Harun Əfəndi
Harun Əfəndi (d. 10 fevral 1932, Dəməşq) — Osmanlı sülaləsinin on birinci rəisi və Osmanlı şahzadəsi.
Harun Əfəndi | |||||
---|---|---|---|---|---|
هارون أفندي | |||||
| |||||
Sələfi | Dündar Əli Əfəndi | ||||
Şəxsi məlumatlar | |||||
Doğum tarixi | |||||
Doğum yeri | Dəməşq, Suriya | ||||
Atası | Mehmed Əbdülkərim Əfəndi | ||||
Anası | Nemət xanım | ||||
Həyat yoldaşı | Fərzad xanım | ||||
Uşaqları | Orxan Osmanoğlu Nurhan Osmanoğlu Əbdülhəmid Qayıhan Osmanoğlu |
Həyatı
Şahzadə Harun Əfəndi 1932-ci ildə Dəməşqdə dünyaya gəlmişdir. Atası Sultan Əbdülhəmidin oğlu Mehmed Səlim Əfəndinin oğlu Mehmed Əbdülkərim Əfəndi, anası isə onun xanımı Nemət xanım idi. Balaca Harun atasının sürgündə yaşadığı Dəməşqdə dünyaya gəlmiş, doğumundan dərhal sonra atası siyasi mübarizəylə bağlı Hindistana səfərə çıxmışdı. Atasının taxt mübarizəsi uğrunda Şərq ölkələrinə səyahət etməsi səbəbilə bundan sonrakı həyatını anasıyla keçirmişdir. 1935-ci ildə atası vəfat etmiş, bu səbəblə 2 il boyunca Beyrutdakı babası Mehmed Səlim Əfəndinin yanında qalmışdır. Ancaq babasının 1937-ci ildə vəfat etməsiylə yenidən Dəməşqə döndülər. Burada Fərzad xanımla evləndi və bu evlilikdən 3 övladı dünyaya gəldi.
- Orxan Osmanoğlu (d. 25 avqust 1963, Dəməşq) — 22 dekabr 1985-ci ildə Nuran Yıldızla evləndi və 4 övladı oldu.
- Nurhan Osmanoğlu (d. 20 noyabr 1973, Dəməşq) — 15 aprel 1994-cü ildə Samir Hashem ilə evləndi.
- Əbdülhəmid Qayıhan Osmanoğlu (d. 4 avqust 1979)
1974-cü ildə Osmanlı sülaləsinin vətənə dönməsinə icazə verən qanunla Türkiyəyə geri döndü və ailəsiylə birlikdə İstanbulda yaşamağa başladı. Böyük qardaşı Dündar Əli Əfəndinin 18 yanvar 2021-ci ildə vəfat etməsinin ardından Osmanlı sülaləsinin rəisi elan olundu.
İstinadlar
- Şehzade Harun Abdulkerim Osmanoğlu Kimdir? 2021-01-25 at the Wayback Machine
- Last heir to Ottoman throne passes away at 90