Harami yaylaqları

Harami yaylaqları — Ermənistan Respublikasının cənubunda, keçmiş Qafan rayonunda, Gığı dərəsi ərazisində yerləşən yaylaq. Yaylaqdan qədim zamanlardan Sovet dövrünə kimi Cəbrayıl, Füzuli elləri mal-qara otarılması üçün istifadə edib.

Gığı dərəsində Acıbac kəndindən yuxarıda Sarıdərə çayının başında yerləşən Harami yaylaqları qədim yaylaq yerlərindən biridir. Yaylaq ərazisində eyniadlı ərazicə iri Harami qəbiristanlığı da yerləşib ki, burada yaylaq vaxtı dünyadan köçənlər dəfn ediliblər.

Erməni qadağalarına baxmayaraq (Azərbaycanlıların Qafan rayonu ərazisindən deportasiyasına) kimi Cəbrayıl rayonunun Hovuslu, Horovlu (Horavlı), Şahvəlli (Şahvəlili), Qovşudlu (Qovşud), Mahmudlu, Çərəkən fermaları Harami yaylaqlarına gəliblər.Yaylaq yaxınlığındakı azərbaycanlı kəndləri ilə Cəbrayıl rayonunda yerləşən kəndlər arasında qohumluq münasibətləri bugünə kimi qalır.

Qeydlər

1. Mötərizə içərisində göstərilən adlar həmin kəndlərin Səməd Qarayevin «Qazangöl həsrəti» kitabında adlandırılma şəklidir.

İstinadlar

1. Səməd Qarayev. «Qazangöl həsrəti», Bakı, "Azərbaycan nəşriyyatı", 2002. səh. 17. (az.)
   Orijinal mətn  (az.)  

   Belə ki, Cəbrayıl, Füzuli elləri Harami yaylaqlarına gələrdilər. Harami yaylaqları Acıbac kəndindən yuxarı Sarıdərə çayının başında yerləşir, orada böyük bir qəbiristanlıq da var ki, ona Harami qəbiristanlığı deyilir. «Qazangöl həsrəti», Səməd Qarayev. səh. 17. (Bakı, 2002)

2. Səməd Qarayev. «Qazangöl həsrəti», Bakı, "Azərbaycan nəşriyyatı", 2002. səh. 18. (az.)
   Orijinal mətn  (az.)  

   Son zamanlar ermənilər qadağa etsələr də, Cəbrayılın Hovuslu, Horavlı, Şahvəlili, Qovşud, Mahmudlu, Çərəkən fermaları Harami yaylaqlarına gələrdilər. «Qazangöl həsrəti», Səməd Qarayev. səh. 18. (Bakı, 2002)