Qurban Qurbanovun milli komandada vurduğu qolların siyahısı

Qurban Qurbanov hücumçu mövqeyində oynamış keçmiş Azərbaycan futbolçusudur. O, hazırda Ağdamın "Qarabağ" klubunun (2008-ci ildən) baş məşqçisidir.

Qurban Qurbanov millidə keçirdiyi 68 oyunda 14 qol vurub.

Qurbanov Azərbaycan milli futbol komandasının ən məhsuldar oyunçusudur. Keçmiş hücumçu 1992-2005-ci illərdə çıxış etdiyi Azərbaycan millisində 68 oyunda 14 qol vurub. Qurbanov artıq 14 ildir futbolçu karyerasını bitirsə də, hələ də millisinin ən məhsuldar oyunçusu olaraq qalmaqdadır.

Qurbanov 1992-ci il sentyabrın 17-də Gürcüstanla səfərdə keçirilən yoxlama oyununda Azərbaycan milli futbol komandasının heyətində debüt edib. O, matçın 46-cı dəqiqəsində Mahmud Qurbanovu əvəzləyib. Qurbanov millinin heyətində sonuncu oyununa 7 sentyabr 2005-ci ildə DÇ-2006-nın seçmə mərhələsi çərçivəsində Bakıda Avstriya ilə keçirilən qarşılaşmada çıxıb.

Vurduğu qollar

Xarici video
	Qurban Qurbanovun milli komandada vurduğu qolların bir qismi.

Qurbanovun milli komandada ilk qolu 1993-cü ilə təsadüf edir. İyunun 8-də İranın paytaxtı Tehranda keçirilən beynəlxalq turnirdə Azərbaycan 21 yaşadək futbolçulardan ibarət Qazaxıstan yığma komandası ilə qarşılaşırdı. Qurbanov görüşün 14-cü dəqiqəsində hesabı açır, 41-ci dəqiqədə isə ikinci qolu qazaxların qapısından keçirir. Qarşılaşma 3:3 hesabı ilə başa çatır. Bu oyun Qurbanov üçün millidə qol hesabını açması və dubl etməsi ilə əlamətdar olur.

Qurbanov millidə növbəti qolunu Farer adaları ilə keçirilən yoldaşlıq oyununda vurur. 1996-cı il fevralın 27-də Kiprdə keçirilən görüşdə (3:0) Qurbanov komandasının 3-cü qoluna imza atıb.

Həmin ilin mayında isə Qurbanov millidə 4-cü qolunu vurur. Bu, Belarusla yoldaşlıq oyununda (2:2) gerçəkləşir. Matçın 46-cı dəqiqəsində kapitan Nazim Süleymanovu əvəzləyən Qurbanov 53-cü dəqiqədə fərqlənir.

Qurbanov 1997-ci ilin martında Türkmənistanla Bakıda keçirilən yoldaşlıq oyununda da rəqibi məyus etməyi bacarır. O, 3:0 hesabı ilə qalib gəldikləri matçın 88-ci dəqiqəsində son nöqtəni qoyur.

Avro-2000-in seçmə mərhələsində səfərdə Lixtenşteynlə keçirilən oyunda da Qurbanov fərqlənir. O, 1:2 hesablı məğlubiyyətdə təsəlli qolunu vurur.

Qurbanov növbəti qol sevincini Estoniya ilə yoldaşlıq matçında yaşayıb. O, 2:2 hesablı bərabərliklə bitən qarşılaşmanın 1-ci dəqiqəsində rəqibi məyus edib.

Avro-2000-nin seçmə mərhələsində Lixtenşteynlə Bakıda keçirilən görüş də Qurbanov üçün əlamətdardır. O, səfərdəki matçda olduğu kimi, "Tofiq Bəhramov"da da rəqib qapısına yol tapmağı bacarır. 4:0 hesablı qələbədə ilk qolu Qurbanov vurur.

Artıq millinin əsas qol silahına çevrilən Qurbanov Avro-2004-ün seçmə mərhələsində də komandasına öz töhfəsini verir. O, 2003-cü ilin 12 fevralında səfərdə Serbiya və Çernoqoriya ilə keçirilən görüşün qəhrəmanı olur. Yığması 0:2 hesabı ilə geridə olan zaman matçın 58 və 77-ci dəqiqələrində qol vuran hücumçu komandasını məğlubiyyətdən xilas edərək millisinə bir xal qazandırır. Qurbanov bu rəqiblə Bakıda keçirilən oyunda da toru silkələməyi bacarır.

Qurbanov 2004-cü ildə Moldova, Özbəkistan və Latviya ilə keçirilən yoxlama oyunlarının hərəsində bir qol vurur.

Qolların siyahısı

Azərbaycanın qolları ilk sırada göstərilmişdir.

#	Tarix	Məkan	Rəqib	Hesab	Nəticə	Yarış	İst
1	08.06.1993	Azadi stadionu, Tehran, İran	Qazaxıstan (21 yaşlılar)	1–0	3-3	1993 EKO Kuboku
2	08.06.1993	Azadi stadionu, Tehran, İran	Qazaxıstan (21 yaşlılar)	2–1	3-3	1993 EKO Kuboku
3	27.02.1996	Antonis Papadopulos stadionu, Larnaka, Kipr	Farer adaları	3–0	3-0	Yoldaşlıq oyunu
4	27.05.1996	Şəhər stadionu, Molodeçno, Belarus	Belarus	1–1	2-2	Yoldaşlıq oyunu
5	22.03.1997	Tofiq Bəhramov adına Respublika Stadionu, Bakı, Azərbaycan	Türkmənistan	3–0	3-0	Yoldaşlıq oyunu
6	14.10.1998	Reynpark stadionu, Vaduts, Lixtenşteyn	Lixtenşteyn	1-2	1-2	Avro 2000-in seçmə mərhələ oyunu
7	06.03.1999	Antonis Papadopulos stadionu, Larnaka, Kipr	Estoniya	1–0	2-2	Yoldaşlıq oyunu
8	05.06.1999	Tofiq Bəhramov adına Respublika Stadionu, Bakı, Azərbaycan	Lixtenşteyn	1–0	4-0	Avro 2000-in seçmə mərhələ oyunu
9	12.02.2003	Pod Qoritsom stadionu, Podqoritsa, Serbiya və Monteneqro	Serbiya və Monteneqro	1-2	2–2	Avro 2004-ün seçmə mərhələ oyunu
10	12.02.2003	Pod Qoritsom stadionu, Podqoritsa, Serbiya və Monteneqro	Serbiya və Monteneqro	2-2	2–2	Avro 2004-ün seçmə mərhələ oyunu
11	11.06.2003	Şəfa stadionu, Bakı, Azərbaycan	Serbiya və Monteneqro	1–1	2-1	Avro 2004-ün seçmə mərhələ oyunu
12	31.03.2004	Respublika stadionu, Kişinyov, Moldova	Moldova	1-1	2-1	Yoldaşlıq oyunu
13	28.05.2004	Tofiq Bəhramov adına Respublika Stadionu, Bakı, Azərbaycan	Özbəkistan	1–0	3-1	Yoldaşlıq oyunu
14	06.06.2004	Skonto stadionu, Riqa, Latviya	Latviya	2-1	2-2	Yoldaşlıq oyunu

Statistika

İllər üzrə vurduğu qollar İl Oyun Qol 1992 1 0 1993 4 2 1994 0 0 1995 2 0 1996 7 2 1997 9 1 1998 9 1 1999 6 2 2000 2 0 2001 4 0 2002 6 0 2003 3 3 2004 9 3 2005 6 0 Cəmi 68 14

Yarış üzrə keçirdiyi oyunlar və vurduğu qollar Yarış Oyun Qol Yoldaşlıq oyunu 26 6 DÇ-nın seçmə mərhələ oyunu 18 0 AÇ-nın seçmə mərhələ oyunu 15 5 Digər turnirlər 9 3 Cəmi 68 14

Rəqib üzrə vurduğu qollar Rəqib Qol   Serbiya və Monteneqro 3   Lixtenşteyn 2   Qazaxıstan (21 yaşlılar) 2   Farer adaları 1   Belarus 1   Türkmənistan 1   Estoniya 1   Moldova 1   Özbəkistan 1   Latviya 1 Cəmi 14

Qeydlər

1. Qurbanovun milli komandanın heyətində keçirdiyi 68 oyundan 2-si FİFA tərəfindən tanınmayıb: Azərbaycan 3:3 Qazaxıstan (21 yaşlılar) və Azərbaycan 2:0 Kipr (21 yaşlılar).
2. Qurbanovun milli komandanın heyətində vurduğu 14 qoldan 2-si FİFA tərəfindən tanınmayıb: Azərbaycan 3:3 Qazaxıstan (21 yaşlılar) (dubl edib).

İstinadlar

1. "Azərbaycanın "Qarabağ" futbol klubu "Neftçi"nin keçmiş baş məşqçisi ilə müqavilə bağlayıb". Trend.az. 14 Noyabr 2017 tarixində .
2. "Gurban Gurbanov - Goals in International Matches". Rsssf.com. 20 Noyabr 2017 tarixində .
3. "Football PLAYER: Qurban Qurbanov". Eu-football.info. 20 Noyabr 2017 tarixində .
4. . CBC.az. 2017-11-20 tarixində orijinalından arxivləşdirilib. İstifadə tarixi: 2017-11-20.
5. . Apa.az. 2017-11-20 tarixində orijinalından arxivləşdirilib. İstifadə tarixi: 2017-11-20.
6. . Sportal.az. 2017-11-20 tarixində orijinalından arxivləşdirilib. İstifadə tarixi: 2017-11-20.
7. "ATV kanalının Qurban Qurbanov haqqında süjeti. 2005-ci il 25 sentyabr. Həftəsonu proqramı". Sportpress.az.
8. . Qol.az. 2017-11-13 tarixində orijinalından arxivləşdirilib. İstifadə tarixi: 2017-11-13.
9. . Eu-football.info. 2017-11-13 tarixində orijinalından arxivləşdirilib. İstifadə tarixi: 2017-11-13.
10. "Football MATCH: 08.06.1993 Kazakhstan* v Azerbaijan". Eu-football.info. 14 Noyabr 2017 tarixində .
11. "Football MATCH: 27.02.1996 Azerbaijan v Faroe Islands". Eu-football.info. 16 Noyabr 2017 tarixində .
12. . Eu-football.info. 2017-11-15 tarixində orijinalından arxivləşdirilib. İstifadə tarixi: 2017-11-15.
13. . Eu-football.info. 2017-11-15 tarixində orijinalından arxivləşdirilib. İstifadə tarixi: 2017-11-15.
14. "Football MATCH: 14.10.1998 Liechtenstein v Azerbaijan". Eu-football.info. 16 Noyabr 2017 tarixində .
15. . Eu-football.info. 2017-11-15 tarixində orijinalından arxivləşdirilib. İstifadə tarixi: 2017-11-15.
16. "Football MATCH: 05.06.1999 Azerbaijan v Liechtenstein". Eu-football.info. 16 Noyabr 2017 tarixində .
17. . UEFA.com. 2017-11-18 tarixində orijinalından arxivləşdirilib. İstifadə tarixi: 2017-11-18.
18. "Ismaylov the toast of Azerbaijan". UEFA.com. 17 Noyabr 2017 tarixində .
19. "Football MATCH: 31.03.2004 Moldova v Azerbaijan". Eu-football.info. 18 Noyabr 2017 tarixində .
20. "Football MATCH: 28.05.2004 Azerbaijan v Uzbekistan". Eu-football.info. 18 Noyabr 2017 tarixində .
21. "Football MATCH: 06.06.2004 Latvia v Azerbaijan". Eu-football.info. 18 Noyabr 2017 tarixində .