Rövşən Abdullaoğlu
Rövşən Abdullaoğlu (tam adı: Rövşən Abdulla oğlu Abdullayev; d. 28 sentyabr 1978. Bakı, Azərbaycan SSR) — Azərbaycanlı yazıçı, filosof-şərqşünas, psixoloq, teoloq.
Rövşən Abdullaoğlu | |
---|---|
azərb. Rövşən Abdulla oğlu Abdullayev | |
İlk adı | Rövşən Abdullayev |
Təxəllüsü | Abdullaoğlu |
Doğum tarixi | |
Doğum yeri | Bakı, Azərbaycan SSR |
Vətəndaşlığı | Azərbaycan |
Milliyyəti | Azərbaycanlı |
İxtisası | Filosof-şərqşünas, psixoloq, teoloq, yazıçı, publisist |
Fəaliyyəti | yazıçı |
Əsərlərinin dili | Azərbaycan dili |
Janr | Fəlsəfi roman, psixoloji roman, intellektual detektiv |
rovshanabdullaoglu.com |
Bioqrafiya
Rövşən Abdulla oğlu Abdullayev 28 sentyabr 1978-ci ildə Bakı şəhərində ziyalı ailəsində anadan olmuşdur.
Atası - Abdulla Abdullayev, hüquq-mühafizə sistemində çalışıb, rütbəsi mayordur. Hal-hazırda baş hüquqşünas vəzifəsini icra edir. 90-cı illərdə Qarabağ müharibəsində iştirak etmişdir.
Anası - Gülnarə Abdullayeva, ixtisasca mühasibdir, 30 ilə yaxın bank sektorunda çalışmışdır. Hal-hazırda təqaüddədir.
Qardaşları:
Altay Abdullayev - həkim, pediatr-neonatoloq.
Fərhad Abdullayev - pedaqoji təhsil almışdır. Hal-hazırda “Qədim Qala” nəşriyyat evinin icraçı direktoru vəzifəsini icra edir.
Rövşən Abdullaoğlu evlidir, üç övladı var.
Təhsili
Rövşən Abdullaoğlu 1995-ci ildə 116 saylı məktəbi bitirdikdən sonra Azərbaycan Dövlət İqtisad Universitetinə qəbul olmuşdur. Universitet təhsilini başa vurduqdan sonra Azərbaycan Respublikası Sərhəd Qoşunları sıralarına hərbi xidmətə yollanır, xidməti başa vurduğu zaman hərbi hissə komandirinin təşəkkür etimadnaməsi ilə təltif olunur.
Rövşən Abdullaoğlu təhsilini ərəb və fars dillərində, teologiya, sxolastika, ərəb ədəbiyyatı, şərq və qərb fəlsəfəsi sahəsi üzrə 8 ildən artıq olmaqla müxtəlif ali məktəb ocaqlarında davam etdirmışdir.
2013-cü ildə Moskva Pozitiv Texnologiyalar və Konsaltinq İnstitutunun “Psixoloji Konsultasiya” fakültəsində “qeştalt-terapiyası” metodu üzrə məsləhətçi-psixoloq ixtisasına yiyələnib.
Azərbaycan, türk, ərəb, fars və rus dillərini bilir.
Yaradıcılığı
Yaradıcı fəaliyyətinin başlanğıcını məktəb illərinə aid etmək olar. 1990-cı illərdə idmana olan böyük həvəsinin təsiri altında, güləşin müxtəlif növləri və akrobatika ilə məşğul olarkən bu mövzuda ilk kitabını yazır.
Sonralar əlyazmasını itirdiyi bu kitabda o, idmanın nəzəri və fəlsəfi mahiyyətinə toxunur, ideal idmançı olmağın yollarını göstərir, bir növ müxtəlif fəndlərin sintezi olan yeni, mükəmməl bir idman növünü təsvir edirdi.
Universitetdə oxuyarkən sosial faktorların yeniyetmə psixologiyasına təsiri haqda ilk məqalələr yazmış, təkamül nəzəriyyəsinin lehinə və əleyhinə olan faktları araşdırmışdır.
2010-cu ildə işıq üzü görmüş ilk kitabı olan “Nəfsi təzkiyənin elmi əsasları” şəxsiyyətin mənəvi dirçəliş və tənəzzül faktorundan, qəlbin xüsusiyyətlərindən, onda təcəlli edən zülmət və nur örtüyündən bəhs edir.
Tərcümə və şərhlər
2011-ci ildə İbn Sinanın şərqi mütəəssir buraxdığı kimi, qərbi də təsirsiz qoymayan son kitablarından olan “Göstəriş və təlimatlar” (Kitab əl-işarat vət-tənbihat) kitabının tərcüməsinə başlayıb.
Məna tərcüməsi ilə yanaşı olaraq, Rövşən Abdullaoğlu İbn Sinanın məntiqinə və metafizikasına yönəlik dərin izahlar təqdim etmişdir. Əsər iki kitab şəklində: “Görüntülər” və “Ariflərin irfani məqamları” adları altında nəşr olunmuşdur.
2012-ci ildə növbəti tərcümə işi “Əl-Mizan” adlı çoxcildli təfsir kitabının müəllifi, məşhur alim, filosof Əllamə Təbatəbainin “İnsan” traktatı oldu. Traktatın tərcümə və şərhi üç hissə şəklində nəşr olunub.
Elə həmin ildə islam aləmində ilk əlyazma sayılan kitabın tərcüməsini həyata keçirir. Kitabın “İlk kitab” adlanması məhz buradan qaynaqlanır. Bu kitabda islam cəmiyyətinin formalaşdığı erkən dönəmlərin tarixi hadisələri və siyasi fitnələr öz əksini tapıb.
Müəllif əsərləri
Rövşən Abdullaoğlu yaradıcılığının növbəti mərhələsinə psixoloji motivasiya yanaşma tərzi xarakterikdir. Növbəti beş kitabında - “Arxadakı körpüləri yandırın”, “Hər bir insan hökmdardır”, “Çətin olsa da, həyat davam edir”, “Üsyan”, “Qorxular” əsərlərində müəllif şərq və qərb psixologiyasına müraciət edir, şəxsiyyətin maddi və mənəvi inkişafı yolunda teoloji və psixoloji yanaşma sintezinin istifadə edildiyi yeni motivasiya üsulları təqdim edir.
Vətənində Rövşən Abdullaoğlu öz debütü ilə xüsusilə məşhurluq qazanmışdır. “Bu şəhərdə kimsə yoxdur” adlı ilk psixoloji romanı 2016-2018-ci illər ərzində Azərbaycanda ən çox satılan kitab olmuşdur.
Müəllifin ikinci “Relslər üzərinə uzanmış adam” romanı heç də az uğur qazanmır, kitabın birinci tirajı cəmi iki həftəyə satılır.
2018-ci ildə bu psixoloji romanların ingilis dilində elektron versiyası Amazon.com satış platformasında yerləşdirilib.
Psixoloji mövzuda qələmə alınmış bu romanlar ümumbəşəri mənəvi dəyərlərə hörmətlə yanaşmaq, irqi, dini, milli mənsubiyyətinə baxmayaraq ətrafdakılara münasibətdə insanlıq və dözümlülük nümayiş etdirmək, həyatın məşəqqətlərini dəyanətlə qarşılamaq və ən əsası – qarşılıq istəmədən, sidq-ürəkdən sevməyə səsləyir.
2018-ci ildə intellektual psixoloji detektiv janrında yazılmış, adı ilə böyük maraq doğuran “Abaddon” kitabı işıq üzü görməsi ilə bütün gözləntiləri aşdı. Artıq oxucu kütləsinin sevgisini qazanmış olan müəllifin bu romanı cəmi üç saata satıldı. Nəşriyyat bir neçə gün ərzində ikinci tirajı çap edib.
2019-cu ilin mart ayında "Tanrı–mif, yoxsa həqiqət" silsiləsindən ilk kitab olan "Əsarət" işıq üzü görmüşdür. Bu kitab müxtəlif ideoloji məktəblər tərəfindən "yaradan" anlayışının qızğın müdafiəsinin və kəskin inkarının psixoloji səbəblərini açıqlayan elmi-populyar üslubda yazılmış vəsaitdir.
Hazırda Azərbaycanda Rövşən Abdullaoğlunun 25 kitabı çapdan çıxmışdır, onların əksəriyyəti bestseller olmuş, ingilis, rus, türk dillərinə tərcümə edilmişdir.
Yazar öz əsərlərində psixologiya, fəlsəfə, motivasiya, irfan, həyat fəlsəfəsi, epistemologiya, ontologiya və teologiya sahələrinə aid mövzulara toxunur. Bundan əlavə, Rövşən Abdullaoğlu mütəmadi olaraq televiziya verilişlərində çıxış edir, fəlsəfə üzrə onlayn dərslər verir, məqalələri müxtəlif xəbər portallarında dərc olunur.
Hobbi
Uşaqlıqdan əsas hobbisi kitab oxumaq və idmanla məşğul olmaq olmuşdur. Həmçinin o, bir neçə il musiqi məktəbində də təhsil almışdır. Artıq yeniyetmə ikən müntəzəm şəkildə sambo, güləş, karate, boksla məşğul olur, bir neçə yarışlarda iştirak edir.
Səyahət
Yaradıcı fəaliyyətini zənginləşdirmək, tarixi və görkəmli yerləri bilavasitə tanımaq, müxtəlif xalqların mədəniyyətləri haqqında məlumat əldə etmək üçün bir çox Avropa və Skandinaviya şəhərlərinə səyahət etmişdir.
Bəşəriyyətin beşiyinə səyahət zamanı o, Afrika ölkələrinin qəbilə icmaları ilə tanış olmuş, bu ibtidai qəbilələrin adət və ənənələrini müşahidə etmiş, regiondakı park və qoruqları ziyarət etmişdir.
Biblioqrafiya
- Abaddon
- Ariflərin irfani məqamları
- Arxadakı körpüləri yandırın
- Bəla və Səbir
- Bu şəhərdə kimsə yoxdur
- Çətin olsa da, həyat davam edir
- Əsarət
- Görüntülər
- Hər bir insan hökmdardır
- Hidayət risaləsi
- Hikmətin əvvəli
- İnsan dünyadan əvvəl
- İnsan dünyadan sonra
- İnsan dünyadan sonradan sonra
- Ləpirçi: Mən yeməli deyiləm
- Mərifət
- Nəfsi təzkiyyənin elmi əsasları
- O
- Qorxular
- Relslər üzərinə uzanmış adam
- İlk Kitab
- Həyatın imzası
- Ölülərin hakimiyyəti
- Üsyan
- Xüsusiyyətlər
- Zamanı necə yeyək?
Qeydlər
- ИНСТИТУТ ПОЗИТИВНЫХ ТЕХНОЛОГИЙ И КОНСАЛТИНГА
- (İbn Sinanın “Göstəriş və təlimatlar” kitabının tərcümə və şərhi)
- (İbn Sinanın “Göstəriş və təlimatlar” kitabının tərcümə və şərhi)
- (Əllamə Təbatəbainin “İnsan” traktatının tərcümə və şərhi)
- (Əllamə Təbatəbainin “İnsan” traktatının tərcümə və şərhi)
- (Əllamə Təbatəbainin “İnsan” traktatının tərcümə və şərhi)
İstinadlar
- ↑ "YAZAR HAQQINDA" ( (azərb.)). qedimqala.az. 2016-07-27 tarixində . İstifadə tarixi: 2016-07-24.
- ↑ "Nəfsi Təzkiyyənin Elmi Əsasları" ( (azərb.)). qedimqala.az. 2016-07-28 tarixində . İstifadə tarixi: 2016-07-24.
- ↑ "Görüntülər" ( (azərb.)). qedimqala.az. 2016-07-28 tarixində . İstifadə tarixi: 2016-07-24.
- ↑ "Ariflərin İrfani Məqamları (III nəşr)" ( (azərb.)). qedimqala.az. 2016-07-28 tarixində . İstifadə tarixi: 2016-07-24.
- ↑ "İnsan Dünyadan Sonra (IV nəşr)" ( (azərb.)). qedimqala.az. 2016-07-28 tarixində . İstifadə tarixi: 2016-07-24.
- ↑ "İnsan Dünyadan Sonradan Sonra (II nəşr)" ( (azərb.)). qedimqala.az. 2016-07-28 tarixində . İstifadə tarixi: 2016-07-24.
- ↑ "İnsan Dünyadan Əvvəl (II nəşr)" ( (azərb.)). qedimqala.az. 2016-07-28 tarixində . İstifadə tarixi: 2016-07-24.
- ↑ "İlk Kitab (II nəşr)" ( (azərb.)). qedimqala.az. 2015-08-09 tarixində . İstifadə tarixi: 2015-08-09.
- Zərif Nisə (2017-01-13). "Tilsim sındı - Azərbaycanlı yazıçı xariciləri üstələdi" ( (azərb.)). milli.az. 2017-01-13 tarixində . İstifadə tarixi: 2017-01-13.
- Rovshan Abdullaoglu
- İlkin İzzət (2018-05-15). "Azərbaycanda rekord - Kitab nəşr olunandan cəmi 3 saat sonra satılıb qurtardı" ( (azərb.)). milli.az. 2018-05-16 tarixində . İstifadə tarixi: 2018-05-16.
- Kənan Rövşənoğlu (2019-04-13). ""Tanrı anlayışı dinlərdən daha əvvəl yaranıb" – Müsahibə" ( (azərb.)). musavat.com. 2019-09-03 tarixində . İstifadə tarixi: 2019-09-08.
- OLDUĞU KİMİ - Rövşən Abdullaoğlu - Pərvin İsmayılov
- Yazıçı Rövşən Abdullaoğlu TELEKİTAB verilişində (azərb.)
- "Rövşən Abdullaoğlu ilk dəfə `Abaddon`dan danışdı - VİDEO" ( (azərb.)). faktxeber.com. 2018-04-25. 2018-05-30 tarixində . İstifadə tarixi: 2018-05-30.
- Tanınmış yazıçı Afrikada öz əsərinin qəhrəmanları ilə görüşəcək
- "Qara qitə"ni ağa dəyişən azərbaycanlını "dünyanın sonu"na aparan səbəb var
- "Abaddon" ( (azərb.)). qedimqala.az. 2018-08-25 tarixində . İstifadə tarixi: 2018-08-25.
- İlkin İzzət (2018-05-12). "Rövşən Abdullaoğludan psixoloji detektiv janrında yeni roman - "Abaddon" - FOTO" ( (azərb.)). milli.az. 2018-05-14 tarixində . İstifadə tarixi: 2018-05-14.
- "Arxadakı Körpüləri Yandırın (III nəşr)" ( (azərb.)). qedimqala.az. 2016-07-27 tarixində . İstifadə tarixi: 2016-07-24.
- "Bəla və Səbir" ( (azərb.)). qedimqala.az. 2016-07-28 tarixində . İstifadə tarixi: 2016-07-24.
- "Bu Şəhərdə Kimsə Yoxdur (VI nəşr)" ( (azərb.)). qedimqala.az. 2016-07-27 tarixində . İstifadə tarixi: 2016-07-24.
- "Çətin Olsa da, Həyat Davam Edir (V nəşr)" ( (azərb.)). qedimqala.az. 2016-07-27 tarixində . İstifadə tarixi: 2016-07-24.
- ( (azərb.)). bakukitabklubu.blogspot.com. 2013-11-12. 2016-07-28 tarixində orijinalından arxivləşdirilib. İstifadə tarixi: 2016-07-24.
- "Əsarət" ( (azərb.)). qedimqala.az. 2019. 2019-09-07 tarixində . İstifadə tarixi: 2019-09-08.
- "Hər Bir İnsan Hökmdardır (III nəşr)" ( (azərb.)). qedimqala.az. 2016-07-27 tarixində . İstifadə tarixi: 2016-07-24.
- "Hidayət risaləsi (Annotasiya)" ( (azərb.)). islamazeri.com. 2015-08-04. 2019-07-09 tarixində . İstifadə tarixi: 2019-06-21.
- "Hikmətin Əvvəli" ( (azərb.)). qedimqala.az. 2016-07-28 tarixində . İstifadə tarixi: 2016-07-24.
- Kitabsevərlərə müjdə!..
- Əllamə Təbatəbainin “İnsan dünyadan əvvəl” adlı kitabı nəşr olunub
- “İnsan dünyadan sonra” adlı kitab işıq üzü görüb
- "Ləpirçi: Mən Yeməli Deyiləm" ( (azərb.)). qedimqala.az. 2020-06-14 tarixində . İstifadə tarixi: 2020-06-14.
- "Mərifət" ( (azərb.)). qedimqala.az. 2016-07-28 tarixində . İstifadə tarixi: 2016-07-24.
- "O" ( (azərb.)). qedimqala.az. 2016-07-28 tarixində . İstifadə tarixi: 2016-07-24.
- ""Hərf və irfan elmi" adlı kitabın əsasında işlənmiş "O" kitabının işıq üzü görməsi gözlənilir" ( (azərb.)). deyerler.org. 2011-10-26.
- "Qorxular" ( (azərb.)). qedimqala.az. 2016-07-27 tarixində . İstifadə tarixi: 2016-07-24.
- "Qorxusu olanlar üçün "Qorxular" kitabı - FOTO" ( (azərb.)). modern.az. 2015-03-31. 2016-07-28 tarixində . İstifadə tarixi: 2016-07-24.
- "Relslər Üzərinə Uzanmış Adam" ( (azərb.)). qedimqala.az. 2017-03-14 tarixində . İstifadə tarixi: 2017-03-14.
- "Bestseller kitablar müəllifi Rövşən Abdullaoğludan YENİ psixoloji roman: Relslər üzərinə uzanmış adam" ( (azərb.)). islamazeri. 2017-03-13. 2017-03-14 tarixində . İstifadə tarixi: 2017-03-14.
- "Həyatın İmzası" ( (azərb.)). qedimqala.az. 2016-07-28 tarixində . İstifadə tarixi: 2016-07-24.
- "Ölülərin hakimiyyəti" ( (azərb.)). qedimqala.az. 2016-07-28 tarixində . İstifadə tarixi: 2016-07-24.
- ""Ölülərin Hakimiyyəti" - yeni kitab" ( (azərb.)). deyerler.org. 2012-03-02. 2019-09-07 tarixində . İstifadə tarixi: 2019-09-08.
- "ÜSYAN" ( (azərb.)). qedimqala.az. 2016-07-27 tarixində . İstifadə tarixi: 2016-07-24.
- ""Üsyan" adlı kitab çap olundu" ( (azərb.)). kulis.az. 2014-05-22. 2016-07-28 tarixində . İstifadə tarixi: 2016-07-24.
- "Xüsusiyyətlər" ( (azərb.)). qedimqala.az. 2016-07-28 tarixində . İstifadə tarixi: 2016-07-24.
- "Zamanı Necə Yeyək" ( (azərb.)). qedimqala.az. 2016-07-27 tarixində . İstifadə tarixi: 2016-07-24.