Sergey Lazarev
Sergey Vyaçeslovoviç Lazarev (rus. Серге́й Вячесла́вович Ла́зарев; d. 1 aprel 1983, Moskva, Rusiya Sovet Federativ Sosialist Respublikası) — Rusiya müğənnisi və aktyoru. O, əsasən musiqi karyerasına görə tanınır və Smash!! qrupunun üzvü olaraq şöhrət qazanmışdır. 2006-cı ildə qrup dağıldıqdan sonra Sergey öz solo karyerasına başlamışdır. O, "You are the Only One" mahnısı ilə Rusiyanı 2016 Avroviziya Mahnı Müsabiqəsində təmsil etmişdir. Lazarev Rusiyanı növbəti dəfə İsrailin Tel-Əviv şəhərində keçirilən 2019 Avroviziya Mahnı Müsabiqəsində "Scream" mahnısı ilə təmsil etmişdir.
| Sergey Lazarev | |
|---|---|
| rus. Серге́й Ла́зарев | |
| Sergey Lazarev 2016-cı ildə | |
| Ümumi məlumatlar | |
| Doğum adı | Sergey Vyaçeslovoviç Lazarev rus. Серге́й Вячесла́вович Ла́зарев |
| Doğum tarixi | |
| Doğum yeri | Moskva, Rusiya Sovet Federativ Sosialist Respublikası |
| Vətəndaşlığı | Rusiya |
| Musiqiçi məlumatları | |
| Fəaliyyəti | müğənni, aktyor, rəqqas |
| Fəaliyyət illəri | 2002–h.h. |
| Janr | pop |
| Musiqi aləti | piano |
| Səs tembri | tenor, lirik tenor[d] |
| Albom şirkətləri | Style, Sony Music Russia |
| Əlaqələri | Neposedy, Smash!! |
| Təhsili |
|
| sergeylazarev.ru (rus.) | |
| Vikianbarda əlaqəli mediafayllar | |
.jpg.html){kind=link}
Erkən illəri
Sergey Vyaçeslovoviç Lazarev 1 aprel 1983-cü ildə Rusiya Sovet Federativ Sosialist Respublikasının Moskva şəhərində anadan olmuşdur. Sergey altı yaşında doqquz yaşınadək idman gimnastikası ilə məşğul olmuşdur. O, on yaşına çatmamışdan öncə oxumağa və aktyorluğa başlamış və ilk dəfə Lokteus uşaq xorunun üzvü kimi səhnə almışdır. 14 yaşında Sergey artıq ilk mükafatını əldə etmiş, müxtəlif müsabiqələrdə qələbə qazanmış və Neposedy (Непоседы) uşaq musiqi qrupuna üzv seçilmişdir. T.A.T.u. qrupunun üzvləri ilk dəfə məhz Neposedy qrupunda bir-birləri ilə tanış olmuşdurlar. Qrupa eyni zamanda Sergeyin dostu Vlad Topalov da qoşulmuşdur. Vlad daha sonra Sergey Lazarev ilə birlikdə Smash!! qrupunda da yer almışdır.
On bir yaşında ikən Sergey Pokrovskiy teatrda çıxış etmiş və bir neçə tamaşalarda rol almışdır. 1995-ci ildə Sergey uşaq musiqi qrupuna üzv seçilmiş və həmin ildə də o, uşaqlar üçün nəzərdə tutulan musiqi yarışmalarından birində qələbə qazanmışdır. Qrupun üzvü olaraq Sergey Rusiyanın bir çox televiziya şoularında iştirak etmişdir. 1996-cı ildə o, İtaliyada keçirilən Bravo Bravissimo müsabiqəsində mükafata layiq görülmüşdür.
Aktyorluq
2000-ci ildə Sergey Lazarev Moskvanın MXAT teatr məktəbinə daxil olmuş və 2004-cü ildə peşəkar aktyor olaraq orada təhsilini başa vurmuşdur. Tələbə vaxtlarında Sergey Puşkinski teatrda Romeo və Cülyetta və Karamazov qardaşları tamaşalarında əsas rollarda səhnə almışdır. Canlandırdığı Romeo obrazına görə Sergey "Ən yaxşı sevgi səhnəsi" kateqoriyasında "Seagull" dramatik debüt mükafatına namizəd göstərilmişdir.
2005-ci ildə Sergey teatr səhnəsinə geri dönmüşdür. O, "Mənə tenor bağışlayın" müziklında canlandırdığı obraz sayəsində beş teatr mükafatına layiq görülmüşdür. Həmin müzikl ilin ən böyük teatr uğuru hesab olunmuşdur.
Smash!! qrupunda
.jpg.html){kind=link}
2000-ci ildə tərkibində Sergey Lazarev və onun musiqi yoldaşı Vlad Topalovun yer aldığı Smash!! qrupunun yaranması ilə Lazarev Rusiyada şöhrət qazanmışdır. 2002-ci ildə qrupun ilk mahnısı "Should Have Loved You More" təqdim olunmuş və daha sonra həmin mahnıya klip çəkilmişdir. Həmin ilin payızında Smash!! qrupu Yurmalada keçirilən "Novaya Volna" müsabiqəsində qələbə qazanmışdır. 2002-ci ilin oktyabr ayında qrupun "Belle" mahnısı təqdim olunmuşdur. Mahnıya çəkilmiş videoklip 6 ay müddətində MTV Russia telekanalının siyahısında zirvədə yer almış və beş il ərzində Top 20-likdə yerini qorumuşdur. Mahnıda qrupunun yaranmasından bəhs edilir və ifaçıların söylədiyinə görə mahnı ilkin olaraq Vlad Topalovun atasına ad günü hədiyyəsi kimi səsləndirilmişdir. Daha sonra isə mahnı yerli radio stansiyalara təqdim olunmuşdur.
2003-cü ilin fevral ayında Smash!! qrupunun Freeway adlı debüt albomu işıq üzü görmüşdür. Rusiyada və Müstəqil Dövlətlər Birliyinə üzv olan ölkələrdə albomun milyondan artıq nüsxəsi satılmışdır. 2003-cü il ərzində qrup davamlı olaraq Rusiyanın müxtəlif şəhər və vilayətlərində konsert proqramları ilə çıxış etmişdir.
2004-cü ildə Freeway albomu Şərqi Asiya ölkələri olan Koreya, Çin, Tayvan, Tayland, Honq Konq, Malayziya, Sinqapur, İndoneziya, Hindistan və Filippində də satışa buraxılmışdır. Albom qrupun Asiya ölkələrində həyata keçirdiyi turdan sonra həmin ölkələrdə təqdim olunmuşdur. 2004-cü ildə eyni zamanda Smash!! qrupunun İtaliyanın Earphones qrupu ilə birlikdə əməkdaşlığı nəticəsində "Obsession" mahnısı ərsəyə gəlmişdir. Mahnı radio stansiyalarda səslənməyə başladıqdan sonra hit paradlarda zirvədə yer almışdır. Həmin ildə qrup "İlin pop layihəsi" kateqoriyasında MTV Russian Music Awards mükafatına layiq görülmüşdür.
2004-cü ilin dekabr ayında Smash!! qrupunun ikinci studiya albomu olan 2Nite işıq üzü görmüşdür. Albomun təqdimatından bir həftə sonra qrup fəaliyyətinin dayandırmışdır. Daha sonra Sergey Lazarev və Vlad Topalov öz solo karyeralarına başlamışdırlar.
Solo karyerası
Sergey Lazarevin 2005-ci ilin noyabr ayında işıq üzü görən Don't Be Fake solo debüt albomundakı mahnılar Britaniyalı prodüser-bəstəkar Brayan Roulinqin əməkdaşlığı nəticəsində ərsəyə gəlmişdir. Albomun 300,000-dən artıq nüsxəsi təkcə Rusiyada satılmışdır. Albomun dördüncü sinqlı "Fake" eyni zamanda Böyük Britaniyada buraxılmış və Britaniya hit paradlarından birinə daxil ola bilmişdir. 2006-cı ilin may ayında Sergey "Ən yaxşı yeni ifaçı" kateqoriyasında MUZ TV mükafatına layiq görülmüşdür.
Don't Be Fake albomunun ilk iki sinqlı "Eye Of The Storm" və "Lost Without Your Love" üçün videokliplər Mayami və Cənubi Afrikada çəkilmişdir. Albomun üçüncü sinqlı "Just Because You Walk Away" həftələrlə hit paradlarda zirvədə yer alaraq alboma əsas uğur qazandıran sinql olmuşdur. Mahnının qazandığı məhşurluğa görə albomun yeni versiyası təqdim olunmuşdur. Albomda "Just Because You Walk Away" mahnısının ingilis dilində olan versiyası ilə yanaşı eyni zamanda mahnının rus dilində olan yeni versiyası ("Даже Если Ты Уйдёшь") və remiks versiyaları da yer almışdır. Lazarev mahnını MTV Russian Awards mükafatlandırma mərasimində də ifa etmişdir. Albomun dördüncü sinqlı olan "Fake" üçün Londonda klip çəkdirilmişdir. Daha sonra Don't Be Fake albomunun remiks versiyası satışa buraxılmışdır.
Debüt albomundan qazandığı uğurdan sonra Sergey Lazarev TV Show adlı yeni albomun hazırlıqlarına başlamışdır. Albomun əsas sinqlı olan "Вспоминай" üçün Moskvada klip çəkdirilmişdir. Daha sonra mahnının videoklip ilə birlikdə "Everytime" adlı ingilis dilində versiyası da təqdim olunmuşdur. Albomun ikinci sinqlı olan "Shattered Dreams" üçün isə Kanadada klip çəkdirilmişdir və bu Sergeyin ilk beynəlxalq sinqlı olmuşdur. Həmin ildə Lazarev Dima Bilanı üstələyərək, MTV Russian Awards mükafatına layiq görülmüşdür. Mükafatlandırma mərasimində Sergey Lazarev və Smash!! qrupunun keçmiş üzvü Vlad Topalov birlikdə "Belle" mahnısı ilə çıxış etmişdir. Sergeyin ikinci studiya albomu TV Show 2007-ci ildə Avropada satışa buraxılmışdır.
2008-ci ildə Sergey Lazarev "Flyer" mahnısı ilə Rusiyanı 2008 Avroviziya Mahnı Müsabiqəsində təmsil etmək üçün namizədlərdən biri idi. Nəticədə o, milli seçim turunda dördüncü yerdə qərarlaşaraq, Dima Bilana məğlub olmuşdur. Həmin ilin mart ayında Sergey İngiltərədə The Opera House-da keçirilən Booty Luv qrupunun konsertində böyük auditoriya qarşısında çıxış etmişdir. Lazarev eyni zamanda 2008-ci ildə növbəti MTV Russian Awards mükafatına layiq görülmüşdür. Daha sonra onun ikinci albomunun sonuncu sinqlı olan "Зачем придумали любовь" mahnısına çəkilən videoklip təqdim olunmuşdur.
2009-cu ildə Lazarevin Rusiyalı reper Timati ilə duet şəklində ifa etdiyi "Lazerboy" mahnısına çəkilən videoklip təqdim olunmuşdur. Həmin ilin aprel ayında müğənni üçüncü studiya albomunda yer alacaq "Stereo", "Already Know" və "Out of Control" mahnılarının təqdimatını həyata keçirsə də, nəticə olaraq həmin mahnıların heç biri albomda yer almışdır.
2010-cu ilin mart ayında Sergey Lazarevin Electric Touch adlı üçüncü studiya albomu işıq üzü görmüşdür. May ayında albomda yer alan "Alarm" mahnısına çəkilən videoklip təqdim olunmuşdur.
2012-ci ildə Lazarevin növbəti ingilis dilində olan mahnısı "Take It Off" təqdim olunmuşdur.
2015-ci ilin dekabr ayında Sergey Lazarevin Rusiyanı İsveçin paytaxtı Stokholmda keçirilən Avroviziya 2016-da təmsil edəcəyi elan edilmişdir. Müsabiqədə ifa etdiyi "You are the Only One" mahnısı ilk dəfə 2016-cı ilin mart ayında dinləyicilərə təqdim olunmuşdur. Uzun məşqlərdən sonra Sergey 10 may tarixində baş tutan müsabiqənin yarımfinal mərhələsində 9-cu nömrə altında səhnə almışdır. Nəticədə 342 xalla 1-ci yeri tutaraq, final mərhələsinə vəsiqə qazanmışdır. Müsabiqənin finalında bir daha öz mahnısını ifa edən Sergey 26 ölkə təmsilçisinin mübarizə apardığı şouda 491 xal toplayaraq, 3-cü yeri tutmuşdur. Lazarev finalda SMS səsverməsinə görə birinci yeri tutsa da, münsif səsverməsində beşinci yerdə qərarlaşmışdır.
7 fevral 2019-cu il tarixdə Lazarev Rusiyanı növbəti dəfə Avroviziya Mahnı Müsabiqəsində təmsil edəcəyini elan etmişdir. Onun Tel-Əviv səhnəsində ifa edəcəyi "Scream" mahnısı 9 martda təqdim olunmuşdur. Lazarev müsabiqənin finalında 370 xalla 3-cü yeri tutmuşdur.
Şəxsi həyatı
2016-cı ilin dekabr ayında Sergey Lazarev Nikita adlı iki yaşlı oğlunun olduğunu etiraf etmişdir. Onun oğlu ilə kilsədə çəkilmiş şəkilləri Rusiya mediasında yer almışdır. Daha sonra Nikita 2017-ci ildə Sergeyin "Так красиво" mahnısına çəkdirdiyi videoklipində yer almışdır. 2019-cu ildə Sergey Lazarevin surroqat anadan Anna adında daha bir qız övladı dünyaya gəldi.
Diskoqrafiya
Albomlar
| Albom adı | İl |
|---|---|
| Don't Be Fake | 2005 |
| TV Show | 2007 |
| Electric Touch | 2010 |
| Лазарев | 2013 |
| В эпицентре | 2017 |
Sinqllar
| Mahnı adı | İl |
|---|---|
| "Eye of the Storm" | 2005 |
| "Lost Without Your Love" | |
| "Just Because You Walk Away" | 2006 |
| "Fake" | |
| "Shattered Dreams" | |
| "Everytime" | 2007 |
| "TV or Radio" | |
| "Girlfriend" | |
| "Almost Sorry" | |
| "The Flyer" | 2008 |
| "Lazerboy" (Timati ilə duet) | |
| "Stereo" | 2009 |
| "Найди меня" | |
| "Alarm" | 2010 |
| "Feelin' High" | |
| "Instantly" | |
| "Heartbeat" | 2011 |
| "Electric Touch" | |
| "Moscow to California" (Timati və DJ M.E.G. ilə birlikdə) | 2012 |
| "Take It Off" | |
| "Нереальная любовь" | |
| "Cure the Thunder" (T-Pain ilə duet) | 2013 |
| "Слёзы в моём сердце" | |
| "Stumblin'" | |
| "В самое сердце" | |
| "7 Wonders | 2014 |
| "7 Цифр" | |
| "Это всё она" | 2015 |
| "Весна" | |
| "Эх, лук-лучок" | |
| "You are the Only One" | 2016 |
| "Пусть весь мир подождет" | |
| "Чем измерить Сочи?" | |
| "Breaking Away" | |
| "Идеальный Мир" | |
| "Лаки Стрэнджер" | 2017 |
| "Lucky Stranger" | |
| "Прости меня" (Dima Bilan ilə duet) | |
| "Сдавайся" | |
| "Шёпотом" | |
| "Так красиво" | |
| "Вдребезги" | |
| "Новый год" | |
| "Холодный ноябрь" | 2018 |
| "Scream" | 2019 |
İstinadlar
- ""Smash!" распался". İstifadə tarixi: 6 mart 2016.
- "Sergey Lazarev's Russian 2016 Eurovision entry leaked". İstifadə tarixi: 6 mart 2016.
- "Sergey Lazarev shares "Scream" lyrics…". Wiwibloggs. 9 mart 2019.
- Lazarev ikinci uşağı olduğunu etiraf etdi
| Əvvəlki: Polina Qaqarina "A Million Voices" | Rusiya Avroviziya Mahnı Müsabiqəsində 2016 | Sonrakı: Yuliya Samoylova "I Won't Break" |
| Əvvəlki: Yuliya Samoylova "I Won't Break" | Rusiya Avroviziya Mahnı Müsabiqəsində 2019 | Sonrakı: Little Big |
