Elza Seyidcahan

Elza Seyidcahan (Qasımova Elza Nuru qızı) — Azərbaycan bəstəkarı; müğənni. I dərəcəli vokalist, Azərbaycan Respublikasının Əməkdar artisti, Azərbaycan Bəstəkarlar İttifaqının üzvü.

Elza Seyidcahan
Ümumi məlumatlar
Doğum adı	Elza Nuru qızı Əhmədova
Ləqəbi	Seyidcahan
Doğum tarixi	7 iyul 1968 (53 yaş)
Doğum yeri	Siyəzən, Azərbaycan SSR, SSRİ
Musiqiçi məlumatları
Fəaliyyəti	bəstəkar, müğənni
Janrlar	caz pop
Mükafatları	Əməkdar Artist
Vikianbarda əlaqəli mediafayllar

Həyatı

Elza Seyidcahan 7 iyul 1968-ci ildə Siyəzən şəhərində anadan olmuşdur. 1975-ci ildə Siyəzən şəhəri 1 saylı orta məktəbə daxil olmuş, 1977-1982-ci illərdə Sumqayıt şəhər 17 saylı orta məktəbdə təhsilini davam etdirmişdir. 1982-1987-ci illərdə S.Hacıbəyov adına Orta İxtisas Musiqi məktəbinin nəzəriyyə şöbəsində, 1994-2000-ci illərdə Ü.Hacıbəyov adına Azərbaycan Dövlət Konservatoriyasının bəstəkarlıq fakültəsində professor, xalq artisti Arif Məlikovun sinfində təhsil almışdır.

2001-ci ildən R.Behbudov adına Azərbaycan Dövlət Mahnı Teatrında vokalist vəzifəsində çalışır. H.Orucovun "Durnalar qayıdanda", İ.Əfəndiyev "Sən mənim dayımsan", Ə.Əylislinin "Bağdada putyovka var", Q.Moxtarın "Uçuş", Yuğ Teatrında "Boğazca Fatma", "Nənənin nağılları" kimi bir sıra teatr və televiziya tamaşalarına, eləcə də H.Əliyevə həsr olunmuş "Mənim şəhərim" bədii filminə musiqilər bəstələmişdir.

2002-ci ildə Qırğızıstanda keçirilən "Issık-kul-2002" Ümumdünya Müsabiqə Festivalında 1-ci yeri tutmuş, həmin ildə TÜRKSOY-un xüsusi mükafatını almışdır.

2002-ci ildə Moskvada keçirilən MDB dövlətlərarası musiqi festivalının iştirakçısı olmuşdur. 2002-ci ildə Dövlət Mahnı Teatrında caz solo konserti keçirilmişdir. 2002-2008-ci illərdə bir sira böyük layihələr ("Mən demək istəyirəm ki", "Tənha") - kimsəsiz uşaqlar üçün "Ümid" layihəsi və digər 10-larla bu cür layihələr həyata keçirib.

2009-cu ildə Azərbaycanın ekologiya, fauna və florasının qorunmasına həsr etdiyi aksiya-konserti, Ramazan ayında "Bakı-2009, İslam mədəniyyətinin paytaxtı" elan edildiyində "İftar gecəsinin zövqü-səfası" adlı dəstək layihəsini uğurla həyata keçirib. 2010-cu ildə Azərbaycanda "Ekologiya ili" elan olunanda bu təşəbbüsə qoşularaq respublikanın müxtəlif şəhərlərində - Naxşıvan Muxtar Respublikası, Mingəçevir, Tovuz, Salyan və Xızıda 1200 agacın əkilməsində iştirak edib və bu münasibətlə Heydər Əliyev adına Respublika Sarayında konsert proqramı ilə böyük şou-konsert verib. 2012-ci ilin yanvar ayında 3 gun davam edən "Elza və yeddilər" adlı konsert-şou proqramı ilə tamaşaçı zövqünü formalaşdıran virtuoz sənətkarların müşyiəti ilə yaddaqalan çıxışlar edib.

2012-ci ildə Azərbaycanda keçirilən "Evrovizion-2012" Beynəlxalq mahnı müsabiqəsinə dəstək üçün may ayının 12-də Azərbaycan Mədəniyyət və Turizm Nazirliyinin göstərişi ilə "Iron Rose" adlı möhtəşəm konsert proqramı ilə çıxış edib. 2013-cu ildə qadınlar günü münasibətilə Muğam Teatrında "Həyata küsmə" adlı şəhid ailələrinin xanımlarına həsr edilən konsert verib. 2014-cü ildə Leyla Əliyevanın təşəbbüsü ilə Türkiyənin Ankara şəhərində Xocalı soyqırımında şəhid olmuş azərbaycanlıların xatirəsinə ucaldılan abidənin açılışında iştirak etmək üçün millət vəkili Qənirə Paşayevanın rəhbərlik etdiyi qrupla birlikdə Tovuz rayonundakı N saylı Hərbi hissədən start götürüb soyqrımla bağlı həqiqətləri beynəlxalq ictimaiyyətə çatdırmaq üçün Gürcüstan və Türkiyə marşrutu üzrə şəhərlərdə erməni qəsbkarlarının Qarabağda törətdiyi cinayətlər haqda insanları məlumatlandırıb. Ankarada abidənin açılışında Xocalının səsini dünyaya çatdırıb. Novruz bayramı münasibətilə "İki dövlət, bir millət" devizi altında Elazığ şəhər Firat Universitetində müəllim və tələbə heyəti üçün solo konsert proqramıyla çıxış edib. İki dövlət arasında sülh və dostluq münasibətlərinin inkişafında müstəsna xidmətlərimə görə fəxri fərmanla mükafatlandırılıb. 

2014-cü ilin noyabr ayında Azərbaycan Bəstəkarlar İttifaqının 80 illik yubileyinə həsr edilən festivalda dünya şöhrətli bəstəkarların əsərləriylə yanaşı, müəllifi olduğu "Sevgi" suitasının 4 hissəsi səsləndirilib. 2014-cü il dekabrın 24-də Leyla Əliyevanın sözlərinə bəslədiyi "İnsanlar" odası dinləyicilərə təqdim edilib. 2014-ü ildə 26 ölkənin iştirakı ilə keçirilən "Türkvizion-2014" Beynəlxaq Mahnı Müsabiqəsində Azərbaycanı təmsil edən Elvin Ordubadlı türk şairi Ayşəgül Yılmazın sözlərinə bəstələdiyi "Divlərin yalnızlığı" mahnısı finala çıxaraq, 8-ci yerə layiq görülüb. 2014-cü il dekabrın 27-si Türkiyədə Bəylikdüzü Bələdiyyəsi və İstanbul Avropa Universitetinin dəvətiylə solo konsert proqramıyla çıxış edib və mükafatlandırılıb. Fortepiano üçün pyesi əməkdar artist Ülviyyə Hacıbəyovanın ifasında Azərbaycan Bəstəkarlarının Antologiyasına daxil edilib. İstanbul Türk Ocağının başkanı Dr. Cezmi Bayram tərəfindən İstanbul Türk ocaqlarının 100 illiyi ilə bağlı Azərbaycan-Türkiyə kültür gecələrində iştirakı və Türk Ocaqlarının təşkil etdiyi mədəni tədbirlərə verdiyi töhfələrə görə mükafatlandırılıb. 

Prezident seçkilərində İlham Əliyevə dəstək kampaniyalarının fəal iştirakçısı olub. Bu məqsədlə "Uğura doğru" konsert proqramı ilə Bakıda və Azərbaycanın bir sıra rayonlarında təbliğat və təşviqat həyata keçirib. Eləcə də "Qadın zorakılığına yox deyək" aksiyasında fəal iştirak edib. İlin sonunda millət vəkili Qənirə Paşayevanın təşəbbüsü ilə "Addım-addım Türkiyə" devizi ilə Tovuzdan İstanbuladək Azərbaycan həqiqətlərinin təbliğat kampaniyasında iştirak edərək Girəsun Universitetinin 30 min tələbəsi qarşısında vətəni təblig edən konsert proqramıyla çıxış edib. Boluda "Koroglu festivalı"nda, Karabükdə Cümhuriyyət Bayramında "Şer şöləni gecəsi"ndə iştirak edərək ödüllər alıb.

Azərbaycanın bölgələrində yaşayan ziyalılarla mütəmadi görüşür, hərbi hissələrdə əsgər və zabitlərin qarşısında çıxış edir. Dəfələrlə hərbi hissə komandanlığının Fəxri Fərmanıyla təltif edilib. 2014-cü ildə rabitəçilər üçün himn, Leyla Əliyevanın "Lyudi" şerinə mahnı bəstələyib.

Eyni zamanda, Azərbaycan diasporasının ikişafı üçün fəaliyyət göstərir, prezident İlham Əlieyvin siyasi kursunu dəstəkləyən konsert proqramları ilə dünyanın müxtəlif ölkələrində - Belçika, Hollandiya, İordaniya, Suriya, Türkiyə, Rusiya, Ukrayna, Moldova, Qazaxıstan, Qırğızıstan, Gürcüstan, Çin, Şimali Kipr Türk Respublikası, Belarus və digər ölkələrdə konsert proqramları ilə çıxış edib.

Dəfələrlə dövlət tədbirləri çərçivəsində Azərbaycanın müxtəlif şəhər və rayonlarının ictimaiyyəti və Azərbaycan Ordusunun əsgərləri qarşısında konsert proqramları ilə çıxış edib.

5 il gənc istedadlara dəstək olmaq üçün Azərbaycanı qarış-qarış gəzərək istedadların üzə çıxmasına, arzularının reallaşasına dəstək olub. "İstedadlar sorağında" müsabiqəsində "Tanıdım səni" və "Azərbaycanın səsi" layihəsində münsiflər heyətinin üzvüdür.

İndiyədək Azərbaycanın və bir çox ölkələrin tanınmış qurumlarının 50-dən çox fəxri-fərman və diplomıarına layiq görülüb. Onların arasında "Qızıl Buta" Milli mükafatı, "V@V Company"nin "İlin mahnısı-2006", Azərbaycan-Türk Kültür Dərnəynin, TUSİAB-ın xüsusi mükafatı, TUMİB-in mənəvi dəstəyə görə müsabiqələr laureatı mükafatı (2007), Rusiya Azərbaycanlıları Konqresinin və Moskva Azərbaycan Teatrının "Azərbaycan İncəsənətinin inkişafındakı xidmətinə görə" diplomu (2008), UNİCEF-in HİV/AİDS-ə həsr edilən "Xilas et" media layihəsində iştitakına görə xüsusi mükafatı, "İrəli", Yeni Azərbaycan Partiyası və Gənclər və İdman Nazirliyinin birgə təsis etdiyi "2008-ci ildə tədbirlərdə yaxından iştirak etdiyinə görə" təltif, GRAND Milli mükafatı (2009), Türkiyənin Azərbaycandakı Səfirliyinin ölkələrarası dostluq münasibətlərinin inkişaflndakı xidmətlərinə görə, Müdafiə Nazirliyini N saylı hərbi hissəsinin Respublika günü münasibəti ilə hərbi hissənin və  şəxsi heyətin mənəvi psixoloji vəziyyətinin yüksəldilməsi məqsədi ilə xidmətlərinə görə Fəxri Fərman, "Zirvədəkilər" mükafatı (2009), Bakı şəhər Mədəniyyət və Turizm İdarəsinin "Ən yaxşı bəstəkar" Diplomu, İran İR-in Fəcr-e Sübhan-e Mugan adına Beynəlxalq şirkətin "Heyvanların Qorunmasındakı xidmətlərinə görə Təqdirnamə" (2009), Benilux Azərbaycanlıları Konqresinin I dərəcəli diplomu və 10-larla bu kimi mükafat və diplomlar var.

Yeni Azərbaycan Partiyasının Üzvüdür.

2 övladı var.

2009-cu ildən Azərbaycan Respublikasının əməkdar artistidir.

Ailə həyatı

Bir dəfə rəsmi ailə qurmuş, lakin sonradan boşanmışdır. Həmin evlilikdən Ələkbər adlı bir oğlu, Gülşən adlı bir qızı var. Səmərrux adlı bir qız nəvəsi var

Filmoqrafiya

1. Bağdada putyovka var... (film, 2000)
2. Mən sənin dayınam (film, 2001)
3. Sevginin göz yaşları (teleserial, 2013)
4. Miras (teleserial, 2015) Filmin rejissoru Siyavuş Hüseynli, ssenari isə Vüqar.
5. Cəhd (film 2015) Filmdə rolları müğənni Elza Seyidcahan, aktyorlar Namiq Ağayev, Mirzə Ağabəyli, və digərləri ifa ediblər, 24 dəqiqəlik filmin rejissoru Mahir Dərvişdir.
6. Hozu (film, 2017) Elza Seyidcahan, Natavan Həbibi, Məcid Hüseynov, Quruluşçu rejissor: İlham Yaşaroğlu
7. "Bozbash Pictures" (2017)
8. "Ailəcanlı” (2018) komediya janrında serial
9. "Baldız" (2018) serial
10. "Oxşarabad" İTV yeni il Film (2018)

Konsertlər

"Tapmaca Parti" "Heyvanları qoruyaq"

13 iyun 2009

Əməkdar artist Bəstəkar Müğənni Elza Seyidcahan "Tapmaca Parti" "Heyvanları qoruyaq" şüarı altında Solo Konserti keçirilmişdir

“Elzanın yaşıl dünyası”

25.05.2010

Heydər Əliyev adına Sarayda Elza Seyidcahanın i “Elzanın yaşıl dünyası” adlı konserti,

konsertdə əvvəlcə Azərbaycan xalqının ümummilli lideri Heydər Əliyevin və Prezident İlham Əliyevin təşəbbüsü və rəhbərliyi ilə ölkəmizdə aparılmış geniş tikinti-quruculuq və yaşıllaşdırma işlərini əks etdirən videoçarx nümayiş etdirilmişdir. konsertdən məqsəd diqqəti ölkədə aparılmış yaşıllaşdırma işlərinə cəlb etməkdir. Yaşıllığı qorumaq bizim hər birimizin borcumuzdur. Konsertdə müğənni repertuarına daxil olan köhnə və yeni mahnıları pərəstişkarlarına təqdim etmişdir.

Muğam Mərkəzində “6 bəstəkar və 6 şair” layihəsi çərçivəsində konsert

16.10.2015

Beynəlxalq Muğam Mərkəzində Azərbaycan Bəstəkarlar İttifaqının (ABİ) və Türkiyə Elm və Ədəbiyyat Əsər Sahibləri Birliyinin (İLESAM) “6 bəstəkar və 6 şair” birgə layihəsi əsasında “Mahnıdan - Şarkıya” adlı konsert proqramı təqdim olunub.

konsertdən əvvəl ABİ-nin sədri, xalq artisti Firəngiz Əlizadə çıxış edərək Azərbaycan ilə Türkiyə arasında mədəni əlaqələrin möhkəmlənməsində belə tədbirlərin əhəmiyyətini qeyd edib. O, “6 bəstəkar və 6 şair” layihəsinin uğur qazanacağına əminliyini bildirib.

Azərbaycan Yazıçılar Birliyinin mətbuat xidmətinin rəhbəri, şair Xəyal Rza məlumat verib ki, türk bəstəkarları Faruk Şahin, Zekai Tuncay, Pinar Göksal, Ugur Top, Özgen Gürbüz və Yaşar Bedük Azərbaycan poeziyasının görkəmli nümayəndələri Rəsul Rza, Nigar Rəfibəyli, Bəxtiyar Vahabzadə, Məmməd Araz, Nəriman Həsənzadə və Zəlimxan Yaqubun şeirlərinə mahnılar bəstələyiblər.

Öz növbəsində Azərbaycan bəstəkarlıq məktəbinin tanınmış simalarından olan Firəngiz Əlizadə, Cəlal Abbasov, Cavanşir Quliyev, Həsənağa Adıgözəlzadə, Sərdar Fərəcov və Elza Seyidcahan isə Durmuş Kaya, Nedim Ucar, Serdar Öncül, Sevinc Atan, Sevim Yakıcı və Əkrəm Yalbuzun şeirlərinə musiqi bəstələyiblər.

Gecənin devizi Heydər Əliyevin məşhur “Bir millət iki dövlət” kəlamı olub. Konsertdə türk ifaçıları Çiğdem Gürdal, Oya Ergün, Ali Burç, Evren Turna, Onur Akkuş, Deniz Göktaş həm Azərbaycan, həm də Türkiyə bəstəkarlarının əsərlərini ifa ediblər.

Elza Seyidcahanın “Uğura doğru” solo konserti

22.09.2013

Bəstəkar Müğənninin “Uğura doğru” adlı konsert proqramı baş tutub

istirahət mərkəzlərindən birində Elza Seyidcahanın “Uğura doğru” adlı konsert proqramı baş tutdu. bu konsertin 9 oktyabr prezident seçkilərinə həsr olunub

“Seçki ərəfəsindəyik və uğura doğru gedirik, hər birimiz arzulamalıyıq ki, uğur bizdən uzaqlaşmasın.”deyərək fikrin bildirib və hər kəsi İlham Əliyevə səs verməyə çağırıb. 

Gecədə sənətçinin yaxın insanları və sənət yoldaşları iştirak ediblər: Kərim, Elton, Roza Zərgərli,rep ifaçısı Hüseyn Dərya, əməkdar artist Firuzə İbadova,Gülyanaq Məmmədova,xalq artisti Niyaməddin Musayev, Şeyx Əbdül,aktrisa Nuriyyə Əhmədova, və başqaları

Elza Seyidcahanın "Mən küləyin gəliniyəm" solo konserti

06.11.2016

“Kids fashion show 2016” Art Production və Azərbaycanın əməkdar artisti Elza Seyidcahanın "Mən küləyin gəliniyəm" adlı solo konserti Kempinski oteldə baş tutub

Qeyri adi fashion show, təbiət mövzusunda 15 modelyerin geyim kolleksiyası 30 model üzərində nümayiş olunub. Konsert proqramında tanınmış şou biznes nümayəndələri kino aktyorlar teleaparıcılar qonaq qismində iştirak ediblər. Solo konsertdə qeyri-adi rəqslər, şoular hərkəsin diqqətini cəlb edib.

Kliplər

Azərbycan odası

Vətənə gələndə

Ağ çiçəyim

Həsret nəğməsi

Gözəllik

Həyata küsmə

Ölümünə sevdim

Sevgililərin rekviemi

Kim sevər

Mən aktyoram

Son vida

Tənha

Sevir səni bu can

Yağış

Qələbələr bizimdir (Avropa oyunları)

Duet

Firuzə Məmmədova

İlhamə Quliyeva

Zabit Nəbizadə

Anar Nağılbaz

Vüsal Hacıyev

Ehtiram Hüseynov

Vüqar Əbdulov

Ramal İsrafilov

Mahnılar

1.Azərbaycan

2.Azərbaycan Odası

3.Azərbaycan Azərbaycan

4.Azərbaycan Bağlıdır

5.Ağ Çiçyim

6.Aman Allah

7.Ay Oğlan

8.Axşamlar

9.Anlamıyollar

10.Bilimmi Bilməyimmi

11.Bu Gecə

12.Dünya

13.Döndü fəsil

14.Gəl ayrılaq

15.Gəlinimiz

16.Göyçədənəm

17.Gözəllik

18.Gecə 5-in yarısı

19.Həsrət Nəğməsi

20.Həyata Küsmə

21.İnsanlar

22.İncimə

23.Kübra

24.Mənim gözlərimə bax

25.Məhəbbətdən usanma

26.Ölümunə sevdim

27.Öləndə Bayrağa Bükülmərəmsə

28.Rabitəçilər

29.Sevir Səni Bu Can

30.Sevgililərin rekviemi

31.Son Vida

32.Sensiz

33.Tapmaca

34.Teatr

35.Tanımasa El Bizi

36.Türkiyə

37.Tənha

38 Toy Adamları

39.Ümüd

40.Vətənə Gələdə

41.Yagış

42. Saf Həsrətlə

43.Kor Adamlar

44. İnsanlar

45. Yenə O bağ olaydı

46. Sənə bənzər kimsə varmı

1. Elza Seyidcahan oğlunun boşanma xəbərini təsdiqlədi 2011-10-04 at the Wayback Machine  (azərb.)
2. . 2016-03-04 tarixində orijinalından arxivləşdirilib. İstifadə tarixi: 2009-10-06.