Qalmaqal (III mövsüm)

Bu adın digər istifadə formaları üçün bax: Qalmaqal.

Qalmaqal teleserialının üçüncümövsümünün premyerası 3 oktyabr 2013-cü ildə ABŞ-ın ABC telekanalında baş tutmuş, yekun seriya isə 17 aprel 2014-cü ildə efirə verilmişdir. Mövsüm on səkkiz seriyadan ibarətdir. Üçüncü mövsümdə də, Şonda Rayms serialın şouranneri olmağa davam etmişdir; mövsümün istehsalı ilə ABC Studios və ShondaLand Production Company birlikdə məşğul olmuşlar. Əvvəlki mövsümlər kimi də, üçüncü mövsümdə də seriyalar cümə axşamları 22.00-da efirə verilmişdir.

Qalmaqal III Mövsüm
DVD üz şəkli
Ölkə	ABŞ
Seriya sayı	18
Ekranlaşdırma
Orijinal kanal	ABC
Orijinal efir	3 oktyabr 2013 (2013-10-03) – 17 aprel 2014 (2014-04-17)
Mövsüm xronologiyası
← Əvvəlki II mövsüm Sonrakı → IV mövsüm
Qalmaqal teleserialının seriyaları

Üçüncü mövsümdə də Oliviya Pouo və onun partyorları, həmçinin Ağ ev sakinlərinin süjet xəttləri inkişaf etdirilir. Üçüncü mövsümün əsas aktyor heyətinə on aktyor daxildir; bu rolların ifaçıları hamısı əvvəlki mövsümlərdə də çəkilmişdilər, yeddi aktyor isə ilk mövsümdən serialın aktyor heyətində qalmağa davam edir.

Əsas rolun ifaçısı olan aktrisa Kerri Vaşinqton üçüncü mövsümdə aktyor işinə görə, Dram serialında ən yaxşı qadın rolu nominasiyasında NAACP Image Award mükafatına layiq görülmüş, Ekran Aktyorları Gildiyasının mükafatı, Qızıl qlobus mükafatı, Emmi mükafatına namizəd göstərilmişdir.

9 may 2014-cü ildə ABC telekanalı serialın dördüncü mövsümünün çəkiləcəyini açıqlamışdır.

Məzmunu

Üçüncü mövsümün əsas mövzuları Fitsin ikinci müddət üçün prezidentliyə seçilməsi, Atası İlay Poupun Oliviyanın həyatına qayıtmaq istəyi, anası Maya Lyuisin isə 20 il ərzində ölmüş hesab edilməsinə baxmayaraq sağ olması və terrorist kimi tanınmasıdır.

Mətbuatın Oliviya və Fitsin münasibətlərindən xəbər tutmasından sonra bütün müştərilər Oliviyanın komandasından üz döndərirlər, şirkət ciddi maddi çətinlik qarşısında qalır və bu vəziyyətdən çıxış üçün komanda şübhəli nüfuza malik olan şəxslərlə işləməyə məcbur olur. Atasının Oliviyanın həyatına qarşımaq cəhdləri ona mənfi təsir edir. Oliviyanın vəziyyətindən narahat olan Ceyk və Qek В613-ün fəaliyyəti ilə bağlı araşdırmaya başlayır. Tezliklə, onlar "Reminqton əməliyyatı" adlı məxfi əməliyyat haqqında məlumat alırlar. Əməliyyat çərçivəsində o zaman hərbi qulluqçu olan Fits İslandiya üzərində sərnişin təyyarəsini vuraraq qəzaya düşməsinə səbəb olmuş, qəzada 300 nəfər həlak olmuşdur ki, onlardan da biri Oliviyanın anasıdır. Oliviya bu haqqda öyrəndikdə, Fitsin yanına gedərək məlumatı dəqiqləşdirmək istəsə də, o, cavab verməkdən imtina edir. Əməliyyat haqqında həqiqətləri öyrənməyə qərarlı olan Oliviya komandasına araşdırmaları davam etdirməyi tapşırır. Araşdırma nəticəsində bəlli olur ki, reysdən bir nəfər federal marşalın göstərişi ilə düşürülmüşdür, lakin həmin şəxsin kimliyini müəyyənləşdirmək mümkün olmur. Kuinn Çarli ilə münasibət qurmağa çalışır və bundn istifadə edən Çarli, həmin sərnişinin kimliyini təsdiqləyə biləcək yeganə şahidin öldürülməsini ona həvalə edir. Bu haqqda məlumat alan Qek Kuinnə əziyyətlər verir.

Fits başa düşür ki, seçkilərdə onun ən əsas rəqibi konqresvumen Cozefina "Cozi" Markus ola bilər. Lakin, namizəd ola bilmək üçün Markus partiyadaxili seçkilərdə Demokrat partiyasından olan əsas namizəd Semuel Restona qalib gəlməlidir. Sayrus Cozini zərərsizləşdirməyə cəhdlər etsə də, onun bütün cəhdləri uğursuzluqla nəticələnir. Oliviya, Fitsin təyyarəni vurmasını öyrəndikdən sonra, onun seçki qərargahının rəhbəri olmaq təklifini rədd edərək Markusla işləməyə başlayır. Lakin, bacısı ilə yaşanmış hadisədən sonra, konqresvumen namizədliyini geri götürməli olur.

Məlum olur ki, təyyardən düşürülmüş sərnişin, Oliviyanın iyirmi ildir ki, ölmüş hesab edilən anasıdır. Rouen həyat yoldaşının ölümünü saxtalaşdıraraq onu həbsxanaya salmışdır. Maya həmin həbsxanadan qaçır və artıq böyümüş qızı ilə görüşür. Rouen həbsdən qaçmış Mayanı ələ keçirmək üçün onun adını təhlükəli terroristlər siyahısına salsa da, Oliviya prezidentin köməkliyi ilə anasını Honkonqa uçan təyyarəyə oturda bilir. Təyyarə getdikdən sonra isə Oliviya anasının həqiqətən də Mari Volles adlı məşhur terrorist olmasını öyrənir. Roueni həbs etdirən Fits onu Pentaqonda saxlayır. Oliviya anasının həbs olunması üçün prezidentə müraciət etsə də, Volles qaça bilir.

Sayrus müəyyənləşdirir ki, vitse-prezident Salli Lenqston qarşıdan gələn seçkilərdə Fitsi dəstəkləmək fikrində deyil və müstəqil namizəd kimi öz namizədliyini irəli sürməyi planlaşdırır. Sayrus hiss edir ki, Sallinin əri Deniel Duqlas onun əri Ceymslə maraqlanır. Salliyə qarşı istifadə etmək üçün, Sayrus, öz əri və Duqlas arasında romantik görüş təşkil edərək onların şəkillərini çəkdirir. Lakin, Ceyms, ərinin onu siyasi oyunlarda istifadə etmək istəyini başa düşür və qisas almaq üçün Duqlasla cinsi əlaqəyə girir. Salli ərinin ona kişi ilə xəyanət etdiyini öyrənərkən qəzəblənir və onu öldürür. Daha sonra Sayrusa zəng edən Salli qətlin üstünün örtülməsi üçün ondan kömək istəyir. Ceyms Duqlasın rəsmi ölüm səbəbinə inanmır və fikirlərini Devid Rouzenlə bölüşür. Təhqiqata başlayan Devid tezliklə Milli Təhlükəsizlik Agentliyində işləyən bir xanımda Salli və Sayrusun həmin gecəki telefon danışığının səsyazmasının olmasını öyrənir.

Oliviya Fitsin seçki qərargahının rəhbəri olmağa razılaşır, Salli isə müstəqil namizəd olduğunu elan edir. Azad olmuş vitse-prezident yerinə Fits, Kaliforniya qubernatoru Endryu Nikolsu təyin edir. Nikols Melli ilə olan keçmiş romantik münasibətlərini bərpa etməyə çalşır. Sayrus, Duqlasla bağlı həqiqətin heç zaman ortalığa çıxmaması üçün, Ceykdən Sallinin öldürülməsini tələb edir. Ceyk isə, Sayrusun sübutları jurnalistə vermək istəyən əri Ceymsi öldürür. Melli və Fitsin böyük uşaqları Karen və Cerri Ağ evə gəlirlər. Onların seçkiqabağı təşviqat kompaniyasında dəstək kimi istifadə edilməsi planlaşdırılır.

Maya və Adnan Salif terrorist Dominik Bellə əməkdaşlıq edərək bomba əldə edirlər. Sallinin kilsədə olduğu vaxt bomba partladılır. Sağ qalan Salli təcili olaraq yaralılara kömək etməyə başlayır. Canlı efirdə göstərilən bu kadrlar onun reytinqlərinin qalxmasına səbəb olur. Demək olar ki, seçkilərin nəticəsi artıq məlumdur; Oliviya və Sayrus Fitsin məğlub olacağını düşünürlər. Vəziyyəti dəyişmək istəyən Rouen Gizli xidmətin əməkdaşı Toma Fitsin oğlu Cerrini öldürməyi tapşırır. Cerrinin faciəvi ölümü seçkilərin nəticəsinə təsir edərək Fitsin yenidən prezident seçilməsinə səbəb olur. Oliviya atasının məsləhətinə qulaq asaraq, Ceyklə birlikdə Vaşinqtonu tərk edərək adaya yola düşür.

Aktyorlar və personajlar

Əsas heyət Kerri Vaşinqton — Oliviya Poup Kolambus Şort — Harrison Rayt Skott Foli - Ceykob "Ceyk" Ballard Debri Stençfild — Ebigeyl "Ebbi" Uilan Keti Lous — Kuinn Perkins Gilyermo Dias — Qek Ceff Perri — Ağ ev aparatının rəhbəri Sayrus Bin Toni Qolduin — ABŞ Prezidenti III Fitcerals «Tits» Tomas Qrant Coşua Malina — Devid Rouzen Bellami Yanq — birinci xanım Melodi "Melli" Qrant

İkinci heyət Den Bukatinski - Ceyms Novak Corc Nübern — Çarli Keyt Berton — ABŞ vitse-prezidenti Salli Lenqston Co Morton - Rouen "İlay" Poup Şarmila Devar - Loren Uellman Brayan Letçer — Tom Larsen Samanta Sloyan - Janin Lok Tom Amandes - qubernator Semuel Reston Erika Şaffer - televiziya müxbiri Pol Adelşteyn - Leo Bergen Handi Aleksandr - Maya Lyuis/Mari Volles Nazənin Bünyadi - Adnan Salif Cek Koulman - Deniel Duqlas Lenqston Liza Kudrou - konqresvumen Cozefina "Cozi" Markus Dilan Minnett - IV Fitcerald Tomas Qrant Salli Pressman - Kendis Markus Karlo Rota - İvan Madlen Kerroll - Karen Qrant Makkenzi Astin - Noa Beyker

Qonaq ulduzlar Sintiya Stivenson — Meri Nesbitt Norm Lyuis — senator Edison Devis Mark Mozes — konqressmen Cim Strates Erni Hadson — MKİ rəhbəri Rendolf Bouz Qreqq Henri — Hollis Doyl Patrik Fabian — senator Riçard Mayers Melora Hardin — Şelli Mayers Barri Bostvik — II Fitcerald Tomas Qrant Brenda Stronq — Coan Reston Sebastyan Roşe — Dominik Bell

Seriyalar

No.	#	Ad	Rejissor	Ssenari müəllifi	İlk efir tarixi	İstehsal kodu	ABŞ-da izləyicilər (milyon)
30	1	Hər şey qaydasındadır	Tom Verika	Şonda Rayms	3 oktyabr 2013 (2013-10-03)	301	10.52
Mətbuatın Oliviyanın prezidentin sevgilisi olmasını öyrənməsindən sonra, həm Ağ ev, həm də Oliviya və partnyorları şirkəti qalmaqalın mərkəzində qalır; yalnız mükəmməl sədaqət vəziyyəti xilas edə bilər. Məlum olur ki, Oliviyanın atası bütün əmrlərinin olduğu kimi yerinə yetirilməsi üçün əlindən gələni etməyə hazırdır və onun yoluna çıxmaq istənilən adam, o cümlədən Oliviya üçün təhlükəlidir.
31	2	Şam yeməyinə gələn qonaq	Allison Liddi-Braun	Hezer Mitçell	10 oktyabr 2013 (2013-10-10)	302	9.01
Oliviya və atasının münasibətlərinin gərgin olmasının səbəbləri məlum olur. Ağ evə və Oliviyanın şirkəti qalmaqallı vəziyyətdən çıxmağa və fəsadları aradan qaldırmağa çalşır.
32	3	Mrs. Smit Vaşinqtona yola düşür	Cennot Şvartz	Mett Birn	17 oktyabr 2013 (2013-10-17)	303	9.51
Orta Qərbdən olan ana, oğlunun naməlum ölüm halının araşdırılması üçün Vaşinqtona gəlir və Oliviyadan kömək xahiş edir. İlk baxışdan sadə görünən bu iş çox thlükəli vəziyyətin yaranmasına səbəb olur. Fits və Melli əslində bir-birlərinə necə yanaşdıqlarını göstərirlər.
33	4	Balaca dostuma salam de	Oliver Bokelberq	Mark Fiş	24 oktyabr 2013 (2013-10-24)	304	8.62
Oliviyanın şirkəti qalmaqaldan sonra müştəri qıtlığı yaşadığına görə, intim şəkillərini mesajlarda göndərməyi sevən senatorun işini götürməyə razılaşır. Mellinin adı Demokratlar partiyasından olan kongrevumen Josefina Markusla birlikdə qalmaqalda hallanır.
34	5	Daha çox inək, daha az gübrə	Randall Zisk	Cenna Bens	31 oktyabr 2013 (2013-10-31)	305	9.18
Oliviyanın şirkəti konqresvumen Jozefina Markusun işi ilə məşğul olmağa başlayır; korrespondentlərin şam yeməyində isə Melli və Oliviya arasında gözlənilməz söhbət baş tutur. Ceyk və Qek Reminqton işini araşdırmağa davam edirlər və əldə olunan məlumatlar dağıdıcı gücə malikdir.
35	6	İkar	Culi Enn Robinson	Piter Noa	7 noyabr 2013 (2013-11-07)	306	8.66
Oliviya Ağ evlə bütünn əlaqələrini dağıda biləcək mürəkkəb qərar qəbul etməlidir, Harrisonun qısqanclığı isə Oliviya və onun komandasını ciddi təhlükə altına salır. Poup və partnyorları Markusu debatlara hazırlamağa davam edirlər. Sayrus və Melli isə onlara tələ hazırlayırlar.
36	7	Melli hər şey üzünə	Maykl Katlemen	Piter Novalk	14 noyabr 2013 (2013-11-14)	307	9.04
Melli korlanmış nüfuzunu bərpa etməyə çalışır, buna görə də mürəkkəb və xoş olmayan suallarla zəngin müsahibəyə razılıq verir. Sayrus Salli Lenqstona qarşı tələ hazırlayır, Melli, Fits və Sayrusun bir komanda kimi formalaşması göstərilir. Qek Kuinni özündən uzaqlaşdırmağa çalışsa da, ikincinin qana olan hərisliyi təhlükəli şərait yaradır.
37	8	Vermont həm də, sevgililər üçündü	Ava DuVerney	Mark Uildinq	21 noyabr 2013 (2013-11-21)	308	8.93
Oliviya və onun komandası Reminqton əməliyyatı ilə bağlı həqiqətləri araşdırmağa davam edərkən, paralel olaraq Cozi Markusun kompaniyasında yaranmış qalmaqallı şəraitin də qarşısını alır. Kuinn və Çarli arasındakı mürəkkəb münasibət inkişaf edir. Sayrus Sallinin zərərsizləşdirilməsi üçün plan hazırlasa da, həmin planın onun özünə hansı sərbə vura biləcəyini düşünmür.
38	9	YOLO	Oliver Bokelberq	Kris Van Dusen	5 dekabr 2013 (2013-12-05)	309	8.27
Oliviyanın komandası Reminqton əməliyyatı ilə bağlı həqiqətlərə yaxınlaşdıqca onların sədaqətləri sınağa çəkilir, münasibətləri isə gərginləşir. Bu arada şəxsi böhranla qarşılaşan Sayrus, həddini aşdığını başa düşür.
39	10	Çıxış yazılı qapı	Tom Verika	Zahir MakQi	12 dekabr 2013 (2013-12-12)	310	9.22
Bütün həqiqət üzə çıxdıqda, həm Ağ ev sakinləri, həm də Oliviyanın komandası həyatlarının bir daha əvvəlki kimi olmayacağını, hər kəsin öz əməlinə görə cavab verməli olacağını başa düşürlər.
40	11	Qaç, Salli, qaç	Tom Verika	Raamla Mohamed	27 fevral 2014 (2014-02-27)	311	9.32
Salli Lenqstonun gözlənilməz bəyanatı Ağ evi təlatümə gətirir. Oliviya isə özünü yeni rolda sınamağa çalışır.
41	12	Biz, birinci xanımlara toxunmuruq	Oliver Bokelberq	Hezer Mitçell	6 mart 2014 (2014-03-06)	312	8.53
Fitsə təsir edən, çoxdan unudulmuş qısqanclıq, onu reallıqla üzləşməyə məcbur edir. Kuinn В613-də özünə yer etməyə çalışır. Leo Bergen Salli və köhnə tanış arasında görüş təyin edir.
42	13	Üfüqdə günəş yoxdur	Rendi Zisk	Mett Birn	13 mart 2014 (2014-03-13)	313	8.22
Yaxşı vəziyyətdə olan Fits birinci debatına hazır olsa da, şokedici xəbər alan Oliviya çətin seçim etmək qarşısında qalır. Komanda çox nüfuzlu bir adamın adı hallanan ölüm işi ilə məşğul olur. Kiçik çirkli bir sirr ölümlə nəticələnə biləcək qədər təhlükəlidir.
43	14	Maç-maç, pif-paf	Pol MakKreyn	Mark Fiş	20 mart 2014 (2014-03-20)	314	9.08
Silah haqqında qanunun mövqeyinin möhkəmləndirilməsi üçün Salli, ABŞ atıcılar təşkilatı ilə görüş təyin edir, bunu öyrənən Ağ ev qarşı tədbir görməli olur. Oliviya və Qek şokedici xəbər öyrənirlər, Oliviyanın komandası isə gözlənilməz qonağı qəbul edir.
44	15	Anam dedi səni döyüm	Toni Qoldvin	Zahir MakQi	27 mart 2014 (2014-03-27)	315	9.01
Ağ evdə Melli, Fits və onların övladları canlı yayımda birgə müsahibəyə hazırlaşırlar. Adnan kömək üçün Harrisona müraciət edir. Atası çalışır ki, Oliviyanı В613 işlərinə qarışmaqdan çəkindirsin.
45	16	Pompa	Cennot Şvartz	Kris Van Dusen & Raamla Mohamed	3 aprel 2014 (2014-04-03)	316	9.13
Ebbi müvəqqəti olaraq Oliviyanı Ağ evdə əvəz edir. Oliviyanın komandası В613 maliyyə mənbəsini tapmağa çalışır. Rekstonun seçkiqabağı təşviqat kompaniyasında problem yaşanır.
46	17	Ət və qan	Debbi Allen	Severiano Kanales & Migel Nolla	10 aprel 2014 (2014-04-10)	317	9.23
Oliviya və onun komandası В613 qarşısı alınmış əməliyyatının fəsadlarını aradan qaldırmağa çalışır. Fitsin seçkiqabağı kompaniyasında geriləmə yaşanır. Aydan və Maya növbəti addımlarını planlaşdırırlar.
47	18	Azad və ədalətli seçkilərin dəyəri	Tom Verika	Şonda Rayms & Mark Uildinq	17 aprel 2014 (2014-04-17)	318	10.57
Seçkilər günü yaxınlaşır, namizədlər qalib gəlmək üçün hər şeyə hazırdılar. Oliviya Mayanın motivini başa düşməyə çalışır. Çarli gözlənilməz addım atır.

İstehsal

10 may 2013-cü ildə ABC telekanalı “Qalmaqal” serialının üçüncü mövsümünün çəkiləcəyini elan edir. ABC telekanalında göstərilən digər teleseriallar (“Neşvill”, “Qisas”, “Biri var idi, biri yox idi”, “Ehtiras anatomiyası”) kimi “Qalmaqal” serialının da üçüncü mövsümü 2013-2014 efir mövsümündə iki yerə bölünmüşdür; ilk on seriya Yeni ildən əvvəl göstərilmiş və yayım 26 fevral 2014-cü ilə kimi dayandırılmışdır. 7 dekabr 2013-cü ildə ABC Studios əsas rolu canlandıran aktrisa Kerri Vaşinqtonun hamiləliyi ilə əlaqədar olaraq seriyaların sayı 22-dən 18-ə qədər azaldılıb; mövsüm finalı isə planlaşdırıldığından dörd həftə əvvəl, 17 aprel 2014-cü ildə efirə verilmişdir.

9 may 2014-cü ildə ABC telekanalı serialın dördüncü mövsümünün çəkiləcəyini və 2014-cü ilin yazında efirə veriləcəyini elan etmişdir.

Aktyor seçimi

Üçüncü mövsümün əsas aktyor heyətinə on aktyor daxildir; bütün bu aktyorlar əvvəlki mövsümlərdə rol almışdılar, yeddi aktyor isə birinci mövsümdən əsas aktyor heyətində qalmışdır. Kerri Vaşinqton serialın protaqonisti, böhran meneceri işi ilə məşğul olan keçmiş Ağ ev ictimayətlə əlaqələr direktoru Oliviya Poup rolunda geri qayıtmışdır. Skott Foli Kapitan Ceyk Ballard rolunu canlandırmışdır. Kolambus Şort Oliviyanın şirkət işçisi Harrison Rayt, Derbi Stençfild Ebbi Uilan rolunu canlandırmışdır. Keti Lous mövsümün ortasında, B613-də işləmək üçün Oliviyanın şirkətini tərk etmiş Kuin Perkins, Gilyermo Dias ciddi psixoloji problemləri olan Qek rolunu canlandırmışdır. Ceff Perri həyat yoldaşı ölmüş Ağ ev aparatının rəhbəri Sayrus Bin rolunu canlandırmışdır. Coşua Malina federal prokuror vəzifəsinə bərpa olunmuş Devid Rouzeni canlandırmışdır. Bellami Yanq vitse-prezident Endryu Nikolsla romanı olan birinci xanım Melli Qrantı, Toni Qolduin isə prezident III Fitcerald “Fits” Tomas Qrantı canlandırmağa davam etmişdir.

14 iyun 2013-cü ildə aktyor Skott Folinin əsas heyət aktyoru kimi çıxış edəcəyi elan olunmuşdur. 28 avqust 2013-cü ildə aktrisa Liza Kudrounun üçüncü mövsümün bir neçə seriyasında konqresvumen Cozefina Markus rolunu canlandıracağı təsdiqlənmişdir. Daha sonra Şonda Rayms, özünün “Şəxsi təcrübə” adlı tamamlanmış serialında oynamış aktyor Pol Adelşteyni Oliviyanın rəqibi olan Leo Bergen roluna dəvət etmişdir. 23 sentyabr 2013-cü ildə aktrisa Salli Pressmanın konqresvumen Cozi Markusun bacısını canlandıracağı elan edilmişdir. Aktyor Cek Koulman vitse –prezident Salli Lenqstonun həyat yoldaşı Deniel Duqlas rolu ilə serialın aktyor heyətinə qoşulmuşdur.

5 noyabr 2013-cü ildə aktrisa Handi Aleksanderin Oliviyanın anasını canlandıracağı və onun personajının mövsümün süjetinin inkişafına ciddi təsir edəcəyi elan edilmişdir. 6 dekabr 2013-cü ildə Con Tenni vitse-prezident kürsüsünə namizəd və birinci xanımın sevgilisi Endryu Nikols rolunu canlandırmışdır. 6 fevral 2014-cü ildə Dilan Minnettt və Madlen Kerrollun prezidentin övladları Cerri və Kareni canlandıracaqları bildirilmişdir.

Qəbulu

“Qalmaqal” serialının üçüncü mövsümü tənqidçilər tərəfindən müsbət qarşılanmış, əksər tənqidçilər ikinci mövsümdə əldə edilmiş yüksək nəticənin üçüncü mövsümdə də saxlanması ilə serialın gözlənilən ümidləri doğrultduğunu qeyd etmişlər. Rəy aqqreqatoru Rotten Tomatoes 7 tənqidçinin rəyi əsasında filmi 100 % təravətli 9/10 balla qiymətləndirmişdir. Saytın konsesusunda deyilir ki, “Qalmaqalın üçüncü mövsümündə personajların çiçək kimi açılması sayəsində serial valehedici olmuşdur.” Üçüncü mövsümün premyerası sosial şəbəkələrdə 712877 müzakirəyə səbəb olaraq cümə axşamı gecə yayımlanan ən məşhur şou olmuşdur. Baş rol ifaçısı Kerri Vaşinqton canlandırdığı personaja görə Emmi və Qızıl qlobus mükafatlarına namizəd göstərilmişdir.

Üçüncü mövsümün pemyerası ekranların qarşısına 10,5 milyon izləyici toplaya bilmişdir ki, bu da ikinci mövsümün birinci seriyasının göstəricisindən 71 % çox olmuşdur. Mövsümün final seriyasını 10.5 milyon nəfər izləmişdir ki, bu da ikinci mövsümün final seriyasının göstəricisindən 15 % çoxdur. Üçüncü mövsümün ortalama izləyici sayı 11,5 milyon olmuşdur ki, bu da ikinci mövsümün göstəricilərini 39 % artıq olmuşdur. Beləliklə, “Qalmaqal” serialının üçüncü mövsümü ABŞ-da 2013-2014 televiziya mövsümünün ən reytinqli serialı olmuşdur.

Mükafat və nominasiyalar

Mükafat	Kateqoriya	Nominant	Nəticə
BET Awards	Ən yaxşı aktrisa	Kerri Vaşinqton	Qazandı
Tənqidçilərin Seçimi Televiziya mükafatı	Dram teleserialında ən yaxşı ikinci plan aktrisası	Bellami Yanq	Qazandı
	Dram teleserialında ən yaxşı qonaq aktyor	Co Morton	Nominasiya
Dorian mükafatı	İlin TV performansı - aktrisa	Kerri Vaşinqton	Nominasiya
Qızıl qlobus mükafatı	Seriallarda ən yaxşı aktyora görə Qızıl Qlobus mükafatı - drama	Kerri Vaşinqton	Nominasiya
Qreysi mükafatı	Əlamətdar dram	Qalmaqal	Qazandı
NAACP Image Awards	Əlamətdar dram serialı	Qalmaqal	Qazandı
	Dram serialında əlamətdar aktrisa	Kerri Vaşinqton	Qazandı
	Dram serialında əlamətdar ikinci plan aktyoru	Co Morton	Qazandı
	Dram serialında əlamətdar ikinci plan aktyoru	Kolumbus Şort	Nominasiya
	Dram serialında əlamətdar ikinci plan aktyoru	Gilyermo Dias	Nominasiya
	Dram serialında əlamətdar ssenari	Zahir MakQi ("Anam dedi səni döyüm")	Nominasiya
Praymtaym Emmi mükafatı	Dram serialında əlamətdar aktrisa	Kerri Vaşinqton	Nominasiya
Kreativ sənətlər Emmi mükafatı	Dram serialında əlamətdar qonaq aktyor	Co Morton	Qazandı
	Dram serialında əlamətdar qonaq aktrisa	Keyt Börton	Nominasiya
Prizma mükafatı	Drama Series Episode – Substance Use ("Bağdakı ilan")		Qazandı
	Performance in a Drama Series Episode ("Bağdakı ilan")	Toni Qoldvin	Nominasiya
Ekran aktyorları gildiyasının mükafatı	Dram serialında əlamətdar aktrisa performansı	Kerri Vaşinqton	Nominasiya
Vijn mükafatı	Ən yaxşı dram	Qalmaqal	Qazandı

Reytinqlər

Live + SD reytinqlər

Serialda No.	Mövsümdə No.	Seriya	Efir tarixi	Vaxt intervalı (EST)	Reytinq/yayım (18–49)	İzləyicilər (mil/)	18–49 reytinq	İzləyici reytinqi	Drama reytinqi
30	1	"Hər şey qaydasındadır"	3 oktyabr 2013 (2013-10-03)	Cümə axşamı 10:00 p.m.	3.6/10	10.52	10	19	1
31	2	"Şam yeməyinə gələn qonaq"	10 oktyabr 2013 (2013-10-10)		3.1/9	9.01	8	24	2
32	3	"Mrs. Smit Vaşinqtona yola düşür"	17 oktyabr 2013 (2013-10-17)		3.3/10	9.51	7	19	1
33	4	"Balaca dostuma salam de"	24 oktyabr 2013 (2013-10-24)		2.9/8	8.62	15	N/a	3
34	5	"Daha çox inək, daha az gübrə"	31 oktyabr 2013 (2013-10-31)		2.9/9	9.18	11	23	3
35	6	"İkar"	7 noyabr 2013 (2013-11-07)		2.8/8	8.66	12	N/a	3
36	7	"Melli hər şey üzünə"	14 noyabr 2013 (2013-11-14)		2.9/9	9.04	12	25	4
37	8	"Vermont həm də, sevgililər üçündü"	21 noyabr 2013 (2013-11-21)		2.9/8	8.93	12	25	2
38	9	"YOLO"	5 dekabr 2013 (2013-12-05)		3.0/8	8.27	12	24	2
39	10	"Çıxış yazılı qapı"	12 dekabr 2013 (2013-12-12)		3.2/10	9.22	9	18	1
40	11	"Qaç, Salli, qaç"	27 fevral 2014 (2014-02-27)		3.4/10	9.32	8	21	1
41	12	"Biz, birinci xanımlara toxunmuruq"	6 mart 2014 (2014-03-06)		2.8/8	8.53	8	25	2
42	13	"Üfüqdə günəş yoxdur"	13 mart 2014 (2014-03-13)		2.8/8	8.22	8	25	2
43	14	"Maç-maç, pif-paf"	20 mart 2014 (2014-03-20)		2.9/9	9.08	3	16	1
44	15	"Anam dedi səni döyüm"	27 mart 2014 (2014-03-27)		3.1/9	9.01	6	17	1
45	16	"Pompa"	3 aprel 2014 (2014-04-03)		2.9/9	9.13	7	19	1
46	17	"Ət və qan"	10 aprel 2014 (2014-04-10)		3.0/9	9.23	5	16	1
47	18	"Azad və ədalətli seçkilərin dəyəri"	17 aprel 2014 (2014-04-17)		3.4/11	10.57	2	8	1

Live + 7 Day (DVR) reytinqlər

Serialda No.	Mövsümdə No.	Seriya	Efir vaxtı	Vaxt intervalı (EST)	18–49 reytinq	İzləyicilər (mil.)	Ümumi 18-49	Ümumi izləyicilər (mil.)	İst.
30	1	"Hər şey qaydasındadır"	3 oktyabr 2013 (2013-10-03)	Cümə axşamı 10:00 p.m.	1.3	3.32	4.9	13.84
31	2	"Şam yeməyinə gələn qonaq"	10 oktyabr 2013 (2013-10-10)		1.5	3.76	4.6	12.76
32	3	"Mrs. Smit Vaşinqtona yola düşür"	17 oktyabr 2013 (2013-10-17)		1.6	3.94	4.9	13.45
33	4	"Balaca dostuma salam de"	24 oktyabr 2013 (2013-10-24)		1.6	4.02	4.5	12.64
34	5	"Daha çox inək, daha az gübrə"	31 oktyabr 2013 (2013-10-31)		1.7	3.89	4.6	13.07
35	6	"İkar"	7 noyabr 2013 (2013-11-07)		1.6	4.16	4.4	12.81
36	7	"Melli hər şey üzünə"	14 noyabr 2013 (2013-11-14)		1.7	4.07	4.6	13.11
37	8	"Vermont həm də, sevgililər üçündü"	21 noyabr 2013 (2013-11-21)		1.6	3.94	4.5	12.88
38	9	"YOLO"	5 dekabr 2013 (2013-12-05)		1.5	3.92	4.5	12.20
39	10	"Çıxış yazılı qapı"	12 dekabr 2013 (2013-12-12)		1.4	3.67	4.6	13.04
40	11	"Qaç, Salli, qaç"	27 fevral 2014 (2014-02-27)		1.5	4.11	4.9	13.43
41	12	"Biz, birinci xanımlara toxunmuruq"	6 mart 2014 (2014-03-06)		1.6	4.09	4.4	12.62
42	13	"Üfüqdə günəş yoxdur"	13 mart 2014 (2014-03-13)		1.7	4.22	4.4	12.42
43	14	"Maç-maç, pif-paf"	20 mart 2014 (2014-03-20)		1.5	3.80	4.4	12.88
44	15	"Anam dedi səni döyüm"	27 mart 2014 (2014-03-27)		1.6	3.87	4.7	12.89
45	16	"Pompa"	3 aprel 2014 (2014-04-03)		1.6	3.72	4.5	12.85
46	17	"Ət və qan"	10 aprel 2014 (2014-04-10)		1.8	4.24	4.8	13.47
47	18	"Azad və ədalətli seçkilərin dəyəri"	17 aprel 2014 (2014-04-17)		1.5	3.81	4.9	14.39

DVD çıxışı

Scandal: The Complete Third Season
Dəstə daxildir			Xüsusi əlavələr
18 seriya (1 əlavə seriya) 3 disk English (Dolby Digital 5.1 Surround) English SDH, Spanish and French subtitrlarla			Finale Extended Episode See the Locations at Set Spotlight Cast Piece: Jeff Perry Deleted Scenes Bloopers
Çıxış tarixi
Region 1			Region 2
23 sentyabr 2014			19 yanvar 2015

İstinadlar

1. Amanda Kondolojy. "ABC Sets Premiere Dates for 2013-2014 Season Including 'Marvel's Agents of S.H.I.E.L.D.', 'Once Upon a Time in Wonderland' & More". TV by the Numbers. 2013-07-16. 2013-07-20 tarixində orijinalından arxivləşdirilib. İstifadə tarixi: 17 may 2018.
2. Kondolojy, Amanda. . TV by the Numbers. May 9, 2014. 9 May 2014 tarixində orijinalından arxivləşdirilib. İstifadə tarixi: 17 may 2018.
3. Philiana Ng. "'Scandal' Books 'Dead Like Me' Star for Season 3 (Exclusive)". The Hollywood Reporter. 19 августа 2013. İstifadə tarixi: 18 may 2018.
4. Bibel, Sara. . TV by the Numbers. October 4, 2013. 10 October 2013 tarixində orijinalından arxivləşdirilib. İstifadə tarixi: 17 may 2018.
5. Kondolojy, Amanda. . TV by the Numbers. October 11, 2013. 12 October 2013 tarixində orijinalından arxivləşdirilib. İstifadə tarixi: 17 may 2018.
6. Bibel, Sara. . TV by the Numbers. October 18, 2013. 21 October 2013 tarixində orijinalından arxivləşdirilib. İstifadə tarixi: 17 may 2018.
7. Kondolojy, Amanda. . TV by the Numbers. October 25, 2013. 28 October 2013 tarixində orijinalından arxivləşdirilib. İstifadə tarixi: 17 may 2018.
8. Bibel, Sara. . TV by the Numbers. November 1, 2013. 4 November 2013 tarixində orijinalından arxivləşdirilib. İstifadə tarixi: 17 may 2018.
9. Kondolojy, Amanda. . TV by the Numbers. November 8, 2013. 8 November 2013 tarixində orijinalından arxivləşdirilib. İstifadə tarixi: 17 may 2018.
10. Bibel, Sara. . TV by the Numbers. November 15, 2013. 18 November 2013 tarixində orijinalından arxivləşdirilib. İstifadə tarixi: 17 may 2018.
11. Kondolojy, Amanda. . TV by the Numbers. November 22, 2013. 24 November 2013 tarixində orijinalından arxivləşdirilib. İstifadə tarixi: 17 may 2018.
12. Kondolojy, Amanda. . TV by the Numbers. December 6, 2013. 9 December 2013 tarixində orijinalından arxivləşdirilib. İstifadə tarixi: 17 may 2018.
13. Bibel, Sara. . TV by the Numbers. December 13, 2013. 14 December 2013 tarixində orijinalından arxivləşdirilib. İstifadə tarixi: 17 may 2018.
14. Kondolojy, Amanda. . TV by the Numbers. February 28, 2014. 4 March 2014 tarixində orijinalından arxivləşdirilib. İstifadə tarixi: 17 may 2018.
15. Bibel, Sara. . TV by the Numbers. March 7, 2014. 8 March 2014 tarixində orijinalından arxivləşdirilib. İstifadə tarixi: 17 may 2018.
16. Kondolojy, Amanda. . TV by the Numbers. March 14, 2014. 14 March 2014 tarixində orijinalından arxivləşdirilib. İstifadə tarixi: 17 may 2018.
17. Bibel, Sara. . TV by the Numbers. March 21, 2014. 1 June 2016 tarixində orijinalından arxivləşdirilib. İstifadə tarixi: 17 may 2018.
18. . 28 March 2014 tarixində orijinalından arxivləşdirilib. İstifadə tarixi: 17 may 2018.
19. Bibel, Sara. . TV by the numbers. April 4, 2014. 7 April 2014 tarixində orijinalından arxivləşdirilib. İstifadə tarixi: 17 may 2018.
20. Kondolojy, Amanda. . TV by the Numbers. April 11, 2014. 13 April 2014 tarixində orijinalından arxivləşdirilib. İstifadə tarixi: 17 may 2018.
21. Bibel, Sara. . TV by the Numbers. April 18, 2014. 19 April 2014 tarixində orijinalından arxivləşdirilib. İstifadə tarixi: 17 may 2018.
22. Lynette Rice. "ABC renews 'Nashville,' 'Scandal, 'Grey's Anatomy' and more". Entertainment Weekly. 2013-05-10. 2013-05-14 tarixində arxivləşdirilib. İstifadə tarixi: 18 may 2018.
23. Lesley Goldberg. "ABC Formalizes Split-Season Lineup". The Hollywood Reporter. 2013-08-04. 2013-08-14 tarixində arxivləşdirilib. İstifadə tarixi: 18 may 2018.
24. "Scoop: Scandal Season 3 Episode Order Trimmed in Wake of Kerry Washington's Pregnancy News". tvline.com. İstifadə tarixi: 18 may 2018.
25. Kondolojy, Amanda. . TV by the Numbers. May 9, 2014. 9 May 2014 tarixində orijinalından arxivləşdirilib. İstifadə tarixi: 18 may 2018.
26. Lesley Goldberg. "'Scandal' Promotes Scott Foley to Series Regular for Season 3". The Hollywood Reporter. 14 июня 2013. İstifadə tarixi: 18 may 2018.
27. "'Scandal' Welcomes Lisa Kudrow, But Has A 'Fan' Blog Scandal Of Its Own (VIDEO)". The Huffington Post. October 25, 2013. İstifadə tarixi: 18 may 2018. (#apostrophe_markup)
28. "'Scandal' Taps 'Friends' Star Lisa Kudrow for Season 3". Hollywoodreporter.com. August 28, 2013. İstifadə tarixi: 18 may 2018.
29. Sandra Gonzalez. "'Scandal' books 'Private Practice' alum Paul Adelstein". Entertainment Weekly. 9 сентября 2013. İstifadə tarixi: 18 may 2018.
30. Michael Ausiello. "'Scandal' Season 2: Sally Pressman Joins Cast". TVLine. September 23, 2013. İstifadə tarixi: 18 may 2018.
31. "Heroes' Jack Coleman Joins Scandal in Season 3 - Today's News: Our Take". TVGuide.com. September 24, 2013. İstifadə tarixi: 18 may 2018.
32. "'Scandal' Casts 'Treme' Star to Play Olivia's Mother (Exclusive)". Hollywoodreporter.com. November 17, 2011. İstifadə tarixi: 18 may 2018.
33. "Khandi Alexander Will Play Olivia Pope's Mother On 'Scandal' | Shadow and Act". Blogs.indiewire.com. İstifadə tarixi: 18 may 2018.
34. Slezak, Michael. "Scandal Season 3: Khandi Alexander Cast as Olivia's Mother — Is She Alive?". TVLine. İstifadə tarixi: 18 may 2018.
35. "Scandal Exclusive: The Closer's Jon Tenney Joins Season 3 Cast as Love Interest for [Spoiler]". TVLine. February 8, 2014. İstifadə tarixi: 18 may 2018.
36. Webb Mitovich, Matt. "Scandal Exclusive: Dylan Minnette, Other Lost Alum Cast as Fitz and Mellie's Kids". TVLine. February 7, 2014. İstifadə tarixi: 18 may 2018.
37. "Scandal Review: Can You Handle This?". TV Fanatic. İstifadə tarixi: 18 may 2018.
38. Talarico, Brittany. . People.com. January 14, 2013. 6 October 2013 tarixində orijinalından arxivləşdirilib. İstifadə tarixi: 18 may 2018.
39. . TheWrap. October 1, 2013. October 4, 2013 tarixində orijinalından arxivləşdirilib. İstifadə tarixi: October 5, 2013.
40. ' + data.results.personName + '. "'Scandal' Season 3 premiere: Olivia springs to action in 'It's Handled,' as the show returns on top - Zap2it". Blog.zap2it.com. İstifadə tarixi: 18 may 2018.
41. "SCANDAL: SEASON 3 (2013-2014)". Rotten Tomatoes. İstifadə tarixi: 18 may 2018.
42. "'Scandal' Season 3 Debuts w/ Historic Ratings! 10.5 Million Viewers + 712,877 Tweets | Shadow and Act". Blogs.indiewire.com. İstifadə tarixi: 18 may 2018.
43. "TV Ratings: 'Scandal' Surges to Series Highs, 'Millers' Debuts Well - Sean Hayes Less So". Hollywoodreporter.com. November 17, 2011. İstifadə tarixi: 18 may 2018.
44. Lee, Stephan. "'Scandal' returns to best ratings yet, but new shows debut low | Inside TV | EW.com". Insidetv.ew.com. İstifadə tarixi: 18 may 2018.
45. Bibel, Sara. . TV by the Numbers. April 18, 2014. 19 April 2014 tarixində orijinalından arxivləşdirilib. İstifadə tarixi: 18 may 2018.
46. "ABC's 'Scandal' Heads to BET in Early Syndication Deal (Exclusive)". Hollywoodreporter.com. July 15, 2013. İstifadə tarixi: 18 may 2018.
47. Kondolojy, Amanda. . TV by the Numbers. October 8, 2013. 13 October 2013 tarixində orijinalından arxivləşdirilib. İstifadə tarixi: 18 may 2018.
48. Bibel, Sara. . TV by the Numbers. October 15, 2013. 2 November 2013 tarixində orijinalından arxivləşdirilib. İstifadə tarixi: 18 may 2018.
49. Kondolojy, Amanda. . TV by the Numbers. October 22, 2013. 28 October 2013 tarixində orijinalından arxivləşdirilib. İstifadə tarixi: 18 may 2018.
50. Bibel, Sara. . TV by the Numbers. October 29, 2013. 4 November 2013 tarixində orijinalından arxivləşdirilib. İstifadə tarixi: 18 may 2018.
51. Kondolojy, Amanda. . TV by the Numbers. November 5, 2013. 8 November 2013 tarixində orijinalından arxivləşdirilib. İstifadə tarixi: 18 may 2018.
52. Bibel, Sara. . TV by the Numbers. November 12, 2013. 16 November 2013 tarixində orijinalından arxivləşdirilib. İstifadə tarixi: 18 may 2018.
53. Kondolojy, Amanda. . TV by the Numbers. November 19, 2013. 19 September 2015 tarixində orijinalından arxivləşdirilib. İstifadə tarixi: 18 may 2018.
54. Bibel, Sara. . TV by the numbers. November 26, 2013. 10 April 2014 tarixində orijinalından arxivləşdirilib. İstifadə tarixi: 18 may 2018.
55. Bibel, Sara. . Tv by the numbers. December 10, 2013. 4 May 2014 tarixində orijinalından arxivləşdirilib. İstifadə tarixi: 18 may 2018.
56. Kondolojy, Amanda. . December 17, 2013. 12 April 2014 tarixində orijinalından arxivləşdirilib. İstifadə tarixi: 18 may 2018.
57. Bibel, Sara. . TV by the numbers. March 4, 2014. 7 March 2014 tarixində orijinalından arxivləşdirilib. İstifadə tarixi: 18 may 2018.
58. Kondolojy, Amanda. . TV by the numbers. March 11, 2014. 15 March 2014 tarixində orijinalından arxivləşdirilib. İstifadə tarixi: 18 may 2018.
59. Bibel, Sara. . March 18, 2014. 22 March 2014 tarixində orijinalından arxivləşdirilib. İstifadə tarixi: 18 may 2018.
60. Kondolojy, Amanda. . March 25, 2014. 28 March 2014 tarixində orijinalından arxivləşdirilib. İstifadə tarixi: 18 may 2018.
61. Bibel, Sara. . April 1, 2014. 4 April 2014 tarixində orijinalından arxivləşdirilib. İstifadə tarixi: 18 may 2018.
62. Kondolojy, Amanda. . TvV by the numbers. April 8, 2014. 8 April 2014 tarixində orijinalından arxivləşdirilib. İstifadə tarixi: 18 may 2018.
63. Bibel, Sara. . TV by the Numbers. April 15, 2014. 16 April 2014 tarixində orijinalından arxivləşdirilib. İstifadə tarixi: 18 may 2018.
64. Kondolojy, Amanda. . TV by the Numbers. April 22, 2014. 24 April 2014 tarixində orijinalından arxivləşdirilib. İstifadə tarixi: 18 may 2018.
65. Bibel, Sara. . TV by the numbers. October 20, 2013. 21 October 2013 tarixində orijinalından arxivləşdirilib. İstifadə tarixi: 18 may 2018.
66. Kondolojy, Amanda. . TV by the Numbers. 27 October 2013. 29 October 2013 tarixində orijinalından arxivləşdirilib. İstifadə tarixi: 18 may 2018.
67. Bibel, Sara. . November 7, 2013. 5 November 2013 tarixində orijinalından arxivləşdirilib. İstifadə tarixi: 18 may 2018.
68. Bibel, Sara. . November 11, 2013. 11 November 2013 tarixində orijinalından arxivləşdirilib. İstifadə tarixi: 18 may 2018.
69. Kondolojy, Amanda. . TV by the numbers. November 18, 2013. 20 November 2013 tarixində orijinalından arxivləşdirilib. İstifadə tarixi: 18 may 2018.
70. Bibel, Sara. . November 25, 2014. 27 November 2013 tarixində orijinalından arxivləşdirilib. İstifadə tarixi: 18 may 2018.
71. Kondolojy, Amanda. . December 3, 2013. 7 December 2013 tarixində orijinalından arxivləşdirilib. İstifadə tarixi: 18 may 2018.
72. Bibel, Sara. . December 9, 2013. 11 December 2013 tarixində orijinalından arxivləşdirilib. İstifadə tarixi: 18 may 2018.
73. Bibel, Sara. . December 23, 2013. 24 December 2013 tarixində orijinalından arxivləşdirilib. İstifadə tarixi: 18 may 2018.
74. Kondolojy, Amanda. . December 30, 2013. 30 December 2013 tarixində orijinalından arxivləşdirilib. İstifadə tarixi: 18 may 2018.
75. Bibel, Sara. . March 17, 2014. 18 March 2014 tarixində orijinalından arxivləşdirilib. İstifadə tarixi: 18 may 2018.
76. Kondolojy, Amanda. . TV by the numbers. March 24, 2014. 24 March 2014 tarixində orijinalından arxivləşdirilib. İstifadə tarixi: 18 may 2018.
77. Bibel, Sara. . March 31, 2014. 3 April 2014 tarixində orijinalından arxivləşdirilib. İstifadə tarixi: 18 may 2018.
78. Kondolojy, Amanda. . April 7, 2014. 16 August 2014 tarixində orijinalından arxivləşdirilib. İstifadə tarixi: 18 may 2018.
79. Bibel, Sara. . TV by the Numbers. April 14, 2014. 15 April 2014 tarixində orijinalından arxivləşdirilib. İstifadə tarixi: 18 may 2018.
80. Kondolojy, Amanda. . TV by the Numbers. April 21, 2014. 22 April 2014 tarixində orijinalından arxivləşdirilib. İstifadə tarixi: 18 may 2018.
81. Bibel, Sara. . TV by the Numbers. April 28, 2014. 29 April 2014 tarixində orijinalından arxivləşdirilib. İstifadə tarixi: 18 may 2018.
82. Kondolojy, Amanda. . TV by the Numbers. May 5, 2014. 5 May 2014 tarixində orijinalından arxivləşdirilib. İstifadə tarixi: 18 may 2018.
83. "Scandal - Season 3 [DVD]". Amazon.co.uk. İstifadə tarixi: 18 may 2018.