Tamta
Tamta Qoduadze (gürc. თამთა გოდუაძე; yun. Τάμτα Γκοντουάτζε; d. 10 yanvar 1981, Tbilisi, Gürcüstan Sovet Sosialist Respublikası) və ya sadəcə Tamta — Gürcü əsilli Yunanıstan müğənnisi. O, 2004-cü ildə iştirak etdiyi Super Idol musiqi yarışmasından sonra Yunanıstan və Kiprdə şöhrət qazanmışdır. Tamtanın Yunanıstan və Kiprdə bir neçə hit mahnıları olmuşdur. O, 2014-cü ildə X Factor Gürcüstan və 2016-cı ildə isə X Factor Yunanıstan yarışmalarında münsif olaraq yer almışdır.
| Tamta | |
|---|---|
| gürc. თამთა გოდუაძე | |
| Tamta Avroviziya səhnəsində | |
| Ümumi məlumatlar | |
| Doğum adı | Tamta Qoduadze gürc. თამთა გოდუაძე yun. Τάμτα Γκοντουάτζε |
| Doğum tarixi | |
| Doğum yeri | Tbilisi, Gürcüstan Sovet Sosialist Respublikası, SSRİ |
| Vətəndaşlığı | Yunanıstan |
| Milliyyəti | Gürcüstan |
| Musiqiçi məlumatları | |
| Fəaliyyəti | müğənni |
| Fəaliyyət illəri | 2004–h.h. |
| Janrlar | Pop, Dans-pop |
| Musiqi aləti | vokal |
| Albom şirkəti | Minos EMI |
| Əlaqələri | Midenistis, Sakis Ruvas |
| Təhsili | |
| tamta.gr | |
| Vikianbarda əlaqəli mediafayllar | |
.jpg.html){kind=link}
Tamta "Replay" mahnısı ilə Kipri Tel-Əvivdə keçirilən 2019 Avroviziya Mahnı Müsabiqəsində təmsil etmişdir.
Həyatı və musiqi karyerası
Tamta Qoduadze Gürcüstanda anadan olmuş və böyüyüb başa çatmışdır. Orada beş yaşında ikən musiqi ilə maraqlanmağa başlamışdır. Tamta 22 yaşında ailəsi ilə birlikdə Yunanıstana köçmüşdür. O, Yunanıstanda Super Idol musiqi yarışmasına qatılmışdır. Yarışmada finaladək yüksəlməyə nail olan Tamta nəticədə ikinci yerə layiq görülmüşdür. 2006-cı ildə ifaçının öz adını verdiyi debüt albomu işıq üzü görmüşdür.
2007-ci ildə Tamta Yunanıstanın ERT telekanalının 2007 Avroviziya Mahnı Müsabiqəsi üçün təşkil etdiyi seçim turunda iştirak etmişdir. Sarbelin qalib gəldiyi yarışmada Tamta ifa etdiyi "With Love" mahnısı ilə üçüncü yerdə qərarlaşmışdır. Həmin ilin may ayında Tamtanın Agapise Me adlı studio albomu buraxılmışdır.
2008-ci ilin iyun ayında Tamta müsahibələrindən birində Kipri 2009 Avroviziya Mahnı Müsabiqəsində təmsil etmək istədiyini bildirmişdir. Kipr telekanalı bir müddət ifaçı ilə danışıqlar aparsa da, nəticədə Kipri həmin müsabiqədə Kristina Metaksa təmsil etmişdir. Yunan mediyası ERT telekanalının Tamtanı Avroviziya-2009 üçün seçməsini istəsə də, Yunan telekanalı Moskvada keçirilən müsabiqəyə Sakis Ruvası göndərmişdir. 2010-cu ildə ifaçının Tharros I Alitheia albomu işıq üzü görmüşdür.
2019 Avroviziya Mahnı Müsabiqəsi
21 dekabr 2018-ci il tarixdə Tamtanın "Replay" mahnısı ilə Kipri İsrailin Tel-Əviv şəhərində keçirilən 2019 Avroviziya Mahnı Müsabiqəsində təmsil edəcəyi açıqlanmışdır. Daha öncə 2018-ci ildə Kipr telekanalı Tamtaya "Fuego" mahnısı ilə ölkəni Lissabonda keçirilən müsabiqədə təmsil etməyi təklif etsə də, ifaçı zamanlamanın uyğun olmaması səbəbi ilə təklifdən imtina etmişdir. Onun yerinə müsabiqəyə yunan müğənnisi Eleni Fureyra göndərilmiş və nəticədə Fureyra Kiprə həmin mahnı ilə 2-ci yeri qazandırmışdır. Hər iki mahnı yunan-isveç bəstəkarı Aleks Papakonstantinu tərəfindən bəstələnmişdir. Nəticədə ifaçı finalda 109 xalla 13-cü yerdə qərarlaşmışdır.
Diskoqrafiya
Albomlar
| Albom adı | İl |
|---|---|
| Tamta | 2006 |
| Agapise Me | 2017 |
| Tharros I Alitheia | 2010 |
| Best of Tamta | 2017 |
Sinqllar
| Mahnı adı | İl |
|---|---|
| "T' Allo Mou Miso" (Stavros Konstantinu ilə duet) | 2004 |
| "Ftais (Faraway)" | 2006 |
| "Den Telionei Etsi I Agapi" | |
| "Einai Krima" (Qriqoris Petrakos ilə duet) | |
| "With Love" | 2007 |
| "Agapise Me" | |
| "Relax, Take It Easy/Agapise Me (MAD Version)" | |
| "Agapo (Wanna Play)" (Akis Deiximos ilə duet) | |
| "Mia Stigmi Esi Ki Ego" | |
| "Ela Sto Rhythmo" | 2008 |
| "Koita Me" | 2009 |
| "Tharros I Alitheia" (Sakis Ruvas ilə duet) | |
| "Egoista" (İsaias Matiaba ilə duet) | 2010 |
| "Fotia" | |
| "Zise To Apistefto (Oblivion)" | 2011 |
| "Niose Tin Kardia" | 2012 |
| "Konta Sou" | |
| "Pare Me" | 2013 |
| "Gennithika Gia Sena" (Xenia Ghali ilə duet) | 2014 |
| "Always Broken" (Xenia Ghali ilə duet) | |
| "Den Ime O,ti Nomizis" | 2015 |
| "Unloved" | |
| "To Kati Parapano" | 2016 |
| "Protimo" | 2017 |
| "Ilious Ke Thalasses" | |
| "More Than A Summer Love" | |
| "Pes mou an tolmas" | 2018 |
| "Arhes Kalokairiou" | |
| "Tag you in my sky" | |
| "Na Me Pareis Makria" | |
| "Replay" | 2019 |
İstinadlar
- "The Greek finalists speak to esctoday!". ESCToday. 2007-03-25. İstifadə tarixi: 2008-08-08. (#apostrophe_markup)
- "Hit "Replay"! Tamta will represent Cyprus at Eurovision 2019". Wiwibloggs. 21 dekabr 2018.
| Əvvəlki: Eleni Fureyra "Fuego" | Kipr Avroviziya Mahnı Müsabiqəsində 2019 | Sonrakı: — |
