Səbihə Sultan
Bu məqalənin sonunda mənbə siyahısı var, ancaq mətndaxili mənbələr heç və ya kifayət qədər istifadə edilmədiyi üçün bəzi məlumatların mənbəsi bilinmir. Lütfən mənbələri uyğun şəkildə mətnin daxilində yerləşdirərək məqalənin təkmilləşdirilməsinə kömək edin. |
Ruqiyə Səbihə Sultan (d. 19 mart 1894 - ö. 26 avqust 1971) — son Osmanlı padşahı VI Mehmed Vahidəddinin qızı, son Osmanlı xəlifəsi Əbdülməcid Əfəndinin gəlinidir.
| Ruqiyyə Səbihə Sultan | |
|---|---|
| رقية صبيحة سلطان | |
| Şəxsi məlumatlar | |
| Doğum tarixi | |
| Doğum yeri | Vahidəddin köşkü, İstanbul, Osmanlı imperiyası |
| Vəfat tarixi | (77 yaşında) |
| Vəfat yeri | |
| Dəfn yeri | Aşiyan məzarlığı |
| Atası | VI Mehmed |
| Anası | Əminə Nazikəda Qadınəfəndi |
| Həyat yoldaşı | Ömər Fərrux Əfəndi |
| Uşaqları | Fatma Nəslişah Sultan Xanzadə Sultan Nəcla Sultan |
| Vikianbarda əlaqəli mediafayllar | |
Həyatı
Səbihə Sultan 19 mart 1894-cü ildə son Osmanlı padşahı VI Mehmed Vahidəddin və onun ilk xanımı Əminə Nazikəda Başqadınəfəndinin qızı olaraq dünyaya gəldi. Gənclik illərində İran şahı Əhməd şah Qacarla və Çanaqqala döyüşü qəhrəmanı Mustafa Kamal Paşa ilə nişanlanması müzakirə edilsə də, Səbihə Sultan öz istəyilə atasının əmisi oğlu olan son Osmanlı xəlifəsi Əbdülməcid Əfəndinin oğlu Şahzadə Ömər Fərrux Əfəndini seçdi. Beləliklə, o, yeni yaranan Türkiyə Cumhuriyyətinin ilk "first lady"si olma imkanını itirdi.
Şahzadə Ömər Fərrux Əfəndi ilə toy mərasimləri 29 aprel 1920-ci ildə Ulduz sarayında baş tutdu. Bu nigahdan Fatma Nəslişah Sultan, Xanzadə Sultan və Nəcla Sultan adlı 3 qızı dünyaya gəldi. 3 mart 1924 tarixli 431 saylı qanunla bütün Osmanlı ailəsi ilə birlikdə sürgünə göndərilənlər sırasında olan Səbihə Sultan, ailəsi ilə birlikdə əvvəlcə üçüncü qızları Nəcla Sultanın dünyaya gəldiyi Nitsa şəhərinə getdi. Böyük qızları burada ilk təhsillərini aldılar. Daha sonra hər 3 qızını Misir kral ailəsindən namizədlərlə evləndirdi. Səbihə Sultan və əri toy mərasiminin ardından Misirə, ardından Fransaya köçdü. 1948-ci ilin yanvarında Ömər Fərrux Əfəndidən ayrılan Səbihə Sultan, 1953-cü ildə vətənə qayıtdı və vətəndaşlığını bərpa edərək "Osmanoğlu" soyadını aldı. Həmin ilin iyulunda Ömər Fərrux Əfəndi yenə Osmanlı sülaləsindən olan Mehriban Mihrişah Sultanla evləndi. Türkiyədə qızı Xanzadə Sultanın Arnavutköy rayonunda yerləşən köşkündə yaşayan Səbihə Sultan 26 avqust 1971 tarixində burada vəfat etdi və Aşiyan məzarlığında dəfn olundu.
Ailəsi
- Fatma Nəslişah Sultan (d. 4 fevral 1921 - ö. 2 aprel 2012)
- Xanzadə Zəhra Sultan (d. 19 sentyabr 1923 - ö. 19 mart 1998)
- Nəcla Hibətullah Sultan (d. 15 may 1926 - ö. 16 oktyabr 2006)