Mahmud Məhəmmədov

Mahmud Məhəmmədov (28 avqust 1986, Xasavyurd, Dağıstan MSSR) — 1995-2009-cu illərdə Rusiya, 2009-2016-cı illərdə isə Azərbaycanı təmsil edən sərbəst güləşçi.

Mahmud Məhəmmədov
Mahmud Məhəmmədov 2010-cu ildə
Şəxsi məlumatlar
Tam adı	Mahmud İdrisoviç Məhəmmədov
Vətəndaşlığı	Rusiya → Azərbaycan
Doğum tarixi	28 avqust 1986(1986-08-28) (38 yaş)
Doğum yeri	Xasavyurd, Xasavyurd şəhər dairəsi^[d], Dağıstan MSSR, RSFSR, SSRİ
Boyu	168 sm. (6 ft 1 in)
İdman növü	Güləş
Karyera illəri	1995—2016
Məşqçisi	Hacı Rəşidov
Medallar Azərbaycan üçün Avropa Çempionatı Qızıl 55 Kq. Bürünc 55 Kq.

Karyerası

Mahmud Məhəmmədov 2003-cü ildə yeniyetmələr arasında Avropa Çempionatının, 2006-cı ildə isə gənclər arasında Avropa Çempionatında qalibi oldu. 2009-cu il ərzində əvvəl Rusiyada İvan Yarıgin Turnirini bürünc medalla başa vuran Mahmud Məhəmmədov daha sonra Birləşmiş Ştatlarda Dave Şultz Turnirinin qalibi oldu.

Həmin il Azərbaycan Güləş Federasiyası (AGF) Mahmud Məhəmmədovu sərbəst güləş üzrə Azərbaycan yığmasının heyətinə cəlb etdi. Bir il sonra, 2010-cu ilin aprelində Mahmud Məhəmmədov Azərbaycanda baş tutan Avropa Çempionatında bütün rəqibləri üzərində qələbə qazanaraq turnirin qızıl medalına sahib oldu. 2011-ci ildə Mahmud Məhəmmədov Almaniyada baş tutan Avropa Çempionatını isə bu səfər bürünc medalla başa vurdu. Həmin ilin iyulunda Mahmud Məhəmmədov həm də Azərbaycanın sabiq Prezidenti Heydər Əliyevin xatirəsinə həsr olunan Qızıl Qran-Pri beynəlxalq turnirinin qalibi oldu.

2012-ci ilin fevralında Yaşar Doğunun xatirəsinə həsr olunan beynəlxalq turnirində qızıl medalına sahib olan Mahmud Məhəmmədov həmin il Avropa Olimpiya Təsnifat Turniri və Dünya Olimpiya Təsnifat Turnirində uğursuz çıxış etdi və olimpiya lisenziyası əldə edə bilmədi.

2013-cü il ərzində beynəlxalq turnirlərdə mübarizə aparmayan Mahmud Məhəmmədov 2014-cü ildə Qızıl Qran-Pri beynəlxalq turnirini bürünc medalla başa vurdu. Mahmud Məhəmmədov 2016-cı ildə 30 yaşında idmanla vidalaşdı.

Nəticələri

Sıra	İl	Yarış	Ev sahibi	Nəticə
Rusiya
1	2003	Yeniyetmələrin Avropa Çempionatı	KYRM	1.
2	2006	Gənclərin Avropa Çempionatı	Macarıstan	1.
3	2009	İvan Yarıgin Turniri	Rusiya	3.
4		Dave Şultz Turniri	ABŞ	1.
Azərbaycan
5	2009	Qızıl Qran-Pri	Azərbaycan	5.
6	2010	Avropa Çempionatı	Azərbaycan	1.
7	2011	Avropa Çempionatı	Almaniya	3.
8		G. Kartozia & V. Balavadze Turniri	Gürcüstan	14.
9		Qızıl Qran-Pri	Azərbaycan	1.
10		Dünya Çempionatı	Türkiyə	15.
11	2012	Yaşar Doğu Turniri	Türkiyə	1.
12		Avropa Olimpiya Təsnifat Turniri	Bolqarıstan	7.
13		Dünya Olimpiya Təsnifat Turniri	Finlandiya	5.
14	2014	Qızıl Qran-Pri	Azərbaycan	3.
15	2016	Avropa Olimpiya Təsnifat Turniri	Serbiya	6.

İstinadlar

1. International Wrestling Database. "MAHMUD MAGOMEDOV". www.iat.uni-leipzig.de (ingilis). 2022-08-04. 2022-10-10 tarixində arxivləşdirilib. İstifadə tarixi: 02.08.2022.