Robert Marfeld

Robert Marfeld — rusiyalı memar, İmperator Sənət Akademiyasının akademiki, həqiqi dövlət müşaviri. Tikinti iqtisadiyyatı, qanunvericilik və kilsə tikintisi üzrə mütəxəssis.

Robert Marfeld
Robert Ferdinand Eduard Marfeld
Şəxsi məlumatlar
Doğum tarixi	20 oktyabr 1852(1852-10-20)
Doğum yeri	Kronştadt^[d], Sankt-Peterburq quberniyası^[d], Rusiya imperiyası
Vəfat tarixi	1921
Vəfat yeri	Petroqrad, RSFSR^[d]
Vətəndaşlığı	Rusiya imperiyası
Təhsili	Karlsrue Texniki İnstitutu, İmperator Rəssamlıq Akademiyası^[d] (–1883)
İşləri və nailiyyətləri
İşlədiyi şəhərlər	Bakı, İrkutsk, Kalyazin, Sankt-Peterburq, Poti, Tomsk
Əsas tikililəri	Aleksandr Nevski kafedralı
Mükafatları
Vikianbarda əlaqəli mediafayllar

Həyatı

Robert Marfeld 1852-ci ildə alman əsilli dənizçi həkimin ailəsində anadan olub. Kronştadt gimnaziyasını bitirdikdən sonra 1871-1873-cü illərdə Sankt Peterburq Universitetinin hüquq fakultəsinə təhsil alıb. Sonradan təhsilini Karlsruedə yerləşən Politexnikumda və Vyanada yerləşən Tikinti Akademiyasında davam etdirib. Avropada təhsil aldıqdan sonra Peterburqa geri qayıdıb 1880-ci ildə İmperator Rəssamlıq Akademiyasının memarlıq kurslarına daxil olur. 1883-cü ildə buranı vaxtından əvvəl fərqlənmə ilə bitirib. İlk dəfə çertyojçəkən kimi fəaliyyət göstərməyə başlayan o, 1884-cü ildə Peterburqun məşhur "Krestı" həbsxanasının tikintisində memar köməkçisi kimi fəaliyyət göstərir. 1894-cü ildən Rəssamlıq Akademiyasının nəzdnində olan Yüksək Rəssamlıq Məktəbində, 1900-cü illərdən isə Mülki Mühəndislər İnstitutunda dərs deməyə başlayıb. 1883-cü ildən Rusiya Daxili İşlər Nazirliyinin Texniki-tikinti komitəsinin əməkdaşı, 1901-ci ildən üzvü olub. 1898-ci ildə yaradılmış Evsiz Uşaqlara Qayğı Dərnəyinin üzvü, 1905-ci ildən isə həqiqi dövlət müşaviri olub. "Memarlıq perspektivlərinin yaradılması" kitabının müəllifidir. 1913-cü ildə xaricdə müalicə olunmaq üçün uzun müddətli tətilə buraxılır. 1917-ci ildən sonra vəziyyəti ağırlaşır və maddi ehtiyacları yaranır. 1921-ci ildə Petroqradda dünyasını dəyişib.

Əsərləri

• Xilaskar İsa Kafedralı (Borki)
• Peterburqda yerləşən Elmlər Akademiyasının Antropologiya və Etnoqrafiya Muzeyi
• Peterburqda yerləşən Elmlər Akademiyasının Zoologiya Muzeyi
• Peterburqda yerləşən Elmlər Akademiyasının Kitabxanasının binası
• İmperator Xeyirxahlıq Cəmiyyətinin binası
• Batumidə yerləşən Xilaskar İsa Kilsəsi
• Tomsk Texnologiya İnstitutunun binası
• Bakıda yerləşən Aleksandr Nevski kafedralı

• Bakıda yerləşən Aleksandr Nevski kafedralı
• Tomsk Texnologiya İnstitutunun binası
• Xilaskar İsa Kafedralı (Borki)
• Batumidə yerləşən Xilaskar İsa Kilsəsi

İstinadlar

1. Boris Kirikov, Abram Ginzburq. Архитекторы-строители Санкт-Петербурга середины XIX-начала XX века / XIX əsrin ortaları - XX əsrin əvvəllərində Sankt-Peterburqun memar-inşaatçıları. Sankt-Peterburq: Пилигрим. 1996. səh. 209. ISBN .
2. "Марфельд Роберт Робертович" (rus). Российская академия художеств / Rusiya Rəssamlıq Akademiyası. 26 may 2021 tarixində . İstifadə tarixi: 26 may 2021.
3. "Marfeld Robert Robertoviç - memar" (rus). ourbaku.com. 30 aprel 2021 tarixində . İstifadə tarixi: 26 may 2021.
4. "Robert Robertoviç Marfeld" (rus). Rusiya Memarlar İttifaqı. 26 may 2021 tarixində . İstifadə tarixi: 26 may 2021.
5. "Здание Музея антропологии и этнографии" (rus). citywalls.ru. 26 may 2021 tarixində . İstifadə tarixi: 26 may 2021.
6. "Библиотека Академии наук" (rus). citywalls.ru. 26 may 2021 tarixində . İstifadə tarixi: 26 may 2021.

Xarici keçidlər