Nobel qardaşlarının ilk uğuru (film, 2019)
Nobel qardaşlarının ilk uğuru — qısametrajlı sənədli film.
| Nobel qardaşlarının ilk uğuru | |
|---|---|
| Janr | qısametrajlı sənədli film |
| Ssenari müəllifi | Cəlaləddin Qasımov |
| Rəssam | Xaqani Mammadov |
| Ölkə | Azərbaycan |
| Dil | Azərbaycan dili |
| İl | 2019 |
Məzmun
Filmdə Nobel qardaşlarının Azərbaycandakı fəaliyyətindən bəhs olunur. Nobel qardaşlarının Azərbaycanda geniş fəaliyyəti olmuşdur. Onlar gəlirlərinin əsas hissəsini Bakı neftindən əldə etmişdir. Nobel qardaşlarından Robert Nobel Azərbaycana qoz ağacı axtarmağa gəlir. Lakin, Bakı neftini görür və “Nobel qardaşları” firmasını yaradır. “Nobel qardaşları” firması ilə rəqabət aparan iri neft sənayesi sahiblərindən biri Hacı Zeynalabdin Tağıyev idi. Nobellərin ən inandığı, hörmət etdiyi şəxsiyyət də elə H.Z.Tağıyev olumuşdur. 1875-ci ildə “Nobel qardaşları” firmasının əsası qoyulur. Robert Nobel ilk olaraq Bakının “Qara şəhər” adlanan sahəsində 25 min rubla kiçik bir zavod alır. 1918-ci ildə onun sərvətinin miqdarı 45 milyona çatmışdır. Hesablamalara görə, həmin vəsait bu günkü məzənnə ilə 32 milyard ABŞ dollarına bərabərdir. Filmin çəkilişinə 2018-ci ildə başlanılmışdır. 17 mart 2019-cu ildə tamamlanmışdır.
Filmin üzərində işləyənlər
Ssenari müəllifi: Cəlaləddin Qasımov
Quruluşçu rejissor: Cəlaləddin Qasımov
Baş prodüser: Cəlaləddin Qasımov
Redaktor: Əkbər Qoşalı
Qrafika ustası: Xaqani Mammadov
Mətni səsləndirən: Eldost Bayram
Mükafatlar
Azərbaycan istehsalı olan “Nobel qardaşlarının ilk uğuru” sənədli filmi Avstraliyanın “Changing Face International” film festivalında ilk mükafatını alıb. Ekran əsəri bütün mərhələləri keçərək “Ən yaxşı qısa sənədli film” kateqoriyası üzrə finala vəsiqə qazanaraq birincilik uğrunda yarışacaq.
| İl | Mükafatın adı | Ölkə | Nəticə |
|---|---|---|---|
| 8 aprel 2019 | The Lift-Off Sessions | Böyük Britaniya | Seçilmiş |
| 10 aprel 2019 | Alexandre Trauner ART/Film Festival | Macarıstan | Seçilmiş |
| 11 aprel 2019 | First-Time Filmmaker Sessions | Böyük Britaniya | Seçilmiş |
| 11 may 2019 | Cefalù film festival 2019 | İtaliya | Seçilmiş |
| 1 iyun 2019 | Under The Stars International Film Festival | İtaliya | Seçilmiş |
| 5 iyul 2019 | Libélula Dorada International Short film Festival | Dominika | Seçilmiş |
| 26 iyul 2019 | Slum Film Festival 2019 | Keniya | Seçilmiş |
| 22 avqust 2019 | Accolade Global Film Competition | ABŞ | Qalib |
| 26 avqust 2019 | International Festival "Cinema Povero" | İtaliya | Finalçı |
| 9 sentyabr 2019 | 2019 Great Lakes International Film Festival | ABŞ | Seçilmiş |
| 10 sentyabr 2019 | 2019 Cutting Edge Film Festival | ABŞ | Seçilmiş |
| 19 sentyabr 2019 | Zaporizhzhia International Film Festival | Ukrayna | Finalçı |
| 14 oktyabr 2019 | Prince of Prestige Academy Awards | ABŞ | Yarı Finalçı |
| 15 oktyabr 2019 | Marmaris International Short Film Festival | Türkiyə | Seçilmiş |
| 18 oktyabr 2019 | Soul West Fest | ABŞ | Seçilmiş |
| 20 oktyabr 2019 | Changing Face International Film Festival | Avstraliya | Finalçı |
| 24 oktyabr 2019 | FIORENZO SERRA FILM FESTIVAL | İtaliya | Seçilmiş |
| 5 noyabr 2019 | Jaipur International Film Festival | Hindistan | Seçilmiş |
| 10 noyabr 2019 | Festiflix | ABŞ | Seçilmiş |
| 10 noyabr 2019 | Directors Circle Festival of Shorts Pensilvaniya | ABŞ | Seçilmiş |
| 5 dekabr 2019 | Near Nazareth Festival” | İsrail | Seçilmiş |
| 21 yanvar 2020 | The BeBop Channel Content Festival | ABŞ | Seçilmiş |
| 4 fevral 2020 | Motion For Pictures | ABŞ | Yarı Finalçı |
İstinadlar
- Azərbaycan istehsallı “Nobel qardaşlarının ilk uğuru” filmi beynəlxalq festivalda iştirak edir