Korab-Koritnik Təbiət Parkı

Korab-Koritnik Təbiət Parkı (alb. Parku Natyror i Korab-Koritnikut) ― Albaniyanın şərqində yerləşən təbiət parkı. Park nəsli kəsilməkdə olan heyvan və bitki növlərinin qorunmasına xidmət edən Avropa yaşıl kəmərinin bir hissəsini təşkil edir. Ərazi vadilər, çaylar, buzlaq gölləri, mağaralar, kanyonlar, o cümlədən sıx iynəyarpaqlı və enliyarpaqlı meşələrdən ibarət 555.5 m² dağlıq ərazinin əhət edir. Beynəlxalq Təbiəti Qoruma Birliyi (IUCN) parkı IV kateqoriyaya daxil etmişdir.

Korab-Koritnik Təbiət Parkı
Sahəsi	555,5 km²
Yaradılma tarixi	2011
Yerləşməsi
41°47′ şm. e. 20°33′ ş. u.
Ölkə	Albaniya
Korab-Koritnik Təbiət Parkı
Vikianbarda əlaqəli mediafayllar

Korab-Koritnik Təbiət Parkı şimaldan Kosovo ilə sərhəddən başlayaraq cənubda Şimali Makedoniya sərhəddindəki Deşa dağlarına qədər uzanır. Təbiət parkı Korab dağlarının və Koritnik dağının adını daşıyır. Korab zirvəsi 2,764 metr (9,068 ft) yüksəkliyi ilə həm Albaniya, həm də Şimali Makedoniyanın ən yüksək zirvəsidir. Dağ həm də Avropada birdən çox ölkə üçün ən yüksək nöqtə olan iki zirvədən biri və Avropanın ən məşhur 18-ci dağ zirvəsidir. Zirvə paçalanmış dağ massividir və əsasən Paleozoy dövrünə aid şist və əhəng daşından və həmçinin Triasa aid ciddi şəkildə zədələnmiş gips süxurlarından ibarətdir. Dağın qərb yamacı dik qaya divarlarından, şimal yamacı isə dağınıq qayalardan ibarətdir.

Təbiət parkında rütubətli, soyuq qışı və quru, isti yayı olan mülayim, rütubətli kontinental iqlim hakimdir. Böyük yüksəklik fərqi ilə əlaqədar olaraq ərazidə zəngin iqlim müxtəlifliyi, flora və faunaya rast gəlinir. Meşələr enliyarpaqlı və iynəyarpaqlı ağac növləri və müxtəlif yabani çiçək növlərindən ibarətdir. Bitki örtüyü hündürlüyə görə dəyişir: dəniz səviyyəsindən etibarən qarışıq enliyarpaqlı meşələr, 400–900 metr (1,300–3,000 ft) arasında palıd meşələri, 1,000–2,000 metr (3,300–6,600 ft) arasında isə iynəyarpaqlı və fıstıq meşələri aydın seçilir. Dağ çəmənliklərinin yamacları daha çox yarpaqlı meşələrlə örtülmüşdür. Parkda ən çox yayılmış ağac növləri ağ şam, avstriya şamı, bosniya şamı, balkan şamı və qara qızılağacdır. Şərq vələsi, tüklü palıd, makedoniya palıdı və çöl ağcaqayınının da daxil olduğu palıd meşələrinə isə daha aşağı hündürlüklərdə rast gəlmək olar.

Parkın faunası isə 37 məməli növü ilə təmsil olunur. Bölgədə qonur ayı, boz qurd, balkan vaşaqı, cüyür, qaban, gəlincik, meşə dələsi və sincab kimi böyük məməlilərə rast gəlinir. Park berqut, qərb tetrası, şahin, sar, qırğı, yapalaq, ağbaş kərkəs, tetra da daxil olmaqla sıx quş populyasiyalarına ev sahibliyi edən yaşayış yerlərinə sahibdir.

Qalereya

•  

  Korab dağları

•  

  Korab zirvəsi

•  

  Koritnik dağı

•  

Həmçinin bax

• Albaniya coğrafiyası
• Lyura Milli Parkı

İstinadlar

1. World Database on Protected Areas — 1981.
   <a href="https://wikidata.org/wiki/Track:P809"></a><a href="https://wikidata.org/wiki/Track:Q1681293"></a>
2. (PDF). mjedisi.gov.al (Albanian). səh. 2. 2017-09-05 tarixində orijinalından (PDF) arxivləşdirilib. İstifadə tarixi: 2017-09-05.
3. "Korab - Koritnik Natural Park Management Plan" (PDF). researchgate.net (English). səh. 9.
4. (PDF). planifikimi.gov.al (Albanian). səh. 44. 2017-10-28 tarixində orijinalından (PDF) arxivləşdirilib. İstifadə tarixi: 2017-10-27.
5. IUCN, Ümumdünya Təbiəti Mühafizə Fondu, Plantlife. "Important Plant Areas of the south and east Mediterranean region" (PDF). portals.iucn.org (ingilis). səh. 75.
6. "The King of the Mountains" (PDF). dmwcorg.tk (English). səh. 24. At 2764 meters Korab peak is one of only two summits in Europe which are the highest point for more than one country.
7. "EUROPE ULTRA-PROMINENCES 99 Peaks with Prominence of 1,500 meters or greater". peaklist.org (ingilis).
8. "Korab - Koritnik Natural Park Management Plan" (PDF). researchgate.net (ingilis). səh. 25.
9. "Balkan Lynx Conservation". fightingforhope.wordpress.com (ingilis). 9 avqust 2013. (#cite_web_url)
10. "Korab - Koritnik Natural Park Management Plan" (PDF). researchgate.net (ingilis). səh. 41.