Həlimə Sultan
Həlimə Validə Sultan (d. 1576 - ö. 1623) - I Mustafanın anasıdır. Bəzi qaynaqlarda adı bilinmədiyi üçün Füldânə Sultan olaraq qeyd edilir. Validə sultanlıq dövrü az olmuş, oğlunun ikinci dəfə taxtdan endirilib sürgün edilməsi səbəbi ilə kədərdən vəfat etmişdir.
| Həlimə Sultan | |
|---|---|
| حليمة سلطان | |
| Sələfi | Handan Sultan |
| Xələfi | Mahfiruz Xədicə Sultan |
| Sələfi | Mahfiruz Xədicə Sultan |
| Xələfi | Kösəm Sultan |
| Şəxsi məlumatlar | |
| Doğum tarixi | |
| Doğum yeri | Şimali Qafqaz |
| Vəfat tarixi | |
| Vəfat yeri | |
| Dəfn yeri | |
| Həyat yoldaşı | III Mehmed |
| Uşaqları | Şahzadə Mahmud, Dilrüba Sultan, I Mustafa |
Həyatı
III Mehmedin hasəki qadınlarından biridir. Oğlu əqli cəhətdən zəif olduğu üçün sarayda önəmli rol oynamışdır. I. Mustafa taxta keçəndə nənəsi Safiyə Sultan hələ də sağ idi. Safiyə Sultan həm əri III. Murad, həm də oğlu III. Mehmed zamanında sarayda çox təsirli olmuş bir Validə Sultan idi. İki nəvəsinin də səltənətini gördü. Osmanlı adətlərinə görə padşahın nənəsi yox, anası Validə Sultan olaraq dövlətin ən qüdrətli qadını olmalı idi. Ancaq Safiyə Sultanın əri və oğlu dönəmində iqtidardakı gücü nəvələrinin dönəmində gəlinlərinin gücünə kölgə salırdı.
Oğlu I. Mustafanın səltənətində hakimiyyət Həlimə Sultan və qızı Dilruba Sultanla evli olan kürəkəni Qara Davud Paşanın əlindəydi. Ancaq taxtda çox qalmayan I. Mustafa 26 fevral 1618 tarixində taxtdan devrildi və II. Osman sultan elan olundu. Lakin 10 may 1622 tarixində II. Osman yeniçəri üsyanı ilə devrildi və faciəvi şəkildə şəhid edilmiş, üsyançıların əlində oyuncağa çevrilən I. Mustafa yenidən taxta çıxmışdır. II. Osmanın devrilməsi və şəhid edilməsində Həlimə Sultanın önəmli rolu vardır. Ağır dərəcədə sinir xəstəsi, hətta bəzi mənbələrə görə ruhi xəstə olan oğlunu taxtda çox saxlaya bilməyən Həlimə Sultan 10 sentyabr 1623 tarixində baş vermiş saray çevrilişi nəticəsində oğlu ilə birlikdə köhnə saraya sürgün edildi. Bu hadisələrdən sonra böhran keçirdən Həlimə Sultan çox yaşamadı və 1623 tarixində köhnə sarayda vəfat etdi.
Övladları
- Şahzadə Mahmud (1587-1603) - atası III. Mehmed tərəfindən boğdurulmuşdur.
- Dilrüba Sultan (1592-1687)
- I. Mustafa (1591-1639)