Suriya Hərbi Hava Qüvvələri
Suriya Hərbi Hava Qüvvələri (ərəb. القوات الجوية العربية السورية, Al Quwwat al-Jawwiyah al Arabiya as-Souriya) Suriya Silahlı Qüvvələrinin tərkibinə daxil olan xüsusi hərbi birləşmədir. Əsası 1948-ci ildə qoyulmuşdur. Quruda yerləşən hava hücumundan müdafiə sistemləri Suriya Hava Hücumundan Müdafiə Qüvvələrinin rəhbərliyi altında qruplaşdırılır. Bir çox Qərb yönümlü kəşfiyyat mənbələrinin məlumatına görə, bu qoşunların gecə döyüşü aparmaq qabiliyyəti yoxdur.
Suriya Hərbi Hava Qüvvələri | |
---|---|
القوات الجوية العربية السورية | |
Növü | Hərbi Hava Qüvvələri |
Mövcud olduğu illər | 1948 - günümüzə |
Dövlət | Suriya |
Daxildir | Suriya Silahlı Qüvvələri |
Sayı | 60,000 nəfər (20,000 nəfər ehtiyat qüvvə daxil olmaqla) 461 uçuş avadanlığı |
Qərargah | |
Ləqəbi | SyAAF |
Marşı | "Biz qartallarıq" |
Müharibələr | Altıgünlük müharibə Yom Kippur müharibəsi Livan müharibəsi (1982) Suriya vətəndaş müharibəsi |
Döyüşlər | |
Fərqlənmə nişanları | |
Komandanlıq | |
Komandir | General İssam Hallaq |
Keçmiş Komandirlər | Hafiz Əsəd |
Vikianbarda əlaqəli mediafayllar |
Suriya vətəndaş müharibəsində iştirakı
Suriya vətəndaş müharibəsinin başlanğıcında yəni, 2012-ci ilin ortalarına qədər olan mərhələdə Suriya HHQ döyüş əməliyyatlarında birbaşa iştirak etməmiş, daha çox ikinci dərəcəli qüvvə rolu oynamışdır.
Bu situasiya 22 mart 2012-ci il tarixində dəyişmişdir. Qeyd olunan tarixdə Suriya hökumət qüvvələri Mi-8 və Mi-17 tipli döyüş-nəqliyyat helikopterlərindən atəş açaraq müharibə ərzində ilk dəfə aviasiyadan istifadə etməyə başlamışdır. 2012-ci il iyun ayının ortalarından etibarən 250 kq və ya daha ağır aviasiya bombaları vasitəsilə zərbə vurmaq qabiliyyətinə sahib olan Mi-24 döyüş helikopterlərindən istifadə olunmağa başlamaqla bu müharibə tarixində yeni mərhələ başlamışdır.
24 iyul 2012-ci ildə üsyançı qüvvələr tərəfindən döyüş aviasiyası istifadə olunmağa başlamışdır. Döyüş əməliyyatları ərzində çəkilmiş video materiallardan göründüyü qədəri ilə üsyançılar ilk əvvəl əsasən təlim məqsədilə istifadə olunan L-39 təyyarələrindən qarşı tərəfin mövqelərinə aviazərbələr endirilməsində istifadə etmiş, sonradan bu təyyarələrin siyahısına Sovet istehsalı MiQ-21 və MiQ-23 qırıcıları əlavə olunmuşdur. Bir neçə həftə sonra baş tutmuş hərbi əməliyyatlarda Suriya hökumət qüvvələri tərəfindən Su-22 döyüş təyyarəsi, 2012-ci ilin noyabrında isə Su-24 bombardmançı təyyarələrindən istifadə olunması qeydə alınmışdır. 2012-ci ilin dekabrında üsyançıların mövqelərinə zərbə endirilməsi zamanı Skad ballistik raketindən istifadə olunmuşdur.
22 oktyabr 2013-cü ildə Suriya HHQ-nə yeni çatdırılmış S-8 tipli hava-yer raketi ilə silahlanmış MiQ-29 paytaxt Dəməşq şəhərinin üzərindən keçərkən görüntülənmişdir. Müharibənin gedişində MiQ-29 qırıcılarından üsyançıların mövqelərinə zərbələr endirilməsində aktiv istifadə olunmuşdur.
Müharibə ərzində MiQ-25 döyüş təyyarəsindən istifadə olunması barədə məlumat ilk dəfə 8 fevral 2014-cü ildə mətbuatda görünmüşdür. Həmin tarixdə Suriya HHQ-nə aid bir ədəd MiQ-25 Türkiyə sərhədinə yaxınlaşdığına görə, Türkiyə HHQ-nə məxsus iki ədəd F-16 tərəfindən təqib olunmuş və geri çəkilməyə məcbur edilmişdir.
Suriya HHQ döyüş əməliyyatlarında aktiv istifadə olunmağa başladıqdan sonra üsyançılar da daha çox zenit-raket kompleksləri ilə silahlanmaya başlamışdır. Azad Suriya Ordusu və digər qruplaşmalar bir neçə dəfə hökumət qüvvələrinə məxsus silah anbarları və ya idxal əməliyyatı həyata keçirən gəmilərə hücum edərək Çin və Rusiya istehsalı silahlar ələ keçirmişdir. 2012-ci ilin avqust ayından etibarən Suriya HHQ-nə məxsus bir neçə təyyarə və helikopter vurularaq sıradan çıxarılmışdır. 2014-cü ildə Jane´s hərbi məlumat jurnalının məlumatına əsasən Suriya HHQ-nə aid MiQ-29 və Su-24 döyüş təyyarələri qarşı tərəfin mövqelərinə zərbə endirilməsində idarəolunan raketlərdən istifadə etmişdir.
2014-cü ilin oktyabrı və 2015-ci ilin iyul ayları ərzində baş tutmuş hərbi əməliyyatlar çərçivəsində Suriya HHQ ümumilikdə 26,517 hava hücumu həyata keçirmişdir. 2015-ci ilin əvvəllərində yayılmış xəbərlərdə Suriyanın hava hücumlarında rus pilotların da iştirak etdiyi qeyd olunmuşdur. Buna baxmayaraq, heç bir müstəqil mənbə vurulmuş təyyarələrin pilotları arasında rusların olması barədə məlumat verməmişdir.
18 iyun 2017-ci il tarixində Tabqa şəhərinin cənubunda yerləşən Azad Suriya Ordusu mövqelərinə hava zərbələri endirən Suriya hökumət qüvvələrinə məxsus Su-22 döyüş təyyarəsi ABŞ Hərbi Hava Qüvvələrinə məxsus F/A-18 tərəfindən vurularaq məhv edilmişdir.
Təchizatı
Uçuş avadanlığı | İstehsalçı ölkə | Növü | Variantı | Sayı | Əlavə məlumat | |
---|---|---|---|---|---|---|
Döyüş təyyarəsi | ||||||
MiQ-21 | SSRİ | Qırıcı | 53 | |||
MiQ-23 | SSRİ | Qırıcı-bombardmançı | 89 | |||
MiQ-25 | SSRİ | Qırıcı | 2 | |||
MiQ-29 | Rusiya | Çoxməqsədli qırıcı | 20 | Əlavə 12 ədəd sifariş olunub | ||
Su-22 | SSRİ | Qırıcı-bombardmançı | 42 | |||
Su-24 | SSRİ | Hücum təyyarəsi | 20 | |||
Nəqliyyat | ||||||
Antonov An-26 | Ukrayna | Nəqliyyat | 2 | |||
İlyuşin İl-76 | Rusiya | Ağır nəqliyyat | 1 | |||
Helikopter | ||||||
Mi-2 | Rusiya | Nəqliyyat | 13 | |||
Mi-17 | Rusiya | Nəqliyyat | Mi-8/17 | 51 | ||
Mi-14 | Rusiya | Axtarış və xilasetmə | 11 | |||
Mi-24 | Rusiya | Döyüş helikopteri | Mi-25 | 28 | ||
Ka-27 | Rusiya | Çoxməqsədli | Ka-28 | 2 | ||
Aérospatiale Gazelle | Fransa | Yüngül hücum helikopteri | SA342 | 62 | ||
Təlim təyyarəsi | ||||||
Aero L-39 | Çexiya | Təlim/yüngül hücum təyyarəsi | 65 | |||
Yakovlev Yak-130 | Rusiya | Təlim | 36 ədəd sifariş olunub |
Həmçinin bax
İstinadlar
- http://www.globalfirepower.com/country-military-strength-detail.asp?country_id=syria
- "bellingcat - The Syrian Arab Air Force, Beware of its Wings". İstifadə tarixi: 15 noyabr 2017.
- "Council Implementing Decision 2012/424/CFSP of 23 July 2012 implementing Decision 2011/782/CFSP concerning restrictive measures against Syria". Official Journal of the European Union. 24 iyul 2012.
- Borger, Julian (21 sentyabr 2016). "Boris Johnson: 'strong' evidence Russia carried out strike on UN convoy in Syria". The Guardian (ingilis). ISSN 0261-3077. İstifadə tarixi: 15 noyabr 2017.
- "First video of a Syrian helicopter gunship attacking rebels near Azaz, northwest of Aleppo". The Aviationist. 22 mart 2012. İstifadə tarixi: 16 noyabr 2017.
- "Syrian air war escalates: the Mil Mi-24 Hind gunship makes its debut against rebel forces". The Aviationist. 12 iyun 2012. İstifadə tarixi: 16 noyabr 2017.
- "New videos show Syrian gunship helicopters dropping bombs on Homs and Damascus". The Aviationist. 18 iyul 2012. İstifadə tarixi: 16 noyabr 2017.
- "Syrian Arab Air Force trainer jets turned into attack planes to strike rebel positions". The Aviationist. 30 iyul 2012. İstifadə tarixi: 16 noyabr 2017.
- . Air.blastmagazine.com. 24 iyul 2012. 2013-05-13 tarixində orijinalından arxivləşdirilib. İstifadə tarixi: 16 noyabr 2017.
- Babak Dehghanpisheh (29 iyul 2013). "Syrian aircraft bomb Aleppo as rebels fight for city". The Washington Post. İstifadə tarixi: 16 noyabr 2017.
- "Assad deploys Syrian Air Force Sukhoi Su-24 Fencer attack planes to hit rebels hard". The Aviationist. 16 noyabr 2012. İstifadə tarixi: 16 noyabr 2017.
- Gordon, Michael R.; Schmitt, Eric (12 dekabr 2012). "Assad Fires Scuds at Rebels, U.S. Says, Escalating War in Syria". The New York Times.
- "The Aviationist » Syrian Mig-29 Fulcrum jets appear in the skies over Damascus during ground attack missions". The Aviationist. İstifadə tarixi: 16 noyabr 2017.
- "Syria Civil War- Fierce Clearly Visible Low Flight MIG 29 Airstrike On Syrian Rebels". YouTube. 21 mart 2014. İstifadə tarixi: 16 noyabr 2017.
- "Turkish F-16 jets scramble to intercept 2 Syrian Su-24s". İstifadə tarixi: 16 noyabr 2017.
- "Sudan becomes the newest player in Syria's protracted conflict: NYT - Sudan Tribune: Plural news and views on Sudan". Sudan Tribune. İstifadə tarixi: 16 noyabr 2017.
- Kaphle, Anup (13 avqust 2012). "Syrian fighter jet crashes; rebels claim they shot it down - WorldViews". The Washington Post. İstifadə tarixi: 16 noyabr 2017.
- "Russia helps keep Syria's MiG-29s flying". İstifadə tarixi: 16 noyabr 2017.
- http://www.aljazeera.com/news/2015/08/highest-number-syria-air-strikes-recorded-july-150801142450925.html
- "Assad on the back foot". The Economist. 4 aprel 2015. İstifadə tarixi: 16 noyabr 2017.
A well-connected man in Damascus says many are flown by Russians, whose government backs Mr Assad
- http://www.nrttv.com/EN/Details.aspx?Jimare=15100
- http://www.dailystar.co.uk/news/latest-news/623290/Syria-US-Warplane-Coalition-FA-18-SU-22-Russia-Vladimir-Putin-Donald-Trump-Assad-War-ISIS
- ↑ "World Air Forces 2017". Flightglobal Insight. 2017. İstifadə tarixi: 15 August 2017.
Xarici keçidlər
- Russia implementing contract signed with Syria for the delivery of 5 MiG-31E fighter-interceptors
- Cooper, Tom (30 sentyabr 2003). "Israeli-Syrian Shadow Boxing". ACIG.org. İstifadə tarixi: 15 noyabr 2017.