Leyla Abdullayeva (deputat)

Vikipediyada bu ad-soyadlı digər şəxslər haqqında da məqalələr var; bax: Leyla Abdullayeva.

Leyla Abdullayeva Arif qızı (11 iyun 1959, Naxçıvan) — Azərbaycan Respublikası Milli Məclisinin IV çağırış deputatı. Sumqayıtın ilk qadın deputatıdır.

Leyla Abdullayeva
Azərbaycan Respublikası Milli Məclisinin IV çağırış deputatı
2010 – 2015
Şəxsi məlumatlar
Doğum tarixi	11 iyun 1959(1959-06-11) (65 yaş)
Doğum yeri	Naxçıvan, Naxçıvan MSSR, Azərbaycan SSR, SSRİ
Vətəndaşlığı	Azərbaycan
Partiya	Yeni Azərbaycan Partiyası
Təhsili	Bakı Slavyan Universiteti
Təltifləri

Həyatı

Leyla Abdullayeva 1959-cu il iyunun 11-də Naxçıvan şəhərində anadan olmuşdur. 3 yaşından Sumqayıtda yaşayır. Orta təhsilini Sumqayıt şəhərinin 1 və 15 saylı orta məktəblərində alıb. 1976-cı ildə M. F. Axundov adına Azərbaycan Pedaqoji Dillər İnstitutuna daxil olub, 1981-ci ildə rus dili və ədəbiyyatı müəllimi ixtisası üzrə məzun olub. 2003-cü ildə Azərbaycan dili və ədəbiyyatı üzrə ikinci ixtisasını alıb.

Azərbaycan Pedaqoji Rus dili və Ədəbiyyatı İnstitutunun Rus dili və ədəbiyyatı fakültəsini bitirmişdir.

Yeni Azərbaycan Partiyasının üzvüdür.

2009-cu ildə ilə təltif edilmişdir.

Subaydır.

Rus dilini bilir.

Fəaliyyəti

Leyla Abdullayeva 1982-ci ildən Naxçıvan şəhərinin 1 saylı internat məktəbində və 6 saylı orta məktəbində, 1984-cü ildən Sumqayıt şəhərinin 15 saylı orta məktəbində, 1995-ci ildən "İstedad" liseyində müəllim işləmişdir. 2005-ci ildən F. Piriyev adına Sumqayıt şəhər 18 saylı orta məktəbin direktorudur.

O, 2 dərs vəsaitinin müəllifidir.

O, Ailə, Qadın və Uşaq Problemləri üzrə Dövlət Komitəsinin Sumqayıt şəhər təşkilatının, YAP Sumqayıt şəhər təşkilatı idarə heyətinin üzvüdür.

2009-cu ildə Sumqayıt şəhər bələdiyyəsinə keçirilən seçkilərdə partiyanın namizədi kimi iştirak edib və bələdiyyə üzvü seçilib.

2010-cu ildə 41 saylı Sumqayıt birinci seçki dairəsindən Milli Məclisin IV çağırış deputatı seçilib.

Milli Məclisin Mədəniyyət komitəsinin üzvüdür.Braziliya, Estoniya, Türkiyə, Türkmənistan parlamentləri ilə əlaqələr üzrə işçi qruplarının üzvüdür.

2015-ci ildə növbəti seçkilərdə hakim Yeni Azərbaycan Partiyası Leyla Abdullayevanı 41 saylı Sumqayıt birinci seçki dairəsindən namizəd kimi təqdim etsə də, o sonradan deputatlığa namizədliyini geri götürüb. YAP icra katibinin müavini, deputat Siyavuş Novruzovun açıqlamasın görə, Abdullayeva dövlət qulluğunda çalışmaq barədə qərar verib, bu halda isə qanun onun seçkili orqanda təmsil olunmasına icazə vermir. Milli Məclisə keçiriləcək seçkilərlə əlaqədar deputatlığa namizədin qeydə alınması üçün zəruri olan seçki sənədlərinin müvafiq dairə seçki komissiyalarına təqdim edilməsinə ayrılan müddət başa çatdığından Yeni Azərbaycan Partiyası 41 saylı Sumqayıt I Seçki Dairəsindən Leyla Abdullayevanın əvəzinə yeni namizəd irəli sürməyib.

İstinadlar

1. Dördüncü çağırış Azərbaycan Respublikası Milli Məclisinin 2010-cu il 29 noyabr tarixli iclasın stenoqramı. Arxivləşdirilib 2020-10-28 at the Wayback Machine meclis.gov.az  (az.)
2. "Sumqayıtın ilk qadın deputatı kimi üzərimə böyük məsuliyyət düşür". Yeni Azərbaycan. 2024-08-25 tarixində arxivləşdirilib. İstifadə tarixi: 2024-08-25.
3. "ABDULLAYEVA Leyla Arif qızı". ABDULLAYEVA Leyla Arif qızı (rus). 2022-08-14 tarixində arxivləşdirilib. İstifadə tarixi: 2024-08-25.
4. E-QANUN. "Azərbaycan Respublikası Milli Məclisinin Mədəniyyət komitəsi üzvlərinin seçilməsi haqqında AZƏRBAYCAN RESPUBLİKASI MİLLİ MƏCLİSİNİN QƏRARI". e-qanun.az (ingilis). 2020-09-16 tarixində arxivləşdirilib. İstifadə tarixi: 2024-08-25.
5. musavat.com https://musavat.com/news/yap-ci-deputat-namizedliyini-geri-goturub-yenilenib_295857.html (#bare_url_missing_title). İstifadə tarixi: 2024-08-25.
6. "Leyla Abdullayeva əvəzlənmədi – YAP-dan açıqlama". Milli.Az (az.). 2015-10-03. 2024-08-25 tarixində arxivləşdirilib. İstifadə tarixi: 2024-08-25.
7. "YAP Leyla Abdullayevanın yerinə namizəd irəli sürmədi". Lent.az (az.). 2024-08-25 tarixində arxivləşdirilib. İstifadə tarixi: 2024-08-25.