Fallout Shelter

Fallout Shelter (azərb. Radioaktiv-yağıntı sığınacağı‎) — "Bethesda Game Studios" və "Behaviour Interactive" tərəfindən hazırlanan və "Bethesda Softworks" tərəfindən nəşr olunan free-to-play simulyasiya video oyunu. "Fallout" video oyun seriyasının bir parçası olaraq dünya səviyyəsində 14 iyun 2015-ci ildə iOS platforması, 13 avqust 2015-ci ildə Android platforması, 14 iyul 2016-cı ildə Microsoft Windows platforması, 7 fevral 2017-ci ildə Xbox One platforması və son olaraq 10 iyun 2018-ci ildə PlayStation 4 və Nintendo Switch platformaları üçün buraxılmışdır. "Fallout Shelter" oyunçulara öz sığınacaqlarını (ing. Vault) tikmək və təşkil etmək tapşırığını verir.

Fallout Shelter
"Fallout Shelter" video oyununun rəsmi afişası
Hazırlayan	Bethesda Game Studios Behaviour Interactive
Yayımlayan	Bethesda Softworks
Seriya	Fallout
Anons tarixi	14 iyun 2015
Buraxılış tarixi	iOS 14 iyun 2015 Android 13 avqust 2015 Microsoft Windows 14 iyul 2016 Xbox One 7 fevral 2017 PlayStation 4, Nintendo Switch 10 iyun 2018
Janrlar	Free-to-play simulyasiya
Yaş reytinqləri	ESRB: T — Teen
Rejissorlar	Todd Hovard
Dizaynerlər	Emmanuel Hardi-Senekal Tomas Henrikez Cenik Nevü
Ssenaristlər	Emil Paqliarulo
Rəssamlar	İştvan Peli İlya Nəzərov Ceymi Villa
Texniki məlumat
Platformalar	iOS Android Microsoft Windows Xbox One
Mühərriklər	Unity
Oyun rejimləri	Birnəfərli oyun
İnterfeysin dili	ingiliscə
Daşıyıcılar	Rəqəmsal dağılım (App Store, Play Store, Steam, Xbox Live)
Sistem tələbləri	iOS: iPhone 5, iPad 3, iPad mini 2 və ya daha yaxşısı Android: Android 4.1 və ya daha yenisi PC: 261,7 MB boş disk sahəsi Xbox One: 1.41 GB boş disk sahəsi PlayStation 4: 1.4 GB boş disk sahəsi Nintendo Switch: 1.4 GB boş disk sahəsi
İdarəetmə	Klaviatura və siçan qeympad sensor ekran
Rəsmi saytı
Vikianbarda əlaqəli mediafayllar

Buraxılmasından sonra "Fallout Shelter" əsasən müsbət rəylər almışdır. Tənqidçilər oyunun "Fallout" kainatının bir uzadılması olmasını, əsas geympleyini və vizual üslubunu tərifləmişdir. Adi tənqidlər arasında oyunda dərinlik azlığının olması, lazımsız mikro-ödənişlərdən istifadəsi və sonluq azlığı var idi. Oyun buraxılışının ilk iki həftəsində mikro-ödənişlərlə 5.1 milyon ABŞ dolları qazanmışdır.

Geympley

 

 

Oyun formikarium (qarışqa bağı) perspektivi üzrə qurulmuşdur. Sığınacaq barədə olan məlumatlar ekranın yuxarı hissəsində göstərilir. Soldan sağa — sığınacaq səviyyəsi, xoştbəxtlik dərəcəsi, elektrik sayğacı, qida sayğacı, su sayğacı, butulka qapaqları, bildirişlər.

"Fallout Shelter" bir simulyasiya oyunudur və burada oyunçular bir Nəzarətçi (ing. Overseer) – sığınacağın rəhbəri və kordinatoru olaraq öz sığınacaqlarını tikir və təşkil edirlər. Oyunçular vətəndaşları çöllükdən qurtarırlar və onları öz sığınacaqlarına yönəldirlər, əsas ehtiyaclarla — elektrik, qida və su ilə təmin edirlər. Oyunda irəliləmək üçün oyunçu öz sığınacaqlarının həcmini yeni otaqlar əlavə edərək və ya otaqları inkişaf etdirərək artırmalıdır.

Sığınacaq otaqları

"Fallout Shelter"da sakinlərin sayının çoxaldılması ilə açılan tam 23 tikiləbilən otaq var. Bu otaqlar iki kateqoriyaya — istehsal və məşq kateqoriyalarına bölünürlər. Oyunda 25 mərtəbə var və bu mərtəbələrin hər birində maksimal olaraq 8 otaq tikmək olur. Hər bir otağa məhdud sayda sakin təyin etmək olar və hər bir istehsal otağının idarə edilməsi üçün ən azı bir sakinə etiyacı var. Hər otaq birinci mərhələdən başlayır və üçüncü mərhələyə qədər inkişaf edilə bilər. Hər bir otaq maksimal effektivlikdə işləmək üçün müəyyən bir "S.P.E.C.I.A.L." (azərb. G.Q.D.X.A.U. — "Güc, Qavrama, Dözümlülük, Xarizma, Ağıl, Cəldlik və Uğur"‎ sözləri üçün bir abreviatura) bacarığını tələb edir. Otaqları eyni otaqları yan-yana yerləşdirərək birləşdirmək olar. Birləşdirilmiş otaqlar daha böyük olurlar, ehtiyat yaratmaq üçün daha çox vaxt sərf edirlər və inkişaf etdirmək dəyəri daha çoxdur, ancaq effektivlik dərəcəsi daha yüksəkdir.

Sakinlər

Sığınacaq sakinləri oyunun mühüm bir hissəsidirlər və istehsal otaqlarının idarə edilməsi, reproduksiya, sığınacağın düşmən hücumlarından qorunması və çöllüyün araşdırılmasında fəaliyyət göstərirlər. Hər bir sakinin öz "S.P.E.C.I.A.L." profili onların fərqli-fərqli ehtiyat əmələ gətirməyinə təsir edir. Bundan əlavə olaraq oyunçular həmin personajların "S.P.E.C.I.A.L." statistikasını təlim otaqlarında inkişaf etdirə bilərlər. Sakinlər vaxtilə yeni səviyyə qazanırlar, bu isə həmin sakinlərin sağlamlığını artırır və onlar daha keyfiyyətli silahları və əşyaları daşıya bilərlər. Sakinlərin sayı çöllükdən gələcək vətəndaşları gözləməklə artırıla bilər. Sakinlərin sayının artırılmasının başqa bir yolu kişi və qadın sakinləri cütləşdirməkdir.

Nahar qutuları

Oyunçular müəyyən tapşırıqları bitirərək və ya mikro-ödənişlərdən istifadə edərək nahar qutuları (ing. lunchboxes) ilə mükafatlandırıla bilərlər. Hər bir nahar qutusunda beş kart olur, bu kartlarda isə sakinlər, silahlar, geyimlər, ehtiyatlar, butulka qapaqları, zibil məmulatlar, Kvant Nüvə-Kolalar, ev heyvanları və ya "Cənab Köməkçi"lər (ing. Mister Handy) olur. Oyunçular nahar qutularından "adi" (ing. common), "nadir" (ing. rare) və "əfsanəvi" (ing. legendary) sakinlər əldə edə bilərlər.

İstehsal və buraxılış

Todd Hovard 2009-cu ildə "Engadget" ilə keçirdiyi bir müsahibədə iOS üçün çıxarılacaq mümkün bir "Fallout" oyunu haqda danışan zaman Hovard "Fallout" oyunlarının “hər hansı bir platformaya tərcümə edilə biləcək qədər xüsusi” olduğunu deyərək bir neçə mobil Fallout oyun dizaynlarının hazırlanmış olduğunu və bunların ləğv edildiklərini bildirmişdir.

5 noyabr 2009-cu il tarixində vaxtilə "id Software"də işləmiş Con Karmak rəsmi olmasa da, iPhone üçün olan bir "Fallout" oyunu barədə konseptlər olduğunu demişdir. Karmak digər layihələr üzərində işləməyinə baxmayaraq, oyunun hazırlanmasında özünün də iştirak edəcəyinə inandığını demişdir. O, daha sonra “ən azından mən onları kodlarla təmin edəcəyəm” demişdir.

"Fallout Shelter" "Bethesda Softworks" tərəfindən 14 iyun 2015-ci il tarixində "Electronic Entertainment Expo" press konfransında açıqlamışdır. Oyun "Behaviour Interactive" şirkətinin əlavə dəstəyi ilə və "Unity" oyun mühərrikindən istifadə edərək hazırlanmışdı. Oyun 13 avqust 2015-ci il tarixində Android qurğuları üçün buraxılmışdır.

"Bethesda"nın vitse-prezidenti Pit Haynsın dediyinə görə, oyun "Little Computer People", "Progress Quest", "XCOM", "SimCity" və "FTL: Faster Than Light" kimi digər video oyunlarından ilhamlanmışdır.

Yeniləmələr

30 iyun 2015-ci il tarixində oyuna ilk dəfə olaraq "Fallout 4"-dən bir personaj əlavə edilmişdir. Preston Qarvi — "Kommonuelt Xalq Milis Əsgərləri"nin (ing. Commonwealth Minutemen, translit. Kommonuelt Minutmen) rəhbəri və onun şəxsi silahı olan və digər sakinlər tərəfindən istifadə edilə bilən lazer muşketi oyuna nahar qutularından çıxan bir hədiyyə olaraq əlavə edilmişdir. 10 iyul 2015-ci il tarixində oyuna bir neçə texniki problemi aradan qaldıran və oyuna yeni "Şəkil modu" əlavə edən ilk rəsmi yeniləmə gəlmişdir. 13 avqust 2015-ci il tarixində oyunun iOS versiyasına mühüm bir yeniləmə gəlmişdir. Bu yeniləmədə oyuna yeni düşmənlər, yəni köstəbək siçovulları və ölüm pəncələrini (ing. deathclaw) əlavə etmişdir. Bu yeniləmə oyuna reyderlərin sadəcə ehtiyat yox, bultulka qapağı da oğurladığı yeni bir xüsusiyyət və yalnız nahar qutularından çıxan "Cənab Köməkçi" (ing. Mister Handy) əlavə edilmişdir.

15 oktyabr 2015-ci ildə oyunun iOS versiyasına bulud yaddaşı sistemi, sağ qalmaq modu, rus dili dəstəyi və Fallout 4 personajı olan və yalnız nahar qutularından çıxan Payper Uraytı əlavə edən 1.2 nömrəli yeniləmə gəlmişdir. Yeniləmə oyuna statistika səhifəsini, öyrədici proqramı keçə bilmək və sığınacaq sakinlərinin ölü reyderlərin təchizatını götürə bildikləri yeni bir geympley xüsusiyyəti əlavə edilmişdir. Oktyabr ayının sonlarında oyuna hellouin mövzulu bir yeniləmə gəlmişdir. Bu yeniləmə oyuna hellouin bayramıyla bağlı əşyalar və dekorasiyalar əlavə edir, çöllüyə səyahətə göndərilə bilən sakinlərin say limitini artırır.

22 noyabr 2015-ci il tarixində oyuna Şükran günü mövzulu bir yeniləmə gəlmişdir. Yeniləmə oyuna yeni geyimlər və dekorasyalar əlavə etmişdir. 10 dekabr 2015-ci il tarixində oyuna Doqmit kimi ev heyvanları, sığınacaq sakinlərini qovmaq, inventardakı bütün əşyaları aradan qaldırmaq üçün "hamısını sil" funksiyası və sığınacaq sakinləri üçün yeni söhbətlər əlavə edən 1.3 nömrəli yeniləmə gəlmişdir. Bu yeniləmə oyuna qar və Milad bayramı mövzulu dekorasiyalar əlavə etmişdir.

2016-cı ilin mart ayında oyuna yeni kraftinq sistemi, otaqlar, yeni ev heyvanları və bərbərxana əlavə edən 1.4 nömrəli yeniləmə buraxılmışdır. 2016-cı ilin aprel ayında oyuna sığınacaq sakinlərini özəlləşdirmək üçün yeni seçimlər, istənilməyən əşyaları məhv etmək funksiyasını və 3D Touch dəstəyi əlavə edən 1.5 nömrəli yeniləmə buraxılmışdır. 14 iyul 2016-cı il tarixində oyuna tapşırıq sistemi, iki yeni düşmən (xortdanlar və radskorpionlar) və mağazaya iki yeni əşya əlavə edən 1.6 nömrəli yeniləmə buraxılmışdır. Əlavə olaraq, bu yeniləmədə döyüş sisteminə kiçik dəyişikliklər edilmişdir.

Oyunun PC versiyasının və 1.6 nömrəli yeniləməsinin iyul ayında çıxarılacağı Bethesda tərəfindən 12 iyun 2016-cı ildə "Electronic Entertainment Expo 2016"-dan əvvəl keçirilən press konfransında açıqlanmışdır. Oyunun PC versiyası və 1.6 nömrəli yeniləməsi 14 iyul 2016-cı il tarixində Bethesda.net platformasında çıxarılmışdır. 7 fevral 2017-ci il tarixində "Fallout Shelter"in Xbox One versiyası çıxarılmışdır. 28 mart 2017-ci il tarixində oyunun PC versiyası "Steam" satış platformasından çıxarılmışdır.

"Bethesda Softworks" şirkətinin 10 iyun 2018-ci il tarixində, E3 2018 tədbirində keçirdiyi nümayişdə oyunun PlayStation 4 və Nintendo Switch platformaları üçün elə həmin gün buraxılacağı açıqlanmışdır.

Məhkəmə işi

21 iyun 2018-ci ildə "Bethesda Softworks" şirkəti "Behaviour Interactive" studiyasını və "Warner Bros." şirkətini müəllif hüquqları və müqavilə pozuntusu iddialarına görə məhkəməyə vermişdir. "Bethesda" bu şirkətlərin "Fallout Shelter" oyununun buraxılış-əvvəli kodundan əsaslanaraq "Qərb dünyası"-mövzulu bir video oyunu buraxdıqlarını iddia etmişdir. Bu müəllif hüquqlarının pozuntusuna oyunun geympleyi, animasiyaları və interfeys dizaynı kimi amillərinin "Fallout Shelter"dəki ekvivalentlərinə çox bənzəməsi daxildir.

15 yanvar 2019-cu ildə "Westworld" applikasiyası Google Play və App Store onlayn satış platformalarından çıxarılmışdır. Oyun daxilində verilən açıqlamada oyunçuların oyunu ləğv edilənə qədər, yəni 16 aprel 2019-cu ilə qədər oynaya biləcəkləri bildirilmişdir.

Qəbul

Tənqidçilərin mövqeyi

Qəbul
Yekun xal Toplayıcı Xal Metacritic iOS: 71/100 PC: 63/100 Tənqidi xallar Nəşriyyat Xal Destructoid 7/10 Game Informer 7/10 Game Revolution       GamesTM 6/10 IGN 6.8/10 New York Daily News       Financial Post 7.5/10 Gamezebo       Pocket Gamer 7/10 VentureBeat 95/100

Rəy toplayıcısı "Metacritic"ə əsasən "Fallout Shelter" bütün platformalarda "qarışıq" rəylər almışdır.

Rəyçilər ümumiyyətlə oyunun geympleyini tərifləmiş, ancaq dərinlik azlığını tənqid etmişdilər. "Pocket Gamer" heyətinin üzvü Herri Sleyter “bu, ən həyəcanverici post-apoloptika oyunu deyil, ancaq gündəlik oyunları sevirsinizsə, burada xoşlaya biləcəyiniz çox şey var” demişdir. "Destructoid" heyətinin üzvü Kris Karter “Mən bunu hər gün oynamaq istəmirəm, fəqət sözsüz ki, oyun üzərində xərclədiyim bütün vaxta dəyər” yazmışdır. "IGN" heyətinin üzvü Castin Deyvis oyun haqda “"Fallout Shelter"in ümidsizcə oyunsonu hədəflərə və ya maneələrə ehtiyacı var” demişdir.

Oyunun vizualları da təriflənmişdir. "Game Informer" heyətinin üzvü Daniel Tek oyunun vizuallarını “tanınmış Volt-Boy estetikasında səliqəli” olaraq cəmləmişdir. Kris Karter “vizual baxımından, Fallout Shelter bazardakı digər resurs-menecment oyunlarından daha çox təsirlidir” demişdir. "Gamezebo" heyətinin üzvü Ceyson Faulkner oyun qrafikalarının “mənalı” olduğunu və “kiçik şirin sığınacaq sakinlərinin aydın, "Fallout"a sadiq bir stildə təqdim edilməsi bir yana, sığınacağın özü olduqca heyrətləndiricidir” demişdir.

Rəyçilərin mikro-ödənişlər haqda olan fikri müxtəlif idi. "Game Revolution" heyətinin üzvü Ceb Hayt “post-apoliptika miksinə mikro-ödəniş üstünlüyünü əlavə edəndə, nəticə ağzıma turş bir dad verir” demişdir. Daniel Tek claimed that “bu free-to-play oyunundakı pul mağazası seçimi tamamilə qeyri-obtrusiv və lüzumsuzdur” demişdir. Fərqli olaraq, Castin Deyvis oyundakı mikro-ödənişlar barədə “faktiki olaraq, bütün digər geympley elementləri köhnəsayaq mobil yoluyla – sadəcə gözləməklə qazanılır” demişdir.

Satışlar

"Fallout Shelter" buraxılışının ilk günündə ABŞ və Birləşmiş Krallıqdakı ən məşhur pulsuz iOS applikasiyası, 26 iyun 2015-ci il tarixində isə ən məşhur iOS oyunu olmuşdur. 12 iyun 2016-cı ildə "Fallout Shelter"in 50 milyondan çox oyunçusu var idi. "Bethesda Game Studios"un baş direktoru və icraçı prodüseri Todd Hovard 2017-ci ilin fevral ayından etibarən oyunun təxminən 75 milyondan çox oyunçusu olduğunu demişdir. "Fallout Shelter"in müvəffəqiyyətinə görə, "Bethesda Game Studios" ikinci bir mobil oyun üzərində işləyir.

"Fallout Shelter" buraxılışının ilk günündə iOS-un App Store virtual mağazasındakı ən çox yüklənilən üçüncü oyun olmuşdur. Oyun 16 iyul 2015-ci il tarixində, yəni buraxılışının ilk ikinci həftəsində mikroödənişlərlə 5.1 milyon ABŞ dolları qazanmışdır.

Mükafatlar

Mükafatlar və nominasiyaların siyahısı
Mükafat	Kateqoriya	Nəticə	İstinad
LXIV Qızıl Coystik Mükafatları	Ən yaxşı mobil oyun	Qazandı
Oyun Mükafatları (2015)	Ən yaxşı mobil oyun	Nominasiya
XIX İllik D.I.C.E. Mükafatları	İlin mobil oyunu	Qazandı

İstinadlar

1. Hilliard, Kayl (14 iyun 2015). "Fallout Shelter-Management Mobile Game Out Now On iOS". Game Informer. GameStop. İstifadə tarixi: 27 mart 2018.
2. Yin-Pol, Uezli (15 iyun 2015). "Surprise! Fallout Shelter iOS game out now". Eurogamer. Gamer Network Ltd. İstifadə tarixi: 27 mart 2018.
3. Dotson, Karter (15 iyun 2015). "'Fallout: Shelter' Hands-on impressions: Tiny Vault". Touch Arcade. İstifadə tarixi: 27 mart 2018.
4. Köniq, Andrea. (ingilis). GameSkinny. 2017-04-27 tarixində orijinalından arxivləşdirilib. İstifadə tarixi: 2018-04-05.
5. "IGN" heyəti (18 yun 2015). "Rooms" (ingilis). IGN. 1 oktyabr 2017 tarixində . İstifadə tarixi: 2018-04-05.
6. Messi, Reymond (8 fevral 2017). "Game Discussion: Fallout Shelter Forum" (ingilis). trueachievements.com. İstifadə tarixi: 2018-04-05.
7. Koziara, Endru (18 iyun 2015). "'Fallout Shelter' Guide – Strategies, Tips and Tricks for the Industrious Post-Apocalypse Vault Overseer". Touch Arcade. İstifadə tarixi: 27 mart 2018. Vice Versa, people in training rooms only increase stats, and don't level up.
8. Karmali, Lyuk (14 iyun 2015). "E3 2015: Fallout mobile game Fallout Shelter available now". IGN. j2 Global. İstifadə tarixi: 28 mart 2018.
9. Duell, Ron (14 iyun 2015). . TechnoBuffalo. 2015-06-16 tarixində orijinalından arxivləşdirilib. İstifadə tarixi: 28 mart 2018.
10. "IGN" heyəti (25 iyun 2015). "Legendary Dwellers" (ingilis). IGN. 5 oktyabr 2018 tarixində . İstifadə tarixi: 2018-04-05.
11. Mek Elroy, Castin (5 iyun 2009). "Bethesda has designed iPhone versions of Fallout 3". Engadget. AOL. İstifadə tarixi: 2 aprel 2018.
12. Kresent, Brayn (5 noyabr 2009). "Carmack on iPhone Fallout, Quake Live and Elves and Orcs". Kotaku. Gawker Media. İstifadə tarixi: 2 aprel 2018.
13. Takahaşi, Din (17 iyul 2015). "The DeanBeat: Fallout Shelter is a rare free-to-play mobile gaming hit". GamesBeat. VentureBeat. İstifadə tarixi: 2 aprel 2018.
14. Deyl, Laura Keyt (6 iyul 2015). "Unity – does indie gaming's biggest engine have an image problem?". The Guardian. Scott Trust Limited. İstifadə tarixi: 2 aprel 2018.
15. "Fallout Shelter now available on Android". GameSpot. CBS Corporation. 13 avqust 2015. İstifadə tarixi: 2 aprel 2018.
16. Plunkett, Lyuk (14 iyun 2015). "Fallout Shelter announced, out tonight". Kotaku. Gawker Media. İstifadə tarixi: 15 iyun 2015.
17. Starr, Mişel (14 iyun 2015). "Surprise! Fallout mobile game arrives for iOS". CNET. CBS Corporation. İstifadə tarixi: 2 aprel 2018.
18. Pereyra, Kris (30 iyun 2015). "First Fallout 4 Character Comes to Fallout Shelter Today". GameSpot. CBS Corporation. İstifadə tarixi: 1 aprel 2018.
19. O'Brayn, Luci (30 iyun 2015). "Fallout Shelter adds its first Fallout 4 character". IGN. j2 Global. İstifadə tarixi: 1 aprel 2018.
20. Sirani, Cordan (10 iyul 2015). "First Fallout Shelter Update Adds Photo Mode". IGN. j2 Global. İstifadə tarixi: 1 aprel 2018.
21. Qrant, Kristofer (13 avqust 2018). "Fallout Shelter is now available for Android, update available for iOS". Polygon. Vox Media. İstifadə tarixi: 1 aprel 2018.
22. Quruin, Qeyb (13 avqust 2015). "Fallout Shelter gets a huge update, hits Android". Digital Trends. İstifadə tarixi: 1 aprel 2018.
23. Xuri, Albert (19 oktyabr 2015). "Fallout Shelter Update 1.2 Includes Piper from Fallout 4 – Digital Trends". Digital Trends. (#parameter_ignored_suggest)
24. Lazarid, Tazos (15 avqust 2015). "'Fallout Shelter' Gets Updated to 1.2, Introduces a 'Fallout 4' Character, But Not All is Well". TouchArcade. (#parameter_ignored_suggest)
25. Vilyams, Keyti (15 oktyabr 2015). "New Fallout Shelter Update Adds Survival Mode, Cloud Saves, and More". IGN.
26. Harbison, Kemi (27 oktyabr 2015). . iDigitalTimes.com. 1 aprel 2018 tarixində orijinalından arxivləşdirilib.
27. Makuç, Edi (22 noyabr 2015). "Fallout Shelter Gets Thanksgiving Update, See the New Content Here". GameSpot. CBS Corporation. İstifadə tarixi: 2 aprel 2018.
28. Frank, Alleqra (23 noyabr 2015). "Fallout Shelter asks dwellers to give thanks in latest holiday update". Polygon. Vox Media. İstifadə tarixi: 2 aprel 2018.
29. Harbison, Kemmi (10 dekabr 2015). . iDigitalTimes. IBT Media. 2015-12-12 tarixində orijinalından arxivləşdirilib. İstifadə tarixi: 2 aprel 2018.
30. Porter, Mett (10 dekabr, 2015). "Fallout Shelter Update Adds New Features". IGN. j2 Global. İstifadə tarixi: 2 aprel 2018.
31. Bat, Aditya (1 mart 2016). "'Fallout Shelter' update 1.4: 'Biggest update' released; adds crafting, new rooms, pets". International Business Times. IBT Media. İstifadə tarixi: 3 aprel 2018.
32. Paget, Met (21 aprel 2016). "Fallout Shelter Update Adds New Customization Options, 3D Touch". GameSpot. CBS Corporation. İstifadə tarixi: 3 aprel 2018.
33. Makuç, Edi (14 iyul 2016). "Fallout Shelter's Huge Update Out Now, Here's What It Adds". GameSpot. CBS Corporation. İstifadə tarixi: 3 aprel 2018.
34. Sançez, Miranda (12 iyun 2016). "E3 2016: FALLOUT SHELTER COMING TO PC". IGN. j2 Global. İstifadə tarixi: 3 aprel 2018.
35. Famuluro, Cessika (14 iyul 2016). "Fallout Shelter Now Available On PC". Rock, Paper, Shotgun. İstifadə tarixi: 3 aprel 2018.
36. "E3 2018: Fallout Shelter Comes To Nintendo Switch And PS4 Tonight". 10 iyun 2018. İstifadə tarixi: 14 iyun 2018.
37. Makuertor, Maykl (22 iyun 2018). "Bethesda sues Warner Bros, calls its Westworld game 'blatant rip-off' of Fallout Shelter". Polygon. 24 iyun 2018 tarixində . İstifadə tarixi: 24 iyun 2018.
38. COMPLAINT FOR BREACH OF CONTRACT, INDUCEMENT TO BREACH OF CONTRACT, COPYRIGHT INFRINGEMENT, MISAPPROPRIATION OF TRADE SECRETS, AND UNFAIR COMPETITION (PDF) (ingilis), Rokvil, Merilend: Bethesda Softworks, 2018
39. Aleksandr, Culiya (16 yanvar 2019). "Westworld mobile game is shutting down following lawsuit settlement". www.theverge.com. The Verge. 17 yanvar 2019 tarixində . İstifadə tarixi: 20 yanvar 2019.
40. "FALLOUT SHELTER iOS" (ingilis). Metacritic. İstifadə tarixi: 2018-04-05.
41. "FALLOUT SHELTER PC" (ingilis). Metacritic. İstifadə tarixi: 2018-04-05.
42. Tek, Daniel (1 iyul 2015). "Fallout Shelter review on Game Informer". Game Informer. GameStop. İstifadə tarixi: 5 aprel 2018.
43. Hayt, Ceb (1 iyul 2015). "Fallout Shelter review on Game Revolution". Game Revolution. Net Revolution Inc. İstifadə tarixi: 5 aprel 2018.
44. "Fallout Shelter review on GamesTM". GamesTM. Imagine Publishing. 14 avqust 2015. İstifadə tarixi: 5 aprel 2018.
45. Deyvis, Castin (26 iyun 2015). "Fallout Shelter review on IGN". IGN. j2 Global. İstifadə tarixi: 5 aprel 2018.
46. Karter, Kris (15 iyun 2015). "Fallout Shelter review on Destructoid". Destructoid. İstifadə tarixi: 5 aprel 2018.
47. Semyuel, Ebenezer (16 iyun 2015). "Fallout Shelter is grounded in fun: video game review". New York Daily News. Daily News, L.P. İstifadə tarixi: 13 aprel 2018.
48. Seyfiya, Çed (16 iyun 2015). "Fallout Shelter review: Bethesda's survival sim is fun, but doesn't escape free-to-play mechanics as much as they claim". Financial Post. Postmedia Network. İstifadə tarixi: 5 aprel 2018.
49. Faulkner, Ceyson (18 iyun 2015). "Fallout Shelter Review: The Cutest Apocalypse". Gamezebo. İstifadə tarixi: 5 aprel 2018.
50. Sleyter, Herri (15 iyun 2015). "Fallout Shelter – Probably not the one you wanted". Pocket Gamer. Steel Media. İstifadə tarixi: 5 aprel 2018.
51. Kilhem, İvan (15 iyun 2015). "Fallout Shelter makes living in a postapocalyptic bunker adorable and totally free". GamesBeat. VentureBeat. İstifadə tarixi: 5 aprel 2018.
52. Filds, Sara. "'Fallout Shelter' is Beating 'Candy Crush Saga' in Profits & iOS App Store Rank". Game Rant. Game Rant, LLC. İstifadə tarixi: 10 aprel 2018.
53. Vayt, Uilyam (26 iyun 2015). "Fallout Shelter: The New Most Popular Game in App Store". InvestorPlace. InvestorPlace Media, LLC. İstifadə tarixi: 10 aprel 2018.
54. Makuç, Edi (12 iyun 2016). "Fallout Shelter Reaches 50 Million Players". GameSpot. CBS Corporation. İstifadə tarixi: 10 aprel 2018.
55. Devidson, Con (18 fevral 2017). "Bethesda's Todd Howard Hints at 3 New Games". Glixel. İstifadə tarixi: 10 aprel 2018.
56. Prell, Sem (16 iyul 2015). "Fallout Shelter rakes in $5.1 mil in two weeks – that's a lot of bottlecaps". GamesRadar+. Future US. İstifadə tarixi: 8 aprel 2018.
57. Leon Harli (30 oktyabr 2015). "The Golden Joystick Awards: all the winners this year". GamesRadar. Future plc. İstifadə tarixi: 8 aprel 2018.
58. . Oyun Mükafatları. Ola Balola. 12 noyabr 2015. 14 noyabr 2015 tarixində orijinalından arxivləşdirilib. İstifadə tarixi: 8 aprel 2018.
59. "The 2016 DICE Award Winners [UPDATED]". GameSpot. CBS Corporation. 19 fevral 2016. İstifadə tarixi: 8 aprel 2018.

Xarici keçidlər

• "Fallout Shelter"in rəsmi saytı