Oyan Nəzəriani

Oyan Nəzəriani (azərb-ərəb. اویان نظریانی ‎ ing. Oyan Nazariani d. 05.08.1994, Urmiya) — Urmiyada doğulmuş azərbaycanlı yunan-roma güləşçisi. 2014-cü ildən etibarən güləş üzrə Azərbaycan yığma komandasında çıxış edir. 2016-cı ildə Bakıda keçirilən beynəlxalq "Qızıl Qran-Pri" turnirində qızıl, 2017-ci ildə İranın Abadan şəhərində keçirilən Yunan-Roma güləşi üzrə Dünya Kubokunda gümüş medal qazanıb. Dördqat respublika çempionudur. 2020-ci ildən etibarən Çimərlik güləşi üzrə Azərbaycan yığmasının baş məşqçisidir.

Oyan Nəzəriani
azərb-ərəb. اویان نظریانی‎
Şəxsi məlumatlar
Tam adı	Oyan Əbdülhəmid oğlu Nəzəriani
Vətəndaşlığı	Azərbaycan Azərbaycan
Doğum tarixi	5 avqust 1994 (27 yaş)
Doğum yeri	Urmiya Qərbi Azərbaycan ostanı
Boyu	185 sm.
Çəkisi	130 kq.
İdman növü	Sərbəst güləş Yunan-Roma güləşi Çimərlik güləşi
Medallar Dünya Kuboku Gümüş 2017 Abadan 130 kq. Avropa Kuboku Gümüş 2015 Moskva 130 kq. Bürünc 2016 Moskva 130 kq. Qızıl Qran-Pri turniri Qızıl 2016 Bakı 130 kq. Çimərlik güləşi üzrə dünya çempionatı Qızıl 2019 Zaqreb 130 kq. Azərbaycan Çempionatı Qızıl 2015 Bakı 130 kq. Qızıl 2016 Bakı 130 kq. Qızıl 2017 Bakı 130 kq. Qızıl 2018 Bakı 130 kq.

Həyatı və təhsili

Oyan Nəzəriani 1994-cü ildə Qərbi Azərbaycan ostanının Urmiya şəhərində anadan olub. Orta məktəbi Urmiyada bitirdikdən sonra Mahabad Azad Universitetinin hüquq fakultəsində təhsil alıb.

Karyerası

2003-cü ildən etibarən güləşlə məşğul olmağa başlayıb. 2011-ci ildə gənclər arasında keçirilən İran çempionatında üçüncü yeri tutub. Bundan sonra İran güləş yığmasına dəvət olunub. 2013-cü ildə İran yığmasının tərkibində Türkiyənin Kahramanmaraş şəhərində keçirilən Qurtuluş turnirində bürünc medal qazanıb. 2014-cü ildə Azərbaycana köçərək turnirlərdə Azərbaycanı təmsil etməyə başlayır. 2014-cü ildə Azərbaycanda gənclər arasında keçirilən respublika çempionatında qızıl medal, "AGF Kuboku" uğrunda beynəlxalq turnirdə gümüş medal, "Naxçıvan Kuboku" uğrunda beynəlxalq turnirdə qızıl medal, Dağıstanda keçirilən beynəlxalq turnirdə isə gümüş medal qazanıb. Sonradan elə həmin ildə Polşanın Katovitse şəhərində güləş üzrə gənclər arasında Avropa çempionatında və Xorvatiyanın paytaxtı Zaqrebdə gənclər arasında güləş üzrə Dünya çempionatında çıxış edib. 2015-ci ildə Polşanın Valbrzix şəhərində güləş üzrə U-23 Avropa çempionatında iştirak etmiş, Rusiyanın paytaxtı Moskvada keçirilən güləş üzrə Avropa Millətlər Kuboku turnirində gümüş medal, Azərbaycan çempionatında isə qızıl medal almışdır. 2016-cı ildə Avropa Millətlər Kubokunda üçüncü, "Qızıl Qran Pri" beynəlxalq turnirində isə birinci yerə çıxıb. 2017-ci ildə İranın Abadan şəhərində keçirilən Yunan-Roma güləşi üzrə Dünya Kubokunda gümüş medal qazanıb. 2015, 2016, 2017 və 2018-ci illərdə 130 kq çəkidə Azərbaycan çempionu olub. 2019-cu ilin fevral ayında Türkiyənin İstanbul şəhərində keçirilən Vehbi Əmrə və Hamit Kaplanın xatirə turnirində ikinci yerə çıxaraq gümüş medal alıb. 2019-cu ilin sentyabr ayında Oyan Nəzəriani Xorvatiyanın paytaxtı Zaqrebdə çimərlik güləşi üzrə Dünya Seriyasının final mərhələsində çempion olaraq dünya çempionluğu kubokuna sahib çıxıb. 21 sentyabr 2020-ci il tarixində Çimərlik güləşi üzrə Azərbaycan yığmasının baş məşqçisi təyin edilib.

Uğurları

Yarış	AZE
	2014	2015	2016	2017	2018	2019
Dünya Kuboku			6	2
Avropa Millətlər Kuboku		2	3
"Qızıl Qran-Pri" turniri			1
Çimərlik güləşi üzrə dünya çempionatı						1
"Qızıl Qran-Pri" turniri			1
U-23 Dünya çempionatı				8
U-23 Avropa çempionatı		7	10	12
Gənclərin Dünya Çempionatı	8
Gənclərin Avropa Çempionatı	5
Vehbi Əmrə və Hamit Kaplan xatirə turniri	5					2
Azərbaycan çempionatı	3	1	1	1	1
AGF Kuboku	2
Naxçıvan Kuboku	1

İstinadlar

1. "Greco-Roman World Cup" (PDF) (ing. ). unitedworldwrestling.org. Mart 2017.
2. "Azərbaycan Güləş Federasiyasının iclası keçirilib". awf.az. 21 sentyabr 2020. 21 sentyabr 2020 tarixində arxivləşdirilib. İstifadə tarixi: 21 sentyabr 2020.
3. "Azerbaijan Wrestling Federation Cup 2014" (PDF) (ing. ). unitedworldwrestling.org. 22 aprel 2014.
4. "Final stage of Nakhchivan Cup youth freestyle wrestling tournament opens" (ing. ). azertag.az. 5 may 2014.
5. "European Junior Championships - Results Men 2014" (ing. ). the-sports.org. iyun 2014.
6. "World Championship 2014 - Junior" (PDF) (ing. ). unitedworldwrestling.org. avqust 2014.
7. "Yığma komandalarımız güləş üzrə U-23 Avropa çempionatında tam heyətlə iştirak edəcək". trend.az. 19 mart 2015.
8. "Open Cup of European Nations, Alrosa Cup" (PDF) (ing. ). unitedworldwrestling.org. noyabr 2015.
9. "Böyüklərin Azərbaycan çempionatında son günün nəticələri". awf.az. 27 dekabr 2015.
10. ""Alrosa" Intercontinental Cup" (PDF) (ing. ). unitedworldwrestling.org. noyabr 2016.
11. "QQP-2016: yunan-Roma güləşçilərimiz 4 qızıl, 1 gümüş və 2 bürünc medal qazandı". awf.az. 26 noyabr 2016.
12. "Golden Grand Prix Final" (PDF) (ing. ). unitedworldwrestling.org. noyabr 2016.
13. "37 th VEHBI EMRE & HAMIT KAPLAN TOURNAMENT" (PDF) (ing. ). unitedworldwrestling.org. 1-3 fevral 2019.
14. "Murad Məmmədov İstanbulda çempion oldu". awf.az. 3 fevral 2019.
15. "Oyan Nəzəriani Zaqrebdə çempion oldu". awf.az. 7 sentyabr 2019. 16 sentyabr 2019 tarixində .
16. "Zagreb Beach Wrestling World Series Final - Sep 2019" (PDF) (ing. ). unitedworldwrestling.org. 7-8 sentyabr 2019.
17. "Senior U23 World Championships" (PDF) (ing. ). unitedworldwrestling.org. noyabr 2017.
18. "U23 European Championship" (PDF) (ing. ). unitedworldwrestling.org. mart 2015.
19. "U23 European Championship" (PDF) (ing. ). unitedworldwrestling.org. mart 2016.
20. "U23 Senior European Championships" (PDF) (ing. ). unitedworldwrestling.org. mart 2017.

Xarici keçidlər

• 2016-cı ildə Dünya Kubokunda çıxışı
• 2016-cı ildə Qızıl Qran Pri yarışında çıxışı
• 2018-ci il Azərbaycan Çempionatında final qarşılaşması
• 2019-cu ildə Çimərlik güləşi üzrə 1/2 final görüşü
• 2019-cu ildə Çimərlik güləşi üzrə final görüşü