Hüseynağa Sadıqov (aktyor)
Hüseynağa Ələsgər oğlu Sadıqov (21 mart 1914, Bakı – 23 fevral 1983, Bakı) — Azərbaycan teatr və kino aktyoru, Azərbaycan SSR xalq artisti (1979).
| Hüseynağa Sadıqov | |
|---|---|
| Digər adı | Hüseynağa Sadıxov |
| Doğum tarixi | |
| Doğum yeri | Bakı, Bakı quberniyası, Rusiya imperiyası |
| Vəfat tarixi | (68 yaşında) |
| Vəfat yeri | Bakı, Azərbaycan SSR, SSRİ |
| Milliyyəti | azərbaycanlı |
| Vətəndaşlığı | Rusiya İmperiyası→ AXC→ SSRİ |
| Uşağı | Tamilla Sadıqova |
| Fəaliyyəti | aktyor |
| Fəaliyyət illəri | 1931–1983 |
| Teatr | Azərbaycan Dövlət Gənc Tamaşaçılar Teatrı |
| Mükafatları | |
.jpg.html){kind=link}
Həyatı
Əslən Cənubi Azərbaycanlı olan Hüseynağa Ələsgər oğlu Sadıqov 21 mart 1914-cü ildə Bakıda doğulub. Gənc Tamaşaçılar Teatrı yaranandan bir il sonra, 1930-cu ildə müsabiqə ilə kollektivin aktyor truppasına sınaq müddətinə qəbul olunub. 1931-ci il iyunun 1-də teatr truppasına aktyor götürülüb. İlk vaxtlardan ona məsul rollar tapşırılıb.
GTT-də əlli ildən çox aktyorluq etmiş sənətkarın əsas rolları bunlardır: Pitli ("Əfilər", Rabindranat Taqor), Xasay, El oğlu, Məlik ibn Səid ("Xasay", "El oğlu" və "Bir saat xəlifəlik", Abdulla Şaiq), Bobçinski, Jevakin ("Müfəttiş" və "Evlənmə", Nikolay Qoqol), Seryoja Streltsov ("Seryoca Streltsov", Valentina Lyubimova), Azad ("Azad", Əyyub Abbasov), Mirzə Qoşunəli ("Bəxtsiz cavan", Əbdürrəhim bəy Haqverdiyev), Həsən ("Yaşar", Cəfər Cabbarlı), Trufadino ("İki ağanın bir nökəri", Karlo Haldoni), Rəcəb ("Şirinbala bal yığır", Salam Qədirzadə), Səlim ("Anacan", Yusif Əzimzadə), Spid ("İki veronalı", Uilyam Şekspir), Qey ("Qar Kraliçası", Yevgeni Şvarts), Hacı Murad ("Tamahkar", Süleyman Sani Axundov), Ceyms Berten ("Ovod", Etil Voyniç), Jiront ("Skapenin kələkləri", Jan Batist Molyer), Məşədi Cabbar, Tarverdi ("Molla İbrahimxəlil kimyagər" və "Xırs quldurbasan", Mirzə Fətəli Axundzadə), Cəbi, Əhməd ("Hacı Qəmbər" və "Ağa Kərim xan Ərdəbili", Nəcəf bəy Vəzirov), kapitan ("Qavroş", Viktor Hüqonun "Səfillər" romanı üzrə səhnələş-dirənləri Zəfər Nemətov və Əli İsmayılov), Mirpaşa ("Komsomol poeması", İsgəndər Coşqun), Şah Ələmgir ("Əlvida, Hindistan!", Qeybulla Rəsulov), aptekçi ("Romeo və Cülyetta", Uilyam Şekspir), Şamdan bəy ("Şamdan bəy", Nəriman Nərimanov), Abbas ("Mənim nəğməkar bibim", Əkrəm Əylisli).
Hüseynağa Sadıqov 23 fevral 1983-cü ildə Bakıda vəfat edib.
Xatirəsi
2019-cu ilin martında Azərbaycan Dövlət Akademik Musiqili Teatrında Hüseynağa Sadıqovun 105 illik yubileyi qeyd olunmuşdur.
Təltif və mükafatları
- "Azərbaycan SSR əməkdar artisti" fəxri adı — 1 iyul 1956
- "Azərbaycan SSR xalq artisti" fəxri adı — 9 fevral 1979
- Azərbaycan SSR Lenin komsomolu mükafatı — 1967 ("Komsomol poeması" tamaşasında oynadığı Mirpaşa roluna görə)
- "Qırmızı Ulduz" ordeni — 8 mart 1945
- "İgidliyə görə" medalı — 16 sentyabr 1944
- "Qafqazın müdafiəsinə görə" medalı — 1 may 1944
- "1941-1945-ci illər Böyük Vətən müharibəsində Almaniya üzərində qələbəyə görə" medalı — 9 may 1945
- "Əməkdə fərqlənməyə görə" medalı — 9 iyun 1959
Filmoqrafiya
- Ad günü (film, 1977) (tammetrajlı bədii film) — rol: Əlinin atası
- Alma almaya bənzər (film, 1975) (tammetrajlı bədii film) — rol: Nadir
- Arvadım mənim, uşaqlarım mənim (film, 1978)
- Babamızın babasının babası (film, 1981)
- Bəxtiyar (film, 1955)
- Bir ailəlik bağ evi (film, 1978)
- Bir nömrəli… (film, 1980)
- Böyük dayaq (film, 1962)
- Buyruq və quyruq (film, 1972)
- Daha bir fənd (film, 1978)
- Dəli Kür (film, 1969)
- Dörd bazar günü (film, 1975)
- Əhməd haradadır? (film, 1963)
- Əlamət (film, 1982)
- Ələddinin sehrli çırağı (film, 1966)
- Əmək və qızılgül (film, 1962)
- Foto "Fantaziya" (film, 1970)
- Hədiyyə (film, 1974)
- İcazə (film, 1972)
- "Kazbek" qutusu (film, 1958)
- Kimdir Məmməd Məmmədov? (film, 1973)
- Qara daşlar (film, 1956)
- Qaraca qız (film, 1966) (film, kinoalmanax)
- Qədəmlərin mübarək (film, 1976)
- Müşavirə (film, 1971)
- Müstəntiq və məntiq (film, 1971)
- O qızı tapın (film, 1970)
- Od içində (film, 1978)
- Ömrün ilk saatı (film, 1973)
- Sehrli xalat (film, 1964)
- Səhər (film, 1960)
- Şərikli çörək (film, 1969)
- Telefonçu qız (film, 1962)
- Tülkü həccə gedir (film, 1971)
- Var olun, qızlar... (film, 1972)
- Yeddi oğul istərəm... (film, 1970)
- Yenilməz batalyon (film, 1965)
İstinadlar
- Səda — Novruzda dünyaya gələn görkəmli şəxsiyyətlər (22.03.2016)
- "Azərbaycan Dövlət Akademik Musiqili Teatrında Xalq artisti Hüseynağa Sadıqovun 105 illiyi qeyd olunub". mct.gov.az (azərb.). Azərbaycan Respublikası Mədəniyyət Nazirliyi. 19.03.2019. İstifadə tarixi: 2019-03-29.
- Lider TV (19.03.2019). "Xalq artisti Hüseynaga Sadıqov - 105" (azərb.). Youtube.com. İstifadə tarixi: 2019-03-29.
Mənbə
- Azəri, L. Səhnədə gülüş — efirdə hikmət: [Gənc Tamaşaçılar Teatrında Xalq artisti Hüseynağa Sadıqovun 100 illiyinə həsr edilmiş tədbir keçirilmişdir] //Mədəniyyət.- 2014.- 23 may.- S. 5.
- Kazımzadə, A. Piri babanın nağılları: Hüseynağa Sadıqov – 100 //Mədəni həyat.- 2014.- № 4.- S.76–79.
- Mükərrəmoğlu, M. Görkəmli sənətkar, parlaq istedad sahibi: Hüseynağa Sadıqov – 100 //Xalq qəzeti.- 2014.- 25 may.- S.7.
Xarici keçidlər
- Hüseynağa Sadıqovun doğum günü