Dadaş Şaraplı
Dadaş Kamil oğlu Şaraplı (Məmmədov) (8 sentyabr 1903, Bakı – 1959, Bakı) — Azərbaycanın teatr aktyoru, Azərbaycan SSR əməkdar artisti (1938).
| Dadaş Şaraplı | |
|---|---|
| Doğum adı | Dadaş Kamil oğlu Məmmədov |
| Doğum tarixi | |
| Doğum yeri | Bakı, Bakı quberniyası, Rusiya imperiyası |
| Vəfat tarixi | |
| Vəfat yeri | Bakı, Azərbaycan SSR, SSRİ |
| Vətəndaşlığı | Rusiya imperiyası→ AXC→ SSRİ |
| Fəaliyyəti | aktyor |
| Fəaliyyət illəri | 1921–1959 |
| Təhsili | Bakı Teatr Məktəbi |
| Teatr | Azərbaycan Dram Teatrı (1922–1938; 1940-cı illər); Azərbaycan Dövlət Musiqili Komediya Teatrı (1938–1940) |
| Mükafatları | |
Həyatı
Dadaş Şaraplı 8 sentyabr 1903-cü ildə Bakıda anadan olub. O, gənc yaşlarından müxtəlif teatr truppalarında çıxıb edib. 1921-ci ildə yeni yaranmış Azad Tənqid və Təbliğ Teatrının kollektivinə qəbul olunub. Dadaş Şaraplı 1922-ci ilin axırlarında Azərbaycan Dram Teatrının aktyor truppasına götülüb. Burada işləyərkən o, 1934–1938-ci illərdə Mirzə Fətəli Axundov adına Bakı Teatr Məktəbində təhsil alıb. O, iki ilə yaxın, 1938–1940-cı illərdə Azərbaycan Dövlət Musiqili Komediya Teatrında çalışıb və yenidən Azərbaycan Dram Teatrına qayıdıb. 1940-cı illərdə qısa müddət yaradıcılığını sirk səhnəsində davam etdirib və Azərbaycan Dövlət Filarmoniyasında konferansye olaraq intermediyalarda çıxış edib.
Dadaş Şaraplı 1959-cu ildə Bakıda vəfat edib.
Mükafatları
- "Şərəf nişanı" ordeni — 17 aprel 1938
- "Azərbaycan SSR əməkdar artisti" fəxri adı — 4 noyabr 1938
İfa etdiyi əsas rollar
Akademik teatrda oynadığı əsas rollar
| Tamaşa | Müəllif | Rol |
|---|---|---|
| Hacı Qara | Mirzə Fətəli Axundov | Kərəməli |
| Müsibəti-Fəxrəddin | Nəcəf bəy Vəzirov | Məhərrəm bəy |
| Pəri cadu | Əbdürrəhim bəy Haqverdiyev | Əmrah və Təlxək |
| Şeyx Sənan | Hüseyn Cavid | Serqo |
| Knyaz | Hüseyn Cavid | Kinto |
| Oqtay Eloğlu | Cəfər Cabbarlı | Mazandaranski |
| Almaz | Cəfər Cabbarlı | Ocaqqulu |
| Yaşar | Cəfər Cabbarlı | Niyaz |
| Xoşbəxtlər | Sabit Rəhman | Bərbərzadə |
| Vaqif | Səməd Vurğun | Təlxək |
| Həyat | Mirzə İbrahimov | Pardon Qurbanəli |
| Hamlet | Uilyam Şekspir | Gildestern |
| Şıltaq qızın yumşalması | Uilyam Şekspir | Tranio |
| Jorj Danden | Jan-Batist Molyer | Lyuben |
| Don Juan | Jan-Batist Molyer | Pyero |
| Skapenin kələkləri | Jan-Batist Molyer | Silvestr |
| Məkr və məhəbbət | Fridrix Şiller | Hofmarşal |
| Dubrovski | Aleksandr Puşkin | Şabaşkin |
| Müfəttiş | Nikolay Qoqol | Mişka |
| Günahsız müqəssirlər | Aleksandr Ostrovski | Milavzorov |
| Yurdsuz insanlar | Maksim Qorki | Alyoşa |
| Gülən adam | Viktor Hüqo | Redibel |
| Tom dayının koması | Biçer Stou | Bezqali |
| Fiqaronun toyu | Onore de Balzak | Jerubino |
| Dəmirçi Gavə | Şəmsəddin Sami | Pərviz |
| 80 gün dünya səyahəti | Jül Vern | Fite |
| Göy quş | Moris Meterlink | Tilet |
İstinadlar
- Rəhimli, İ. Dadaş Şaraplı // Azərbaycan Teatr Ensiklopediyası (3 cilddə). 1-ci cild. Bakı: Azərnəşr. 2016. səh. 280–281. ISBN 978-9952-8306-3-7.