Qəzənfər Xalıqov
Qəzənfər Ələkbər oğlu Xalıqov (16 dekabr 1898 – 1 mart 1981) — Azərbaycan rəssamlıq sənətinin ilk peşəkar nümayəndələrindən biri, Azərbaycan SSR xalq rəssamı (1973).
Qəzənfər Xalıqov | |
---|---|
Doğum tarixi | |
Doğum yeri | Qobu, Bakı qəzası, Bakı quberniyası, Rusiya İmperiyası |
Vəfat tarixi | (82 yaşında) |
Vəfat yeri | Bakı, Azərbaycan SSR, SSRİ |
Milliyyəti | azərbaycanlı |
Vətəndaşlığı | Rusiya İmperiyası AXC SSRİ |
Fəaliyyəti | rəssam |
Təhsili | Azərbaycan Dövlət Rəssamlıq Texnikumu |
Janrı | qrafika |
Tanınmış işləri | "Nizaminin portreti" "Firdovsinin dəfni" |
Mükafatları | |
Həyatı
Qəzənfər Xalıqov 16 dekabr 1898-ci ildə Bakı yaxınlığındakı Qobu qəsəbəsində anadan olmuşdur. 1928-ci ildə Azərbaycan Dövlət Rəssamlıq Texnikumundan məzun olmuşdur.
1929–1930-cu illərdə "Molla Nəsrəddin", 1953–1958-ci illərdə "Kirpi" jurnallarında, "Gənc işçi" qəzetində karikaturaçı rəssam kimi fəaliyyət göstərmişdir. 1934-cü ildə Firdovsinin 1000 illik yubileyi sərgisi üçün "Firdovsinin dəfni" əsərini yaratmışdır. 1940-cı ildə Nizami Gəncəvinin 800 illik yubileyi ilə bağlı "Nizaminin portreti" əsərini ərsəyə gətirərək şairin portretini yaratmış ilk rəssam olur. "Leyli və Məcnun", "Əsli və Kərəm" kimi tamaşaların səhnə və geyim tərtibatını vermişdir. O, bir sıra plakat, teatr eskizləri, qrafik silsilələrin ("Neft") müəllifidir.
Q. Xalıqov 1 mart 1981-ci ildə Bakıda vəfat etmişdir. Abşeron rayonunun Qobu qəsəbəsində Qəzənfər Xalıqovun şərəfinə orta məktəb və küçə adlandırılmışdır. "Xosrov və Şirin" (1940), "İsgəndərnamə" (1953) akvarel işləri Azərbaycan Milli İncəsənət Muzeyində, "Nizaminin portreti" Nizami Gəncəvi adına Milli Azərbaycan Ədəbiyyatı Muzeyində, 17 əsəri isə Azərbaycan Dövlət Rəsm Qalereyasının fondunda saxlanılır.
Mükafatları
- "Azərbaycan SSR əməkdar incəsənət xadimi" fəxri adı — 23 aprel 1940
- "Azərbaycan SSR xalq rəssamı" fəxri adı — 12 oktyabr 1973
- "Şərəf Nişanı" ordeni — 9 iyun 1959
- "Qırmızı Əmək Bayrağı" ordeni
Rəsmləri
Firdovsinin dəfni (1934)
Nizaminin portreti (1940)
Filmoqrafiya
İstinadlar
- ↑ Азәрбајҹан Совет Енсиклопедијасы: [10 ҹилддə]. X ҹилд: Фрост – Шүштəр. Бакы: Азәрбајҹан Совет Енсиклопедијасынын Баш Редаксијасы. Баш редактор: Ҹ. Б. Гулијев. 1987. сәһ. 42. (#invisible_char); (#invisible_char); (#invisible_char); (#invisible_char); (#invisible_char); (#invisible_char)
- Mədəniyyət TV (17.12.2020). "Xalq rəssamı Qəzənfər Xalıqov" (azərb.). Youtube.com. İstifadə tarixi: 2020-12-17.
- "Qəzənfər Xalıqov". absheron-hac.az. 20 may 2017. 23 noyabr 2020 tarixində . İstifadə tarixi: 23 noyabr 2020.
- "Сәнае вә кәнд тәсәррүфаты габагҹылларынын, элм, маариф, сәһиййә вә инҹәсәнәт ишчиләринин, Фәһлә-Кәндли Гызыл Ордусу командирләринин, сияси ишчиләринин вә гызыл әскәрләринин, совет ишчиләринин вә башга ишчиләрин тәлтиф эдилмәләри һаггында фәрман". Азәрбайҹан Совет Социалист Республикасы Баш Советинин Ведомостлары. № 2 (6). Б.: Азполиграф. 1940. səh. сәһ. 4–5. (#invisible_char)
- "Рәссам Г. Ә. Халыгова Азәрбајҹан ССР халг рәссамы фәхри ады верилмәси һаггында Азәрбајҹан ССР Али Совети Рәјасәт Һеј'әтинин Фәрманы". № 241 (15456). Коммунист. 13 октјабр 1973-ҹү ил: сәһ. 1.
- "Ведомости Верховного Совета Союза Советских Социалистицеских Республик". № 23 (955). Москва. 11 июня 1959: 360.
Mənbə
- Azərbaycan Rəssamları haqqında qısa məlumat kitabçası. Bakı: Azərbaycan Dövlət Rəsm Qalereyası. 2017.