İkinci Nügədi
İkinci Nügədi — Azərbaycan Respublikasının Quba rayonunun inzibati ərazi vahidində kənd. Eyniadlı bələdiyyənin tərkibindədir.
İkinci Nügədi | |
---|---|
41°18′54″ şm. e. 48°35′09″ ş. u. | |
Ölkə | Azərbaycan |
Region | Quba rayonu |
Tarixi və coğrafiyası | |
Mərkəzin hündürlüyü | 523 m |
Saat qurşağı | |
Əhalisi | |
Əhalisi | 8774 (2009) nəfər |
Tarixi
Kolxozlaşma dövrünə qədər vahid kən olan Nügədi, idarəetmənin asanlaşdırılması üçün 1-ci və 2-ciyə bölünmüşdür. Hal-hazırda da 1-dən 5-ə qədər məhəllələr 1-ci Nügədi ərazisində 6-dan 9-a qədər məhəllələr 2-ci Nügədinin ərazisindədir. 2-ci Nügədinin məhəllələri 6-cı, 7-ci, 8-ci və 9-cu məhəllələrdir. Kəndin əsl adı Nügdi olmuş, daha sonradan Nügədi kimi səsləndirilmişdir. 1970-80-ci illərə qədər yaşlı adamlar bu kəndi Nügdi (1-ci və 2-ci Nügədilər birlikdə) adlandırmışlar. Kəndin əhalisinin əsasən Dərbənd yaxınlığındakı Nügdi kəndindən köçərək gəldiyi hesab edilir.
Toponimikası
İkinci Nügədi oyk, mür. Quba r-nunun eyniadlı i.ə.v.-də kənd. Qaraçayın sahilində, dağətəyi ərazidədir. Yaşayış məntəqəsi r-nun ərazisində nisbətən yeni salınan kəndlərdəndir. Nügədi tat dilində "yeni kənd" deməkdir. Oykonimin birinci komponenti fərqləndirici xüsusiyyətə malikdir.
Mədəniyyəti
3 məktəb, 2 məscid, 1 şadlıq sarayı var. Əhalinin bir çoxu dövlət işlərində çalışır. Əsasən müəllimlik sahəsində irəliləyiş güclüdür. Kənddə üç orta məktəb və bir məktəbəqədər təhsil müəssisəsi fəalliyyət göstərir.
Coğrafiyası və iqlimi
Kənd Qara çayın sahilində yerləşir. İçməli su əsasən arteizan quyularından alınır. Hava qışda soyuq, nəm, rütubət yüksək, yayda sərin olur. Yaz və payız aylarında çoxlu yağışlar yağır.
Əhalisi
2009-cu ilin siyahıyaalınmasına əsasən kəndə 8774 nəfər əhali yaşayır.
Şəxsiyyətləri
- Rahim Mikayılov — II Qarabağ Müharibəsi şəhidi
- Cəlil Xeyrullayev — II Qarabağ Müharibəsi şəhidi
- Eynulla Lətifov — II Qarabağ Müharibəsi şəhidi
- Əfsan Salıyev — II Qarabağ müharibəsi şəhidi
- Zümrüd Məmmədova-Xalq artisti
- Məcnun Hacıbəyov—əməkdar artist
- Azad Nəbiyev (d.20 aprel, 1945. İkinci Nügədi, Quba)- ədəbiyyatşünas, folklorşünas, filologiya elmləri doktoru (1980), professor (1981), Beynəlxalq Ekoenergetika Akademiyasının akademiki (1997), Azərbaycan Yazıçılar Birliyinin üzvü (1999), Əməkdar müəllim (2000), Azərbaycan Milli Elmlər Akademiyasının müxbir üzvü (2001).
İqtisadiyyatı
İkinci Nügədi kəndi Qubanın ən qədim meyvəçilik ənənələri olan kəndlərindəndir. Əhali əsasən meyvəçilik (alma, armud, gaval, gilas və digər çəyirdəkli meyvələr, heyva, əzgil, qoz, fındıq) ilə məşğul olur. İkinci əsas sahə turizmdir. Kənddə çoxlu səfalı bulaqlar, göllər var. Əsasən Bakı əhalisinin sevimli istirahət guşəsidir. Kənddə cınqıl karxanaları da mövcuddur. Bu karxanalar kəndin əsas su mənbəyi olan Qaraçayın yatağını dərinləşdirməklə minilliklərlə formalaşmış ekosistemə dağıdıcı zərbə vurmaqdadırlar. Bunun nəticəsi olaraq Quba rayonunun ən böyük torpaq ərazisinə malik bu kəndin təsərrüfatlarının qidalandığı suvarma sistemi də təhlükə altındadır. Yəqin ki, yaxın gələcəkdə kənd həm suvarma , həm də içməli su cəhətdən çox ciddi problemlərlə üzləşəcək. Az sayda iri və xırda buynuzlu mal-qara da saxlanılır. Şəxsi maldar təsərrüfatları yaradılıb.
Həmçinin bax
Xarici keçidlər
- azerbaijanphoto.com saytındakı şəkilləri 2016-03-04 at the Wayback Machine
- Azərbaycan Respublikası Quba Rayon İcra Hakimiyyəti
İstinadlar
- . 2012-01-11 tarixində orijinalından arxivləşdirilib. İstifadə tarixi: 2013-04-04.
- Azərbaycan Toponimlərinin Ensiklopedik Lüğəti. Azərbaycan Milli Elmlər Akademiyası. Nəsimi adına Dilçilik İnstitutu. Şərq-qərb Bakı-2007. səh.427
- Azərbaycan Respublikası Əhalisinin Siyahıyaalınması. Azərbaycan Respublikasının Dövlət Statistika Komitəsi. Bakı-2010. Səh.629
Quba rayonu ilə əlaqədar bu məqalə qaralama halındadır. Məqaləni redaktə edərək Vikipediyanı zənginləşdirin. |