Tuvalu Sakit okeanda doqquz mərcan adasından ibarət Polineziya ölkəsi ölkə Avstraliya və Havay adalarının arasında yerlə

Tuvalu — Sakit okeanda doqquz mərcan adasından ibarət Polineziya ölkəsi. Ölkə Avstraliya və Havay adalarının arasında yerləşir. Tuvalu ada dövləti olduğundan heç bir dövlət ilə quru sərhəddinə malik deyil, ancaq ölkənin yaxınlığında Kiribati, Fici və Samoa adaları yerləşir. Tuvalu dünyada Vatikan, Monako və Naurudan sonra dünyanın ən kiçik ölkəsidir. Ölkənin cəmi 25,9 kv km ərazisi vardır. Vatikandan sonra isə ən az əhalisi olan ikinci müstəqil dövlətdir. Eyni zamanda Tuvalu BMT-nin üzvüləri arasında ən az əhaliyə malikdir. 1978-ci ilin 1 yanvar tarixində Böyük Britaniyadan öz müstəqilliyi qazandıqdan sonra Tuvalu əsasən turizm sahəsini inkişaf etdirməyə başlamışdır. Qlobal istiləşmə son illər ölkənin su altında qalma ehtimalını artırmışdır. Paytaxt Funafuti dəniz səviyyəsindən cəmi 5 metr yüksəkdə yerləşməsi vəziyyəti daha da gərginləşdirmişdir. Əgər Qlobal istiləşmə nəticəsində istilik 1 dərəcə yüksəlsə, Tuvalu tamam su altında qalacaqdır. Bu səbəbdən adada yaşayan yerli xalq indidən Avstraliya və Yeni Zelandiyaya miqrasiya etməyə başlamışdır.

Tuvalu


Bayraq	Gerb^[d]

Tuvalu mo te Atua

Himn: Tuvalu mo te Atua

Rəsmi dilləri

ingilis dili

İdarəetmə forması

Kral

General-qubernator

Baş nazir

(2024–cu ildən]]

Sahəsi

Dünyada 238-ci

• Ümumi

26 km²

Əhalisi

• Əhali

11,646 nəfər (229-cu)

• Siyahıyaalma (2017)

10,645 nəf.

• Sıxlıq

400 nəf./km²

ÜDM (AQP)

• Ümumi

37 mln $ dollar (226-cı)

• Adambaşına

3300 dollar ()

Valyuta

Avstraliya dolları

İnternet domeni

.tv

TV

BOK kodu

TUV

Telefon kodu

+688

Saat qurşaqları

Nəqliyyatın yönü

sol^[d]

Vikianbarda əlaqəli mediafayllar

Tarix

Əsas məqalə:

Arxipelağın erkən tarixi ətraflı öyrənilməmişdir. Təxminən bizim eramızın 500-cü ilində Tuvalu arxipelaqının 300 adasında Tonqa və Samoadan gələn gəlmələr məskunlaşmışdır. Nanumanqa adasında olan bir mağaradan tapılmış tonqal izləri arxipelağın daha əvvəl məskunlaşılmasını düşünməyə əsas verir. Tuvalunu ilk kəşf edən avropalı ispan dəniz səyyahı olmuşdur. O, 1568-ci ildə adaların yanından keçmişdir.Səyahətçi arxipelağı "Laqun adaları" kimi adlandırdı. XVIII əsrə qədər Tuvalu başqa dəniz səyyahları tərəfindən yaxşı öyrənilməmişdi. Yalnız ingilis kapitanlar və Con Marşall adaya ekspedisiya təşkil edib arxipelağın bir hissəsini ətraflı tədqiq etmişdilər. Kanada gəmisi "Rebekka"nın kapitanı arxipelağı gəminin sahibinin şərəfinə "Ellis adaları" kimi adlandırmışdı. XIX əsrin birinci yarısında balina ovçuları gəmilərlə Tuvaluya səyahət etməyə başladılar. Lakin əcnəbi gəmilərinin yan alması üçün əlverişli limanlar olmadığına görə əcnəbilər burada yaşayış məntəqəsinin əsasını qoymamışdılar.

İnzibati bölgü

Tuvalunun inzibati olaraq 7 ada (Nanumea, Niutao, Nanumanqa, Nui, , və Nukufetau) və 1 şəhər bələdiyyəsinə (Funafuti) bölünmüşdür.

№	Əyalət	İngilis dilində ad	Sahə, km²	Əhali (2002)	Sıxlıq adam/km²
1		Vaitupu	5,60	1591	284
2	Nanumanqa	Nanumanga	2,78	589	212
3	Nanumea	Nanumea	3,87	664	171
4	Niutao	Niutao	2,53	698	276
5	Nui	Nui	3,25	548	169
6		Nukulaelae	1,82	393	216
7	Nukufetau	Nukufetau	2,99	586	196
8	Funafuti	Funafuti	2,79	4492	1610
	Hamısı		25,63	9 561	373

Adaları

Funafuti
Nanumaya
Nanumea
Nui
Niutao
Niulakita
Nukufetau
Nukulaelae
Vaitupu

İqtisadiyyat

Ölkənin əhalisi natural kənd təsərrüfatı ilə məşğuldur. Adaların şoran torpağında yalnız kokos palması bitir. Balıq ehtiyatları Tuvalunun əsas təbii sərvətlərindəndir. Yerli kişilərin bir hissəsi xarici gəmilərdə matros kimi işləyir, yerdə qalanların çoxusu xaricə köçmək arzusundadır.

İstinadlar

http://chartsbin.com/view/edr.
"Administrative Divisions of Countries" (ingilis). 2011-08-10 tarixində arxivləşdirilib. İstifadə tarixi: 25 iyul 2008.

Tuvalu ilə əlaqədar bu məqalə qaralama halındadır. Məqaləni redaktə edərək Vikipediyanı zənginləşdirin.

[_09f2c6a8e8935a33-1] ttp://chartsbin.com/view/edr.

[2] "Administrative Divisions of Countries" (ingilis). 2011-08-10 tarixində arxivləşdirilib. İstifadə tarixi: 25 iyul 2008.