Müharibə maşını
Müharibə maşını (ing. War Machine) – Marvel Comics superqəhrəmanlarından biri. Devid Mişelini, Bob Leyton və Con Birn tərəfindən yaradılmış və ilk dəfə 1979-cu ildə "Dəmir adam" komiksinin 118-ci sayında görünmüşdür. Zirehi isə Len Kaminski və Kevin Hopqud tərəfindən dizayn edilmişdir.
| Müharibə maşını | |
|---|---|
| War Machine | |
| Adi Qranov tərəfindən "Dəmir adam: SHIELD direktoru" komiksinin 33-cü sayı üçün çəkilmiş art. | |
| Nəşriyyat | Marvel Comics |
| Yayım tarixi | (Ceyms Rouds kimi) Dəmir adam #118 (yan. 1979) (Dəmir adam kimi) Dəmir adam #170 (may 1983) (Müharibə maşını kimi) (kameo) Dəmir adam #281 (iyn. 1992) (tam) Dəmir adam #282 (iyl. 1992) (Dəmir vətənpərvər kimi) Qambit (5-ci cild) #13 (may 2013) |
| Yaradıcı(lar) | Devid Mişelini Bob Leyton Con Birn |
| Xüsusiyyətlər | |
| Əsl adı | Ceyms Rupert "Rudi" Rouds |
| Doğum yeri | |
| Cinsiyyəti | kişi[d] |
| Boyu | 185,4 sm 198,1 sm (zirehlə) |
| Çəkisi | 109 kq 213 kq (zirehlə) |
| Göz rəngi | qəhvəyi |
| Saç rəngi | qəhvəyi |
| Növü | insan |
| Vətəndaşlıq | |
| Komiks bioqrafiyası | |
| Üzvlükləri | ABŞ dəniz piyadaları korpusu Stark Industries Qisasçılar Qərb Sahili Qisasçıları Dəmir legion Gizli Müdafiəçilər Güc İşləri Heyət Milli Fövqəladə Hallar Ofisi Mühafizəçi heyəti O*N*E Təşəbbüs Gizli Qisasçılar Müharibə maşını komandası ABŞ Müdafiə Nazirliyi |
| Partnyorları | Dəmir adam, Şahingöz, Hörümçək-qadın |
| Ləqəbləri | Dəmir adam, Dəmir vətənpərvər, Komandir Rouds, Halk maşını, Dəmir adam 2.0, Rudi, Pilot |
| Gücləri | Hərbi bilik, aviasiya bacarığı |
| Silahları | Dəmir zireh: uçmaq, supersonik sürət, güc, dayanıqlıq, müxtəlif ağır silahlar |
2012-ci ildə IGN-in "Top 50 Qisasçı" siyahısında 31-ci yerdə göstərilmişdir. Marvel Kinematoqrafiya Kainatında personajı Don Çidl canlandırmışdır.
Bioqrafiya
ABŞ dəniz piyadaları korpusunun üzvü olan Ceyms Rouds ilə Toni Starkın ilk qarşılaşması cənub-şərqi Asiyada oldu. O zamanlar Toni Stark zirehini yenicə icad etmiş və Von-Çunu məğlub etmişdi. Bir ABŞ bazasına çatana qədər Dəmir adamı müşayiət edir. Stark hərbi vəzifəsini tamamlayandan sonra şəxsi pilotu olmağı təklif edir. Təklifi qəbul edən Rouds bir neçə il sonra yeni işinə başlayır.
Tezliklə Starkın ən yaxın dostu olur. Starkın spirtli içkilərlə ikinci mübarizəsi zamanı onun əvəzinə Dəmir adam olur. Stark sağalandan sonra Ceyms və iki dostu ilə Kaliforniyadakı Silikon vadisinə köçüb yeni layihələr üzərində işləməyə başlayırlar. Bu zaman Ceyms Rouds hələ də Dəmir adam idi.
Bir müddət sonra Stark yenə Dəmir adam olur. Stark həyatını qorumaq üçün saxta ölüm planı qurarkən şirkətinin başına Ceyms Roudsu gətirir. Lakin aralarındakı münasibət pozulur və Ceyms gedir. Bu zaman Stark ona yeni hazırlanmış bir zirehi götürməsinə icazə verir. Ceyms bu zirehlə Müharibə maşını olur və Qisasçılar komandasın alt komandası olan Qərb Sahili Qisasçılarına qoşulur. Komanda dağılana qədər Qisasçıların üzvü olur.
Filmlərdə
Ceyms Rouds personajını ilk dəfə Terrens Hovard "Dəmir adam" filmində canlandırmışdır, lakin zireh geyinib Müharibə maşını olmamışdır. Hovard ilə Marvel arasında müqavilə problemi ortaya çıxandan sonra onun yerinə Don Çidl gəlmişdir və "Dəmir adam 2" filmində Müharibə maşını olmuşdur. "Qisasçılar" filmində də Müharibə maşınının görünməsi planlaşdırılsa da, baş tutmamışdır. "Dəmir adam 3" filmində Çidl yenə Roudsu canlandırmış, lakin bu dəfə Dəmir vətənpərvər olmuşdur. "Qisasçılar: Altron dövrü" və "Birinci qisasçı: Qarşıdurma" filmlərində Çidl yenə Müharibə maşınını oynamışdır. "Qisasçılar: Sonsuzluq savaşı" (2018) və "Qisasçılar: Final" (2019) filmlərində də eyni rolu ifa etmişdir.
İstinadlar
- Hopgood, Kevin. "facebook".
- "The Top 50 Avengers". IGN. April 30, 2012. İstifadə tarixi: 17 avqust 2017.
- . Forum.newsarama.com. 2008-05-02. 2009-02-11 tarixində orijinalından arxivləşdirilib. İstifadə tarixi: 18 avqust 2017.
- "Iron Man 2 Up Close: Don Cheadle | Iron Man | Movie & TV News | News". Marvel.com. 2010-05-07. İstifadə tarixi: 18 avqust 2017.
- Borys Kit (2008-10-14). "Don Cheadle joins 'Iron Man 2'". THR. İstifadə tarixi: 18 avqust 2017.
- "Tony Stark calls James Rhodes "War Machine"". IMDB.com. İstifadə tarixi: 18 avqust 2017.
- http://www.superherohype.com/features/97649-downey-jr-favreau-cheadle-suit-up-for-the-avengers
- "EXCLUSIVE! Iron Patriot is NOT in 'Iron Man 3′". Latino Review. June 4, 2012. İstifadə tarixi: 18 avqust 2017.
- http://ew.com/movies/2017/07/15/avengers-infinity-war-footage-thanos-d23/
Xarici keçidlər
- Qara qəhrəmanların dünyası: Müharibə maşını bioqrafiyası
- Müharibə maşını Marvel.com-da
- Müharibə maşını (ing.) — IMDb səhifəsi
lər]] [[Kateqoriya:Uydurma zireh