Nigar Seyidova
Nigar Seyidova (tam adı: Seyidova Nigar Əhməd qızı) — dosent, kimya elmləri namizədi. Əhməd Seyidovun kiçik qızı, Fikrət Seyidovun bacısı.
Nigar Seyidova | |
---|---|
Nigar Əhməd qızı Seyidova | |
Doğum tarixi | |
Doğum yeri | Bakı, Azərbaycan, Azərbaycan SSR, SSRİ |
Vəfat tarixi | |
Vəfat yeri | Bakı, Azərbaycan |
Vətəndaşlığı | SSRİ→ Azərbaycan |
Elm sahəsi | kimya |
Elmi dərəcəsi | elmlər namizədi |
Elmi adı | dosent |
İş yeri | Azərbaycan Dövlət Pedaqoji Universiteti |
Təhsili | Azərbaycan Dövlət Pedaqoji Universiteti |
Haqqında
1941-ci ildə Bakı şəhərində anadan olmuşdur. Əslən Qazax rayonunun Aslanbəyli kəndindəndir. 1958-ci ildə Bakı şəhərindəki 6 nömrəli məktəb-liseyi bitirmiş, eyni zamanda musiqi təhsili almışdır. 1963-cü ildə Azərbaycan Dövlət Pedaqoji Universitetinin kimya fakültəsini fərqlənmə diplomu ilə bitirmişdir. Nigar Seyidova AMEA-nın Qeyri-üzvi Kimya İnstitunun aspiranturasında oxumuş, 1967-ci ci ildə kimya elmləri namizədi alimlik dərəcəsi almaq üçün uğurla dissertasiya müdafiə etmişdir.
Elmi fəaliyyəti
1969-cu ildən Azərbaycan Dövlət Pedaqoji Universitetində çalışmışdır, Azərbaycan və rus dillərində mühazirələr oxumuşdur. Yüksək elmi səviyyəsinə görə AAK dosent Nigar Seyidovaya aspirantlara rəhbərlik etməyə icazə vermişdir. Xeyli elmi kadrlar yetişdirmişdir. Elmi məqalələri, əsərləri kimyanın ən aktual məsələlərinə həsr olunmuş "Kosmos və kimya" adlı əsəri geniş oxucu kütləsi tərəfindən rəğbətlə qarşılanmışdır.
Ailəsi
Seyidovlar nəslindəndir. Əhməd Seyidovun ən kiçik övladı, Fikrət Seyidovun bacısıdır. Həyat yoldaşı Nəsibov Mehralı əslən Qazax rayonunun Qaymaqlı kəndindəndir. 2 oğlu var.
Həmçinin bax
İstinadlar
Mənbə
- Fikrət Seyidov. Aslanbəylidən başlanan xatirələr. Bakı: 2000, 350 səh.
- Allahverdi Eminov. Əhməd Seyidov Fenomeni. Bakı: 2003, 117 səh.