Marvel Super Heroes vs. Street Fighter

Marvel Super Heroes vs. Street Fighter — "Capcom" tərəfindən hazırlanan və nəşr olunan krossover faytinq video oyunu. "Marvel vs. Capcom" video oyun seriyasındakı 2-ci əsas epizoddur və 1996-cı ildə satışa çıxarılan "X-Men vs. Street Fighter" video oyununun davamıdır. Video oyun ilk dəfə 1997-ci ildə arkada oyunu kimi buraxılmışdır. Video oyun daha sonra 1998-ci ildə Sega Saturn, 1999-cu ildə isə PlayStation üçün satışa çıxarılmışdır.

Marvel Super Heroes vs. Street Fighter
Üzərində müxtəlif personajların təsvir edildiyi reklam fleyeri.
Hazırlayan	Capcom
Yayımlayan	Arkada və Sega Saturn Capcom PlayStation JP / NA: Capcom PAL: Virgin Interactive
Seriya	Marvel vs. Capcom Street Fighter
Buraxılış tarixi	Siyahı Arkada 25 iyun 1997 7 iyul 1997 27 avqust 1997 Sega Saturn 22 oktyabr 1998 PlayStation 23 fevral 1999 25 fevral 1999 1999
Janr	faytinq, krossover^[d]
Prodüserlər	Kenci Kataoka
Bəstəkarlar	Yuki İvay Yuko Kadota
Texniki məlumat
Platformalar	Arkada PlayStation Sega Saturn
Oyun rejimləri	birnəfərli, çoxnəfərli
İnterfeysin dili	ingilis dili
İdarəetmə	coystik
Korpusun növü	şaquli
Displey	Rastr (horizontal)
Arkada platforması	CP System II
Səs	QSound

"Marvel Super Heroes vs. Street Fighter" video oyununun geympleyi və estetikası "X-Men vs. Street Fighter" video oyununa çox oxşayır. Hər bir oyunçu iki personaj seçir ki, təkbətək teq-tim komanda döyüşündə iştirak etsinlər və rəqib komandanı məğlub etsinlər. Video oyun əvvəlki buraxılışdakı İks-adamlar heyətinin çoxunu digər "Marvel" mülklərindən olan personajlarla əvəz edir. Əlavə olaraq, video oyun "Dəyişkən yardım" adlı yeni geympley mexanikası təqdim edir, hansı ki, növbəti "Marvel vs. Capcom" buraxılışlarında istifadə olunmuşdur.

Əvvəlki buraxılışda olduğu kimi "Marvel Super Heroes vs. Street Fighter" video oyunu da geympleyi, kəskin animasiyaları, personaj reyestrinə görə ümumiyyətcə müsbət rəylər almışdır. Oyunun 4 MB RAM genişləndirmə kartricindən istifadə edən Sega Saturn versiyası arkada kimi möhtəşəm bir konversiyasına görə təriflənmişdir. PlayStation konsolunun yaddaş məhdudiyyətlərinə görə, teq-tim döyüşləri portdan yığışdırılmışdır. Bu da portun qarışıq rəylər almasına səbəb olmuşdur. Oyunun sikveli olan "Marvel vs. Capcom: Clash of Super Heroes" 1998-ci ildə buraxılmışdır.

Geympley

 

Blekhart Şuma-Qoratı çağırır ki, Çun Liyə hücum etsin.

"Marvel Super Heroes vs. Street Fighter" video oyunu "Marvel vs. Capcom" ikiölçülü faytinq video oyunları seriyasının ikinci buraxılışıdır. Video oyun "X-Men vs. Street Fighter" video oyunundakı eyni təkbətək teq-tim komanda formatından istifadə edir. Oyunçular iki döyüşçüdən ibarət komanda seçirlər. Döyüşçülərin hər birinin özlərinə xas sağlamlıq sayğacı var. Matçın başlanğıcında birinci seçilən personaj oyunçu tərəfindən idarə edilir, ikinci seçilən personaj isə ekrandan kənarda, köməkçi personaj rolunu canlandırır. Oyunçu coystik hərəkətlərindən və düymə sıxmaqdan ibarət kombinasiyalardan istifadə edərək müxtəlif döyüş fəndlərini icra etməlidir ki, rəqib komandanın sağlamlıq sayğaclarını tükətsin. Rəqibin sağlamlıq sayğacı tükədən birinci oyunçu matçın qalibi olur. Əgər vaxtölçən sıfıra çatırsa, bu zaman sağlamlıq sayğacı ən yüksək olan oyunçu matçın qalibi olur.

"Marvel Super Heroes vs. Street Fighter" video oyunundakı ən diqqət çəkən dəyişiklik "Dəyişkən yardım" funksiyasıdır. Dəyişkən yardım ilə oyunçular ekrandan kənarda olan personajlarını hal-hazırda istifadə etdikləri personajları dəyişmədən xüsusi fənd icra etmələri üçün çağıra bilərlər. Bu da döyüş zamanı fənd kombinasiyaları həyata keçirmək və köməkçi personajın rolunu daha əhəmiyyətli etmək üçün yeni mümkünatlar yaradır. Dəyişkən yardım funksiyası daha sonra növbəti "Marvel vs. Capcom" seriyasında buraxılışlarda istifadə edilən bir geympley elementi olmuşdur.

Rejimlər

"Marvel Super Heroes vs. Street Fighter" video oyununun arkada, "Sega Saturn" və "PlayStation" versiyalarında həm arkada, həm də ki qarşı-qarşıya rejimi var. Arkada rejimində oyunçular süni intellekt tərəfindən idarə edilən rəqib komandalar dalğası, bir müddət irəlilədikdən sonra isə "X-Men vs. Street Fighter" video oyununda da görünən boss personaj Apokalipsisə qarşı döyüşürlər. Oyunçu Apokalipsisi məğlub etdikdən sonra oyunçu axırıncı boss – Kiber-Akuma ilə döyüşməlidir. Oyunun "PlayStation" versiyasında üç eksklüziv oyun rejimi var. Onlar: Məşq, Qəhrəman döyüşü və Kross-overdir. Qəhrəman döyüşü dözümlülük rejimidir. Burada oyunçu seçmədiyi personajlara qarşı döyüşməlidir. Kross-over rejimində oyunçu və rəqibi olan kompüter eyni personajlarla döyüşürlər. Oyunçu matçın qalibi olarsa, kompüter hər iki komandadan bir personajı bir-birləri ilə əvəz edir. Oyunun "PlayStation" portunda Qalereya rejimi də var. Burada oyunun reklam və personajlar üçün nəzərdə tutulmuş rəsm əsərləri var. Bu rəsm əsərlərinin kilidini açmaq üçün müxtəlif tapşırıqları yerinə yetirmək lazımdır.

Oyunçu personajlar

"Marvel Super Heroes vs. Street Fighter" video oyununda 17 personajdan ibarət döyüşçü reyestri var. Onlardan 9-u "Street Fighter" kainatından, 8-i isə "Marvel Comics" kainatındandır. "X-Men vs. Street Fighter" video oyununda olan bütün İks-adamlar personajları Kapitan Amerika, Hörümçək-adam və Halk kimi digər "Marvel" mülklərinə aid olan personajlarla əvəz edilmişdir. "Street Fighter" personajlarının əksəriyyəti əvvəlki buraxılışdan qayıdır. "Marvel Super Heroes vs. Street Fighter" video oyununun Yaponiya arkada və konsol versiyalarında Norimaro (憲磨呂ノリマロ) adlı eksklüziv personaj var. Norimaro Yaponiya komiki Noritake Kinaşi tərəfindən yaradılmış orijinal bir personajdır. Bu personajın sahibi də məhz odur və personaj nə "Marvel" nəşriyyatını, nə də ki "Capcom" şirkətini təmsil edir. Norimaro lisenziya problemlərinə görə video oyunun beynəlxalq buraxılışlarında görünmür. 17 oyunçu personaja əlavə olaraq, reyestrdə 6 gizli personaj var. Gizli personajlar mövcud personajların fərqli fənd dəstlərinə sahib palitra dəyişikliyidir. Məsəlüçün, Kapitan Amerikanın palitra dəyişikliyi "ABŞ agenti", Blekhartın palitra dəyişikliyi isə "Mefisto"dur.

"Marvel Super Heroes vs. Street Fighter" video oyununun personaj reyestri belədir:

"Marvel" personajları "Street Fighter" personajları Blekhart  • Halk  • Hörümçək-adam  • Kapitan Amerika  • Qırmızı Omeqa  • Siklop  • Şimal porsuğu  • Şuma-Qorat Akuma  • Çun Li  • Dan Hibiki  • Dalsim  • Ken Masters  • M. Bayson  • Ryu  • Sakura Kasuqano  • Zangiyev

İstehsal və buraxılış

"X-Men vs. Street Fighter" video oyununda olduğu kimi "Marvel Super Heroes vs. Street Fighter" də ilkin olaraq, "CP System II" arkada sistem lövhəsi üçün istehsal edilmişdir. Oyun 1997-ci ildə Yaponiya və Şimali Amerika arkadalarında debüt etmişdir. Bundan bir müddət sonra sonra, 22 oktyabr 1998-ci il tarixində video oyunun Sega Saturn portu satışa çıxarılmışdır. Oyunun Sega Saturn portu 4MB RAM genişləndirmə periferiyasını dəstəkləyirdi. Bu isə istehsalçılara içərisində orijinal kadr tezliyi və teq-tim sisteminin də olduğu bir konversiya yaratmaq imkanı vermişdir. Oyun daha sonra, 1999-cu ilin fevral ayın PlayStation konsoluna portlaşdırılmışdır. Teq-tim formatı konsolunun məhdud RAM tutumluğuna görə "Street Fighter" kimi digər faytinq oyun seriyalarında istifadə edilən daha ənənəvi raund formatı ilə əvəz edilmişdir. Teq-tim geympleyin yerini doldurmaq üçün oyuna Qəhrəman döyüşü və Kross-over kimi bir neçə yeni oyun rejimi əlavə olunmuşdur.

Keçmiş "Capcom USA" icma meneceri və faytinq oyunu məsləhətçisi Set Killiana görə, "Marvel Super Heroes vs. Street Fighter" üçün nəzərdə tutulmuş əsas hədəflərdən biri də ekranda baş verən "dəliliyin dərəcəsini" "X-Men vs. Street Fighter" video oyunu ilə müqayisədə azaltmaq idi. İstehsalçılar bunu personaj reyestri vasitəsilə tənzimləndirmək istəyirdilər. Əvvəlki buraxılış çox oyunçu tərəfindən "xarab" adlandırılırdı, çünki personajlar bir və ya daha çox sonsuz kombinasiya edə bilirdi. Buna baxmayaraq, həmin dəyişikliklər oyunun oyunçulara daha az azadlıq verməsindən şikayətlənən azarkeşlər tərəfindən müsbət qəbul edilməmişdir. Bu, "Capcom" şirkətinin dəlilik mövzusunu seriyanın əyar möhürü kimi qəbul etməsinə və növbəti "Marvel vs. Capcom" epizodlarının diqqət mərkəzinə çevirməsinə gətirib çıxarmışdır.

Qəbul

Tənqidçilərin mövqeyi

Qəbul
Tənqidi xallar Nəşriyyat Xal PS Saturn AllGame       N/A Game Informer 8/10 N/A GamePro       N/A Game Revolution B- N/A GameSpot 5.7/10 7.3/10 IGN 7.5/10 N/A OPM (US)       N/A PSM       N/A Yekun xal GameRankings 74% 77%

Video oyun rəy toplayıcısı "GameRankings" portalına görə, "Marvel Super Heroes vs. Street Fighter" video oyununun Sega Saturn versiyası "müsbət" rəylər, PlayStation versiyası isə "ortabab" rəylər almışdır. "GameSpot" işçisi Ceff oyunun Sega Saturn portunu geympleyinə, personaj reyestrinə, qrafikalarına, kəskin animasiyalarına və əlavə RAM dəstəyinə görə tərifləmiş, onu "arkada qədər möhtəşəm bir konversiya" adlandırmışdır. Buna baxmayaraq, Gerstmann onu "X-Men vs. Street Fighter" oyununun "demək olar ki, karbon kopyası" adlandırmışdır. Həmçinin, oyunun PlayStation portu geympleyinə və personaj reyestrinə görə təriflənmiş, ancaq konsolun yaddaş məhdudiyyəti ilə bağlı yaranan problemlərə görə müxtəlif tənqidlər almışdır. "GameSpot", "IGN" və "Game Revolution" oyunda orijinal versiyanın teq-timə əsaslanan geympleyinin olmamasına görə pisləmişdir. "IGN" mütəxəssisi Rendi Nelson qeyd etmişdir ki, "teq-tim döyüşlərinin olmaması "Capcom" şirkətinin "Versus" seriyasının əsas elementlərindən birinin rədd edilməsidir". Bu isə "doğrudan da xüsusi və ya fərqli olmayan" bir video oyunun yaranmasına gətirib çıxarmışdır. "GameSpot" yazıçısı Rayan MakDonald portun aşağı qrafik keyfiyyətinə və animasiyaların zəif kadr tezliyinə görə məyus olduğunu bildirmişdir. Əlavə olaraq, "Game Informer" portalı da kadr tezliyində yavaşlamaya şahid olduğunu qeyd etmiş və bundan şikayətlənmişdir. Edilən tənqidlərə baxmayaraq, resenziya müəllifləri oyunun "X-Men vs. Street Fighter" oyununun tənqidi baxımdan uğursuz olan PlayStation portundan daha yaxşı olduğunu iddia etmişdir.

Sikvel

  Əsas məqalə: Marvel vs. Capcom: Clash of Super Heroes

"Marvel Super Heroes vs. Street Fighter" video oyununun sikveli "Marvel vs. Capcom: Clash of Super Heroes" 1998-ci ildə Yaponiya və Şimali Amerika arkada sistemləri üçün buraxılmışdır. Oyun personaj reyestrini "Street Fighter" seriyasından kənara, "Darkstalkers" və "Mega Man" kimi digər "Capcom" video oyun franşizalarına doğru genişləndirmişdir. Video oyunun geympleyi oxşar qalsa da, "Clash of Super Heroes" dəyişkən yardım funksiyasını yığıdırır və onu yeni bir sistem ilə əvəz edir. Video oyun 1999-cu ildə Dreamcast, 2000-ci ildə isə PlayStation konsoluna portlaşdırılmışdır. Oyunun yüksək dəqiqlikli versiyası "Marvel vs. Capcom Origins" kompilyasiyasının bir parçası olaraq 2012-ci ildə PlayStation 3 və Xbox 360 konsolları üçün satışa çıxarılmışdır.

Qeydlər

1. yaponca: マーヴルスーパーヒーローズバーサスストリートファイター, Hepbörn: Māvuru Sūpā Hīrōzu bāsasu Sutorīto Faitā^?, azərb. Marvel super qəhrəmanları küçə döyüşçülərinə qarşı‎
2. Siklop və Şimal porsuğu istisna olmaqla.
3. Kammi və Çarli istisna olmaqla. Onlar Dan və Sakura tərəfindən əvəz edilmişdir. Həmçinin, Çarlinin oyunda olmasına baxmayaraq, o, gizli personajdır.

İstinadlar

1. "Marvel Super Heroes Vs. Street Fighter". arcade-museum.com (ingilis). Killer List of Videogames. İstifadə tarixi: 3 mart 2020.
2. Çappell, Qaret (7 may 2009). "Marvel Super Heroes Vs Street Fighter (Part 7)". retrogamer.net (ingilis). Retro Gamer. İstifadə tarixi: 2 mart 2020.
3. [Sega_Saturn_Magazine_Issue_24_1997-10_EMAP_Images_GB/page/n90/mode/2up "Coin Operated"] (#bad_url). Sega Saturn Magazine (ingilis). No. 24. Emap International Limited. Oktyabr 1997. 90–92. 30 may 2013 tarixində arxivləşdirilib. İstifadə tarixi: 2 mart 2020.
4. Sony Playstation - Manual // Marvel Super Heroes Vs. Street Fighter (PDF) (ingilis). Capcom. İstifadə tarixi: 2 mart 2020 – gamesdbase.com vasitəsilə.
5. Edvards, Mett (15 fevral 2009). "Retrospective: Street Fighter (Page 4)". eurogamer.net (ingilis). Eurogamer. İstifadə tarixi: 2 mart 2020.
6. Ko, Frans (16 mart 2012). "A History Of Tag Team Fighting Game Innovations". shoryuken.com (ingilis). Shoryuken. İstifadə tarixi: 2 mart 2020.
7. Perri, Duqlas K. (4 yanvar 1999). "Marvel Super Heroes vs. Street Fighter (Preview)". ign.com (ingilis). IGN. İstifadə tarixi: 2 mart 2020.
8. MakDonald, Rayan (16 fevral 1999). "Marvel Super Heroes vs. Street Fighter Review (PS)". gamespot.com (ingilis). GameSpot. İstifadə tarixi: 2 mart 2020.
9. IGN staff (10 dekabr 1998). "Marvel Over These Shots". ign.com (ingilis). IGN. İstifadə tarixi: 2 mart 2020.
10. Killian, Set (14 fevral 2011). "Marvel vs Capcom: A history of the Vs fighting series". youtube.com (ingilis). YouTube. İstifadə tarixi: 3 mart 2020 – GamesRadar vasitəsilə.
11. Elston, Brett (12 fevral 2011). "Marvel vs Capcom: a history of the Vs fighting series (Page 2)". gamesradar.com (ingilis). GamesRadar. İstifadə tarixi: 3 mart 2020.
12. "Top Comedian Gets Hidden in Capcom's New Fighter". Electronic Gaming Monthly (ingilis). No. 93. Ziff Davis. Aprel 1997. səh. 20.
13. Gerstmann, Ceff (30 noyabr 1998). "Marvel Super Heroes vs. Street Fighter (Import) Review (Saturn)". gamespot.com (ingilis). GameSpot. İstifadə tarixi: 3 mart 2020.
14. Clint (Mart 1999). "Marvel Super Heroes Vs. Street Fighter Review (PS)". gamerevolution.com (ingilis). Game Revolution. 25 oktyabr 2004 tarixində . İstifadə tarixi: 3 mart 2020.
15. McLaughlin, Rus (16 fevral 2009). "IGN Presents the History of Street Fighter (Page 7)". IGN. İstifadə tarixi: 3 yanvar 2016.
16. Perry, Douglass C. (14 oktyabr 1998). "First Look: Marvel Super Heroes vs. Street Fighter". IGN. İstifadə tarixi: 2 yanvar 2016.
17. Haus, Metyu. . allgame.com (ingilis). AllGame. 15 noyabr 2014 tarixində orijinalından arxivləşdirilib. İstifadə tarixi: 4 mart 2020.
18. MakNamara, Endi; Storm, Con; Reyner, Endrü (Yanvar 1999). . Game Informer (ingilis) (69): 59. 6 dekabr 2000 tarixində orijinalından arxivləşdirilib. İstifadə tarixi: 4 mart 2020 – gameinformer.com vasitəsilə.
19. Major Mike (1999). . GamePro (ingilis). 9 fevral 2005 tarixində orijinalından arxivləşdirilib. İstifadə tarixi: 4 mart 2020 – gamepro.com vasitəsilə.
20. Nelson, Rendi (25 fevral 1999). "Marvel Super Heroes vs. Street Fighter (PS)". ign.com (ingilis). IGN. İstifadə tarixi: 4 mart 2020.
21. "Marvel Super Heroes vs. Street Fighter". Official U.S. PlayStation Magazine (ingilis). 1999. (#accessdate_missing_url)
22. "Review: Marvel Super Heroes vs. Street Fighter". PSM (ingilis). 1999. (#accessdate_missing_url)
23. "Marvel Super Heroes vs. Street Fighter for PlayStation". gamerankings.com (ingilis). GameRankings. İstifadə tarixi: 4 mart 2020.
24. "Marvel Super Heroes vs. Street Fighter for Saturn". gamerankings.com (ingilis). GameRankings. İstifadə tarixi: 4 mart 2020.
25. Gerstmann, Ceff (2 aprel 1999). "Marvel vs. Capcom [Clash of Super Heroes] Review (DC)". gamespot.com (ingilis). GameSpot. İstifadə tarixi: 3 mart 2020.
26. Danhem, Ceremi (7 oktyabr 1999). "Marvel vs. Capcom: Clash of Super Heroes Review (DC)". ign.com (ingilis). IGN. İstifadə tarixi: 3 mart 2020.
27. İn-Pul, Uizli (5 iyul 2012). "Marvel vs. Capcom Origins announced with debut trailer, screens". eurogamer.net (ingilis). Eurogamer. İstifadə tarixi: 3 mart 2020.

Xarici keçidlər

• Marvel Super Heroes vs. Street Fighter "Killer List of Videogames" saytında
• Marvel Super Heroes vs. Street Fighter MobyGames saytında