Belçika qadın milli voleybol komandası

Belçika
Reytinqdə sırası	22 (2014 yanvar ayı üçün)
Konfederasiya	CEV
Federasiya	FRBV
Məşqçi	Gert Vande Broek
İnternet Saytı	Belçika Voleybol Federasiyası
Olimpiya oyunları
İştirakı	-
Ən yaxşı nəticəsi	-
Dünya çempionatı
İştirakı	2 dəfə (debütü 1956-cı il)
Ən yaxşı nəticəsi	12-ci yer : 1956
Avropa çempionatı
İştirakı	7 dəfə (debütü 1967-ci il)
Ən yaxşı nəticəsi	3-ci yer : 2013

Belçika qadın milli voleybol komandası — son illərdə dünya voleybolunda formalaşan ən güclü komandalardan sonuncusu hesab olunur. Belə ki, bu milli 2013-cü ildəki möhtəşəm yüksəlişi sayəsində kəşf edilmişdir. Qısa müddətdə dünya voleyboluna səs salan bu millinin gələcəkdə hələ çox komandanın başını ağrıdacağı gözlənilir.

Tarixi

Belçika millisi 1956-cı ildə ilk dəfə olaraq mundiala vəsiqə qazanmışdı. Həmin turnirdə on üçüncü yeri tutan milli doqquz il sonra da Avropa çempionatına vəsiqə qazanmış, bu turnirdə də ilk onluqda yer tuta bilməmişdi.

Milli komandanın 2013-cü ilə qədər hər hansı böyük bir uğuru olmamışdı. Bu ildə keçirilən Avropa çempionatında göstərilən möhtəşəm oyun və qazanılan bürünc medal voleybol mediyasını çaş-baş salmışdı. Həmin turnirdə milli ilk olaraq İtaliya, Fransa və otuz üç il sonra bu turnirə qatılan İsveçrə ilə bir qrupa düşmüşdü. Qrupda hər üç milli komandanı məğlub edən Belçikanın uğuru çoxları tərəfindən təsadüf sayılırdı. Ancaq komanda bunun süpriz olmamasını növbəti turlarda bütün voleybolsevərlərə nümayiş etdirdi. Onlar pley-offda da Fransanı 3-2 yenərək yarımfinala yüksəlmişdi. Bu mərhələyə qədər böyük sensassiyaya imza atan Belçika qadın millisin yolunu təşkilatçı ölkələrdən Almaniya kəsdi. Bu matçda 2-0 öndə olmasına rəğmən 3-2 uduzan millinin üçüncülük matçındakı rəqibi digər yarımfinal görüşünün məğlubu Serbiya oldu. Həmin görüşdə da qalib gələn Belçika milli voleybol komandası tarixinin ən böyük uğuruna imza ataraq bürünc medalllara yiyələndi.

Avropa çempionatından öncə isə 2013-cü ilin iyununda milli komanda başqa bir uğura da imza atmışdı. Komanda bu zaman mini turnirlərin ən önəmlilərindən sayılan Avropa Liqasında iştirak etmişdi. Qruplarda qazandığı 29 xalla birinci yeri tutan Belçika yarımfinala yüksəlmişdi. Bu mərhələdə Rumıniya millisinə heç bir set verməyərək adını finala yazdırmışdı. Finalda daha sonra Avropa çempionatında da qarşısını kəsəcək Almaniya millisinə uduzan Belçika Avropa miqyaslı tunirlərdə ilk medalını qazanmışdı. Həmin vaxt turnirin Ən Dəyərli Oyunçusu da məhz Belçika komandasının kapitanı Çarlotte Leys olmuşdu.

Millinin 2014-cü ilin ilk yarısı üçün ən sonuncu uğuru isə 36 il sonra dünya çempionatının final mərhələsinə vəsiqə qazanması idi. Bu turnirin seçmə mərhələsinin K qrupunda Polşa kimi nəhəng voleybol ölkəsi sayılan, 2009 Avropa çempionatının qalibi olan bir millini geridə qoyaraq mundialın final mərhələsindən kənarda qoymuşdu. Həmin turnirin final mərhələsinin püşkatmasına əsasən Belçika millimizlə eyni qrupa düşmüşdü.

Heyəti

2013-cü il Avropa çempionatı üçün rəsmi heyət

• Baş məşqçi :   Gert Vande Broek

Nömrə	Oyunçunun adı	Mövqeyi	Çıxış etdiyi klub
1	Nina Kulman	Hücumçu	Asterix Kieldrext
2	Britt Ruysschaert	Libero	Asterix Kieldrext
3	Frauke Dirickx	Toppaylayıcı	Dabrova Gornicza
4	Valeri Kurtua	Libero	Oudegem
5	Laura Heyrman	Blokçu	Dresdner
6	Çarlotte Leys	Hücumçu	Dabrova Gornicza
9	Freya Aelbrecht	Blokçu	Kann
10	Lise Van Hecke	Diaqonal	Tiboni Urbino
11	Els Vandestini	Hücumçu	Amburgo
12	Angie Bland	Blokçu	Alemannia
14	Helene Rousseaux	Hücumçu	Muszinianka
16	Casmin Biebauv	Toppaylayıcı	Oudegem
17	İlka Van de Vyver	Toppaylayıcı	Kann
19	Lore Gillis	Diaqonal	Oudegem

Əsas turnirlərdə qazandığı nəticələr

Dünya Çempionatı

İl	Təşkilatçı ölkə	Nəticəsi
1952	SSRİ	təsnifat keçilmədi
1956	Fransa	13-cü yer
1960	Braziliya	təsnifat keçilmədi
1962	SSRİ	təsnifat keçilmədi
1967	Yaponiya	təsnifat keçilmədi
1970	Bolqarıstan	təsnifat keçilmədi
1974	Meksika	təsnifat keçilmədi
1978	SSRİ	22-ci yer
1982	Peru	təsnifat keçilmədi
1986	Çexoslovakiya	təsnifat keçilmədi
1990	ÇXR	təsnifat keçilmədi
1994	Braziliya	təsnifat keçilmədi
1998	Yaponiya	təsnifat keçilmədi
2002	Almaniya	təsnifat keçilmədi
2006	Yaponiya	təsnifat keçilmədi
2010	Yaponiya	təsnifat keçilmədi
2014	İtaliya	təsnifat keçilmədi

Avropa Çempionatı

İl	Təşkilatçı ölkə	Nəticəsi
1949	Çexoslovakiya	təsnifat keçilmədi
1950	Bolqarıstan	təsnifat keçilmədi
1951	Fransa	təsnifat keçilmədi
1955	Rumıniya	təsnifat keçilmədi
1958	Çexoslovakiya	təsnifat keçilmədi
1963	Rumıniya	təsnifat keçilmədi
1967	Türkiyə	14-cü yer
1971	İtaliya	təsnifat keçilmədi
1975	Yuqoslaviya	12-ci yer
1977	Finlandiya	təsnifat keçilmədi
1979	Fransa	12-ci yer
1981	Bolqarıstan	təsnifat keçilmədi
1983	Şərqi Almaniya	təsnifat keçilmədi
1985	Niderland	təsnifat keçilmədi
1987	Belçika	təsnifat keçilmədi
1989	Almaniya	təsnifat keçilmədi
1991	İtaliya	təsnifat keçilmədi
1993	Çexiya	təsnifat keçilmədi
1995	Niderland	təsnifat keçilmədi
1997	Çexiya	təsnifat keçilmədi
1999	İtaliya	təsnifat keçilmədi
2001	Bolqarıstan	təsnifat keçilmədi
2003	Türkiyə	təsnifat keçilmədi
2005	Xorvatiya	təsnifat keçilmədi
2007	Belçika/  Lüksemburq	7-ci yer
2009	Polşa	11-ci yer
2011	Serbiya/  İtaliya	təsnifat keçilmədi
2013	Almaniya/  İsveçrə	Bürünc medal

Digər turnirlərdə qazandığı nəticələr

Avropa Liqası

İl	Təşkilatçı şəhər	Nəticəsi
2009	Kayseri	dəvət göndərilmədi
2010	Ankara	dəvət göndərilmədi
2011	İstanbul	dəvət göndərilmədi
2012	Karlovı Varı	dəvət göndərilmədi
2013	Varna	Gümüş medal

İstinadlar

1. FIVB Senior World Ranking - Women As per January 2014  (ing.)
2. Euro 2013 volley Teams  (alm.)
3. 2013 EC: Belgian heroines claim historical bronze medal at EuroVolley 2013  (alm.)
4. 2013 CEV Volleyball European League - Women 2014-05-13 at the Wayback Machine  (ing.)
5. GETTING TO KNOW: BELGIUM “YELLOW TIGER” VALÉRIE COURTOIS  (ing.)
6. Euro 2013-Teams  (ing.)  (alm.)  (fr.)

Xarici keçidlər

•  (nid.) Belçika Voleybol Federasiyası Rəsmi Saytı