Zaur İmrani
Zaur İmrani (tam adı: Zaur İmrani Tahir oğlu; d.16 sentyabr 1977- ci il Bakı şəhəri) — AMEA akad.H.Ə.Əliyev adına Coğrafiya İnstitutunun Turizm-rekreasiya şöbəsinin müdiri, coğrafiya üzrə fəlsəfə doktoru, dosent.
Zaur İmrani | |
---|---|
Zaur İmrani Tahir oğlu | |
Doğum tarixi | |
Doğum yeri | Bakı, Azərbaycan SSR, SSRİ |
Vətəndaşlığı | SSRİ→ Azərbaycan |
Milliyyəti | azərbaycanlı |
Atası | Tahir İmrani |
Anası | Almaz İmrani |
Elmi dərəcəsi | coğrafiya üzrə fəlsəfə doktoru |
Elmi adı | dosent |
İş yeri | AMEA akad.H.Ə.Əliyev adına coğrafiya institutu |
Təhsili | Bakı Dövlət Universiteti |
Elmi rəhbəri | akad. Budaq Budaqov |
Mükafatları | "Fəxri fərman" |
Həyatı
Imrani Zaur Tahir oğlu – 16 sentyabr 1977-ci ildə Bakı şəhərində anadan olub. 1993-cü ildə Bakı şəhəri Nizami rayonunda yerləşən 220 saylı orta məktəbi bitirib. 1994-cü ildə Bakı Dövlət Universitetinin Coğrafiya fakültəsinin əyani şöbəsinə daxil olub, 1998-ci ildə həmin universiteti coğrafiyaçı, coğrafiya müəllimi ixtisası üzrə bitirib. 1998-ci ildə Bakı Dövlət Universitetinin Coğrafiya fakültəsinin “Ərazi planlaşdırılması və rayon planaalması” ixtisası üzrə magistraturaya daxil olub və 2000-ci ildə bitirib.
Elmi fəaliyyəti
- 01.10.2002-ci ildən 01.04.2010-cu ilədək Azərbaycan Milli Elmlər Akademiyası akademik H.Ə.Əliyev adına Coğrafiya İnstitutu “İqtisadi və sosial coğrafiya” şöbəsində kiçik elmi işçi işləmişdir.
- 2007-ci ildə “Quba-Xaçmaz iqtisadi rayonunda əhalinin və istehsalın ərazi təşkilinin coğrafi problemləri” mövzusunda dissertasiya işini müdafiə etmiş.
- 2009-cu ildə Azərbaycan Respublikasının Prezidenti Yanında Ali Attestasiya Komissiyası tərəfindən Elmlər Namizədi Diplomunu, 25.00.24. İqtisadi-sosial və siyasi coğrafiya elmləri namizədi adını almışdır.
- 01.04.2010-cu ildən 05.10.2011-ci ilədək “Azərbaycanın iqtisadi və siyasi coğrafiyası” şöbəsində böyük elmi işçi.
- 06.01.2011-ci ildən 19.11.2013-cü ilədək Azərbaycan Respublikası Fövqəladə Hallar Nazirliyi Fövqəladə halların xəbərdar edilməsi Baş idarəsində Baş zabit vəzifəsində çalışmışdır.
- 07.01.2014-cü ildən etibarən Azərbaycan Milli Elmlər Akademiyası akademik H.Ə.Əliyev adına Coğrafiya İnstitutu “Azərbaycanın iqtisadi və siyasi coğrafiyası” şöbəsində böyük elmi işçi vəzifəsində çalışıb.
- 2016-ci ildən Turizm-rekrasiya şöbəsinin müdiridir.
İnzibati və iqtisadi-coğrafi rayonların təbii ehtiyat potensialı qiymətləndirilmiş, iqtisadi-coğrafi baxımdan istehsal sahələrinin təmərküzləşməsində sahə strukturunun rolu öyrənilmiş, bölgələrin əsas aparıcı sahələrinin perspektivlik xüsusiyyətləri nəzərə alınaraq onların inkişaf meylləri müəyyənləşdirilmiş, xəritə-sxemlər və modellər hazırlanmışdır. Coğrafiya İnstitutunda fəaliyyət göstərən müdafiə şurasının xüsusi Elmi Şuranın katibi, İnstitutun nəzdində fəaliyyət göstərən Gənc Alimlər Şurasında baş məsləhətçisi, bir çox beynəlxalq elmi seminarlar və konfransların iştirakçısıdır. 5 Fəxri Fərmana, 1 Şəhadətnaməyə, 6 Beynəlxalq Sertifikata layiq görülmüşdür.
Elmi əsərləri
75 elmi məqalə və 5 monoqrafiyanın müəllifidir.
- Şəki-Zaqatala iqtisadi rayonunda kənd təsərrüfatının ərazi təşkili / AMEA-nın “Xəbərləri”. Yer elmləri bölməsi, №4. Bakı, 2003, s. 60-64
- Quba-Xaçmaz iqtisadi rayonunda kənd təsərrüfatı inkişafının bəzi məsələləri / AMEA-nın “Xəbərləri”. Yer elmləri bölməsi, №4. Bakı, 2004, s. 174-178
- Development ways of international tourism in Azerbaijan, s Caspian coastal zones / Association of Universities of pre Caspian states “Science and technology”. International journal of scientific articles, book4. Atrau, 2006, p. 50-53
- The Role of the TRACECA project in use of Azerbaijan, s natural resources / Association of Universities of pre Caspian region countries The “Caspian Sea” natural resources international journal №2. Baku, 2008, p. 100-105
- Current state of tourist-recreational complex in the Azerbaijan Republic // IV Международная конференция «Стратегия качества в промышленности и образовании», Том 1. Варна, 2008, c. 264-265
- Research of natural disaster cases happening in Azerbaijan sector of the Caspian sea from economic-geographical point of view
The 1 st. Inernational Conference on the Caspian Region Environmental Changes. Mazandaran, 2008, p. 6-12
- Экономико-экологические проблемы Каспийского моря // “Проблемы изучения и состояния биосистем, методы биоэкологических исследований” Международная конференция. Махачкала, 2009, c. 135-137
- Hazar denizinin Ekolojik Durumu ve Petrol Fakrörü / Turan: ilim fikir ve medeniyet dergisi. İstanbul, 2010, p. 91-94
- Лечебно-оздоровительный туризм в Азербайджанской Республике // “Географические проблемы туризма, краеведения и экологии” Международно научно-практическая конференция. Алмаата, 2014, c. 281-283
- Экономико-географическая характеристика инвестиционной политики Азербайджанской Республики / “Science and world” International scientific journal, №2(18), 2015, Vol. 1. Impact factor – 0.325 (Global Impact Factor, Аustralia). Volgograd, 2015, p. 113-116
- Study of development of information and commu-nication technology in Azerbaijan with marketing approach / International journal of advanced computer research, Vol. 5. India, 2015, p. 80-93
- Activity and problems of successful functioning of mobile operators in Azerbaijan / International Journal of Scientific Research and Innovative Technology, Vol. 2 No. 6. UK, 2015, p. 150-161
- Социально-экономические аспекты концепции устойчивого развития в Азербайджанской Республике / Юг России: экология, развитие. Том 11, №2. Scopus, Дагестан, 2016, p. 42-49
Monoqrafiyalar
- Quba-Xaçmaz iqtisadi rayonu. Bakı, 2007, 172 s.
- Azərbaycanda təsərrüfatın ərazi təşkilinin iqtisadi-coğrafi xüsusiyyətləri. Bakı, 2014, 232 s.
- Azərbaycan Respublikasının Coğrafiyası 3 cilddə. İqtisadi, sosial və siyasi coğrafiya, II cild. VI Fəsil. Təsərrüfat sahələrinin yaranması və inkişaf mərhələləri. Bakı, 2015, s. 213-222
- Azərbaycan Respublikasının Coğrafiyası 3 cilddə. Regional coğrafiya, III cild. III Fəsil. İqtisadi-coğrafi rayonlar. Bakı, 2015, s. 119-132
- Fövqəladə hallar. Məktəblinin ensiklopediyası. Redaksiya heyətinin üzvü. Bakı, 2015. 520 s.
Mükafatı
"Fəxri fərman"
Həmçinin bax
Xarici keçidlər
- İmrani Zaur Tahir oğlu
- Turizmin inkişafı istiqamətində tədqiqatlar aparılır
İstinadlar
- Budaq Budaqov. Azərbaycanın coğrafiyaçı alimləri
- B.Budaqov .Azərbaycan Coğrafiyaçı alimləri