatiya millisinə qarşı keçirilən matçda iki dəfə fərqlənərək yekunda ingilislər 5-1 hesabı ilə qələbə qazandı və 2010 FİFA Dünya Kubokuna qaıtlmaq üçün yerini möhkəmləndirdi.

2010 Dünya Kuboku

1/16 final mərhələsində Almaniya seçməsinə qarşı keçirilən oyunda Lempard birinci hissədə fərqlənsədə hakimlər topun qatı xəttini keçmədiyinə işarə etdi. Hətta Tv kanallarda epizod dəfələrlə nümayiş etdirilərkən topun qapı xəttini açıq-aşkar keçdiyi görünürdü. Əgər bu top hesaba alınsaydı matçda hesab 2-2 olacaqdı. Baxmayaraq ki, baş hakim və yan xətt hakimi epizodun qol olduğunu gördü amma oyuna davam etdirdilər. Yekunda isə matç Almaniya millisinin 4-1 hesablı qələbəsi ilə başa çatdı və ingilislər turnirlə vidalaşdı.

İngiltərə millisinin yarışı dəyandırmasından sonra Lempard 1966-cı ildən bəri qapıya doğru 37 zərbə vurmasına rəğmən qol hesabını açmayan futbolçu rekorduna sahib olmuşdur.

Avro 2012

2011-ci ilin fevralın 8-də Danimarka millisinə qarşı keçiriləcək yoldaşlıq matçında Stiven Cerrard və Rio Ferdinandın zədə səbəbiylə oynaya bilməyəcəyindən Lempardın kapitanlıq sarğısını daşıyacağı bəyan edildi. Avro 2012 təsnifat mərhələsində Lempard 2 qola imza atdı. Bunların birincisi Uels millisinə qarşı ikincisi isə İsveçrə milli futbol komandasına qarşı keçirilən matçda qeydə alınmışdır. Hər iki qolu o, penalti zərbəsindən vurmuşdur. Bu oyunlardan sonra o, İngiltərə yığmasında penalti zərbələrindən ən çox qol vurmuş oyunçu adını qazandı. 2011-ci ilin noyabrında Lempard İspaniya millisinə qarşı keçirilmiş növbəti yoldaşlıq matçındada kapitanlıq sarğısını daşıyırdı və oyunun yekununda məhz onun vurduğu qol ilə İngiltərə 1-0 hesablı qələbə qazandı.

2012-ci ilin avqust ayında baş məşqçi Roy Hocson İngiltərənin İtaliya millisinə qarşı keçirəcəyi növbəti yoldaşlıq matçında Lempardın kapitanlıq sarğısını daşıyacağını bəyan etdi və bu görüş ingilislərin 2-1 hesablı qələbəsi ilə başa çatdı.

2014 FİFA Dünya Kuboku təsnifat mərhələsi

Lempard təsnifat mərhələsinin ilk oyununda Moldova millisinə qarşı keçirdiyi matçda milli komandada özünün 24-cü və 25-ci qollarını vurdu və yekunda İngiltərə millisi 5-0 hesablı qələbəyə sevindi. Onun ilk qolu İngiltərənin 100-cü penalti qolu idi.

Lempard 26-cı beynəlxalq qoluna Ukrayna komandasına keçirilən matçda vurdu və beləliklə qolların sayını Brayn Robson ilə bərabərləşdirdi.

Martın 22-də o San-Marinoya qarşı görüşdə 28-ci qoluna imza ataraq Devid Platı keçdi və İngiltərə millisinin ən məhsuldar yarımmüdafiəçisi adını qazandı.

2014 FİFA Dünya Kuboku

2014-cü ilin mayın 12-də Lempard dünya çempionatına aparılacaq 23 nəfərlik heyətə daxil edildi və 1 həftə sonra vitse-kapitan olacağı elan edildi. İyunun 24-də Kosta Rika millisinə qarşı oynanılan qrupun son matçında o, kapitanlıq sarğısını daşıyırdı və görüş 0-0 habı ilə başa çatdı.

Millidən gediş

2014-cu ilin avqustun 26-da Lempard milli karyerasını başa vurduğunu açıqladı. Beləliklə o, 106 matçda millinin formasını geyindi və 29 dəfə fərqlənə bildi.

Beynəlxalq qollar

#	Tarix	Məkan	Cap	Rəqib	Hesab	Nəticə	Yarış
1	20 Avqust 2003	Portman Road, İpsviç	12	Xorvatiya  Xorvatiya	3–1	Q	Yoldaşlıq oyunu
2	5 İyun 2004	Mançester Şəhər Stadionu, Mançester	19	İslandiya  İslandiya	6–1	Q	2004 FA Yay Turniri
3	13 İyun 2004	Eştadio da Luş, Lissabon	20	Fransa  Fransa	1–2	M	UEFA Avro 2004
4	21 İyun 2004	Eştadio da Luş, Lissabon	22	Xorvatiya  Xorvatiya	4–2	Q	UEFA Avro 2004
5	24 İyun 2004	Eştadio da Luş, Lissabon	23	Portuqaliya  Portuqaliya	2–2	B	UEFA Avro 2004
6	4 Sentyabr 2004	Ernst-Happel Stadionu, Vyana	25	Avstriya  Avstriya	2–2	B	2006 FİFA Dünya Kuboku təsnifat mərhələsi
7	9 Oktyabr 2004	Old Trafford, Mançester	27	Uels  Uels	2–0	Q	2006 FİFA Dünya Kuboku təsnifat mərhələsi
8	26 Mart 2005	Old Trafford, Mançester	31	Şimali İrlandiya  Şimali İrlandiya	4–0	Q	2006 FİFA Dünya Kuboku təsnifat mərhələsi
9	8 Oktyabr 2005	Old Trafford, Mançester	36	Avstriya  Avstriya	1–0	Q	2006 FİFA Dünya Kuboku təsnifat mərhələsi
10	12 Oktyabr 2005	Old Trafford, Mançester	37	Polşa  Polşa	2–1	Q	2006 FİFA Dünya Kuboku təsnifat mərhələsi
11	3 İyun 2006	Old Trafford, Mançester	40	Yamayka  Yamayka	6–0	Q	Yoldaşlıq oyunu
12	16 Avqust 2006	Old Trafford, Mançester	46	Yunanıstan  Yunanıstan	4–0	Q	Yoldaşlıq oyunu
13	22 Avqust 2007	Uembli Stadionu, London	56	Almaniya  Almaniya	1–2	M	Yoldaşlıq oyunu
14	21 Noyabr 2007	Uembli Stadionu, London	60	Xorvatiya  Xorvatiya	2–3	M	UEFA Avro 2008 təsnifat mərhələsi
15	28 Mart 2009	Uembli Stadionu, London	68	Slovakiya  Slovakiya	4–0	Q	Yoldaşlıq oyunu
16	6 İyun 2009	Almatı Mərkəzi Stadionu, Almatı	70	Qazaxıstan  Qazaxıstan	4–0	Q	2010 FİFA Dünya Kuboku təsnifat mərhələsi
17	10 İyun 2009	Uembli Stadionu, London	71	Andorra	6–0	Q	2010 FİFA Dünya Kuboku təsnifat mərhələsi
18	5 Sentyabr 2009	Uembli Stadionu, London	73	Sloveniya  Sloveniya	2–1	Q	Yoldaşlıq oyunu
19	9 Sentyabr 2009	Uembli Stadionu, London	74	Xorvatiya  Xorvatiya	5–1	Q	2010 FİFA Dünya Kuboku təsnifat mərhələsi
20	9 Sentyabr 2009	Uembli Stadionu, London	74	Xorvatiya  Xorvatiya	5–1	Q	2010 FİFA Dünya Kuboku təsnifat mərhələsi
21	26 Mart 2011	Millennium Stadionu, Kardiff	85	Uels  Uels	2–0	Q	UEFA Avro 2012 təsnifat mərhələsi
22	4 İyun 2011	Uembli Stadionu, London	86	İsveçrə  İsveçrə	2–2	B	UEFA Avro 2012 təsnifat mərhələsi
23	12 Noyabr 2011	Uembli Stadionu, London	90	İspaniya  İspaniya	1–0	Q	Yoldaşlıq oyunu
24	7 Sentyabr 2012	Zimbru Stadionu, Kişinyov	92	Moldova	5–0	Q	2014 FİFA Dünya Kuboku təsnifat mərhələsi
25	7 Sentyabr 2012	Zimbru Stadionu, Kişinyov	92	Moldova	5–0	Q	2014 FİFA Dünya Kuboku təsnifat mərhələsi
26	11 Sentyabr 2012	Uembli Stadionu, London	93	Ukrayna  Ukrayna	1–1	B	2014 FİFA Dünya Kuboku təsnifat mərhələsi
27	6 Fevral 2013	Uembli Stadionu, London	94	Braziliya  Braziliya	2–1	Q	Yoldaşlıq oyunu
28	22 Mart 2013	San Marino Stadionu, Serravalle	95	San-Marino  San-Marino	8–0	Q	2014 FİFA Dünya Kuboku təsnifat mərhələsi
29	29 May 2013	Uembli Stadionu, London	96	İrlandiya  İrlandiya	1–1	B	Yoldaşlıq oyunu

İstinadlar

1. Chris Hatherall (5 July 2004). "Four All-Star Lions". The Football Association. 4 April 2005 tarixində orijinalından arxivləşdirilib. İstifadə tarixi: 12 April 2007.
2. "And the winner is." The Football Association. 20 January 2005. 8 May 2014 tarixində orijinalından arxivləşdirilib. İstifadə tarixi: 8 May 2014.
3. McNulty, Phil (10 June 2006). "England 1–0 Paraguay". BBC News.
4. . ESPNsoccernet. 14 June 2006 tarixində orijinalından arxivləşdirilib. İstifadə tarixi: 9 December 2006.
5. McKenzie, Andrew (22 August 2007). "England 1–2 Germany". BBC News.
6. "Barnes angered by Lampard booing". BBC Sport. 14 October 2007. İstifadə tarixi: 18 October 2007.
7. England 5 1 Croatia England recreate Magic of Munich goal.com
8. Garside, Kevin (27 June 2010). . The Daily Telegraph. London. 30 June 2010 tarixində orijinalından arxivləşdirilib. İstifadə tarixi: 31 July 2017.
9. Rogers, Simon (27 June 2010). "England v Germany: match statistics". The Guardian. London.
10. "Frank Lampard to captain England against Denmark". BBC Sport. 8 February 2011. İstifadə tarixi: 8 February 2011.
11.  (por.) País de Gales vs Inglaterra Escalações e Estatísticas. Goal.
12. "England 2–2 Switzerland". BBC News. 4 June 2011.
13.  (por.) www.goal.com. www.goal.com (27 September 2012).
14. "Lampard handed England armband". ESPNSoccerent. 14 August 2012.
15. McNulty, Phil. (11 September 2012) England 1–1 Ukraine. BBC Sport.
16. "San Marino 0–8 England player ratings". Daily Mirror. London. 22 March 2013.
17. "World Cup 2014: England name Ross Barkley in squad". BBC Sport. 12 May 2014. İstifadə tarixi: 3 August 2014.
18. . BBC Sport. 18 May 2014. 25 July 2014 tarixində orijinalından arxivləşdirilib. İstifadə tarixi: 3 August 2014.
19. "England's World Cup ended without even the scant consolation of a victory as they played out a tame draw with Costa Rica in Belo Horizonte". BBC Sport. 24 June 2014. İstifadə tarixi: 3 August 2014.
20. "Frank Lampard retires from duty after 106 caps". BBC Sport. 26 August 2014. İstifadə tarixi: 26 August 2014.
21. "Frank Lampard announces retirement from international football after 106 caps and 29 goals for England". Daily Mail. London. 26 August 2014. İstifadə tarixi: 26 August 2014.