Hacı Məmmədov (tarzən)

Bu adın digər istifadə formaları üçün bax: Hacı Məmmədov.

Hacı Məmməd oğlu Məmmədov (28 aprel 1920(1920-04-28), Şamaxı – 2 avqust 1981(1981-08-02), Bakı) — Azərbaycan tarzəni, Azərbaycan SSR xalq artisti (1963), Azərbaycan Tibb Universitetinin müəllimi.

Hacı Məmmədov
Ümumi məlumatlar
Doğum tarixi	28 aprel 1920
Doğum yeri	Şamaxı, Şamaxı qəzası, Azərbaycan SSR
Vəfat tarixi	2 avqust 1981 (61 yaşında)
Vəfat yeri	Bakı, Azərbaycan SSR, SSRİ
Musiqiçi məlumatları
Fəaliyyəti	tarzən, həkim-cərrah
Fəaliyyət illəri	1930–1981
Janrlar	klassik musiqi, muğam, xalq musiqisi
Musiqi aləti	tar
Təhsili	Azərbaycan Tibb Universiteti
Mükafatları	1963
Vikianbarda əlaqəli mediafayllar

Həyatı

Hacı Məmmədov 1920-ci il aprelin 28-də Şamaxı şəhərində anadan olmuşdur. 1943–1948-ci illərdə Azərbaycan Tibb Universitetində təhsil almışdır. 1949-cu ildən 1970-ci ilə qədər həkim-cərrah kimi fəaliyyət göstərmişdir. 1930–1948-ci illərdə Azərbaycan Dövlət Xalq Çalğı Alətləri Orkestrində işləmiş, 1949-cu ildən Azərbaycan Dövlət Akademik Filarmoniyasının solisti olmuşdur.

H. Məmmədov rus və Qərbi Avropa müəlliflərinin klassik əsərlərinin tarda ilk ifaçısı olub. Bülbül (müğənni), Seyid Şuşinski, Zülfü Adıgözəlov kimi müğənniləri müşayiət etmiş, Belçika, Polşa, Macarıstan, İran, Suriya, Əlcəzair və digər ölkələrdə qastrol səfərlərində olmuşdur.

Hacı Məmmədov 1981-ci il avqustun 2-də Bakıda vəfat etmişdir.

Mükafatları

 

Bakı, Hacı Məmmədov küçəsi

• "Azərbaycan SSR xalq artisti" fəxri adı — 18 may 1963
• "Azərbaycan SSR əməkdar artisti" fəxri adı — 25 sentyabr 1954
• "Şərəf Nişanı" ordeni — 9 iyun 1959
• Azərbaycan SSR Ali Soveti Rəyasət Heyətinin Fəxri Fərmanı — 25 aprel 1980

İstinadlar

1. ASE, 1982. səh. 504
2. "Bu gün görkəmli tarzən Hacı Məmmədovun 100 yaşı tamam olur". www.az.baku-art.com. 28 aprel 2020. İstifadə tarixi: 16 fevral 2021.
3. "Tar ifaçılığının təbib ustadı". medeniyyet.az. 17 iyul 2020. İstifadə tarixi: 16 fevral 2021.
4. Коммунист. № 117, 1963, сәһ. 1

Ədəbiyyat

• Азәрбајҹан Совет Енсиклопедијасы: [10 ҹилддə]. VI ҹилд: Куба – Мисир. Бакы: Азәрбајҹан Совет Енсиклопедијасынын Баш Редаксиjасы. Баш редактор: Ҹ. Б. Гулијев. 1982. (#invisible_char); (#invisible_char); (#invisible_char); (#invisible_char); (#invisible_char)
• "Республиканын инҹәсәнәт хадимләринә Азәрбајҹан ССР фәхри адлары верилмәси һаггында Азәрбајҹан ССР Али Совети Рәјасәт Һеј'әтинин Фәрманы". № 117 (12283). Коммунист. May 19, 1963.
• Həsənova, Şəhla (2017). Hacı Məmmədov (azərb.). Bakı: Şərq-Qərb. səh. 104. ISBN 978-9952-517-72-9.