Ketlin Osmond

Ketlin Osmond (5 dekabr 1995(1995-12-05), Meristoun^[d], Nyufaundlend və Labrador) — Kanadanı təmsil edən fiqurçu. Ketlin Osmond 2014-cü ildə Rusiyanın Soçi şəhərinin ev sahibliyində baş tutan XXII Qış Olimpiya Oyunlarında gümüş medal (Komanda), 2018-ci ildə Cənubi Koreyanın Pxençxan şəhərinin ev sahibliyində baş tutan XXIII Qış Olimpiya Oyunlarında isə qızıl (Komanda) və bürünc (Fərdi) medallara sahib olub. Osmond həmdə 2018-ci ildə İtaliyanın Milan şəhərində baş tutan Dünya Çempionatının qalibi olub. Bununla da o, 1965-cı ildə Petra Burhanın Dünya Çempionatının qalibi olmasından 45 il sonra bu uğura sahib olan növbəti Kanada idmançısı olub.

Ketlin Osmond
ing. Kaetlyn Osmond
2018-ci il Pxençxan Olimpiadasında
Şəxsi məlumatlar
Tam adı	Ketlin Osmond
Vətəndaşlığı	Kanada
Doğum tarixi	5 dekabr 1995(1995-12-05) (25 yaş)
Doğum yeri	Meristoun^[d], Nyufaundlend və Labrador, Kanada
Karyera illəri	1998—2018
Boyu	165 sm. (5 ft 5 in)
İdman növü	Fiqurlu konkisürmə
Medallar Dövlət təltifləri Olimpiya Oyunları Gümüş 2014 Soçi Komanda Qızıl 2018 Pxençxan Komanda Bürünc 2018 Pxençxan Fərdi Dünya Çempionatı Gümüş 2017 Finlandiya Fərdi Qızıl 2018 İtaliya Fərdi

Ketlin Osmond 2017–2018-ci illər mövsümündə ISU Qran-Pri Finalının bürünc medalına sahib olub. 2016-cı ildə Çin Qran-Prisinin gümüş, 2017-ci ildə Fransa Qran-Prisinin bürünc, 2012 və 2017-ci illərdə Kanada Qran-Prisinin qızıl, 2016-cı ildə isə Kanada Qran-Prisinin gümüş medallarına sahib olan Ketlin Osmond "Autumn Classic", "Finlandia Trophy" və "Nebelhorn Trophy" yarışlarının da qalibi olub.

Ketlin Osmond həm də 2013, 2014 və 2017-ci illərdə Kanada Çempionatının qızıl medallarına sahib olub.

Karyerası ərzində 37 yarışa qatılan Ketlin Osmond onların 11-də qızıl medal, 6-da gümüş medal, 6-da isə bürünc medal qazanıb. O, 2014-cü ildə Kanadanın "Nyufaundlenda və Labradora" ordeni ilə təltif edilib.

Həyatı

Ketlin Osmond 1995-ci il noyabrın 5-də Nyufaundlend və Labrador əyalətinin Meristoun şəhərində anadan olub. Üç yaşından idmanla məşğul olmağa başlayan Ketlin Osmond 2008–2009-cu illər mövsümündə uşaqlar arasında Kanada Çempionatının qalibi olub.

"Ice Palace FSC"-də məşq edən Ketlin Osmondun məşqçisi Ravi Valiyadır. Məhz onun məşqçiyi altında Ketlin Osmond ciddi uğurlara imza atıb.

Karyerası

2009–2010-cu illər: Gənclərin Kanada Çempionatında bürünc medal

Ketlin Osmond 2010-cu ilin 10–18 yanvarında Onratio əyalətinin London şəhərində baş tutan gənclər arasında Kanada Çempionatında mübarizə apardı. Qısa proqramda 42.32 balla beşinci pillənin sahibi olan Ketlin Osmond sərbəst proqramda 72.30 balla üçüncü pillənin sahibi oldu. Bununla da o, ümumi nəticədə 114.62 balla 18 idmançı sırasında üçüncü pillənin sahibi oldu və gənclər arasında Kanada Çempionatının bürünc medalına sahib oldu.

2010–2011-ci illər: Gənclərin Qran-Prisində debüt

 

Ketlin Osmond 2012-ci il gənclərin Dünya Çempionatında

Ketlin Osmond 2010–2011-ci illər mövsümündə gənclər arasında ISU Qran-Pri yarışının Yaponiya və Çexiya mərhələlərində mübarizə apardı. Əvvəl o, 22–26 sentyabrda Yaponiyanın Karuizava şəhərində baş tutan gənclər arasında ISU Yaponiya Qran-Prisində mübarizə apardı. Ketlin Osmond qısa proqramda 40.78 balla 9-cu, sərbəst proqramda isə 70.94 balla 8-ci pillənin sahibi oldu. Bununla da o, ümumi nəticədə 111.72 balla ISU Yaponiya Qran-Prisini onuncu pillədə başa vurdu.

Daha sonra isə Ketlin Osmond Çexiyanın Ostrava şəhərinin ev sahibliyində baş tutan gənclər arasında ISU Çexiya Qran-Prisində mübarizə apardı. O, qısa proqramda 38.96 balla 11-ci, sərbəst proqramda isə 72.94 balla 7-ci pillənin sahibi oldu. Bu minvalla da Ketlin Osmond, ümumi nəticədə 111.90 balla ISU Çexiya Qran-Prisini də onuncu pillədə başa vurdu.

Ketlin Osmond, 2011-ci il 16–24 yanvarında Britaniya Kolumbiyası əyalətində baş tutan gənclər arasında Kanada Çempionatında mübarizə apardı. Qısa proqramda 5-ci pillənin sahibi olan Ketlin Osmond, sərbəst proqramda 8-ci pillənin sahibi oldu. Bununla da o, ümumi nəticədə 108.16 balla 18 idmançı sırasında altıncı pillənin sahibi oldu.

2011–2012-ci illər: Kanada Çempionatında bürünc medal

Ketlin Osmond, 2012-ci il 16–22 yanvarında Monston şəhərində baş tutan Kanada Çempionatında mübarizə apardı. Qısa proqramda 56.94 balla birinci pillənin sahibi olan Ketlin Osmond, sərbəst proqramda 98.54 balla dördüncü pillənin sahibi oldu. Bununla da o, ümumi nəticədə 155.48 balla 18 idmançı sırasında üçüncü pillənin sahibi oldu və Kanada Çempionatının bürünc medalına sahib oldu.

26 fevral-4 martda Belarusun ev sahibliyində gənclər arasında Dünya Çempionatı baş tutdu. Ketlin Osmond, qısa proqramda 50.15 balla doqquzuncu, sərbəst proqramda isə 96.10 balla onuncu pillənin sahibi oldu. Bu minvalla da o, gənclər arasında Dünya Çempionatını ümumi nəticədə 146.25 balla 54 idmançı sırasında doqquzuncu pillədə başa vurdu.

2012–2013-cü illər: Kanada çempionluğu

 

Ketlin Osmond 2013-cü il Kanada Çempionatında

Ketlin Osmond 2012-ci ilin 26–30 sentyabrda Almaniyanın Oberstdorf şəhərində baş tutan "Nebelhorn Trophy" beynəlxalq yarışında mübarizə apardı. Qısa proqramda 55.68 balla 2-ci, sərbəst proqramda isə 114.52 balla 1-ci pillənin sahibi olan Ketlin Osmond ümumi nəticədə 170.20 balla 22 idmançı sırasında birinci pillənin sahibi oldu və "Nebelhorn Trophy" beynəlxalq yarışının qalibi oldu.

Daha sonra o, Kanadanın Vindzor şəhərində baş tutan ISU Kanada Qran-Prisində mübarizə apadı. Qısa proqramda 60.56 balla, sərbəst proqramda isə 115.90 balla 2-ci pillələrin sahibi olan Ketlin Osmond ümumi nəticədə 176.46 balla 10 idmançı sırasında birinci pillənin sahibi oldu və ISU Kanadan Qran-Prisinin qızıl medalına sahib oldu.

Ketlin Osmond 2013-cü ilin 12–20 yanvarında Ontario əyalətinin Mississoqa şəhərində baş tutan Kanada Çempionatında mübarizə apardı. Qısa proqramda 70.04 balla birinci pillənin sahibi olan Ketlin Osmond sərbəst proqramda 132.30 balla birinci pillənin sahibi oldu. Bununlada o, ümumi nəticədə 202.34 balla 18 idmançı sırasında birinci pillənin sahibi oldu və birinci dəfə Kanada Çempionatının qalibi oldu.

2013-cü ilin 8–12 fevralında Yaponiyanın ev sahibliyində Dörd Qitənin Çempionatı baş tutdu. Ketlin Osmond qısa proqramda 56.22 balla 8-ci, sərbəst proqramda isə 104.16 balla 7-ci pillənin sahibi oldu. Bununla da Ketlin Osmond ümumi nəticədə 160.38 balla Dörd Qitə Çempionatını yeddinci pillədə başa vurdu.

Mövsümün əsas yarışı – 10–18 martda Kanadanın London şəhərində baş tutan Dünya Çempionatı idi. Dünya Çempionatlarında debüt edən Ketlin Osmond, qısa proqramda 64.74 balla dördüncü, sərbəst proqramda isə 112.10 balla onuncu pillənin sahibi oldu. Bununla da Ketlin Osmond, ümumi nəticədə 176.84 balla 35 idmançı sırasında 8-ci pillənin sahibi oldu.

2013–2014-cü illər: Soçi Olimpiadasında gümüş medal

Ketlin Osmond, 2013–2014-cü illər mövsümündə ISU Qran-Pri yarışının Kanada və Rusiya mərhələlərində mübarizə aparmalı idi. Əvvəl o, Kanadanın Sent-Con şəhərində baş tutan ISU Kanada Qran-Prisində mübarizə apardı. Ketlin Osmond, qısa proqramda 60.35 balla beşinci pillənin sahibi oldu. Sərbəst proqramda isə o, zədə səbəbilə mübarizə apara bilmədi. Bununla da Ketlin Osmond, ISU Kanada Qran-Prisində mübarizəni dayandırdı. O, həm də 22–24 noyabrda baş tutan ISU Rusiya Qran-Prisində də mübarizə apara bilmədi.

Zədədən sonra Ketlin Osmond, 2014-cü il 8–15 yanvarında Ontario əyalətinin Ottava şəhərində baş tutan Kanada Çempionatında mübarizə apardı. Qısa proqramda 70.30 balla birinci pillənin sahibi olan Ketlin Osmond, sərbəst proqramda 136.94 balla birinci pillənin sahibi oldu. Bununla da o, ümumi nəticədə 207.24 balla 18 idmançı sırasında birinci pillənin sahibi oldu və növbəti dəfə Kanada Çempionatının qalibi oldu. O, həm də 2014-cü ilin fevral ayında baş tutan Soçi Olimpiadasına da vəsiqə qazandı.

2014-cü il Soçi Olimpiadası

 

Ketlin Osmond 2014-cü il Soçi Olimpiadasında

2014-cü ilin 6–24 fevralında Rusiya Federasiyasının Soçi şəhərinin ev sahibliyində XXII Qış Olimpiya Oyunları baş tutdu. Ketlin Osmond, Soçi Olimpiadasında mübarizə aparacaq Kanada yığmasının heyətinə cəlb edildi. Komandaların yarışı 6–8 fevralda, fərdi idmançıların yarışı isə 18–20 fevralda Olimpiada üçün inşa edilən 12 000 tamaşaçı tutumuna sahib olan "Aysberq" Buz İdman Sarayında baş tutdu.

Fevralın 6-da baş tutan yarışda Patris Çen mübarizə apardı və 10 idmançı sırasında üçüncü pillənin sahibi oldu. Bununla da o, Kanada yığmasına 8 bal qazandırdı. Həmin gün cütlərin yarışında mübarizə aparan Meqan Duhamel və Eri Radford cütlüyü isə 2-ci pillənin sahibi oldu və Kanada yığmasına 9 bal qazandırdı. Fevralın 8-də baş tutan yarışda isə Vertyu və Moir cütlüyü 2-ci pillənin sahibi oldu və Kanada yığmasına 9 bal qazandırdı. Həmin gün qadınların yarışında mübarizə aparan Ketlin Osmond isə 62.54 balla beşinci pillənin sahibi oldu və Kanada yığmasına 5 bal qazandırdı. Qısa proqramdan sonra 10 yığmadan 6–10-cu pillələri tutan yığmalar mübarizəni dayandırdı. Həmin proqramdan sonra Kanada yığması 32 balla 2-ci pillədə idi. Qısa proqramdan sonra yığmalara 2 yarış üzrə idmançıları əvəzetmə hüququ verildi. Kanada yığması isə cütlərin yarışında mübarizə aparan Duhamel və Radford cütlüyünü, Kirsten Mur-Tauers və Dilan Mossoviç cütlüyünə, cənabların yarışında mübarizə aparan Patris Çen isə Kevin Reynolds isə əvəz etdi.

Sərbəst proqram fevralın 8-də və 10-da baş tutdu. Fevralın 8-də cütlərin yarışında mübarizə aparan Moor-Tovers və Mossoviç cütlüyü mübarizə apardılar və 2-ci pillənin sahibi oldular. Bununla da onlar, Kanada yığmasına 9 bal qazandırdı. Fevralın 10-də isə daha üç yarış üzrə mübarizə aparıldı. Kişilərin yarışında çıxış edən Kevin Reynolds da 2-ci pillənin sahibi oldu və Kanada yığmasına 9 bal qazandırdı. Daha sonra isə "Aysberq" Buz İdman Sarayında buzüstünə qadınlar çıxdılar. Ketlin Osmond, növbəti dəfə uğursuz çıxış etdi və onun çıxışı münsiflər heyəti tərəfindən 110.74 balla qiymətləndirildi. O, bu nəticəyə əsasən beşinci pillənin sahibi oldu və o, Kanada yığmasına növbəti dəfə 6 bal qazandırdı. Sonda isə buzüstü rəqs yarışında mübarizə aparan Vertyu və Moir cütlüyü mübarizə apardılar və 2-ci pillənin sahibi oldular. Bununlada onlar, Kanada yığmasına 9 bal qazandırdı. Ümumi nəticədə isə 65 balla Kanada yığması 2-ci pillənin sahibi oldu və Soçi Olimpiadasının gümüş medallarına sahib oldu. Fevralın 10-da baş tutan təltifetmə mərasimində Kanada yığmasına, Soçi Olimpiadasının gümüş medalları təqdim edildi.

Komanda yarışlarından sonra isə fərdi yarışlar baş tutdu. Ketlin Osmond fevralın 18-də baş tutan qısa proqramda 56.18 balla 13-cü pillənin sahibi oldu. 2 gün sonra baş tutan sərbəst proqramda isə 112.20 balla 13-cü pillənin sahibi olan Ketlin Osmond ümumi nəticədə 168.98 balla Soçi Olimpiadasını 13-cü pillədə başa vurdu.

Soçi Olimpiadasından sonra Ketlin Osmond, 24–30 martda Yaponiyanın Saytama şəhərində baş tutan Dünya Çempionatında mübarizə apardı. Qısa proqramda 62.92 balla 8-ci, sərbəst proqramda isə 107.72 balla 13-cü pillənin sahibi olan Ketlin Osmond, ümumi nəticədə 170.64 balla 11-ci pillənin sahibi oldu.

2014–2015-ci illər: Zədə səbəbindən başa vurulan mövsüm

Ketlin Osmond 2014–2015-ci illər mövsümündə ISU Qran-Pri yarışının Kanada və Fransa mərhələlərində mübarizə aparmalı idi. Amma o, sentyabrın 11-də məşq zamanı ciddi formada zədələndi və mövsümü vaxtından əvvəl başa vurmalı oldu.

2015–2016-cı illər: Karyeranın uğursuz mövsümü

 

Ketlin Osmond 2016-cı il Dörd Qitə Çempionatında

Ketlin Osmond, 2015-ci ilin 24–26 sentyabrda Almaniyanın Oberstdorf şəhərində baş tutan "Nebelhorn Trophy" beynəlxalq yarışında mübarizə apardı. Qısa proqramda 60.68 balla, sərbəst proqramda isə 120.74 balla birinci pillənin sahibi olan Ketlin Osmond, ümumi nəticədə 181.42 balla 16 idmançı sırasında birinci pillənin sahibi oldu və "Nebelhorn Trophy" beynəlxalq yarışının qalibi oldu.

Daha sonra o, Kanadanın Alberta əyalətinin Letbric şəhərində baş tutan ISU Kanada Qran-Prisində mübarizə apadı. Qısa proqramda 64.22 balla 4-cü, sərbəst proqramda isə 86.86 balla 12-ci pillələrin sahibi olan Ketlin Osmond, ümumi nəticədə 152.08 balla 12 idmançı sırasında 11-ci pillənin sahibi oldu.

Ketlin Osmond, 26–30 noyabrda Yaponiyanın Naqano şəhərinin ev sahibliyində baş tutan ISU Yaponiya Qran-Prisində (NHK Trophy) mübarizə apardı. O, qısa proqramda 58.08 balla 8-ci, sərbəst proqramda isə 112.42 balla 7-ci pillənin sahibi oldu. Bununla da Ketlin Osmond, ümumi nəticədə 170.50 balla ISU Yaponiya Qran-Prisini altıncı pillədə başa vurdu. Mövsüm ərzində Kanada və Yaponiya Qran-Prilərində mübarizə aparan və 11-ci və 6-cı pillələrin sahibi olan Ketlin Osmond, ISU Qran-Pri Finalına vəsiqə qazana bilmədi.

Ketlin Osmond, 2016-cı ilin 18–24 yanvarında Yeni Şotlandiya əyalətinin Halifas şəhərində baş tutan Kanada Çempionatında mübarizə apardı. Qısa proqramda 70.65 balla birinci pillənin sahibi olan Ketlin Osmond, sərbəst proqramda 128.28 balla üçüncü pillənin sahibi oldu. Bununlada o, ümumi nəticədə 198.90 balla 18 idmançı sırasında üçüncü pillənin sahibi oldu və Kanada Çempionatının bürünc medalına sahib oldu.

2016-cı ilin 16–22 fevralında Tayvanın Taybey şəhərinin ev sahibliyində Dörd Qitənin Çempionatı baş tutdu. Ketlin Osmond qısa proqramda 56.14 balla 11-ci, sərbəst proqramda isə 120.50 balla 4-cü pillənin sahibi oldu. Bununla da Ketlin Osmond ümumi nəticədə 176.64 balla Dörd Qitə Çempionatını altıncı pillədə başa vurdu.

2016–2017-ci illər: Dünya Çempionatında gümüş medal

Ketlin Osmond, 2016-cı ilin Finlandiyanın Espoo şəhərində baş tutan "Finlandia Trophy" beynəlxalq yarışında mübarizə apardı. Qısa proqramda 65.74 balla, sərbəst proqramda isə 122.54 balla birinci pillənin sahibi olan Ketlin Osmond, ümumi nəticədə 188.28 balla birinci pillənin sahibi oldu və "Finlandia Trophy" beynəlxalq yarışının qalibi oldu.

Daha sonra o, Kanadanın Mississoqa əyalətinin Ontario şəhərində baş tutan ISU Kanada Qran-Prisində mübarizə apadı. Qısa proqramda 74.34 balla, sərbəst proqramda isə 132.12 balla 2-ci pillələrin sahibi olan Ketlin Osmond, ümumi nəticədə 206.46 balla 11 idmançı sırasında 2-ci pillənin sahibi oldu və Kanada Qran-Prisinin gümüş medalına sahib oldu. O, dörd ildən sonra birinci dəfə ISU Qran-Pri yarışının medalına sahib olmuşdu.

 

Ketlin Osmond 2016-cı il ISU Çin Qran-Prisinin gala proqramında

Ketlin Osmond, 18–20 noyabrda Çinin ev sahibliyində baş tutan ISU Çin Qran-Prisində (Cup of China) mübarizə apardı. O, qısa proqramda 72.20 balla birinci, sərbəst proqramda isə 125.80 balla üçünü pillənin sahibi oldu. Bununla da Ketlin Osmond, ümumi nəticədə 198.00 balla ISU Çin Qran-Prisini 12 idmançı sırasında 2-ci pillədə başa vurdu və gümüş medalın sahibi oldu. Mövsüm ərzində Kanada və Çin Qran-Prilərində mübarizə aparan və gümüş medalların sahibi olan Ketlin Osmond, birinci dəfə ISU Qran-Pri Finalına vəsiqə qazana bildi.

Fransanın Marsel şəhərində baş tutan ISU Qran-Pri Finalında altı idmançı — Rusiya nümayəndələri Yevgeniya Medvedyeva, Anna Poqorilaya, Yelena Radionova və Mariya Sotshova, Kanada nümayəndəsi Ketlin Osmond və Yaponiya nümayəndəsi Satoho Miyahara mübarizə apardı. Qısa proqramda Ketlin Osmonda 75.54 balla Yevgeniya Medvedyevadan sonra 2-ci pillənin sahibi oldu. Sərbəst proqramda isə Ketlin Osmond uğurlu mübarizənin davamını gətirə bilmədi. O, 136.92 balla dördüncü pillənin sahibi oldu. Bu da onun ümumi nəticəsinə ciddi təsir göstərdi və o, 212.46 balla dördüncü pillənin sahibi oldu. ISU Qran-Pri Finalının qalibi isə Rusiya təmsilçisi Yevgeniya Medvedyeva oldu.

Ketlin Osmond, 2017-ci ilin 16–22 yanvarında Ontario əyalətinin Ottava şəhərində baş tutan Kanada Çempionatında mübarizə apardı. Qısa proqramda 82.02 balla birinci pillənin sahibi olan Ketlin Osmond, sərbəst proqramda 138.64 balla birinci pillənin sahibi oldu. Bununlada o, ümumi nəticədə 220.66 balla 18 idmançı sırasında birinci pillənin sahibi oldu və üçüncü dəfə Kanada Çempionatının qızıl medalına sahib oldu.

2017-ci ilin 15–20 fevralında Cənubi Koreyanın Koyan şəhərinin ev sahibliyində Dörd Qitənin Çempionatı baş tutdu. Ketlin Osmond qısa proqramda 68.22 balla, sərbəst proqramda isə 115.96 balla 2-ci pillənin sahibi oldu. Bununla da Ketlin Osmond ümumi nəticədə 184.18 balla Dörd Qitə Çempionatının gümüş medalına sahib oldu.

Mövsümün əsas yarışı – 26 mart-2 aprel tarixlərində Finlandiyanın ev sahibliyində baş tutan Dünya Çempionatı idi. Qısa proqramda 75.98 balla, sərbəst proqramda isə 142.16 balla 2-ci pillələrin sahibi olan Ketlin Osmond, ümumi nəticədə 218.14 balla Dünya Çempionatını gümüş medalla başa vurdu. Dünya Çempionatının qalibi isə Rusiya təmsilçisi Yevgeniya Medvedyeva oldu.

2017–2018-ci illər: Karyeranın zirvəsi

2017–2018-ci illər mövsümü Ketlin Osmondun mübarizə apardığı ən uğurlu mövsüm oldu. Mövsümün əvvəlində o, 20–24 sentyabrda Kanadanın Monreal şəhərinin ev sahibliyində baş tutan "Autumn Classic" yarışında mübarizə apardı. Qısa proqramda Ketlin Osmond 76.22 balla birinci pillənin sahibi oldu. Sərbəst proqramda da uğurlu mübarizə aparan Ketlin Osmond 142.34 balla birinci pillənin sahibi oldu. Bu minvallada o, ümumi nəticədə 218.56 balla "Autumn Classic" yarışının qalibi oldu.

Daha sonra isə Ketlin Osmond ISU Kanada və Fransa Qran-Prilərində çıxış etdi. Əvvəlcə o, Kanadanın Reqina şəhərində baş tutan ISU Kanada Qran-Prisində mübarizə apardı. Qısa proqramda Ketlin Osmond 76.06 balla birinci pillənin sahibi oldu. Sərbəst proqramda da o, uğurlu mübarizə apardı və 136.86 balla birinci pillənin sahibi oldu. Bununlada Ketlin Osmond 5 ildən sonra növbəti dəfə ISU Kanada Qran-Prisinin qızıl medalına sahib oldu.

16–20 noyabrda isə Fransanın Qrenobl şəhərinin ev sahibliyində ISU Fransa Qran-Prisi baş tutdu. Ketlin Osmond bu səfərdə Qran-Prinin qızıl medalına sahib olmağı hədəfləmişdi. Qısa proqramda o, uğurlu mübarizə apardı və 70.06 balla birinci pillənin sahibi oldu. Amma bir sonra baş tutan sərbəst proqramda Ketlin Osmond uğursuz mübarizə apardı və nəticədə 138.72 balla dördüncü pillənin sahibi oldu. Sərbəst proqramda olan nəticəsi onun ümumi nəticəsinə də təsir göstərdi. Bununla da Ketlin Osmond ümumi nəticədə 208.78 balla ISU Fransa Qran-Prisinin bürünc medalına sahib oldu. Qızıl medalı Rusiya nümayəndəsi Alina Zaqitova, gümüş medalı isə digər Rusiya nümayəndəsi Mariya Stoshova qazandı.

Yaponiyanın Naqoya şəhərində baş tutan ISU Qran-Pri Finalında altı idmançı — Rusiya nümayəndələri Alina Zaqitova və Mariya Stoshova, Kanada nümayəndəsi Ketlin Osmond, İtaliya nümayəndəsi Karolina Kostner və Yaponiya nümayəndəsi Vahaba Hiquçi mübarizə apardı. Qısa proqramda Ketlin Osmonda 78.04 balla birinci pillənin sahibi oldu. Sərbəst proqramda isə Ketlin Osmond uğurlu mübarizənin davamını gətirə bilmədi. O, 138.12 balla beşinci pillənin sahibi oldu. Bu da onun ümumi nəticəsinə ciddi təsir göstərdi və o, 216.16 balla üçüncü pillənin sahibi oldu. Bu minvallada Ketlin Osmond ISU Qran-Pri Finalının bürünc medalını qazandı. ISU Qran-Pri Finalının qalibi isə Rusiya təmsilçisi Alina Zaqitova sahib oldu.

Ketlin Osmond 2018-ci ilin 8–14 yanvarında Britaniya Kolumbiyasının ev sahibliyində baş tutan Kanada Çempionatında mübarizə apardı. Qısa proqramda 72.42 balla 2-ci pillənin sahibi olan Ketlin Osmond, sərbəst proqramda 148.32 balla 2-ci pillənin sahibi oldu. Bununlada o, ümumi nəticədə 220.74 balla 18 idmançı sırasında 2-ci pillənin sahibi oldu və Kanada Çempionatının gümüş medalına sahib oldu.

2018-ci il Pxençxan Olimpiadası

Ketlin Osmond 2018-ci il Pxençxan Olimpiadasında

Əsas məqalələr: 2018 Qış Olimpiya Oyunları və Kanada 2018 Qış Olimpiya Oyunlarında

2018-ci ilin 8–25 fevralında Cənubi Koreyanın Pxençxan şəhərinin ev sahibliyində XXIII Qış Olimpiya Oyunları baş tutdu. Komanda yarışları 8–12 fevralda, fərdi yarışlar isə 18–20 fevralda Olimpiada üçün inşa edilən 12 000 tamaşaçı tutumuna sahib olan "Kannın" Buz İdman Sarayında baş tutdu.

Fevralın 8-də baş tutan yarışda Patris Çen mübarizə apardı və 10 idmançı sırasında üçüncü pillənin sahibi oldu. Bununla da o, Kanada yığmasına 8 bal qazandırdı. Həmin gün cütlərin yarışında mübarizə aparan Meqan Duhamel və Eri Radford cütlüyü isə 2-ci pillənin sahibi oldu və Kanada yığmasına 9 bal qazandırdı. Fevralın 11-də baş tutan yarışda isə Vertyu və Moir cütlüyü mübarizə apardı və 80.62 balla birinci pillənin sahibi oldu. Bununla da onlar, Kanada yığmasına 10 bal qazandırdı. Həmin gün qadınların yarışında mübarizə aparan Ketlin Osmond isə 72.34 balla üçüncü pillənin sahibi oldu və Kanada yığmasına 8 bal qazandırdı. Qısa proqramdan sonra 10 yığmadan 6–10-cu pillələri tutan yığmalar mübarizəni dayandırdı. Həmin proqramdan sonra Kanada yığması 35 balla birinci pillədə idi. Qısa proqramdan sonra yığmalara 2 yarış üzrə idmançıları əvəzetmə hüququ verildi. Kanada yığması sadəcə qadınların yarışında mübarizə aparan Kelin Osmondu, Qabrielle Dalemanla əvəz etdi.

Sərbəst proqram fevralın 11-də və 12-də baş tutdu. Fevralın 11-də cütlərin yarışında çıxış edən Meqan Duhamel və Eri Radford cütlüyü mübarizə apardılar və birinci pillənin sahibi oldular. Bununla da onlar, Kanada yığmasına 10 bal qazandırdı. Fevralın 12-də isə daha üç yarış üzrə mübarizə aparıldı. Kişilərin yarışında çıxış edən Patris Çen birinci pillənin sahibi oldu və Kanada yığmasına 10 bal qazandırdı. Daha sonra isə "Kannın" Buz İdman Sarayında buzüstünə qadınlar çıxdılar. Qabrielle Daleman, çıxışını ciddi səhvsiz başa vurdu və onun çıxışı münsiflər heyəti tərəfindən 180.75 balla qiymətləndirildi. O, bu nəticəyə əsasən birinci pillənin sahibi oldu və o, Kanada yığmasına 10 bal qazandırdı. Sonda isə buzüstü rəqs yarışında çıxış edən Vertyu və Moir cütlüyü mübarizə apardılar və 118.10 balla birinci pillənin sahibi oldular. Bununla da onlar, Kanada yığmasına 10 bal qazandırdı. Ümumi nəticədə isə 74 balla Kanada yığması birinci pillənin sahibi oldu və Pxençxan Olimpiadasının qızıl medallarına sahib oldu. Bu minvallada Soçi Olimpiadasında gümüş medalın sahibi olan Ketlin Osmond, bu səfər Pxençxan Olimpiadasında qızıl medalın sahibi oldu.

Komanda yarışlarından sonra 20–22 fevralda fərdi yarışlar baş tutdu. Fərdi yarışların favoritləri Rusiya nümayəndələri Yevgeniya Medvedyeva və Alina Zaqitova, İtaliya nümayəndəsi Karolina Kostner, Yaponiya nümayəndəsi Sataho Miyahara və Kanada nümayəndəsi Ketlin Osmond idi. Fevralın 20-də baş tutan qısa proqramda Ketlin Osmond 78.88 balla Alina Zaqitova və Yevgeniya Medvedyevadan sonra üçüncü pillənin sahibi oldu. Fevralın 22-də isə sərbəst proqram baş tutdu. Ketlin Osmondun əsas hədəfi sərbəst proqramda da uğurlu mübarizə aparıb, Olimpiadanı ən azından bürünc medalla başa vurmaq idi. Kompozisiyasını 22-ci sırada təqdim edən Ketlin Osmonddan əvvəl 1-ci pillədə Alina Zaqitova, 2-ci pillədə Sataho Miyahara, 3-cü pillədə isə Karolina Kostner idi. Ondan sonra hələ Yevgeniya Medvedyevanın da mübarizə aparacağını nəzərə alaraq Ketlin Osmondun əsas hədəsi Sataho Miyaharanın nəticəsini geridə qoymaq idi. Klint Mensellin bəstəsi olan "Qara qu quşu" musiqisinin sədaları altında çıxış edən Ketlin Osmondun təqdimatı 154.16 balla qiymətləndirildi və o, Alina Zaqitovadan sonra 2-ci pillədə qərarlaşdı. Bununlada Ketlin Osmond ən azından bürünc medalı özü üçün təmin etdi. Ondan sonra mübarizə aparan Yevgeniya Medvedyeva isə qızıl medala bir nömrəli favoritlərdən idi və onun əsas rəqabəti Alina Zaqitova arasında idi. Yevgeniya Medvedyeva həmin mübarizədə Alina Zaqitovaya məğlub oldu və bürünc medalın sahibi oldu. Nəticədə XXIII Qış Olimpiya Oyunlarının qızıl medalına Rusiya nümayəndəçi Alina Zaqitova, gümüş medala digər Rusiya nümayəndəsi Yevgeniya Medvedyeva, bürünc medala isə Kanada nümayəndəsi Ketlin Osmond sahib oldu.

 

Ketlin Osmond 2018-ci il Dünya Çempionatının gala proqramında

XXIII Qış Olimpiya Oyunlarından sonra 18–25 martda İtaliyanın Milan şəhərinin ev sahibliyində Dünya Çempionatı baş tutdu. Olimpiadanın bürünc medalına sahib olan Ketlin Osmond, Rusiya nümayəndələri Yevgeniya Medvedyeva və Alina Zaqitova, İtaliya nümayəndəsi Karolina Kostner və Yaponiya nümayəndəsi Sataho Miyahara ilə birgə Dünya Çempionatının favoritləri sırasında göstərilirdi. Qısa proqramda Ketlin Osmond, 74.74 balla Karolina Kostner, Alina Zaqitova və Sataho Miyaharadan sonra dördüncü pillənin sahibi oldu. Qısa proqramdan sonra onun Dünya Çempionatının qalibi olmaq ehtimalı çox aşağı idi. İdman mütəxəssislərinin rəylərinə əsasən Ketlin Osmond ən yaxşı halda bürünc medala sahib ola bilər. Martın 24-də baş tutan sərbəst proqram isə idman cəmiyyəti üçün gözlənilməz nəticələrlə dolu oldu. Qısa proqramda sonra birinci pillənin sahibi olan İtaliya nümayəndəsi Karolina Kostner bu proqram uğursuz mübarizə apararaq beşinci pillənin sahibi oldu, ümumi nəticədə isə 208.90 balla dördüncü pillədə qərarlaşdı. Qısa proqramda sonra 2-ci pillədə qərarlaşan Rusiya təmsilçisi Alina Zaqitovada Karolina Kostnerin taleyini yaşadı. Sərbəst proqramda uğursuz mübarizə aparan Alina Zaqitova nəticədə 128.22 balla yeddinci, ümumi nəticədə isə 208.74 balla beşinci pillənin sahibi oldu. Belə olan halda Ketlin Osmondun Dünya Çempionatının qalibi olmaq şansları artırdı. Onun əsas rəqibi Yaponiya nümayəndəsi Sataho Miyahara idi. Digər Yaponiya təmsilçisi Vahaba Hiquçi qısa proqramda 8-ci pillənin sahibi olsa da, sərbəst proqramda 2-ci pillənin sahibi oldu və Dünya Çempionatının gümüş medalına sahib oldu. Sataho Miyaharanın sərbəst proqramda olan çıxışı səhvsiz olsa da, nəticədə 135.72 balla qiymətləndirildi. Bununla da o, ümumi nəticədə 210.08 balla Dünya Çempionatının bürünc medalına sahib oldu. Ketlin Osmond isə sərbəst proqramda qüsursuz mübarizə apardı və 150.50 balla birinci pillənin sahibi oldu. Bu minvalla da o, ümumi nəticədə 225.24 balla Dünya Çempionatının qızıl medalına sahib oldu. Ketlin Osmond 1965-cı ildə Petra Burhanın Dünya Çempionatının qalibi olmasından 45 il sonra bu uğura sahib olan növbəti Kanada idmançısı olub.

2019-cu il yanvarın 30-da Ketlin Osmond Nyufaundlenda və Labradora əyalətinin leytenant-qubernatoru Cudi Fut tərəfindən 2018-ci il XXIII Qış Olimpiya Oyunlarında və 2018-ci il Dünya Çempionatında qazandığı uğurlara görə "Nyufaundlenda və Labradora" ordeni ilə təltif edildi.

Kompozisiyaları

 

Ketlin Osmond 2018-ci ildə Dünya Çempionatının qalibi olmağla 45 il sonra bu uğura imza atan birinci Kanada idmançısı oldu

 

Ketlin Osmond 2018-ci il Pxeçxan Olimpiadasının gala proqramında Tori Kellinin "Hallelujah" bəstəsinin sədaları altında çıxış edən zaman

Mövsüm	Proqram
	Qısa proqram	Sərbəst proqram
2010/2011	"A Day in the Life" bəstəsi repertuar: Ceff Be	"Galicia Flamenca" bəstəsi repertuar: Fransis Tarraqa və Cino d'Auri "Recuerdos de la Alhambra" bəstəsi repertuar: Fransis Tarraqa və Cino d'Auri
2011/2012	"Monsoon Wedding" bəstəsi repertuar: Ceff Be "Bombay Dreams" tamaşasından bəstə repertuar: Alla Raxa Rəhman	"Introduction and Rondo Capriccioso" bəstəsi repertuar: Kamil Sen-Sans
2012/2013	"Mambo №8" bəstəsi repertuar: Peres Prado "Gwendoline" bəstəsi repertuar: Peres Prado	"Karmen" operasından bəstə repertuar: Jorj Bize
2013/2014	"Big Spender" bəstəsi repertuar: Sweet Charity "Rich Man's Frug" bəstəsi repertuar: Sweet Charity	"Original theme" bəstəsi repertuar: Filip Şani "Numerobis Theme" bəstəsi repertuar: Filip Şani "La poursuite" bəstəsi repertuar: Filip Şani "Cleopatra and Caesar" bəstəsi repertuar: Klod-Mişel Şenberq
2014/2015	"La Vie en rose" bəstəsi repertuar: Sindi Loper	"Danzarin" bəstəsi repertuar: Astor Piazolla "Oblivion" bəstəsi repertuar: Astor Piazolla "Tanguera" bəstəsi repertuar: Astor Piazolla
2015/2016
2016/2017	"Sous le ciel de Paris" bəstəsi repertuar: Edit Piaf "Milord" bəstəsi repertuar: Edit Piaf	"Bohema" operasından bəstə repertuar: Caqomo Puççini
2017/2018	"Sous le ciel de Paris" bəstəsi repertuar: Edit Piaf "Milord" bəstəsi repertuar: Edit Piaf "Summertime" repertuar: Corc Gerşvin	"Qu gölü" baletindən bəstə repertuar: Pyotr Çayhovshi "Qara qu quşu" filmindən bəstə repertuar: Klint Mensell

Uğurları

 

Nyufaundlenda və Labradora əyalətinin leytenant-qubernatoru Cudi Fut Ketlin Osmondu "Nyufaundlenda və Labradora" ordeni ilə təltif edən zaman

Karyerası ərzində 9 mövsümdə mübarizə aparan Ketlin Osmond, 11 qızıl, 6 gümüş və 6 bürünc medala sahib olub.

Yarış		Mövsümlər
		09–10	10–11	11–12	12–13	13–14	14–15	15–16	16–17	17–18
Beynəlxalq yarışlar
	Olimpiya Oyunları					13-cü				3-cü
	Olimpiya Oyunları (Komanda)					2-ci				1-ci
Dünya Çempionatı					8-ci	11-ci			2-ci	1-ci
Dörd Qitə Çempionatı					7-ci			6-cı	4-cü
Qran-Pri: Final									4-cü	3-cü
Qran-Pri: Çin									2-ci
Qran-Pri: Fransa							WD			3-cü
Qran-Pri: Kanada					1-ci	WD	WD	11-ci	2-ci	1-ci
Qran-Pri: Rusiya						WD
Qran-Pri: Yaponiya								6-cı
"Autumn Classic"										1-ci
"Finlandia Trophy"									1-ci
"Nebelhorn Trophy"					1-ci			1-ci
Beynəlxalq yarışlar (Gənclər arasında)
Gənclərin Dünya Çempionatı				10-cu
Gənclərin Qran-Prisi: Çexiya			10-cu
Gənclərin Qran-Prisi: Yaponiya			9-cu
Kanada daxili yarışlar
Kanada Çempionatı				3-cü	1-ci	1-ci		3-cü	1-ci	2-ci
Gənclərin Kanada Çempionatı		3-cü	6-cı
Komandalararası yarışlar
Komandalararası Dünya Çempionatı					2-ci
WD — Mübarizə aparmadı / C — Təxirə salındı

Nəticələri

 

Ketlin Osmond 2012-ci il Kanada Çempionatında

 

Ketlin Osmond 2012-ci il Kanada Qran-Prisində

 

Ketlin Osmond 2014-cü il Kanada Çempionatında

 

Ketlin Osmond 2017-ci il Dünya Çempionatında

 

Ketlin Osmond 2018-ci il Olimpiya Oyunlarında

Sıra	Tarix	Yarış	Ev sahibi	QP		SP		Cəmi
				Nəticə	Yer	Nəticə	Yer	Nəticə	Yer
2009–2010-ci illər mövsümü
1.	10.01.2010 18.01.2010	Gənclərin Kanada Çempionatı	Kanada	42.32	5	72.30	3	114.62	3-cü
2010–2011-ci illər mövsümü
Sıra	Tarix	Yarış	Ev sahibi	Nəticə	Yer	Nəticə	Yer	Nəticə	Yer
2.	22.09.2010 26.09.2010	Gənclərin ISU Yaponiya Qran-Prisi	Yaponiya	40.78	9	70.94	8	111.72	10-cu
3.	12.10.2010 16.10.2010	Gənclərin ISU Çexiya Qran-Prisi	Çexiya	38.96	11	72.94	7	111.90	10-cu
4.	16.01.2011 24.01.2011	Gənclərin Kanada Çempionatı	Kanada	5		8		108.16	6-cı
2011–2012-ci illər mövsümü
Sıra	Tarix	Yarış	Ev sahibi	Nəticə	Yer	Nəticə	Yer	Nəticə	Yer
5.	16.01.2012 22.01.2012	Kanada Çempionatı	Kanada	56.94	1	98.54	4	155.48	3-cü
6.	26.02.2012 04.03.2012	Gənclərin Dünya Çempionatı	Belarus	50.15	9	96.10	10	146.25	9-cu
2012–2013-cü illər mövsümü
Sıra	Tarix	Yarış	Ev sahibi	Nəticə	Yer	Nəticə	Yer	Nəticə	Yer
7.	26.09.2012 30.09.2012	Nebelhorn Trophy	Almaniya	55.68	2	114.52	1	170.20	1-ci
8.	26.10.2012 30.10.2012	Kanada Qran-Prisi	Kanada	60.56	2	115.90	2	176.46	1-ci
9.	12.01.2013 20.01.2013	Kanada Çempionatı	Kanada	70.04	1	132.30	1	202.34	1-ci
10.	08.02.2013 12.02.2013	Dörd Qitə Çempionatı	Yaponiya	56.22	8	104.16	7	160.38	7-ci
11.	12.03.2013 18.03.2013	Dünya Çempionatı	Kanada	64.74	4	112.10	10	176.84	8-ci
12.	11.04.2013 14.04.2013	Komandalararası Dünya Çempionatı	Yaponiya	55.18	7	110.68	7	52	2-ci
2013–2014-cü illər mövsümü
Sıra	Tarix	Yarış	Ev sahibi	Nəticə	Yer	Nəticə	Yer	Nəticə	Yer
13.	25.10.2013 28.10.2013	Kanada Qran-Prisi	Kanada	60.35	5	—		—
14.	08.01.2014 15.01.2014	Kanada Çempionatı	Kanada	70.30	1	135.94	1	206.24	1-ci
15.	06.02.2014 08.02.2014	Olimpiya Oyunları (Komanda)	Rusiya	62.54	5	110.74	5	65	2-ci
16.	18.02.2014 20.02.2014	Olimpiya Oyunları	Rusiya	56.18	13	112.20	13	168.98	13-cü
17.	24.03.2014 30.03.2014	Dünya Çempionatı	Yaponiya	62.92	8	108.72	13	171.64	11-ci
2015–2016-cı illər mövsümü
Sıra	Tarix	Yarış	Ev sahibi	Nəticə	Yer	Nəticə	Yer	Nəticə	Yer
18.	24.09.2015 26.09.2015	"Nebelhorn Trophy"	Almaniya	60.68	1	120.74	1	181.42	1-ci
19.	30.10.2015 01.11.2015	ISU Kanada Qran-Prisi	Kanada	62.22	4	88.86	12	151.08	11-ci
20.	26.11.2015 30.11.2015	ISU Yaponiya Qran-Prisi	Yaponiya	58.08	8	112.42	7	170.50	6-cı
21.	18.01.2016 24.01.2016	Kanada Çempionatı	Kanada	70.64	1	128.24	3	198.88	3-cü
22.	16.02.2016 22.02.2016	Dörd Qitə Çempionatı	Tayvan	56.14	11	120.50	4	176.64	6-cı
2016–2017-ci illər mövsümü
Sıra	Tarix	Yarış	Ev sahibi	Nəticə	Yer	Nəticə	Yer	Nəticə	Yer
23.	06.10.2016 10.10.2016	"Finlandia Trophy"	Finlandiya	65.74	3	122.54	1	188.28	1-ci
24.	28.10.2016 30.10.2016	ISU Kanada Qran-Prisi	Kanada	74.34	2	132.12	2	206.46	2-ci
25.	18.11.2016 20.11.2016	ISU Çin Qran-Prisi	Çin	72.20	1	125.80	3	198.00	2-ci
26.	08.12.2016 10.12.2016	ISU Qran-Pri Finalı	Fransa	75.54	2	136.92	4	212.46	4-cü
27.	16.01.2017 22.01.2017	Kanada Çempionatı	Kanada	82.02	1	138.64	1	220.66	1-ci
28.	15.02.2017 20.02.2017	Dörd Qitə Çempionatı	Cənubi Koreya	68.22	2	115.96	2	184.18	2-ci
29.	28.03.2017 02.04.2017	Dünya Çempionatı	Finlandiya	75.98	2	142.16	2	218.14	2-ci
2017–2018-ci illər mövsümü
Sıra	Tarix	Yarış	Ev sahibi	Nəticə	Yer	Nəticə	Yer	Nəticə	Yer
30.	20.09.2017 24.09.2017	"Autumn Classic"	Kanada	76.22	1	142.34	1	218.56	1-ci
31.	26.10.2017 30.10.2017	ISU Kanada Qran-Prisi	Kanada	76.06	1	136.86	1	212.92	1-ci
32.	16.11.2017 20.11.2017	ISU Fransa Qran-Prisi	Fransa	70.06	4	138.72	1	208.78	3-cü
33.	06.12.2017 10.12.2017	ISU Qran-Pri Finalı	Yaponiya	78.04	1	138.12	5	216.16	3-cü
34.	08.01.2018 14.01.2018	Kanada Çempionatı	Kanada	72.42	2	148.32	2	220.74	2-ci
35.	08.02.2018 12.02.2018	Olimpiya Oyunları (Komanda)	Cənubi Koreya	72.38	3	—		74	1-ci
36.	20.02.2018 24.02.2018	Olimpiya Oyunları	Cənubi Koreya	78.88	3	154.16	3	233.04	3-cü
37.	20.03.2018 24.03.2018	Dünya Çempionatı	İtaliya	74.74	4	150.50	1	225.24	1-ci

Mənbələr

Keçidlər

•   Ketlin Osmondun Commonsda olan mediafaylları
•   Ketlin Osmondun Facebook səhifəsi
•   Ketlin Osmondun Twitter səhifəsi
•   Ketlin Osmondun rəsmi Instagram səhifəsi

İstinadlar

1. L'Encyclopédie canadienne, The Canadian Encyclopedia
   <a href="https://wikidata.org/wiki/Track:P5395"></a><a href="https://wikidata.org/wiki/Track:Q130334"></a>
2. Freebase Data Dumps — Google.
   <a href="https://wikidata.org/wiki/Track:P646"></a><a href="https://wikidata.org/wiki/Track:Q15241312"></a><a href="https://wikidata.org/wiki/Track:Q95"></a><a href="https://wikidata.org/wiki/Track:Q648625"></a><a href="https://wikidata.org/wiki/Track:Q1453477"></a><a href="https://wikidata.org/wiki/Track:P2671"></a>
3. "ISU Junior Grand Prix Japan, 2010 / Ladies / Results" ( (ing.)). 26.09.2010. 2020-09-14 tarixində . İstifadə tarixi: 04.08.2020.
4. "ISU Junior Grand Prix Japan, 2010 / Ladies / Short Program" ( (ing.)). 26.09.2010. 2020-09-14 tarixində . İstifadə tarixi: 04.08.2020.
5. "ISU Junior Grand Prix Japan, 2010 / Ladies / Free Program" ( (ing.)). 26.09.2010. 2020-09-14 tarixində . İstifadə tarixi: 04.08.2020.
6. "ISU Junior Grand Prix Czech Republic, 2010 / Ladies / Results" ( (ing.)). 18.10.2010. 2020-09-14 tarixində . İstifadə tarixi: 04.08.2020.
7. "ISU Junior Grand Prix Czech Republic, 2010 / Ladies / Short Program" ( (ing.)). 18.10.2010. 2020-09-14 tarixində . İstifadə tarixi: 04.08.2020.
8. "ISU Junior Grand Prix Czech Republic, 2010 / Ladies / Free Program" ( (ing.)). 18.10.2010. 2020-09-14 tarixində . İstifadə tarixi: 04.08.2020.
9. "ISU World Junior Championships, 2012 / Ladies / Results" ( (ing.)). 04.03.2012. 2020-09-14 tarixində . İstifadə tarixi: 04.08.2020.
10. "ISU World Junior Championships, 2012 / Ladies / Short Program" ( (ing.)). 04.03.2012. 2020-09-14 tarixində . İstifadə tarixi: 04.08.2020.
11. "ISU World Junior Championships, 2012 / Ladies / Free Program" ( (ing.)). 04.03.2012. 2020-09-14 tarixində . İstifadə tarixi: 04.08.2020.
12. "Nebelhorn Trophy, 2012 / Ladies / Results" ( (ing.)). 30.09.2012. 2020-07-09 tarixində . İstifadə tarixi: 04.08.2020.
13. "Nebelhorn Trophy, 2012 / Ladies / Short Program" ( (ing.)). 30.09.2012. 2020-07-09 tarixində . İstifadə tarixi: 04.08.2020.
14. "Nebelhorn Trophy, 2012 / Ladies / Free Program" ( (ing.)). 30.09.2012. 2020-07-11 tarixində . İstifadə tarixi: 04.08.2020.
15. "ISU Grand Prix Canada, 2012 / Ladies / Results" ( (ing.)). 22.10.2012. 2020-09-14 tarixində . İstifadə tarixi: 04.08.2020.
16. "ISU Grand Prix Canada, 2012 / Ladies / Short Program" ( (ing.)). 22.10.2012. 2020-09-14 tarixində . İstifadə tarixi: 04.08.2020.
17. "ISU Grand Prix Canada, 2012 / Ladies / Free Program" ( (ing.)). 22.10.2012. 2020-09-14 tarixində . İstifadə tarixi: 04.08.2020.
18. "ISU Four Continents Championships, 2013 / Ladies / Results" ( (ing.)). 12.02.2013. 2020-09-14 tarixində . İstifadə tarixi: 04.08.2020.
19. "ISU Four Continents Championships, 2013 / Ladies / Short Program" ( (ing.)). 12.02.2013. 2020-09-14 tarixində . İstifadə tarixi: 04.08.2020.
20. "ISU Four Continents Championships, 2013 / Ladies / Free Program" ( (ing.)). 12.02.2013. 2020-09-14 tarixində . İstifadə tarixi: 04.08.2020.
21. "ISU World Championships, 2013 / Ladies / Results" ( (ing.)). 18.03.2013. 2020-09-14 tarixində . İstifadə tarixi: 04.08.2020.
22. "ISU World Championships, 2013 / Ladies / Short Program" ( (ing.)). 18.03.2013. 2020-09-14 tarixində . İstifadə tarixi: 04.08.2020.
23. "ISU World Championships, 2013 / Ladies / Free Program" ( (ing.)). 18.03.2013. 2020-09-14 tarixində . İstifadə tarixi: 04.08.2020.
24. "ISU Grand Prix Canada, 2013 / Ladies / Results" ( (ing.)). 22.10.2013. 2020-09-15 tarixində . İstifadə tarixi: 04.08.2020.
25. "ISU Grand Prix Canada, 2013 / Ladies / Short Program" ( (ing.)). 22.10.2013. 2020-09-15 tarixində . İstifadə tarixi: 04.08.2020.
26. "ISU Grand Prix Canada, 2013 / Ladies / Free Program" ( (ing.)). 22.10.2013. 2020-09-15 tarixində . İstifadə tarixi: 04.08.2020.
27. "XXII Olympic Winter Games, 2014 / Team / Ladies / Results" ( (ing.)). 08.02.2014. 2020-09-15 tarixində . İstifadə tarixi: 04.08.2020.
28. "XXII Olympic Winter Games, 2014 / Team / Ladies / Short Program" ( (ing.)). 08.02.2014. 2020-09-15 tarixində . İstifadə tarixi: 04.08.2020.
29. "XXII Olympic Winter Games, 2014 / Team / Ladies / Free Program" ( (ing.)). 08.02.2014. 2020-09-15 tarixində . İstifadə tarixi: 04.08.2020.
30. "XXII Olympic Winter Games, 2014 / Ladies / Results" ( (ing.)). 08.02.2014. 2020-09-15 tarixində . İstifadə tarixi: 04.08.2020.
31. "XXII Olympic Winter Games, 2014 / Ladies / Short Program" ( (ing.)). 08.02.2014. 2020-09-15 tarixində . İstifadə tarixi: 04.08.2020.
32. "XXII Olympic Winter Games, 2014 / Ladies / Free Program" ( (ing.)). 08.02.2014. 2020-09-15 tarixində . İstifadə tarixi: 04.08.2020.
33. "ISU World Championships, 2014 / Ladies / Results" ( (ing.)). 30.03.2014. 2020-09-15 tarixində . İstifadə tarixi: 04.08.2020.
34. "ISU World Championships, 2014 / Ladies / Short Program" ( (ing.)). 30.03.2014. 2020-09-15 tarixində . İstifadə tarixi: 04.08.2020.
35. "ISU World Championships, 2014 / Ladies / Free Program" ( (ing.)). 30.03.2014. 2020-09-15 tarixində . İstifadə tarixi: 04.08.2020.
36. "Nebelhorn Trophy, 2015 / Ladies / Results" ( (ing.)). 26.09.2015. 2020-09-15 tarixində . İstifadə tarixi: 04.08.2020.
37. "Nebelhorn Trophy, 2015 / Ladies / Short Program" ( (ing.)). 26.09.2015. 2020-09-15 tarixində . İstifadə tarixi: 04.08.2020.
38. "Nebelhorn Trophy, 2015 / Ladies / Free Program" ( (ing.)). 26.09.2015. 2020-09-15 tarixində . İstifadə tarixi: 04.08.2020.
39. "ISU Grand Prix Canada, 2015 / Ladies / Results" ( (ing.)). 01.11.2015. 2020-09-15 tarixində . İstifadə tarixi: 04.08.2020.
40. "ISU Grand Prix Canada, 2015 / Ladies / Short Program" ( (ing.)). 01.11.2015. 2020-09-15 tarixində . İstifadə tarixi: 04.08.2020.
41. "ISU Grand Prix Canada, 2015 / Ladies / Free Program" ( (ing.)). 01.11.2015. 2020-09-15 tarixində . İstifadə tarixi: 04.08.2020.
42. "ISU Grand Prix Japan, 2015 / Ladies / Results" ( (ing.)). 30.11.2015. 2020-09-15 tarixində . İstifadə tarixi: 04.08.2020.
43. "ISU Grand Prix Japan, 2015 / Ladies / Short Program" ( (ing.)). 30.11.2015. 2020-09-15 tarixində . İstifadə tarixi: 04.08.2020.
44. "ISU Grand Prix Japan, 2015 / Ladies / Free Program" ( (ing.)). 30.11.2015. 2020-09-15 tarixində . İstifadə tarixi: 04.08.2020.
45. "ISU Four Continents Championships, 2016 / Ladies / Results" ( (ing.)). 22.02.2016. 2020-09-15 tarixində . İstifadə tarixi: 04.08.2020.
46. "ISU Four Continents Championships, 2016 / Ladies / Short Program" ( (ing.)). 22.02.2016. 2020-09-15 tarixində . İstifadə tarixi: 04.08.2020.
47. "ISU Four Continents Championships, 2016 / Ladies / Free Program" ( (ing.)). 22.02.2016. 2020-09-15 tarixində . İstifadə tarixi: 04.08.2020.
48. "Finlandia Trophy, 2016 / Ladies / Results" ( (ing.)). 10.10.2016. 2020-09-15 tarixində . İstifadə tarixi: 04.08.2020.
49. "Finlandia Trophy, 2016 / Ladies / Short Program" ( (ing.)). 10.10.2016. 2020-01-23 tarixində . İstifadə tarixi: 04.08.2020.
50. "Finlandia Trophy, 2016 / Ladies / Free Program" ( (ing.)). 10.10.2016. 2020-01-23 tarixində . İstifadə tarixi: 04.08.2020.
51. "ISU Grand Prix Canada, 2016 / Ladies / Results" ( (ing.)). 30.10.2016. 2020-09-15 tarixində . İstifadə tarixi: 04.08.2020.
52. "ISU Grand Prix Canada, 2016 / Ladies / Short Program" ( (ing.)). 30.10.2016. 2020-09-15 tarixində . İstifadə tarixi: 04.08.2020.
53. "ISU Grand Prix Canada, 2016 / Ladies / Free Program" ( (ing.)). 30.10.2016. 2020-09-15 tarixində . İstifadə tarixi: 04.08.2020.
54. "ISU Grand Prix China, 2016 / Ladies / Results" ( (ing.)). 20.11.2016. 2020-09-15 tarixində . İstifadə tarixi: 04.08.2020.
55. "ISU Grand Prix China, 2016 / Ladies / Short Program" ( (ing.)). 20.11.2016. 2020-09-15 tarixində . İstifadə tarixi: 04.08.2020.
56. "ISU Grand Prix China, 2016 / Ladies / Free Program" ( (ing.)). 20.11.2016. 2020-09-15 tarixində . İstifadə tarixi: 04.08.2020.
57. "ISU Grand Prix Final, 2016 / Ladies / Results" ( (ing.)). 10.12.2016. 2020-09-06 tarixində . İstifadə tarixi: 04.08.2020.
58. "ISU Grand Prix Final, 2016 / Ladies / Short Program" ( (ing.)). 10.12.2016. 2020-09-06 tarixində . İstifadə tarixi: 04.08.2020.
59. "ISU Grand Prix Final, 2016 / Ladies / Free Program" ( (ing.)). 10.12.2016. 2020-09-06 tarixində . İstifadə tarixi: 04.08.2020.
60. "ISU Four Continents Championships, 2017 / Ladies / Results" ( (ing.)). 20.02.2017. 2020-09-15 tarixində . İstifadə tarixi: 04.08.2020.
61. "ISU Four Continents Championships, 2017 / Ladies / Short Program" ( (ing.)). 20.02.2017. 2020-09-15 tarixində . İstifadə tarixi: 04.08.2020.
62. "ISU Four Continents Championships, 2017 / Ladies / Free Program" ( (ing.)). 20.02.2017. 2020-09-15 tarixində . İstifadə tarixi: 04.08.2020.
63. "ISU World Championships, 2017 / Ladies / Results" ( (ing.)). 02.04.2017. 2020-09-15 tarixində . İstifadə tarixi: 04.08.2020.
64. "ISU World Championships, 2017 / Ladies / Short Program" ( (ing.)). 02.04.2017. 2020-09-15 tarixində . İstifadə tarixi: 04.08.2020.
65. "ISU World Championships, 2017 / Ladies / Free Program" ( (ing.)). 02.04.2017. 2020-09-15 tarixində . İstifadə tarixi: 04.08.2020.
66. "Autumn Classic, 2017 / Ladies / Results" ( (ing.)). 24.09.2017. 2020-09-16 tarixində . İstifadə tarixi: 04.08.2020.
67. "Autumn Classic, 2017 / Ladies / Short Program" ( (ing.)). 24.09.2017. 2020-09-16 tarixində . İstifadə tarixi: 04.08.2020.
68. "Autumn Classic, 2017 / Ladies / Free Program" ( (ing.)). 24.09.2017. 2020-09-16 tarixində . İstifadə tarixi: 04.08.2020.
69. "ISU Grand Prix Canada, 2017 / Ladies / Results" ( (ing.)). 30.10.2017. 2020-09-15 tarixində . İstifadə tarixi: 04.08.2020.
70. "ISU Grand Prix Canada, 2017 / Ladies / Short Program" ( (ing.)). 30.10.2017. 2020-09-15 tarixində . İstifadə tarixi: 04.08.2020.
71. "ISU Grand Prix Canada, 2017 / Ladies / Free Program" ( (ing.)). 30.10.2017. 2020-09-15 tarixində . İstifadə tarixi: 04.08.2020.
72. "ISU Grand Prix France, 2017 / Ladies / Results" ( (ing.)). 20.11.2017. 2020-09-15 tarixində . İstifadə tarixi: 04.08.2020.
73. "ISU Grand Prix France, 2017 / Ladies / Short Program" ( (ing.)). 20.11.2017. 2020-09-15 tarixində . İstifadə tarixi: 04.08.2020.
74. "ISU Grand Prix France, 2017 / Ladies / Free Program" ( (ing.)). 20.11.2017. 2020-09-15 tarixində . İstifadə tarixi: 04.08.2020.
75. "ISU Grand Prix Final, 2017 / Ladies / Results" ( (ing.)). 10.12.2017. 2020-09-16 tarixində . İstifadə tarixi: 04.08.2020.
76. "ISU Grand Prix Final, 2017 / Ladies / Short Program" ( (ing.)). 10.12.2017. 2020-09-16 tarixində . İstifadə tarixi: 04.08.2020.
77. "ISU Grand Prix Final, 2017 / Ladies / Free Program" ( (ing.)). 10.12.2017. 2020-09-16 tarixində . İstifadə tarixi: 04.08.2020.
78. "XXIII Olympic Winter Games, 2018 / Team / Ladies / Results" ( (ing.)). 08.02.2018. 2020-09-16 tarixində . İstifadə tarixi: 04.08.2020.
79. "XXIII Olympic Winter Games, 2018 / Team / Ladies / Short Program" ( (ing.)). 08.02.201. 2020-09-16 tarixində . İstifadə tarixi: 04.08.2020.
80. "XXIII Olympic Winter Games, 2018 / Team / Ladies / Free Program" ( (ing.)). 08.02.2018. 2020-09-16 tarixində . İstifadə tarixi: 04.08.2020.
81. "XXIII Olympic Winter Games, 2018 / Ladies / Results" ( (ing.)). 08.02.2018. 2020-09-16 tarixində . İstifadə tarixi: 04.08.2020.
82. "XXIII Olympic Winter Games, 2018 / Ladies / Short Program" ( (ing.)). 08.02.2018. 2020-09-16 tarixində . İstifadə tarixi: 04.08.2020.
83. "XXIII Olympic Winter Games, 2018 / Ladies / Free Program" ( (ing.)). 08.02.2018. 2020-09-16 tarixində . İstifadə tarixi: 04.08.2020.