İkinci Dünya müharibəsi dövründə Antarktida

İkinci Dünya müharibəsi zamanı mövcud olan beynəlxalq dövlətlərarası rəqabət genişləyərək Antarktidaya da çatmış, lakin bölgə müharibələrə şahidlik etməmişdi. Müharibənin başlamasına az qaldığı ərəfələrdə, Nasist Almaniyası 1938-ci ildə başlatmışdı. Almanlarınm məqsədi Norveçin Kraliça Mod Torpağına iddiasının qarşısını almaq idi. Ekspedisiya yeni alman iddiası üçün əsas rolunu oynadı və Yeni Şvabiya adlandırıldı. Bir il sonra Amerika Birləşmiş Ştatlarının Antarktika Xidməti Ekspedisiyası iki bazanın əsasını qoydu və bura tərk edilməmişdən əvvəl iki il fəaliyyət göstərdi. Bütün bu baş verənlərdən və Avropada müharibənin yaratdığı qarışıqlıqlardan yararlanmaq istəyən, bölgəyə yaxın dövlətlər olan Çili və Argentina da öz iddialarını səsləndirməyə başladılar. 1940-cı ildə Çili artıq Böyük Britaniya tərəfindən iddia edilən bölgənin Çili Antarktik Bölgəsi olduğunu elan etdi. 1943-cü ildə eyni ərazi Argentina tərəfindən Argentina Antarktikası adı ilə elan edildi.

Lockroy limanına öz yüklərini boşaldan Tabarin əməliyyatı iştirakçıları (1044).

Almaniya, Çili, Argentina və ABŞ-nin bu fəaliyyətlərindən sonra Böyük Britaniya 1943-cü ildə başlatdı. Əməliyyatın məqsədi bölgədə daimi mövcudiyyət formalaşdırmaq, möhkəmləndirmək, həmçinin uzaq adalardan öz məqsədləri üçün istifadə etdiyi məlum olan alman hərbi dəniz qüvvələri - Kriqsmarine gəmilərinin rahatlığına əngəl olmaq idi. Həmçinin Böyük Britaniya tərəfində Folklend adalarının yaponlar tərəfindən ələ keçirilməsi qorxusu da var idi. Ekspedisiyanın başladaraq leytenant Ceyms Marr 29 yanvar 1944-cü ildə Folkland adalarından yola çıxdı.Desepşen adasında, Qreyam Torpağı adasında və Ümid sahilində bazalar formalaşdırıldı. Tabarin əməliyyatı ilə başlayan tədqiqatlar sonrakı illərdə də davam etdi və nəticədə Britaniya Antarktika Tədqiqatına çevrildi.

Müharibədən sonrakı dövrdə də Antarktida uğrunda mübarizə davam etdi və bu dəfə yarışa ABŞ-la Sovet İttifaqı da qatıldı. 1950-ci illərin sonlarında bu yarışma Antarktika haqqında konvensiya və Beynəlxalq Geofizika İli layihəsi ilə ğz yerini Antarktida barədə beynəlxalq əməkdaşlıq çərçivəsinə çevrildi.

Üçüncü Alman Antarktika ekspedisiyası və Yeni Şvabiya (1938-1939)

Bir çox digər ölkələr kimi Almaniya da XIX əsrin sonları və XX əsrin əvvəllərində Antarktikaya elmi ekspedisiyalar göndərmişdi. XIX əsrin sonlarında Kergelen adası, Kroze adaları, Cənubi Georgiya və Cənub okeanını araşdırmaq üçün göndərilmiş ekspedisiyalarda astronimiki, meteoroloji və hidroloji araşdırmalar aparılmışdı. Bu ekspedisiyaların çoxu digər ölkələrdən olan alim heyətləri ilə əməkdaşlıq əsasında həyata keçirilmişdi. XIX əsrdən sonra da Almaniyanın Antarktika marağı davam etdi.

Bölgəyə XX əsrdə edilən ilk alman ekspedisiyası 1901-1903-cü illəri əhatə edən idi. Arktik ekspedisiyalar veteranı və geologiya professoru olan Erix fon Dryqalski tərəfindən rəhbərlik edilən ekspedisiya Antarktikada ilk dəfə isti hava balonlarından istifadə edilməsi ilə əlamətdardır. Bu ekspedisiya əsasında yeni bölgə kəşf edilmiş və Kayser II Vilhelm Torpağı deyə adlandırılmışdır. İkinci alman ekspedisiyası 1911-1912-ci illərdə oldu və bu ekspedisiyaya tərəfindən rəhbərlik edildi. Ekspedisiyanın hədəfi Antarktikanı keçmək və orada torpaq parçasının olub-olmamasını öyrənmək idi. Bundan əvvəl də həyata keçirilmiş belə cəhdlər kimi bu cəhd də uğursuz oldu. Bu ekspedisiya sayəsində Luitpold sahili və Filçner Buz Şelfi kəşf edildi. Alman balina ovlama donanmasının 1937-ci ildə bölgəyə gəlməsindən və 1938-ci ildə uğurla geri dönməsindən sonra Nasist Almaniyası bölgəyə üçüncü alman ekspedisiyasını həyata keçirmək planlarını qurmağa başladı.

The MS Schwabenland gəmisi, təxminən 1938-ci il.

Yeni Şvabiya Norveçin iddia etdiyi Kraliça Mod Torpağı bölgəsində yerləşən məntəqə idi və Nasist Almaniyası buraya iddia edirdi. Bura 1939-cu ildə Üçüncü Alman Antarktika ekspedisiyasının gəmisi olan MS Schwabenlandin heyəti tərəfindən tədqiq edildi. Bu gəmi 17 dekabr 1938-ci ildə Almaniyadan gizli şəkildə çıxmış və bölgəyə üzməyə başlamışdı. Onun məqsədi yeni yaradılmış alman balina ovu donanması üçün bölgədə mərkəz rolunu oynayacaq limanın əsasını qoymaq idi. Bu Hitlerin planı idi. Bu planla Hitler balina ovundan yağ istehsal etmək üçün xammal əldə etmək və beləliklə də, yağ əldə etmək üçün lazım olan xammal məsələsində Norveçdən asılılığa son qoymaq istəyirdi. Ekspedisiyaya əvvəllər qütblərə yönələn ekspedisiyalarda iştirak etmiş kapitan rəhbərlik edirdi. Gəmi 19 yanvar 1939-cu ildə Şahzadə Marta Sahilinə çatdı və heyət tez bir zamanda burada müvəqqəti baza inşa etdi. Onlar sahilə alman bayraqları yerləşdirdikdən sonra önəmli rezervlərin olduğu iddia edilən bölgələri araşdırmağa başladılar. MS Schwabenland gəmisinə iki həm üzmə, həm də uçma funksiyalarını özündə birləşdirən iki ədəd Dornier Do J Wal təyyarələri yerləşdirilmişdi. Bu təyyarələr Yeni Şvabiya adlandırılan bölgədə uçuşlar edərək bölgədən çəkilmiş 16.000 hava fotoşəkili ilə on beş ümumi fotoqrafik tədqiqat həyata keçirdilər. Bunlar həyata keçirildikdən sonra 6 fevral 1939-cu ildə ekspedisiy iştirakçıları qitəni tərk etdilər və 11 aprel 1939-cu ildə Hamburqa çatdılar. Nasist Almaniyası heç vaxt Antarktidada hər hansı bir daimi yaşayış məskəni yaratmadı, əsaslı torpaq iddiası irəli sürmədi və İkinci Dünya Müharibəsində məğlub olduqdan sonra 1945-ci ildə Yeni Şvabiya ərazisinə iddiasını itirdi.

Yeni Şvabiya (Neuschwabenland) ərazisinin almanlar tərəfindən hazırlanmış xəritəsi (1941). )

Ekspedisiya geri qayıdan zaman Buve adası və Fernandu-di-Noronya adalarında okeanik araşdırmalar apardıqdan sonra Hamburqa çatmışdı. Bu ekspedisiyadan Norveç hökuməti Kraliça Mod Torpağı ətrafında balina ovlayan balıqçılar vasitəsiylə xəbər tutmuşdu. Norveç yazıçısı Bjarne Aagard və alman coğrafiyaçısı Ernst Herrmann kimi şəxslərin Almaniyanın heç bir zaman bölgəni işğal etmədiyini bildirmələrinə baxmayaraq, üzə çıxan sənədlərdən bəlli olur ki, alman dövləti ekspedisiyanın geri dönməsindən sonra Alman Antarktik Sektorunun yaradılması barədə dekret vermişdir.

Bu bölgənin ilk dəfə bu alman ekspedisiya nəticəsində araşdırılmasına görə Yeni Şvabiya və ya Neuschwabenland adı hələ də istifadə edilir. Bu ekspedisiya zamanı bölgədəki bir çox coğrafi özəlliklərə almanca adlarverilmişdir və bu adlar müasir xəritələrdə də istifadə edilməkdədir. Bəzi coğrafi özəlliklər ekspedisiya rəhbərliyinin hazırladığı xəritədə göstərilsə də, adlandırılmamışdır. Bu yerlərin adlandırılması 1949-1952-ci illəri əhatə edən Norveç-Britaniya-İsveç Artarktika ekspedisiyası həyata keçirildi. Bu eskpedisiyaya John Schjelderup Giæver rəhbərlik edirdi. Adlandırılması həyata keçirilməyənlər isə 1958-1959-cu illərdə həyata keçirilmiş Norveç Antarktik ekspedisiyası zamanı adlandırıldı.

Amerika Birləşmiş Ştatlarının Antarktika Xidməti Ekspedisiyası (1939–1941)

1939-1941-ci illəri əhatə edən və Riçard E. Byrd tərəfindən rəhbərlik edilən amerikan ekspedisiyasının Bear of Oakland gəmisində daşınan heyətinin siyahısı.

Bu ekspedisiya 1838-1842-ci illərdə təşkil edilmiş sonra ilk dövlət tərəfindən maliyyələdirilən və Antarktika qitəsini araşdırmağı məqsədləyən ekspedisiya idi. Bu ekspedisiyanın rəhbəri məşhur qütb araşdırmaçısı Riçard E. Byrd idi və o, bu ekspedisiyaya görə, böyük məşhurluq qazanmışdı.Üçüncü Alman Antarktika ekspedisiyası (1938-1939) ABŞ dövlət rəhbərliyində təcili Antarktidada daimi baza yaratma hissi formalaşdırmışdı.ABŞ prezidenti Franklin Delano Ruzvelt tərəfindən işə cəlb edilən Riçard E. Byrd əvvəlcə özünün planladığı və şəxsi olaraq maliyyələşdirməyi istədiyi ekspedisiya üçün lazım olan bütün alətlərlə təmin edildi. Ekspedisiya tələskinliklə planlanmışdı və Riçarda hazırlaşmaq üçün yalnız 4 ay zaman verilmişdi. Ekspedisiya 1939-cu ilin sonlarında başladı və 125 nəfərdən ibarət olan heyət USS Bear və USMS North Star gəmiləri ilə qitəyə doğru üzməyə başladılar. Ruzveltin verdiyi əmrə əsasən ekspedisiyanın məqsədi iki baza yaratmaq idi. Bu bazalardan Qərb bazası adlananı yerləşəni Kral VII Edvard Torpağı yaxınlığında, Şərq bazası adlananı isə Çarkot adası yaxınlığında inşa edilməli idi. Həmçinin ekspedisiya üzvlərinə Heard adasının, habelə Meri Berd Torpağı və James W. Ellsworth bölgələrini 72 və 148 dərəcələri meridianlar üzrə yerləşən sahil xəttinin özəlliklərini araşdırmaq tapşırılmışdı. Ekspedisiya üzvləri tapşırıq üzrə verilən bazaları tikməyi bacardılar və şərqdə yerləşən baza daha sonra zamanı da istifadə edildi.

Ekspedisiya üzvləri üçün yeni dizayn edilmiş və Antarktika buzlarına ilişmə ehtimalını artıran Atrantika Qar Kreyseri verilmişdi. Bu problemə görə, onu daim təmir etmək və ya ehtiyat hissələrini dəyişdirmə ehtiyyacı mövcud idi. Bu səbəblə də, ekspedisiya üzvləri bölgəni tərk edərkən bu texnikanı özləri götürməyib, bölgədə buraxdılar. Bu texnika illər sonra Highjump əməliyyatı zamanı və bir daha 1958-ci ildə tapıldı. İndi bu texnikanın ya dənizdə batdığı, ya da qar və ya buz dağlarının altında batdığı təxmin edilir. Riçard Blackin və Paul Siplenin də dail olduğu ekspedisiya üzvləri bölgəni ətraflı araşdırmaq üçün müxtəlif təcrübələr həyata keçirdilər və bölgədə mövcud olan müxtəlif bitkilərdən nümunələr əldə etdilər. Ekspedisiya nəticəsində qütb elmi daha yaxşı anlaşıldı.

Beynəlxalq gərginliyin artması ilə indiki heyəti bazalarda fəaliyyəti davam etdirmək üçün yeni adamlarla azad etməkdənsə, iki bazanın boşaldılması daha uyğun qərar hesab edildi. İkinci Dünya müharibəsi başladıqdan sonra ABŞ rəhbərliyi bu iki bazanı tərk etmək qərarına gəldi. Qərbdəki baza 1 fevral 1941-ci ildə, şərqdə yerləşən baza isə 22 mart 1941-ci ildə evakuasiya edildi. Müvafiq olaraq USMS North Star və Bear of Oakland gəmiləri 5 may 1941-ci il və 18 may 1941-ci ildə öz ölkələrinə gedib çatdılar. Ümid olunurdu ki, bir gün bu baza yenidən işlədiləcəkdir, ona görə də, qərbdəki baza boşaldılan zaman bir çox texnika və vəsait burada saxlanıldı.

1945-ci ilin 24 sentyabrında ABŞ Konqresinin verdiyi qərara əsasən (İctimai qanun 79-185), hərbi dəniz donanması komandanlığının uyğun görəcəyi həcmdə qızıl, gümüş və bürünc medallar hazırlanmalı və bu ekspedisiyanın üzvlərinə təqdim edilməli idi. Konqres qərarında bu medalların təqdim edilməsi ilə onların elm və qütb araşdırmaları sahəsindəki böyük xidmətlərinin qiymətləndirilməsi istəyinin yatması bildirilirdi.

Alman Sakit Okeanı Ticarət Basqınçıları (1940-1943)

İkinci Dünya müharibəsi zamanı Nasist Almaniyası hərbi dəniz qüvvələri ilə yanaşı köməkçi donanma da təşkil etmişdi. Köməkçi Ticarət Kreyserləri adlanan bu donanmanın tapşırığı Sakit okean boyunca üzmək və düşmən ölkələrin ticarət donanmalarına hücumlar təşkil etmək və ya onları ələ keçirmək idi. Almanlar bu donanmaya 9 gəmi daxil etmişdilər. Əvvəllər ticarət gəmisi kimi istifadə edilmiş bu gəmilər 5.9 düyümlük silahlar və torpedolarla təchiz edilməklə basqın edə bilmə funksiyasına sahib olmuşdular. Tez-tez bu gəmilər öz basqınlarını rahat təşkil edə bilmək üçün tərəfsiz ölkələrin gəmiləri kimi maskalanırdılar.

Gəmilər əsasən Asiya yaxınlığındakı isti sularda vaxt keçirsələr də, bir çoxları daha soyuq sulara da girirdi. Məsələn Atlantis gəmisi 1940-ci ilin dekabrında Kergelen adalarında durmuş, geridə qalan müddət ərzində isə su və ərzaqla təmin edilmişdir. Gəmi Milad bayramı ərəfəsində meydana gəlmiş qəza zamanı Bernhard Herrmannı itirməklə özünün də ilk itkisini yaşamış oldu. Bu basqınçı gəmilərin çoxu adalardan öz maskalarını dəyişdirmək və yanacaq doldurmaq üçün dayanacaq yeri kimi istifadə edirdilər. Pinguin kreyseri 1941-ci ilin 14 yanvarında Cənubi Georgiya və Cənubi Sandviç adaları yaxınlığında Norveç balıqçı donanmasını ələ keçirmişdi.

Sakit okeandakı alman mövcudiyyəti 1940-cı illərin ortalarında sonuncu gəminin ələ keçirilməsindən sonra zəiflədi.

Argentinanın ekspedisiyaları (1942 and 1943)

Argentina İkinci Dünya müharibəsi zamanı qitəyə doğru iki ekspedisiya təşkil etmişdir. Bunlardan birincisi 1942-ci ildə, ikincisi isə 1943-cü ilin fevralında həyata keçirilmişdir.

1942-ci il ekspedisiyası

İlk ekspedisiya 1942-ci ildə həyata keçirildi. Ekspedisiya üzvləri Primero De Mayo gəmisində, Alberto J. Odderanın rəhbərliyi altında Desepşen adasına çıxdılar və araşdırmalara başladılar. Araşdırmalarla paralel olaraq, ekspedisiya üzvləri Argentina bayrağı asaraq bölgənin onlara məxsus olduğunu iddia etdilər.

1943-cü il ekspedisiyası

Növbəti ekspedisiya 1943-cü ilin fevralında həyata keçirildi. Ekspedisiyanın başlamasının səbəbi birinci ekspedisiya zamanı bölgəyə yerləşdirilmiş Argentina bayrağının Böyük Britaniya hərbi donanmasının yardımçı donanmasına mənsub olan MV Carnarvon Castle gəmisi tərəfindən ortadan qaldırılması idi. Ekspedisiya, Port Lockroy ərazisinin fotoqrafiya tədqiqatları ilə yanaşı, az fəaliyyətlə, əsasən, problemsiz keçdi.

Tabarin əməliyyatı (1943–1946)

Lockroy limanında yerləşən A stansiyası. Hal-hazırda muzey kimi fəaliyyət göstərir.

Tabarin əməliyyatı britaniyalılar tərəfindən başladılar və gizli bir əməliyyat idi. 1943-cü ildə başladılan əməliyyat 1946-cı ildə sonlandırılacaqdı. Əməliyyatın əsl məqsədi Qreyam Torpağında baza inşa etmək idi, lakin ekspedisiyanın rəhbəri olan leytenant Ceyms Marr Kəşfiyyat Komitəsinin yardımı ilə araşdırmaları daha da genişləndirmək və elmi tədqiqatlar aparmaq qərarına gəldi. Bu, Antarktida dənizlərində nasist sualtı qayıqlarını və digər alman gəmiçilik təhdidlərini axtarmaq bəhanəsi ilə başladı, lakin bu əslində Argentinanın iddia etdiyi mübahisəli ərazidə bazaların tikintisi üçün istifadə edilən bir bəhanə idi. Əvvəllər qütblərə olan ekspedisiyalarda iştirak etmiş Ceyms Marrın rəhbərliyində ekspedisiya üzvləri 6 fevral 1944-cü ildə Desepşen adasında yerləşən Foster limanına çıxdılar. Onlar Avonmouthdan 1943-cü ilin 14 dekabrında ayrılmışdılar. Səyahətin yarısında ekspedisiya qüvvəsi gəmiləri Viktor Marçesinin kapitanı olduğu Fitzroy və William Scoresby-yə keçirdi. Argentina bayrağına boyanmış yanacaq çəni istisna olmaqla, onlar eniş zamanı heç bir Argentina varlığına rast gəlmədilər. Onlar tez bir zamanda köhnə Norveç balina ovu stansiyasında Birlik bayrağını qaldıraraq düşərgə qurdular və elmi stansiya olaraq B bazasını qurdular.

1944-cü ilin 7 fevralında ekspedisiyanın geridə qalan qismi A bazasını qurmaq üçün Ümid sahilinə yola düşdü. Çox pis hava şəraitinə görə Fitzroy və William Scoresby gəmiləri yalnız 10 fevral 1944-cü ildə yola çıxa bildilər və Lockroy limanında düşərgə saldılar. İki gəmi 17 fevral 1944-cü ildə Port Lokroyda əsas düşərgəni tamamladıqdan sonra Folklend adalarına yola düşdü. Poçt ofisi William Scoresby gəmisi ilə daha çox heyətin gətirilməsindən sonra 23 mart 1944-cü ildə tamamlansa da, 23 aprel 1944-cü ildə yandı. Tədqiqat işləri may ayında ekspedisiyanın mövcudluğu barədə dünya xəbərdar edildikdən çox keçməmiş başladı. Ekipajın aparıcı alimi Elke Mackenzie Lamb liken, qurdlar, dəniz kirpiləri və süngərlərdən nümunələr topladı.

1945-ci ilin fevralında Fitzroy, William Scorresby və the Eagle gəmiləri A və B stansiyalarına əlavə alimlər də gətirdilər. Burada heyətin bir qismi və alətlər iki gəmiyə yüklənərək Ümid sahilində D stansiyasını tikməyə göndərildi. Yerdə qalanları isə Stoninqton adasına E stansiyasını inşa etməyə göndərildilər. E stansiyasının tikintisi 7 fevral tarixində Ceyms Marrın səhhətinə görə istefa verməsindən sonra yarıda saxlanıldı. Onun yerinə vəzifəyə təyin edilən Endryu Teylor diqqətləri Seal Pointə yönəltdi və 20 mart 1945-ci ildə buradakı bazanın tikintisi sona çatdırıldı. Koroneyşen adasında kiçik düşərgə inşa etdikdən sonra britaniyalılar Laurie adasında yerləşən və argentinalılara məxsus olan meteorologiya məntəqəsini ziyarət etdilər. İngilislər 1945-ci ilin avqustunda başlayan və komanda son dəfə D stansiyasına qayıtdıqdan sonra 1945-ci ilin dekabrında başa çatan Duse Point və Vortex adası kimi bölgədəki kiçik adalara üç xizək ekspedisiyasını da həyata keçirməyi bacardılar. Bu araşdırmalara göndərilən komanda daş nümunələri, liçenlər, fosillər və digər elmi araşdırmalara səbəb ola biləcək nümunələrlə geri gəldilər. Ekspedisiyanın sonlandırılması 1946-cı ilin əvvəlində, yəni 14 yanvar 1946-cı ildə ekipajın yola salınması prosesinin başlaması ilə başladı və 11 fevral 1946-cı ildə bütün hərbi ekipaj üzvlərinin evə yola düşməsi ilə başa çatdı. Missiya qitədə Britaniyanın torpaq iddialarının genişlənməsi və əlavə elmi tədqiqatların aparılması ilə nəticələndi. Port Lockroydakı A stansiyası indi muzey kimi qorunur. Tabarin əməliyyatından sonra Folklend adalarında Asılılıq Araşdırması aparılıb.

Gizli nasist bunkeri

Uzun illər Antarktidada gizli nasist bazasının olduğu barədə şayiələr gəzmişdir. Bu şayiələr nasist liderlərin bəzilərinin qaçmağı bacarmasından və 1945-ci ilin iyulunda alman U-Boatının görünməsindən də güclənmişdir. Bu iddia 1947-ci ildə macar Ladislas Szabo tərəfindən irəli sürülmüşdür. kimi bir çox tanınmış elm adamları bu nəzəriyyələri nəzərdən keçirmiş və yazdıqları akademik məqalələrdə bunu təkzib etmişdirlər. Bu alimlər artıq gizliliyi qaldırılmış arxiv sənədləri hesabına sübuta yetirmişdirlər ki, nasistlər 1939-cu ildə Antarktikada yalnız bir aylıq araşdırmalar aparmışdırlar və bu, buzlar içində şəhər tikmək üçün çox az bir müddətdir.

İstinadlar

1. Widerøe, Turi. . Norsk Polarhistorie (norveç). 2008. 24 September 2015 tarixində orijinalından arxivləşdirilib. İstifadə tarixi: 15 July 2011.
2. Murphy, 2002. səh. 204
3. Bertrand, 1971
4. "About – British Antarctic Survey". www.antarctica.ac.uk. 5 October 2007 tarixində . İstifadə tarixi: 25 March 2018.
5. "Scott Polar Research Institute, Cambridge » Picture Library catalogue". www.spri.cam.ac.uk. 6 July 2015 tarixində . İstifadə tarixi: 25 March 2018.
6. "Operation Tabarin overview". British Antarctic Survey – Polar Science for Planet Earth. . 2015. 7 October 2022 tarixində . İstifadə tarixi: 31 May 2019.
7. . ats.aq. May 15, 2019 tarixində orijinalından arxivləşdirilib. İstifadə tarixi: February 10, 2010.
8. Everts, Sarah. "Information Overload". Distillations. 2 (2). 2016: 26–33. 3 April 2019 tarixində . İstifadə tarixi: 20 March 2018.
9. Luke Fater. "Hitler's Secret Antarctic Expedition for Whales". Atlas Obscura. November 6, 2019. November 21, 2022 tarixində . İstifadə tarixi: February 27, 2021.
10. "Antarctica - National rivalries and claims". Encyclopædia Britannica (ingilis). 2015-06-19 tarixində . İstifadə tarixi: 2021-03-07.
11. MS Schwabenland / DOFW, MS Schwabenland / DOFW. "MS Schwabenland / DOFW". DOFW. 2021-03-07. 2005-02-25 tarixində . İstifadə tarixi: 2023-01-10.
12. Rack, Ursula. "The Third Reich in Antarctica: The German Antarctic Expedition 1938–1939". The Polar Journal. 3 (2). 2013-12-01: 470–472. doi:10.1080/2154896X.2013.846977. ISSN 2154-896X.
13. Niiler, Eric. "Hitler Sent a Secret Expedition to Antarctica in a Hunt for Margarine Fat". HISTORY (ingilis). 2022-11-15 tarixində . İstifadə tarixi: 2021-03-07.
14. Grossman, David. "Nope, There Was Never a Secret Nazi Base in Antarctica". Popular Mechanics (ingilis). 2017-03-14. 2023-01-04 tarixində . İstifadə tarixi: 2021-03-07.
15. Jacek Machowski. The Status of Antarctica in the Light of International Law. Office of Polar Programs and the National Science Foundation. 1977.
16. Turi Widerøe. "Annekteringen av Dronning Maud Land". Norsk Polarhistorie. 2008. 2015-09-24 tarixində . İstifadə tarixi: 10 yanvar 2023.
17. The International Hydrographic Review, 1943
18. USA. "U.S. Board on Geographic Names". www.usgs.gov. 2022-11-14 tarixində . İstifadə tarixi: 10 yanvar 2023.
19. National Geographic Atlas of the World. 2005.
20. "Antarctic Explorers: Richard E. Byrd: The US Antarctic Service Expedition 1939-41". www.south-pole.com. 2022-11-17 tarixində . İstifadə tarixi: 2021-03-10.
21. "Richard E. Byrd". Virginia Museum of History & Culture (ingilis). 2022-11-17 tarixində . İstifadə tarixi: 2021-05-22.
22. Broadbent, Noel D.; Rose, Lisle. "Historical Archaeology and the Byrd Legacy: The United States Antarctic Service Expedition, 1939-41". The Virginia Magazine of History and Biography. 110 (2). 2002: 5. ISSN 0042-6636. JSTOR 4250004. 2021-11-08 tarixində . İstifadə tarixi: 2023-01-10.
23. Dewing, Charles E.; Kelsay, Laura E. "RECORDS OF THE UNITED STATES ANTARCTIC SERVICE" (PDF). The National Archives of the United States. 1955: 6 and 7. 2021-08-26 tarixində (PDF). İstifadə tarixi: 2023-01-10.
24. Broadbent, Noel D.; Rose, Lisle. "Historical Archaeology and the Byrd Legacy: The United States Antarctic Service Expedition, 1939-41". The Virginia Magazine of History and Biography. 110 (2). 2002: 4. ISSN 0042-6636. JSTOR 4250004. 2021-11-08 tarixində . İstifadə tarixi: 2023-01-10.
25. "Bear, 1885". United States Coast Guard (ingilis). 2021-11-04 tarixində . İstifadə tarixi: 2021-03-11.
26. Broadbent, Noel D.; Rose, Lisle. "Historical Archaeology and the Byrd Legacy: The United States Antarctic Service Expedition, 1939-41". The Virginia Magazine of History and Biography. 110 (2). 2002: 7. ISSN 0042-6636. JSTOR 4250004. 2021-11-08 tarixində . İstifadə tarixi: 2023-01-10.
27. Holderith, Peter. "Scientists Find Probable Location of Massive Polar Exploration Vehicle Lost for Decades". The Drive (ingilis). 2022-12-20 tarixində . İstifadə tarixi: 2021-03-11.
28. Taylor, Alan. "The Antarctic Snow Cruiser—Updated - The Atlantic". www.theatlantic.com (ingilis). 2022-12-06 tarixində . İstifadə tarixi: 2021-03-13.
29. Scambos, Ted; Novak, Clarence. "On the Current Location of the Byrd "Snow Cruiser" and Other Artifacts from Little America I, II, III and Framheim". Polar Geography. 29 (4). 2005-10-01: 237–252. doi:10.1080/789610142. ISSN 1088-937X. 2023-09-24 tarixində . İstifadə tarixi: 2023-01-10.
30. Roberts, B. B. "Obituary: Paul Allman Siple". The Geographical Journal. 135 (3). 1969: 487–489. ISSN 0016-7398. JSTOR 1797429. 2021-11-08 tarixində . İstifadə tarixi: 2023-01-10.
31. "Byrd Antarctic Expedition | Smithsonian National Museum of Natural History". naturalhistory.si.edu. 2022-11-17 tarixində . İstifadə tarixi: 2021-03-11.
32. Wade, F. Alton. "An Introduction to the Symposium on Scientific Results of the United States Antarctic Service Expedition, 1939-1941". Proceedings of the American Philosophical Society. 89 (1). 1945: 1–3. ISSN 0003-049X. JSTOR 985310. 2021-11-03 tarixində . İstifadə tarixi: 2023-01-10.
33. "Antarctic Postal History: An Introduction to B.A.E. III Philately". www.south-pole.com. 2021-11-07 tarixində . İstifadə tarixi: 2021-03-11.
34. Ghaleb, Sam. "German Merchant Cruiser Komet hits seas". Ocean City Today (ingilis). 2021-11-04 tarixində . İstifadə tarixi: 2021-03-16.
35. "German Raiders in the Pacific | NZETC". nzetc.victoria.ac.nz. 2022-01-26 tarixində . İstifadə tarixi: 2021-03-17.
36. Williamson, 2012. səh. 9–14
37. Duffy və Gordon, 2001. səh. 24
38. "The Atlantis: The Kriegsmarine's Last Corsair". Warfare History Network (ingilis). 2016-11-08. 2021-11-02 tarixində . İstifadə tarixi: 2021-05-21.
39. "Kerguelen Islands, French Southern and Antarctic Lands (Part 2) - Iles Kerguelen, TAAF". www.discoverfrance.net. 2022-08-08 tarixində . İstifadə tarixi: 2021-05-21.
40. "Antarctic Exploration Timeline - 1940s". ku-prism.org. 2021-10-28 tarixində . İstifadə tarixi: 2021-05-21.
41. "Norwegian Victims of Pinguin - Norwegian Merchant Fleet 1939-1945". www.warsailors.com. 2022-05-31 tarixində . İstifadə tarixi: 2021-05-21.
42. Bennet, H. J. Cruise Of The Raider HK 33. Thomas Y. Crowell Company. 1954. 192–202.
43. Argentine Antarctic Expeditions, 1942, 1943, 1947, and 1947–48. Polar Record, 6(45). 1953. 656–662.
44. Wilson, Robert E. "National Interests and Claims in the Antarctic". Arctic Institute of North America. 17 (1). March 1964: 23. JSTOR 40507108. 2021-11-09 tarixində . İstifadə tarixi: 2023-01-11 – JSTOR vasitəsilə.
45. "Scott Polar Research Institute, Cambridge » Picture Library catalogue". www.spri.cam.ac.uk. 2015-07-06 tarixində . İstifadə tarixi: 2021-05-21.
46. "Scott Polar Research Institute, Cambridge » SPRI Museum news". University of Cambridge. 2022-08-08 tarixində . İstifadə tarixi: 2021-03-08.
47. "Operation Tabarin overview". British Antarctic Survey (ingilis). 2022-10-07 tarixində . İstifadə tarixi: 2021-03-07.
48. Davies, Gwion; Rowley, Graham W.; Wynn-Williams, David; Stephenson, Alfred. "Obituaries". Polar Record (ingilis). 30 (173). April 1994: 153–157. doi:10.1017/S0032247400021537. ISSN 1475-3057.
49. "Story Map Journal". . 2020-12-20 tarixində . İstifadə tarixi: 2021-03-09.
50. Haddelsey, 2014. səh. 39
51. "'The late Sir Ernest Shackleton and the Crew of the "Quest"' (including Sir Ernest Henry Shackleton)" (ingilis). National Portrait Gallery. 2021-11-04 tarixində . İstifadə tarixi: 2021-03-08.
52. "AD6-24-1-5". British Antarctic Survey Club (ingilis). 2022-01-26 tarixində . İstifadə tarixi: 2021-03-08.
53. "List of Tabarin personnel". British Antarctic Survey (ingilis). 2022-12-10 tarixində . İstifadə tarixi: 2021-03-08.
54. "AD6-24-1-2". British Antarctic Survey Club (ingilis). 2021-12-03 tarixində . İstifadə tarixi: 2021-03-08.
55. Taylor, 2017. səh. 27-31
56. "History of Port Lockroy (Station A)". British Antarctic Survey (ingilis). 2022-10-08 tarixində . İstifadə tarixi: 2021-03-08.
57. "Departure Notes" (PDF). 2019-05-17 tarixində (PDF).
58. Dickinson, Anthony. "Maritime Support for Great Britain's Antarctic Sovereignty Claim: Operation Tabarin and the 1944-45 Voyage of the Newfoundland Sealing Ship Eagle" (PDF). The Northern Mariner. XXVI (1). January 2016: 1–20. 2022-10-31 tarixində (PDF). İstifadə tarixi: 2023-01-11.
59. "Transition". British Antarctic Survey (ingilis). 2022-07-01 tarixində . İstifadə tarixi: 2021-03-09.
60. "History of Hope Bay (Station D)". British Antarctic Survey (ingilis). 2022-11-26 tarixində . İstifadə tarixi: 2021-03-08.
61. "Dog sledging". British Antarctic Survey (ingilis). 2022-12-29 tarixində . İstifadə tarixi: 2021-03-08.
62. "Celebrating the anniversary of Operation Tabarin". GOV.UK (ingilis). 2021-11-02 tarixində . İstifadə tarixi: 2021-03-08.
63. "Operation Tabarin 75th Anniversary". British Antarctic Survey (ingilis). 2022-10-09 tarixində . İstifadə tarixi: 2021-03-08.
64. "Port Lockroy". British Antarctic Survey (ingilis). 2016-02-07 tarixində . İstifadə tarixi: 2021-03-08.
65. "Conservation of historic British bases in Antarctica". British Antarctic Survey (ingilis). 2022-12-22 tarixində . İstifadə tarixi: 2021-03-08.
66. "Antarctica In Sight". UK Antarctica Heritage Trust. 2022-12-06 tarixində . İstifadə tarixi: 2021-03-08.
67. "A new beginning". British Antarctic Survey (ingilis). 2022-07-02 tarixində . İstifadə tarixi: 2021-03-08.
68. Fuchs, 1982. səh. 24
69. "Fake News About a Secret Nazi UFO Base In Antarctica Refuses to Die". www.vice.com (ingilis). 2022-12-08 tarixində . İstifadə tarixi: 2021-05-21.
70. Moncure, Billy. "The Secret Nazi Super Fortress in Antarctica - Fact or Fiction?". WAR HISTORY ONLINE (ingilis). 2018-10-28. 2022-11-15 tarixində . İstifadə tarixi: 2021-05-21.
71. "Hitler on Ice: Did the Nazis Have a Secret Antarctic Fortress?". www.mentalfloss.com (ingilis). 2012-03-19. 2022-12-08 tarixində . İstifadə tarixi: 2021-05-21.
72. Summerhayes, Colin. "Hitler's Antarctic base: the myth and the reality" (PDF). Polar Record. 43. May 2006. 2016-12-13 tarixində (PDF). İstifadə tarixi: 2023-01-11 – PDF vasitəsilə.
73. "Weird Antarctica - the truth behind secret Nazi bases and aliens". ABC Radio National (ingilis). 2020-06-05. 2022-12-08 tarixində . İstifadə tarixi: 2021-05-21.
74. "The Nazi Bunkers of Antarctica | The Psychology of Extraordinary Beliefs". u.osu.edu. 2022-12-08 tarixində . İstifadə tarixi: 2021-05-21.

Mənbə

• D. T. Murphy. German exploration of the polar world. A history, 1870–1940. Nebraska. 2002.
• Kenneth J. Bertrand. Americans in Antarctica 1775–1948. New York: American Geographical Society. 1971.
• Gordon Williamson. Kriegsmarine Auxiliary Cruisers. Bloomsbury Publishing. 2012. ISBN .
• James P. Duffy və Gordon G. Vessels. Hitler's Secret Pirate Fleet, The Deadliest Ships of World War II. Praeger. 2001. ISBN .
• The International Hydrographic Review. XX. International Hydrographic Bureau. 1943.
• Andrew Taylor. Two Years Below the Horn. Operation Tabarin, Field Science and Antarctic Sovereignty, 1944-1946. Canada: University of Manitoba Press. D. Heidt; P. W. Lackenbauer. 2017. ISBN .
• S. Haddelsey. Operation Tabarin: Britain's Secret Wartime Expedition to Antarctica, 1944–46. Stroud: History Press. 2014. ISBN .
• Sir Vivian E. Fuchs. Of Ice and Men. The Story of the British Antarctic Survey 1943-1973. Anthony Nelson. 1982.