Marvel vs. Capcom: Clash of Super Heroes

Marvel vs. Capcom: Clash of Super Heroes — "Capcom" tərəfindən hazırlanan və nəşr olunan krossover faytinq video oyunu. "Marvel vs. Capcom" video oyun seriyasındakı 3-cü əsas epizoddur və 1997-ci ildə satışa çıxarılan "Marvel Super Heroes vs. Street Fighter" video oyununun davamıdır. Video oyun ilk dəfə 1998-ci ildə arkada oyunu kimi buraxılmışdır. Video oyun daha sonra 1999-cu ildə Dreamcast, 2000-ci ildə isə PlayStation üçün satışa çıxarılmışdır. Oyun "Marvel vs. Capcom Origins" kompilyasiyasının bir parçası olaraq 2012-ci ildə PlayStation 3 və Xbox 360 platformaları üçün yenidən buraxılmışdır.

Marvel vs. Capcom: Clash of Super Heroes
Üzərində müxtəlif personajların təsvir edildiyi, Yaponiyaya özəl reklam fleyeri.
Hazırlayan	Capcom
Yayımlayan	Capcom PlayStation və Dreamcast JP / NA: Capcom PAL: Virgin Interactive
Seriya	Marvel vs. Capcom
Buraxılış tarixi	Siyahı Arkada 23 yanvar 1998 yanvar 1998 Dreamcast 25 mart 1999 30 sentyabr 1999 23 iyun 2000 PlayStation 11 noyabr 1999 27 yanvar 2000 31 yanvar 2000 Origins Collection PlayStation Network 25 sentyabr 2012 10 oktyabr 2012 PlayStation Network 26 sentyabr 2012
Janr	faytinq, krossover^[d]
Prodüserlər	Kenci Kataoka
Dizaynerlər	Atsuşi Tomita Nakano Tau Masahiro Yuci Matsumoto
Rəssamlar	CRMK
Bəstəkarlar	Masato Kuda Yuko Takehara
Texniki məlumat
Platformalar	Arkada Dreamcast PlayStation PlayStation 3 Xbox 360
Oyun rejimləri	birnəfərli, çoxnəfərli
İnterfeysin dili	ingilis dili
Daşıyıcı	CD-ROM
İdarəetmə	geympad^[d]
Korpusun növü	şaquli
Displey	Rastr (horizontal)
Arkada platforması	CP System II
Səs	QSound

"Marvel vs. Capcom: Clash of Super Heroes" video oyununun geympleyi və estetikası "Marvel Super Heroes vs. Street Fighter" video oyununa çox oxşayır. Hər bir oyunçu iki personaj seçir ki, təkbətək teq-tim komanda döyüşündə iştirak etsinlər və rəqib komandanı məğlub etsinlər. Video oyun əvvəlki buraxılışdakı "Street Fighter" heyətinin çoxunu digər "Capcom" franşizalarından olan personajlarla əvəz edir. Əlavə olaraq, video oyunun geympleyinə iki mühüm dəyişiklik edilmişdir: ənənəvi personaj köməyi sistemi və "Dəyişkən çarpaz" hücum fəndinin təqdim edilməsi.

Əvvəlki buraxılışda olduğu kimi "Marvel Super Heroes vs. Street Fighter" video oyunu da geympleyi, kəskin animasiyaları, personaj reyestrinə görə ümumiyyətcə müsbət rəylər almışdır. Oyunun Dreamcast versiyası arkada kimi möhtəşəm bir konversiyasına görə təriflənmişdir. PlayStation konsolunun yaddaş məhdudiyyətlərinə görə, əsas oyunun sürətini və qrafik bütövlüyünu qoruyub-saxlamaq üçün teq-tim döyüşləri portdan yığışdırılmışdır. Bu da portun qarışıq rəylər almasına səbəb olmuşdur. Oyunun sikveli olan "Marvel vs. Capcom 2: New Age of Heroes" 2000-ci ildə buraxılmışdır.

Geympley

 

"Capcom"un Meqa Manı "Marvel"in Kapitan Amerikasına hücum edir.

"Marvel vs. Capcom: Clash of Super Heroes" video oyunu "Marvel vs. Capcom" ikiölçülü faytinq video oyunları seriyasının üçüncü buraxılışıdır. Video oyun "Marvel Super Heroes vs. Street Fighter" video oyunundakı eyni təkbətək teq-tim komanda formatından istifadə edir. Burada oyunçular iki döyüşçüdən ibarət komanda seçirlər. Döyüşçülərin hər birinin özlərinə xas sağlamlıq sayğacı var. Matçın başlanğıcında birinci seçilən personaj oyunçu tərəfindən idarə edilir, ikinci seçilən personaj isə ekrandan kənarda, köməkçi personaj rolunu canlandırır. Oyunçu coystik hərəkətlərindən və düymə sıxmaqdan ibarət kombinasiyalardan istifadə edərək müxtəlif döyüş fəndlərini icra etməlidir ki, rəqib komandanın sağlamlıq sayğaclarını tükətsin. Ekrandan kənarda olan personaj yavaşca sağlamlıq sayğacının bir qismini doldurur. Döyüşən personajın sağlamlıq sayğacı tükənirsə, bu zaman ekrandan kənardakı personaj avtomatik olaraq döyüşə daxil olur. Rəqib komandanın hər bir personajının sağlamlıq sayğacını tükədən birinci oyunçu matçın qalibi olur. Əgər vaxtölçən sıfıra çatırsa, bu zaman sağlamlıq sayğacı ən yüksək olan oyunçu matçın qalibi olur.

"Marvel vs. Capcom: Clash of Super Heroes" video oyunu seriyanın əvvəlki buraxılışından iki əhəmiyyətli geympley dəyişikliyinə sahibdir. Video oyunda "Dəyişkən yardım" funksiyası yoxdur, hansı ki, seriyanın əvvəlki buraxılışında təqdim edilmişdir. Bu funksiya ilə oyunçular ekrandan kənarda olan personajlarını hal-hazırda istifadə etdikləri personajları dəyişmədən xüsusi fənd icra etmələri üçün çağıra bilərlər. Oyun bu funksiyası "Qonaq personaj/Xüsusi partnyor" sistemi ilə əvəz etmişdir. Bu sistem texniki baxımdan Dəyişkən yardım funksiyasına oxşasa da, qonaq personajlar matçın əvvəllində ixtiyari şəkildə oyunçuların hər birinə verilir. Onlar həmçinin, hər raundda bir neçə dəfə istifadə edilə bilərlər. "Marvel vs. Capcom: Clash of Super Heroes" video oyunu "Cüt komanda hücumu" adı ilə tanınan "Dəyişkən çarpaz" funksiyasını təqdim etmişdir. Dəyişkən çarpaz funksiyasını həyata keçirən zaman oyunçu qısa bir müddət ərzində idarə etdiyi hər iki personaj ilə rəqibinə hücum edə bilər. Əlavə olaraq, oyunçuya "Hiper kombinasiya kalibri"ndən sonsuz istifadə haqqı verilir. Hiper kombinasiya kalibri oyunçunun müxtəlif xüsusi fənd icra etməsinə imkan yaradan, ekranın aşağısında yerləşən rəngli bir sayğacdır. Bu sayğac dolarsa, oyunçu rəqibə yüksək dərəcədə zərər yetirən müxtəlif hiper kombinasiya fəndini sürətli ardıcıllıqla icra edə bilər.

Rejimlər

"Marvel vs. Capcom: Clash of Super Heroes" video oyununun Dreamcast versiyasında beş oyun rejimi var. Onlar: Arkada, Qarşı-qarşıya, Məşq, Sağ qalma və Çarpaz hərarət. Arkada rejimində oyunçular süni intellekt tərəfindən idarə edilən rəqib komandalar dalğası, bir müddət irəlilədikdən sonra isə İks-adamlar komiks seriyasında da görünən boss personaj Qırğına qarşı döyüşürlər. Boss personaj məğlub edildikdən sonra oyunçu hər oyunçu personaja özəl bir videoçarx izləyir. Qarşı-qarşıya rejimində iki oyunçu bir-birləri ilə döyüşməzdən əvvəl öz personajlarını, handikap səviyyələrini və mərhələləri seçə bilər. Məşq rejimində oyunçular passiv kompüter rəqiblərinə qarşı fəndləri və kombinasiyaları məşq edir. Oyunçular bu rejimdə süni intellektin çətinlik səviyyəsini, eləcə də Hiper kombo kalibrindəki zolaqların sayını dəyişdirə bilər. Sağ qalma rejimində oyunçular sonsuz komanda dağlasına qarşı döyüşürlər. Əlavə olaraq, oyunçu personajın sağlamlıq sayğacı növbəti raundlarda da eyni qalır. Çarpaz hərarət rejimində dörd oyunçu iki-ikiyə matç formatında bir-birləri ilə döyüşürlər. Oyunun PlayStation versiyasında bu, konsola eksklüziv olan Kross-over rejimi ilə əvəz edilmişdir. Kross-over rejimində oyunçu və rəqibi olan kompüter eyni personajlarla döyüşürlər. Oyunçu matçın qalibi olarsa, kompüter hər iki komandadan bir personajı bir-birləri ilə əvəz edir. Kross-over oyunun PlayStation portunda teq-tim geympleyinə icazə verən yeganə rejimdir. Teq-tim sistemi konsolun yaddaş məhdudiyyətlərinə görə portdan yığışdırılmışdır.

Oyunçu personajlar

"Marvel vs. Capcom: Clash of Super Heroes" video oyununda 15 personajdan ibarət döyüşçü reyestri var. "Capcom" tərəfdən sadəcə "Street Fighter" personajlarından ibarət döyüşçü reyestrinə sahib olan "Marvel Super Heroes vs. Street Fighter" video oyunundan fərqli olaraq, "Marvel vs. Capcom: Clash of Super Heroes" video oyununda "Darkstalkers", "Mega Man" və "Strider" kimi digər "Capcom" franşizalarından personajlar var. Video oyunda "Marvel" və "Capcom" kainatlarından olan 20 qeyri-oyunçu "qonaq" personaj var, hansı ki, döyüş zamanı kömək kimi istifadə olunur.

"Marvel Comics" kainatından olan qonaq personajlara Siklop, Cubili və Tor, "Capcom" franşizalarından olan qonaq personajlara isə "Ghosts 'n Goblins" video oyun seriyasından Artur, "Forgotten Worlds" video oyunundan Naməlum əsgər və "Quiz Nanairo Dreams" video oyunundan Saki Omokane aiddir. Həmçinin, personaj reyestrində altı gizli personaj da var. Oyunçu bu personajların kilidi açmaq üçün personaj seçmə ekranında müəyyən kodlar yazmalıdır. Gizli personajlar mövcud personajların fərqli fənd dəstlərinə sahib palitra dəyişikliyidir. Məsəlüçün, Kölgə xanım Çun Linin modifikasiya edilmiş versiyasıdır. Bu tendesiyaya yeganə istisna "Mega Man" seriyasından olan Rolldur.

"Marvel vs. Capcom: Clash of Super Heroes" video oyununun personaj reyestri belədir:

"Marvel" personajları "Capcom" personajları Halk  • Hörümçək-adam  • Kapitan Amerika  • Qambit  • Müharibə maşını  • Şimal porsuğu  • Venom Addımlayan Hiryu  • Cin Saotome  • Çun Li  • Kapitan Kommando  • Dalsim  • Kammi  • Ken Masters  • Meqa Man  • Morriqan Eynslend  • Ryu  • Zangiyev

İstehsal və buraxılış

"Marvel Super Heroes vs. Street Fighter" video oyununda olduğu kimi "Marvel vs. Capcom: Clash of Super Heroes" də ilkin olaraq, "CP System II" arkada sistem lövhəsi üçün istehsal edilmişdir. Oyunun birbaşa Dreamcast portu 1998-ci il "Tokyo Game Show" tədbirində Kompüter Əyləncə Proqram Assosiasiyası tərəfindən anons edilmişdir. Dreamcast versiyasına yeni oyun rejimi olan, dörd nəfərlik geympley imkanı yaradan Çarpaz hərarət də əlavə edilmişdir. Oyun daha sonra PlayStation konsoluna portlaşdırılmışdır. Buna baxmayaraq, konsolun RAM ilə bağlı məhdudiyyətləri istehsalçının oyunun müəyyən funksiyalarını yığışdırmasına səbəb olmuşdur. Bunlardan ən diqqət çəkəni də döyüşlərin maksimum dörd nəfərlik yox, iki nəfərlik olmasıdır. Bu, oyunçunun ikinci personajının rolunu qonaq personajlara oxşar bir şəkildə sadəcə bir köməkçiyə çevirmişdir. İstehsalçılar məhdudiyyətlərin əvəzini ödəmək üçün oyunun PlayStation versiyasına Kross-over adlı eksklüziv bir oyun rejimi əlavə etməli olmuşdular. Kross-over rejimində oyunçu və rəqibi olan kompüter eyni personajlarla döyüşürlər. Oyunçu matçın qalibi olarsa, kompüter hər iki komandadan bir personajı bir-birləri ilə əvəz edir. Məsəlüçün, əgər birinci oyunçu Ryunu, ikinci oyunçu isə Şimal porsuğunu idarə edirsə, bu zaman birinci oyunçunun partnyoru Şimal porsuğu, ikinci oyunçunun partnyoru isə Ryu olur. Oyunun "PlayStation" portunda Qalereya rejimi də var. Burada oyunun reklam və personajlar üçün nəzərdə tutulmuş rəsm əsərləri, eləcə də oyunun sonluq animasiyaları var. Personajların hərəkət animasiyalarının bir neçə kadrları RAM-dan istifadəni azaltmaq üçün silinmişdir.

"Marvel vs. Capcom: Clash of Super Heroes" 1998-ci ildə Yaponiya və Şimali Amerika arkadalarında debüt etmişdir. Oyun 25 mart 1999-cu ildə Yaponiyada, 7 oktyabr 1999-cu ildə isə Şimali Amerikada Dreamcast konsolu üçün satışa çıxarılmışdır. Oyunun Dreamcast portunun Avropa versiyası "Virgin Interactive" tərəfindən 23 iyun 2000-ci ildə satışa çıxarılmışdır. Video oyun 11 noyabr 1999-cu ildə Yaponiyada PlayStation konsolu üçün "Marvel vs. Capcom: Clash of Super Heroes EX Edition" başlığı ilə satışa çıxarılmışdır. Oyunun PlayStation versiyası Şimali Amerika və Avropada 2000-ci ilin yanvar ayında satışa çıxarılmışdır.

Oyunun yüksək dəqiqlikli versiyası "Marvel vs. Capcom Origins" kompilyasiyasının bir hissəsi olaraq satışa çıxarılmışdır. Arkada ROM-dan istifadə edərək istehsal olunan kompilyasiyaya onlayn multipleyer, çellenclər və təkrarları yaddaşa yazmaq funksiyalarını əlavə edilmiş, ancaq orijinal geympley təcrübəsi qoruyub-saxlanılmışdır. Kompilyasiya PlayStation 3 konsolu üçün 25 sentyabr 2012-ci ildə Şimali Amerikada, 10 oktyabr 2012-ci ildə isə Avropada satışa çıxarılmışdır. Kompilyasiya Xbox 360 üçün 26 sentyabr 2012-ci ildə satışa çıxarılmışdır. "Capcom" şirkətinin "Marvel" ilə lisenziya müqaviləsinin 2013-cü ildə sona çatmasından sonra "Marvel vs. Capcom Origins" 2014-cü ilin dekabr ayında virtual mağazalardan yığışdırılmışdır.

Marketinq

"Toy Biz" şirkəti oyunu reklam etmək üçün bir sıra fiqurcuqlar istehsal etmişdir, hansı ki, dörd paket cütündən ibarət idi. Bu paket cütlərinin hərəsində bir "Marvel", bir də "Capcom" personajı var. Paket cütləri belə idi – Kapitan Amerika və Morriqan, Müharibə maşını və Meqa Man, Hörümçək-adam və Addımlayan Hiryu, Venom və Kapitan Kommando.

Qəbul

Tənqidçilərin mövqeyi

Qəbul
Tənqidi xallar Nəşriyyat Xal Dreamcast PS AllGame             Edge 7/10 N/A EGM 7.875/10 6.5/10 Eurogamer 8/10 N/A Famitsu 33/40 N/A GameFan 92% 71% Game Informer 7.5/10 N/A GamePro             Game Revolution B N/A GameSpot 9/10 5.8/10 GameSpy 7.5/10 N/A IGN 8.8/10 7.5/10 OPM (US) N/A       Yekun xal GameRankings 80% 75%

Video oyun rəy toplayıcısı "GameRankings" portalına görə, "Marvel vs. Capcom: Clash of Super Heroes" video oyununun həm Dreamcast, həm də ki PlayStation versiyası "müsbət" rəylər almışdır.

"Marvel vs. Capcom: Clash of Super Heroes" Dreamcast platformasında satışa çıxarıldıqdan sonra animasiya keyfiyyəti və sürətli geympleyinə görə müsbət rəylər almışdır. "Game Informer" jurnalı oyunu "çapıqsız animasiyası, diqqətdən qaçmayan effektləri və ildırım sürətində olan geympleyi"nə görə tərifləmişdir. Əlavə olaraq, jurnal oyunun Dreamcast versiyasını orijinal arkada versiyasının "qüsursuz tərcüməsi" adlandırıraq tərifləmişdir. "GameSpot" jurnalisti Ceff Gerstmann oyunun vizuallarını və döyüş sistemini tərifləmiş və oyun haqqında yazmışdır: "bu, yuxarıdan baxılan, ultra işıqlı faytinq oyunundan gözləyəciyiniz hər şeydir". Buna baxmayaraq, "Game Revolution" portalının redaktoru oyunda dərinliyin olmadığını düşünmüşdür. O, oyunun Dreamcast portunu oyuna arkada versiyasından fərqli, əhəmiyyətli bir dəyişiklik əlavə etmədiyinə görə tənqid etmişdir. Yaponiyanın "Famitsu" jurnalı oyuna 40 baldan 33 bal vermişdir.

Oyunun PlayStation portu Dreamcast versiyasından fərqli olaraq, bir qədər "qarışıq" rəylər almışdır. "GameSpot" jurnalisti Ceff Gerstmann oyunun bu versiyasını teq-tim döyüşlərini yığışdırdı deyə ağır şəkildə qınamışdır. O, bu məsələ ilə bağlı "port orijinal oyunda olduğu kimi eyni hərəkətlərə sahib olsa da ... həmin hərəkətlərin ətrafındakı qabıq tamamilə fərqlidir" demişdir. "IGN" portalının yazıçısı olan Duqlas K. Perri oyunun PlayStation versiyasını "ortabab" oyun adlandırmış, oyunun geympleyini və oyunçuda daim yaradan marağı tərifləmiş, fəqət döyüş üslubları seçimini və saundtrekini tənqid etmişdir. "GamePro" jurnalı istehsalçının oyunun sürətini və qrafik bütövlüyünü sistemi həddindən artıq dərəcədə yükləmədən qoruyub-saxlamaq üçün müəyyən funksiyaları aradan qaldırmaq qərarını tərifləmiş, lakin oyunun Dreamcast versiyasının bu portdan daha üstün olduğunu vurğulamışdır.

Sikvel

  Əsas məqalə: Marvel vs. Capcom 2: New Age of Heroes

"Marvel vs. Capcom: Clash of Super Heroes" video oyununun sikveli 1 dekabr 1999-cu ildə "Capcom" tərəfindən anons edilmişdir. Oyunun sikveli olan "Marvel vs. Capcom 2: New Age of Heroes" ilkin olaraq, "Sega NAOMI" arkada sistemi üçün istehsal olunmuşdur. Bu, "Capcom" şirkətinin "CP System II" və "CP System III" arkada sistemlərindən kənarda istehsal etdiyi ilk faytinq oyunu olmuşdur. "Marvel vs. Capcom 2: New Age of Heroes" video oyununda üçə-üç teq-tim döyüşləri, yeni personaj yardımı sistemi və daha sadələşdirilmiş idarəetmə sxeması kimi bir neçə əhəmiyyətli geympley dəyişikliyi var. "Marvel vs. Capcom 2: New Age of Heroes" video oyununda 56 personajdan ibarət döyüşçü reyestri var. Bu personajlar yenə "Capcom" franşizalarından və "Marvel" mülklərindən götürülmüşdür. Oyun 2000-ci ildə Yaponiya arkadalarında debüt etmiş, daha sonra isə 12 il ərzində Dreamcast, PlayStation 2, PlayStation 3, Xbox, Xbox 360 və iOS platformalarına portlaşdırılmışdır.

Qeydlər

1. yaponca: マーヴル VS. カプコン クラッシュ オブ スーパー ヒーローズ, Hepbörn: Māvuru bāsasu Kapukon: Kurasshu obu Sūpā Hīrōzu^?, azərb. Marvel "Capcom"a qarşı: Super qəhrəmanların toqquşma‎

İstinadlar

1. "Marvel Vs. Capcom". arcade-museum.com (ingilis). Killer List of Videogames. İstifadə tarixi: March 7, 2020.
2. Edvards, Mett (February 15, 2009). "Retrospective: Street Fighter (Page 4)". eurogamer.net (ingilis). Eurogamer. İstifadə tarixi: March 7, 2020.
3. Gerstmann, Ceff (April 2, 1999). "Marvel vs. Capcom [Clash of Super Heroes] Review (DC)". gamespot.com (ingilis). GameSpot. İstifadə tarixi: March 7, 2020.
4. Marvel vs. Capcom: Clash of Super Heroes - Sega Dreamcast (Manual) (PDF). gamesdbase.com (ingilis). Capcom. İstifadə tarixi: March 7, 2020.
5. Danhem, Ceremi (October 7, 1999). "Marvel vs. Capcom: Clash of Super Heroes Review (DC)". ign.com. IGN. İstifadə tarixi: March 8, 2020.
6. Elston, Brett (February 12, 2011). "Marvel vs Capcom: a history of the Vs fighting series (Page 2)". gamesradar.com (ingilis). GamesRadar. İstifadə tarixi: March 8, 2020.
7. Milke, Ceyms (March 22, 1999). "Hands On: Marvel vs. Capcom [date mislabeled as "February 1, 2012"]". gamespot.com (ingilis). GameSpot. İstifadə tarixi: March 8, 2020.
8. Danhem, Ceremi (July 28, 1999). "Marvel vs. Capcom (Preview)". ign.com (ingilis). IGN. İstifadə tarixi: March 8, 2020.
9. IGN staff (December 8, 1999). "Marvel vs. Capcom (Preview 2)". ign.com (ingilis). IGN. İstifadə tarixi: March 8, 2020.
10. Perri, Duqlas K. "Marvel vs. Capcom [Clash of Super Heroes] (PS)". ign.com (ingilis). IGN. İstifadə tarixi: March 8, 2020.
11. Perri, Duqlas K. (February 1, 2000). "First Impressions of Marvel vs. Capcom". ign.com (ingilis). IGN. İstifadə tarixi: March 8, 2020.
12. Diaz, Rik (October 1, 2012). "Marvel vs. Capcom Origins – Arcade History With Contemporary Upgrades". shoryuken.com (ingilis). Shoryuken. İstifadə tarixi: March 8, 2020.
13. Araujo, Yuri (September 21, 2012). "MvC Origins: Roll and Devilotte". capcom-unity.com (ingilis). Capcom-Unity. İstifadə tarixi: March 8, 2020.
14. Colin (October 1999). "Marvel vs. Capcom [Clash of Super Heroes] Review (DC)". gamerevolution.com (ingilis). Game Revolution. İstifadə tarixi: March 8, 2020.
15. Araujo, Yuri (September 18, 2012). "MvC Origins - Chun Li, Shadow Lady and Arthur". capcom-unity.com (ingilis). Capcom-Unity. İstifadə tarixi: March 8, 2020.
16. IGN staff (February 22, 1999). "Tokyo Game Show Details". ign.com (ingilis). IGN. İstifadə tarixi: March 9, 2020.
17. IGN staff (December 1, 1999). "Capcom Shows Off Some Wares". ign.com (ingilis). IGN. İstifadə tarixi: March 9, 2020.
18. "Marvel vs. Capcom (Preview)". Official U.S. PlayStation Magazine (ingilis). January 1999. səh. 48. İstifadə tarixi: March 9, 2020.
19. Uncle Dust (January 28, 2000). . GamePro (ingilis). December 6, 2005 tarixində orijinalından arxivləşdirilib. İstifadə tarixi: March 9, 2020. (#redundant_parameters)
20. Gerstmann, Ceff (February 14, 2000). "Marvel vs. Capcom [Clash of Super Heroes] Review (DC)". gamespot.com (ingilis). GameSpot. İstifadə tarixi: March 9, 2020.
21. Langan, Metyu (September 8, 1999). "ECTS: Virgin Interactive". ign.com (ingilis). IGN. İstifadə tarixi: March 9, 2020.
22. "Marvel vs. Capcom: Clash of Super Heroes: EX Edition". play-asia.com (ingilis). Play-Asia. İstifadə tarixi: March 9, 2020.
23. IGN staff (December 15, 1999). "Capcom's Exciting 2000 Lineup". ign.com (ingilis). IGN. İstifadə tarixi: March 9, 2020.
24. İn-Pul, Uizli (July 5, 2012). "Marvel vs. Capcom Origins announced with debut trailer, screens". eurogamer.net (ingilis). Eurogamer. İstifadə tarixi: March 9, 2020.
25. Reyli, Cim (July 5, 2012). "Marvel vs. Capcom Origins Announced". Game Informer (ingilis). İstifadə tarixi: March 9, 2020. (#redundant_parameters)
26. Nil, Derek (October 9, 2012). "Marvel Origins [sic] is out TOMORROW in Europe!". capcom-unity.com (ingilis). Capcom-Unity. İstifadə tarixi: March 9, 2020.
27. Volles, Kimberli (August 30, 2012). "Marvel Vs. Capcom Origins Gets A Release Date". Game Informer (ingilis). İstifadə tarixi: March 9, 2020. (#redundant_parameters)
28. Karmali, Lyuk (January 2, 2014). "Marvel Titles no Longer Available Digitally". ign.com (ingilis). IGN. İstifadə tarixi: March 9, 2020.
29. Hilliyer, Brenna (December 19, 2014). "Marvel vs Capcom: Origins to be pulled from PSN, Xbox Live next week". vg247.com (ingilis). VG247. İstifadə tarixi: March 9, 2020.
30. "Marvel vs Capcom (Toy Biz) Action Figure Checklist". figurerealm.com (ingilis). Figure Realm. İstifadə tarixi: March 9, 2020.
31. Sutyak, Conatan. . allgame.com (ingilis). AllGame. November 16, 2016 tarixində orijinalından arxivləşdirilib. İstifadə tarixi: March 9, 2020.
32. Miller, Skayler. . allgame.com (ingilis). AllGame. November 15, 2014 tarixində orijinalından arxivləşdirilib. İstifadə tarixi: March 9, 2020.
33. Edge staff (June 1999). "Marvel vs. Capcom [Clash of Super Heroes] (DC)". Edge (ingilis) (72). (#accessdate_missing_url)
34. "Marvel vs. Capcom: Clash of Super Heroes (DC)". Electronic Gaming Monthly (ingilis). 1999. (#accessdate_missing_url)
35. "Marvel vs. Capcom: Clash of Super Heroes (PS)". Electronic Gaming Monthly (ingilis). March 2000. (#accessdate_missing_url)
36. Meyl, Piter "Pit" (May 8, 2000). "Marvel Vs. Capcom [Clash of Super Heroes] (DC)". euroamer.net (ingilis). Eurogamer. January 7, 2001 tarixində . İstifadə tarixi: March 9, 2020.
37. "ドリームキャスト - MARVEL VS. CAPCOM CLASH OF SUPER HEROES". Famitsu (ingilis). 915: 35. June 30, 2006. (#accessdate_missing_url)
38. Çau, Antoni (March 24, 1999). . GameFan (ingilis). June 9, 2000 tarixində orijinalından arxivləşdirilib. İstifadə tarixi: March 9, 2020. (#redundant_parameters)
39. Çau, Antoni (February 15, 2000). . GameFan (ingilis). June 17, 2000 tarixində orijinalından arxivləşdirilib. İstifadə tarixi: March 9, 2020. (#redundant_parameters)
40. MakNamara, Endi; Anderson, Pol; Reyner, Endrü (October 1999). . Game Informer (ingilis) (78). December 3, 2000 tarixində orijinalından arxivləşdirilib. İstifadə tarixi: March 9, 2020.
41. Uncle Dust (October 23, 1999). . GamePro (ingilis). February 14, 2005 tarixində orijinalından arxivləşdirilib. İstifadə tarixi: March 9, 2020. (#redundant_parameters)
42. Kestrel (October 16, 1999). . planetdreamcast.com (ingilis). PlanetDreamcast. January 24, 2009 tarixində orijinalından arxivləşdirilib. İstifadə tarixi: March 9, 2020.
43. "Marvel vs. Capcom: Clash of Super Heroes". Official U.S. PlayStation Magazine (ingilis). March 2000. (#accessdate_missing_url)
44. "Marvel vs. Capcom: Clash of Super Heroes for Dreamcast". gamerankings.com (ingilis). GameRankings. İstifadə tarixi: March 9, 2020.
45. "Marvel vs. Capcom: Clash of Super Heroes for PlayStation". gamerankings.com (ingilis). GameRankings. İstifadə tarixi: March 9, 2020.
46. Lanqan, Metyu (August 17, 1999). "Marvel Vs Capcom 2 On The Way?". ign.com (ingilis). IGN. İstifadə tarixi: March 9, 2020.
47. Qantayat, Anup (March 28, 2000). "Marvel VS Capcom 2: New Age of Heroes (Import)". ign.com (ingilis). IGN. İstifadə tarixi: March 9, 2020.
48. Gerstmann, Ceff (February 14, 2000). "Marvel vs. Capcom 2 Impressions [date mislabeled as "February 2, 2012"]". gamespot.com (ingilis). GameSpot. İstifadə tarixi: March 9, 2020.
49. Qantayat, Anup (December 1, 1999). "Marvel vs Capcom 2 and Power Stone 2 Officially Announced". ign.com (ingilis). IGN. İstifadə tarixi: March 9, 2020.
50. Danhem, Ceremi (April 4, 2000). "Marvel vs. Capcom 2 Import Impressions". ign.com (ingilis). IGN. İstifadə tarixi: March 9, 2020.
51. Çiappini, Den (September 22, 2009). "Marvel vs. Capcom 2 [New Age of Heroes] Review (PS3)". gamespot.com (ingilis). GameSpot. İstifadə tarixi: March 9, 2020.
52. Gilbert, Henry (May 5, 2009). "The 56 characters of Marvel vs. Capcom 2". gamesradar.com (ingilis). GamesRadar. İstifadə tarixi: March 9, 2020.

Xarici keçidlər

• Marvel vs. Capcom: Clash of Super Heroes "Killer List of Videogames" saytında
• Marvel vs. Capcom: Clash of Super Heroes MobyGames saytında